ភូមិផ្កាត្រកួន”រមណីយដ្ឋានលំហែរអារម្មណ៍ដ៏ស័ក្តិសមបំផុត សម្រាប់ចុងសប្តាហ៍

ដោយៈ គង់ សូរិយា

កណ្តាលៈ ការធ្វើដំណើរស្វែងរកកន្លែងលំហែរអារម្មណ៍ ជាជម្រើសរបស់មនុស្សម្នាក់ៗ ក្នុងការឆ្ពោះទៅកាន់ទីតាំងណាមួយ ស្របតាមចំណង់ចំណូលចិត្តរបស់ខ្លួន។

ការសំរាកកាយចុងសប្តាហ៍ គេចពីការបំពុលនៃផ្សែងយានយន្ត សម្លេងអូរអរនៃប្រជាសាស្រ្ត ការសម្លឹងមកកាន់ជាយក្រុង ក៏ជាជម្រើសមួយសមស្រម ដែលយើងសូមលើកឡើងពី “រមណីយដ្ឋានភូមិផ្កាត្រកួន” ដែលមានចម្ងាយប្រមាណ២០គីឡូម៉ែត្រប៉ុណ្ណោះ ពីរាជធានីភ្នំពេញ។

រៀបចំឡើងដោយអ្នកជំនាញផ្នែករៀបចំទីក្រុង លោកឌិន សុមេធារិទ្ឋ បាននិងកំពុងរៀបចំ និងពន្លឿនវិនិយោគរមណីយដ្ឋានភូមិផ្កាត្រកួននេះឡើង ពោរពេញដោយភាពរសរវើក និងមានសោភ័ណភាព ដែលបច្ចុប្បន្នគំរោងនេះបាន និងកំពុងក្លាយជាផលិតផលទេសចរណ៍ថ្មីមួយ ដែលប្រជាពលរដ្ឋមូលដ្ឋាន អាចលក់ចំណីអាហារ បន្លែ និងនំប្រពៃណីតាមស្រុកភូមិ ដើម្បីបង្កើតបានផលចំណូល ពីភ្ញៀវទេសចរណ៍ ឬអ្នកស្វែងរកការលំហែរកាយទៅកាន់តំបន់នេះ។

គំរោងនេះ បានផ្តោតលើទស្សនទាន នៃការអភិវឌ្ឍន៍បែបបុរា ណ និងសហសម័យ ដោយផ្សារភ្ជាប់លសហគមន៍ ជាមួយបឹងធម្មជាតិ ព្រែក ដែលប្រជាពលរដ្ឋឬភ្ញៀវទេសចរណ៍ជាតិ អន្តរជាតិអាចអង្គុយញាំអាហារបែបស្រុកស្រែ ស្ទូចត្រីកំសាន្ត ជិះកង់ហាត់ប្រាណ លេងកីឡា ជិះទូកកាយ៉ាក់កំសាន្តជាមួយកូនតូចៗ ពិសេសវាក៏ជាពេលវេលាសមស្រប ក្នុងការអង្គុយជជែកគ្នាលេងជាមួយមិត្តភ័ក្រចាស់ៗ ដែលបានជួបជុំគ្នានៅក្នុងគំរោងនេះ រៀងរាល់ចុងសប្តាហ៍ផងដែរ។

អ្នកមានលទ្ឋភាពសមស្រប អាចទិញដីនៅក្នុងគំរោងនេះ ដើម្បីសាងសង់ផ្ទះលំហែរបានតាមទំហំ តម្លៃសមស្របនឹងធនធានរបស់ខ្លួនតាមសេចក្តីត្រូវការផងដែរ៕

តើផែនការមេនៃការរៀបចំខ្សែច្រវ៉ាក់ទេសចរណ៍តាមដងទន្លេមេគង្គ និងទន្លេសាបនឹងចាប់ផ្តើមនៅពេលណា?

ដោយៈជេស៊ីកា

ភ្នំពេញៈ មន្រ្តីជាន់ខ្ពស់រដ្ឋាភិបាល បាននិងកំពុងរៀបចំផែនការមេ ដើម្បីរៀបចំខ្សែច្រវ៉ាក់ទេសចរណ៍ តាមដងទន្លេមេគង្គ និងទន្លេសាបនាពេលអនាគត ដើម្បីជម្រុញវិស័យទេសចរណ៍ ពីសក្តានុពលដែលមិនទាន់ប្រើប្រាស់ អស់សក្តានុពលនៅតំបន់នេះនៅឡើយ។

គំរោងរៀបចំខ្សែច្រវ៉ាក់ទេសចរណ៍នេះ នឹងត្រូវរៀបចំឡើងដោយប្រើប្រាស់កាណូត និងកប៉ាល់ធំៗ ដើម្បីដឹកភ្ញៀវទេសចរណ៍ជាតិ អន្តរជាតិញាំអាហារ គយគន់ថ្លៃលិច គយគន់ជីវភាពប្រជាពលរដ្ឋរស់នៅតាមដងទន្លេ ដែលពោរពេញដោយភាពរសរវើកនេះ។ នេះជាផ្នែកមួយ នៃគោលនយោបាយរបស់រដ្ឋាភិបាល ដើម្បីជម្រុញនិងទាក់ទាញទេសចរណ៍ទស្សនា នៅតាមដងទន្លេដ៏ស្រស់ស្អាតនេះ។

យោងតាមប្រភពមន្រ្តីរដ្ឋាភិបាល ដែលបាននិយាយក្នុងលក្ខខ័ណ្ឌមិនបញ្ចេញឈ្មោះ ប៉ុន្តែអាចទុកចិត្តបានបង្ហើបឲ្យដឹង កាលពីសប្តាហ៍មុនថា គំរោងនេះ ជាគំរោងនៃអនាគត ដែលមិនអាចរៀបចំឡើងភ្លាមៗបាននៅឡើយទេ ប៉ុន្តែផែនការនេះនឹងគ្របដណ្តប់លើបណ្តាស្រុក និងក្រុងមួយចំនួនដួចជា ស្រុកខ្សាច់កណ្តាល ទីក្រុងអរិយក្សត្រ ស្រុកកងមាស ខេត្តកំពង់ចាម និងស្រុកស្រីសន្ឋរជាដើម។

អគ្គនាយកក្រុមហ៊ុនCentury21 Cambodia និងជាអតីតប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោកច្រឹក សុខនីមបានបង្ហើបឲ្យដឹងកាលពីចុងសប្តាហ៍មុនថា តាមអ្វីដែលលោកបានដឹងគឺផែនការនេះ នឹងរៀបចំនាពេលខាងមុខ ប៉ុន្តែពេលវេលាលំអិតជាក់លាក់ លោកមិនអាចបញ្ជាក់បាននៅឡើយទេ។

លោកបន្តថា “បច្ចុប្បន្នឧកញ៉ាធំៗ និងមន្រ្តីជាន់ខ្ពស់រដ្ឋាភិបាល បាននិងកំពុងប្រមូលទិញដី នៅតំបន់ខាងលើច្រើន”។ លោកបន្តថា “បើសួររកម្ចាស់ដីនៅតំបន់នោះ គឺឃើញតែឈ្មោះអ្នកឧកញ៉ា លោកឧកញ៉ាធំៗ និងមន្រ្តីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ”។

លោកច្រឹក សុខនីមបានបន្តថា ប្រសិនជាធ្វើដំណើរតភ្ជាប់ពីរាជធានីភ្នំពេញតាមផ្លូវទឹក ដោយប្រើប្រាស់អូរប័រ គឺការធ្វើដំណើរមិនលើសរយៈពេល២០ទៅ៣០នាទីឡើយ សម្រាប់គោលដៅស្រុកដែលបានលើកឡើងខាងលើនេះ។

ផែនការនេះ ហាក់មានភាពបន្ស៊ីគ្នា នឹងផែនការរបស់រដ្ឋាភិបាល ក្នុងការកសាងទីក្រុងអរិយក្សត្រ ការសាងសង់ស្ពានមិត្តភាព កម្ពុជា កូរ៉េភ្នំពេញ អរិយក្សត្រ និងផែនការកសាងផ្លូវក្រវ៉ាត់ក្រុងទី៣ ប៉ែកខាងកើត ដែលក្រុមហ៊ុនCRBCបានសិក្សា និងរកឃើញការចំណាយតម្លៃប្រមាណ២៤០លានដុល្លារអាមេរិក ដែលគំរោងនេះនឹងមានការសាងសង់ស្ពានសំខាន់ៗចំនួន៣បន្ថែមទៀត៕

លោកឧកញ៉ាកាង សុធីៈ តម្លៃដីនៅតាមបណ្តោយផ្លូវជាតិលេខ៦អានៅមានសក្តានុពលសម្រាប់ការវិនិយោគ

ដោយៈស៊ីវ ម៉េង

ភ្នំពេញៈ អ្នកជំនាញផ្នែកដីធ្លី នៅតែមើលឃើញឱកាសវិនិយោគដីធ្លី នៅតំបន់ស្ថិតនៅតាមបណ្តោយផ្លូវជាតិលេខ៦អា ដោយសារកត្តាអំណោយផលមួយចំនួន។

អគ្គនាយកក្រុមហ៊ុនCentury21 Land Station លោកឧកញ៉ាកាង សុធីបានមានប្រសាសន៍ឲ្យដឹង កាលពីចុងសប្តាហ៍មុនថា ការរីកចម្រើន នៃវិស័យអចលនទ្រព្យនៅតំបន់នេះ កំពុងជម្រុញសក្តានុពលតំបន់ស្ថិតនៅផ្នែកខាងក្នុង និងតំបន់ជាប់ផ្លូវជាតិលេខ៦អា ឲ្យមានឱកាសរីកចម្រើនបន្ថែមទៀត។

លោកបន្តថា “ដីនៅផ្នែកខាងក្នុងៗ ស្របតាមបណ្តោយផ្លូវជាតិលេខ៦អា ដែលកៀកនឹងទន្លេសាប មានតម្លៃសមរម្យនៅឡើយ”។លោកបន្តថា “តម្លៃដីនៅផ្នែកខាងក្នុងៗ ជាប់បឹងនៅមានតម្លៃអាចរកទិញបានក្នុងតម្លៃចន្លោះ១២ ទៅ១៥ដុល្លារអាមេរិកក្នុងមួយម៉ែត្រការ៉េ។

លោកឧកញ៉ាកាង សុធីបានបន្តថា ការវិនិយោគដីធ្លីនៅតំបន់នេះ នឹងមានឱកាសចំណេញខ្ពស់នាពេលអនាគត ដោយសារកត្តាជាច្រើនរួមមានកត្តាប្រជាសាស្រ្ត កំណើននៃការអភិវឌ្ឍន៍ពីវិស័យឯកជន និងការវិនិយោគហេដ្ឋារចនាសម្ព័ន្ឋរបស់រដ្ឋាភិបាល។

តំបន់ស្ថិតនៅតាមបណ្តោយផ្លូវជាតិលេខ៦ នឹងកាត់ចូលរាជធានីភ្នំពេញនាពេលអនាគត។ នេះបើយោងតាមផែនការមេប្រើប្រាស់ដីលំអិតរបស់ក្រសួងរៀបចំដែនដី នគរូបនីយកម្ម និងសំណង់ឆ្នាំ២០២២ ២០៣៥ខាងមុខ៕

សណ្ឋាគារលំដាប់អន្តរជាតិថ្មីមួយទៀតបានបើកដំណើរការ នៅកណ្តាលរាជធានីភ្នំពេញ

ដោយៈ គង់ សូរិយា

ភ្នំពេញៈ សណ្ឋាគារលំដាប់ពិភពលោកថ្មីមួយ គឺ Fairfield by Marriott Phnom Penhបានបើកដំណើរការនៅកណ្តាលរាជធានីភ្នំពេញ ស្របពេលកម្ពុជាកំពុងទទួលបាន កំនើនភ្ញៀវទេសចរណ៍អន្តរជាតិ។

សណ្ឋាគារនេះ បានបើកដំណើរការនៅអគារ ជីប ម៉ុង ថៅវើ កម្ពស់៤៥ជាន់ ដែលជាអគារពាណិជ្ជកម្មចម្រុះ ស្ដង់ដារអន្តរជាតិ ។ការបើកដំណើរការនេះ បានធ្វើឡើងកាលពីចុងសប្តាហ៍មុន។

ពីធីដ៏នក្ខត្តប្ញក្សនេះ ត្រូវបានប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់របស់លោកបណ្ឌិតហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក រួមនឹងវត្តមានរបស់ភ្ញៀវកិត្តិយសសរុបជាង៧០០នាក់ផ្សេងទៀត។

លោកបណ្ឌិតហ៊ុន ម៉ាណែតមានប្រសាសន៍ថា សូមចូលរួមអបអរសាទរជាមួយថ្នាក់ដឹកនាំ និងបុគ្គលិក-និយោជិតទាំងអស់នៃក្រុមហ៊ុន ជីប ម៉ុង ចំពោះការសម្ពោធដាក់ឱ្យដំណើរការ សណ្ឋាគារ Fairfield by Marriott Phnom Penh ដែលជាសណ្ឋាគារលំដាប់អន្តរជាតិដ៏ទំនើប ប្រកបដោយសេវាកម្មសម្បូណ៌បែប ហើយអគារ Chip Mong Tower ក៏បានក្លាយទៅជានិមិត្តរូបដ៏លេចធ្លោ និងជាអត្តសញ្ញាណមួយថ្មីរបស់រាជធានីភ្នំពេញ។

លោកបណ្ឌិតបានបន្តថា “ស្របពេលដែលសកម្មភាពសង្គម-សេដ្ឋកិច្ច បានវិលត្រឡប់មកជាធម្មតាឡើងវិញ, វិស័យទេសចរណ៍កម្ពុជាបានងើបឡើងជាបណ្តើរៗ ប្រកបដោយទំនុកចិត្តខ្ពស់”។

ដោយនៅឆ្នាំ២០២២ កម្ពុជាបានទទួលភ្ញៀវទេសចរណ៍អន្តរជាតិរហូតប្រមាណ២,២៨លាននាក់ ដែលជាកំណើនដល់ជាង១០ដង បើធៀបទៅនឹងឆ្នាំ២០២១។

ចំណែកអ្នកឧកញ៉ា លាង ឃុន ប្រធានក្រុមប្រឹក្សាភិបាលក្រុមហ៊ុន ជីបម៉ុងបានថ្លែងថា “ខ្ញុំបាទមានជំនឿចិត្តយ៉ាងមុតមាំថា សណ្ឋាគារនេះ នឹងទាក់ទាញភ្ញៀវជាតិ និងអន្តរជាតិមកពីគ្រប់ទិសទីមកទឹកដីកម្ពុជា ហើយសណ្ឋាគារដ៏ថ្មីស្រឡាងមួយនេះ បានត្រៀមរួចជាស្រេច ដើម្បីផ្តល់ជូននូវបដិសណ្ឋារកិច្ចដ៏ល្អឥតខ្ចោះ សម្រាប់ភ្ញៀវទេសចរជាច្រើនពាន់នាក់ នៅក្នុងព្រឹត្តិការណ៍ស៊ីហ្គេម ២០២៣នាពេលខាងមុខ។

លោកបញ្ជាក់ថា “នេះជាប្រយោជន៍ដ៏សំខាន់ ក្នុងការចូលរួមបង្កើននិរន្តរភាពក្នុងវិស័យទេសចរណ៍ ដែលជាសសរស្តម្ភដ៏សំខាន់មួយនៃសេដ្ឋកិច្ចជាតិ”។

អ្នកឧកញ៉ា លាង ឃុន បានបន្ថែមទៀតថា ការនាំយកសណ្ឋាគារលំដាប់ពិភពលោកមួយនេះមកកម្ពុជា ដោយក្រុមហ៊ុនមានចក្ខុវិស័យវែងឆ្ងាយ និងឈរលើបន្ទាត់ស្របជាមួយរាជរដ្ឋាភិបាល ក្នុងការជំរុញសក្ដានុពលវិស័យទេសចរណ៍ និងបដិសណ្ឋារកិច្ចនៅកម្ពុជា។

ជាមួយគ្នានេះ លោក Jakob Helgen អនុប្រធានប្រចាំតំបន់ នៅប្រទេសថៃ វៀតណាម កម្ពុជា និងមីយ៉ាន់ម៉ា បានបញ្ជាក់ថា ការសហការជាមួយក្រុមហ៊ុន ជីប ម៉ុង នាំយកយីហោ Fairfield by Marriott Phnom Penh មកកម្ពុជា គឺជាសណ្ឋាគារដែលមានរចនាបថដ៏ប្រណិត និងស៊ីវិល័យតាមស្ដង់ដាអន្ដរជាតិ ដែលបានត្រៀមខ្លួនរួចជាស្រេច ដើម្បីទទួលស្វាគមន៍ភ្ញៀវជាតិ និងអន្តរជាតិទាំងអស់។

លោកបណ្ឌិតហ៊ុន ម៉ាណែត ក៏បានថ្លែងថា ការបើកសណ្ឋាគារ នេះនៅរាជធានីភ្នំពេញ ដែលស្ថិតនៅអគារ ជីប ម៉ុង ថៅវើ ក៏ជាសញ្ញាបង្ហាញនូវសុទិដ្ឋិនិយមកាន់តែខ្លាំង សម្រាប់វិស័យទេសចរណ៍របស់ព្រះរាជាណាចក្រកម្ពុជា។

សណ្ឋាគារលំដាប់អន្តរជាតិនេះ មានបន្ទប់គេងចំនួន៣០០ អាងទឹកលើអាកាស សាលប្រជុំដ៏ប្រណីត ភោជនីយដ្ឋាន ស្កាយបារដ៏ទំនើប ដែលគ្របដណ្ដប់១៩ជាន់ខាងលើ នៃអគារជីប ម៉ុង ថៅវើ មានកម្ពស់៤៥ជាន់នៃអាគារដ៏ទំនើបនេះ៕

តើលោកជំទាវកែវមុំលើកឡើងពីឱកាស និងបញ្ហាប្រឈមរបស់សហគ្រិនស្ត្រីយ៉ាងដូចម្តេច?

ដោយ: គង់ លាងហួរ

ភ្នំពេញ: លោកជំទាវឧកញ៉ាកែវ មុំ ប្រធានសមាគមសហគ្រិនស្ត្រីកម្ពុជាបានផ្តល់កិច្ចសម្ភាសន៍ពិសេសមួយដល់គេហទំព័រ Property Area Asia ទាក់ទងនឹងតួនាទីសហគ្រិនស្ត្រីនៅក្នុងបរិបទនៃការរីកចម្រើនផ្នែកសេដ្ឋកិច្ចសង្គមកម្ពុជា និងបញ្ហាប្រឈម ឬវិបត្តិដែលបាននិងកំពុងកើតមាននៅលើសកលលោក។

សូមចាប់អារម្មណ៍លើកម្រងសំណួរ និងចម្លើយ ជាមួយលោកជំទាវឧកញ៉ាតាមលំដាប់លំដោយដូចខាងក្រោមនេះ

សំណួរទី១- ក្នុងនាមលោកជំទាវជាអ្នកវិនិយោគចាស់វស្សាដែលបានបណ្តាក់ទុនបង្កើតសហគ្រាសនាំចេញនាំចូលដោយទទួលបានភាពជោគជ័យក៍ដូចជាបង្កើតគំរោងអភិវឌ្ឍអចលនទ្រព្យ ក្រៅពីកត្តាសន្តិភាពនិងស្ថិរភាពនយោបាយ តើលោកជំទាវយល់ឃើញថាកត្តាអ្វីខ្លះដែលរួមចំណែកក្នុងភាពជោគជ័យក្នុងអាជីវកម្មរបស់លោកជំទាវ?

• ក្រៅពីសន្តិភាពនិងស្ថេរភាពនយោបាយ ដើម្បីរួមចំណែកក្នុងការប្រកបអាជីវកម្មឱ្យទទួលបានជោគជ័យគឺត្រូវមានកត្តារួមផ្សំជាច្រើនដូចជា:

១. ការយល់ដឹង និង ការប្រើប្រាស់ បច្ចេកវិទ្យា ក្នុងការប្រកបអាជីវកម្ម

២. មានគោលនយោបាយដែលគាំទ្រដោយរដ្ឋាភិបាល។

៣. មានការលើកទឹកចិត្តដល់វិស័យឯកជន

៤. អាចទទួលបាននូវប្រាក់កម្ចីក្នុងអត្រា

ការប្រាក់ទាបសមរម្យ និង ការលើកទឹកចិត្តមួយចំនួនពីស្ថាប័នធនាគារឬមីក្រូហិរញ្ញវត្ថុ

៥. ត្រូវមានការរឹតបន្តឹងទៅលើគុណភាព ចំពោះផលិតផលនាំចូល ដើម្បីលើកកំពស់ផលិតផលក្នុងស្រុក

សំណួរទី២ -ថ្មីៗនេះអ្នកជំនាញក៍ដូចជាក្រសួងសេដ្ឋកិច្ចនិងហិរញវត្ថុបានមើលឃើញថាកម្ពុជាគឺជាខ្លាសេដ្ឋកិច្ចអាស៊ីនាពេលខាងមុខ តើលោកជំទាវមានមតិយោបល់អ្វីខ្លះចំពោះការលើកឡើងខាងលើ?

• លោកជំទាវបានមានប្រសាសន៍គាំទ្រទៅលើអ្នកជំនាញ និងខាងក្រសួងសេដ្ឋកិច្ច ដែលមើលឃើញថាកម្ពុជានឹងក្លាយទៅជាខ្លាសេដ្ឋកិច្ចនៅពេលឆាប់ៗខាងមុខនេះ។ពីព្រោះលោកជំទាវមើលឃើញថាដោយសារស្ថានភាពប្រទេសកម្ពុជាគឺជាប្រទេសដែលមាន:

១. មានសុខសន្តិភាព និងស្ថេរភាពផ្នែកនយោបាយ

២. ប្រទេសកម្ពុជា មិនមានគ្រោះធម្មជាតិ ដូចជា: រញ្ជួយផែនដី បន្ទុះភ្នំភ្លើង ទឹកជំនន់…..។ល។

៣. ប្រទេសកម្ពុជា សម្បូរទៅដោយធនធានធម្មជាតិ ជាពិសេសកសិផលដែលមានគុណភាពនិងរសជាតិឈ្ងុយឆ្ងាញ់

៤. មានកម្លាំងពលកម្មដែលជាយុវវ័យពេញកម្លាំងធ្វើការ និងមានសមត្ថភាព

៥. រាជរដ្ឋាភិបាលបានបើកទ្វារចំហទទួលអ្នកវិនិយោគពីគ្រប់ទិសទី ដែលអ្នកវិនិយោគមានឱកាសច្រើនទទួលបានការលើកទឹកចិត្តពីរាជរដ្ធាភិបាល ។

៦. ដោយសារ ៥ ចំណុចខាងលើ និងកត្តាផ្សេងៗទៀត ទើបមានអ្នកវិនិយោគជាច្រើនដែលមានបំណងចូលមកធ្វើការសិក្សានិង សម្រេចចិត្តក្នុងការវិនិយោគក្នុងប្រទេសកម្ពុជាកាន់តែច្រើនឡើងៗ

៧. ជាអច្ឆរិយៈប្រទេស ដែលបរទេសកំពុងតែចាប់អារម្មណ៍ខ្លាំងមកលើប្រទេសកម្ពុជា

៨. កត្តាទាំងអស់នេះហើយ ដែលធ្វើឱ្យប្រទេសកម្ពុជានឹងក្លាយទៅជាខ្លាសេដ្ឋកិច្ចអាស៊ី

សំណួរទី៣-តើលោកជំទាវអាចជំរាបបានទេថាតើកម្ពុជាមានសក្តានុពលអ្វីខ្លះដែលអ្នកជំនួញក្នុងស្រុក និងក្រៅប្រទេសបានមើលរំលង?

• អ្វីដែលលោកជំទាវមើលឃើញថាសក្តានុពលប្រទេសកម្ពុជាមានច្រើន តែអ្នកជំនួញ ក្នុងស្រុក និងក្រៅប្រទេសពេលខ្លះបានមើលរំលងមានដូចជា :

១. ជាអច្ឆរិយៈប្រទេស អ្វីក៏មានដូចជា: មានប្រាសាទអច្ឆរិយៈ មានរាប់ពាន់ប្រាសាទទូទាំងប្រទេស ដែលជាទីតាំងតំបន់ទេសចរណ៍ល្អប្រណីត

២. ទីតាំងធម្មជាតិ ដែលអាចអភិវឌ្ឍន៍ទាក់ទាញភ្ញៀវទេសចរណ៍ទាំងថ្នាក់ជាតិ

និង អន្តរជាតិ

៣. ធនធានធម្មជាតិនៅលើគោក និង នៅក្នុងទឹក កសិកម្ម……..។ល។

៤. ខ្វះការកែច្នៃកសិផលក្នុងប្រទេសឱ្យបានត្រឹមត្រូវតាមលក្ខណៈអន្តរជាតិ ។

៥. ការផលិត នូវ វត្ថុធាតុដើម ឬ ផលិតផលសម្រាប់ផ្គត់ផ្គង់ទៅ ឧស្សាហកម្មដទៃ

សំណួរទី៤- តើលោកជំទាវមានអ្វីចង់ផ្តាំផ្ញើរទៅស្ត្រីនានាដែលចង់បង្កើតអាជីវកម្មថ្មីឬពង្រីកអាជីវកម្មដែលមានស្រាប់ខណះពេលដែលស្ថាប័នហិរញវត្ថុពិភពលោកមានដូចជា World Bank និង IMF ព្យាករណ៍ពីកំណើនសេដ្ឋកិច្ចកម្ពុជាសំរាប់ឆ្នាំ២០២២-២០២៣ រហូតដល់ទៅជាង ៦%?

• កំណើននៅក្នុងប្រទេសកម្ពុជារហូតដល់ទៅជាង ៦% ជាតួលេខមួយដែលខ្មែរមានមោទកភាពក្នុងខណៈពេលដែលប្រទេសផ្សេងៗមួយចំនួន មានការធ្លាក់ចុះតែប្រទេសកម្ពុជាមានកំណើនសេដ្ឋកិច្ចនៅក្នុងឆ្នាំ២០២២ និង២០២៣ ទៅវិញ

• ក្នុងនាមលោកជំទាវជាប្រធានសមាគមសហគ្រិនស្ត្រី លោកជំទាវសូមផ្តាំផ្ញើដល់សហគ្រិនស្ត្រីដែលចង់បង្កើតអាជីវកម្មថ្មី ឬ ពង្រីកអាជីវកម្ម នៅក្នុងយុគ ទី ៩ នេះគឺជាយុគរបស់ស្ត្រី និង ជាយុគសម័យឌីជីថល។

ដូច្នេះសូមបងប្អូនដែលជាសហគ្រិនស្ត្រីសូមផ្ដោតអារម្មណ៍ទៅលើការធ្វើអាជីវកម្ម និងស្វែងយល់ឱ្យកាន់តែស៊ីជម្រៅក្នុង ការប្រើប្រាស់បច្ចេកវិទ្យាឱ្យបានកាន់តែច្រើន និង អាជីវកម្មដែលអាចទាក់ទាញភ្ញៀវទេសចរផងដែរ ។

• ត្រូវមានជំនឿចិត្តខ្លួនឯងថា: ស្ត្រីគឺជាមាតានៃពិភពលោក ស្ត្រីគឺអាចធ្វើអ្វីៗបានទាំងអស់ ស្ត្រីក៏អាចបង្កើតធនធានមនុស្សដ៏អស្ចារ្យ៕

Japan to ease border rules for Chinese visitors as early as April: Report

TOKYO: Japan is set to ease border rules for Chinese visitors as early as April, permitting entrance without prior coronavirus testing if they have been vaccinated at least three times, Fuji News Network (FNN) reported on Thursday (Mar 30).

The move could pave the way for the return of more Chinese tourists, who visited Japan in vast numbers prior to the start of the COVID-19 pandemic in 2020, and help rebuild a tourism industry that is a pillar of the national economy.

Chinese visitors currently have to undergo a test for the virus prior to coming to Japan and show proof they are not infected, but this is set to change to match the criteria for visitors from other nations – showing proof they have been vaccinated three times or more.

The change could take effect from early April, FNN said, quoting government sources, although random testing on arrival might still take place.

The number of visitors to Japan has picked up in recent months but the national tourism agency said last month’s figure was still down 46 per cent compared with February 2019.

Source: Reuters

Experts: China to stay world’s most important manufacturing hub

Global trade dependence on Asia, including China, remains stable, and the country will never lose its status as the world’s most important manufacturing hub, despite certain US moves that have been disrupting global industrial and supply chains, said senior industry experts and company executives at the Boao Forum for Asia Annual Conference 2023 on Tuesday.

Their comments emerged after a report published at the forum on Tuesday said global dependence on Asian trade in goods remained stable, and the trade dependence among Asian economies, including China, remained at a relatively high level.

The highest level of dependence — 21 percent — was found among ASEAN countries. Japan and South Korea’s dependence on China was over 20 percent, and the dependence of the Association of Southeast Asian Nations and CPTPP countries on China was close to 20 percent, the report said, based on data till 2021.

The CPTPP refers to the Comprehensive and Progressive Agreement for Trans-Pacific Partnership, a free trade agreement among Australia, Brunei, Canada, Chile, Japan, Malaysia, Mexico, New Zealand, Peru, Singapore and Vietnam.

Among the G20 economies, most saw their trade dependence on China rise between 2017 and 2021, with only the United States and France seeing a decline in their trade dependence on China, the report said.

“It is actually good for China
that some labor-intensive industries would move away, as it would help the country’s industries to upgrade to a higher level,” said Yao Yang, dean of the National School of Development at Peking University.

Yao said China will not likely lose its status as the world’s largest manufacturing hub for at least 10 to 20 years.

“With some labor-intensive industries shifting to some ASEAN economies and developing countries, it is geopolitically beneficial for China as a whole, as these economies are more integrated into China’s manufacturing ecosystem.”

Source: China Daily

ប្រទេសវៀតណាមត្រូវការថវិកា១១,៥ពាន់លានដុល្លារ ដើម្បីពង្រីកសមត្ថភាពផ្ទុកប្រេងឥន្ធនៈជាតិនៅឆ្នាំ២០៣០

ដោយ: គង់ លាងហួរ

ហាណូយ: ប្រព័ន្ធផ្សព្វផ្សាយរដ្ឋបានរាយការណ៍ថា ប្រទេសវៀតណាម នឹងត្រូវការការវិនិយោគរហូត ដល់ទំហំ២៧០ពាន់ពាន់លានដុង(១១,៥១ពាន់លានដុល្លារ) ដើម្បីពង្រីកប្រព័ន្ធផ្ទុកប្រេងឥន្ធនៈជាតិរបស់ខ្លួននៅឆ្នាំ២០៣០។

យោងតាមកាសែត Dau Tu បានរាយការណ៍ថា ការវិនិយោគនេះ នឹងបង្កើនសមត្ថភាពផ្ទុកប្រេងឆៅ និងចម្រាញ់របស់ប្រទេសនេះ រហូតដល់៧៥ទៅ៨០ថ្ងៃនៃការនាំចូលសុទ្ធ។

ទូរទស្សន៍រដ្ឋវៀតណាម VOV បានដកស្រង់សម្តីរដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien ដែលបានមានប្រសាសន៍ថា “សមត្ថភាពផ្ទុកប្រេងឥន្ធនៈ បច្ចុប្បន្នរបស់ប្រទេសវៀតណាមឈរនៅត្រឹម៦៥ថ្ងៃនៃការនាំចូលសុទ្ធ”។

ប្រទេសស្ថិតនៅតំបន់អាស៊ីអាគ្នេយ៍មួយនេះ ដែលជាមជ្ឈមណ្ឌលផលិតកម្មក្នុងតំបន់ កំពុងប្រឈមមុខនឹងបញ្ហាការផ្គត់ផ្គង់ប្រេងឥន្ធនៈ ដោយសារការផ្គត់ផ្គង់ជាសកលមានភាពតឹងតែង ឬមានដំណើរការខុសប្រក្រតី នៃរោងចក្រចម្រាញ់ប្រេងក្នុងស្រុករបស់ខ្លួន។

ក្រសួងខាងលើបានឱ្យដឹង នៅក្នុងសេចក្តីថ្លែងការណ៍ដាច់ដោយឡែកមួយនៅថ្ងៃសុក្រនេះថា “ប្រសិនបើផែនការនេះ ត្រូវបានអនុម័ត ដោយក្រុមអ្នកបង្កើតគោលនយោបាយ នោះវានឹងដាក់ទិសដៅសម្រាប់ក្រុមហ៊ុននានា ក្នុងការសាងសង់ ពង្រីក និងធ្វើទំនើបកម្មប្រព័ន្ធផ្ទុកប្រេងឥន្ធនៈដែលមានស្រាប់”៕

អ្នកជំនាញ: ប្រទេសចិននឹងបន្តក្លាយជាមជ្ឈមណ្ឌលផលិតកម្ម ដ៏សំខាន់បំផុតរបស់ពិភពលោក

ដោយ: គង់ លាងហួរ

អន្តរជាតិ: ក្រុមអ្នកជំនាញឧស្សាហកម្មជាន់ខ្ពស់ និងក្រុមនាយ កប្រតិបត្តិក្រុមហ៊ុនបានថ្លែងនៅឯវេទិកាBoao ប្រចាំឆ្នាំ២០២៣បានអះអាងថា ការពឹងផ្អែកពាណិជ្ជកម្មសកលលើតំបន់អាស៊ី រួមទាំងប្រទេសចិន នៅតែមានស្ថិរភាព ហើយប្រទេសនេះនឹងមិនបាត់បង់ឋានៈរបស់ខ្លួន ជាមជ្ឈមណ្ឌលផលិតកម្មដ៏សំខាន់បំផុត របស់ពិភពលោកនោះទេ។

ការអត្ថាធិប្បាយរបស់ពួកគេបានលេចឡើង បន្ទាប់ពីមានរបាយការណ៍ ដែលចេញផ្សាយនៅក្នុងវេទិកាបានបង្ហាញថា ការពឹងផ្អែកជាសកលលើពាណិជ្ជកម្មអាស៊ី នៅក្នុងទំនិញនៅតែមានស្ថិរភាព ហើយការពឹងផ្អែកពាណិជ្ជកម្ម ក្នុងចំណោមបណ្តាប្រទេសសេដ្ឋកិច្ចអាស៊ីរួមទាំងប្រទេសចិន នៅតែស្ថិតក្នុងកម្រិតខ្ពស់ដែលទាក់ទង។

របាយការណ៍បានបន្តថា ការពឹងផ្អែករបស់ប្រទេសជប៉ុន និងកូរ៉េខាងត្បូង លើប្រទេសចិនមានជាង២០ភាគរយ ហើយការពឹងផ្អែករបស់សមាគមប្រជាជាតិអាស៊ីអាគ្នេយ៍ និងបណ្តាប្រទេស CPTPP ទៅលើប្រទេសចិនគឺមានជិត២០ភាគរយ ដោយផ្អែកលើទិន្នន័យរហូតដល់ឆ្នាំ២០២១។

CPTPP សំដៅលើកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក ដែលជាកិច្ចព្រមព្រៀងពាណិជ្ជកម្មសេរីក្នុងចំណោមប្រទេសអូស្ត្រាលី ប្រ៊ុយណេ កាណាដា ឈីលី ជប៉ុន ម៉ាឡេស៊ី ម៉ិកស៊ិក នូវែលសេឡង់ ប៉េរូ សិង្ហបុរី និងវៀតណាម។

នៅក្នុងចំណោមបណ្តាប្រទេសG20 សេដ្ឋកិច្ចរបស់ប្រទេសភាគច្រើន បានពឹងផ្អែកពាណិជ្ជកម្មរបស់ពួកគេ លើប្រទេសចិន ពោលគឺកើនឡើងនៅចន្លោះឆ្នាំ២០១៧ និងឆ្នាំ២០២១ ដោយមានតែសហរដ្ឋអាមេរិក និងបារាំងប៉ុណ្ណោះ ដែលមើលឃើញពីការធ្លាក់ចុះនៃការពឹងផ្អែកពាណិជ្ជកម្មរបស់ពួកគេទៅលើប្រទេសចិន។

លោក Yao Yang ព្រឹទ្ធបុរសនៃសាលាជាតិអភិវឌ្ឍន៍នៃសាកលវិទ្យាល័យប៉េកាំងបានមានប្រសាសន៍ថា “ប្រទេសចិនទំនងជានឹងមិនបាត់បង់ឋានៈរបស់ខ្លួន ជាមជ្ឈមណ្ឌលផលិតកម្ម ដ៏ធំបំផុតរបស់ពិភពលោកនោះទេ សម្រាប់រយៈពេលយ៉ាងហោចណាស់ ចន្លោះពី១០ទៅដល់២០ឆ្នាំ”។

លោកបានបន្ថែមថា “ដោយឧស្សាហកម្មដែលពឹងផ្អែកលើកម្លាំងពលកម្មមួយចំនួន បានផ្លាស់ប្តូរទៅកាន់តំបន់អាស៊ានមួយចំនួន និងបណ្តាប្រទេសកំពុងអភិវឌ្ឍន៍ វាមានអត្ថប្រយោជន៍ភូមិសាស្ត្រនយោបាយសម្រាប់ប្រទេសចិនទាំងមូល ដោយសារសេដ្ឋកិច្ចទាំងនេះ ត្រូវបានរួមបញ្ចូលទៅក្នុង ប្រព័ន្ធអេកូផលិតកម្មរបស់ប្រទេសចិន”៕

សហរដ្ឋអាមេរិកជំនួសតំណែងរបស់រុស្ស៊ីជាអ្នកផ្គត់ផ្គង់ប្រេងឆៅ ដ៏ធំបំផុតដល់សហភាពអឺរ៉ុប

ដោយ: គង់ លាងហួរ

អន្តរជាតិ: យោងតាមការិយាល័យទិន្នន័យ របស់សហភាពអឺរ៉ុប Eurostat បានឱ្យដឹងកាលពីថ្ងៃអង្គារ ម្សិលមិញនេះថា នៅក្នុងខែធ្នូ ១៨%នៃការនាំចូលប្រេងឆៅ របស់ប្លុកសហភាពអឺរ៉ុប បានមកពីសហរដ្ឋអាមេរិក។

ប្រទេសរុស្ស៊ីធ្លាប់ជាអ្នកផ្គត់ផ្គង់ប្រេងឆៅ លំដាប់កំពូលរបស់ប្លុកអឺរ៉ុប ដែលគ្របដណ្តប់៣១ភាគរយ នៃការនាំចូលសរុបរហូតដល់ចុងខែមករា ឆ្នាំ២០២២។ ទន្ទឹមនឹងនោះ សហរដ្ឋអាមេរិកបានជាប់លំដាប់ទីពីរ ជាមួយនឹងចំណែកអតិបរមា១៣ភាគរយ។

ទោះបីជាយ៉ាងនេះក្តី ការឈ្លានពានរបស់ទីក្រុងម៉ូស្គូ ទៅលើអ៊ុយក្រែនកាលពីខែកុម្ភៈ ឆ្នាំ២០២២បាននាំឱ្យមានការចលាចល ក្នុងការផ្គត់ផ្គង់ថាមពលរបស់អឺរ៉ុប។

រដ្ឋសមាជិកសហភាពអឺរ៉ុបនានា បានកាត់បន្ថយការនាំចូលថាមពលរបស់រុស្ស៊ី ហើយប្លុកនេះក៏បានព្រួត ដាក់ទណ្ឌកម្មលើការនាំចេញប្រេង និងធ្យូងថ្មរបស់ប្រទេសនេះ ដើម្បីឆ្លើយតបនឹងសង្គ្រាមបង្កឡើងដោយរុស្ស៊ីផងដែរ។

កាលពីខែធ្នូ សហភាពអឺរ៉ុបបានហាមឃាត់ ការនាំចូលប្រេងឆៅពីសមុទ្ររុស្ស៊ី និងបានដាក់តម្លៃកំណត់ ដែលរារាំងអ្នកដឹកជញ្ជូន ឈ្មួញកណ្តាលធានារ៉ាប់រង និងក្រុមហ៊ុនផ្សេងទៀតពីការផ្តល់សេវាកម្មរបស់ពួកគេ ប្រសិនបើប្រេងរុស្ស៊ី ត្រូវបានទិញក្នុងតម្លៃលើសពី៦០ដុល្លារក្នុងមួយបារ៉ែល។

នៅពេលសង្រ្គាមផ្ទុះឡើង ប្រទេសមួយចំនួននៅតំបន់អឺរ៉ុបក៏ចាប់ផ្តើមកាត់បន្ថយ ការនាំចូលឧស្ម័នធម្មជាតិពីរុស្ស៊ីផងដែរ។ ក្រុមហ៊ុនថាមពលរដ្ឋ Gazprom ដំបូងបានកាត់បន្ថយការចែកចាយឧស្ម័នតាមរយៈបំពង់ Nord Stream 1 ដែលមានប្រហែល៣៥%នៃការនាំចូលឧស្ម័នរុស្ស៊ី សរុបរបស់អឺរ៉ុបក្នុងឆ្នាំ២០២១។

ចំណែកនៅក្នុងខែកញ្ញា ក្រុមហ៊ុននេះបានបិទបំពង់បង្ហូរប្រេង ដោយលើកឡើងពីបញ្ហាបច្ចេកទេស។

ទិន្នន័យរបស់ Eurostat បានបង្ហាញថា ចំណែករបស់រុស្ស៊ីនៃការនាំចូលឧស្ម័នធម្មជាតិរបស់អឺរ៉ុប បានធ្លាក់ចុះយ៉ាងខ្លាំងពី៣១ភាគរយ ក្នុងត្រីមាសទី១ ឆ្នាំ២០២២ មកជិត១៩ភាគរយនៅចុងឆ្នាំ២០២២។

ស្ថានភាពនេះ បានធ្វើឱ្យសហរដ្ឋអាមេរិក ក្លាយជាអ្នកផ្គត់ផ្គង់ឧស្ម័នធំជាងគេទីពីរ របស់ប្លុកសហភាពអឺរ៉ុប ដោយមានចំណែកជិត២០ភាគរយ ពោលគឺស្ថិតនៅពីក្រោយប្រទេសន័រវេស ដែលគ្របដណ្តប់ស្ទើរតែ៣១ភាគរយ នៃការនាំចូលឧស្ម័នរបស់សហភាពអឺរ៉ុប។

លោក Jay Maroo អ្នកវិភាគជាន់ខ្ពស់នៅក្រុមហ៊ុនផ្តល់ទិន្នន័យ Vortex បានមានប្រសាសន៍ថា “ការនាំចេញប្រេងឆៅរបស់សហរដ្ឋអាមេរិកទៅកាន់ទ្វីបអឺរ៉ុប បានកើនឡើងមុនផ្ទុះសង្រ្គាម ទោះបីជាការឈ្លានពានរបស់រុស្ស៊ី បានបង្កើនតម្រូវការ ក្នុងការបង្កើនការដឹកជញ្ជូនពីប្រភពជំនួសផ្សេងៗយ៉ាងណាក្តី”៕

1...983984985...3,258 Page 984 of 3,258