Cambodia launches Fintech development policy

Cambodia on Wednesday launched Financial Technology (Fintech) Development Policy 2023-2028, aiming to enhance financial inclusion as well as maintain financial stability and promote innovation.

Cambodian Deputy Prime Minister Aun Pornmoniroth, also minister of economy and finance, presided over an event over the issue in Phnom Penh, which was attended by high-ranking officials from relevant ministries and public institutions, and representatives of banking and financial institutions.

Speaking at the event, Pornmoniroth said the Southeast Asian country has experienced rapid development in Fintech, which is a catalyst to support and stimulate socioeconomic development.He said the use of digital technology has enabled local businesses and investors to connect to regional and global production chains, as well as to innovate in the production of goods and services.”This policy is an important roadmap to promote the use of technologies in the financial industry,” he said.

“I firmly believe that the effective implementation of this policy will enable Cambodia to make the maximum use of Fintech to boost its digital economic and social development,” he added.The rise in Fintech has given a big boost to the development of mobile payments in Cambodia.According to the National Bank of Cambodia (NBC), there were a total of 19.5 million e-wallet accounts in 2022, up from 13.6 million in the year before.The country recorded 1 billion online payment transactions with a total amount of 272.8 billion U.S. dollars last year, the NBC said. Source: Xinhua

សម្តេចធិបតីៈវេទិការរដ្ឋ-ឯកជននាពេលខាងមុខនឹងដោះស្រាយបញ្ហាប្រឈមផ្នែកធុរកិច្ច និងការវិនិយោគ

ដោយៈ គង់ ហ្វីអូណា

ភ្នំពេញៈ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានមានប្រសាសន៍ថា វេទិការរដ្ឋ-ឯកជន ដែលគ្រោងនឹងធ្វើឡើងនៅខែវិច្ឆិកា ឆ្នាំនេះ នឹងលើកឡើង និងដោះស្រាយបញ្ហាប្រឈមនានាក្នុងផ្នែកធុរកិច្ច និងការវិនិយោគ ព្រមទាំងបង្កើតនូវកម្លាំងចលករជាយុទ្ធសាស្ត្រ ដើម្បីជំរុញសេដ្ឋកិច្ច។

សម្តេចបានគូសបញ្ជាក់បែបនេះ ក្នុងពិធីសំណេះសំណាលជាមួយនឹងកម្មករ និងនិយោជិតក្នុងវិស័យកាត់ដេរប្រមាណ១៨,០០០នាក់ នៅជាយរាជធានីភ្នំពេញ កាលពីម្សិលមិញនេះ។

សម្តេចបញ្ជាក់ថា “វេទិកានេះនឹងប្រើប្រាស់ជាវេទិកាមួយ ដើម្បីស្តាប់មតិ និងសំណូមពរពីវិស័យឯកជន សម្រាប់រដ្ឋាភិបាលដាក់ចេញនូវវិធានការជាបន្តបន្ទាប់ ដើម្បីដោះស្រាយបញ្ហានានា ក្នុងគោលបំណងលើកកម្ពស់ការធ្វើអាជីវកម្ម និងការវិនិយោគក្នុងប្រទេសឱ្យកាន់តែប្រសើរឡើង”។

សម្តេចបន្តថា “ក្នុងខែវិច្ឆិកា នៅពេលដែលអ្នកជួបជាមួយវិស័យឯកជន អ្នកនឹងដឹងពីអ្វីដែលរដ្ឋាភិបាល ផ្តល់ក្នុងស្ថានភាពលំបាកនេះសម្រាប់វិស័យឯកជន ដើម្បីយើងអាចបង្កើតការងារ ជូនប្រជាជនកម្ពុជាទូទាំងប្រទេស”។

វេទិការរដ្ឋ-ឯកជន ត្រូវបានបង្កើតឡើង តាមគំនិតផ្តួចផ្តើមរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេច ហ៊ុន សែន ក្នុងឆ្នាំ១៩៩៩។វាជាយន្តការសម្រាប់ការពិគ្រោះយោបល់រវាងរដ្ឋ និងឯកជនលើបញ្ហាបរិយាកាសវិនិយោគ ចាប់ពីគោលនយោបាយជួរវែង រហូតដល់ប្រតិបត្តិការប្រចាំថ្ងៃ។ វេទិកានេះក៏បានផ្តល់ឱ្យរាជរដ្ឋាភិបាល នូវបណ្តាញមួយសម្រាប់ការទទួលបានមតិ កែលម្អរបស់វិស័យឯកជន លើសេចក្តីព្រាងគោលនយោបាយ ច្បាប់ និងបទប្បញ្ញត្តិ។

អ្នកឧកញ៉ាលឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា វេទិកានេះផ្តល់ឱកាសដល់វិស័យឯកជន ដើម្បីស្នើសុំដំណោះស្រាយពីរដ្ឋាភិបាល បន្ទាប់ពីបញ្ហាមិនទាន់ត្រូវបានដោះស្រាយនៅកម្រិតសភាពាណិជ្ជកម្មកម្ពុជា។អ្នកឧកញ៉ាបានបញ្ជាក់ថា “វេទិកានេះនឹងមានសារៈសំខាន់សម្រាប់វិស័យឯកជន ពីក្រុមនីមួយៗក្នុងការលើកឡើង និងស្នើដល់ រដ្ឋាភិបាល ហើយនាយករដ្ឋមន្ត្រី នឹងអាចផ្តល់ដំណោះស្រាយសមរម្យដល់ពួកគេ”៕

ពិធីបើកការដ្ឋានសាងសង់ជាផ្លូវការគម្រោង Marum Estate ការអភិវឌ្ឍប្រកបដោយចក្ខុវិស័យខ្ពស់នៅប្រទេសកម្ពុជា

រាជធានីភ្នំពេញ ថ្ងៃទី ៥ ខែតុលា ឆ្នាំ២០២៣ – សិ្ថតនៅតំបន់កំពុងមានការអភិវឌ្ឍ និងរីកចម្រើនយ៉ាងឆាប់រហ័សក្នុងខេត្តកណ្តាល គម្រោង Marum Estate ដែលជាគម្រោងអភិវឌ្ឍន៍ប្រកបដោយចក្ខុវិស័យដ៏ខ្ពស់របស់ក្រុមហ៊ុន Sir Stamford Raffles (Cambodia) Co. Ltd., បានប្រារព្វពិធីចុះបឋមសិលា និងបើកការដ្ឋានសាងសង់ នាថ្ងៃទី ៤ ខែតុលា ឆ្នាំ ២០២៣ សម្រាប់ការផ្តើមជាផ្លូវការដ៏សំខាន់នៃការសាងសង់គម្រោង Marum Estate ដែលទទួលបានពានរង្វាន់លើការអភិវឌ្ឍន៍ទីក្រុងរណប និងការអភិវឌ្ឍន៍សម្រាប់ការប្រើប្រាស់ចម្រុះ។

ពិធីចុះបឋមសិលា និងបើកការដ្ឋានសាងសង់នេះគឺជាកិច្ចអបអបរពីចក្ខុវិស័យ និងការប្តេជ្ញាចិត្តដ៏ខ្ពស់របស់អ្នកអភិវឌ្ឍន៍គម្រោងនេះក្នុងទីផ្សារអចលនទ្រព្យប្រទេសកម្ពុជា។ ទស្សនវិស័យក្នុងការចូលរួមអភិវឌ្ឍន៍ប្រទេសកម្ពុជា
ក្រុមអ្នកដឹកនាំធុរកិច្ចដែលមានចក្ខុវិស័យខ្ពស់មួយក្រុមបានមកដល់ប្រទេសកម្ពុជាកាលពី៧ឆ្នាំមុន និងបានឃើញ ទីតាំងមានសក្តានុពលខ្ពស់មួយដែលអាចត្រូវបានអភិវឌ្ឍទៅជាតំបន់លំនៅដ្ឋាន និងពាណិជ្ជកម្មដែលមួយដែលមិនអាចប្រៀបផ្ទឹមបាន។ ប៉ុន្មានឆ្នាំនាពេលខាងមុខ គម្រោង Marum Estate នឹងកែប្រែទិដ្ឋភាពមុខមាត់ទីផ្សារអចលនទ្រព្យនៃប្រទេសកម្ពុជា ដោយនាំមកនូវការរចនាបែបបទ និងស្ថាបត្យកម្មថ្មីមួយសម្រាប់គ្រប់ក្រុមគ្រួសារក៏ដូចជាម្ចាស់អាជីវកម្មនាៗ ដែលមិនធ្លាប់មានពីមុនមកនៅប្រទេសកម្ពុជា។

គម្រោង Marum Estate:
ពិធីចុះបឋមសិលា និងបើកការដ្ឋានសាងសង់នេះមិនត្រឹមតែជាការកំណត់នៃការចាប់់ផ្តើមគម្រោងនេះប៉ុណ្ណាះទេ ប៉ុន្តែវាជាការកំណត់ជាក់ស្តែងនៃការសម្រេចបាននូវចក្ខុវិស័យមួយដែលនឹងផ្លាស់ប្តូរមុខមាត់ខេត្តកណ្តាល មានទីតាំងនៅជិតអាកាសយានដ្ឋានអន្តរជាតិតេជោក្រុងតាខ្មៅ ដែលត្រូវបានរំពឹងថាជាច្រកចេញចូលយ៉ាងសំខាន់សម្រាប់ភ្ញៀវទេសចរជាតិ និងអន្តរជាតិ ។ ទីតាំងស្ថិតនៅជាប់ផ្លូវជាតិលេខ២ ក្នុងទឹកដីស្រុកទន្លេបាទីដែលមានចម្ងាយត្រឹមតែ១២គីឡូមែត្រពីអាកាសយានដ្ឋានអន្តរជាតិថ្មី ម្ចាស់គម្រោងលំនៅដ្ឋានក៏ដូចជាអាជីវកម្មនៃ Marum Estate នឹងទទួលបានអត្ថប្រយោជន៍ជាច្រើនដូចជា៖

អាគារអាជីវកម្ម ពាណិជ្ជកម្ម និង កន្លែងលក់ដូរទំនិញដែលនឹងមានវត្តមានជាបន្តបន្ទាប់
ផ្សារលក់ដូរទំនិញក្នុងស្រុកនិងអន្តរជាតិ និងហាងអាហារនៅជុំវិញអាកាសយានដ្ឋានអន្តរជាតិថ្មី ដែលនឹងបើកដំណើរការជាផ្លូវការក្នុងឆ្នាំ ២០២៥ ដែលពេលនោះគម្រោងដំបូងរបស់ Marum Estate នឹងលេចចេញជារូបរាង
ការតភ្ជាប់គ្នារវាង ផ្លូវជាតិលេខ២ ទី៣ ផ្លូវក្រវ៉ាត់ក្រុងទី៣ និងអនាគតផ្លូវក្រវ៉ាត់ក្រុងទី៤ ។

លោក Ng Aung San ដែលជាស្ថាបនិក និងសហនាយកប្រតិបត្តិ នៃក្រុមហ៊ុន Sir Stamford Raffles (Cambodia) Co. Ltd. បានថ្លែងដោយក្តីរំភើបថា៖ « ពិធីនាថ្ងៃនេះមិនត្រឹមតែជាការប្រកាសនៃការបើកការដ្ឋានសាងសង់ប៉ុណ្ណោះទេ ប៉ុន្តែវាជាការតំណាងឱ្យកិច្ចខិតខំប្រឹងប្រែងរបស់យើងក្នុងការផ្តល់ជូននូវគម្រោងថ្មីមួយ ដែលបង្ហាញពីការរស់នៅ និងសហគមន៍ប្រកបដោយនិរន្តរភាព ទៅកាន់ទីផ្សារអចលនទ្រព្យរបស់ប្រទេសកម្ពុជា។ យើងមានសេចក្តីសោមនស្សរីករាយក្នុងការចែករំលែកពីចក្ខុវិស័យរបស់ពួកយើងទៅកាន់ភ្ញៀវកិត្តិយស និងផ្តល់ជាអត្ថប្រយោជន៍ និងឱកាសដ៏មហិមាសម្រាប់គ្រប់ក្រុមគ្រួសារ និងមនុស្សជំនាន់ក្រោយ។ » អ្នកស្រី Phebe Len ដែលជាស្ថាបនិក និងសហនាយកប្រតិបត្តិម្នាក់ទៀតនៃក្រុមហ៊ុន Sir Stamford Raffles (Cambodia) Co. Ltd. បានបន្ថែមថា៖ « ពិធីនាថ្ងៃនេះ គឺជាការផ្តល់នូវមូលដ្ឋានគ្រឹះសម្រាប់សហគមន៍មួយដែល បង្ហាញពីការតាំងចិត្តរបស់យើងចំពោះរចនាបទដ៏ទំនើប និងការរស់នៅប្រកបដោយនិរន្តភាព។

Marum Estate៖ ត្រួសត្រាយផ្លូវសម្រាប់អនាគតដ៏ត្រចះត្រចង់នៃទីផ្សារអចលនទ្រព្យនៃប្រទេសកម្ពុជាបន្ទាប់ពីទទួលបានពានរង្វាន់ដ៏ពិសេសចំនួនបួន ពី កម្មវិធី PropertyGuru Cambodia Property Award លើកទី ៨ ឆ្នាំ ២០២៣ គម្រោង Marum Estate ទទួលបានកិត្តិយស និងការចាប់អារម្មណ៍យ៉ាងជ្រាលជ្រៅ ហើយការចាប់ផ្តើមទទួលការកក់នឹងបើកជាផ្លូវការបាននៅចុងឆ្នាំនេះ។
Marum Estate ឈរជាសញ្ញានៃឧត្តមភាព និងភាពច្នៃប្រឌិត ក្នុងទីផ្សារអចលនទ្រព្យនៃប្រទេសកម្ពុជា៕

ជប៉ុនអនុវត្តន៍ការយកពន្ធពីភ្ញៀវទេសចរនៅទីសក្ការបូជាអណ្តែតទឹកដ៏ល្បីល្បាញ

ដោយៈ តែម សុខុម

តូក្យូ: ទីសក្ការបូជាដ៏ល្បីល្បាញមួយ នៅក្នុងប្រទេសជប៉ុន Itsukushima ពេលនេះត្រូវបានអាជ្ញាធរអនុវត្តន៍ ការយកពន្ធពីភ្ញៀវទេសចរ ដើម្បីកុំឱ្យភ្ញៀវបាក់ទៅទីនោះភ្លូកទឹកភ្លូកដីខ្លាំងពេក។

ទីសក្ការបូជាមានទ្រង់ទ្រាយ ជាខ្លោងទ្វារពណ៌ទឹកក្រូចភ្លឺ ដែលមើលទៅហាក់ដូចជាអណ្ដែតយ៉ាងអស្ចារ្យ នៅក្នុងបឹងនេះបានស្ថិតក្នុងចំណោមកន្លែងថតរូបដ៏ស្រស់ស្អាតបំផុត និងល្បីល្បាញបំផុតក្នុងប្រទេសជប៉ុន។ នេះបើយោងតាមសារព័ត៌មាន CNN ចុះផ្សាយកាលពីថ្ងៃអង្គារ ទី៣ ខែតុលា។

មានភូមិសាស្ត្រស្ថិតនៅក្នុងទីក្រុង Hatsukaichi នៃ Hiroshima ទីសក្ការបូជានេះ គឺជាផ្នែកមួយនៃទីសក្ការបូជា ដែលមានអាយុកាល១.៤០០ឆ្នាំ ក្នុងសាសនាស៊ីនតូ (Shinto) ដែលត្រូវបានចុះបញ្ជីជាតំបន់បេតិកភណ្ឌពិភពលោករបស់អង្គការយូណេស្កូ។ដោយសារមានរូបរាងដ៏ទាក់ទាញ ទីសក្ការបូជានេះបានក្លាយជាតំបន់ទេសចរណ៍ ដ៏ល្បីល្បាញបំផុតមួយនៅក្នុងប្រទេសជប៉ុន ដែលសូម្បីប្រធានាធិបតីអាមេរិក លោក ចូ បៃឌិន ក៏បានទៅទស្សនកិច្ចនៅទីនោះដែរកាលពីដើមឆ្នាំនេះ។

បន្ទាប់ពីមើលឃើញទីសក្ការបូជា Hatsukaichi ទទួលបានភ្ញៀវទេសចរច្រើនខ្លាំងពេក ទើបក្រុមមន្ត្រីជប៉ុន បានអនុវត្តការយកពន្ធពីភ្ញៀវទេសចរ ដែលបានចូលជាធរមានកាលពីថ្ងៃអាទិត្យ ចុងសប្ដាហ៍កន្លងទៅ។

ពេលនេះភ្ញៀវទេសចរក្នុងម្នាក់ ដែលមកលេងទីសក្ការបូជា Hatsukaichi ត្រូវបង់ប្រាក់១០០យ៉េន (៦៧សេនដុល្លារ) ហើយប្រសិនបើភ្ញៀវទេសចរណា ចាប់អារម្មណ៍ចង់មកលេងទីនេះច្រើនដងអាចទិញប័ណ្ណ ចូលទស្សនាតម្លៃ៥០០យ៉េន (៣,៣៣ដុល្លារ) ដែលមានសុពលភាព១ឆ្នាំ។

ប្រាក់ដែលប្រមូលបានពីភ្ញៀវទេសចរ នឹងទុកសម្រាប់សាងសង់ និងកែលម្អហេដ្ឋារចនាសម្ព័ន្ធទេសចរណ៍ ដូចជា បន្ទប់ទឹកសាធារណៈ ការថែទាំស្ថាបត្យកម្មនៃទីសក្ការបូជានេះ និងជំរុញទេសចរណ៍ធម្មជាតិនៅក្នុងតំបន់៕ CNN៕

អគារឈើដ៏ខ្ពស់បំផុតរបស់ពិភពលោកគ្រោងសាងសង់ក្នុង ប្រទេសអូស្ត្រាលី

ដោយៈ តែម សុខុម

ស៊ីដនី: មិនយូរទេប្រទេសអូស្ត្រាលី នឹងមានអគារឈើដ៏ខ្ពស់បំផុតពិភពលោក បន្ទាប់ពីអាជ្ញាធរក្រុង Perth បានបើកភ្លើងខៀវសម្រាប់គម្រោងអគារ “កូនកាត់” កម្ពស់១៩១,២ម៉ែត្រ ដែលនឹងត្រូវសាងសង់ឡើង ដោយប្រើប្រាស់ឈើយ៉ាងច្រើនសន្ធឹកសន្ធាប់។

កាលពីថ្ងៃព្រហស្បតិ៍សប្ដាហ៍មុន ក្រុមប្រឹក្សាវាយតម្លៃការអភិវឌ្ឍន៍នៃក្រុង Perth បានអនុម័តលើសំណើរបស់ក្រុមហ៊ុន Grange Development សម្រាប់ការសាងសង់អគារC6 ដែលនឹងខ្ពស់ជាងពីរដង បើធៀបនឹងអគារដែលគ្រងតំណែងជើងឯកបច្ចុប្បន្ន។

ក្រុមហ៊ុនអភិវឌ្ឍន៍និយាយថា ៤២ភាគរយនៃអគារនេះ ទាំងមូលនឹងត្រូវសាងសង់ពីឈើ ដោយសសរ និងគ្រោងអគារនឹងត្រូវសាងសង់ពីបេតុងអាមេ។

យោងតាមក្រុមប្រឹក្សាអគារខ្ពស់ និងលំនៅឋានក្នុងក្រុង (CTBUH) បានឱ្យដឹងថា បន្ទាប់ពីសាងសង់រួចរាល់ អគារនេះនឹងខ្ពស់ជាងអគារ២៥ជាន់ ឬកម្ពស់៨៦ម៉ែត្រ Ascent ដែលជាអគារកូនកាត់ឈើ-បេតុងខ្ពស់បំផុតរបស់ពិភពលោក នាពេលបច្ចុប្បន្ននៅក្នុងទីក្រុង Milwaukee រដ្ឋ Wisconsin សហរដ្ឋអាមេរិក។

ក្រុមប្រឹក្សាអគារខ្ពស់ និងលំនៅឋានក្នុងក្រុង (CTBUH) គឺស្ថាប័នអន្តរជាតិ ទទួលបន្ទុកផ្នែកអគារខ្ពស់ និងការឌីហ្សាញនគរូបនីយកម្មប្រកបដោយនិរន្តរភាព ដែលមានមូលដ្ឋាននៅសហរដ្ឋអាមេរិក។

អគារនេះក៏នឹងខ្ពស់ជាងអគារឈើកូនកាត់ ដែលកំពុងសាងសង់ Atlassian Headquarters នៅក្នុងទីក្រុងស៊ីដនី ប្រទេសអូស្ត្រាលី ដែលគ្រោងនឹងដណ្ដើមតំណែង ជើងឯកពីអគារ Ascent ផងដែរ។

ដូចអគារ Atlassian Headquarters អ៊ីចឹងដែរ អគារC6 នឹងរួមបញ្ចូលធ្នឹមឈើ ដែលមានស្រទាប់ដែក ជាមួយនឹងគ្រោងដែកសម្រាប់ទ្រគ្រោងអគារ។

យោងតាមក្រុមហ៊ុនអភិវឌ្ឍន៍ Grange Development ឱ្យដឹងថា អគារ C6 កម្ពស់៥០ជាន់ នឹងមានអាផាតម៉ិនជាង២០០យូនីត ហើយនឹងក្លាយជាអគារលំនៅឋាន គ្មានកាបូនដំបូងបង្អស់របស់ប្រទេសអូស្ត្រាលី៕ CNN៕

Treasury’s Yellen says US overdependent on China for critical supply chains

WASHINGTON: US Treasury Secretary Janet Yellen said on Tuesday (Oct 3) the United States has become overly dependent on China for critical supply chains, particularly in clean energy products and needs to broaden out sources of
supply.

Yellen, speaking at a Fortune CEO event in Washington, repeated her longstanding view that the United States does not want to decouple economically from China.

She said that she has not been “a strong believer” in industrial policy, but that the United States had stood by for too long while other countries built up semiconductor industries with massive subsidies.

The US would face national security concerns without a robust semiconductor sector of its own, she said, adding that last year’s Chips and Science Act will help reverse that trend.

“We’re fooling ourselves if we think that abandoning, for all practical purposes, semiconductor manufacturing, is a smart strategy for the United States,” Yellen said.Source: Reuters

ដំណឹងល្អៈផ្លូវវាងក្រុងកំពតស្ថាបនារួចរាល់១០០ភាគរយហើយ

ដោយៈ ហ្វីអូណា

កំពតៈ ផ្លូវវាងក្រុងកំពតដែលពីមុន នៅពេលខែវស្សាមានភ្លៀងធ្លាក់ខ្លាំងធ្វើឲ្យទឹកលិចផ្លូវ និងមានជង្ហក់ភក់ជ្រៅៗ ដោយរថយន្តធំពិបាកធ្វើដំណើរ ហើយរថយន្តតូចៗ មិនអាចធ្វើដំណើរបាននោះ បច្ចុប្បន្នស្ថាបនារួចរាល់100ភាគរយហើយ។

ក្រោយផ្លូវវាងក្រុងកំពត ស្ថាបនាជួសជុលរួចរាល់ សកម្មភាពចរាចរណ៍ភ្ញៀវទេសចរ និងអន្តរជាតិ បានធ្វើដំណើរឆ្លងកាត់បានល្អប្រសើរជាបណ្ដើរៗឡើងវិញ។ ប្រជាពលរដ្ឋរស់នៅសងខាងផ្លូវ ក៏បានបង្ហាញក្ដីសង្ឃឹមយ៉ាងខ្លាំង នៅពេលផ្លូវនេះបានស្ថាបនាជួសជុលរួចរាល់ ការធ្វើដំណើរនឹងមានភាពស្រួល ហើយការប្រកបមុខរបរនានារបស់ពួកគាត់ នឹងមានភាពល្អប្រសើរឡើងវិញ។

ម្ចាស់ការ៉ាស់ហាងលក់គ្រឿង បន្លាស់រថយន្តសុំមិនបញ្ចេញឈ្មោះបាននិយាយឱ្យដឹងថា ក្រោយគម្រោងស្ថាបនាថ្នល់ផ្លូវ វាងក្រុងកំពតបានរួចរាល់ មានអ្នកចូលមកជួសជុល និងទិញគ្រឿងបន្លាស់រថយន្តបានគ្រាន់បើ ដោយសារតែកត្តាផ្លូវថ្នល់ស្អាត ក្នុងការធ្វើដំណើរក៏បានស្រួល។ការស្ថាបនាផ្លូវវាងក្រុងកំពត ក៏មានការរៀបចំដាក់ឃឿនចំកណ្ដាល ហើយមានការពង្រឹងគុណភាពសាងសង់ ដើម្បីប្រើប្រាស់បានយូរអង្វែង។

វិស្វករប្រចាំការដ្ឋាន សាងសង់ផ្លូវវាងក្រុងកំពត ឬផ្លូវលេខ ១៣៩A ខេត្តកំពត លោក នាក ចិន បានបញ្ជាក់ឲ្យដឹងថា ផ្លូវនេះមានប្រវែង៣,៦៧០ ម៉ែត្រ ដែលស្ថាបនាជាប្រភេទផ្លូវកៅស៊ូ DBST និងដែលបានចាប់ផ្តើម បើកការដ្ឋានស្ថាបនាជួសជុលឡើងវិញ នៅក្នុងខែមេសា ឆ្នាំ ២០២២។
ការស្ថាបនាជួសជុលផ្លូវវាងក្រុងកំពតនេះ ត្រូវគោរពតាមលក្ខណៈបច្ចេកទេស ដែលមានការត្រួតពិនិត្យឱ្យបានត្រឹមត្រូវ និងធានាគុណភាពជាប់បានយូរអង្វែង ជាងការសាងសង់ពីមុនៗ ពីព្រោះផ្លូវវាងក្រុងនេះ សម្រាប់ប្រើបញ្ចៀសរថយន្តធុនធំ ដោយមិនឲ្យបើកបរចូលឆ្លងកាត់ ក្នុងក្រុងកំពតនោះឡើយ។

ផ្លូវនេះបានតភ្ជាប់ពីផ្លូវជាតិលេខ៣ នៅត្រង់ចំណុចក្លោងទ្វារខេត្ត ឆ្ពោះទៅកាន់ផ្លូវជាតិលេខ៣៣ បន្តទៅកាន់តភ្ជាប់ជាមួយនិងខេត្តកែប៕

ការស្ទង់មតិៈអ្នកធុរកិច្ចនៅតែមានសុទិដ្ឋិនិយមពីការធ្វើធុរកិច្ចនៅកម្ពុជា

ដោយៈ គង់ សូរិយា

ភ្នំពេញៈ អ្នកឆ្លើយសំណួរ៦២ភាគរយ បានព្យាករអំពីកំណើនអាជីវកម្មរបស់ពួកគេ ក្នុងរយៈពេល១២ ខែខាងមុខ ធៀបនឹង៥៦ភាគរយកាលពីឆ្នាំ២០២១។ ទំនុកចិត្តកាន់តែវិជ្ជមាន បន្ទាប់ពីការរីករាលដាល នៃជំងឺកូវីដ ១៩ បើទោះវាមិនអាចត្រឡប់ទៅរកកម្រិតមុនកូវីដ (៧២ ភាគរយ) នោះនៅឡើយទេ។

យោងតាមការស្ទង់មតិទំនុកចិត្តអាជីវកម្មឆ្នាំ ២០២៣ ដែលធ្វើឡើងដោយEuroCham Cambodia គឺទំនុកចិត្តធុរកិច្ចនៅកម្ពុជាជាទូទៅមានភាពវិជ្ជមាន ដោយអាជីវកម្មភាគច្រើន បានសម្រេចតាមទិសដៅកំណត់រកប្រាក់ចំណេញ ហើយភាគច្រើនមានសុទិដ្ឋិនិយមអំពីអនាគតរបស់ពួកគេ។

ទោះយ៉ាងណាក៏ដោយ អាជីវកម្មកំពុងប្រឈមនឹងបញ្ហាខាងក្នុងដូចជា ការធ្លាក់ចុះលទ្ធភាពទទួលបានហិរញ្ញវត្ថុ និងលទ្ធភាពទទួលបានកម្មករជំនាញ។ ក្រៅពីនេះ បញ្ហាប្រឈមជាសកល ដូចជា បញ្ហាអតិផរណា និងសង្គ្រាមនៅអ៊ុយក្រែន កម្ពុជាមិនបានគេចផុតឡើយ។របាយការណ៍ស្ទង់មតិនេះបានបញ្ជាក់ថា “ធុរកិច្ចនៅកម្ពុជាមានភាពធន់ និងបានបង្ហាញពីសមត្ថភាពរបស់ពួកគេ ក្នុងការសម្របខ្លួនទៅនឹងការផ្លាស់ប្តូរ។ ដោយមានការគាំទ្រត្រឹមត្រូវ ពីរដ្ឋាភិបាលធុរកិច្ចក្នុងប្រទេសកម្ពុជា មានស្ថានភាពល្អក្នុងការទប់ទល់ នឹងបញ្ហាប្រឈមទាំងនេះ ហើយបន្តរីកចម្រើន និងវិបុលភាព”។

ភាពងាយស្រួល ក្នុងការធ្វើអាជីវកម្មនាពេលអនាគត ភាគរយនៃអ្នកឆ្លើយសំណួរដែលព្យាករថា ការធ្វើអាជីវកម្មនៅកម្ពុជានឹងកាន់តែលំបាកបានកើនឡើងបន្តិច គឺ៣១ភាគរយ ធៀបនឹង២៩ភាគរយកាលពីឆ្នាំ២០២១ ខណៈអ្នកដែលព្យាករថា វានឹងមានភាពកាន់តែងាយស្រួលបានធ្លាក់ចុះមកដល់២៧ភាគរយ ពី៣១ ភាគរយកាលពីឆ្នាំ ២០២១។

នេះបង្ហាញថា មានភាពមិនច្បាស់លាស់កាន់តែខ្លាំងឡើង ពីភាពងាយស្រួល នៃការធ្វើអាជីវកម្មនៅប្រទេសកម្ពុជា។ នេះបើតាម EuroCham Cambodia។
យោងតាមរបាយការណ៍ ការយល់ឃើញអំពីការប្រកួតប្រជែងក្នុងតំបន់របស់កម្ពុជា មានការយល់ឃើញផ្សេងៗគ្នា។ ខណៈពេលទទួលបានអត្ថប្រយោជន៍ ប្រកួតប្រជែងនៃតម្លៃពលកម្មទាប អាជីវកម្មជួបការលំបាក ក្នុងការទទួលបានកម្លាំងពលកម្មជំនាញ។ទន្ទឹមនឹងនោះ លទ្ធភាពក្នុងការទទួលបានហិរញ្ញវត្ថុ គឺជាអត្ថប្រយោជន៍ដ៏សំខាន់ ក្នុងការធ្វើអាជីវកម្ម នៅក្នុងប្រទេសកម្ពុជាកាលពីឆ្នាំមុនៗ នៅពេលនេះ មានតម្រូវការពីសហគមន៍ធុរកិច្ច ដើម្បីទទួលបានការគាំទ្រកាន់តែច្រើននៅក្នុងតំបន់។

អគ្គលេខាធិការរងនៃក្រុមប្រឹក្សាអភិវឌ្ឍន៍កម្ពុជា (CDC) លោកជា វុទ្ឋីបានថ្លែងក្នុងវេទិកាធុរកិច្ច កាលពីថ្ងៃទី ១១ ខែសីហាថា កម្ពុជាមានសក្តានុពលសេដ្ឋកិច្ច សន្តិភាព សន្តិសុខ ស្ថិរភាពនយោបាយ និងសេដ្ឋកិច្ច ហើយវិស័យឯកជន គឺជាកម្លាំងចលករសំខាន់ដើម្បីចូលរួមក្នុងការអនុវត្តសេដ្ឋកិច្ចជាតិ។

លោកបន្តថា “លំហូរទុនវិនិយោគនៅកម្ពុជា ស្ថិតនៅក្នុងស្ថានភាពល្អខ្លាំង ធៀបនឹងប្រទេសសមាជិកអាស៊ានដទៃទៀត”។លោកបន្ថែមថា “យើងមើលឃើញថា ទោះបីមានវិបត្តិកូវីដ១៩ ភាពតានតឹងភូមិសាស្ត្រនយោបាយ និងភាពតានតឹងពាណិជ្ជកម្មចិន-អាមេរិក ក៏យើងនៅតែទទួលបានលំហូរវិនិយោគបរទេស”។សម្រាប់ទុនវិនិយោគគិតនៅត្រឹម៩ ខែឆ្នាំ២០២៣នេះ កម្ពុជាបានទាក់ទាញទុនវិនិយោគជិត១៨០០លានដុល្លារអាមេរិក៕

តើក្រុមហ៊ុន SRI ម្ចាស់គម្រោង Banteay Srey Eco City នៅខេត្តសៀមរាបមានដៃគូចំនួនប៉ុន្មាន និងបង្កើតឡើងតាំងពីពេលណា?

ដោយ: គង់ លាងហួរ

ភ្នំពេញ: ក្រុមហ៊ុន Strategic Realty Investment Co., Ltd ត្រូវបានបង្កើតឡើងក្នុងខែកុម្ភៈ ឆ្នាំ២០២២ ហើយសព្វថ្ងៃនេះ វាគឺជាក្រុមហ៊ុនមួយ ក្នុងចំណោមក្រុមហ៊ុនអភិវឌ្ឍន៍អចលនទ្រព្យ ដែលប្រកបដោយភាពច្នៃប្រឌិត និងមានភាពពិសេសប្លែកតែមួយគត់។

ដោយមានជំនាញជាសកល នៅក្នុងទីផ្សារ មហិច្ឆតាដ៏រឹងមាំ និងការជំរុញក្នុងការច្នៃប្រឌិត ក្រុមហ៊ុន Strategic Realty Investment Co., Ltd បាននិងកំពុងផ្តោតលើភាពរីកចម្រើន ការអភិវឌ្ឍន៍ជាយុទ្ធសាស្ត្រ និងរួមចំណែកដល់ការអភិវឌ្ឍ ប្រកបដោយភាពច្នៃប្រឌិតនៅកម្ពុជា។ជាមួយគ្នានេះ ស្តង់ដារខ្ពស់បំផុតនៃការរចនា និងសំណង់ និរន្តរភាព ការផ្តល់ត្រឡប់ទៅកាន់សហគមន៍ ធម្មជាតិ និងការបង្កើតឱកាសការងារ និងការវិនិយោគដ៏គួរឱ្យភ្ញាក់ផ្អើល គឺជាកម្លាំងជំរុញមួយរបស់ក្រុមហ៊ុន Strategic Realty Investment Co., Ltd។លើសពីនេះ គុណតម្លៃរបស់ក្រុមហ៊ុន SRI គឺរក្សាការវិនិយោគ និងគម្រោងអភិវឌ្ឍន៍របស់ខ្លួន ជាមួយនឹងកម្រិតខ្ពស់បំផុតនៃនិរន្តរភាព ការគោរព និងសុចរិតភាព។ បច្ចុប្បន្ន ក្រុមហ៊ុន Strategic Realty Investment Co., Ltd ផ្តល់ជូនសេវាកម្មចំនួន៤ ដូចជា ដំណោះស្រាយវិនិយោគជាយុទ្ធសាស្ត្រ ទ្រព្យសម្បត្តិឯកជន និងពាណិជ្ជកម្ម ការអភិវឌ្ឍន៍គម្រោង និងផ្តល់ឱកាសភាពជាដៃគូ។ក្រុមហ៊ុននេះ ក៏ជាសមាជិករបស់ស្ថាប័នចំនួន៤ ដូចជាសភាពាណិជ្ជកម្មអឺរ៉ុបប្រចាំកម្ពុជា សភាពាណិជ្ជកម្មអាមេរិកប្រចាំកម្ពុជា សមាគមវិនិយោគិនននានុវត្តន៍ និងអភិវឌ្ឍន៍ និងVMOVE CLUB។

ទន្ទឹមគ្នានេះ ក្រុមហ៊ុន SRI មានដៃគូសហការគ្នាចំនួន៦ ដូចជា ក្រុមហ៊ុនASEAN REALTOR Inc. ក្រុមហ៊ុន V.BUILDCC ក្រុមហ៊ុន ID CAPITAL ក្រុមហ៊ុន TOMNOR ក្រុមហ៊ុន ANATA និងធនាគារ Chief Bank។បច្ចុប្បន្ន ក្រុមហ៊ុនSRI កំពុងបង្កើតគំនិតទីក្រុងអេកូឡូស៊ីដ៏ពិសេសមួយនៅស្រុកបន្ទាយស្រី ខេត្តសៀមរាប ដែលមានឈ្មោះថា គម្រោង Banteay Srey Eco City។ គម្រោង Banteay Srey Eco City គឺជាគម្រោងប្រើប្រាស់ចម្រុះខ្នាតយក្ស និងដ៏សំបូរបែប ដែលលាតសន្ធឹងលើផ្ទៃដីជាង៣០០ហិកតានៅក្នុងស្រុកបន្ទាយស្រី ខេត្តសៀមរាប។នៅក្នុងគម្រោងធំនេះ រួមមានដូចជា កន្លែងអាជីវកម្មចំនួន១២០ សាលារៀនចំនួន២ សាកលវិទ្យាល័យលំដាប់អន្តរជាតិចំនួន១ កីឡដ្ឋានបាល់ទាត់ ដែលអាចផ្ទុកអ្នកទស្សនាបាន២៥.០០០នាក់ ផ្ទះវីឡាចំនួន៤១០យូនីត ផ្ទះចំនួន៣០០យូនីត ផ្ទះអាជីវកម្មចំនួន១៦០យូនីត និងកោះឋានសួគ៌ជាដើម។

លើសពីនេះ ក្រុមហ៊ុនកំពុងសាងសង់ផ្ទះវីឡាបែបខ្មែរ សួនច្បារ សួនផ្កា ទីលានកីឡា ផ្ទះលំហែរកាយ និងកន្លែងញុំាអាហារ ជាមួយនឹងគំនិតបង្កើតថ្មី ប្រកបដោយភាពច្នៃប្រឌិតខ្ពស់ ដែលមានលក្ខណៈខុសប្លែកពីខេត្តដទៃ ក៏ដូចជា រួមចំណែកដល់ការអភិវឌ្ឍសេដ្ឋកិច្ចជាតិផងដែរ។ បន្ថែមពីនោះ គម្រោង Banteay Srei Eco City នឹងនាំមកជូនបន្ថែមទៀតនូវ អន្តេវាសិកដ្ឋាន ភោជនីយដ្ឋានប្រណីត សួនកុមារ ផ្សារទំនើប មជ្ឈមណ្ឌលអាពាហ៍ពិពាហ៍ និងមជ្ឈមណ្ឌលសន្និបាត សកម្មភាពជិះទូកកម្សាន្ត ផ្សារ ផ្លូវ៣០ម៉ែត្រ និងរបស់ជាច្រើនផ្សេងទៀត៕

អគ្គនាយកERAអះអាងថាទីផ្សារខុនដូចាប់ផ្តើមមានភាពប្រសើរឡើង

ដោយៈ ជេស៊ីកា

ភ្នំពេញៈ អគ្គនាយកក្រុមហ៊ុនERA Cambodiaលោកខន គង្គាបានមានប្រសាសន៍ថា ទីផ្សារខុនដូបាននិងកំពុងចាប់ផ្តើម មានភាពប្រសើរឡើងវិញហើយ។ លោកបានមានប្រសាសន៍ឲ្យដឹង តាមបណ្តាញតេឡេក្រាមកាលពីថ្ងៃទី៤ តុលាថា ស្ថានភាពបច្ចុប្បន្ន ទីផ្សារខុនដូចាប់ផ្តើមមានភាពប្រសើរឡើង បើធៀបនឹងត្រីមាសទី២ឆ្នាំនេះ។ លោកបន្តថា ស្ថានភាពទីផ្សារ មានភាពប្រសើរ ប៉ុន្តែមិនកើនឡើងជាដុំកំភួននោះទេ វាងើបឡើងតិចៗ។

លោកបន្តថា “អ្នកទិញខុនដូ មានទាំងជនជាតិខ្មែរ និងបរទេស ហើយជនបរទេសភាគច្រើនជាជនជាតិអឺរ៉ុប និងជនជាតិជប៉ុន សឹង្ហបុរី កូរ៉េជាដើម”។ លោកបន្តថា “អ្នកទិញថ្មីៗនៅក្នុងទីផ្សារ មានជនជាតិភូមា និងជនជាតិឥណ្ឌូនេស៊ី”។ការផ្គត់ផ្គង់ខុនដូនៅទីផ្សារបច្ចុប្បន្ន មានប្រមាណ៥០,០០០យូនីត ដែលបាននិងកំពុងដាក់ចូលក្នុងទីផ្សារ ដែលគេមើលឃើញថា ចំនួនការផ្គត់ផ្គង់ហាក់លើសតម្រូវការ ប៉ុន្តែអ្នកជំនាញថា ទីផ្សារនៅតែស្រូបយកតម្រូវការល្អប្រសើរនៅឡើយ។

លោកខន គង្គាបានបន្តថា ស្ថានភាពបច្ចុប្បន្ន វានៅតែជាពេលវេលាល្អ សម្រាប់ការទិញខុនដូ សម្រាប់វិនិយោគយកផលចំណេញ ក៏ដូចជា ទិញសម្រាប់រៀបចំជាបន្ទប់សណ្ឋាគារ ព្រោះការទិញខុនដូមួយជាន់ឬ២ជាន់រៀបចំជាសណ្ឋាគារ មានការពេញនិយមផងដែរ៕