អភិបាលខេត្តព្រះសីហនុៈកម្ពុជាចាត់ទុកចិនជាអ្នកជិតខាងល្អ បងប្អូនល្អ និងដៃគូល្អ

ដោយៈ គង់ សូរិយា

ព្រះសីហនុៈ អភិបាលខេត្តព្រះសីហនុ លោកគួច ចំរើនបានបញ្ជាក់ថា កម្ពុជាបន្តប្រកាន់ភ្ជាប់នូវគោលជំហរឥតងាករេ ចំពោះការគាំទ្រគោលនយោបាយចិនតែមួយ និងចាត់ទុកចិនជាអ្នកជិតខាងល្អ បងប្អូនល្អ និងដៃគូល្អ។

លោកបានមានប្រសាសន៍បែបនេះ ក្នុងពិធីទទួលលៀងសាយភោជន៍ ទទួលស្វាគមន៍គណៈ ប្រតិភូចិន ដឹកនាំដោយលោក NONG RONG ឧបការីរដ្ឋមន្រ្តីការបរទេសចិន ដែលបានមកទស្សនកិច្ចនៅខេត្តព្រះសីហនុ ។

លោកគួច ចំរើនបានបន្តថា ទំនាក់ទំនង និងកិច្ចសហប្រតិបត្តិការ រវាងប្រជាជនប្រទេសទាំងពីរត្រូវបានពង្រឹង និងពង្រីកដល់កម្រិតខ្ពស់បំផុត ភាពជាដៃគូយុទ្ធ សាស្ត្រគ្រប់ជ្រុងជ្រាយ ជាមិត្តភាពដែកថែប និងជាសហគមន៍វាសនារួមកម្ពុជា-ចិន។ ថ្មីៗនេះរដ្ឋាភិបាល ប្រទេសទាំងពីរ បានដាក់ចេញនូវកិច្ចសហ ប្រតិបត្តិការ “ត្បូងពេជ្រ” ដោយផ្តោតសំខាន់លើវិស័យចំនួន៦ រួមមាន នយោបាយ និងការទូត, សមត្ថភាពផលិត និងវាយភណ្ឌ, កសិកម្ម, ថាមពល, សន្តិសុខ និងទំនាក់ទំនងរវាងប្រជាជន និងប្រជាជន រួមទាំងការលើកកម្ពស់វិស័យសុខា ភិបាលនៅកម្ពុជា។

ខេត្តព្រះសីហនុបានបង្កើតសម្ព័ន្ធមេត្រីភាពខេត្ត -ក្រុងបងប្អូនជាមួយបណ្តាខេត្ត-ក្រុងនៅប្រទេសចិនចំនួន១៧។

ក្រោមដំបូលសន្តិភាព និងការយកចិត្តទុកដាក់ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ នាយករដ្ឋមន្ត្រី បានដាក់ចេញនូវយុទ្ធសាស្រ្តចតុកោណ និងគំនិតផ្តួចផ្តើមគោលនយោបាយ ខ្សែក្រវាត់ និងផ្លូវ របស់លោកស៊ី ជីនពីង ប្រធានាធិបតីចិន ដើម្បីជំរុញប្រទេសចិនឆ្ពោះទៅយុគសម័យថ្មី ការលុបបំបាត់ភាពក្រីក្រ កសាងសង្គមរីកចម្រើនលើគ្រប់វិស័យ សំដៅប្រែក្លាយប្រទេសចិនទៅជាប្រទេសទំនើបដ៏អស្ចារ្យនៅឆ្នាំ២០៤៩ ដើរតួនាទីកាន់តែសំខាន់ លើឆាកអន្តរជាតិ ដើម្បីសន្តិភាព និងវិបុលភាពពិភពលោក៕

ផ្សារទំនើប Big C នឹងបង្ហាញវត្តមាននៅទីក្រុងរណបជ្រោយចង្វារ

ដោយៈ វឌ្ឍនៈ

ភ្នំពេញៈ ទីក្រុងរណបជ្រោយចង្វារ កំពុងមានភាពទាក់ទាញលើការអភិវឌ្ឍជាតំបន់ពាណិជ្ជកម្ម និងលំនៅឋាន ដោយឃើញមានអគារពាណិជ្ជកម្មធំៗ និងគម្រោងលំនៅឋាន ជាច្រើនចាប់ផ្ដើមលេចរូបរាងជាបន្តបន្ទាប់។

ក្រុមហ៊ុនផ្សារទំនើបដ៏ធំរបស់ថៃBig C ក៏បានចុះហត្ថលេខាជាមួយក្រុមហ៊ុនOCIC ក្នុងការពង្រីកប្រតិបត្តិការលក់រាយរបស់ខ្លួន នៅក្នុងទីក្រុងភ្នំពេញ។

យោងតាមសេចក្ដីប្រកាសព័ត៌មាន របស់ក្រុមហ៊ុនOCICដែលបានចែកចាយដល់បណ្តាញសារព៌តមាន ក្រោយពិធីចុះហត្ថលេខារវាង OCIC និងក្រុមហ៊ុនផ្សារទំនើប Big C កាលពីព្រឹកថ្ងៃទី២២ មេសា ២០២៣ បានឱ្យដឹងថា ការចុះអនុស្សរណៈរវាងក្រុមហ៊ុនកម្ពុជានិងផ្សារទំនើបរបស់ថៃ នឹងបង្កើតនូវភាពអស្ចារ្យមួយ សម្រាប់តំបន់ជ្រោយចង្វារ ដែលជាតំបន់លំនៅឋាន និងពាណិជ្ជកម្មដ៏សក្ដានុពល ។

គម្រោងនេះ នឹងអភិវឌ្ឍន៍ជាភោជនីយដ្ឋានទំនើបៗ ទីតាំងលក់ផលិតផលនាំចូល កន្លែងដើរទិញទំនិញដ៏មានបរិយាកាសល្អ និងកន្លែងផ្ដល់សេវាកម្មជាច្រើនទៀត។

សេចក្ដីប្រកាសព័ត៌មានដដែលបានឱ្យដឹងថា ផ្សារទំនើប Big C មានទំហំផ្ទៃដីប្រមាណ២,៧ហិចតា ហើយនឹងត្រូវសាងសង់នៅជាប់នឹងរង្វង់មូលនាងមច្ឆា ដែលជាតំបន់កំពុងមានការចាប់អារម្មណ៍ខ្លាំងពីសំណាក់វិនិយោគិន និងមានប្រជាពលរដ្ឋឆ្លងកាត់តំបន់នោះ យ៉ាងមមាញឹក ខណៈស្ពានថ្មីមួយឆ្លងពីជ្រោយចង្វារ ទៅឬស្សីកែវបានដាក់ដំណើរការរួចហើយដែរ។

លោកស្រី Lim Lychin អ្នកគ្រប់គ្រងទូទៅនៃក្រុមហ៊ុន OCIC បានមានប្រសាសន៍ថា យើងស្វាគមន៍ចំពោះវត្តមាន លើកដំបូងនៃផ្សារទំនើប Big C មកកាន់ទឹកដីនៃទីក្រុងរណបជ្រោយចង្វារ ហើយវត្តមានរបស់ផ្សារទំនើបនេះ នឹងធ្វើឱ្យភ្នំពេញ មានមជ្ឈមណ្ឌលពាណិជ្ជកម្មថ្មីមួយទៀត ។

លោកស្រីបន្តថា “យើងនឹងបន្តផ្តោតលើគោលដៅ របស់យើង ក្នុងការធ្វើឱ្យទីក្រុងរណបជ្រោយចង្វារ ក្លាយជាទីក្រុងទំនើប ជាមួយនឹងគម្រោងមួយចំនួនផ្សេងទៀត ដែលប្តេជ្ញាក្នុងការកសាងឱកាសធ្វើពាណិជ្ជកម្មផ្ដល់សេវាកម្មកម្សាន្ត និងអាជីវកម្មល្អជាច្រើនទៀតក្នុងទីតាំងតែមួយ”។

ជាមួយគ្នានេះ លោកGary Hardy នាយកផ្នែកប្រតិបត្តិនៃផ្សារទំនើបBig C ក៏បានមានប្រសាសន៍ថា យើងពិតជាមានសេចក្ដីសោមនស្សរីករាយជាខ្លាំង ក្នុងការពង្រីកអាជីវកម្មរបស់ខ្លួន នៅក្នុងប្រទេសកម្ពុជា ជាពិសេសការបង្កើតទីតាំងថ្មី នៅក្នុងទឹកដីទីក្រុងរណបជ្រោយចង្វារ ។

លោកបន្តថា យើងបានបើកផ្សារទំនើបដំបូងរបស់យើង នៅកម្ពុជា ស្ថិតនៅក្រុងប៉ោយប៉ែត ក្នុងឆ្នាំ២០១៩ និងបានពង្រីកផ្សារទំនើបតូចៗចំនួន២០នៅក្នុងរាជធានីភ្នំពេញ និងខេត្តកំពត។ យើងពិតជារីករាយណាស់ ដែលបានក្លាយជាដៃគូជាមួយក្រុមហ៊ុន OCIC និងក្រុមហ៊ុនកាណាឌីយ៉ាគ្រុប។

លោកបន្តថា “ការពង្រីកប្រតិបត្តិការនេះ គឺជាផ្នែកមួយនៃយុទ្ធសាស្ត្រក្នុងការពង្រីកខ្លួន ក្នុងរយៈពេល៥ឆ្នាំខាងមុខ ដើម្បីអភិវឌ្ឍន៍អាជីវកកម្មកាន់តែទូលំទូលាយ ក្នុងប្រទេសកម្ពុជានិងតំបន់អាស៊ាន “។

លោកស្រីតាំង ហួរ អគ្គនាយិកាក្រុមហ៊ុន Amatak Property ក៏បានមានប្រសាសន៍ផងដែរថា តំបន់ជ្រោយចង្វារ នឹងក្លាយជាទីក្រុងទំនើបដ៏មានសក្ដានុពល នៅពេលឆាប់ៗខាងមុខនេះ ដោយបច្ចុប្បន្នយើងបានឃើញគម្រោងមួយចំនួន កំពុងមមាញឹកក្នុងការសាងសង់នៅតំបន់នោះ ទាំងគម្រោងពាណិជ្ជកម្មនិងលំនៅឋាន៕

China’s Changan Auto to invest $285 million in EV facility in Thailand

BANGKOK : Chinese auto maker Changan Auto will invest $285 million in a facility in Thailand to produce 100,000 electric vehicles (EVs) annually, Thailand’s Board of Investment said on Thursday.

The company aims to sell the EVs in Thailand, Southeast Asia, Australia, and South Africa, said the board’s secretary-general, Narit Therdsteerasukdi.

Thailand is Asia’s fourth-largest autos assembly and export hub for carmakers like Toyota and Honda. The industry accounts for about 10 per cent of Thailand’s GDP and manufacturing jobs.

“Changan’s decision to invest in Thailand is a significant milestone in promoting the country as the world’s major EV production base,” said Narit.

Other Chinese EV makers like BYD have also invested in Thai plants as demand heats up among domestic consumers choosing from brands like Great Wall Motors and Tesla.
($1 = 34.4300 baht)

Source: Reuters

ជនបរទេសបង្ខំចិត្តនាំគ្នាចាកចេញពីសិង្ហបុរី ខណៈថ្លៃឈ្នួល ផ្ទះហក់ឡើងកប់ពពក

ដោយៈ សុខុម
សិង្ហបុរី: បុរសជនជាតិអូស្ត្រាលី ឈ្មោះBen Dunn និងក្រុមគ្រួសាររបស់គាត់ បានចាត់ទុកខ្លួនឯងជាពលរដ្ឋសិង្ហបុរី ទៅហើយ ព្រោះគាត់បានរស់នៅ ក្នុងប្រទេសនេះ អស់រយៈពេលយ៉ាងតិច១៦ឆ្នាំ ហើយកូនៗរបស់គាត់ពីរនាក់ ដែលម្នាក់អាយុ១០ឆ្នាំ និងម្នាក់ទៀតអាយុ១៣ឆ្នាំសុទ្ធតែបានកើតនៅទីនេះ។

ប៉ុន្តែបន្ទាប់ពីមើលឃើញថ្លៃឈ្នួលខុនដូ ដែលគ្រួសាររបស់គាត់ជួលសម្រាប់រស់នៅ បានហក់ឡើងថ្លៃពី៥.២៤២ដុល្លារអាមេរិក រហូតដល់៨.២៣៨ដុល្លារអាមេរិក ក្នុងមួយខែ លោក Ben Dunn និងប្រពន្ធរបស់គាត់ បានធ្វើការសម្រេចចិត្តដ៏ពិបាក ក្នុងការវិលត្រលប់មកប្រទេសអូស្ត្រាលីវិញ នៅពេលកិច្ចសន្យាជួលខុនដូរបស់ពួកគាត់ផុតកំណត់នៅខែមិថុនា។

លោក Ben Dunn វ័យ៥១ឆ្នាំដែលធ្វើការផ្នែកហិរញ្ញវត្ថុបានប្រាប់សារព័ត៌មាន Aljazeera កាលពីថ្ងៃព្រហស្បតិ៍ ទី២០ ខែមេសា ថា “ចាប់តាំងពីផ្ទុះវិបត្តិកូវីដ-១៩ មក យើងបានគិតរកពេលវេលាសមស្រប ដើម្បីវិលត្រលប់ទៅផ្ទះវិញ បន្ទាប់ពីឃ្លាតឆ្ងាយអស់រយៈពេលយ៉ាងយូរ”។

គាត់និយាយទៀតថា “យើងស្រលាញ់ការរស់នៅក្នុងប្រទេសសង្ហបុរី ប៉ុន្តែដោយសារថ្លៃចំណាយជីវភាព ចេះតែហក់ឡើងខ្ពស់ ហើយថ្លៃឈ្នួលកម្លាំងពលកម្ម មិនឡើងឱ្យសមាមាត្រនឹងគ្នា ការឡើងថ្លៃឈ្នួលផ្ទះនេះនឹងបង្កផលប៉ះពាល់យ៉ាងធ្ងន់ធ្ងរ”។

យោងតាមទិន្នន័យពីអាជ្ញាធរអភិវឌ្ឍន៍ក្រុង (URA) នៃប្រទេសសង្ហបុរី បង្ហាញថា ថ្លៃឈ្នួលផ្ទះជាមធ្យមក្នុងប្រទេសនេះ ដែលប្រមាណ៤០% នៃចំនួនប្រជាជនសរុបជាជនបរទេសនោះ បានហក់ឡើង៣០%ក្នុងឆ្នាំ២០២២ ដែលជាល្បឿនលឿនបំផុតមិនធ្លាប់មាន ក្នុង រយៈពេល១៥ឆ្នាំមកនេះ។

ការហក់ឡើងថ្លៃនេះ គឺដោយសារតែកត្តារួមផ្សំជាច្រើន រួមមានទាំងកង្វះ នៃការផ្គត់ផ្គង់លំនៅដ្ឋាន ដោយសារការពន្យារពេលសាងសង់ដែលបង្កឡើងដោយវិបត្តិកូវីដ-១៩ និងតម្រូវការខ្ពស់ពីបណ្ដាលក្រុមហ៊ុន និងអ្នកមានទេពកោសល្យ ដែលចង់រើមកកាន់ប្រទេសនេះជាដើម។ ទាំងអស់នេះមានមួយអន្លើ ដោយសារប្រទេសចិន ធ្វើការបង្ក្រាបលើឧស្សាកម្មឯកជន និងក្រុងហុងកុង។

សហគមន៍ធុរកិច្ចអន្តរជាតិ និងក្នុងស្រុកនៃប្រទេសសិង្ហបុរី ក៏បានសម្ដែងការពារបារម្ភផងដែរ ចំពោះការហក់ឡើងខ្ពស់នូវថ្លៃឈ្នួលផ្ទះ និងការិយាល័យ៕ Aljazeera៕

ឥទ្ធិពលរបស់ចិននៅតំបន់អាស៊ីអាគ្នេយ៍កំពុងវ៉ាដាច់សហរដ្ឋអាមេរិកក្នុងរយៈពេល៥ឆ្នាំចុងក្រោយនេះ

ដោយ: គង់ លាងហួរ

អន្តរជាតិ: ប្រទេសចិនបានពង្រីកឥទ្ធិពលរបស់ខ្លួន នៅក្នុងតំបន់អាស៊ីអាគ្នេយ៍លើសហរដ្ឋអាមេរិក នៅក្នុងរយៈពេល៥ឆ្នាំចុងក្រោយនេះ។

សហរដ្ឋអាមេរិកបានបន្តបាត់បង់ឥទ្ធិពល ទៅប្រទេសចិនលើវិធានការអំណាចចំនួនបួនគឺ ទំនាក់ទំនងសេដ្ឋកិច្ច បណ្តាញការពារ ឥទ្ធិពលការទូត និងឥទ្ធិពលវប្បធម៌ ចាប់តាំងពីឆ្នាំ 2018 ដែលជាឆ្នាំគោលនៅក្នុង “Asia Power Snapshot៖ ប្រទេសចិន និងសហរដ្ឋអាមេរិកនៅតំបន់អាស៊ីអាគ្នេយ៍ ”ដែលរាយការណ៍ដោយ វិទ្យាស្ថាន Lowy ។

នៅឆ្នាំ២០១៨ ប្រទេសចិនបាននាំមុខ សហរដ្ឋអាមេរិក៥២សំឡេងទល់នឹង៤៨សំឡេង សម្រាប់ឥទ្ធិពលនៅក្នុងតំបន់។ នៅឆ្នាំ២០២២ ការនាំមុខនេះបានកើនឡើង ដល់៥៤សំឡេងទល់នឹង៤៦សំឡេង។

របាយការណ៍បានអះអាងថា រង្វាស់នៃអំណាចទាំងនេះមានសារៈសំខាន់ ដោយសារគំរូនៃឥទ្ធិពល បានបង្កើតឡើងជាផ្នែកនៃបរិបទទូលំទូលាយ ដែលបណ្តាប្រទេសអាស៊ីអាគ្នេយ៍ បានធ្វើជម្រើសជាយុទ្ធសាស្ត្ររបស់ពួកគេ។

ជារួម កម្លាំងរបស់ចិនជាមហាអំណាចមួយ នៅតំបន់អាស៊ីអាគ្នេយ៍ស្ថិតនៅក្នុងទំនាក់ទំនងការទូត និងសេដ្ឋកិច្ចរបស់ខ្លួន ចំណែកសហរដ្ឋអាមេរិក មានភាពល្អប្រសើរជាង ក្នុងបណ្តាញការពារ និងឥទ្ធិពលវប្បធម៌។’

កម្លាំងសេដ្ឋកិច្ចរបស់ប្រទេសចិន បានឈានទៅមុខយ៉ាងល្អ ខណៈទំនាក់ទំនងសេដ្ឋកិច្ច របស់សហរដ្ឋអាមេរិក គឺខ្សោយជាងប្រ ទេសចិននៅគ្រប់ប្រទេសនៃតំបន់អាស៊ីអាគ្នេយ៍។

ការខាតបង់ដ៏ធំបំផុតនៃឥទ្ធិពល របស់សហរដ្ឋអាមេរិកចាប់តាំងពីឆ្នាំ២០១៨ គឺនៅប្រទេសម៉ាឡេស៊ី ដែលមានការខាតបង់៧ពិន្ទុ តាមពីក្រោយដោយប្រ៊ុយណេ និងឥណ្ឌូនេស៊ីដែលមាន៥ពិន្ទុរៀងៗខ្លួន។

ឥទ្ធិពលរបស់ទីក្រុងប៉េកាំង នៅតែមានភាពខ្លាំងបំផុត នៅក្នុងប្រទេសកម្ពុជា ឡាវ និងមីយ៉ាន់ម៉ា ដែលវានៅតែនាំមុខគេលើសហរដ្ឋអាមេរិក។

ទីក្រុងវ៉ាស៊ីនតោនមានឥទិ្ធពលជាងចិន នៅក្នុងប្រទេសហ្វីលីពីន និងសិង្ហបុរី បើទោះបីជាការនាំមុខរបស់អាមេរិក មានតិចតួចជាងចិន សម្រាប់ប្រទេសទាំងពីរនោះនៅត្រឹម៥២ ទល់៤៨សំឡេង និង៥១ទល់៤៩សំឡេងរៀងៗគ្នា។

ជាឧទាហរណ៍ ឥទ្ធិពលរបស់ទីក្រុងប៉េកាំង នៅប្រទេសឡាវគឺ៧១ទល់នឹង២៩ សំឡេងរបស់ទីក្រុងវ៉ាស៊ីនតោន។

ប្រទេសចិនទទួលបានការចាប់អារម្មណ៍នៅម៉ាឡេស៊ី ដោយសា រទំនាក់ទំនងការទូត និងការពារជាតិកាន់តែស៊ីជម្រៅហើយដូចគ្នានេះដែរ ក៏អាចនិយាយបានសម្រាប់ប្រទេសឥណ្ឌូនេស៊ីផងដែរ។

ក្នុងរយៈពេលប្រាំឆ្នាំ គេឃើញមានការសន្ទនាផ្នែកការពារជាតិកាន់តែច្រើនរវាងចិន និងម៉ាឡេស៊ី ក៏ដូចជាការទិញសព្វាវុធ រួមទាំងការទិញនាវាបេសកកម្ម Littoral របស់ចិនពីទីក្រុងគូឡាឡាំពួផងដែរ។

របាយការណ៍ដដែលបានបន្តថា ចំណែកប្រទេសហ្វីលីពីន មានការធ្លាក់ចុះនៃឥទ្ធិពលរបស់សហរដ្ឋអាមេរិក ចាប់តាំងពីឆ្នាំ២០១៨ ដែលបណ្តាលជាចម្បង មកពីប្រតិបត្តិការសេដ្ឋកិច្ចទន់ខ្សោយ ដូចជានៅក្នុងពាណិជ្ជកម្ម និងការវិនិយោគ។

នៅក្នុងវិស័យការពារជាតិវិញ កាលពីដើមឆ្នាំនេះ ហ្វីលីពីនបានអនុញ្ញាតឱ្យសហរដ្ឋអាមេរិក ពង្រីកជើងហោះហើរយោធារបស់ខ្លួន ដោយផ្តល់ឱ្យទាហានអាមេរិក ចូលទៅកាន់មូលដ្ឋានយោធាថ្មីចំនួនបួន ចំពេលទីក្រុងម៉ានីល មានភាពតានតឹងជាមួយចិន នៅសមុទ្រចិនខាងត្បូង។

ប៉ុន្តែក្នុងវិស័យពាណិជ្ជកម្ម ទំនាក់ទំនងរបស់អាមេរិកជាមួយហ្វីលីពីនបានចុះខ្សោយ ជាឧទាហរណ៍ សហរដ្ឋអាមេរិកមិនសូវសំខាន់ក្នុងនាមជាទិសដៅសម្រាប់ការនាំចេញហ្វីលីពីននោះទេ។

បច្ចុប្បន្ននេះ ប្រទេសចិនបានបណ្តាក់ទុនច្រើនជាង សហរដ្ឋអាមេរិកក្នុងប្រទេសហ្វីលីពីន ដែលជាស្ថានភាពផ្ទុយបញ្ច្រាសនៃឆ្នាំ២០១៨ នៅពេលដែលសហរដ្ឋអាមេរិក ធ្លាប់ជាអ្នកវិនិយោគធំជាងប្រទេសចិន។

របាយការណ៍របស់វិទ្យាស្ថាន Lowy បានបន្ថែមថា “ប្រសិនបើទំនាក់ទំនងសេដ្ឋកិច្ចរបស់សហរដ្ឋអាមេរិក បន្តធ្លាក់ចុះក្នុងអត្រាដូចគ្នាក្នុងរយៈពេល៥ឆ្នាំខាងមុខ នោះឥទ្ធិពលរួមរបស់ទីក្រុងប៉េកាំងនឹងកើនលើសពីទីក្រុងវ៉ាស៊ីនតោន”៕

មន្ត្រីជាន់ខ្ពស់អាមេរិកថា ទីក្រុងវ៉ាស៊ីនតោនចង់ស្វែងរកទំនាក់ទំនងសេដ្ឋកិច្ចបែបស្ថាបនា និងយុត្តិធម៌ ជាមួយទីក្រុងប៉េកាំង

ដោយ: គង់ លាងហួរ

វ៉ាស៊ីនតោន: រដ្ឋមន្ត្រីរតនាគារអាមេរិកលោកស្រី Janet Yellen បានអះអាងថា ទីក្រុងវ៉ាស៊ីនតោនស្វែងរកទំនាក់ទំនង សេដ្ឋកិច្ចប្រកបដោយការស្ថាបនា និងយុត្តិធម៌ ជាមួយទីក្រុងប៉េកាំង ដោយធ្វើឱ្យមានការផ្សះផ្សាគ្នា ចំពេលមានភាពតានតឹងផ្នែកនយោបាយ រវាងប្រទេសទាំងពីរ។

លោកស្រីបានថ្លែងនៅក្នុងសុន្ទរកថា នៅឯសាលាសិក្សាអន្តរជាតិ កម្រិតខ្ពស់របស់សាកលវិទ្យាល័យ Johns Hopkins ថា “ប្រទេសចិន និងសហរដ្ឋអាមេរិកអាច និងត្រូវការស្វែងរកវិធី ដើម្បីរស់នៅជាមួយគ្នា និងចែករំលែកភាពរុងរឿងជាសកល”។

លោកស្រីបានបន្តថា ទីក្រុងវ៉ាស៊ីនតោននៅតែប្តេជ្ញាប្រើប្រាស់ឧបសគ្គពាណិជ្ជកម្ម ដើម្បីការពារសន្តិសុខជាតិរបស់ខ្លួន និងការពារសិទ្ធិមនុស្សពីបញ្ហាប្រឈម ដែលបង្កឡើងដោយទីក្រុងប៉េកាំង ប៉ុន្តែរដ្ឋបាលលោក ចូបៃដិន មិនមានចេតនាប្រើប្រាស់ឧបករណ៍ទាំងនោះដើម្បីរារាំងការរះឡើងរបស់ប្រទេសចិននោះទេ។

លោកស្រីបានបញ្ជាក់ថា សហរដ្ឋអាមេរិក នៅតែជាមហាអំណាចសេដ្ឋកិច្ចដ៏ធំបំផុត និងមានភាពស្វាហាប់បំផុតនៅក្នុងពិភពលោក ដោយនៅតែមានភាពរឹងមាំ ដើម្បីការពារតម្លៃ និងសន្តិសុខជាតិរបស់ខ្លួន។

លោកស្រី Yellen បានមានប្រសាសន៍ទៀតថា “នៅក្នុងបរិបទនោះ យើងស្វែងរកទំនាក់ទំនងសេដ្ឋកិច្ច ប្រកបដោយស្ថាបនា និងយុត្តិធម៌ជាមួយប្រទេសចិន”។

លើសពីនេះទៀត លោកស្រីបានច្រានចោលការសន្និដ្ឋាននៃការសម្លឹងមើលទំនាក់ទំនង រវាងសហរដ្ឋអាមេរិក និងចិន តាមរយៈកញ្ចក់នៃការប្រកួតផលបូកសូន្យ ដែលភាគីមួយត្រូវតែធ្លាក់ចុះសម្រាប់ភាគីមួយទៀតដើម្បីរះឡើង។

លោកស្រី Yellen បានអះអាងថា “ពិភពលោកគឺធំល្មមសម្រាប់យើងទាំងពីរ ដោយបន្ថែមថា លោកប្រធានាធិបតីចូ បៃដិន ក៏មានទស្សនៈរួមដូចគ្នានេះផងដែរ”។

ការលើកឡើងនោះ ក៏បានបន្លឺឡើងនូវអំណះអំណាងដ៏យូររបស់ប្រធានាធិបតីចិន លោកស៊ី ជីនពីង ដែលលោកធ្លាប់បានបញ្ជាក់ក្នុងអំឡុងកិច្ចប្រជុំជាមួយលោក បៃដិន នៅប្រទេសឥណ្ឌូនេស៊ីកាលពីខែវិច្ឆិកា ឆ្នាំ២០២២ ថា “ពិភពលោកគឺធំល្មម សម្រាប់ប្រទេសទាំងពីរដើម្បីអភិវឌ្ឍខ្លួនឯង និងរីកចម្រើនជាមួយគ្នា”។

លោកស្រី Yellen បានបញ្ជាក់ជាថ្មីកាលពីថ្ងៃព្រហស្បតិ៍ថា លោកស្រីនៅតែមានគម្រោង ធ្វើដំណើរទៅកាន់ប្រទេសចិន “តាមពេលវេលាសមស្រប” ដើម្បីពិភាក្សាអំពីបញ្ហាសេដ្ឋកិច្ច ជាមួយសមភាគីរដ្ឋាភិបាលចិនថ្មីរបស់លោកស្រី។

លោកស្រីបង្ហាញក្តីជឿជាក់ថា “កិច្ចសន្ទនានេះ អាចជួយដាក់មូលដ្ឋានគ្រឹះ សម្រាប់ការគ្រប់គ្រងទំនាក់ទំនងទ្វេរភាគី របស់យើង ប្រកបដោយការទទួលខុសត្រូវ និងកិច្ចសហប្រតិបត្តិការលើផ្នែកនៃបញ្ហាប្រឈមរួមគ្នាសម្រាប់ប្រជាជាតិ និងពិភពលោករបស់យើង

រដ្ឋមន្រ្តីសាធារណៈការបង្ហាញតួលេខរថយន្តមិនបានឆៀក និងប័ណ្ណបើកបរហួសសុពលភាព

ដោយៈ ម៉ាលីនណា

ភ្នំពេញៈ លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានអះអាងថា មានយានយន្តជាង១៥០ពាន់គ្រឿង មិនទាន់បានឆៀក និងបណ្ណបើកបរជាង៣០០ពាន់បណ្ណ ហួសសុពលភាព។

លោកបានលើកឡើងបែបនេះ ក្នុងពិធីសម្ពោធមណ្ឌលឆៀកថ្មី ស្ថិតនៅតាមបណ្តោយផ្លូវហាណូយ របស់ក្រុមហ៊ុន ខេមបូឌា ម៉ូធ័រវីហ៊ីឃល អ៊ិនស្អេកសិន ខមភេនី (CMVIC) សាខាសំរោងអណ្តែត មានទីតាំងស្ថិតនៅលើផ្លូវហាណូយ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដែលក្នុងពិធីនេះក៏មានការចូលរួមពីថ្នាក់ដឹកនាំក្រសួង ថ្នាក់ដឹកនាំ និងបុគ្គលិកក្រុមហ៊ុន CMVIC ព្រមទាំងភ្ញៀវកិត្តិយសជាច្រើនរូប។

មណ្ឌលត្រួតពិនិត្យលក្ខណៈបច្ចេកទេសយានយន្តថ្មី របស់ក្រុមហ៊ុន CMVIC សាខាសំរោងអណ្ដែត សាងសង់លើផ្ទៃដីទំហំ ៥ ៥៦២ ម៉ែត្រក្រឡា មានគន្លងសម្រាប់ត្រួតពិនិត្យ លក្ខណៈបច្ចេកទេសយានយន្តចំនួន ២ខ្សែ ដោយបានតភ្ជាប់ជាមួយកម្មវិធីឆៀក ជំនាន់ទី២ ដែលមានសមត្ថភាព អាចឆៀករថយន្តបានគ្រប់ប្រភេទ។

មណ្ឌលត្រួតពិនិត្យលក្ខណៈ បច្ចេកទេសយានយន្តថ្មីនេះ មានរៀបចំបន្ទប់រដ្ឋបាលសម្រាប់មន្ត្រីជំនាញ បន្ទប់ការិយាល័យសម្រាប់បុគ្គលិកក្រុមហ៊ុន និងបន្ទប់រងចាំសម្រាប់ម្ចាស់យានជំនិះ ដែលមកទទួលសេវាឆៀកផងដែរ។

លើកឡើងក្នុងពិធីសម្ពោធ លោកទេសរដ្ឋមន្ត្រី បានធ្វើការអំពាវនាវសារជាថ្មីទៅកាន់បងប្អូនប្រជាពលរដ្ឋ សូមយកយានយន្តទៅត្រួតពិនិត្យលក្ខណៈបច្ចេកទេសឱ្យបានទៀងទាត់ និងទាន់ពេលវេលា ដើម្បីឱ្យយានយន្តមានសុវត្ថិភាព ក្នុងពេលធ្វើដំណើរនៅតាមដងផ្លូវ ដែលបច្ចុប្បន្ន មានយានយន្តជាង១៥៣ពាន់គ្រឿង មិនទាន់បានឆៀក។ ជាមួយគ្នានេះ ចំពោះបងប្អូនអ្នកបើកបរ ដែលមានបណ្ណបើកបរផុតសុពលភាព ដែលបច្ចុប្បន្នមានចំនួនប្រមាណជាង ៣៤៦ពាន់បណ្ណ ត្រូវមកប្ដូរបណ្ណបើកបររបស់ខ្លួនឱ្យស្របតាមច្បាប់កំណត់ ដើម្បីចៀសវាងការផាកពិន័យ។

ចំពោះការទទួលសេវាទាំងនោះ បងប្អូនអាចអញ្ជើញមកមណ្ឌលផ្ដល់សេវាសាធារណៈ របស់ក្រសួងសាធារណការ និងដឹកជញ្ជូន ដែលមានទីតាំងក្នុងទីស្តីការក្រសួង និងតាមផ្សារទំនើបមួយចំនួនក្នុងរាជធានីភ្នំពេញ ក្រុងព្រះសីហនុ និងក្រុងសៀមរាប ដើម្បីទទួលសេវាដោយផ្ទាល់ ជៀសវាងការចំណាយក្រៅផ្លូវការ។

បច្ចុប្បន្នមានក្រុមហ៊ុនចំនួន៥ ដែលបានទទួលអាជ្ញាបណ្ណអនុញ្ញាតឱ្យធ្វើអាជីវកម្ម ត្រួតពិនិត្យលក្ខណៈបច្ចេកទេសយានយន្ត ពីក្រសួងសាធារណការ និងដឹកជញ្ជូន ក្នុងនោះរួមមាន៖ (១)ក្រុមហ៊ុន CMVIC មានចំនួន ១៩ទីតាំង (២) ក្រុមហ៊ុន HK Car Inspection មានចំនួន ១ទីតាំង (៣) ក្រុមហ៊ុន Future Automobile Inspection (FAI) មានចំនួន ១ទីតាំង (៤) ក្រុមហ៊ុន So Brothers Co.,Ltd មានចំនួន ១ទីតាំង និង (៥) ក្រុមហ៊ុន Auto Checks Expert មានចំនួន ១ទីតាំង ស្ថិតនៅទីរួមខេត្តតាកែវ គ្រោងនឹងបើកដំណើរការនៅពេលឆាប់ៗ៕

អ្នកធុរកិច្ចចិនមួយក្រុមផ្សេងទៀតបានមកដល់កម្ពុជាដើម្បីសិក្សា ពីឱកាសវិនិយោគ

ដោយៈ វឌ្ឍនៈ

ភ្នំពេញៈ ដើមឆ្នាំ២០២៣នេះទាំងវិនិយោគិន និងទេសចរជនជាតិចិន បានចូលមកកម្ពុជាជាបន្តបន្ទាប់ ដើម្បីទស្សនា និងសិក្សាពីឱកាសនៃការធ្វើជំនួញ និងវិនិយោគនៅក្នុងប្រទេសកម្ពុជា បន្ទាប់ពីពួកគេអាក់ខាន អស់រយៈពេលប្រមាណជិត៣ឆ្នាំ ដោយសារតែវិបត្តិនៃកូវីដ១៩ ។

នៅក្នុងសប្ដាហ៍នេះដែរ មានធុរជននិងវិនិយោគិនមួយក្រុមផ្សេងទៀតបានមកដល់កម្ពុជា និងចូលជួបជាមួយមន្ត្រីជាន់ខ្ពស់រាជរដ្ឋាភិបាលជាច្រើន ដើម្បីស្វែងយល់ពីសក្ដានុពល និងឱកាសនៃការវិនិយោគក៏ដូចជាការធ្វើមុខជំនួញ រវាងកម្ពុជានិងចិន ។

នៅក្នុងជំនួបជាមួយលោកDou Xilin អគ្គនាយករងនៃមន្ទីរពាណិជ្ជកម្មតំបន់ស្វយ័តក្វាងស៊ី នៅថ្ងៃទី២១ មេសា ២០២៣ លោកកៅ កោសល ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម ដើម្បីជំរុញការធ្វើពាណិជ្ជកម្ម និងស្វែងរកដៃគូវិនិយោគរវាងកម្ពុជា និងចិន នៅថ្ងៃទី ២២ មេសា ២០២៣នេះ កម្ពុជានិងប្រតិភូមិមកពីក្វាងស៊ី បានរៀបចំនូវវេទិកាជំរុញពាណិជ្ជកម្ម និងវិនិយោគកម្ពុជា ចិន(ក្វាងស៊ី ) ដែលវេទិកានេះ នឹងចូលរួមចំណែកយ៉ាងសំខាន់ ក្នុងការពង្រឹងនិងពង្រីកបន្ថែមទៀត នូវកិច្ចសហប្រតិបត្តិការពាណិជ្ជកម្ម និងវិនិយោគរវាងកម្ពុជា ចិន ជាពិសេសជាមួយតំបន់ស្វយ័ត ជនជាតិជាំងក្វាងស៊ី ។

លោក Dou Xilin ក៏បានរៀបរាប់ ពីសក្ដានុពលរបស់ខេត្តក្វាងស៊ី ដែលជាខេត្តមានព្រំប្រទល់ ជាប់ជាមួយនឹងតំបន់អាស៊ាន ទាំងផ្លូវគោក និងផ្លូវទឹក ព្រមទាំងមានវិស័យទេសចរណ៍ដ៏សំបូរបែប។ លោកថា”តាមរយៈពិព័រណ៍ ចិន អាស៊ាន នៅទីក្រុងណាននីងកន្លងមក កម្ពុជាបាននាំចេញទៅប្រទេសចិន នូវផលិតផលសក្ដានុពលជាច្រើនដូចជាអង្ករ ចេក ដំឡូងមី ព្រមតាំងផលិតផលសក្ដានុពលផ្សេងៗទៀត ” ។

លោកបានអញ្ជើញគណៈកម្ពុជា ចូលរួមព្រឹត្តិការណ៍ពិព័រណ៍ចិន អាស៊ាន នៅទីក្រុងណាននីង ក្នុងឆ្នាំ ២០២៣នេះផងដែរ ។

លោកកៅ កោសល ក៏បានលើកឡើងថា កម្ពុជាក៏គ្រោងនឹងវៀបចំវេទិកា ជំរុញពាណិជ្ជកម្មកម្ពុជា ចិន នៅក្នុងព្រឹត្តិការណ៍ពិព័រណ៍ចិន អាស៊ាន នៅទីក្រុងណាននីងនោះដែរ ហើយលោកក៏បានជំរុញឱ្យភាគីចិនជួយកៀរគរធុរជន និងវិនិយោគិនចិនចូលរួម ក្នុងវេទិកានោះ ដើម្បីស្វែងយល់ពីឱកាសធ្វើពាណិជ្ជកម្មនៅកម្ពុជា និងច្បាប់វិនិយោគថ្មីរបស់កម្ពុជា ជាពិសេសទាញយកអត្ថប្រយោជន៍ ពីកិច្ចព្រមព្រៀងពាណិជ្ជកម្មសេរី កម្ពុជាចិន និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់។

យោងតាមរបាយការណ៍របស់ក្រសួងទេសចរណ៍កម្ពុជា ក៏បានបង្ហាញឱ្យដឹងថា នៅដើមឆ្នាំ ២០២៣នេះ ចំនួនអ្នកដំណើរពីប្រទេសចិន ចូលមកកម្ពុជាចាប់ផ្ដើមមានកំណើនឡើងខ្ពស់ ធៀបនឹងឆ្នាំ ២០២១ និងឆ្នាំ ២០២២ ជាពិសេសចាប់តាំងពីប្រទេសចិន បានបើកឱ្យពលរដ្ឋខ្លួន អាចចេញក្រៅប្រទេស សម្រាប់ធ្វើទេសចរណ៍និងវិនិយោគផងដែរ ៕

Korea to halve empty houses in rural areas by 2027

Korea aims to halve the number of vacant houses in rural areas to 33,000 by 2027 by extending policy financing for their renovation and by making a special law and an integrated database to promote refurbishment and transactions, the agriculture ministry said Thursday.

Currently, the number of unoccupied, derelict houses in the countryside are tallied at around 66,000, with the figure on a constant rise in recent years amid a shrinking population and a growing number of people moving to cities in search of jobs and other opportunities.

Such properties have negatively affected the environment and efforts to revitalize rural areas.

Presenting a longer-term plan, the agriculture ministry vowed to launch a project in June to refurbish inhabited houses in cooperation with their owners and private firms in order to turn them into rental houses or public facilities, such as community centers.

The government will push to introduce policy financing for renovation moves, ease related regulations and enact a special law meant to strengthen their management, according to the ministry.

It also plans to establish a platform that provides comprehensive information about unused homes across the nation to boost transactions, it added.

According to law, homes and structures in farming and fishing villages that remain unused for more than a year are defined as vacant.

Source: Yonhap

កំពូលមហាសេដ្ឋកិច្ចចិន ដ៏ល្បីល្បាញ Jack Ma ត្រូវបានតែងតាំងជាសាស្ត្រាចារ្យនៃសកលវិទ្យាល័យក្រុងហុងកុង

សុខុម

ហុងកុង: កំពូលមហាសេដ្ឋីចិន ដ៏ល្បីល្បាញ Jack Ma បានទទួលយកការតែងតាំងជាសាស្រ្តាចារ្យកិត្តិយសនៅសាកលវិទ្យាល័យហុងកុង (University of Hong Kong) ស្របតាមក្ដីស្រមៃរបស់ខ្លួន។

យោងតាមសារព័ត៌មាន South China Morning Post ចុះផ្សាយនៅថ្ងៃសុក្រ ទី២១ ខែមេសា ឱ្យដឹងថា ការតែងតាំងនេះគឺស្របតាមបំណងប្រាថ្នារបស់សហស្ថាបនិក និងជាអតីតប្រធានក្រុមហ៊ុនខ្នាតយក្ស Alibaba Group Holding រូបនេះដែលមានក្ដីស្រមៃចង់ធ្វើការងារផ្នែកអប់រំពេញមួយជីវិត បន្ទាប់ពីលោកបានចូលនិវត្តក្នុងឆ្នាំ២០១៩ ពីក្រុមហ៊ុនបច្ចេកវិទ្យាដ៏ធំបំផុតមួយប្រចាំអាស៊ី ខាងលើនេះ។

លោក Jack Ma ដែលឈានចូលវ័យ៥៨ឆ្នាំកាលពីខែកញ្ញា ឆ្នាំ២០២២ ត្រូវបានអញ្ជើញឱ្យធ្វើជាសាស្រ្តាចារ្យកិត្តិយសនៅមហាវិទ្យាល័យធុរកិច្ច និងសេដ្ឋកិច្ច (Faculty of Business and Economics) នៃសកលវិទ្យាល័យក្រុងហុងកុង កាលពីថ្ងៃទី០១ ខែមេសា សម្រាប់អាណត្តិរយៈពេល៣ឆ្នាំដែលនឹងបញ្ចប់នៅខែមីនា ឆ្នាំ២០២៦។ នេះបើយោងតាមសេចក្ដីប្រកាសនៅលើគេហទំព័ររបស់មហាវិទ្យាល័យនេះ។

ប្រភពច្បាស់ការបានទម្លាយឱ្យដឹងថា លោក Jack Ma នឹងផ្តោតលើការធ្វើការស្រាវជ្រាវផ្នែកហិរញ្ញវត្ថុ កសិកម្ម សហគ្រិនភាព និងនវានុវត្តន៍ជាមួយសកលវិទ្យាល័យក្រុងហុងកុង ដោយគ្មានគម្រោងផ្ដល់បាឋកថា ឬសុន្ទរកថាជាសាធារណៈនោះឡើយ។

មូលនិធិ Jack Ma Foundation បានចេញសេចក្ដីថ្លែងការណ៍ថា “យើងមានក្ដីសោមនស្សរីករាយសូមបញ្ជាក់ថា លោក Jack Ma មានកិត្តិយសទទួលបានការអញ្ជើញនេះ ហើយយើងជឿជាក់ថា ការតែងតាំងនេះញ៉ាំងឱ្យបទពិសោធន៍សហគ្រិនភាព និងគំនិតល្អៗរបស់គាត់ត្រូវគេយកប្រើប្រាស់ឱ្យកើតជាប្រយោជន៍ប្រកបដោយប្រសិទ្ធភាពខ្ពស់”។

សេចក្ដីថ្លែងការណ៍ដដែលបន្តថា “បន្ទាប់ពីសម្រាកពីពិភពអប់រំ លោក Jack Ma បានសម្លឹងរកឱកាសវិលត្រលប់ទៅរកជីវិតសកលវិទ្យាល័យឡើងវិញ និងសហការជាមួយមហាវិទ្យាល័យ ព្រមទាំងនិស្សិតនៅសកលវិទ្យាល័យក្រុងហុងកុង ដែលលោកទទួលបានការតែងតាំង ខណៈគាត់ផ្ដោតលើការស្រាវវជ្រាវរបស់គាត់ផ្នែកអបរំ និងនវានុវត្តន៍ធុរកិច្ច”៕ South China Morning Post៕

1...963964965...3,257 Page 964 of 3,257