អាគារពាណិជ្ជកម្ម និងផ្សារទំនើបថ្មីមួយបានបើកដំណើរការ នៅក្រុងព្រះសីហនុ

ដោយៈ គង់ ម៉ាលីនណា

ព្រះសីហនុៈ អភិបាលនៃគណៈអភិបាលខេត្តព្រះសីហនុ លោកគួច ចំរើនបានអញ្ជើញសម្ពោធដាក់ឱ្យដំណើរការ អគារស៊ីកាងវ័នតា និងផ្សារទំនើបដារុនហ្វា ដែលមានទីតាំងស្ថិតនៅសង្កាត់លេខ៤ ក្រុងព្រះសីហនុ។

លោកយី ពាវហ៊ួយ (YU BIAOHUI) អគ្គនាយកក្រុមហ៊ុន (DRF-MART FA DAO JIA TRADING) បានស្វាគមន៍ក្នុងពិធីសម្ភោធនាព្រឹកថ្ងៃទី១ កុម្ភៈថា ក្រុមហ៊ុនយើងបានចំណាយពេលប្រហែលជាង១០ខែ សម្រាប់ការសាងសង់ មជ្ឈមណ្ឌលពាណិជ្ជកម្ម ស៊ីកាងវ័នតា និងផ្សារទំនើបដារុនហ្វា ជាសមិទ្ធផលនៃកិច្ចខិតខំប្រឹងប្រែងឥតឈប់ឈរ។

សូមថ្លែងអំណរគុណរដ្ឋបាលខេត្ត ក្រសួងរៀបចំដែនដីនគរូបនីយកម្ម និងសំណង់ ក្រសួងបរិស្ថាន និងថ្នាក់ដឹកនាំពាក់ព័ន្ធដទៃទៀតបានផ្ដល់ការជ្រោមជ្រែងគាំទ្រ។ អគារ ស៊ីកាងវ័នដា និងផ្សារទំនើបដារុនហ្វា ប្រែក្លាយជាមជ្ឈមណ្ឌលពាណិជ្ជកម្មដ៏ទំនើប រួមមានផ្សារទិញទំនិញ ការសម្រាកលំហែ ការកម្សាន្ត ការបម្រើអាហារ ភេសជ្ជៈ និងសកម្មភាពផ្សេងៗជាច្រើនទៀត។

ក្រុមហ៊ុនប្រកាន់ខ្ជាប់ នូវទស្សនគោលការណ៍អាជីវកម្មពោលគឺ “យកអតិថិជនជាចម្បង សេវាកម្មដ៏ល្អប្រសើរ” បន្តកែលម្អគុណភាពសេវាកម្ម និងបំពេញតម្រូវការរបស់អតិថិជន ផ្តល់ជូននូវទំនិញ និងសេវាកម្មដែលមានគុណភាពខ្ពស់ ទៅកាន់អតិថិជនប្រកបដោយភាពស្មោះត្រង់ វិជ្ជាជីវៈ និងគំនិតច្នៃប្រឌិតថ្មី។

ទន្ទឹមនឹងការយកចិត្តទុកដាក់ លើការការពារបរិស្ថាន សុវត្ថិភាព ការពារអគ្គិភ័យ និងការអភិវឌ្ឍន៍ប្រកបដោយនិរន្តរភាព ដោយមានទំនួលខុសត្រូវខ្ពស់ចូលរួមជួយសង្គមផងដែរ។ មជ្ឈមណ្ឌលពាណិជ្ជកម្មនេះ អាចបង្កើតឱកាសការងារ ជូនប្រជាពលរដ្ឋបានជាង១០០០កន្លែង ដើម្បីរួមចំណែកក្នុងការអភិវឌ្ឍន៍សង្គម និងប្រទេសកម្ពុជា។

លោកគួច ចំរើនបានបញ្ជាក់ថា ការសម្ពោធដាក់ឱ្យដំណើរការអគារស៊ីកាងវ័នតា និងផ្សារទំនើបដារុនហ្វា ជាសក្ខីភាពបង្ហាញឱ្យឃើញពីការជឿជាក់របស់វិនិយោគគិន លើរាជរដ្ឋាភិបាលកម្ពុជា ក្រោមការដឹកនាំ ប្រកបដោយគតិបណ្ឌិតដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

លោកបញ្ជាក់ថា “ការបើកឱ្យដំណើរការអគារ និងផ្សារទំនើបដារុនហ្វា មានសារៈសំខាន់ ក្នុងការលើកកម្ពស់វិស័យទេសចរណ៍ និងសេដ្ឋកិច្ចនៅខេត្ត ឱ្យកាន់តែមានភាពទាក់ទាញរីកចម្រើន ទៅមុខជាលំដាប់ ពិសេសផ្តល់ការងារជូន ប្រជាពលរដ្ឋនៅខេត្តព្រះសីហនុ ការលើកកម្ពស់កម្រិតជីវភាព និងកាត់បន្ថយភាពក្រីក្ររបស់ប្រជាពលរដ្ឋស្របតាមគោលនយោបាយ យុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា គឺដើម្បីកំណើការងារ សមធម៌ ប្រសិទ្ធភាព និងចីរភាព កសាងមូលដ្ឋានគ្រឹះឆ្តោះទៅសម្រេចចក្ខុវិស័យកម្ពុជាឆ្នាំ២០៣០។

លោកគួច ចំរើនបានបន្តថា វិស័យទេសចរណ៍ មានតួនាទីក្នុងការទ្រទ្រង់ការអភិវឌ្ឍសេដ្ឋកិច្ចបៃតង ក៏ដូចជាការគិតគូរដល់គំរូនៃការវិនិយោគថ្មីប្រកបដោយភាពធន់ បរិយាបន្ន និងចីរភាពកាន់តែប្រសើរ។

លោកបានរម្លឹកថា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជាអធិបតីប្រកាសដាក់ឱ្យអនុវត្តជាផ្លូវការនូវ “កម្មវិធីពិសេសជំរុញការវិនិយោគ ក្នុងខេត្តព្រះសីហនុ ឆ្នាំ២០២៤” ក្នុងគោលបំណងដាក់ចេញនូវវិធានការ និងយន្តការដែលមានលក្ខណៈជាកញ្ចប់ប្រទាក់ក្រឡា មុតស្រួច និងសាមញ្ញ។ វិធានការគន្លឹះក្នុងកម្មវិធីពិសេសនេះ មានភាពប្រទាក់ក្រឡាគ្នា ឆ្លើយតបទៅនឹងស្ថានភាព និងតម្រូវការជាក់ស្ដែងចំពោះមុខរបស់ខេត្តព្រះសីហនុ ក្នុងគោលដៅជំរុញការវិនិយោគ ការអភិវឌ្ឍឧស្សាហកម្ម ការស្ដារកំណើនសេដ្ឋកិច្ច និងការបំពេញបន្ថែមលើយុទ្ធសាស្រ្ត និងគោលនយោបាយនានារបស់រាជរដ្ឋាភិបាល ជាពិសេសការអនុវត្តផែនការមេប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង។

លោកបញ្ជាក់ថា “ខ្ញុំជឿជាក់ថា អស់លោក លោកស្រីនឹងបន្តការផ្សព្វផ្សាយ ផែនការសកម្មភាពអភិវឌ្ឍន៍ និងការវិនិយោគនៅទីនេះ កាន់តែទូលំទូលាយប្រកបដោយសុខដុមរមនា”៕

រដ្ឋាភិបាលអនុម័តទុនវិនិយោគជាង៥២០០លានដុល្លារ ក្នុងរយៈពេល១១ខែកាលពីឆ្នាំមុន

ដោយៈ គង់ សូរិយា

ភ្នំពេញៈ ទោះបីសកម្មភាពហាក់មានការថមថយក្តី ប៉ុន្តែទុនវិនិយោគនៅក្នុងវិស័យសំណង់កាលពីឆ្នាំមុន មានទំហំរហូតដល់ជាង៥២០០លានដុល្លារអាមេរិក គិតត្រឹមរយៈពេល១១ខែ ឆ្នាំ២០២៣។

គម្រោងវិនិយោគវិស័យសំណង់ចំនួនជាង៣០០០ ត្រូវបានរដ្ឋាភិបាលអនុម័តនៅក្នុងរយៈពេល១១ ខែ ដើមឆ្នាំ ២០២៣ ដោយចំនួនទុនវិនិយោគកើនឡើងជិត១០០ភាគរយ បើធៀបនឹងរយៈពេលដូចគ្នាឆ្នាំ ២០២២។ នេះបើយោងតាមក្រសួងសេដ្ឋកិច្ច និងហិរញ្ញវត្ថុ។

យោងតាមឯកសារនិន្នាការសេដ្ឋកិច្ច សង្គម ប្រចាំខែវិច្ឆិកា ឆ្នាំ ២០២៣ នៃក្រសួងសេដ្ឋកិច្ច និងហិរញ្ញវត្ថុឱ្យដឹងថា ចន្លោះពីខែមករា-ខែវិច្ឆិកា ឆ្នាំ ២០២៣ រាជរដ្ឋាភិបាល តាមរយៈក្រសួងរៀបចំដែនដី នគរូបនីយកម្ម និងសំណង់ បានអនុម័តឱ្យគម្រោងសាងសង់សរុប ៣ ១៤២ ស្មើ នឹងផ្ទៃក្រឡា១២,៦៩ លានម៉ែត្រការ៉េ និងទុនវិនិយោគ ៥ ២៥៥លានដុល្លារ។

បើធៀបនឹងរយៈពេលដូចគ្នាក្នុងឆ្នាំ ២០២២ គឺចំនួនគម្រោងសាងសង់ បានធ្លាក់ចុះ៦៨៤គម្រោង ប៉ុន្តែផ្ទៃក្រឡាសំណង់ និងទុនវិនិយោគបានកើន៩២,៨ភាគរយ និង៩៩,៧ ភាគរយរៀងគ្នា។

ឯកសារខាងលើឱ្យដឹងទៀតថា សម្រាប់ខែវិច្ឆិកា ឆ្នាំ ២០២៣ គម្រោងទទួលបានការអនុញ្ញាត មានចំនួន២១៨ ស្មើផ្ទៃក្រឡា ៣៦២ ៥១៧ ម៉ែត្រការ៉េ, និងទុនវិនិយោគ១៤៥,៧ លានដុល្លារ។ ស្ថានភាពវិស័យសំណង់ក្នុងខែវិច្ឆិកា មានភាពល្អប្រសើរបន្តិច បើធៀបនឹងខែមុន (ខែតុលា) ខណៈគិតត្រឹម ១១ ខែ ឆ្នាំ ២០២៣ មានកំណើនល្អឡើងវិញគួរឱ្យកត់សម្គាល់។

ផ្អែកតាមការព្យាករណ៍ ដោយស្ថាប័នហិរញ្ញវត្ថុអន្តរជាតិធំៗ ដូចជា ADB, IMF និង WB ជាដើមនោះ គឺកំណើនសេដ្ឋកិច្ចកម្ពុជាឆ្នាំ ២០២៤ និងខ្ពស់ជាងឆ្នាំ២០២៣។ ដូច្នេះវិស័យអចលនទ្រព្យ និងសំណង់នឹងល្អប្រសើរជាងឆ្នាំ២០២៣។

ឯកសារនិន្នាការសេដ្ឋកិច្ចសង្គម ឆ្នាំ ២០២២បានឱ្យដឹងថា ក្នុងឆ្នាំ២០២២ គម្រោងដែលបានទទួលការអនុញ្ញាត ពីក្រសួងរៀបចំដែនដី នគរូបនីយកម្ម និងសំណង់មានសរុប៤២៧៥គម្រោង ធ្លាក់ចុះ ២៨ បើធៀបឆ្នាំ២០២១ និងមានទុនវិនិយោគសរុប២៩៦៨លានដុល្លារ ធ្លាក់ចុះ៤៦,៨ ភាគរយ។ នៅក្នុងចំណោមគម្រោងទាំងនោះ គឺគម្រោងលំនៅឋានមានចំនួន៣៧៦៨ គម្រោង ស្មើ៨៨,១ ភាគរយនៃសំណើសុំសាងសង់សរុប កើន៤៨ធៀបនឹងឆ្នាំ ២០២១ ក្រៅពីនោះរួមមាន អគារពាណិជ្ជកម្ម ឧស្សាហកម្ម ទេសចរណ៍ និងគម្រោងផ្សេងៗទៀត៕

ប្រធានCVEAអះអាងថា កម្មវិធីជម្រុញការវិនិយោគរបស់រដ្ឋាភិបាលមានភាពទាក់ទាញខ្លាំងសម្រាប់ខេត្តព្រះសីហនុ

ដោយៈ ស៊ីវ ម៉េង

ព្រះសីហនុៈ ប្រធានសមាគមអ្នកវាយមតម្លៃ និងភ្នាក់ងារអចលនវត្ថុកម្ពុជា (CVEA)លោកសន សៀបបានមានប្រសាសន៍ថា កម្មវិធីជម្រុញការវិនិយោគនៅខេត្តព្រះសីហនុ របស់រដ្ឋាភិបាលមានភាពទាក់ទាញខ្លាំង។

លោកបានមានប្រសាសន៍ឲ្យដឹង តាមបណ្តាញតេឡេក្រាមកាលពីរសៀលថ្ងៃទី១ កុម្ភៈថា កម្មវិធីជម្រុញការវិនិយោគរបស់រដ្ឋាភិបាលពិតជាមានភាពទាក់ទាញ ប៉ុន្តែនៅពេលអនុវត្តន៍ហើយ មានភាពទាក់ទាញយ៉ាងដូចម្តេច យើងចាំមើលស្ថានភាពជាក់ស្តែង។លោកបន្តថា “ខ្ញុំឃើញនិតិវិធី និងយន្តការនៃការរៀបចំនេះ មានការជម្រុញច្រើន សម្របសម្រួលច្រើន ដើម្បីឲ្យដំណើរការរៀបចំសាងសង់អាគារជាប់គាំងបញ្ចប់ និងដាក់ឲ្យប្រើប្រាស់”។ លោកបន្ថែមថា “ខ្ញុំគិតថា គោលនយោបាយដែលរដ្ឋាភិបាល ដាក់ចេញនេះ ជាការជម្រុញមួយផ្នែកទៀត ដើម្បីឲ្យក្រុងព្រះសីហនុ មានដំណើរការប្រសើរឡើងវិញ”។

លោកសន សៀបដែលបានចូលរួមក្នុងកម្មវិធី ប្រកាសកម្មវិធីជម្រុញការវិនិយោគរបស់ប្រមុខរដ្ឋាភិបាល បានសម្តែងសុទិដ្ឋិនិយមថា ក្នុងរយៈពេលវែង ក្រុងព្រះសីហនុវានឹងក្លាយជាទីក្រុងដ៏ទំនើប នៅក្នុងប្រទេសរបស់យើង ប៉ុន្តែបញ្ហាប្រឈមគឺយើងនៅសល់អគារជាប់គាំងច្រើន ប៉ុន្តែរដ្ឋាភិបាលបានរៀបចំ ហេដ្ឋារចនាសម្ព័ន្ឋបានរួច ពិសេសការដាក់ដំណើរការ ផ្លូវល្បឿនលឿនភ្នំពេញ ព្រះសីហនុ ការសាងសង់កំពង់ផែទឹកជ្រៅ និងគំរោងដទៃទៀត គឺបាននិងកំពុងជម្រុ ញការរីកចម្រើនរបស់ទីក្រុងនេះ៕

អគារប៉មទី៤របស់សណ្ឋាគារប្រណីត Marina Bay Sandsគ្រោងចាប់ផ្តើមសាងសង់នៅឆ្នាំនេះ

ដោយ: គង់ លាងហួរ

អន្តរជាតិ: អាជ្ញាធរអភិវឌ្ឍន៍ទីក្រុង (URA)របស់ប្រទេសសិង្ហបុរី បានអនុម័ត ឱ្យក្រុមហ៊ុនសណ្ឋាគារ Marina Bay Sands (MBS) សាងសង់អគារប៉មទី៤ ដែលមានបន្ទប់សណ្ឋាគារជាច្រើនបន្ទប់។

យោងតាមទិន្នន័យរបស់អាជ្ញាធរអភិវឌ្ឍន៍ទីក្រុង (URA) បានបង្ហាញថា អគារថ្មីនេះនឹងមានសណ្ឋាគារ នឹងមានទំហំ១៥៣.១០០ម៉ែត្រការ៉េ ជាមួយនឹងបន្ទប់ចំនួន៥៨៧ និងកន្លែងលក់រាយទំហំ១២.១៨៥ម៉ែត្រការ៉េ។

យោងតាមផែនការពង្រីកសណ្ឋាគារ ដែលបានដាក់បង្ហាញនៅក្នុងឆ្នាំ២០១៩ អគារប៉មទី៤នេះ ត្រូវបានគេរំពឹងថា នឹងមានបន្ទប់សណ្ឋាគារចំនួន១.០០០បន្ទប់ មជ្ឈមណ្ឌលកម្សាន្តចំនួន១៥.០០០កៅអី និងដំបូលដែលមានអាងហែលទឹក និងភោជនីយដ្ឋាន។ អគារនេះក៏ត្រូវបានគេរំពឹងថា នឹងមានសាលប្រជុំ សាលតាំងពិពណ៌ និងហាងលក់រាយប្រណីតផងដែរ។ទោះជាយ៉ាងនេះក្តី MBS បានបដិសេធមិនផ្តល់ព័ត៌មានបន្ថែមទេ នៅពេលដែលត្រូវបានសាកសួរ អំពីការកាត់បន្ថយចំនួនបន្ទប់សណ្ឋាគារពី១.០០០បន្ទប់ ដែលបានប្រកាសពីមុន មកនៅត្រឹម៥៨៧បន្ទប់ នាពេលនេះ។

គម្រោងអគារប៉មទី៤នេះ គ្រោងនឹងចំណាយថវិកាសាងសង់អស់ប្រមាណ៣,៣ពាន់លានដុល្លារអាមេរិក ប៉ុន្តែផែនការពង្រីកសណ្ឋាគារនេះ ត្រូវបានផ្អាកទៅវិញ ដោយសារបញ្ហាជំងឺរាតត្បាតកូវីដ-១៩ កាលពីពេលកន្លងទៅ។

កាលបរិច្ឆេទបញ្ចប់ការសាងសង់ គម្រោងត្រូវបានពន្យារជាលើកដំបូងបង្អស់ ពីឆ្នាំ២០២៥ ដល់ឆ្នាំ២០២៦ ប៉ុន្តែក្រោយមកក្រុមហ៊ុន Las Vegas Sands ដែលជាក្រុមហ៊ុនមេរបស់សណ្ឋាគារ Marina Bay Sands បានអះអាងថា ការងារគម្រោងនេះមិនអាចចាប់ផ្តើមនៅខែមេសា ឆ្នាំ២០២៣ ដូចដែលបានគ្រោងទុកនៅពេលនោះទេ។

ប៉ុន្តែនៅពេលនេះវិញ អាជ្ញាធរអភិវឌ្ឍន៍ទីក្រុង បានអនុញ្ញាតឱ្យសណ្ឋាគារ MBS អាចចាប់ផ្តើមការងារសាងសង់ នៅខែមេសា ឆ្នាំ២០២៤នេះ។ ចំណែក កាលបរិច្ឆេទថ្ងៃបញ្ចប់ការសាងសង់ ក៏ត្រូវបានពន្យារពេលរហូតដល់ថ្ងៃទី៨ ខែមេសា ឆ្នាំ២០២៨៕

អ្នកជំនាញ និងសេដ្ឋវិទូលើកឡើងនូវបញ្ហាប្រឈម និងដំណោះស្រាយក្នុងវិស័យអចលនទ្រព្យឆ្នាំនេះ

ដោយៈ គង់ ហ្វីអូណា

ភ្នំពេញៈ អ្នកជំនាញបានសម្តែងសុទិដ្ឋិនិយមថា វិស័យអចលនទ្រព្យនៅក្នុងឆ្នាំ២០២៤នេះ អាចនឹងមានកំណើនលើសពីឆ្នាំមុនតិចតួច ហើយក៏ជាឱកាសដ៏ល្អ សម្រាប់អ្នកទិញទុកចំណេញរយៈពេលវែង និងអ្នកមានលុយសុទ្ធក្នុងដៃ ឬអ្នកមានរំហូរសាច់ប្រាក់ពីអាជីវកម្មរឹងមាំ។

ប្រធានសមាគមអចលនទ្រព្យសកល លោកឧកញ៉ាសំ សុខនឿនបានលើកឡើងថា បើទោះជាពេលនេះ ស្ថានភាពវិស័យអចលនទ្រព្យ មានដំណើការមិនទាន់ប្រសើរយ៉ាងណាក្តី តែមានអ្នកវិនិយោគជាច្រើន បាននិងកំពុងបន្តទិញអចលនទ្រព្យ នោះក៏ព្រោះតែគេធ្លាប់បានចំណេញយ៉ាងច្រើនពីអចលនទ្រព្យនេះ។លោកឧកញ៉ា មានសុទិដ្ឋិនិយមថា “ការវិនិយោគអចលនទ្រព្យនៅពេលនេះ នឹងទទួលបានផលចំណេញ នៅរយៈពេលមិនលើសពី៧ឆ្នាំក្រោយនោះទេ”។

វិស័យអចលនទ្រព្យក្នុងឆ្នាំនេះ មានភាពប្រសើរតិចតួចប៉ុណ្ណោះ។ នេះជាការមើលឃើញរបស់លោកឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា។លោកលើកឡើងថា ស្ថានភាពអចលនទ្រព្យបច្ចុប្បន្ន ត្រូវរង់ចាំពេលវេលា ជាពិសេសផ្នែកផ្ទះល្វែង វិឡា ខុនដូ អគារពាណិជ្ជកម្ម អគារការិយាល័យ ផ្សារទំនើប គឺត្រូវការពេល១ឆ្នាំ ២ឆ្នាំ ឬ៣ឆ្នាំ ដើម្បីស្រូបទាញទីផ្សារ ពោលគឺអាស្រ័យលើស្ថានភាពជាក់ស្តែង នៃសេដ្ឋកិច្ចកម្ពុជា និងសមត្ថភាពអ្នកពាក់ព័ន្ធ រួមមាន ពលរដ្ឋ អាជីវករ សហគ្រិន និងពាណិជ្ជកម្មធុនតូច និងមធ្យម ជាដើម។

ចំណែកលោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា មើលឃើញអំពីបញ្ហាប្រឈម ដែលបានកើតឡើងនៅក្នុងវិស័យអចលនទ្រព្យ មានដូចជា ក្រុមហ៊ុនអភិវឌ្ឍន៍មួយចំនួន មិនមានច្បាប់អនុញ្ញាតត្រឹមត្រូវ ដែលបង្កឱ្យមានហានិភ័យដល់ប្រជាពលរដ្ឋអ្នកទិញ។ ការផ្គត់ផ្គង់លើសតម្រូវការ ការអភិវឌ្ឍគម្រោងច្រើន ជាងតម្រូវការអ្នកទិញ (ទិញទុកលក់យកចំណេញ)ក៏ជាបញ្ហាផងដែរ។លើសពីនេះទៀតលោកមើលឃើញថា ការអភិវឌ្ឍដីឡូតិ៍ កែប្រែពីដីកសិកម្ម ទៅដីលំនៅឋាន ដែលមិនមានការត្រួតពិនិត្យច្បាស់លាស់ នាំឱ្យអ្នកទិញពិបាកនឹងរកផលចំណេញមកវិញ។ ជាមួយគ្នានេះ វិបត្តិរំហូរសាច់ប្រាក់បរទេស បានធ្វើឱ្យចរន្តនៃការទិញលក់មានការថមថយ។

សម្រាប់ជាដំណោះស្រាយស្តារវិស័យអចលនទ្រព្យ រាជរដ្ឋាភិបាល ត្រូវបង្កើតគោលនយោបាយដីធ្លី និងនគរូបនីយកម្មមួយ ឱ្យបានច្បាស់លាស់ ដែលនឹងក្លាយជាបន្ទាត់ ក្នុងការអនុវត្តរួមរបស់គ្រប់ក្រសួងស្ថាប័នអាជ្ញាធរ ងាយនឹងធ្វើការងារជាប្រព័ន្ធ។

ជាមួយគ្នានេះ រាជរដ្ឋាភិបាលត្រូវអន្តរាគមន៍ ប្រមូលនូវព័ត៌មានទាំងអស់ ដែលប្រជាពលរដ្ឋជួបវិបត្តិ ដើម្បីរកដំណោះស្រាយមួយសមរម្យ សម្រាប់អ្នកអភិវឌ្ឍន៍ និងអ្នកទិញ ធ្វើយ៉ាងណាកុំឱ្យមានវិបត្តិសង្គមកើតឡើងតទៅទៀត។ នេះជាការគូសបញ្ជាក់របស់ លោកបណ្ឌិត គី សេរីវឌ្ឍន៍៕

សភាពាណិជ្ជកម្មអាមេរិក បញ្ជាក់ជំហរជួយទាញការវិនិយោគ ពីបរទេសចូលមកកម្ពុជា

ដោយៈ គង់ ហ្វីអូណា

ភ្នំពេញៈ សភាពាណិជ្ជកម្មអាមេរិកប្រចាំនៅកម្ពុជា បានបង្ហាញជំហររបស់ខ្លួនថា នឹងបន្តធ្វើកិច្ចសហប្រតិបត្តិការជិតស្និទ្ធជាមួយកម្ពុជា ដើម្បីទាក់ទាញការវិនិយោគបរទេសបន្ថែមទៀត ចូលមកកាន់កម្ពុជា។

ជំហរនេះត្រូវបានបង្ហាញដោយលោក Devin Barta ប្រធានសភាពាណិជ្ជកម្មអាមេរិក ប្រចាំនៅកម្ពុជា(AmCham Cambodia) ក្នុងពេលចូលជួបសម្តែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃព្រហស្បតិ៍ ទី១ ខែកុម្ភៈ ឆ្នាំ២០២៤។

ក្នុងជំនួបនោះ លោក Devin Barta បានថ្លែងអំណរគុណសម្តេចធិបតីនាយករដ្ឋមន្ត្រី ដែលបានចំណាយពេលដ៏មមាញឹកអនុញ្ញាតឱ្យលោក និងគណៈប្រតិភូ ចូលជួបសម្តែងការគួរសម និងពិភាក្សាការងារ។ លោកប្រធានសភាពាណិជ្ជកម្ម ក៏បានអរគុណរាជរដ្ឋាភិបាលកម្ពុជា ដែលតែងតែបង្កលក្ខណៈងាយស្រួល និងធានាបានបរិយាកាសវិនិយោគល្អប្រសើរ សម្រាប់ធុរកិច្ចអាមេរិកនៅកម្ពុជា។

លោក Devin Barta ក៏បានជម្រាបសម្ដេចធិបតី អំពីសកម្មភាពការងារមួយចំនួនរបស់AmCham Cambodia ដែលរួមមាន ការលើកកម្ពស់កិច្ចទំនាក់ទំនងវិនិយោគ និងពាណិជ្ជកម្មរវាងកម្ពុជា និងសហរដ្ឋអាមេរិក ការជំរុញការផ្សព្វផ្សាយអំពីសក្តានុពល និងឱកាសវិនិយោគរបស់កម្ពុជាដល់វិនិយោគិនអាមេរិក និងការជួយកសាងសមត្ថភាព និងភាពជាអ្នកដឹកនាំស្ត្រីជាសហគ្រិន។

លោកប្រធានសភាពាណិជ្ជកម្ម បានបង្ហាញពីជំហរបន្តការពង្រឹង និងពង្រីកកិច្ចសហប្រតិបត្តិការ លើការទាក់ទាញវិនិយោគផ្ទាល់ពីបរទេសមកកម្ពុជា លើវិស័យធុរកិច្ច អចលនទ្រព្យ និងការគាំទ្រដល់ស្រ្តីលទ្ឋភាពជាម្ចាស់ នៃសហគ្រាសធន់តូច ការបណ្តុះបណ្តាល និងអភិវឌ្ឍន៍ជំនាញ និងផ្នែកហិរញ្ញវត្ថុជាដើម។

សម្តេចធិបតី ហ៊ុន ម៉ាណែត បានវាយតម្លៃខ្ពស់ចំពោះកិច្ចសហប្រតិបត្តិការល្អ រវាងសភាពាណិជ្ជកម្មអាមេរិកប្រចាំនៅកម្ពុជា និងរាជរដ្ឋាភិបាលកម្ពុជា និងបានអរគុណក្រុមហ៊ុនអាមេរិក ដែលតែងតែជឿជាក់ និងដាក់ទុនវិយោគនៅកម្ពុជា ដែលជាការចូលរួមចំណែកមួយយ៉ាងសំខាន់ ដល់ការអភិវឌ្ឍសង្គម-សេដ្ឋកិច្ចនៅកម្ពុជា។

សម្ដេចធិបតី បានលើកទឹកចិត្តឱ្យសភាពាណិជ្ជកម្មអាមេរិកប្រចាំនៅកម្ពុជាបន្តពង្រឹង និងពង្រីកនូវកិច្ចសហប្រតិបត្តិការបន្ថែមទៀតជាមួយក្រសួង-ស្ថាប័នពាក់ព័ន្ធរបស់កម្ពុជា។ សម្តេចធិបតី បានគូសបញ្ជាក់អំពីការយកចិត្តទុកដាក់ និង ការប្ដេជ្ញាចិត្តរបស់រាជរដ្ឋាភិបាលកម្ពុជា ក្នុងការធានាបរិយាកាសវិនិយោគល្អនៅកម្ពុជា ដូចជាការពង្រឹងភាពធន់នៃប្រព័ន្ធសេដ្ឋកិច្ច និងហិរញ្ញវត្ថុ និងការពង្រីកមធ្យោបាយក្នុងការទូទាត់ទំនើបតាមប្រព័ន្ធ QR-Code ក្រោមក្របខ័ណ្ឌកិច្ចព្រមព្រៀង តំបន់ពាណិជ្ជកម្មសេរីរវាងកម្ពុជា ជាមួយបណ្ដាប្រទេសជាច្រើនទាំងក្នុងតំបន់ និងពិភពលោក។

បន្ថែមពីនេះសម្ដេចធិបតី ក៏បានបញ្ជាក់ពីភាពទាក់ទាញនៃច្បាប់ស្តីពីវិនិយោគរបស់កម្ពុជា និងគោលនយោបាយលើកទឹកចិត្តសម្រាប់វិនិយោគិន និងធុរជន ដែលធានាបាននូវភាពប្រាកដនិយម ចំពោះបរិយាកាសវិនិយោគ ប្រកបដោយភាពអនុគ្រោះ និងភាពបត់បែន។

សម្តេចធិបតីនាយករដ្ឋមន្ត្រី បានបញ្ជាក់ជូនលោកប្រធានសភាពាណិជ្ជកម្ម អំពីឱកាសនៃការវិនិយោគ លើសួនឧស្សាហកម្មបច្ចេកវិទ្យាជាន់ខ្ពស់ (High Tech Industrial Park) ដែលរាជរដ្ឋាភិបាលកំពុងយកចិត្តទុក ក្នុងទិសដៅចូលរួមក្នុងការអភិវឌ្ឍវិស័យឌីជីថ៕

Europe should brace for ‘harsh decisions’ if Trump is re-elected, says ECB’s Lagarde

Europe should prepare for possible threats to its economy — including new US tariffs on its exports — if Donald Trump returns to the White House, according to European Central Bank President Christine Lagarde.

“If you look at what those years were when Mr Trump was president of the United States… there could be threats and there could be issues for which the Europeans should be prepared,” she told CNN’s Richard Quest in an exclusive interview Monday.

“Let us prepare for potential tariffs, for potential harsh decisions that would be unexpected. Let us be strong at home.”

Lagarde is the latest EU official to weigh in on what a second Trump presidency could mean for the European Union’s $16 trillion economy, which is heavily reliant on trade with the United States.
The transatlantic relationship was strained during Trump’s first term, not least by a tit-for-tat trade spat between Washington and Brussels.

That dispute saw the United States impose tariffs on EU steel and aluminum, to which the EU responded with tariffs on $3 billion worth of US goods, including whiskey, motorcycles and denim.

The United States is the EU’s biggest source of foreign direct investment. Trade in goods and services between the United States and the EU totaled $1.3 trillion in 2022, making it the largest bilateral trade and investment relationship in the world, according to official figures.

From Lagarde’s perspective, the best way for Europe to prepare for a second Trump term would be to bolster its single market, which ensures the free movement of goods, services, people and capital across 27 countries.

That would mean integrating the EU’s financial markets to make it easier for smaller companies to raise funding “to facilitate and encourage innovation,” Lagarde said.
|She also called for professional qualifications to be equally recognized across the bloc’s member states. Source: CNN

ធនាគារកណ្តាលអឺរ៉ុបព្រមានពីហានិភ័យ ចំពោះសេដ្ឋកិច្ចរបស់ខ្លួន បើលោកដូ ណាល់ត្រាំ ជាប់ឆ្នោតជាប្រធានាធិបតីម្តងទៀត

ដោយ: គង់ លាងហួរ

អន្តរជាតិ: លោកស្រី Christine Lagarde ប្រធានធនាគារកណ្តាលអឺរ៉ុបលើកឡើងថា តំបន់អឺរ៉ុបគួរតែត្រៀមខ្លួន ចំពោះការគំរាមកំហែង ដែលអាចកើតមានមកលើសេដ្ឋកិច្ចរបស់ខ្លួន ប្រសិនបើលោក ដូណាល់ត្រាំ ជាប់ឆ្នោតជាប្រធានាធិបតីអាមេរិកម្តងទៀត។

លោកស្រីបានថ្លែងប្រាប់កាសែត CNN នៅក្នុងបទសម្ភាសន៍ផ្តាច់មុខមួយថា “ចូរ! អ្នកក្រឡេកទៅមើលពេលដែលលោក ត្រាំ ជាប្រធានាធិបតីអាមេរិក… វាអាចមានការគំរាមកំហែង និងអាចមានបញ្ហាដែលអឺរ៉ុបគួរតែត្រៀមរៀបចំខ្លួន”។សហភាពអឺរ៉ុប(EU)ពឹងផ្អែកខ្លាំងណាស់ ទៅលើការដោះដូរពាណិជ្ជកម្មជាមួយសហរដ្ឋអាមេរិក។ ដូច្នេះប្រសិនបើលោក ដូណាល់ត្រាំ វិលត្រឡប់ទៅសេតវិមានម្តងទៀត នោះ EU អាចប្រឈមមុខនឹងការបង់ពន្ធថ្មី នៅពេលនាំចេញទំនិញទៅកាន់ទីផ្សារអាមេរិក។

ទំនាក់ទំនងរវាងសហរដ្ឋអាមេរិក និងសហភាពអឺរ៉ុប ជួបភាពតានតឹងខ្លាំង ក្រោមអាណត្តិដឹកនាំរបស់លោក ដូណាល់ ត្រាំ និងបានប្រែក្លាយទៅជាជម្លោះពាណិជ្ជកម្ម តបតគ្នាទៅវិញទៅមករវាងទីក្រុងវ៉ាស៊ីនតោន និងទីក្រុងប្រ៊ុចសែល។ជម្លោះនោះបាននាំឱ្យសហរដ្ឋអាមេរិក ដាក់ពន្ធលើដែកថែប និងអាលុយមីញ៉ូមរបស់សហភាពអឺរ៉ុប ខណៈដែលសហភាពអឺរ៉ុបបានឆ្លើយតបវិញ តាមរយៈការដាក់ពន្ធលើទំនិញអាមេរិក ដែលមានតម្លៃ៣ពាន់លានដុល្លារ ដូចជាស្រាវីស្គី ម៉ូតូ និងខោខូវប៊យ។

តាមទស្សនៈរបស់លោកស្រី Lagarde មធ្យោបាយដ៏ល្អបំផុតសម្រាប់អឺរ៉ុប គឺជំរុញទីផ្សាររួមរបស់ខ្លួន ដែលធានាឱ្យមានការចរាចរណ៍ទំនិញ សេវាកម្ម មនុស្ស និងដើមទុនដោយសេរី នៅក្នុងចំណោមបណ្តាសមាជិកEU ទាំង២៧ប្រទេស។

សហរដ្ឋអាមេរិក គឺជាប្រភពលំហូរវិនិយោគផ្ទាល់ពីបរទេស(FDI)ដ៏ធំបំផុតរបស់សហភាពអឺរ៉ុប។ យោងតាមតួលេខផ្លូវការបានឱ្យដឹងថា ទំហំពាណិជ្ជកម្មទំនិញ និងសេវាកម្មរវាងសហរដ្ឋអាមេរិក និងសហភាពអឺរ៉ុបសម្រេចបានទឹកប្រាក់រហូតដល់១,៣ទ្រីលានដុល្លារក្នុងឆ្នាំ២០២២៕

Exclusive: Xi promised Biden China wouldn’t interfere in 2024 election

Chinese leader Xi Jinping told US President Joe Biden that China would not interfere in the 2024 US presidential election when the two men met in November — an assurance reiterated by the Chinese foreign minister to Biden’s national security adviser this past weekend, two people familiar with the conversations told CNN.

The previously unreported exchange between Xi and Biden took place during a high-stakes, hourslong meeting in California that was aimed at easing historically high military and economic tensions between the two superpowers.

It was Biden who raised the issue, according to one of the sources, who described the exchange as brief. In a meeting this past weekend in Bangkok with Chinese Foreign Minister Wang Yi, US national security adviser Jake Sullivan again brought up the topic. Wang offered Sullivan the same assurance Xi had given Biden months prior — that Beijing would not meddle in the American election this fall, the source said.

The potential for China to interfere in or influence US elections has repeatedly come up at senior-level meetings between the two nations in recent months, the source who was briefed on the matter said.

Those discussions signal just how fraught US-China relations have become, and how wary American officials still are of foreign election meddling after 2016, when Russian intelligence agencies hacked the Democratic National Committee and released emails to damage Hillary Clinton’s presidential campaign.

Since then, Iranian, Cuban and Chinese agents have all been active in trying to influence US elections, according to public US intelligence reports. Though none of those efforts have been as aggressive as the 2016 Russian operation.

Even if China refrains from interfering in the 2024 election, Beijing’s hackers are still a potent force, with a foothold in key US infrastructure. For several months, US national security officials have publicly warned that Chinese cyber operatives have burrowed into computer networks in the maritime and transportation sectors — access that Beijing might use to disrupt any US military response to a Chinese invasion of Taiwan. Source: CNN

តើដីធ្លីនៅទីក្រុងសំខាន់ៗរបស់ប្រទេសថៃ និងប្រទេសវៀតណាម មានតម្លៃប៉ុន្មានក្នុងមួយម៉ែត្រការ៉េ?

ដោយ: គង់ លាងហួរ

អន្តរជាតិ: តម្លៃដីធ្លីនៅតាមប្រទេសនីមួយៗ សុទ្ធតែខុសផ្សេងៗពីគ្នា អាស្រ័យទៅលើទីតាំងអំណោយផល ឬមិនអំណោយផល។ ខាងក្រោមនេះគឺជាតម្លៃដី នៅក្នុងទីក្រុងធំៗរបស់ប្រទេសថៃ និងប្រទេសវៀតណាម។

ទី១: ទីក្រុងបាងកក និងទីក្រុងប៉ាតាយ៉ាប្រទេសថៃ
តម្លៃដីធ្លីនៅក្នុងទីក្រុងបាងកក និងតំបន់ជាយក្រុង ដែលមានប្រជាពលរដ្ឋសរុប ប្រមាណជាង១០លាននាក់ ត្រូវបានស្ថាប័នជំនាញថៃអះអាងថា នៅតែបន្តកើនឡើង ប៉ុន្តែតម្លៃបានកើនឡើងនៅក្នុងល្បឿនមួយយឺត បើធៀបនឹងមុនវិបត្តិ នៃការរីករាលដាលជំងឺកូវីដ-១៩។

បច្ចុប្បន្ន តម្លៃដីដែលថ្លៃបំផុតនៅទីក្រុងបាងកក គឺមានតម្លៃប្រមាណ២៥.០០០ដុល្លារ នៅក្នុងមួយម៉ែត្រការ៉េ ខណៈដែលដីធ្លីនៅជាយក្រុង អាចមានតម្លៃប្រមាណ៥០០ដុល្លារ នៅក្នុងមួយម៉ែត្រការ៉េ ។

ចំណែក តម្លៃដីជាមធ្យមនៅទីក្រុងប៉ាតាយ៉ា គឺ៦២៨ដុល្លារអាមេរិកក្នុងមួយម៉ែត្រការ៉េ។ ក្នុងរយៈពេល១២ខែចុងក្រោយនេះ តម្លៃដីនៅប៉ាតាយ៉ាមានការកើនឡើង ក្នុងអត្រាប្រចាំឆ្នាំចំនួន១៩%។

ទី២: ទីក្រុងហាណូយ និងទីក្រុងហូជីមិញ ប្រទេសវៀតណាម
តម្លៃអតិបរមាសម្រាប់ដីលំនៅដ្ឋាន និងដីពាណិជ្ជកម្ម និងសេវាកម្ម នៅក្នុងទីក្រុងហាណូយគឺ៧.០០០ដុល្លារ ក្នុងមួយម៉ែត្រការ៉េ។ ចំណែក ដីនៅទីក្រុងហូជីមិញ មានតម្លៃប្រមាណ៥.៦០០ដុល្លារ ក្នុងមួយម៉ែត្រការ៉េ។

នៅទីក្រុងហូជីមិញ ដីនៅសង្កាត់ Thu Thiem មានតម្លៃប្រហែ ល១២៦លានដុង ក្នុងមួយម៉ែត្រការ៉េ ដីនៅសង្កាត់លេខ៧ មានតម្លៃប្រហែល១១៥លានដុង ក្នុងមួយម៉ែត្រការ៉េ ដីនៅសង្កាត់លេខ៩ Hoang Anh Minh Tuan មានតម្លៃប្រហែល៩១,៥លានដុងក្នុងមួយម៉ែត្រការ៉េ៕

1...771772773...3,379 Page 772 of 3,379