ដំណឹងល្អ: កម្ពុជាឈ្នះពានរង្វាន់ជាគោលដៅទេសចរណ៍វប្បធម៌ឈានមុខគេប្រចាំតំបន់អាស៊ីជាថ្មីម្តងទៀត

ដោយៈ គង់ លាងហួរ

ភ្នំពេញ: យោងតាមគេហទំព័រក្រសួងទេសចរណ៍ បានឱ្យដឹងនៅថ្ងៃទី២៨ ខែកុម្ភៈនេះថា កម្ពុជាជាប់ចំណាត់ថ្នាក់ទី១ ក្នុងនាមជាគោលដៅទេសចរណ៍ បែបវប្បធម៌ល្អជាងគេ នៅតំបន់អាស៊ីជាថ្មីម្តងទៀត សម្រាប់ឆ្នាំ២០២៣។

ក្រសួងទេសចរណ៍លើកឡើងថា “សមិទ្ធិផលដ៏គួរឱ្យកត់សម្គាល់នេះ បានបញ្ជាក់សារជាថ្មីអំពីភាពទាក់ទាញរបស់កម្ពុជា ជាគោលដៅទេសចរណ៍ ដែលត្រូវតែទៅទស្សនា សម្រាប់អ្នកមានចំណាប់អារម្មណ៍អំពីវប្បធម៌”។

យោងតាមគេហទំព័រ World Travel Award បានបញ្ចេញរបាយការណ៍មួយ កាលពីពេលថ្មីៗនេះថា “ឆ្នាំ២០២៣ គឺជាឆ្នាំទី២ ដែលកម្ពុជាបន្តឈ្នះបានពានរង្វាន់ ក្នុងនាមជាប្រទេសដែលមានគោលដៅទេសចរណ៍ បែបវប្បធម៌ល្អជាងគេបំផុតទី១ ប្រចាំតំបន់អាស៊ី ខណៈកាលពីឆ្នាំ២០២២ កម្ពុជាក៏ឈរនៅលំដាប់កំពូលតារាង និងទទួលបានពានរង្វាន់ ជាគោលដៅទេសចរណ៍វប្បធម៌ឈានមុខគេរបស់តំបន់អាស៊ីផងដែរ” ។

កាលពីឆ្នាំ២០២២ កម្ពុជាមិនត្រឹមតែកាន់កាប់តំណែងជាប្រទេស ដែលមានគោលដៅទេសចរណ៍វប្បធម៌ ល្អបំផុតប្រចាំតំបន់អាស៊ីប៉ុណ្ណោះទេ ប៉ុន្តែកម្ពុជាក៏បានឈ្នះពានរង្វាន់ ជាប្រទេសដែលមានគោលដៅទេសចរណ៍យុវជន ឈានមុខគេប្រចាំតំបន់អាស៊ីផងដែរ។

ចំណែកឯ គោលដៅទេសចរណ៍ ដែលមានភាពល្បីល្បាញខ្លាំងជាងគេ និងតំណាងឱ្យកេរ្តិ៍ឈ្មោះកម្ពុជា រួមមានប្រាសាទអង្គរវត្ត និងតំបន់ឆ្នេរសមុទ្រ ដ៏ស្រស់ស្អាតនៅខេត្តព្រះសីហនុ ខណៈដែលកាលពីឆ្នាំ២០២៣កន្លងទៅ កម្ពុជាទាក់ទាញបានភ្ញៀវទេសចរអន្តរជាតិជាង៥,៤៥លាននាក់៕

សម្តេចធិបតីលើកទឹកចិត្តឲ្យមេធនាគារMay Bankពិនិត្យលទ្ឋភាពវិនិយោគលើអាហារហាឡាល់នៅកម្ពុជា

ដោយៈ គង់ ម៉ាលីនណា

ម៉ាឡេស៊ីៈ សម្ដេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានលើកទឹកចិត្ត ដល់ធនាគារពិនិត្យលទ្ធភាព លើការវិនិយោគលើការកសាងប្រព័ន្ធអេកូស៊ី ស្ទឹមអាហារហាឡាល់នៅកម្ពុជា។

សម្តេចបានថ្លែងបែបនេះ ក្នុងពេលអនុញ្ញាត្តឱ្យលោក Dato’ Khairussaleh Ramli ប្រធាន និងជានាយកប្រតិបត្តិធនាគារ Maybank និងសហការី ចូលជួបសម្តែងការគួរសម និងពិភាក្សាការងារ ក្នុងឱកាសនៃដំណើរបំពេញទស្សនកិច្ចផ្លូវការ នៅប្រទេសម៉ាឡេស៊ីកាលពីថ្ងៃទី២៧ កុម្ភៈកន្លងមកនេះ។

សម្តេចបានបន្តថា ធនាគារMay Bank ជាតួអង្គមួយយ៉ាងសំខាន់នៅក្នុងវិស័យហិរញ្ញវត្ថុ ដែលនឹងជួយសម្របសម្រួលដល់ អតិថិជន និងតួអង្គពាក់ព័ន្ធនានាក្នុងប្រព័ន្ធនេះ និងបានជំរុញឱ្យធានាគារសហការជាមួយស្ថាប័នពាក់ព័ន្ធ នៅកម្ពុជា ដើម្បីជំរុញបង្កើតឧស្សាហកម្មអាហារហាឡាល់ ជាឧស្សាហកម្មមួយដែលមានសក្ដានុពល គាំទ្រដល់វិស័យសំខាន់ៗមួយចំនួនទៀត និងគាំទ្រដល់ការនាំចេញផលិតផលហាឡាល់ ពីកម្ពុជាទៅកាន់ទីផ្សាអន្តរជាតិ។

ជាមួយគ្នានេះ សម្តេចធិបតី បានសម្តែងនូវរីករាយដែលបានជួបពិភាក្សាការងារជាមួយលោកប្រធាន និងជានាយកប្រតិបត្តិ និងសហការី និងបានវាយតម្លៃខ្ពស់ចំពោះធនាគារ May Bank ដែលបានសម្រេចចិត្តបណ្ដាក់ទុនវិនិយោគនៅកម្ពុជា ចាប់ពីដើមទសវត្សរ៍ ឆ្នាំ១៩៩០។

សម្ដេចធិបតីបានជំរុញឱ្យធនាគារ បន្តកិច្ចសហប្រតិបត្តិការកាន់តែល្អប្រសើរថែមទៀត ជាមួយធនាគារជាតិកម្ពុជា ជាពិសេសកិច្ចសហប្រតិបត្តិការ លើការទូទាត់ឆ្លងកាត់ធនាគារ សំដៅជំរុញវិស័យហិរញ្ញវត្ថុ និងធនាគារ ដើរតួនាទីកាន់តែសំខាន់បន្ថែមទៀត ជាសសៃឈាម និងជាកម្លាំងចលករ នៃកំណើនសេដ្ឋកិច្ចនៅកម្ពុជា ក៏ដូចជាដើម្បីជាផលប្រយោជន៍ នៃការវិនិយោគរបស់ធនាគារនៅកម្ពុជាផងដែរ។

លោកប្រធាន និងជានាយកប្រតិបត្តិធនាគារ Maybank សម្ដែងនូវការកោតសរសើរ ចំពោះការយល់ដឹងស៊ីជម្រៅ របស់សម្ដេចធិបតី អំពីវិស័យវិនិយោគហិរញ្ញវត្ថុ និងធនាគារ។

លោកប្រធាន និង ជានាយកប្រតិបត្តិMay Bankបានថ្លែងអំណរគុណចំពោះ សម្តេចធិបតី ដែលបានឆ្លៀតពេលដ៏មមាញឹកអនុញ្ញាតឱ្យរូបលោក និងសហការី បានចូលជួបសម្តែងការគួរសម ព្រមទាំងបានបង្ហាញពីក្ដីសោមនស្សរីករាយ ដែលបានស្ដាប់នូវខ្លឹមសារសុន្ទរកថាប្រកបដោយអត្ថន័យ របស់សម្ដេចធិបតីនៅក្នុងវេទិកាធុរកិច្ច កម្ពុជា-ម៉ាឡេស៊ី ឆ្នាំ២០២៤ ហើយលោកពិតជាមានការស្ងប់ស្ងែងចំពោះសម្ដេចធិបតី ដែលជាមេដឹកនាំមួយរូប ដែលពោរពេញដោយភាពឆ្លាតវៃ មានការយល់ដឹងស៊ីជម្រៅ អំពីវិស័យវិនិយោគហិរញ្ញវត្ថុ និងធនាគារនៅកម្ពុជា៕

ទីក្រុងសេអ៊ូលគ្រោងផ្គត់ផ្គង់ផ្ទះជួល ដែលមានតម្លៃថោកជាងទីផ្សារចំនួន៥០ភាគរយដល់អ្នកនៅលីវ

ដោយ: គង់ លាងហួរ

អន្តរជាតិ: រដ្ឋបាលទីក្រុងសេអ៊ូលគ្រោងផ្គត់ផ្គង់ផ្ទះជួល ដែលមានតម្លៃសមរម្យជាងមុន សម្រាប់អ្នកនៅលីវ ក្នុងទម្រង់ជាកន្លែងរស់នៅរួមគ្នា ខណៈដែលចំនួនអ្នកមិនទាន់រៀបការ នៅក្នុងប្រទេសកូរ៉េខាងត្បូង ដែលកំពុងកើនឡើងយ៉ាងឆាប់រហ័ស។

ជាមួយគ្នានេះ បន្ទប់នឹងត្រូវបានដាក់ជួល ក្នុងតម្លៃថោកជាងតម្លៃទីផ្សារចំនួន៥០ភាគរយ ខណៈការជួលរយៈពេល៦ឆ្នាំ ត្រូវបានកំណត់ សម្រាប់មនុស្សចាប់ពីអាយុ១៩ ដល់៣៩ឆ្នាំ និងផ្តល់រយៈពេលជួលអតិបរមាចំនួន១០ឆ្នាំ សម្រាប់មនុស្សដែលមានអាយុលើសពី៤០ឆ្នាំ។

ផ្ទះជួលទាំងនោះ នឹងត្រូវបានសាងសង់នៅក្នុងតំបន់ ដែលមានទីតាំងនៅជិតស្ថានីយ៍រថភ្លើងក្រោមដី ផ្លូវថ្នល់ធំៗ និងកន្លែងថែទាំសុខភាព ដើម្បីបំពេញតម្រូវការ ពីក្រុមមនុស្សប្រភេទផ្សេងៗគ្នាជាច្រើន។

ទន្ទឹមនឹងនេះ រដ្ឋបាលទីក្រុងសេអ៊ូល នឹងផ្តល់ការលើកទឹកចិត្តដល់អ្នកអភិវឌ្ឍន៍ ឱ្យសាងសង់ផ្ទះជួលប្រភេទនេះ ព្រមទាំងបន្ធូរបន្ថយសមាមាត្រ រវាងផ្ទៃក្រឡាសរុបរបស់អគារ ធៀបនឹងទំហំផ្ទៃដី ដែលអគារស្ថិតនៅពីលើ តាមរយៈការកែសម្រួល បទប្បញ្ញត្តិកំណត់តំបន់(Zoning)នាពេលបច្ចុប្បន្ន។

លោក Byeongyong Han ប្រធានការិយាល័យគោលនយោបាយលំនៅដ្ឋាននៅរដ្ឋបាលទីក្រុងសេអ៊ូល បានបញ្ជាក់នៅក្នុងសេចក្តីថ្លែងការណ៍ថា “ផ្ទះចំនួន២ ក្នុងចំណោមផ្ទះចំនួន៥ នឹងក្លាយជាទីលំនៅរបស់អ្នកនៅលីវ នៅក្នុងទីក្រុងសេអ៊ូលក្នុងឆ្នាំ២០៣០ ហើយវានៅសល់តែ៥ឆ្នាំទៀតប៉ុណ្ណោះ”។

លោកបានបន្ថែមថា “វាដល់ពេលហើយ ដែលយើងត្រូវតែអនុវត្តវិធានការគាំទ្រ ផ្នែកលំនៅដ្ឋានសម្រាប់គ្រួសារ ដែលមានមនុស្សតែម្នាក់ ឬអ្នកនៅលីវ”។

បច្ចុប្បន្ននេះ ចំនួនអ្នកនៅលីវបានក្នុងរដ្ឋធានីសេអ៊ូល កើនឡើងយ៉ាងគំហុក ដោយសារចំនួនមនុស្សរៀបការបានថយចុះ និងកំណើនយ៉ាងឆាប់រហ័ស នៃចំនួនប្រជាជនដែលមានវ័យចំណាស់ ខណៈមនុស្សចាស់ភាគច្រើនកំពុងរស់នៅតែម្នាក់ឯង៕

យន្តហោះផលិតដោយប្រទេសចិនប្រភេទC919 គ្រោងនឹងបង្ហាញខ្លួននៅកម្ពុជា ជាលើកទី១ក្នុងពេលឆាប់ៗនេះ

ដោយ: គង់ លាងហួរ

អន្តរជាតិ: យោងតាមសារពត៌មាន Reuters បានចុះផ្សាយថា ក្រុមហ៊ុនផលិតយន្តហោះចិន COMAC គ្រោងនឹងធ្វើការបង្ហាញយន្តហោះC919 និងយន្តហោះARJ21 របស់ខ្លួន នៅក្នុងបណ្តាប្រទេសអាស៊ានចំនួន៥។

ក្រុមហ៊ុន COMAC ដែលមានទីស្នាក់ការកណ្តាល នៅទីក្រុងសៀងហៃ បានបញ្ជាក់ឱ្យដឹង តាមរយៈសេចក្តីថ្លែងការណ៍មួយថា “ក្នុងរយៈពេល២សប្តាហ៍ខាងមុខ យន្តហោះC919 និងយន្តហោះ ARJ21 នឹងបើកដំណើរការហោះហើរ នៅក្នុងប្រទេសកម្ពុជា វៀតណាម ឡាវ ម៉ាឡេស៊ី និងឥណ្ឌូនេស៊ី”។

ដំណឹងនេះត្រូវបានប្រកាស បន្ទាប់ពីយន្តហោះដឹកអ្នកដំណើរ C919 បានធ្វើដំណើរទៅដល់ប្រទេសវៀតណាម កាលពីថ្ងៃចន្ទម្សិលមិញ ដើម្បីចូលរួមក្នុងកម្មវិធីតាំងពិព័រណ៍យន្តហោះ បន្ទាប់ពីកម្មវិធីតាំងពិព័រណ៍ Singapore Airshow នៅប្រទេសសិង្ហបុរី បានបញ្ចប់កាលពីថ្ងៃអាទិត្យ ទី២៥ ខែកុម្ភៈ។

យន្តហោះទាំងពីរគ្រឿងនេះ ត្រូវបានដាក់តាំងបង្ហាញនៅក្នុងកម្មវិធី Singapore Airshow កាលពីសប្តាហ៍មុន ដែលជាការបង្ហាញខ្លួនលើកដំបូងបង្អស់ នៅខាងក្រៅទឹកដីចិន នៃយន្តហោះប្រភេទC919។

យន្តហោះ C919 គឺជាប្រភេទយន្តហោះដឹកអ្នកដំណើរ ដែលមានតួខ្លួនតូចចង្អៀត និងមានសមត្ថភាពផ្ទុកអ្នកដំណើរចំនួន១៩២នាក់។ យន្តហោះនេះ ត្រូវបានគេមើលឃើញថា ជាដៃគូប្រជែងរបស់យន្តហោះ Boeing និងយន្តហោះAirbus របស់ប្រទេសលោកខាងលិច។

ក្រុមហ៊ុនផលិតយន្តហោះចិន Comac បានបញ្ជាក់បន្ថែមថា “គោលបំណងចម្បង នៃការហោះហើរទាំងនេះ គឺដើម្បីបង្ហាញពីដំណើរការល្អនៃយន្តហោះរបស់យើង និងជាមូលដ្ឋានគ្រឹះសម្រាប់ការពង្រីកទីផ្សារនាពេលអនាគតនៅក្នុងតំបន់អាស៊ាន”៕

គម្រោងស្ថាបនាផ្លូវកាត់ថ្មីពីក្រចេះ ទៅកាន់ខេត្តកំពង់ធំក្រោមកម្ចី ពីរដ្ឋាភិបាលចិនត្រូវបានជម្រុញ

ដោយៈ គង់ ហ្វីអូណា

ភ្នំពេញៈ មន្រ្តីជាន់ខ្ពស់ក្រសួងសាធារណការ និងដឹកជញ្ជូនបានរៀបចំកិច្ចប្រជុំពិភាក្សា ពីគម្រោងស្ថាបនាផ្លូវជាតិថ្មី ពីខេត្តក្រចេះមកខេត្តកំពង់ធំ ក្រោមក្របខណ្ឌហិរញ្ញប្បទាន សហប្រតិបត្តិការពីរដ្ឋាភិបាលនៃសាធារណរដ្ឋប្រជាមានិតចិន។

លោក សុខុម ភគវន្តមុនី រដ្ឋលេខាធិការក្រសួងសាធារណការនិងដឹកជញ្ជូន ដែលចូលរួមដឹកនាំកិច្ចប្រជុំបានគូសបញ្ជាក់ថា កិច្ចប្រជុំនេះធ្វើឡើង ដើម្បីពិភាក្សាលើការងាររៀបចំផែនការមេ សម្រាប់អនុវត្តន៍ គម្រោងសាងសង់ផ្លូវជាតិលេខ៦០បេ និងពិភាក្សាលើការផ្លាស់ប្ដូរ Alignment រួមទាំងការសិក្សា និងពិនិត្យលទ្ធភាពលើផលប៉ះពាល់របស់ប្រជាពលរដ្ឋ និងបញ្ហាប្រឈមផ្សេងៗទៀត ដើម្បីជំរុញឱ្យគម្រោងសាងសង់អាចអនុវត្តទទួលបានលទ្ធផលល្អ។

នៅក្នុងសន្និសីទបិទបញ្ចប់ កិច្ចប្រជុំកំពូលអាស៊ាន ដែលរៀបចំឡើងនៅរាជធានីភ្នំពេញ អតីតប្រមុខរដ្ឋាភិបាលសម្តេចតេជោ ហ៊ុន សែន បានប្រកាសពីគម្រោងស្ថាបនា ស្ពានឆ្លងទន្លេនៅខេត្តក្រចេះ។ ជាមួយគ្នានេះ អតីតនាយករដ្ឋមន្ត្រីកម្ពុជា ក៏បានលើកពាក់ព័ន្ធគម្រោងស្ថាបនាផ្លូវជាតិថ្មី ពីខេត្តក្រចេះមកខេត្តកំពង់ធំ ដែលនឹងជួយសម្រួលដល់ការធ្វើដំណើរកាន់តែឆាប់រហ័ស។

លោក សាំង ប៊ុនថេង ប្រធានមន្ទីរសាធារណការនិងដឹកជញ្ជូនខេត្តក្រចេះបានមានប្រសាសន៍ថា គម្រោងសាងសង់កំណាត់ផ្លូវជាតិលេខ ៦០ បេ (ក្រុងក្រចេះ- កំពង់ថ្ម – កំពង់ធំ) ប្រើប្រាស់ឥណទានសហប្រតិបត្តិការពីសាធារណរដ្ឋប្រជាមានិតចិន។

បើតាមការសិក្សា ផ្លូវជាតិលេខ៦០បេ មានប្រវែងជាង១៣០ គីឡូម៉ែត្រ តភ្ជាប់ពីស្ពានខេត្តក្រចេះ ដែលកំពុងដំណើរការសាងសង់កាត់តាមស្រុកព្រែកប្រសព្វ រហូតដល់កំពង់ថ្មខេត្តកំពង់ធំ។

លោក សាំង ប៊ុនថេង បានបន្តថា តាមរយៈគម្រោងផ្លូវមួយខ្សែនេះ នឹងរួមចំណែកជួយដល់ការអភិវឌ្ឍសេដ្ឋកិច្ច ខេត្តក្រចេះ តាម រយៈជំរុញកំណើនការធ្វើដំណើរ របស់ភ្ញៀវទេសចរពីតំបន់ភាគកណ្ដាលមកតំបន់ភាគឦសាន ដែលនឹងរុញការអភិវឌ្ឍន៍ និងលើកស្ទួយជីវភាពពលរដ្ឋក្នុងមូលដ្ឋាន៕

តើបច្ចុប្បន្ន កម្ពុជាមានស្ថានទូតចំនួនប៉ុន្មាននៅទូទាំងពិភពលោក?

ដោយ: គង់ លាងហួរ

អន្តរជាតិ: យោងតាមរបាយការណ៍ថ្មីមួយពីវិទ្យាស្ថាន Lowy ដែលមានមូលដ្ឋាននៅទីក្រុងស៊ីដនី ប្រទេសអូស្ត្រាលី បានឱ្យដឹងថា កម្ពុជាជាប់ចំណាត់ថ្នាក់ជាប្រទេស ដែលមានការិយាល័យទូតច្រើនជាងគេលំដាប់ទី៨ នៅក្នុងចំណោមបណ្តាប្រទេសសមាជិកអាស៊ានចំនួន១០។

នៅក្នុងរបាយការណ៍សន្ទស្សន៍ការទូតសកល (Global Diplomacy Index) ដែលចេញផ្សាយកាលពីថ្ងៃអាទិត្យ ទី២៥ ខែកុម្ភៈ ដោយវិទ្យាស្ថាន Lowy បានបញ្ជាក់ថា កម្ពុជាមានការិយាល័យទូត ក្នុងនោះរួមមានស្ថានទូត ស្ថានកុងស៊ុល និងការិយាល័យផ្សេងទៀត ចំនួន៤៣កន្លែងនៅជុំវិញពិភពលោក ដោយនាំមុខប្រទេសប្រ៊ុយណេ ដែលមានការិយាល័យទូត៤២កន្លែង និងប្រទេសឡាវ ដែលមានការិយាល័យទូត៤០កន្លែង។

យោងតាមរបាយការណ៍ដដែលបានបង្ហាញថា ឥណ្ឌូនេស៊ីជាប់ចំណាត់ថ្នាក់លេខ១ នៅក្នុងតំបន់អាស៊ាន ដែលមានការិយាល័យទូតនៅបរទេសច្រើនជាងគេ ចំនួន១៣០កន្លែង ខណៈម៉ាឡេស៊ីជាប់ចំណាត់ថ្នាក់លេខ២ ដែលមានការិយាល័យទូតនៅបរទេសចំនួន១០៦កន្លែង។

ចំណែកបណ្តាប្រទេសជិតខាងក្បែរកម្ពុជា ដូចជា ប្រទេសថៃជាប់ចំណាត់ថ្នាក់លេខ៣ ដែលមានការិយាល័យទូតនៅបរទេសចំនួន៩៧កន្លែង និងប្រទេសវៀតណាម ជាប់ចំណាត់ថ្នាក់លេខ៤ ដែលមានការិយាល័យទូតនៅបរទេសចំនួន៩៤កន្លែង។

ចំណាត់ថ្នាក់ទី៥ បានធ្លាក់ទៅលើប្រទេសហ្វីលីពីន ដែលមានការិយាល័យទូត នៅបរទេសចំនួន៩៤កន្លែងដូចវៀតណាមដែរ ខណៈលេខ៦ គឺប្រទេសសិង្ហបុរី និងលេខ៧ គឺប្រទេសមីយ៉ាន់ម៉ា។

ចំណែក ចំណាត់ថ្នាក់លេខ១នៅទូទាំងពិភពលោក បានទៅលើប្រទេសចិន ដែលមានការិយាល័យទូតច្រើនជាងគេបំផុតចំនួន២៧៤កន្លែង ដោយនាំមុខសហរដ្ឋអាមេរិក ដែលមានការិយាល័យទូតច្រើនជាងគេលំដាប់ទី២ ចំនួន២៧១កន្លែង៕

អ្នកឧកញ៉ាសុខ គង់ត្រៀមសាងសង់អាគារកំពស់២០ជាន់ធ្វើជាការិយាល័យកណ្តាលរបស់ក្រុមហ៊ុនសូគីម៉ិច

ដោយៈ ជេស៊ីកា

ភ្នំពេញៈ ប្រធាននិងជាស្ថាបនិកក្រុមហ៊ុនសូគីម៉ិច អ្នកឧកញ៉ាសុខ គង់បានប្រកាសរកក្រុមហ៊ុនចូលរួមដេញថ្លៃ សាងសង់អាគារកំពស់២០ជាន់ ធ្វើជាការិយាល័យកណ្តាលរបស់ក្រុមហ៊ុននេះ។

គំរោងនេះ គ្រោងសាងសង់លើផ្លូវភ្លោះក្រមូន “ស” ស្ថិតនៅក្បែរវិមានកាណាឌីយ៉ា អាគារវឌ្ឍនៈ និងគំរោងអាគារកប់ពពករបស់ធនាគារFTBផងដែរ។

យោងតាមសេចក្តីជូនដំណឹងស្តីពី ការអញ្ជើញចូលរួមដេញថ្លៃសាងសង់ អគារការិយាល័យក្រុមហ៊ុនសុខ គង់ អាហរ័ណ នីហរ័ណ (សូគីម៉ិច) ចុះថ្ងៃទី២៧ កុម្ភៈ ឆ្នាំ២០២៤ ដែលមានវាយត្រា និងចុះហត្ថលេខារបស់អ្នកឧកញ៉ាសុខ គង់បានឲ្យដឹងថា ក្រុមហ៊ុន សុខ គង់ អាហរ័ណ នីហរ័ណ (សូគីម៉ិច) សូមជម្រាបជូនដំណឹងដល់ក្រុមហ៊ុន សំណង់ទាំងអស់ឲ្យបានជ្រាបថា យើងខ្ញុំនឹងដាក់ឲ្យដេញថ្លៃជាសាធារណៈ ដើម្បីជ្រើសរើស ក្រុមហ៊ុនសំណង់ដែលមានសមត្ថភាព និងបទពិសោធន៍ គ្រប់គ្រាន់ឲ្យទទួលសាងសង់គ្រឿងផ្តុំ សំណង់ (Structure) អគារការិយាល័យរបស់ក្រុមហ៊ុនសូគីម៉ិច (កម្ពស់ ២០ ជាន់) ដែលមានទីតាំង ស្ថិតនៅដីឡូត៍លេខ២២ វិថីក្រមួនស សង្កាត់ផ្សារថ្មី២ ខណ្ឌដូនពេញ រាជធានីភ្នំពេញ។

សេចក្តីជូនដំណឹងដដែលបញ្ជាក់ថា “ក្រុមហ៊ុនសំណង់ ដែលមានចំណាប់អារម្មណ៍ ចូលរួមដេញថ្លៃសាងសង់អគារខាងលើនេះ សូមអញ្ជើញ មកទំនាក់ទំនងការិយាល័យរដ្ឋបាល ក្រុមហ៊ុនសូគីម៉ិច ចាប់ពីថ្ងៃទី០១ ខែមីនា ឆ្នាំ ២០២៤ តាមអាសយដ្ឋាននិងលេខទូរស័ព្ទដូចខាងក្រោម៕

China de-linking talk is overdone and it’s still key to the global economy, Asian Development Bank says

China is still a critical trading partner for many countries across the world, and the often-used narrative of the superpower being delinked from the global economy is overdone, says the Manila-headquartered Asian Development Bank.

“China’s still probably the number one trading partner for the majority of countries in the world,” ADB’s Chief Economist Albert Park told CNBC.

Although there have been parts of overall trade with China that have declined, the country’s engagement and importance in the global value chain has not diminished, said Park.

China’s trade with its major partners fell in 2023 — its annual exports dipped for the first time in seven years as demand for Chinese goods fell amid slower global growth. However, the economic powerhouse remains a top trading partner to over 120 countries, and is still the largest trading partner to Japan, South Korea, Taiwan and Vietnam, according to U.S. think tank Wilson Center.

While it may ring true for certain goods or specific countries that are “very aggressively trying to restrict Chinese trade,” on a more global scale the delinking is much less evident, said the economist. He added that even following the trade conflict started by former U.S. President Donald Trump in 2018, China’s importance in the global value chain has not slumped.

Trade tensions between China and the U.S. have been festering since 2018 with Trump slapping tariffs and other trade barriers on China.

Even so, China continued to play an outsized role in the global economy, accounting for 18% of global GDP and is regarded still as the world’s largest trading economy.

“The story of China being delinked from the global economy — I think those are probably generally very overdone or very partial,” Park continued.

On China’s end, a pursuit of self-reliance has decreased its dependency on imports, but China continues to maintain its reliance on foreign demand, scaling up on exports which have become intertwined with the country’s growth.

“All told, a delinking of global production processes and consumption from China is not in sight,” the U.S. Federal Reserve said in a recent February statement.

The U.S. and EU have been considering imposing sanctions on Chinese companies it believes are helping Russia fuel its war in Ukraine, a move which could hurt the Chinese economy even further as it tries to move out of the post-Covid doldrums.

Doubts about investing in China have gained ground as the economy continues to battle pressures from deflation, an economic slowdown, and an embattled property market.

Source: CNBC

3 Waltons are worth a combined $224 billion — more than Elon Musk — thanks to Walmart’s stock surge

Three Walmart heirs have more than doubled their money since 2016, adding more than $100 billion to their combined fortunes.

Legendary founder Sam Walton’s three surviving children — Rob, Jim, and Alice — all hold top-20 spots on the Forbes rich list with personal fortunes of between $70 billion and $77 billion. They were less than half as wealthy in 2016.

They’re now worth a combined $224 billion, making them richer as a trio than Elon Musk, who’s number two on the list with an estimated $205 billion net worth.

Their wealth has ballooned in recent years thanks to Walmart stock, which has surged from below $75 in 2016 to a record high of $181 earlier this week.

It’s jumped 11% this year already, fueled by resilient consumer demand and mounting hopes that interest rates will be cut and the economy will escape a recession.

The Walton trio have garnered more than $45 billion in total from stock sales and dividends over the years, per Bloomberg.

Together with other relatives, they own more than 1.25 billion shares, or more than 45% of the company — a stake valued at roughly $220 billion.

Source: Business Insider

ទ្រព្យសម្បត្តិរបស់ម្ចាស់ក្រុមហ៊ុនលក់រាយខ្នាតយក្ស Walmart កំពុងកើនឡើងខណៈតម្លៃភាគហ៊ុនហក់ឡើងថ្លៃយ៉ាងគំហុក

ដោយ: គង់ លាងហួរ

អន្តរជាតិ: បងប្អូនបង្កើតត្រកូល Waltons ទាំង៣រូប ដែលជាម្ចាស់ក្រុមហ៊ុន Walmart កំពុងប្រមូលប្រាក់ចំណូលបានយ៉ាងច្រើនសន្ធឹកសន្ធាប់ ក្រោយពីតម្លៃភាគហ៊ុននៃក្រុមហ៊ុន លក់រាយខ្នាតយក្សមួយនេះ បានហក់ឡើងថ្លៃខ្លាំងបំផុតមិនធ្លាប់មាន។

យោងតាមសារព័ត៌មាន Business Insider បានចុះផ្សាយថា តម្លៃភាគហ៊ុននៃក្រុមហ៊ុន Walmart បានហក់ឡើងថ្លៃដល់កម្រិតខ្ពស់បំផុតចាប់តាំងពីឆ្នាំ២០១៦មកម្ល៉េះ ដែលការណ៍នេះបានធ្វើឱ្យទ្រព្យសម្បត្តិសរុបរបស់លោក Rob walton លោក Jim walton និងលោកស្រី Alice walton ម្ចាស់ក្រុមហ៊ុន Walmart កើនឡើងលើសពី១០០ពាន់លានដុល្លារ។

ទ្រព្យសម្បត្តិសរុបរបស់មហាសេដ្ឋីទាំង៣រូបនេះ មានទំហំទឹកប្រាក់សរុបសរុបចំនួន២២៤ពាន់លានដុល្លារ ខណៈទ្រព្យសម្បត្តិរបស់បុគ្គលម្នាក់ៗវិញ មានចន្លោះពី៧០ ទៅ ៧៧ពាន់លានដុល្លារ

តម្លៃភាគហ៊ុនរបស់ក្រុមហ៊ុន Walmart បានហក់ឡើងថ្លៃខ្ពស់បំផុតចាប់តាំងពីឆ្នាំ២០១៦ ពីតម្លៃក្រោម៧៥ដុល្លារក្នុងមួយហ៊ុន ឡើងដល់តម្លៃ១៨១ដុល្លារក្នុងមួយហ៊ុន កាលពីសប្ដាហ៍មុន។

ក្រុមហ៊ុន Walmart គឺជាផ្សារទំនើបខ្នាតយក្ស ដែលលក់ទំនិញរាយនៅក្នុងសហរដ្ឋអាមេរិក និងមានទីតាំងរាប់រយសាខា ខណៈដែលបច្ចុប្បន្ន ក្រុមហ៊ុនមួយនេះមានតម្លៃមូលធនទីផ្សារ ប្រមាណ១៥៧,៥៥ពាន់លានដុល្លារ៕

1...745746747...3,379 Page 746 of 3,379