ដោយ: គង់ លាងហួរ
អន្តរជាតិ: ប្រព័ន្ធផ្សព្វផ្សាយរដ្ឋចិនបានចុះផ្សាយ ដោយដកស្រង់សម្តីពីក្រុមមន្ត្រីនៃការិយាល័យហិរញ្ញវត្ថុ និងសេដ្ឋកិច្ចរបស់បក្សកុម្មុយនិស្តចិនថា សេដ្ឋកិច្ចរបស់ប្រទេសចិន នឹងជួបប្រទះលក្ខខណ្ឌអំណោយផល និងឱកាសច្រើនជាងបញ្ហាប្រឈមនៅឆ្នាំ២០២៤។
ទីភ្នាក់ងារសារពត៌មានរដ្ឋចិន Xinhua បានរាយការណ៍ថា គោលនយោបាយម៉ាក្រូសេដ្ឋកិច្ច នឹងបន្តផ្តល់ការគាំទ្រសម្រាប់ការស្តារសេដ្ឋកិច្ចចិនឡើងវិញ។
ក្រុមមន្ត្រីចិនបានអះអាងថា តម្លៃទំនិញនៅប្រទេសចិនមានកម្រិតទាប បំណុលរបស់រដ្ឋាភិបាលកណ្តាល មិនមានកម្រិតខ្ពស់ទេ ហើយលក្ខខណ្ឌជាច្រើនត្រូវបានដាក់ចេញ ដើម្បីពង្រឹងការអនុវត្តគោលនយោបាយរូបិយវត្ថុ និងសារពើពន្ធ។
ទោះជាយ៉ាងណាក្តី ការរាំងស្ទះនៅតែបន្តកើតមាន ក្នុងវដ្តសេដ្ឋកិច្ចរបស់ប្រទេសចិន ដោយសារតម្រូវការការប្រើប្រាស់ និងការវិនិ យោគរបស់សហគ្រាស នៅមិនទាន់ស្ទុះងើបឡើងវិញនៅឡើយ។
កាលពីខែវិច្ឆិកាកន្លងទៅ មូលនិធិរូបិយវត្ថុអន្តរជាតិ(IMF) បានបង្កើនការព្យាករណ៍កំណើនសេដ្ឋកិច្ចចិន ឡើងដល់៥,៤% សម្រាប់ឆ្នាំនេះ ខណៈដែលរដ្ឋាភិបាលចិន បានកំណត់គោលដៅកំណើនសេដ្ឋកិច្ចរបស់ខ្លួនក្នុងរង្វង់៥%។
យោងតាមរបាយការណ៍បានឱ្យដឹងថា ឥទ្ធិពលនៃការបោះផ្សា យលក់ប័ណ្ណរតនាគារនៅឆ្នាំនេះ ការកាត់បន្ថយអត្រាការប្រាក់ ការកាត់បន្ថយពន្ធ និងថ្លៃសេវា ព្រមទាំងគោលនយោបាយផ្សេងទៀតនឹងបន្តរហូតដល់ឆ្នាំក្រោយ។
ជាមួយគ្នានេះ ប្រទេសចិនក៏នឹងបន្តតាមដាន ទីផ្សារអចលនវត្ថុរបស់ខ្លួន ដែលកំពុងរងបញ្ហាយ៉ាងធ្ងន់ធ្ងរ និងបំពេញតម្រូវការហិរញ្ញប្បទាន ដែលសមហេតុផលរបស់បណ្តា ក្រុមហ៊ុនអចលនទ្រព្យផងដែរ។
របាយការណ៍របស់ទីភ្នាក់ងារ Xinhua បានបន្ថែមថា “ជាមួយនឹងការខិតខំប្រឹងប្រែងរួមគ្នារបស់គ្រប់ភាគី នោះគោលនយោបាយនៃការទប់ស្កាត់ហានិភ័យអចលនទ្រព្យ និងស្ថិរភាពទីផ្សារនឹងអាចសម្រេចបានយ៉ាងពេញលេញ”៕
តាមការបញ្ជាក់ពីក្រុមប្រឹក្សាអភិវឌ្ឍន៍កម្ពុជាបានលើកឡើងថាគំរោង Green Sez គឺជាការបង្កើតនូវមជ្ឈមណ្ឌលផលិតទំនិញនាំចេញបែបបៃតង ទៅកាន់ទីផ្សារអន្តរជាតិ ក្នុងគោលដៅជំរុញអោយកម្ពុជាចាប់យកកាលានុវត្តភាពថ្មីនៃខ្សែស្រវ៉ាក់ផ្គត់ផ្គង់បៃតងនៃទីផ្សារសកល ដើម្បីអាចទាក់ទាញវិនិយោគិនធំៗពីបរទេស និងគាំទ្រទៅដល់ការធ្វើពិពិធកម្មសេដ្ឋកិច្ចជាតិ រីឯសារៈសំខាន់នៃសមាសធាតុបៃតង គឺការប្រើប្រាស់ថាមពលកកើតឡើងវិញ ការគ្រប់គ្រងសំណល់ដោយចីរភាព និងគិតគូរផ្នែកបរិស្ថានចក្រា ចំពោះវិស័យសំខាន់ៗរួមមានគ្រឿងអេឡិចត្រូនិក និងវាយនភណ្ឌសំលៀកបំពាក់។
ដោយឡែកទុនវិនិយោគមានប្រមាណពី ៤០០ទៅ៨០០រយលានដុល្លារអាមេរិក ទម្រង់វិនិយោគតាមយន្តការ PPP ក្នុងទម្រង់ជាក្រុមហ៊ុនវិនិយោគទុនរួមគ្នា រវាងរាជរដ្ឋាភិបាល និងដៃគូរឯកជន ក្នុងអង្គប្រជុំនោះបានពិភាក្សាលើការពិនិត្យ និងវាយតម្លៃនូវទីតាំងគំរោងបឋមជាច្រើនទៀតដូចជា÷
ថ្នាក់ដឹកនាំក្រុមហ៊ុនខាងលើដឹកនាំដោយអ្នកនាង Esra BORA នាយិកាគ្រប់គ្រងទូទៅ ប្រចាំប្រទេសកម្ពុជា វៀតណាម ចូលជួបសម្តែងការគួរសម និងពិភាក្សាការងារ។ជំនួបនារសៀលនេះ បានប្រព្រឹត្តទៅក្រោមគោលបំណង ដើម្បីស្វែងយល់អំពីទិដ្ឋភាពទូទៅ និងបច្ចុប្បន្នភាព នៃវិស័យហេដ្ឋារចនាសម្ព័ន្ធដឹកជញ្ជូន ក៏ដូចជាប្រព័ន្ធភស្តុភារកម្មនៅកម្ពុជា ដើម្បីបានជាគន្លឹះក្នុងការបង្កើនកិច្ចសហប្រតិបត្តិការ និងពង្រីកការវិនិយោគ រវាងផ្នែករដ្ឋ និងវិស័យឯកជន។ 
លោករដ្ឋមន្រ្តី បានយកឱកាសនេះ ចង្អុលបង្ហាញនូវកាលានុវត្តភាពវិនិយោគជាច្រើនក្នុងវិស័យដឹកជញ្ជូន និងភស្តុភារកម្ម ដោយបានជម្រាបជូនអំពីគម្រោងសំខាន់ធំៗជាច្រើន ជាពិសេសគឺ ផែនការមេគ្រប់ជ្រុងជ្រោយស្តីពី ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្ម ២០២៣-២០៣៣ ដែលរាជរដ្ឋាភិបាលទើបបានអនុម័ត មាន១៧៤គម្រោង និងត្រូវការទុនវិនិយោគប្រមាណ៣៦,៦ ពាន់លានដុល្លារអាមេរិក។
បន្ទាប់ពីបានស្តាប់ការលើកឡើងរបស់លោករដ្ឋមន្រ្តី ភាគីក្រុមហ៊ុន បានសំដែងនូវចំណាប់អារម្មណ៍ខ្ពស់ លើចក្ខុវិស័យក្នុងការអភិវឌ្ឍប្រព័ន្ធដឹកជញ្ជូន និងវិស័យភស្តុភារកម្មនៅកម្ពុជា។ ជាមួយគ្នានេះ គណៈប្រតិភូក្រុមហ៊ុនបានសង្កត់ធ្ងន់ លើគម្រោងធំៗចំនួន២ គឺ គម្រោងអភិវឌ្ឍន៍ កំពង់ផែពហុបំណងខេត្តកំពត និងគម្រោងអភិវឌ្ឍន៍មជ្ឍមណ្ឌលភស្តុភារកម្មភ្នំពេញ ដោយរំពឹងថានឹងទទួលបានព័ត៌មានលម្អិតអំពីគម្រោងជាបន្តបន្ទាប់ ដើម្បីបានជាធាតុចូលក្នុងការសិក្សាឱ្យបានកាន់តែស៊ីជម្រៅ មុននឹងឈានទៅរកកិច្ចសហការណាមួយនាពេលអនាគត៕
អ្នកវិនិយោគមកពីទីក្រុងហុងកុងមួយរូប បាននិយាយក្នុងវេទិកាដែលបានរៀបចំឡើង កាលពីរាត្រីថ្ងៃទី១៩ ធ្នូថា “ខ្ញុំស្បថ បើសិនជាគ្មានAPCទេ ខ្ញុំនឹងមិនមកកម្ពុជាជាដាច់ខាត”។
APC ជាក្រុមហ៊ុនរៀបចំព្រឹត្តិការណ៍ លំដាប់អន្តរជាតិមួយនៅប្រទេសម៉ាឡេស៊ី ដែលតែងតែរៀបចំជំនួបអ្នកធុរកិច្ច និងផ្តល់ពានរង្វាន់ដល់អ្នករកស៊ីឆ្នើមនៅទូទាំងតំបន់អាស៊ាន កោះតៃវ៉ាន់ ចិន កូរ៉េ និងអ្នកវិនិយោគមកពីប្រទេសជប៉ុនជាដើម។ ស្ថាប័នAPC ត្រូវបានដឹកនាំ និងគ្រប់គ្រងដោយលោកDATO Dr Albert Tan ។
ទី៣ ប្រទេសនេះមានប្រជាជន វ័យក្មេងច្រើន ដែលអ្នកមានអាយុ៣០ឆ្នាំចុះ មានប្រមាណ៧០ភាគរយ និងទី៤ អត្រាកំណើតប្រចាំឆ្នាំស្ថិតនៅកម្រិតលើគេ ក្នុងតំបន់អាស៊ាន ដែលមានអត្រា១,២ភាគរយក្នុងមួយឆ្នាំ។ លោកបន្តថា “កម្ពុជាមានឱកាសរីកចម្រើនលឿន និងការវិនិយោគប្រសើរ ហើយបើអ្នកមានលុយគួរទិញអចលនទ្រព្យនៅទីនេះ”៕
អ្នកជំនាញបានលើកឡើងថា ការផ្គុំកំលាំងគ្នា តាមបែបរូបមន្តដែកឆក់ អាចធ្វើឲ្យផ្ការីកបាន ប៉ុន្តែតើការរីកបែបផ្កាដែក ឬផ្កាអ្វី វាអាស្រ័យលើស្ថានភាព និងយុទ្ឋសាស្រ្តដែលយើងបានដាក់ចេញ និងស្របតាមបរិបទសម័យកាលនិមួយៗ។
ទំនិញសំខាន់ៗដែលកម្ពុជា នាំទៅអាមេរិក មានដូចជា សម្លៀកបំពាក់ ផលិតផលធ្វើដំណើរ ស្បែកជើង គ្រឿងបង្គុំអេឡិចត្រូនិកអគ្គិសនី និងកង់ ខណៈទំនិញអាមេរិកនាំមកកម្ពុជា មានដូចជា រថយន្ត ឧបករណ៍អេឡិចត្រូនិក គ្រឿងម៉ាស៊ីន ផលិតផលប្រើបច្ចេកវិទ្យាទំនើបៗ និងឱសថ ជាដើម។
លោកបន្តថា ទោះជាយ៉ាងនេះក្តី កំណើនសេដ្ឋកិច្ច ដែលបានព្យាករខាងលើ គឺមានសភាពល្អបំផុត បើធៀបនឹងរយៈពេល៣ឆ្នាំចុងក្រោយនេះ។
លោកបណ្ឌិត ម៉ី កល្យាណ បានអះអាងថា វិធានការទាំងនេះក៏នឹងធ្វើឲ្យប្រសើរឡើងនូវជំហររបស់កម្ពុជា ក្នុងការទាញយកអត្ថប្រយោជន៍កាន់តែច្រើន តាមរយៈកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីកម្ពុជា-ចិន (CCFTA) ដែលនឹងជួយជំរុញកំណើនសេដ្ឋកិច្ចរបស់កម្ពុជា។
សូមជម្រាបថា កំណាត់ផ្លូវជាតិលេខ៣ កំពត-វាលរេញ មានប្រវែងសរុប ៥៤,៣ គីឡូម៉ែត្រ ក្នុងនោះធនាគារពិភពលោក បានផ្ដល់ថវិកាស្ដារកំណាត់ផ្លូវនេះបានចំនួន ៣៤ គីឡូម៉ែត្ររួចហើយ ដោយឡែកកំណាត់ផ្លូវពីចំណុចត្រពាំងរពៅ ឃុំព្រែកត្នោត ស្រុកទឹកឈូ ខេត្តកំពត ទៅដល់ផ្លូវបំបែកវាលរេញ ស្រុកព្រៃនប់ ខេត្តព្រះសីហនុ ត្រូវបានសាងសង់ និងលើកកម្រិតគុណភាពជាច្រើនលើកច្រើនសារមកហើយ ប៉ុន្តែកំណាត់ផ្លូវប្រវែងប្រមាណ ២០គីឡូម៉ែត្រខាងលើនេះ តែងតែរងការខូចខាតទៅវិញ បន្ទាប់ពីការសាងសង់រួចរយៈពេលខ្លី។
កំណាត់ផ្លូវនេះ តែងតែឆាប់ឆាប់ខូចទៅវិញ បន្ទាប់ពីជួសជុលហើយ ដោយសារតែស្ថានភាពដីនៅតំបន់នេះ ជាប្រភេទដីស្អុយ បៀមទឹកខ្លាំង ដែលមានជម្រៅអតិបរមាប្រមាណជិត ១៨ម៉ែត្រ (ដោយកន្លែង)។ ដើម្បីឱ្យការស្ថាបនាកំណាត់ផ្លូវនេះឡើងវិញជាប់ធន់បានយូរ ទាមទារការប្រើប្រាស់បច្ចេកសាងសង់ខ្ពស់ ជាពិសេសការសាងសង់គ្រឹះទម្រស្រទាប់កម្រាលផ្លូវតែម្តង៕
