ដោយៈ គង់ សូរិយា

        កែបៈ ការ​មានត្រឹមក្តីស្រម៉ៃ មិនគ្រប់គ្រាន់ទេ តែអ្នកអភិវឌ្ឍន៍ត្រូវមានគំនិតច្នៃប្រឌិត មានមូលដ្ឋានទុនគ្រប់គ្រាន់ និងចក្ខុវិស័យច្បាស់​លាស់ ទើបសមិទ្ឋផលដ៏លេចធ្លោមួយអាចលេចរូបរាងឡើង។

គំរោងដីលំហែរ ដែលបំពេញដោយហេដ្ឋារចនាសម្ព័ន្ឋ ពោរពេញដោយភាពទាក់ទាញ ផ្សារភ្ជាប់ជាមួយធម្មជាតិជុំវិញ បានធ្វើឲ្យគំរោងឆ្នេរសមុទ្រកោងកាង ដែលបាននិងកំពុងចំណាយទុនប្រមាណ​៧លានដុល្លារ នៅតែដំណើរការ និងទាក់ទាញអតិថិជនបានកាន់តែច្រើន ទោះបីគំរោងភាគច្រើនបានជាប់គាំងក្តី។

អគ្គនាយកក្រុមហ៊ុនYoungsia Real EstateលោកCooler Tanបានមានប្រសាសន៍ឲ្យដឹង កាលពីចុងសប្តាហ៍មុនថា រហូតមកទល់ពេលនេះ គំរោងនេះបានវិវត្តន៍កាន់តែប្រសើរ ជាមួយការពន្លឿនសាងសង់ហេដ្ឋារចនាសម្ព័ន្ឋនានា ដាំដើមឈើ និងជីកព្រែកសប្បនិម្មិតបានបញ្ចប់១០០ភាគរយ។ លោកបន្តថា “មូលដ្ឋានទុននៃគំនិត និងមូលដ្ឋានទុនផ្នែកហិរញ្ញវត្ថុមានសារៈសំខាន់ណាស់ ដើម្បីធ្វើឲ្យគំរោងមួយទទួលបានជោគ​ជ័យ និងអាចឈរជើងបាននៅក្នុងទីផ្សារ”។ លោកបន្តថា “យើងនៅតែប្រកាន់យកការធ្វើពិត ធ្វើលឿន ធ្វើលើសពីក្តីស្រម៉ៃអតិថិជ​ន ដើម្បី​ឲ្យអតិថិជនរបស់យើងស្ងប់ចិត្ត និងទទួលបានដីលំហែរពិតប្រាកដ”។ គំរោងឆ្នេរសមុទ្រកោងកាង បាននិងកំពុងសម្រេចបានការលក់ប្រមាណ៧០ភាគរយ ជាមួយនឹងហេដ្ឋារចនាសម្ព័ន្ឋ ក៏សម្រេចបាន​ប្រ​មា​ណ៩០ភាគរយផងដែរ។

លោកCooler Tanបានបន្តថា លើសពីអ្វីដែលយើងបានកំពុងធ្វើ គំរោងឆ្នេរសមុទ្រកោងកាង បាននិងកំពុងបើកដំណើរការសមុទ្រ​កោងកាង ដែលផ្តោតលើរសជាតិអាហារពិសេស គឺបង្កងទឹកសាប ដែលមានឱជារសយ៉ាងពិសេស និងជាបង្កងដែលនៅស្រស់ និងរស់រវើក ដែលមិនបាត់បង់ឱជារសនោះឡើយ។

ទោះបីក្នុងស្ថានភាពសេដ្ឋកិច្ចបែបនេះក្តី ប៉ុន្តែក្រុមហ៊ុនYoungsia Real Estate នៅតែដំណើរការបើកលក់គំរោងថ្មី គឺបូក​គោលែន៦ ដែលមានទីតាំងស្ថិត នៅតាមបណ្តោយផ្លូវជាតិលេខ៤៣​។ គំរោងនេះ បាននិងពុងទទួលបានការចាប់អារម្មណ៍ខ្ពស់ ពីអតិថិជនផងដែរ ដោយសារទី១ ម្ចាស់គំរោងបានផ្តល់ទំនុកចិត្តដល់អតិថិជន ដោយសារនិយាយពិត ធ្វើពិត ទី២ គំរោងព័ទ្ឋជុំវិញដោយធម្មជាតិ ភ្នំ និងតំបន់ទេសភាពខៀវស្រងាត់។

ទី៣ ការសាងសង់ហេដ្ឋារចនាសម្ព័ន្ឋមានភាពល្អប្រសើរ ទី៤ មានការដាំដើមឈើត្រឈឹងត្រឈៃ និងសួនច្បារកំសាន្តដ៏ស្រស់ស្អាត និងទី៥ មានលក្ខខ័ណ្ឌបង់ប្រាក់ងាយស្រួល និងបត់បែន៕

ដោយ:ហ្វី អូណា
ភ្នំពេញ:​ក្រសួង​រៀបចំ​ដែនដី​ ​ន​គ​រូប​នី​យ​កម្ម​ ​និង​សំណង់​ ​ជំរុញ​ភាគី​ពាក់ព័ន្ធ​សាងសង់​សំណង់​នៅ​កម្ពុជា​ ​ត្រូវ​យក​រចនាបថ​ខ្មែរ​មក​ប្រើប្រាស់​ឱ្យ​បាន​ច្រើន​ ​និង​បំផុស​ចលនា​លើក​តម្កើង​រចនាបថ​ស្ថាបត្យកម្ម​ខ្មែរ​នៅ​តាម​សំណង់​នានា​ទូទាំង​ប្រទេស​។​

​ក្នុង​ជំនួប​សំណេះសំណាល​ជាមួយ​ថ្នាក់​ដឹកនាំ​ម​ន្រ្តី​រាជការ​ ​កាលពី​ថ្ងៃសុក្រ​ ​លោក​ ​សាយ​ ​សំ​អា​ល់ ​រដ្ឋមន្ត្រី​ក្រសួង​រៀបចំ​ដែនដី​ ​ន​គ​រូប​នី​យ​កម្ម​ ​និង​សំណង់​ ​បញ្ជាក់​ថា​ ​ការងារ​អាទិភាព​របស់​​​ក្រសួង​ ​គឺ​ជំរុញ​ស្ថាបត្យកម្ម​ខ្មែរ​ ​សាងសង់​ដោយ​យក​រចនាបថ​ខ្មែរ​មក​ប្រើប្រាស់​ឱ្យ​បាន​ច្រើន​។​ ក្នុង​នោះ​មាន​រចនាបថ​ខ្មែរ​ទំនើប​ ​រចនា​បទ​ខ្មែរ​សហសម័យ​ ​និង​ជំរុញ​ចលនា​ឱ្យ​កាន់តែ​ផុស​ផុល​ ​ដើម្បី​លើក​តម្កើង​រចនាបថ​ស្ថាបត្យកម្ម​ខ្មែរ​ ​ជាពិសេស​ត្រូវ​ពង្រឹង​គុណភាព​ ​និង​សុវត្ថិភាព​សំណង់​។​

​លោក​បន្ត​ថា​ ​លើស​ពី​នេះ​ ​ជំរុញ​ឱ្យ​មានការ​អភិវឌ្ឍ​ន​គ​រូប​នី​យ​កម្ម​ ​តាមរយៈ​ការ​រៀបចំផែនការ​អភិវឌ្ឍ​ទីក្រុង​ ​ទីប្រជុំជន​ ​នៅ​ថ្នាក់​ក្រុង​ ​ស្រុក​ ​ខណ្ឌ​ ​ឃុំ​ ​សង្កាត់​ ​នៅ​ទូទាំង​រាជធានី​-​ខេត្ត​ ​ដើម្បី​ឱ្យ​ស្រប​ទៅតាម​ទស្សនាទាន​ទីក្រុង​ស្អាត​ ​ទីក្រុង​ឆ្លាត​ ​និង​ទីក្រុង​គួរ​ឱ្យ​ចង់​រស់នៅ​។​ ​ចំពោះ​ការងារ​លំនៅឋាន​ ​គឺ​ជំរុញ​ឱ្យ​មាន​ការរៀបចំ​លំនៅឋាន​សមរម្យ​ដែល​គួរ​ឱ្យ​រស់នៅ​ ​និង​មាន​បរិស្ថាន​ល្អ​ប្រកបដោយ​សុខដុម​ ​តាមរយៈ​រៀបចំ​គំរូ​ផ្ទះ​សម្រាប់​យកជា​មូលដ្ឋាន​ ​ព្រមទាំង​រៀបចំ​ឱ្យ​មាន​បុរី​គំរូ​នៅ​តាម​ជនបទ​ ​ជាពិសេស​កែ​លម្អ​លំនៅឋាន​ភូមិ​ចាស់​ ​និង​គំរូ​លំនៅឋាន​សម្រាប់​ទីតាំង​ថ្មីៗ​។​​លោក​បន្ថែម​ថា​ ​ក្រសួង​ក៏​ផ្ដោ​ត​លើ​ការងារ​លំនៅឋាន​សម្បទាន​ដី​សង្គមកិច្ច​ ​តាមរយៈ​ការ​អភិវឌ្ឍ​លំនៅឋាន​ដី​សង្គមកិច្ច​ ​ប្រកបដោយ​ចីរភាព​ ​ពិសេស​ផលិតកម្ម​កសិកម្ម​ ​ប្រព័ន្ធ​គាំពារ​សង្គមកិច្ច​ ​សេវា​អប់រំ​និង​សុខាភិបាល​ ​ព្រមទាំង​សេវា​សង្គមកិច្ច​នានា​ ​ដែល​អាច​ទ្រទ្រង់​ការ​អភិវឌ្ឍ​សហគមន៍​ ​ពិសេស​និរន្តរភាព​ជីវភាព​ ​និង​សេដ្ឋកិច្ច​គ្រួសារ​។​ ​រដ្ឋមន្ត្រី​បន្ថែម​ថា​ ​ចំពោះ​ការ​លើក​ម្ពស់​ការ​យល់​ដឹង​ក្នុង​វិ​ស​័​យ​រៀបចំ​ដែនដី​ ​ន​គ​រូប​នី​យ​កម្ម​ និង​សំណង់​ ​គឺជា​ការងារ​អាទិភាព​ ​ដើម្បី​លើក​កិត្យានុភាព​កម្ពុជា​នៅ​លើឆាកអន្តរជាតិ​ ​ដែល​អនុញ្ញាត​ឱ្យ​មជ្ឈដ្ឋាន​ជាតិ​ ​និង​អន្តរជាតិ​កាន់តែ​មាន​ជំនឿ​ទុកចិត្ត​លើ​កម្ពុជា​ ​ព្រមទាំង​ផ្តល់​ព័ត៌មាន​ ​ចំណេះ​ដឹង​កាន់តែ​ទូលំទូលាយ​ដល់​សាធារណជន​។​

​ការ​លើក​ក​ម្ពស់​សេវា​សាធារណៈ​ទំនើប​ ​និង​ការ​គ្រប់គ្រង​ទិន្នន័យ​ ​ដើម្បី​ផ្តល់​សេវា​លឿន​ ​រហ័ស​ ​តម្លា​ភាព​ ​ប្រសិទ្ធ​ភាព​ ​ងាយស្រួល​ ​និង​ជឿ​ទុក​ចិត្ត​ពី​ប្រជាពលរដ្ឋ​នៅ​តាម​មូលដ្ឋាន​។​​លោក​ ​សាយ​ ​សំ​អា​ល់ ​បញ្ជាក់​ថា​ ​ការងារ​អាទិភាព​របស់​​​ក្រសួង​ផ្អែកលើ​យុទ្ធ​សា​ស្រ្ត​បញ្ចកោណ​ដោយ​ផ្តោត​លើ​ការងារ​រៀបចំ​គោល​នយោបាយ​ ​ដើម្បី​ឱ្យ​កាន់តែ​មាន​ភាព​ជាក់​ស្តែង​ ​និង​អនុវត្ត​ឆ្ពោះទៅ​រក​លទ្ធផល​។​​លោក​បន្ថែម​ថា​ ​សម្រាប់​ការងារ​ក្នុង​អាណត្តិ​ទី​៧​ ​គឺ​បន្តម​រត​ក​សមិទ្ធផល​នៃ​រដ្ឋបុរស​របស់​កម្ពុជា​ ​ជាពិសេស​ព្រះករុណា​សម្តេច​ព្រះ​បរម​រត​ន​កោដ្ឋ​ ​ដែល​បាន​ទាមទារ​ឯករាជ្យជាតិ​ ​និង​លោក​ ​ហ៊ុន​ ​សែន​ ​ប្រធាន​គណបក្សប្រជាជន​កម្ពុជា​ ​បាន​តស៊ូ​លះបង់​គ្រប់បែបយ៉ាង​ ​ដើម្បី​រំដោះ​ជាតិ​ ​និង​អភិវឌ្ឍ​ប្រទេស​។​ ​លោក​បន្ត​ថា​ ​បច្ចុប្បន្ន​ ​បាន​បន្ត​ដំណើរ​មក​ដល់​សហសម័យ​កម្ពុជា​ ​ដែល​ជា​យុគ​សម័យ​ទំនើប​ ​នៃ​ការ​បន្ត​ដំណើរ​រីក​ចម្រើន​ទៅ​មុខ​ក្រោម​ការ​​​ដឹកនាំ​របស់​លោក​ ​ហ៊ុន​ ​ម៉ា​ណែ​ត​ ​នាយក​រដ្ឋ​ម​ន្រ្តី​។​

​អ្នក​នាំពាក្យ​ក្រសួង​វប្បធម៌​ ​និង​វិចិត្រ​សិល្បៈ ​លោក​ ​ស៊ុំ​ ​ម៉ាប់​ ​ប្រាប់​កាសែត​ខ្មែរ​ថា​ម​ស៍ ​កាល​ពីម្សិលមិញ​ថា​ ​គិត​មកទល់​ពេលនេះ​ ​លោក​ពុំ​ទាន់​ទទួល​បាន​ព័ត៌មាន​ពី​ក្រសួង​ខាងលើ​ ​ដែល​បាន​ជំរុញ​ឱ្យ​សាងសង់​សំណង់​ដោយ​យក​រចនាបថ​ខ្មែរ​មក​ប្រើប្រាស់​ឱ្យ​បាន​ច្រើន​នៅឡើយ​។​​លោក​បន្ថែម​ថា​ ​ការ​យក​រចនាបថ​ខ្មែរ​មក​ប្រើប្រាស់​ឱ្យ​បាន​ច្រើន​នៅ​លើ​សំណង់​នានា​នៅ​កម្ពុជា​ទាំង​បច្ចុប្បន្ន​ ​និង​អនាគត​ ​គឺជា​រឿង​ល្អ​។​​លោក​ ​លី​ ​រស្មី​ ​រដ្ឋលេខាធិការ​ក្រសួង​រៀបចំ​ដែនដី​ ​ន​គ​រូប​នី​យ​កម្ម​ ​និង​សំណង់​ ​ធ្លាប់​លើក​ឡើង​ថា​ ​ទឹកដី​ខ្មែរ​ ​ត្រូវ​មាន​លក្ខណៈ​ជាខ្មែរ​ ​ដ្បិត​តែ​ឥឡូវ​ជា​សម័យកាល​ភា​វូប​នី​យ​កម្ម​ ​ដែល​ស្ថាបត្យកម្ម​ ​មាន​លក្ខណៈ​ទំនើប​ច្រើន​ ​ដូច្នេះ​ ​នៅ​ភ្នំពេញ​ ​ក៏ដូចជា​ទីក្រុង​ផ្សេងៗ​ទៀត​នៅ​កម្ពុជា​ ​គឺ​ត្រូវការ​ស្ថាបត្យកម្ម​ដែល​មាន​អត្តសញ្ញាណ​ ​មាន​អត្តចរិត​ ​និង​មានព្រលឹង​ជាខ្មែរ​ច្រើន​។​

​លោក​បន្ថែម​ថា​ ​ការរៀបចំ​ន​គ​រូប​នី​យ​កម្ម​ទីក្រុង​ ​គឺ​ត្រូវការ​ទាំង​ស្ថាបត្យកម្ម​ទំនើប​ ​និង​ស្ថាបត្យកម្ម​បុរាណ​ ​នៅ​ជាមួយគ្នា​ ​ប៉ុន្តែ​បច្ចុប្បន្ន​នៅ​រាជធានី​ភ្នំពេញ​ ​និង​ទីក្រុង​នានា​នៅ​កម្ពុជា​ ​គឺ​ភាគច្រើន​សម្បូរ​អគារ​បែប​ទំនើប​ ​នៅឡើយ​កង្វះខាត​អគារ​ដែល​មាន​លក្ខណៈ​ខ្មែរ​។​​លោក​ ​លី​ ​រស្មី​ ​លើកទឹកចិត្ត​ឱ្យ​មានការ​បញ្ចូល​នូវ​រចនា​ប​ខ្មែរ​ ​នៅ​តាម​សំណង់​ ​អគារ​ឯកជន​ ឱ្យ​បាន​កាន់តែ​ច្រើន​។​​លោក​បញ្ជាក់​ថា​៖​ ​«​អគារ​ដែល​គួរ​ត្រូវ​មាន​លក្ខណៈ​ខ្មែរ​នោះ​ ​មាន​សារមន្ទីរ​ ​រោងមហោស្រព​ ​សាលារៀន​ ​អគារ​រដ្ឋបាល​សាធារណៈ​របស់​រដ្ឋ​ ​អគារ​មួយ​ចំនួន​ទៀត​ដែល​ទាក់ទង​នឹង​ដួង​ព្រលឹង​របស់​ខ្មែរ​ ​ដែល​បម្រើ​ដល់​មុខងារ​ប្រើប្រាស់​ទាក់ទង​នឹង​វប្បធម៌​ ​ឬ​ក្រសួង​ស្ថាប័នរដ្ឋ​ផ្សេងៗ​ ​គួរតែ​មាន​លក្ខណៈ​ជាខ្មែរ​»​៕​​​

តែម សុខុម

វ៉ាស៊ីនតោន: ធនាគារពិភពលោក (World Bank) កាលពីថ្ងៃអាទិត្យ ចុងសប្ដាហ៍កន្លងទៅបានព្យាករថា សេដ្ឋកិច្ចរបស់ប្រទេសចិន នឹងសម្រេចបានកំណើន៥,១%ក្នុងឆ្នាំ២០២៣។ នេះយោងតាមរបាយការណ៍បច្ចុប្បន្នភាពស្ដីពីសេដ្ឋកិច្ចអាស៊ីបូព៌ា និងប៉ាស៊ីហ្វិករបស់ធនាគារនេះដែលបានចេញផ្សាយកាលពីពេលថ្មីៗកន្លងទៅ។

លោក Aaditya Mattoo ប្រធានសេដ្ឋវិទូប្រចាំតំបន់អាស៊ីបូព៌ា និងប៉ាស៊ីហ្វិកនៃធនាគារពិភពលោកបានថ្លែងក្នុងសន្និសីទសារព័ត៌មានឆ្លើយតបទៅនឹងសំណួររបស់ទីភ្នាក់ងារព័ត៌មាន Xinhua ថា “សេដ្ឋកិច្ចរបស់ប្រទេសចិន មានកម្លាំងខ្លាំងគួរឱ្យកត់សម្គាល់”។

សេដ្ឋវិទូរូបនេះបន្ថែមថា “ប្រទេសចិន បានបង្ហាញភាពខ្លាំងដ៏អស្ចារ្យរបស់ខ្លួនផ្នែកផលិតកម្មដែលមិនត្រឹមតែផលិតកម្មមូលដ្ឋានប៉ុណ្ណោះទេ ប៉ុន្តែថែមទាំងខ្លាំងផ្នែកនវានុវត្តន៍ដែលប្រទេសចិន បំបែកកំណត់ត្រា ជាសមត្ថភាពមនុស្សដែលត្រូវបានបង្កើតឡើងនៅក្នុងប្រទេសចិន ផងដែរ”។លោកបានធ្វើការកត់សម្គាល់ថា ប្រទេសចិន មានផែនការសម្រេចឱ្យបាននូវកំណើនដែលមានគុណភាពកាន់តែប្រសើរឡើង និងមិនគ្រាន់តែគិតពីវិធីដែលអាចពន្លឿនកំណើនក្នុងរយៈពេលខ្លីប៉ុណ្ណោះទេ។

យោងតាមរបាយការណ៍ខាងលើបង្ហាញថា កំណើនសេដ្ឋកិច្ចក្នុងតំបន់អាស៊ីបូព៌ា និងប៉ាស៊ីហ្វិកក្នុងឆ្នាំនេះគឺខ្ពស់ជាងការព្យាករជាមធ្យមសម្រាប់បណ្ដាទីផ្សារដែលកំពុងរីកចម្រើនឆាប់រហ័សផ្សេងៗទៀត និងគ្រប់ប្រទេសកំពុងអភិវឌ្ឍន៍។

របាយការណ៍ដដែលបង្ហាញទៀតថា សេដ្ឋកិច្ចប្រទេសចិន ត្រូវបានរំពឹងថានឹងនៅតែរឹងមាំជាមួយនឹងកំណើនក្នុងរង្វង់៥%សម្រាប់ឆ្នាំ២០២៣ ប៉ុន្តែនឹងថមថយបន្តិចក្នុងឆមាសទី២ ចុងឆ្នាំ២០២៣ ហើយត្រូវបានព្យាករថានឹងសម្រេចបានកំណើនក្នុងរង្វង់៤,៤%ក្នុងឆ្នាំ២០២៤៕ Xinhua៕

ដោយ: គង់ លាងហួរ

តូក្យូ: ការស្ទង់មតិរបស់ធនាគារកណ្តាលជប៉ុន បានបង្ហាញនៅថ្ងៃចន្ទនេះថា អារម្មណ៍ ឬទំនុកចិត្តធុរកិច្ចរបស់ប្រទេសជប៉ុន កាន់តែមានភាពប្រសើរឡើង ក្នុងត្រីមាសទី៣ដែលបង្ហាញថា សេដ្ឋកិច្ចប្រទេ​សនេះកំពុងស្ទុះងើបឡើងវិញ។

យោងតាមរបាយការណ៍​ ដែល​មាន​ឈ្មោះ​​ថា Tankan របស់​ធនាគារ​កណ្តាល​ជប៉ុនបានបង្ហាញថា សន្ទស្សន៍ទំនុកចិត្តរបស់ក្រុមហ៊ុនផលិតកម្មធំៗ បានកើនឡើងដល់៩ពិន្ទុ ក្នុងខែកញ្ញា ពី៥ពិន្ទុ ក្នុងខែមិថុនា បើធៀបនឹងការព្យាករណ៍ទីផ្សារជាមធ្យម៦ពិន្ទុ។ការស្ទង់មតិបានបង្ហាញទៀតថា សន្ទស្សន៍សម្រាប់ក្រុមហ៊ុនមិនមែនផលិតកម្ម បានកើនឡើងដល់២៧ពិន្ទុ ពី២៣ពិន្ទុ បើធៀបនឹងការព្យាករណ៍ទីផ្សារជាមធ្យម២៤ពិន្ទុ។ការស្ទង់មតិក៏បានបង្ហាញផងដែរថា បណ្តាក្រុមហ៊ុនធំៗរំពឹងថា នឹងបង្កើនការចំណាយមូលធន១៣,៦ភាគរយ ក្នុងឆ្នាំសារពើពន្ធបច្ចុប្បន្ន ដែលនឹងត្រូវបញ្ចប់នៅខែមីនា ឆ្នាំ២០២៤ខាងមុខ។របាយការណ៍​ដែល​មាន​ឈ្មោះ​​ថា Tankan អាចនឹងត្រូវបានពិនិត្យយ៉ាងដិតដល់ ដោយក្រុមអ្នកបង្កើតគោលនយោបាយ របស់ធនា​គារកណ្តាលជប៉ុន (BOJ) ដើម្បីកំណត់ថា តើធនាគារត្រូវចាប់ផ្តើមដំឡើងអត្រាការប្រាក់ដែរឬយ៉ាងណា។

សេដ្ឋកិច្ចរបស់ប្រទេសជប៉ុន បានកើនឡើងក្នុងអត្រាប្រចាំឆ្នាំ៤,៨ភាគរយ នៅក្នុងខែមេសាដល់ខែមិថុនា ខណៈដែលការនាំចេញដ៏រឹងមាំ បានប៉ះប៉ូវភាពទន់ខ្សោយក្នុងការប្រើប្រាស់។ ប៉ុន្តែ​អ្នក​វិភាគ​រំពឹង​ថា​ សេដ្ឋកិច្ចនឹង​មាន​ការ​ធ្លាក់​ចុះ​តិចតួច ​ក្នុង​ត្រីមាស​ទី៣ ដោយសារ​ការធ្លាក់ចុះនៃតម្រូវការ​សកល បាន​ជះផលប៉ះពាល់លើ​ការ​នាំ​ចេញ៕

ដោយ: គង់ លាងហួរ

សិង្ហបុរី: តម្លៃផ្ទះឯកជននៅក្នុងប្រទេសសិង្ហបុរី បានកើនឡើងតិចតួចនៅក្នុងត្រីមាសទី៣ ឆ្នាំ២០២៣ ដោយក្រុមអ្នកវិភាគបានព្យាករថា វានឹងមានកំណើនមធ្យមរហូតដល់ដំណាច់ឆ្នាំនេះ។

យោងតាមទិន្នន័យ ដែលចេញផ្សាយដោយអាជ្ញាធរអភិវឌ្ឍន៍ទីក្រុង (URA) នៅថ្ងៃចន្ទនេះ បង្ហាញថា តម្លៃផ្ទះឯកជននៅត្រីមាសទី៣បានកើនឡើង០,៥ភាគរយ បន្ទាប់ពីធ្លាក់ចុះ០,២ភាគរយ នៅក្នុងត្រីមាសទី២ ដែលជាការធ្លាក់ចុះលើកដំបូង គិតចាប់តាំងពីត្រីមាសទីមួយ ឆ្នាំ២០២០។

ចំណែកឯ ការ​លក់​បាន​ធ្លាក់​ចុះ​ប្រហែល១៥ភាគរយ ​នៅ​លើ​មូលដ្ឋាន​ប្រចាំ​ត្រីមាស និង​ធ្លាក់​ចុះប្រហែល២៦ភាគរយ​ នៅលើមូលដ្ឋានប្រចាំឆ្នាំ​។តម្លៃ​អចលនទ្រព្យ​លំនៅដ្ឋានឯកជន​ ដែល​មិន​ជាប់ដី​(Non-landed)បាន​កើនឡើង២,១ ភាគរយ​ នៅត្រីមាសទី៣ បើប្រៀបធៀប​នឹង​ការ​ធ្លាក់​ចុះ០,៦ភាគរយ​ក្នុង​ត្រីមាស​មុន​។

កំណើននេះបណ្តាល មកពីតម្លៃ​អចលនទ្រព្យ​លំនៅដ្ឋានឯកជន​ ដែល​មិន​ជាប់ដី នៅក្នុងតំបន់ជាយកណ្តាល (RCR) ដែលបានកើនឡើង២,៣% និងតម្លៃនៅខាងក្រៅតំបន់កណ្តាល (OCR) ដែលបានកើនឡើង៥,១%។

លោកស្រី Christine Sun អនុប្រធានជាន់ខ្ពស់ផ្នែកស្រាវជ្រាវ និងវិភាគរបស់ក្រុមហ៊ុនOrangeTee & Tie បានចង្អុលបង្ហាញថា “ការបើកដំណើរការលក់ថ្មីភាគច្រើន គឺស្ថិតក្នុងតំបន់OCR និង RCR កាលពីត្រីមាសមុន។ ដូច្នេះហើយ តម្លៃអចលនទ្រព្យបានកើនឡើងលឿននៅក្នុងតំបន់ទាំងពីរនេះ”៕

BEIJING :China Eastern Airlines said on Thursday it will buy another 100 C919 airplanes in a deal worth $10 billion at list prices, in what would be the largest ever order for the jet made by the Commercial Aircraft Corporation of China (COMAC).

The state-owned carrier said it had received a “substantial discount” for the deal and that the planes will be delivered in batches from 2024 to 2031. The list price for the C919 is $99 million but aircraft can be sold at discounts of up to 50 per cent, especially for new models.

The deal comes five months after the Chinese passenger plane, developed by state-owned COMAC to rival Airbus SE’s A320neo and Boeing Co’s 737 MAX single-aisle jet families, took its first flight in May with China Eastern.

The Shanghai-headquartered, state-owned carrier is the first user of the C919 and has bought five of the jets, of which three have been delivered. The other two are expected to be delivered later this year.

Boeing is still waiting to resume deliveries of its bestselling 737 MAX to Chinese airlines more than four years after they were halted following two deadly crashes. The company has been all but shut out of new orders from Chinese carriers since 2017 amid rising political and trade tensions between Beijing and Washington.

Li Hanming, an independent aviation industry analyst, said the deal stemmed from a previous order of intent. “It is announced at the one year anniversary of C919’s receiving its type certificate,” Li said.

“COMAC has made a good start in the delivery of C919 so far. Next, the plane manufacturer will cooperate with China Eastern more closely, to show other potential users the reliability and performance of C919.”

China Eastern said that the additional planes would add to its fleet at a time when air travel is seeing a strong recovery following three years of COVID curbs, and as the airline needs to retire a large number of its narrow-body aircraft due to their age. Source: Reuters

        ដោយៈ គង់ សូរិយា

        កណ្តាលៈ បុរីចាន់ណា លែន បានឈានមួយកម្រិតទៀត ដោយចាប់ផ្តើមបង្កើតផ្សារ ដើម្បីជម្រុញការរីកចម្រើននៅសហគមន៍របស់ខ្លួន។

យោងតាមការបង្ហោះលើបណ្តាញទំនាក់ទំនងរបស់ខ្លួន លោកថាន់ ចាន់ណាអគ្គនាយកបុរីចាន់ណា លែនបានឲ្យដឹងថា បុរីចាន់ណា លែន បានចាប់ផ្តើមបើកលក់តូបផ្សារចំនួន២២០តូប ដែលមានតម្លៃ​ចាប់ពី2999$ ដល់7000ដុល្លារអាមេរិកប៉ុណ្ណោះ។តូបឬស្តង់ផ្សារ មានទំហំ៣គុណនឹង៤ម៉ែត្រ ដែលមានប្រព័ន្ធភ្លើង,ទឹក,លូ,បន្ទប់ទឹក,សន្តិសុខ,អនាម័យ,ចំណត់ -ល-។

បុរីចាន់ណាលែន មានទីតាំង: ស្ថិតនៅភូមិព្រៃចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ លោកថាន់ ចាន់ណាបានបន្តឲ្យដឹងថា បុរីចាន់ណាលែន បានផ្តោតគោលដៅធ្វើជាបុរីបែបអាជីវកម្ម ដែលអ្នកទិញផ្ទះក្នុងបុរីនេះអា​ចប្រកបអាជីវកម្មបាន ដោយបុរីមានភូមិប្រជាពលរដ្ឋព័ទ្ឋជុំវិញ មានមនុស្សរស់នៅច្រើន មានផ្លូវរដ្ឋខ្វាត់ខ្វែងជុំវិញ និងកាត់ក្នុងប្លុកបុរី ដែ​លធ្វើឲ្យមានចរាចរណ៍ច្រើន ងាយស្រួលដល់ប្រជាពលរដ្ឋប្រកបរបរទទួលទាន។

លោកបន្តថា អ្នកទិញផ្ទះនៅបុរីនេះ នឹងទទួលបានប្លង់រឹង បន្ទាប់ពីពួកគាត់បង់ប្រាក់២០ភាគរយរួច ដែលងាយស្រួលដល់ពួកគាត់អាចយកប្លង់ទៅដាក់ធនាគារ ជាដៃគូរបស់យើង ដែលមានអត្រាការប្រាក់សមរម្យ និងងាយស្រួលក្នុងការរៀបចំឥណទាន៕

ភ្នំពេញ : ឆ្នាំ ២០២៣ រាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត បានត្រៀមចំណាយអន្តរាគមន៍ ផ្នែកសង្គមកិច្ច និងសេដ្ឋកិច្ចចំនួន ៦៧២ លាន ដុល្លារ ក្នុងនោះកម្មវិធីឧប្ថម្ភសាច់ប្រាក់គ្រួសារក្រីក្រ និង ការឧបត្ថម្ភកញ្ចប់គ្រួសារ ចំនួន៣៥០លានដុល្លារ។ នេះបើយោងតាមប្រភពក្រសួងសេដ្ឋកិច្ចនិងហិរញ្ញវត្ថុ ។

ដោយឡែក លោក នេត្រ ភក្ត្រា រដ្ឋមន្ត្រី ក្រសួងព័ត៌មាន បានបញ្ជាក់លើប្រព័ន្ធ Telegram នៅព្រឹកថ្ងៃទី៣ ខែតុលា ឆ្នាំ២០២៣ ថា : -រាជរដ្ឋាភិបាលកម្ពុជាបាន ឧបត្ថម្ភគ្រួសារក្រីក្រ និងងាយរងគ្រោះក្នុងអំឡុងពេលកូវីដ ១៩ ដែលកម្មវិធីនេះចាប់ផ្ដើមដាក់ឱ្យអនុវត្តចាប់ពី ថ្ងៃទី២៤ ខែមិថុនា ឆ្នាំ២០២០ និងបានដំណើរបានអស់រយៈពេល ៣៩ ខែ។ ប្រជាពលរដ្ឋដែលទទួលបានផលពីកម្មវិធីនេះមានចំនួនសរុប ៤៣៧ ៧៣១ គ្រួសារ (ស្មើនឹងប្រជាជនជាង ២,៧ លាននាក់) ដែលរដ្ឋាភិបាលបានចំណាយថវិកាសរុបជិត ១២០០លានដុល្លារ។
-រាជរដ្ឋាភិបាលកម្ពុជាបានឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារក្រោមអាយុ ២ឆ្នាំ ដែលត្រូវបានដាក់ឱ្យយអនុវត្តចាប់ពីថ្ងៃទី១ ខែមិថុនា ឆ្នាំ២០១៩ មក។ មកទល់ពេលនេះមានស្ត្រីនិងកុមារដែលទទួលផលពីកម្មវិធីនេះមានចំនួន ៣៣៩ ៩៧៧នាក់, ចំណាយថវិកាសរុបជិត ២៧ លានដុល្លារ។
-រាជរដ្ឋាភិបាលកម្ពុជាបានឧបត្ថម្ភសាច់ប្រាក់ជូនគ្រួសារងាយរងហានិភ័យដោយសម្ពាធអតិផរណាដែលត្រូវបានដាក់ឱ្យអនុវត្តចាប់ពីថ្ងៃទី៣ ខែធ្នូ ឆ្នាំ២០២២ ។ ប្រជាពលរដ្ឋដែលបានទទួលផលពីកម្មវិធីនេះមានចំនួន ៤៩៥ ១១៩គ្រួសារ (ស្មើនឹងប្រជាជនជាង ១,៨ លាននាក់) ហើយរាជរដ្ឋាភិបាលបានចំណាយថវិកាសរុបចំនួនជាង ៤២ លានដុល្លារ។
-កម្មវិធីឧបត្ថម្ភសាច់ប្រាក់ចំនួន ៣ របស់រាជរដ្ឋាភិបាលកម្ពុជាជូនប្រជាពលរដ្ឋក្រីក្រ និងងាយរងគ្រោះ, ស្ត្រីមានផ្ទៃពោះ និងកុមារក្រោមអាយុ ២ ឆ្នាំ និងជូនគ្រួសារងាយរងហានិភ័យដោយសម្ពាធអតិផរណាផ្ដល់អត្ថប្រយោជន៍ចំពោះគ្រួសារប្រជាពលរដ្ឋក្រីក្រ និងងាយរងគ្រោះ ចំនួនជាង ២លាន៧សែននាក់ (ឬ ៤៣៧,៧៣១ គ្រួសារ), ស្ត្រីមានផ្ទៃពោះ និងកុមារអាយុក្រោម ២ ឆ្នាំ ចំនួន ៣៣៩,៩៧៧នាក់ និងគ្រួសារងាយរងហានិភ័យដោយសម្ពាធអតិផរណា ចំនួនជាង ១,៨លាននាក់ (ឬ ៤៩៥,១១៩គ្រួសារ) បានចំណាយទឹកប្រាក់សរុបចំនួនជាង ១២០០លានដុល្លារ៕

ដោយ: គង់ លាងហួរ

ភ្នំពេញ: ក្រុមហ៊ុន Strategic Realty Investment ហៅកាត់ថា SRI ដែលមានបទពិសោធជាង២៥ឆ្នាំលើការវិនិយោគ បានចូលរួមជាមួយកម្មវិធី “The fairways for futures” STC Charity Gala diner  ដើម្បីបរិច្ចាគដល់បុព្វហេតុដ៏អស្ចារ្យមួយ។

ក្រុមហ៊ុន SRI អះអាងថា ខ្លួនមានមោទនភាពយ៉ាងខ្លាំងក្នុងការក្លាយជាម្ចាស់ឧបត្ថម្ភមាស និងធ្វើការរួមចំណែកផ្នែកហិរញ្ញវត្ថុ ដែលអាចជួយឱ្យមូលនិធិបង្កើតការផ្លាស់ប្តូរ សម្រាប់កុមារកម្ពុជាជាង៣០០នាក់។យោងតាមការចុះផ្សាយលើគេហទំព័រ របស់ក្រុមហ៊ុនបានបង្ហា ញថា តាមរយៈការធ្វើការរួមគ្នា ក្រុមហ៊ុននេះជឿថា យើងអាចបង្កើតភាពខុសគ្នាដ៏ធំ នៅក្នុងជីវិតរបស់សិស្សទាំងនេះ និងបង្កើតអនាគតឱ្យកាន់តែភ្លឺស្វាងសម្រាប់ពួកគេ។ក្រុមហ៊ុន Strategic Realty Investment ក៏បានចូលរួមជាមួយកម្មវិធី“The fairways for futures”សម្រាប់ការប្រកួតកីឡាវាយកូនហ្គោល STC Charity 2023 នៅឯក្លិប Phokeethra Country Clubផងដែរ។ លើសពីនេះ ក្រុមហ៊ុន Strategic Realty Investment បានចូលរួមជាមួយកម្មវិធី “The fairways for futures”សម្រាប់ការប្រកួតកីឡាវាយកូនហ្គោល STC Charity Golf នៅរមណីយដ្ឋានអង្គរហ្គោល(Angkor Golf Resort)។ទន្ទឹមគ្នានេះ ក្រុមហ៊ុន Strategic Realty Investment (SRI) គឺជាអ្នកអភិវឌ្ឍ ដែលកំពុងបោះជំហានឆ្ពោះ ទៅមុខជាមួយនឹងការអភិវឌ្ឍគម្រោង Banteay Srei Eco City នៅស្រុកបន្ទាយស្រី ខេត្តសៀមរាប។

ក្រុមហ៊ុន Strategic Realty Investment (SRI) ក៏កំពុងពិនិត្យមើលវឌ្ឍនភាពលើគម្រោង Banteay Srei Eco City ដ៏ស្រស់ស្អាត និងពិសេសប្លែកតែមួយគត់មួយនេះរបស់ខ្លួនផងដែរ។ក្រុមហ៊ុនបញ្ជាក់ថា “យើងបន្តដើរឆ្ពោះទៅមុខ ហើយមួយជំហា នម្តងៗ យើងកំពុងអនុវត្តមុខងារថ្មីៗដ៏អស្ចារ្យ ចំពោះគម្រោងរបស់យើង”។ ក្រុមហ៊ុននេះកំពុងផ្តោតការយកចិត្តទុកដាក់ និងកិច្ចខិតខំប្រឹងប្រែងជាច្រើន ទៅលើតំបន់ធម្មជាតិបៃតង និងការរចនាប្រកបដោយភាពច្នៃប្រឌិត ដែលមិនប៉ះពាល់ដល់បរិស្ថាន ដើម្បីបង្ហាញពីភាពស្រស់ស្អាតគួរឱ្យភ្ញាក់ផ្អើលនៃទីតាំងគម្រោង។ក្រុមហ៊ុន Strategic Realty Investment (SRI) ក៏បានដឹកនាំក្រុមការងារធ្វើដំណើរ ក្នុងបេសកកម្មនៅខេត្តសៀមរាប សម្រាប់រយៈពេល៤ថ្ងៃបន្ទាប់ផងដែរ។

ក្រុមហ៊ុនបានចូលរួមជាមួយកម្មវិធី “Fairway to the future golf tournament 2023” ក្នុងនាមជាអ្នកឧបត្ថម្ភមាស ហើយក្រុមហ៊ុននឹងទៅទស្សនាគម្រោង បន្ទាយស្រីអេកូស៊ីធីរបស់ខ្លួន ហើយក៏បានឈប់សម្រាកនៅវិមានឈ្នះ-ឈ្នះ ដ៏ស្រស់ស្អាតផងដែរ។ពិសេសជាងនេះទៅទៀត កាលពីពេលថ្មីៗនេះ សភាពាណិជ្ជកម្មកម្ពុជា ក៏បានទទួលស្វាគមន៍ចំពោះវត្តមានសមាជិកថ្មី គឺលោកបណ្ឌិត ALEXANDER EVENGROEN ប្រធានដៃគូរសហការក្រុមហ៊ុនStrategic Realty Investment៕