ការអភិវឌ្ឍតាមបណ្ដោយផ្លូវក្រវាត់ក្រុងទី៣កំពុងលេចរូបរាងជាបន្តបន្ទាប់ស្របពេលគំរោងត្រៀមបញ្ចប់

ដោយៈវឌ្ឍនៈ

ភ្នំពេញៈ ស្របនឹងគម្រោងផ្លូវក្រវាត់ក្រុងទី៣ នៅមិនទាន់បញ្ចប់ជាស្ថាពរ តែការអភិវឌ្ឍអចលនទ្រព្យនៅតាមបណ្ដោយផ្លូវនេះ ត្រូវបានសង្កេតឃើញថា កំពុងមានសកម្មភាពលេចរូបរាងជាបន្តបន្ទាប់ និងរំពឹងថាសកម្មភាពនៃការអភិវឌ្ឍនេះ នឹងកាន់តែមានកំណើនឡើងបន្តទៀត នាពេលអនាគត។

គម្រោងផ្លូវក្រវាត់ទី៣នេះ បាននិងកំពុងទាក់ទាញនូវគម្រោងអភិវឌ្ឍន៍នានា ទៅកាន់តំបន់នោះកាន់តែច្រើន ស្របនឹងគម្រោងនេះអាចនិយាយបានថាកាន់តែជិតរួចរាល១០០ភាគរយ។ គម្រោងអភិវឌ្ឍន៍អចលនទ្រព្យដែលនៅជិតៗ ឬក្បែរនឹងគម្រោងផ្លូវក្រវាត់ក្រុងទី៣នេះ ភាគច្រើនឃើញថាជាគម្រោងសង់ឃ្លាំងស្តុកទំនិញ គម្រោងលំនៅឋាន និងម្ចាស់គម្រោងខ្លះទៀតកំពុងចាក់ដីបំពេញដើម្បីអភិវឌ្ឍន៍នាពេលឆាប់ៗនេះ ។

តាមរយៈគម្រោងផ្លូវក្រវាត់ក្រុងទី៣នេះដែរ ក៏បាននិងកំពុងជំរុញឱ្យតម្លៃដីធ្លីនៅតាមបណ្ដោយផ្លូវនោះ មានកំណើនជាបន្តបន្ទាប់ផងដែរ បើទោះបីជាស្ថិតនៅក្នុងវិបត្តិយ៉ាងណាក្ដី ក៏តម្លៃនៅតំបន់នោះឃើញថាមានកំណើនដែរ ។

អ្នកជំនាញ នៃវិស័យអចលនទ្រព្យបានមើលឃើញថា ការអភិវឌ្ឍផ្លូវក្រវាត់ក្រុងទី៣បាន និងកំពុងជំរុញឱ្យមានការអភិវឌ្ឍ លើអចលនទ្រព្យនៅតំបន់នោះបានមួយកម្រិតទៀតផងដែរ។ ជាក់ស្ដែងគម្រោងអភិវឌ្ឍន៍ជាច្រើន បានយកគម្រោងផ្លូវក្រវាត់ក្រុងជាយុទ្ធសាស្ត្រ ក្នុងការផ្សព្វផ្សាយលក់គម្រោងអភិវឌ្ឍន៍របស់ខ្លួនផងដែរ ។

អ្នកនាងអាន សុធីតា អគ្គនាយិកាក្រុមហ៊ុនPropNex Cambodia បានលើកឡើងឱ្យដឹងថា តំបន់ក្បែរៗផ្លូវក្រវាត់ទី៣ មានភាពទាក់ទាញគម្រោងអភិវឌ្ឍន៍ជាច្រើន ជាពិសេសគម្រោងអភិវឌ្ឍន៍លំនៅឋាន ជាក់ស្ដែងតំបន់នៅក្បែរកម្រោងផ្លូវក្រវាត់ក្រុងទី៣នេះ មានការអភិវឌ្ឍដែលកំពុងតែជំរុញឱ្យគម្រោងផ្សេងទៀត នឹងអភិវឌ្ឍន៍នៅពេលខាងមុខផងដែរ ដូចជាផ្សារទំនើបអ៊ីអនមានជ័យ គម្រោងព្រលានយន្តហោះអន្តរជាតិតេជោជាដើម ។

អ្នកនាងបានមានប្រសាសន៍ថា ក្រៅពីផ្លូវក្រវាត់ក្រុងទី៣នេះ ក៏មានផ្លូវជាច្រើនខ្វាត់ខ្វែងទៀត នៅក្បែរនឹងផ្លូវក្រវាត់ក្រុងនោះ ដែលជាការជួយឱ្យមានការអភិវឌ្ឍ លើគម្រោងរបស់ក្រុមហ៊ុនឯកជនជាច្រើនទៀត និងបានធ្វើឱ្យតម្លៃដីធ្លី នៅតាមបណ្ដោយផ្លូវទាំងនោះ ទទួលបានកំណើនមួយកម្រិតផងដែរ៕

Cambodia targets 1 mln Chinese tourists in 2023

Cambodia targeted up to 1 million Chinese visitors in 2023, an expected increase of multiple times from only 106,875 in 2022, said a Ministry of Tourism’s news release on Friday.

“In 2023, Cambodia is predicted to receive 3 to 4 million international tourists, including 800,000 to 1 million Chinese tourists,” the news release said.

Almost 30 percent of the Chinese tourists projected this year are believed to sightsee the famed Angkor archeological park in Siem Reap province, it said, adding that the ancient park received merely 18,763 Chinese visitors in 2022.

According to the news release, Ministry of Tourism’s Undersecretary of State Sok Sangvar on Thursday held a meeting with local authorities and tour and travel operators in Siem Reap province to prepare for the return of Chinese travelers after the world’s second-largest economy has recently optimized its anti-COVID-19 strategy.

“Cambodia has gradually welcomed the resumption of direct flights from China to Cambodia’s Phnom Penh and Sihanoukville after China optimized its anti-COVID-19 strategy on Jan. 8 and resumed outbound group tours on Feb. 6,” he said.

Sangvar added that Siem Reap province is expected to welcome the resumption of the first direct flights from China in early March.

The official advised local authorities and tourism-related businesses to reintroduce the “China Ready” strategy, which was first launched in 2016.

The strategy listed steps to be taken by tourism authorities to facilitate visits by Chinese tourists, such as providing Chinese signs and documents for visa processing, encouraging local use of the Chinese currency and the Chinese language, and ensuring that food and accommodation facilities are suited to Chinese tastes.

China was the largest source of foreign tourists to Cambodia in the pre-pandemic era, a Ministry of Tourism’s report said, adding that the kingdom received 2.36 million Chinese tourists in 2019, accounting for 35.7 percent of total tourist arrivals to the country and generating about 1.8 billion U.S. dollars in revenue.

Chhay Sivlin, president of the Cambodia Association of Travel Agents, said the return of Chinese tourists gave “high hopes” for the Southeast Asian nation’s tourism industry and economic growth in the post-pandemic era.

“I think the Angkor archeological park and Sihanoukville coastal city will remain the most attractive destinations for Chinese tourists,” she told Xinhua.

Source: Xinhua

IMF: ប្រទេសចិនអាចនឹងក្លាយជាអ្នករួមចំណែកដ៏ធំបំផុតដល់កំណើនសេដ្ឋកិច្ចពិភពលោកនៅឆ្នាំនេះ

ដោយ: គង់ លាងហួរ

ប៉េកាំង: យោងតាមមន្ត្រីមួយរូប នៅមូលនិធិរូបិយវត្ថុអន្តរជាតិ (IMF) បានឱ្យដឹងថា ប្រទេសចិនទំនងជានឹងក្លាយ ទៅជាអ្នករួមចំណែកដ៏ធំបំផុតដល់កំណើនសេដ្ឋកិច្ចពិភពលោកនៅឆ្នាំ២០២៣នេះ។

លោក Steven Barnett អ្នកតំណាងជាន់ខ្ពស់របស់ IMF ប្រចាំនៅប្រទេសចិន បានមានប្រសាសន៍ថា “IMFរំពឹងថា ប្រទេសចិននឹងរួមចំណែកប្រហែល១/៣ នៃកំណើនពិភពលោកនៅឆ្នាំ២០២៣នេះ ដោយធ្វើឱ្យប្រទេសនេះ ក្លាយជាអ្នករួមចំណែកធំបំផុតតែមួយគត់ ចំពោះកំណើនពិភពលោក។

យោងតាមការធ្វើបច្ចុប្បន្នភាព ទស្សនវិស័យសេដ្ឋកិច្ចពិភពលោករបស់ IMF នៅក្នុងខែមករា បានឱ្យដឹងថា ទិន្នផលពិភពលោកនឹងកើនឡើង២,៩ភាគរយនៅឆ្នាំនេះ ដែលប្រទេសចិនត្រូវបានគេរំពឹងថា នឹងរួមចំណែកប្រហែល១ភាគរយ។

លោកបានបន្តថា “ការស្ទុះងើបឡើងវិញនៃកំណើន សេដ្ឋកិច្ចរបស់ប្រទេសចិន ក៏មានការកើនឡើងជាវិជ្ជមាន ទៅលើសេដ្ឋកិច្ចផ្សេងទៀតផងដែរ”។

លោកបានបន្ថែមថា កំណើនដ៏លឿននៅក្នុងប្រទេសចិន អាចជំរុញដល់កំណើនសេដ្ឋកិច្ចផ្សេងទៀត ខណៈប្រទេសនេះទិញទំនិញកាន់តែច្រើនពីប្រទេសផ្សេងទៀត ហើយភ្ញៀវទេសចរចិនក៏បានធ្វើដំណើរ ទៅក្រៅប្រ ទេសច្រើនផងដែរ។

លោក Steven Barnett បានអះអាងថា “យើងមិនគិតថាការស្ទុះងើបឡើងវិញរបស់ប្រទេសចិន នឹងជំរុញឱ្យអតិផរណាសកល ហក់ឡើងខ្ពស់នោះទេហើយយើងក៏មិនរំពឹងថា អតិផរណាក្នុងប្រទេសចិននឹងកើនឡើងច្រើននោះដែរ”។

លោកបញ្ជាក់ថា “ការស្ទុះងើបឡើងវិញនៃសេដ្ឋកិច្ច របស់ប្រទេសចិននៅឆ្នាំនេះ ទំនងជាត្រូវបានជំរុញដោយការប្រើប្រាស់ច្រើន ជាងហេដ្ឋារចនាសម្ព័ន្ធ ដែលមានន័យថា ឥទ្ធិពលលើតម្លៃទំនិញ នឹងមានតិចជាងការងើបឡើងវិញពីមុន”៕

China set for record crude oil imports in 2023 – analysts

SINGAPORE : China is expected to import a record amount of crude oil in 2023 due to increased demand for fuel as people travel more following the dismantling of COVID-19 controls and as a result of new refineries coming onstream, analysts said.

The prospect of strong demand from the world’s biggest importer will be another bullish factor for an oil market already supported by the OPEC+ producer group’s output cuts and western sanctions on Russian exports.

China’s crude imports may rise between 500,000 and 1 million barrels per day (bpd) this year to as high as 11.8 million bpd, reversing previous two years’ decline to exceed 2020’s record of 10.8 million bpd, according to analysts from four industry consultancies – Wood Mackenzie, FGE, Energy Aspects and S&P Global Commodity Insight.
Their estimates are in line with the latest forecast by the International Energy Agency.

Since the removal of COVID controls in December, China’s demand for gasoline and jet fuel has risen.

Sun Jianan, an analyst at Energy Aspects, reckoned gasoline and jet fuel would account for around 50 per cent and 30 per cent of total growth in demand for liquid fuels, respectively. Jet fuel consumption, according to Sun, would reach 90 per cent of pre-COVID levels by end-2023.

Demand for diesel – a key industrial and transportation fuel – and petrochemical feedstock naphtha, may grow more slowly as it will take longer for the recovery in China’s manufacturing and property sectors to materialize, said FGE analyst Mia Geng and Energy Aspects’ Sun.

“Economic stimulus, along with infrastructure expansion in 2023 will set the stage for robust diesel consumption recovery,” Wang Zhuwei, an analyst at S&P Global Commodity Insight, said.

Source: Reuters

ក្រុមហ៊ុនអាកាសចរណ៍ឡាវ គ្រោងដំណើរការផ្លូវហោះហើរថ្មីៗពីប៉ាក់សេ ឆ្ពោះទៅប្រទេសចិន

ដោយៈ សុខុម

វៀងចន្ទន៍: នៅឆ្នាំនេះ ក្រុមហ៊ុនអាកាសចរណ៍ឡាវ (Lao Airlines) នឹងដំណើរការផ្លូវហោះហើរថ្មីៗ ពីក្រុងប៉ាកសេ (Pakse) នៃខេត្តចម្ប៉ាសាក់ របស់ឡាវ ឆ្ពោះទៅកាន់ទីក្រុងធំៗនៃប្រទេសចិន ដើម្បីទាក់ទាញភ្ញៀវទេសចរកាន់តែច្រើនពីប្រទេសនេះ។

យោងតាមសារព័ត៌មាន Laotian Times ចុះផ្សាយកាលពីថ្ងៃសុក្រ ទី១៧ ខែកុម្ភៈ ឱ្យដឹងថា ផ្លូវហោះហើរថ្មីៗទាំងនេះ នឹងចេញពីក្រុងប៉ាកសេ ឆ្ពោះទៅកាន់ហុងកុង ក្រុងហៃខូវ (Haikou) ក្រុងសានយ៉ា (Sanya) ក្រុងឈឹងទូ (Chengdu) និងទីក្រុងល្បីៗផ្សេងទៀតរបស់ប្រទេសចិន នៅពាក់កណ្តាលឆ្នាំ២០២៣។

ក្រុមហ៊ុន Lao Airlines ក៏នឹងធ្វើការសិក្សាសមិទ្ធលទ្ធភាព អំពីជើងហោះហើរត្រង់ប៉ាកសេ-សិង្ហបុរី ប៉ាកសេ-សេអ៊ូល និងប៉ាកសេ-Fukuoka ក្នុងប្រទេសជប៉ុន ផងដែរ។

ដោយមើលឃើញពីសក្ដានុពលនៃទីក្រុងប៉ាកសេ ជាគោលដៅទេសចរណ៍ដ៏លេចធ្លោមួយ និងដោយគិតថា អាកាសយានដ្ឋានអន្តរជាតិក្រុងប៉ាកសេ អនុញ្ញាតការផ្ដល់ទិដ្ឋាការ នៅនឹងកន្លែងពេលមកដល់រយៈពេល៣០ថ្ងៃសម្រាប់ប្រទេសមួយចំនួន ក្រុមហ៊ុនទេសចរណ៍ Siphandone ក្នុងតំបន់សេដ្ឋកិច្ចពិសេសSiphandone បានចុះកិច្ចព្រមព្រៀងជួលយន្តហោះជាផ្លូវការជាមួយក្រុមហ៊ុន Lao Airlines នៅទីក្រុងវៀងចន្ទន៍ កាលពីដើមខែនេះ ដើម្បីជួយពង្រីកសេវាកម្មរបស់ខ្លួន។

ក្រុមហ៊ុន Lao Airlines មានផែនការចាប់ផ្ដើមជើងហោះហើរបន្ថែមទៀតពីប៉ាកសេ ឆ្ពោះទៅកាន់ទីក្រុងធំៗកាន់តែច្រើន នៅក្នុងបណ្ដាប្រទេសជាសមាជិកអាស៊ាន និងគោលដៅនានាក្នុងប្រទេសចិន ដូចជាកោះហៃណាន គ័ងចូវ ឬ ក្វាងចូវ ហុងកុង គុនមីង និងឆាងសា (Changsha) ដែលប្រើពេលហោះហើរ២ម៉ោងកន្លះជាដើម។

ក្រុមហ៊ុន Lao Airlines នៅមុននេះបានប្រកាសថា ខ្លួនមានផែនការចាប់ផ្តើមជើងហោះហើរពីក្រុងវៀងចន្ទន៍ ទៅកាន់ទីក្រុងជាច្រើនទៀតក្នុងប្រទេសចិន ដើម្បីជួយជំរុញទេសចរណ៍ និងការធ្វើដំណើររវាងប្រទេសទាំងពីរ។

កាលពីថ្មីៗនេះ ក្រសួងវប្បធម៌ និងទេសចរណ៍ចិន ក៏បានអនុញ្ញាតឡើងវិញ នូវការធ្វើដំណើរទេសចរណ៍ ជាក្រុមចេញក្រៅមកកាន់២០ប្រទេសរួមទាំងប្រទេសឡាវផងដែរ៕ Laotian Times៕

កត្តាអំណោយផលធំៗចំនូន៤ ធ្វើឲ្យកម្ពុជាទាក់ទាញវិនិយោគិនបរទេស

ដោយ: សុផារី

ភ្នំពញ: ក្នុងរយៈពេលប៉ុន្មានឆ្នាំចុងក្រោយនេះ កម្ពុជាចាប់ផ្តើមមានមុខមាត់នៅលើឆាកអន្តរជាតិកាន់តែច្រើន ហើយក៏ទទួលបានគម្រោងវិនិយោគជាច្រើនផងដែរ។

ប្រទេសកម្ពុជាមានកត្តាអំណោយផលល្អចំនួន៤ ដែលអាចទាក់ទាញវិនិយោគិនបរទេសមកកាន់តែច្រើននៅក្នុងឆ្នាំនេះ និងពេលអនាគត។

លោកស្រី ហ្គ្រេស រចនី អគ្គនាយិកាក្រុមហ៊ុន Century 21 បានមានប្រសាសន៍ថា កត្តាអំណោយផលដែលទាក់ទាញ វិនិយោគិនបរទេសមកធ្វើការបណ្ដាក់ទុនរកស៊ីនៅក្នុងប្រទេសកម្ពុជា រួមមាន ទី១. Strategic Location ប្រទេសកម្ពុជាមានទីតាំងអំណោយផលមួយ ជាពិសេសអំណោយផលលើការធ្វើដំណើរ។ ដោយសារប្រទេសកម្ពុជា មានទីតាំងស្ថិតនៅចំកណ្ដាលតំបន់អាស៊ីអាគ្នេយ៍ ដូច្នេះធ្វើឲ្យការធ្វើដំណើរពីបណ្ដាប្រទេសនានាមានភាពងាយស្រួល និងឆាប់រហ័ស។

២. Property Price

តម្លៃនៃអចលនទ្រព្យនៅទាប។ បើប្រៀបធៀបតម្លៃអចលនទ្រព្យនៅក្នុងទីក្រុងភ្នំពេញ ជាមួយនឹងតម្លៃអចលនទ្រព្យនៅក្នុងទីក្រុងបាងកក ឬហូជីមិញ ជាដើម យើងសង្កេតឃើញថា តម្លៃទ្រព្យនៅក្នុងប្រទេសកម្ពុជាមានភាពសមរម្យជាងច្រើន។

កត្តានេះហើយ ដែលជំរុញឲ្យវិនិយោគិនពិចារណាថា ការវិនិយោគសាងសង់ទៅលើគម្រោងណាមួយ តើតម្លៃដីនៅក្នុងទីក្រុង រួមនឹងតម្លៃនៃការសាងសង់ អាចផ្ដល់ផលចំណេញឲ្យគាត់ត្រឡប់ទៅវិញបានច្រើនដែរឬទេ។ ម្យ៉ាងទៀត អ្នកវិនិយោគិនក៏សម្លឹងមើលឃើញពីផលចំណេញនៅក្នុងរយៈពេល៥ ទៅ១០ឆ្នាំខាងមុខផងដែរ។

៣. Property Tax

លោកស្រីបានចែករំលែកថា តម្លៃពន្ធលើអចលនទ្រព្យ នៅក្នុងប្រទេសមួយចំនួននៅក្នុងតំបន់អាស៊ាន ដូចជា នៅក្នុងប្រទេសសិង្ហបុរី មានតម្លៃខ្ពស់ណាស់ ខណៈប្រទេសកម្ពុជាផ្តល់អត្រាពន្ធ អចលនទ្រព្យទាបជាងច្រើន។

៤. Travel Visa

ទិដ្ឋាការរស់នៅរបស់ប្រទេសកម្ពុជា មានភាពងាយស្រួលក្នុងការស្នើសុំ មិនថាក្នុងរយៈពេលខ្លី ឬវែងសម្រាប់វិនិយោគិនបរទេស។

លោកស្រីបានបន្ថែមថា កត្តាអំណោយផលទាំង៤ នេះហើយ ដែលបានធ្វើឱ្យប្រទេសកម្ពុជា ក្លាយជាតំបន់មួយមានភាពទាក់ទាញខ្លាំង ក្នុងរយៈពេល៥ឆ្នាំចុងក្រោយនេះ។

បច្ចុប្បន្ននេះ ជនជាតិចិនជាវិនិយោគិនបរទេស ដែលមានចំនួនច្រើនជាងគេ នៅក្នុងប្រទេសកម្ពុជា។ ប៉ុន្តែលោកស្រីមានជំនឿចិត្តថា នាពេលអនាគតខាងមុខនេះ ជនជាតិផ្សេងៗទៀតនឹងមកកាន់កម្ពុជា កាន់តែច្រើន ដូចជា ជនជាតិជប៉ុន សិង្ហបុរី ជាដើម។

អគ្គលេខាធិការ ក្រុមប្រឹក្សា អភិវឌ្ឍន៍ កម្ពុជា (CDC) លោក សុខ ចិន្តា សោភាបានមានប្រសាសន៍ថា “រាជរដ្ឋាភិបាលកម្ពុជាស្វាគមន៍ការវិនិយោគពីបរទេស ដោយបើកទ្វារទទួលអ្នកវិនិយោគ មកពីគ្រប់ប្រទេសលើគ្រប់វិស័យដោយមិនមានការរើសអើង។ ជាពិសេស ច្បាប់វិនិយោគកម្ពុជា ផ្តល់ការលើកទឹកចិត្តដោយបើកចំហ តម្លាភាពដល់អ្នកវិនិយោគទាំងអស់ ធានា និងការពារការវិនិយោគដោយគ្មានការរើសអើង”។

លោកបានគូសបញ្ជាក់ផងដែរថា រដ្ឋាភិបាលយកចិត្តទុកដាក់យ៉ាងខ្លាំងចំពោះអ្នកវិនិយោគ តាមរយៈការរៀបចំវេទិការរវាងរដ្ឋាភិបាល និងវិស័យឯកជន ដើម្បីផ្តល់ឱកាសវិនិយោគ លើកបញ្ហាប្រឈម និងសំណូមពរនានាសម្រាប់រដ្ឋាភិបាល៕

អ្នកជំនាញចែករំលែកចំណុចគួរនិងមិនគួរវិនិយោគក្នុងកំឡុងពេល សេដ្ឋកិច្ចស្ថិតក្នុងភាពមិនប្រាកដប្រជា

ដោយ សុផារី

ភ្នំពេញ: ភាពមិនប្រាកដប្រជានៃសេដ្ឋកិច្ច បានធ្វើឱ្យមនុស្សមានភាពក្រែងរអារ ក្នុងការវិនិយោគ ទាំងអ្នកមានធនធាន និងអ្នកខ្វះធនធាន។ អ្នកមានថវិកាមិនហ៊ានបញ្ចេញសាច់ប្រាក់ ខណៈអ្នកថវិកាប្រឈមនឹងការខ្វះខាត ដែលធ្វើឱ្យសេដ្ឋកិច្ចដំណើរការមិនល្អ។

អ្នកជំនាញសេដ្ឋកិច្ច និងវិនិយោគបានណែនាំវិធីសាស្ត្រ ក្នុងការវិនិយោគក្នុងកំឡុងសេដ្ឋកិច្ចមានវិបត្តិ មិនមានភាពមិនប្រាកដប្រជាបែបនេះ។

លោក ង៉ែតជូ អ្នកជំនាញវិនិយោគមួយរូប បានមានប្រសាសន៍នៅថ្ងៃទី៥ ខែកុម្ភៈ ឆ្នាំ២០២៣នេះថា ការវិនិយោគនៅក្នុងប្រទេសកម្ពុជា មានការវិវត្តន៍ និងឈានមកដល់របត់ថ្មីមួយ នោះគឺការប្រើប្រាស់នូវធនធាន ដែលបានមកពីការសន្សំ ការប្រើប្រាស់ធនធានកម្ចី និងប្រភេទកម្ចីផ្សេងៗ ដើម្បីធ្វើការវិនិយោគ។ រូបភាពនៃការវិនិយោគ នៅក្នុងវិស័យអចលនទ្រព្យនៅកម្ពុជាបច្ចុប្បន្ននេះ មានការរីកចម្រើនច្រើនគួរឲ្យកត់សម្គាល់។

លោកបន្តថា “សព្វថ្ងៃ មានភាពសម្បូរបែប នៃការវិនិយោគអចលនទ្រព្យ ដូចជា ក្រុមហ៊ុនវិនិយោគ មូលនិធិវិនិយោគ និងផ្សារហ៊ុនវិនិយោគ។ ទន្ទឹមនឹងការរីកចម្រើននេះក៏មានហានិភ័យច្រើនផងដែរ”។

លោកបានផ្តល់ជាយោបល់ថា ចូលវិនិយោគលើអ្វីដែលយើងមានចំណេះដឹង ពោលគឺវិនិយោគលើផ្នែកណាមួយ ដែលយើងយល់ដឹងពីអាជីវកម្ម ទីផ្សារ និងតម្រូវការនៃផ្នែកនោះ ហើយជៀសវាងដាច់ខាតការវិនិយោគលើអ្វីដែលយើងមិនដឹង។

លោកង៉ែត ជូបានបន្តថា ចំណុចមួយទៀតនោះគឺ យើងមិនគួរវិនិយោគតាមគ្នា ដោយសារការសម្រេចចិត្តបែបនេះ គឺងាយជួបនឹងហានិភ័យណាស់។

លោកបានបន្ថែមថា មានក្បួនវិនិយោគ3R រួមមាន R = Revert គឺការវិនិយោគលើអ្វី ដែលជាចំណង់ចំណូលចិត្ត និងការទាក់ទាញ ដែលធ្វើឲ្យយើងមានការសប្បាយចិត្ត និងមានមោទនភាព ក្នុងការវិនិយោគលើអាជីវកម្មនេះ។

R=Return គឺផលចំណេញ ដែលទទួលបានពីការវិនិយោគនោះ ព្រោះគ្រប់ការវិនិ យោគតែងតែសម្លឹងមើលផលចំណេញ ដើម្បីភាពមានបាន និងការត្រៀមបំរុងទុនសម្រាប់ការប្រឈមនឹងវិបត្តិ។

R= Risk អ្នកវិនិយោគត្រូវពិចារណាលើហានិភ័យ ថាការវិនិយោគនេះអាចផលត្រលប់មកវិញ ហើយស្របនឹងចំណូលចិត្តរបស់យើងហើយ តើការវិនិយោគនេះ បានផ្តល់ផលវិជ្ជមានដល់សង្គម ផ្តល់ចំណេះដឹងបន្ថែមដល់យើងឬទេ ហើយត្រូវមើលថាតើហានិភ័យមានទំហំប៉ុណ្ណា? ប្រសិនបើហានិភ័យមានទំហំធំ អ្នកវិនិយោគត្រូវថ្លឹងថ្លែងនិងពិចារណាផងដែរ៕

វិនិយោគិនអចលនទ្រព្យលេចធ្លោមួយរូបព្យាយាមទាក់ទាញក្រុមហ៊ុន អាមេរិកចូលមកកម្ពុជា

ដោយៈ វឌ្ឍនៈ

ភ្នំពេញៈ ការទាក់ទាញវិនិយោគិនបរទេស ចូលមកកម្ពុជាក្នុងការបណ្ដាក់ទុនវិនិយោគ អចលនទ្រព្យនៅតែជាកត្តាចម្បង ក្នុងការបង្កើនការអភិវឌ្ឍអចលនទ្រព្យនៅក្នុងប្រទេសកម្ពុជា។

ក្នុងនោះវិនិយោគិនក្នុងស្រុក ក៏មានចំណែកសំខាន់ ក្នុងការទាក់ទាញការវិនិយោគពីបរទេស ក្នុងនោះវិនិយោគិនអចលនទ្រព្យដ៏លេចធ្លោមួយរូបបានអះអាងខ្លួន នឹងព្យាយាមទាក់ទាញក្រុមហ៊ុនអាមេរិក ចូលមកកម្ពុជាបន្ថែម ខណៈបច្ចុប្បន្នបាននាំចូលយីហោអាមេរិក ល្បីមួយមកកម្ពុជារួចហើយ។

លោកបណ្ឌិតឧកញ៉ាគីម ហ៊ាង ប្រធានក្រុមហ៊ុនKW Cambodia បានមានប្រសាសន៍ថា កាលពីមុនមានមនុស្សមិនតិចទេ មិនជឿថាក្រុមហ៊ុនអាមេរិកធំៗ នឹងចូលមកកម្ពុជានោះទេ ជាក់ស្ដែងក្រុមហ៊ុនអាមេរិកលំដាប់ពិភពលោក KW គ្មានអ្នកណាជឿថា នឹងមានវត្តមាននៅកម្ពុជា ប៉ុន្តែពេលនេះ KW បានបង្ហាញវត្តមាននៅកម្ពុជា និងបានធ្វើឱ្យក្រុមហ៊ុនមានភាពជោគជ័យមួយកម្រិតនៅកម្ពុជា ។

លោកឧកញ៉ាបន្តថា “ខ្ញុំនឹងព្យាយាមទាក់ទាញ ក្រុមហ៊ុនអាមេរិកផ្សេងទៀតចូលមកកម្ពុជា ដើម្បីជំរុញឱ្យវិស័យអចលនទ្រព្យ ក្នុងប្រទេសកម្ពុជាកាន់តែមានភាពរីកចម្រើនជាបន្តបន្ទាប់”។លោបន្តកថា “តាមរយៈសកម្មភាពការងាររបស់ក្រុមហ៊ុន KW នៅកម្ពុជាដែលយើងបាននាំចូលមក យើងក៏អាចមានលទ្ធភាព ក្នុងការយកក្រុមហ៊ុនអាមេរិកផ្សេងទៀត មកកម្ពុជាបានដែរ”។

លោកឧកញ៉ាបន្ថែមថា ជាការកត់សម្គាល់នៅពេល ដែលក្រុមហ៊ុនអាមេរិកទៅរកស៊ីនៅប្រទេសមួយណា គឺបង្ហាញពីប្រទេសនោះមានសេដ្ឋកិច្ចរឹងមាំ ច្បាប់ល្អទើបគេមក ។ ជាក់ស្ដែងក្រុមហ៊ុនអាមេរិកKW មានប្រទេសជាច្រើន ក្នុងតំបន់អាស៊ានចង់បានយីហោនេះ ទៅប្រទេសរបស់គេ តែដោយសារតែលក្ខខណ្ឌ មិនទាន់គ្រប់គ្រាន់ទើបក្រុមហ៊ុនមិនឱ្យសិទ្ធិ ប៉ុន្តែគេបានផ្ដល់សិទ្ធិដល់កម្ពុជា ក្នុងការធ្វើអាជីវកម្ម ដោយប្រើយីហោរបស់គេ ។

ជាការសង្កេតជាក់ស្ដែងឃើញថា ក្រុមហ៊ុនអាមេរិកជាច្រើនកំពុងមានវត្តមាននៅក្នុងប្រទេសកម្ពុជា និងបានជួយដល់កម្ពុជា ក្នុងការអភិវឌ្ឍអចលនទ្រព្យ ហើយតាមរយៈក្រុមហ៊ុនទាំងនោះ ក៏បានជួយបង្រៀនធនធានមនុស្សកម្ពុជាកាន់តែច្រើន ពីមួយឆ្នាំទៅមួយឆ្នាំ ដែលជំរុញឱ្យវិស័យអចលនទ្រព្យកម្ពុជាកាន់តែ ទទួលបានការទទួលស្គាល់ និងមានការចាប់អារម្មណ៍កាន់តែខ្លាំងពីសំណាក់វិនិយោគិនបរទេស៕

ការវិនិយោគអចលនទ្រព្យនៅកម្ពុជាបច្ចុប្បន្នកាន់តែធ្វើពិធិធកម្មទីផ្សារ

ដោយៈ វឌ្ឍនៈ

ភ្នំពេញៈ ការវិនិយោគលើវិស័យនានា ជាពិសេសនៅក្នុងវិស័យអចលនទ្រព្យក្នុងប្រទេសកម្ពុជា នាពេលបច្ចុប្បន្ននេះ ឃើញថាមានការកើនឡើងគួរឱ្យកត់សម្គាល់ និងមានច្រើនទម្រង់ ច្រើនរបៀប ដែលអាចឱ្យអ្នកវិនិយោគមានជ្រើសច្រើន។

ការណ៍នេះធ្វើឡើង ដើម្បីរកប្រាក់ចំណេញរបស់ខ្លួន ដូចជាការទិញលក់ភ្លាម ការវិនិយោគក្នុងផ្សារហ៊ុន និងអភិវឌ្ឍ៍អចលនទ្រព្យលក់យកចំណេញជាដើម។

លោកង៉ែត ជូ អ្នកជំនាញហិរញ្ញវត្ថុ និងជាអ្នកវិនិយោគអចលនទ្រព្យមួយរូបនៅកម្ពុជាបានមានប្រសាសន៍ឱ្យដឹងថា កាលពីមុនការវិនិយោគអចលនទ្រព្យ នៅក្នុងប្រទេសកម្ពុជាភាគច្រើនឃើញ តែទម្រង់ទិញផ្ទះដើម្បីលក់យកចំណេញ ហើយប្រជាពលរដ្ឋនិងវិនិយោគិនក្នុងស្រុក តែងតែធ្វើបែបនេះ ។

កាលនោះដែរ បើនិយាយពីការវិនិយោគអចលនទ្រព្យ គឺគេផ្ដោតទៅលើតែការវិនិយោគពីខាងក្រៅប្រទេស ដោយមិនទាន់មានវិនិយោគិនក្នុងស្រុកដាក់ទុនវិនិយោគទូលំទូលាយនៅឡើយ។

លោកង៉ែត ជូនបានបន្តថា បច្ចុប្បន្នរូបភាព នៃការវិនិយោគអចលនទ្រព្យមានកាន់តែច្រើន និងមានក្រុមហ៊ុនវិនិយោគ លើអចលនទ្រព្យក៏ច្រើនដែរ។ ជាមួយគ្នានេះដែរ បណ្ដាធនាគារដែលគាំទ្រ ដល់ការវិនិយោគអចលនទ្រព្យ ក៏ឃើញថាមានច្រើនដូចគ្នា រហូតដល់មានក្រុមហ៊ុនមួយចំនួនឡើងផ្សារហ៊ុនផងដែរ ។

លោកបន្ថែមថា ទន្ទឹមនឹងការរីកចម្រើន និងការវិវត្តន៍ថ្មីនៃការវិនិយោគនេះដែរ ក៏មានហានិភ័យសម្រាប់អ្នកវិនិយោគផងដែរ ដូច្នេះហើយទាមទារឱ្យវិនិយោគិនដែលចង់ដាក់ទុនលើអ្វីមួយ មិនថាអចលនទ្រព្យឬវិស័យផ្សេងត្រូវការរៀនសូត្រ និងទទួលបទពិសោធន៍វិនិយោគជាមុនសិន។

លោកបន្តថា “បើនិយាយពីហានិភ័យ ទោះយើងធ្វើអ្វីក៏វាមានហានិភ័យដែរ ជាក់ស្ដែងបើសិនជាទុកដាក់ប្រាក់ នៅផ្ទះក៏មានហានិភ័យ ដាក់ធនាគារក៏មានហានិភ័យដែរ គ្រាន់តែដាក់នៅធនាគារមានហានិភ័យទាប តែបើសិនជាយើងមិនវិនិយោគអ្វីសោះ នោះហានិភ័យកាន់តែខ្ពស់ដែលនាំឱ្យសង្គមជាតិមានបញ្ហាដែរ”។

សម្រាប់វិស័យអចលនទ្រព្យនៅកម្ពុជានេះ ការវិនិយោគដែលពេញនិយមនាពេលបច្ចុប្បន្ននេះ គឺការអភិវឌ្ឍលំនៅឋានសម្រាប់ផ្គត់ផ្គង់ជូនអតិថិជន ដែលមានតម្រូវការជាក់ស្ដែង នៅក្នុងប្រទេសកម្ពុជានាពេលបច្ចុប្បន្ននេះ តម្រូវការលំនៅឋានលើទីផ្សារមានកាន់តែច្រើន។ ដូច្នេះហើយទើបមានអ្នកវិនិយោគក្នុង និងក្រៅស្រុកជាច្រើន បានបណ្ដាក់ទុនវិនិយោគលើលំនៅឋាន កាន់តែច្រើនទាំងនៅរាជធានីភ្នំពេញ និងនៅតាមបណ្ដាខេត្តនានា ។

លោកលី រស្មី រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានថ្លែងថា តម្រូវការលំនៅឋាននៅក្នុងប្រទេសកម្ពុជា នឹងកាន់តែមានច្រើនឡើងៗ ស្របនឹងប្រជាពលរដ្ឋកម្ពុជា ដែលរៀបការថ្មីៗនិងបែកពីគ្រួសារកាន់តែច្រើន។ ពួកគេទាំងនេះហើយដែលជាអតិថិជន នៃការស្វែងរកលំនៅឋានសម្រាប់ស្នាក់នៅ ។

លោកបន្តថា “យើងក្រលេកទៅមើលនៅរាជធានីភ្នំពេញ អ្នកជួលផ្ទះស្នាក់នៅមានច្រើនណាស់ ហើយនៅពេលពួកគេមានជីវភាព កាន់តែធូរឬនៅពេលពួកគេមានស្វាមី ភរិយា ពួកគេនឹងត្រូវការផ្ទះមួយសមរម្យ ដែលទាំងនេះហើយជាតម្រូវការ និងទាមទារឱ្យមានការវិនិយោគ លំនៅឋានកាន់តែច្រើនផងដែរ”៕