លោកស្រីតាំង ហួរៈទីផ្សារដីធ្លីនៅកម្ពុជានៅតែមានសកម្មភាពទិញលក់

ដោយៈ ស៊ីវ ម៉េង

ភ្នំពេញៈ លោកស្រីតាំង ហួរអគ្គនាយិកាក្រុមហ៊ុនAmatak Property Service Co, Ltdបានថ្លែងថា ទីផ្សារដីធ្លីនៅតែមានសកម្មភាពទិញលក់ជាធម្មតា ប៉ុន្តែអ្នករកទិញដីភាគច្រើន បានសាកសួរពីដីដែលមានតម្លៃក្រោមទីផ្សារ។

លោកស្រីបានមានប្រសាសន៍ឲ្យដឹង តាមទូរស័ព្ទកាលពីរសៀលថ្ងៃទី១៤ ឧសភាថា ទីផ្សារដីធ្លី នៅតែមានសកម្មភាពទិញលក់ ពិសេសដី ដែលមានតម្លៃក្រោមទីផ្សារ ប៉ុន្តែទំហំទឹកប្រាក់នៃការទិញលក់មិនសូវមានចំនួនច្រើនប៉ុន្មានឡើយ។

លោកស្រីបន្តថា “សកម្មភាពទីផ្សារ នៅតែដំណើរការមួយៗ មិនសកម្មច្រើនដូចមុនវិបត្តិកូវីដ១៩ទេ ប៉ុន្តែដំណើរការនៅតែធម្មតា”។លោកស្រីបន្ថែមថា “ទីផ្សារដីធ្លីនៅតែមានសក្តានុពល និងឱកាសចំណេញខ្ពស់ បើយើងជ្រើសរើសទីតាំងមានសក្តានុពល ពិសេសដីនៅជាយរាជធានីភ្នំពេញ”។

អ្នកជំនាញផ្នែកដីធ្លីរូបនេះ នៅតែមានសុទិដ្ឋិនិយម បើទោះជាដីធ្លីនៅកម្ពុជាមានសកម្មភាពទិញ លក់តិចតួចនៅឡើយក្តី ប៉ុន្តែអ្វីៗនឹងមានភាពប្រសើរឡើងនាពេលអនាគត៕

វិភាគអចលនទ្រព្យៈពេលវេលាស័ក្តិសមសម្រាប់ការវិនិយោគនិងដំណើរឃ្លេងឃ្លោងនៃសេដ្ឋកិច្ចកម្ពុជា

ដោយៈយិន លាងគង់អគ្គនាយកនៃគេហទំព័រPropertyarea

ភ្នំពេញៈ មហាសេដ្ឋីលី កាស៊ីងបានចំណាយពេល និងធនធានដែលខ្លួនរកបាន ដោយវិនិយោគលើដីនៅជាយទីក្រុងហុងកុង និងប្រមូលទិញអចលនទ្រព្យ នៅពេលទីផ្សារដាំក្បាលចុះ។

នៅកម្ពុជា អ្នកមានធនធានឬមហាសេដ្ឋីភាគច្រើន ដែលបានលេចមុខក្នុងរយៈពេល ពីរទសវត្សរ៍ចុងក្រោយនេះ គឺបានលុយមកពីការវិនិយោគដីធ្លី និងសំណង់។

ជាក់ស្តែងអ្នកឧកញ៉ាសៀ រិទ្ឋីប្រធានក្រុមប្រឹក្សាភិបាលនៃក្រុមហ៊ុនWorld Bridge international បានទទួលស្គាល់ថា លោកមានបានដោយសារការវិនិយោគដីធ្លី។

ចំណែកលោកឧកញ៉ាបណ្ឌិតគីម ហ៊ាងបានសន្និដ្ឋានថា លោកទទួលភាពមានបាន ដោយសារដីធ្លី ហើយលោកជឿថា អ្នកមាននៅកម្ពុជាប្រហែល៧០ភាគរយ មានបានដោយសារដីធ្លី។

រីឯអ្នកឧកញ៉ាលី ហួរដែលបានអះអាងថា បានចាប់ផ្តើមទុនពីជ្រូកមួយក្បាល និងមានលុយ និងអចលនទ្រព្យដល់ខ្ទង់ពាន់លានដុល្លារ សុទ្ឋតែបានមកពីវិស័យអចលនទ្រព្យ និងសំណង់។

ជាមួយគ្នានេះ អ្នកឧកញ៉ាលី យ៉ុងផាត់ ប្រធានក្រុមប្រឹក្សាភិបាលនៃក្រុមហ៊ុនLYP និងអ្នកឧកញ៉ាពុង ឃាវសែ ជាអគ្គនាយកនៃក្រុមហ៊ុនOCIC សុទ្ឋតែជាអ្នកវិនិយោគដីធ្លី និងវិស័យសំណង់ និងអចលនទ្រព្យផងដែរ។

តើគួរបន្តវិនិយោគបន្តទៀតទេ?

តាមរយៈការលើកឡើងពីលោកឧកញ៉ា អ្នកឧកញ៉ាល្បីៗនៅស្រុកខ្មែរត្រួសៗប៉ុន្មានរូបខាងលើនេះ បានបង្ហាញថា ការវិនិយោគដីធ្លី និងវិស័យសំណង់នៅតែមានសក្តានុពល និងផ្តល់ឱកាសចំណេញខ្ពស់ បើទោះជាបច្ចុប្បន្នស្ថានភាពសេដ្ឋកិច្ច ពិភពលោកកំពុងជួបភាពមិនប្រាកដប្រជាក្តី។

ការវិនិយោគអចលនវត្ថុ ក្នុងអំឡុងរយៈពេលនេះ ត្រូវបានអ្នកជំនាញមើលឃើញថា សុទ្ឋតែផ្តល់ផលចំណេញ និងឱកាសចំនេញខ្ពស់ ដោយសារហេតុផលមួយចំនួន ទី១ អ្នកទិញមានអំណាចក្នុងការចចារខ្ពស់ ទី២ អ្នកទិញអាចស្វែងរកដី ឬអចលនទ្រព្យល្អៗ និងតម្លៃទាបជាងទីផ្សារ និងទី៣ មានឱកាសជ្រើសរើស ឬជម្រើសកាន់តែច្រើនសម្រាប់អ្នកទិញ ទី៤ អ្នកទិញអាចមើលឃើញពិតប្រាកដថា តើក្រុមហ៊ុនណាមានមូលដ្ឋានហិរញ្ញវត្ថុរ៉ឹងមាំ និងអាចទុកចិត្តបាន។

តើគួរទិញអចលនទ្រព្យក្នុងស្ថានភាពហិរញ្ញវត្ថុបែបណា

អ្នកជំនាញ និងមហាសេដ្ឋីធំៗដូចជា អ្នកឧកញ៉ាសៀ រិទ្ឋីសុទ្ឋតែផ្តល់យោបល់ថា “អ្នកមិនគួរប្រើប្រាស់លុយធនាគារ ដើម្បីវិនិយោគលើដីធ្លីនោះទេ”។

ជាក់ស្តែង ភាពប្រាកដប្រជា និងមូលធននៃលំហូរសាច់ប្រាក់ ពិតជាដើរតួកាន់តែមានសារៈសំខាន់ឡើង ក្នុងការបញ្ចៀសហានិភ័យលើការវិនិយោគអចលនទ្រព្យ ព្រោះការប្រើប្រាស់សាច់ប្រាក់មិនត្រឹមត្រូវនឹងបង្កហានិភ័យខ្ពស់បំផុតដល់អ្នកវិនិយោគ។

មូលធនហិរញ្ញវត្ថុ ដើរតួនាទីសំខាន់ខ្លាំងអស់ ដល់ការសម្រេចចិត្តវិនិយោគ ដោយផ្អែកលើកត្តាសំខាន់ៗមួយចំនួនដូចជា ទី១ ការវិនិយោគអចលនទ្រព្យ ជាការវិនិយោគរយៈពេលវែង។ មានន័យថា សាច់ប្រាក់របស់អ្នកនឹងកប់ នៅលើអចលនទ្រព្យ ទី២ ក្នុងស្ថានភាពបែបនេះ ការវិនិយោគមានហានិភ័យបំផុត លើភាពជាប់គាំងលំហូរសាច់ប្រាក់ ដោយសារស្ថានភាពសេដ្ឋកិច្ច មិនប្រាកដប្រជា។

ទី៣ អ្នកមិនត្រូវប្រើប្រាស់ឬអនុវត្តន៍នូវពាក្យស្លោក “កាប់បំពង់រង់ចាំទឹកភ្លៀង” ក្នុងស្ថានភាពនេះទេ ទី៤ ភាពមិនប្រាកដប្រជានៃសេដ្ឋកិច្ចពិភពលោក កំពុងធ្វើឲ្យលំហូរទុនវិនិយោគផ្ទាល់ពីបរទេស (FDI)ក៏ប្រឈមុខនឹងភាពជាប់គាំងផងដែរ ទី៥ អ្នកវិនិយោគក្នុងស្រុកកំពុងមានភាពរុញរា និងកំពុងស្ថិតក្នុងដំណាក់កាលខ្សោះឈាមពីខ្លួន។

វិបត្តិសេដ្ឋកិច្ចពិភពលោកនៅឆ្នាំ១៩៨៧ មានរយៈពេល២ឆ្នាំប៉ុណ្ណោះ វិបត្តិហិរញ្ញវត្ថុអាស៊ីឆ្នាំ១៩៩៧ មានរយៈពេលមិនលើសពីរឆ្នាំនោះដែរ ហើយវិបត្តិហិរញ្ញវត្ថុ ដែលផ្តើមចេញពីអាមេរិកឆ្នាំ២០០៨ ក៏ចំណាយពេលត្រឹម២ឆ្នាំ អ្វីៗបានងើបមកប្រសើរឡើងវិញ ប៉ុន្តែវិបត្តិកូវីដ១៩ និងសង្រ្គាមរុស្ស៊ី និងអ៊ុយក្រែនបានធ្វើឲ្យពិភពលោកជួបកលយុគរយៈពេល៤ឆ្នាំ និងមិនទាន់អាចទស្សន៍ទាយថា ចប់ពេលណានៅឡើយ ខណៈបញ្ហាភូមិសាស្រ្តនយោបាយអន្តរជាតិ កំពុងមានភាពតានតឹង និងភាពមិនអាចទស្សន៍ទាយបានផងដែរ។

ក្នុងស្ថានភាពនេះ យើងអាចប្រើនូវការវិភាគមួយចំនួនដូចជា ឆ្នាំ២០២០ មនុស្សស្ទើរគ្រប់គ្នាមានលុយនៅពេញដៃ នៅឆ្នាំ២០២១ ពួកគេចាយលុយអស់ពាក់កណ្តាល។ ឆ្នាំ២០២២ លុយរបស់ពួកគេបានអស់ពីទូដែក ឬពីហោប៉ៅ ហើយមកដល់ឆ្នាំ២០២៣ ម្នាក់ៗកំពុងជួបវិបត្តិលំហូរសាច់ប្រាក់ និងជាប់ផុងក្នុងបំណុល។

ហេតុនេះប្រសិនជាអ្នកនៅមានលំហូរសាច់ប្រាក់ល្អ និងមិនជាប់ផុងក្នុងបំណុល អ្នកគួរស្រែកជ័យឃោសឲ្យខ្លួនឯង។

ទាំងអស់គ្នា កំពុងមានសង្ឃឹមសម្រាប់ឆ្នាំ២០២៤ ហេតុនេះប្រសិនជាសង្រ្គាមរុស្ស៊ី និងអ៊ុយក្រែនចប់នៅឆ្នាំ២០២៤ខាងមុខ អ្វីៗនឹងមានភាពប្រសើរឡើង។

យ៉ាងណាអ្វីៗមិនអាចទស្សន៍ទាយបាននៅឡើយ ប៉ុន្តែក្នុងនាមជាអ្នកវិនិយោគ និងជាអ្នកមានទស្សនវិស័យវិជ្ជមាន អ្វីៗនៅតែមានសង្ឃឹម និងគួរបង្កើតឱកាស ជាជាងអង្គុយរង់ចាំឱកាសមកដល់៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ថ្នាំព៌ណJotunត្រូវបានជ្រើសរើសម្រាប់គំរោងមជ្ឈមណ្ឌលពាណិជ្ជកម្មឡាម៉េហ្យុង ផ្លាហ្សា

ភ្នំពេញៈ កាលពីថ្ងៃទី១២ ខែឧសភា ឆ្នាំ២០២៣ ខាងកន្លងមកនេះ ក្រុមហ៊ុន អិន&ភី អ៊ិនវេសម៉ិន ឯ.ក ដែលជាតំណាងចែកចាយថ្នាំព៌ណ Jotun បានចុះអនុស្សរណៈនៃការយោគយល់គ្នា ជាមួយម្ចាស់គំរោងមជ្ឈមណ្ឌលពាណិជ្ជកម្មឡាមេហ្យុង ផ្លាហ្សា ដើម្បីឈានទៅធ្វើកិច្ចសហការគ្នា ដោយឈរលើគោលការណ៍ និងផលប្រយោ ជន៍រួមគ្នា។

ក្រុមហ៊ុនថ្នាំព៌ណលំដាប់អន្តរជាតិដ៏ល្បីល្បាញ Jotun ត្រូវបានជ្រើសរើស សម្រាប់គំរោងមជ្ឈមណ្ឌល ពាណិជ្ជកម្មឡាម៉េហ្យុង ផ្លាហ្សា ដែលជាគំរោងលើកដំបូងគេ ស្ថិតនៅលើមហាវិថីឈ្នះ ឈ្នះ ជាតំបន់ដែលកំពុងមានភាពរីកចម្រើនខ្លាំង។

បង្ហាញវត្តមាននៅទីផ្សារកម្ពុជា រយៈពេលជាង១៥ឆ្នាំ ក្រុមហ៊ុនផលិតថ្នាំព៌ណ Jotun បានកសាងទំនុកចិត្តរយៈពេលវែងនៅកម្ពុជា ដោយទទួលបានការគាំទ្រ ពីអ្នកអភិវឌ្ឍន៍ជាតិ និងអន្តរជាតិ។ការជ្រើសរើសយកថ្នាំព៌ណ Jotun នឹងធ្វើឲ្យគំរោងលំនៅដ្ឋាន អាគារពាណិជ្ជកម្ម ខុនដូ អាផាតម៉ិន មានភាពទាក់ទាញ និងរក្សាបាននូវគុណភាពបានយូរ ពិសេស Jotun នឹងដើរតួនាទីចូលរួមថែររក្សាសំណង់ឲ្យមានសោភ័ណភាព និងប្រើប្រាស់បានយូរអង្វែង។ នេះជាការលើកឡើងរបស់លោកស្រី អ៊ា ប៉ហ៊ាប អគ្គនាយិកា ក្រុមហ៊ុន អិន&ភី អ៊ិនវេសម៉ិន ឯ.ក ដែលជាតំណាងចែកចាយថ្នាំព៌ណJotun ។

លោកស្រី អគ្គនាយិកា ក៏បានលើកឡើងផងដែរថា ផលិតផលរបស់យើង មិនត្រឹមតែលើកកំពស់គុណភាពសំណង់ប៉ុណ្ណោះទេ ប៉ុន្តែថ្នាំលាប Jotun ក៏រួមចំណែកការពារជម្រាបទឹក ការពារ និងកាត់បន្ថយនូវការបំពុលបរិស្ថាន និងជួយការពារកំដៅ ដែលជះចូលក្នុងអាគារបានមួយចំនែកធំ ពិសេសជាងនេះទៅទៀតផលិតផលចូតាន់តែងតែគិតដល់សុខុមាលភាពដល់ម្ចាស់គេហដ្ឋានគ្រប់រូបក្នុងការរស់នៅប្រកបដោយផាសុកភាពជាមួយថ្នាំលាបដែលគ្មានសារជាតិគីមីដែលបង្ករអោយប៉ះពាល់ដល់សុខភាព។

លោកស្រី អ៊ា ប៉ហ៊ាប បានបន្តថា កន្លងមក និងបច្ចុប្បន្នក្រុមហ៊ុនបានសហការជាមួយម្ចាស់អាគារធំៗ ដោយយើងបានផ្តល់កិច្ចសហការជាមួយអតិថិជន លើបញ្ហាបច្ចេកទេស សោភ័ណភាព និងគុណភាពសំណង់អាគារ។ជាមួយនឹងការផ្តល់សេវាកម្ម និងគុណភាពផលិតផល បានធ្វើឲ្យផលិតផលនេះ ពង្រីកសាខាចែកចាយទៅដល់ជាង១០០ប្រទេស នៅលើពិភពលោក។

Jotun ត្រូវបានផលិតឡើងនៅប្រទេសណ័រវេ ដែលជាសមាជិកមួយនៃសហគមន៍អឺរ៉ុបប្រចាំកម្ពុជា។

ឡាមេហ្យុង ផ្លាហ្សាស្ថិតនៅចំណុចពិសេស ក្នុងតំបន់នៃទីប្រជុំខ័ណ្ឌចំនួន៤ ដូចជា ខ័ណ្ឌសែនសុខ ខ័ណ្ឌឬស្សីកែវ ខ័ណ្ឌព្រែកព្នៅ និងខ័ណ្ឌជ្រោយចង្វារ។

ឡាម៉េហ្សុង ផ្លាហ្សា ជាគម្រោងអភិវឌ្ឍ ផ្ទះអាជីវកម្ម (ហ្សបហៅស៍) ដែលប្រមូលផ្តុំដោយហាងលក់ទំនិញ ហាងផ្តល់សេវាកម្ម ភោជនីយដ្ឋាន ហាងលក់ម្ហូបអាហារនិងភេសជ្ជៈរហ័សជាដើម ហើយត្រូវបានរៀបចំឱ្យដំណើរការពេញ24ម៉ោង ក្នុងប្រាំពីរថ្ងៃ (24/7)។

ភាពល្អឯកនៃគម្រោងឡាម៉េហ្សុង ផ្លាហ្សា

”ទីតាំងគម្រោង” ដ៏កម្រស្ថិតនៅតំបន់ពាណិជ្ជកម្ម កណ្តាលនៃភាគខាងជើងរាជធានីភ្នំពេញ ដែលមានផ្លូវខ្វាត់ខ្វែងនិងចរាចរណ៍មមាញឹក មានហេដ្ឋារចនាសម័្ធន្ធរូបវ័ន្ត បង្កលក្ខណៈងាយស្រួល បូករួមនឹងចំនួនប្រជាជនក្នុងតំបន់យ៉ាងច្រើនកុះករ។

– ហ្សបហៅស៍ពហុបំណង” ផ្តល់ឱកាសឱ្យធុរជនអាចធ្វើធុរកិច្ច និងរស់នៅ ក្នុងគេហដ្ឋានរបស់ខ្លួនឯងផ្ទាល់ ដោយពុំចាំបាច់ចំណាយបន្ថែមលើការជួលទីកន្លែងផ្សេងពីគ្នា ឬឱ្យវិនិយោគិនអាចទទួលបានចំណូលពីការជួលផ្ទះ និងចំណេញមូលធនពីការឡើងថ្លៃផ្ទះ។

ជាពិសេស គឺមានបទដ្ឋានគ្រប់គ្រងគម្រោងដ៏ល្អ ធានាបាននូវវឌ្ឍនភាព និងនិរន្តរភាពសម្រាប់គ្រប់ធុរកិច្ច។

រចនាបទនៃស្ថាបត្យកម្ម” ហ្សបហៅស៍ ដ៏វិសេសបែបប៉ារីសនៃ

ប្រទេសបារាំង សំណង់មានសមាមាត្រល្អ មាន4ជាន់ កម្ពស់16ម៉ែត្រ ដំបូលក្បឿងម៉ូតMansard ពណ៌ប្រផេះក្រម៉ៅ ជញ្ជាំងផ្ទះបាញ់ថ្នាំលាបពណ៌ទឹកដោះគោវ៉ានីឡា។ មុខផ្ទះជាន់ក្រោមមានបំពាក់សំយ៉ាបរួចស្រេច ជាន់លើរំលេចដោយបង្កាន់ដៃ ដែកក្បាច់បុរាណ ស្អាតស្រទន់ ស្រគត់សគុំ សាកសមគ្រប់សម័យកាល។

រីឯសំណង់អគារ ផ្តោតសំខាន់លើភាពរឹងមាំ ជាប់ធន់បានយូរ និងសុវត្ថិភាពប្រើប្រាស់ ស្របតាមកូដសំណង់ស្តង់ដា។ សម្ភារៈសំណង់ទាំអស់ត្រូវបាន សម្រិតសម្រាំងនិងជ្រើសរើសយក តែម៉ាកយីហោល្អៗ និងបានឆ្លងកាត់ការពិសោធន៍ត្រឹមត្រូវ។

តួយ៉ាងយើង សម្រេចជ្រើសយកថ្នាំលាបម៉ាក Jotun ដែលជាថ្នាំលាបស្តង់ដាអន្តរជាតិ នាំចូលមកពីប្រទេសណវេស មានអាយុកាលជិត១សតវត្ស និងចែកចាយទៅកាន់ជាង១០០ប្រទេស លើសកលលោក មកប្រើប្រាស់សម្រាប់ផ្ទះហ្សប ហៅស៍ទាំងអស់នៅក្នុងគម្រោង៕

iPhone maker Foxconn buys huge site in India

Plant could create as many as 100,000 jobs as Taiwanese supplier diversifies away from China

BENGALURU, India: Taiwanese electronics giant Foxconn has bought a huge tract of land on the outskirts of Indian tech hub Bengaluru, the key Apple supplier said in a filing Tuesday as it looks to diversify production away from China.

Also known by its official name, Hon Hai Precision Industry, Foxconn is the world’s biggest contract electronics manufacturer and a principal assembler of Apple iPhones.

Both companies are seeking to diversify away from China, where much of their manufacturing is based, after strict Covid policies in recent years and ongoing diplomatic tensions with the United States hurt production.

The acquisition of the 1.2
million-square-metre site in Devanahalli, near the airport for the Indian tech hub Bengaluru, was announced in a statement to the London Stock Exchange.Foxconn chairman Young Liu visited the state then to “deepen partnerships… and seek cooperation in new areas such as semiconductor development and electric vehicles”, he said in a statement.

He also met with Prime Minister Narendra Modi, who said the pair’s “discussions covered various topics aimed at enhancing India’s tech and innovation eco-system”.

Foxconn has manufactured Apple handsets in India since 2019 at its plant in the southern state of Tamil Nadu.
Two other Taiwanese suppliers, Wistron and Pegatron, also manufacture and assemble Apple devices in India.

Apple has been making its own push into India and chief executive Tim Cook last month opened its first two retail stores in the world’s most populous country.

The world’s biggest company in terms of market value is also expanding its manufacturing footprint in India.

Apple said last September it would manufacture its latest iPhone 14 in India, just weeks after launching the flagship model.The country last year accounted for seven percent of Apple’s iPhone production, according to Bloomberg, lagging behind the United States, China, Japan and other countries.

Apple’s expanding manufacturing in India is a boost to Modi’s “Make in India” strategy, under which he has urged foreign businesses to manufacture goods in the South Asian nation.

Source: AFP

Chinese giant BYD plans to set up next production center in Vietnam

Chinese automaker BYD plans to expand its electric vehicle manufacturing and assembly operations into Vietnam according to the country’s government statement citing BYD chairman Wang Chuanfu, reports Reuters.

Through a government-issued statement following a meeting between Wang and Vietnam deputy prime minister Tran Hong Ha last week, Wang, who is also founder of BYD, said that he expected Vietnam to create favourable conditions for BYD to complete investment procedures, according to the report.

In February this year, a Bloomberg report stated that three southeast Asian countries – Vietnam, the Philippines and Indonesia – were competing to host an assembly plant for BYD electric vehicles.

Currently, BYD’s manufacturing presence in Vietnam is via a factory for the assembly of electronic devices and parts in the northern province of Phu Tho. The Chinese manufacturer also proposed a forming of a local supply chain, according to the Vietnamese government statement.

News of BYD’s first Southeast Asian electric vehicle manufacturing plant emerged in April 2022, and in September last year the manufacturer purchased a 96 hectare plot of land in Rayong, the automotive hub in Thailand. In January, a separate Reuters report said that a planned Vietnam plant would also supply parts to this plant in Thailand.

Meanwhile in the Malaysian market, the BYD Atto 3 saw 1,000 vehicle deliveries in Malaysia in the first 100 days since it was launched last December, after which it reached the 100-unit customer delivery milestone in January.

Source: paultan.org

បុរីវិមានសំណាងផ្សារភ្ជាប់ធម្មជាតិនិងសហគមន៍អាជីវកម្មស្របពេលតំបន់ភាគខាងជើងក្លាយជាCBD

ដោយៈ ស៊ីវ ម៉េង

ភ្នំពេញៈ ជាមួយនឹងប្រឡាយធម្មជាតិប្រវែង១គីឡូម៉ែត្រ និងការដាំដើមឈើធំៗ និងការរៀបចំសហគមន៍អាជីវកម្មជុំវិញ បានដើរតួនាទីសំខាន់ ក្នុងការកសាងសហគមន៍មួយ ប្រកបដោយភាពសុខដុមសម្រាប់បុរីវិមានសំណាង។ហេតុនេះ ការរស់នៅពិតជាត្រូវជ្រើសរើស លើទីតាំងជាពិសេសដើម្បីផ្តល់ឲ្យជីវិតមានផាសុខភាព និងសុភមង្គល។

លោកជំទាវឧកញ៉ាគង់ សំណាងអគ្គនាយិកាបុរីវិមានសំណាងបានមានប្រសាសន៍ឲ្យដឹងថា ការអភិវឌ្ឍន៍របស់យើង បានសិក្សាជាច្រើន មុនសម្រេចចិត្តជ្រើសរើសទីតាំងនេះ ដើម្បីបំពេញនិងឆ្លើយតបនឹងបែបផែននៃការរស់នៅក្នុងយុគសម័យថ្មី ហេតុនេះទើបយើងផ្តោតលើមូលដ្ឋានសំខាន់ៗមួយចំនួន ដូចជា

ទី១ ជាតំបន់ស្ថិតនៅជាប់ផ្ទៃបឹង និងដងព្រែកធម្មជាតិដ៏ស្រស់ស្អាត ដែលផ្តល់ឲ្យបរិយាកាសរស់នៅមានភាពស្រស់ស្រាយ។
ទី២ ជាតំបន់ដែលប្រមូលផ្តុំ ដោយមជ្ឈមណ្ឌលពាណិជ្ជកម្មធំៗ ដូចជាផ្សារGlobal House, AEON Mall2 , Makro,
ទី៣ ជាតំបន់ដែលមានការអភិវឌ្ឍន៍លឿន និងជាប់នឹងរមណីយដ្ឋានធម្មជាតិចំនួន២ គឺរមណីយដ្ឋានភ្នំរាប និងភ្នំប្រសិទ្ឋត្រៃយ៍ត្រឹង
ទី៤ ជាទីតាំង ដែលអ្នកអភិវឌ្ឍន៍ជាតិ អន្តរជាតិកំពុងចាប់អារម្មណ៍ ដោយសារវាស្ថិតនៅជិតពហុកីឡដ្ឋានមរតកតេជោ សួនសត្វសាហ្វារីវើលដ៏ជាដើម។

ជាមួយគ្នានេះ លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ថា និន្នាការរបស់អ្នកមានជីវភាពធូរធារ កាន់តែឆ្ពោះទៅកាន់ភាគខាងជើងរាជធានី ដោយសារតំបន់នេះមានការអភិវឌ្ឍលឿន ជាតំបន់ ដែលក្រសួងស្ថាប័នរដ្ឋកាន់តែច្រើនជ្រើសរើស បោះទីតាំងនៅតំបន់នេះ។

លោកបណ្ឌិតបន្តថា “ដោយសាររសនិយម និងចំនួនអ្នកមាននៅកម្ពុជាកើនឡើង បានធ្វើឲ្យក្រុមហ៊ុនសម្រេចចិត្ត វិនិយោគបុរីលំដាប់អភិជននេះឡើង ដើម្បីឆ្លើយតបនឹងតម្រូវការរបស់ប្រជាពលរដ្ឋ”។

លោកឧកញ៉ាគីម ហ៊ាងបានបន្តថា “យើងបានគិតគូ ទាំងសោភ័ណភាពសំណង់ រចនាបទម៉ូតផ្ទះ គុណភាពនៃការឌីសាញក្នុងគំរោង ត្រូវបានផ្ចិតផ្ចង់ និងសំរិតសំរាំងបំផុត ដើម្បីបំពេញចិត្ត និងក្តីស្រម័យរបស់អភិជននានា”៕

ធនាគារពិភពលោកកំពុងផ្តល់ហិរញ្ញប្បទានលើការគ្រប់គ្រងបរិស្ថាននៅខេត្តចំនួន៧

ដោយៈ ហ្វីអូណា

ភ្នំពេញៈ គម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា (CSLEP) ជាគម្រោងរបស់រាជរដ្ឋាភិបាលកម្ពុជា ដែលបាននឹងកំពុងដឹកនាំ ការអនុវត្តដោយក្រសួងបរិស្ថាន និងក្រសួងអភិវឌ្ឍន៍ជនបទ។

គំរោងនេះ ក្រោមហិរញ្ញប្បទានពីធនាគារពិភពលោក ដែលមានគោលបំណង ធ្វើឱ្យប្រសើរនូវការគ្រប់គ្រង តំបន់ការពារធម្មជាតិ ជំរុញឱកាសសម្រាប់ការ អភិវឌ្ឍទេសចរណ៍ធម្មជាតិ និងដើម្បីបង្កើនច្រវ៉ាក់តម្លៃអនុផលព្រៃឈើ នៅតំបន់ទេសភាពជួរភ្នំក្រវាញ និងបឹងទន្លេសាប។

នាពេលបច្ចុប្បន្ន គម្រោងនេះ បាននឹងកំពុងជួយ គាំទ្រសហគមន៍តំបន់ការពារធម្មជាតិចំនួន៣០ នៅក្នុងខេត្តគោលដៅទាំង៧ រួមមាន៖ ខេត្តកោះកុង កំពង់ស្ពឺ កំពង់ឆ្នាំង ពោធិ៍សាត់ បាត់ដំបង កំពង់ធំ និងខេត្តសៀមរាប។

កាលពីថ្ងៃទី១១ ឧសភាកន្លងមកនេះ ក្រុមការងារសុវត្ថិភាពបរិស្ថាន និងសង្គម បានសហការជាមួយក្រុមការងាររដ្ឋបាល និងហិរញ្ញវត្ថុ នៃគម្រោង “និរន្តរភាពតំបន់ទេសភាព និងទេសចរណ៍ធម្មជាតិកម្ពុជា” ហៅកាត់ថា (CSLEP) បានរៀបចំវគ្គបណ្តុះបណ្តាលស្តីពី “ការធានាសុវត្ថិភាពបរិស្ថាន និងសង្គម” នៅទីស្តីការក្រសួងបរិស្ថាន។

កម្មវិធីនេះ មានគោលបំណងបង្កើនការយល់ដឹងស្ដីពី ក្របខណ្ឌសុវត្ថិភាព បរិស្ថាន និងសង្គម ការយល់ដឹងពីការកំណត់ទីតាំង និងការអនុវត្ដសកម្មភាព ប្រកបដោយការគិតគូ ពីសុវត្ថិភាពបរិស្ថាន និងសង្គម ដល់ក្រុមការងារជនបង្គោល តំណាងជនបង្គោល និងទីប្រឹក្សា អនុវត្ដគម្រោងថ្នាក់ជាតិ និងថ្នាក់ក្រោមជាតិខេត្ដគោលដៅ ដែលមានអ្នកចូលរួមសរុបចំនួន ៥៤នាក់ (ស្រី៨នាក់)។

បច្ចុប្បន្ននេះ គ្រប់សកម្មភាពអភិវឌ្ឍហេដ្ឋារចនាសម្ព័ន្ធ នានារបស់គម្រោង តែងតែគិតគូរពីកត្តាសុវត្ថិភាពបរិស្ថាន និងសង្គម ដោយមានការវិភាគ និងវាយតម្លៃជាមុនអំពីផលប៉ះពាល់ ជាអវិជ្ជមានលើអ្នកពាក់ព័ន្ធ សហគមន៍ ស្រ្តី ជនជាតិដើមភាគតិចជាដើម ដូចជា ការបង្កឱ្យមានការរើសអើង រួមទាំងការប៉ះពាល់ដល់ជីវភាពរបស់ពួកគាត់ តំបន់អារក្សអ្នកតា ទ្រព្យសម្បត្តិ កម្មសិទ្ធិដីធ្លី ធនធានធម្មជាតិ ឬជីវៈចម្រុះ នៅតាមតំបន់ជាប់ពាក់ព័ន្ធ៕

លោកEdward Leeថានេះជាពេលវេលាស័ក្តិសមសម្រាប់ការនាំយកសណ្ឋាគារប្រណីតចូលទីផ្សារកម្ពុជា

ដោយៈ ម៉ាលីនណា

ភ្នំពេញៈ នាយកប្រតិបត្តិក្រុមហ៊ុនPrince Real Estateលោក Edward Lee បានថ្លែងថា កម្ពុជាជាទីផ្សារស័ក្តិសម សម្រាប់ឱកាសវិនិយោគឬនាំយកសណ្ឋាគារប្រណីតមកកាន់ទីផ្សារនេះ។

លោកបានមានប្រសាសន៍ឲ្យដឹងកាលពីសប្តាហ៍មុនថា “រដ្ឋាភិបាលក៏កំពុងអនុវត្តន៍គំនិតផ្តួចផ្តើម ប្រតិបត្តិការអគារមិនទាន់សាងសង់បញ្ចប់ ដែលអាចផ្តល់អត្ថប្រយោជន៍ ដល់អ្នកអភិវឌ្ឍន៍ក្នុងស្រុក ឬអន្តរជាតិ ដែលអាចកាន់កាប់គម្រោងនេះ”។

លើប្រធានបទសណ្ឋាគារលំដាប់ខ្ពស់ លោក Edward បានលើកឡើងថា ការផ្គត់ផ្គង់សណ្ឋាគារប្រណិតៗ នៅកម្ពុជាមានមិនគ្រប់គ្រាន់ ជាពិសេសនៅខេត្តសៀមរាប និងក្រុងព្រះសីហនុ ក្នុងរយៈពេល១០ឆ្នាំចុងក្រោយនេះ ដែលនាំឱ្យម៉ាកយីហោល្បីៗជាច្រើនស្វែងរកឱកាសចូលទីផ្សារសណ្ឋាគារកម្ពុជា កាលពីមុនវិបត្តិកូវីដ-១៩។

លោកជឿជាក់ថា ស្របពេលដែលការហោះហើរ បានបើកដំណើរការឡើងវិញ ហើយតម្រូវការកន្លែងស្នាក់នៅ ប្រកបដោយគុណភាពកាន់តែកើនឡើង នោះវាគឺជាពេលវេលាដ៏ត្រឹមត្រូវ សម្រាប់សណ្ឋាគារលំដាប់ខ្ពស់ចូលមកទីផ្សារកម្ពុជា៕

មន្រ្តីជាន់ខ្ពស់IMFអះអាងថាដៃគូពាណិជ្ជកម្មធំៗរបស់កម្ពុជាអាចនឹងមានភាពប្រសើរនៅឆ្នាំនេះ

ដោយៈ គង់ សូរិយា

ភ្នំពេញៈ លោក Davide Furceri ប្រធានក្រុមបេសកកម្មថ្មី នៃមូលនិធិរូបិយប័ណ្ណអន្តរជាតិបានថ្លែងថា ភាពប្រសើរនេះ នឹងអាចជួយជំរុញការងើបឡើងវិញ នៃសេដ្ឋកិច្ចកម្ពុជាមួយកម្រិត តាមរយះការងើបឡើងវិញនៃវិស័យនាំចេញ កំណើននៃវិស័យសេវាកម្ម ទេសចរ និងវិស័យឧស្សាហកម្ម មិនមែនកាត់ដែរ។

លោកបន្តថា ជារួម ទោះបីជាសេដ្ឋកិច្ចសកលហ៊ុមព័ទ្ធដោយហានិភ័យ និងភាពមិនប្រាកដប្រជាក្តី សេដ្ឋកិច្ចកម្ពុជាក្នុងឆ្នាំ ២០២៣ បន្តរក្សាបានកំណើនមួយល្អប្រសើរ បើប្រៀបធៀបនឹងបណ្ដាប្រទេសក្នុងតំបន់ ដោយសារការវិលត្រលប់ទៅរកប្រក្រតីភាពវិញយ៉ាងឆាប់រហ័សនៃសកម្មភាពសង្គម-សេដ្ឋកិច្ច តាមរយះការដាក់ចេញនូវវិធានការអន្តរាគមន៍របស់រាជរដ្ឋាភិបាល សំដៅបន្ធូរបន្ថយផលប៉ះពាល់នានាមកលើសង្គមសេដ្ឋកិច្ច ព្រមជាមួយនឹងការរំពឹង ទុកការងើបឡើងវិញនៃប្រទេសដៃគូពាណិជ្ជកម្មកម្ពុជា។ លោក Davide Furceri បានលើកឡើងបែបនេះ ក្នុងជំនួបជាមួយលោកឧបនាយករដ្ឋមន្រ្តីអូន ព័ន្ឋមុនីរ័ត្នរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុកាលពីដើមសប្តាហ៍នេះ។

ក្នុងជំនួបខាងលើនេះ លោកបានបញ្ជាក់ពីការ បន្តគាំទ្រក្នុងការផ្តល់ជំនួយបច្ចេកទេសនានា ដល់រាជរដ្ឋាភិបាលកម្ពុជា ក្នុងការអភិវឌ្ឍសមត្ថភាពមន្ត្រី។

លោកអគ្គបណ្ឌិតសភាចារ្យ អូន ព័ន្ធមុនីរ័ត្ន បានលើកឡើងពីសារសំខាន់នៃបេសកកម្មរបស់មន្ត្រី នៃមូលនិធិរូបិយវត្ថុអន្តរជាតិ នាពេលនេះ ក្នុងខណៈដែលកម្ពុជា កំពុងរៀបចំក្របខណ្ឌគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណះ ឆ្នាំ ២០២៤ និងក្នុងបរិការណ៍ ដែលស្ថានភាពសេដ្ឋកិច្ចតំបន់ និងសកល បាន និងកំពុងហ៊ុមព័ទ្ធដោយភាពមិនប្រាកដប្រជាខ្ពស់ ដែលបង្កឡើង ដោយភាពមិនអំណោយផល នៃភូមិសាស្ត្រនយោបាយ សង្គ្រាមរុស្ស៊ី និងអ៊ុយក្រែន ការបន្តរឹតបន្តឹងគោលនយោបាយរូបិយវត្ថុ, ការបែកខ្ញែកពាណិជ្ជកម្ម និងសេដ្ឋកិច្ច, និងកំណើនយឺតជាងការរំពឹងទុកនៃសេដ្ឋកិច្ចប្រទេសអភិវឌ្ឍន៍ ជាដើម ។

លោកបញ្ជាក់ថា “កក្តាទាំងនេះ បានជះឥទ្ធិពលអវិជ្ជមានមកលើសេដ្ឋកិច្ច និងហិរញ្ញវត្ថុសាធារណះកម្ពុជាផងដែរ”៕

ដំណឹងល្អៈ ម្រេចកម្ពុជាត្រូវបានអនុញ្ញាតឱ្យនាំចេញទៅកាន់ ប្រទេសចិនហើយ

ដោយៈ គង់ សូរិយា

ភ្នំពេញៈ រដ្ឋបាលគយនៃប្រទេសចិន បានបង្ហាញពីបញ្ជីឈ្មោះក្រុមហ៊ុនសហគ្រាស ដែលបានចុះបញ្ជីនាំចេញគ្រឿងទេសកម្ពុជាទៅកាន់ប្រទេសចិន នេះមានន័យថាម្រេចកម្ពុជា បានបំពេញគ្រប់នីតិវិធីក្នុងការនាំចេញម្រេចទៅកាន់ប្រទេសចិន អាចនាំចេញដោយផ្ទាល់ទៅទីផ្សារចិន។

ទីតាំងដាំម្រេចចំនួន២៨កន្លែង និងរោងចក្រវេចខ្ចប់ចំនួន៧កន្លែងត្រូវបានចុះបញ្ជី និងទទួលបានការអនុញ្ញាតពីភាគីចិនក្នុងការនាំចេញ។

ដើម្បីពន្លឿនការអនុវត្តពិធីសារស្តីពី លក្ខខណ្ឌតម្រូវភូតគាមអនាម័យសម្រាប់ការនាំចេញម្រេច ពីកម្ពុជាទៅប្រទេសចិន ដែលបានចុះហត្ថលេខារួមគ្នា រវាងភាគីទាំងពីរចិន និងកម្ពុជាកាលពីខែវិច្ឆិកាឆ្នាំ២០២២ រដ្ឋបាលគយ ស្ថានទូតចិនប្រចាំកម្ពុជា និងក្រសួងកសិកម្មរុក្ខាប្រមាញ់ និងនេសាទកម្ពុជាកាលពីថ្ងៃទី១០-១១ខែមេសាថ្មីៗនេះ បានធ្វើការពិនិត្យទីតាំងដាំម្រេច និងរោងចក្រវេចខ្ចប់ម្រេច ដោយតាមរយៈVideo Conference។

ដំណាំម្រេចគឺជាកសិផលដំបូងគេរបស់កម្ពុជា ដែលត្រូវបានអនុញ្ញាតឱ្យនាំចេញ ទៅប្រទេសចិនក្នុងឆ្នាំ២០២៣នេះ ហើយក៏ជាដំណាំគ្រឿងទេសដំបូងគេ ដែលត្រូវបានអនុញ្ញាត ឱ្យនាំចេញទៅកាន់ទីផ្សារចិនផងដែរ៕

1...936937938...3,257 Page 937 of 3,257