កំណាត់ផ្លូវក្រវ៉ាត់ក្រុងទី៣កំពុងសិក្សាបន្តដើម្បីសង់គ្រប់មួយជុំ ជាកំលាំងចលករជម្រុញការរីកចម្រើនតំបន់ប៉ែកខាងកើតភ្នំពេញ

ដោយៈ គង់ សូរិយា

ភ្នំពេញៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូនបានឲ្យដឹងថា ក្រុមមន្រ្តីបច្ចេកទេសកំពុងសិក្សាបច្ចេកទេស និងលក្ខខ័ណ្ឌនានា ដើម្បីសាងសង់ក្រវ៉ាត់ក្រុងទី៣បន្តនាពេលខាងមុខ។

អនុរដ្ឋលេខាធិការក្រសួងសាធារណៈការ និងដឹកជញ្ជូនលោកគង់ វិមានបានមានប្រសាសន៍ឲ្យដឹងកាលពីសប្តាហ៍មុនថា ការសិក្សាដើម្បីពង្រីកផ្លូវក្រវ៉ាត់ក្រុងទី៣បន្ត បាននិងកំពុងធ្វើឡើង ប៉ុន្តែនៅពេលសួរថាបញ្ចប់នាពេលណា និងសាងសង់នាពេលណា លោកមិនបញ្ជាក់ឲ្យដឹងលំអិតនៅឡើយទេ។

លោកបន្តថា “ការសាងសង់កំណាត់ផ្លូវក្រវ៉ាត់ក្រុងទី៣ប្រវែងជាង៥០គីឡូម៉ែត្រ បានបន្តឡើងវិញហើយ បន្ទាប់ពីរដូវភ្លៀងបានបញ្ចប់ ហើយការសិក្សាពីផែនការសាងសង់ផ្លូវនេះឲ្យបានមួយជុំកំពុងធ្វើឡើង”។

គំរោងផ្លូវក្រវ៉ាត់ក្រុងទី៣ ធ្លាប់ត្រូវបានលើកឡើងដោយលោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូន ដែលផ្លូវនេះនឹងមានការសាងសង់ស្ពានធំៗចំនួនពីរទៀត គឺស្ពានតភ្ជាប់តំបន់ក្តីតាកុយ និងអរិយក្សត្រ និងស្ពានតភ្ជាប់ពីតំបន់កោះដាច់ មកតាភ្ជាប់ជាមួយមហាវិថីឈ្នះ ឈ្នះ។

ទោះជាយ៉ាងណា ការសិក្សាពីគំរោងស្ពាននេះ មិនបានបង្ហាញពេលវេលាជាក់លាក់លើការសាងសង់នៅឡើយ។

មន្រ្តីជាន់ខ្ពស់ក្រសួងរៀបចំដែនដី នគរូបនីយកម្ម និងសំណង់មួយរូបបានលើកឡើង ក្នុងលក្ខខ័ណ្ឌមិនបញ្ចេញឈ្មោះថា គម្រោងផ្លូវក្រវ៉ាត់ក្រុងទី៣នេះ នឹងសាងសង់កាត់ទីក្រុងល្វាឯម ដែលសម្តេចតេជោហ៊ុន សែននាយករដ្ឋមន្រ្តីនៃកម្ពុជាបានប្រកាសឲ្យដឹងកាលពីពេលថ្មីៗនេះ។

ការកសាងផ្លូវក្រវ៉ាត់ក្រុងទី៣មួយជុំ នឹងមិនត្រឹមតែលើកកំពស់សេដ្ឋកិច្ច និងការអភិវឌ្ឍន៍នៅតំបន់ភាគខាងត្បូងនោះទេ ប៉ុន្តែវានឹងធ្វើឲ្យតំបន់ភាគខាងកើតរាជធានីភ្នំពេញ មានការរីកចម្រើនលឿនផងដែរ ខណៈតំបន់នេះកំពុងរង់ចាំតែវត្តមានស្ពានមួយខ្សែប៉ុណ្ណោះ។

ក្នុងអំឡុងពេលអញ្ជើញមកចូលរួមកិច្ចប្រជុំកំពូលអាស៊ាន កូរ៉េកាលពីពេលថ្មីៗនេះ លោកYoon Suk Yeolប្រធានាធិបតីកូរ៉េបានប្រាប់សម្តេចតេជោពីការគាំទ្ររបស់សាធារណៈរដ្ឋកូរ៉េ ដល់សម្តេចតេជោហ៊ុន សែននាយករដ្ឋមន្រ្តីនៃកម្ពុជា ពីការសាងសង់ស្ពានមិត្តភាពកម្ពុជា កូរ៉េនាពេលខាងមុខផងដែរ ដែលតាមផែនការស្ពាននេះ នឹងសាងសង់តភ្ជាប់ពីផ្សាររាត្រី ទៅកាន់តំបន់អរិយក្សត្រ។

លោកYoon Suk Yeolបានចាត់ទុកគំរោងនេះ ជាលំហនៃទំនាក់ទំនងមិត្តភាពកម្ពុជា កូរ៉េកាន់តែមានភាពធំធេង និងកាន់តែរ៉ឹងមាំថែមទៀត។

តំបន់អរិយក្សត្រ ស្ថិតក្នុងស្រុកល្វាឯម កំពុងមានការរីកចម្រើនខ្លាំង ដោយសារវត្តមានអ្នកវិនិយោគក្នុងស្រុក កាន់តែច្រើនបានសាងសង់បុរីនៅតំបន់នេះ ដូចជា បុរីវីឡាទួលសង្កែអរិយក្សត្រ បុរីចតុមុខ ផ្សារទំនើបបែបសហគមន៍AK Avenueដែលបាននិងកំពុងត្រៀមបើកដំណើរការ ពិសេសតំបន់7NG បាននិងកំពុងមានភាពរសរវើក ដោយរមណីយដ្ឋានកំសាន្តបែបចុងសប្តាហ៍ជាច្រើនបានលេចរូបរាងនៅតំបន់នេះ។

វត្តមានបុរី ផ្សារទំនើប បាននិងកំពុងទាក់ទាញចំណាប់អារម្មណ៍ប្រជាពលរដ្ឋជាច្រើនទៅរស់នៅតំបន់នេះ ខណៈដីនៅតំបន់នេះបានឡើងថ្លៃខ្ពស់រួចទៅហើយ បន្ទាប់ពីរដ្ឋាភិបាលប្រកាសសាងសង់ស្ពាន ទៅកាន់តំបន់នេះជាបន្តបន្ទាប់។

អ្នកស្រីអាន សុធីតាអគ្គនាយិកាក្រុមហ៊ុនPropNex Cambodiaបានមានប្រសាសន៍ថា ដោយសារទីតាំងភូមិសាស្រ្តអំណោយផល តំបន់អរិយក្សត្រកំពុងទាក់ទាញ ការវិនិយោគច្រើនលើសំណង់បុរី និងគំរោងមួយចំនួនទៀត ដោយសារតំបន់នេះមានមនុស្សរស់នៅច្រើន ហើយបើសិនជាមានស្ពានសាងសង់ភ្ជាប់ទៅតំបន់នេះ វានឹងធ្វើឲ្យតំបន់នេះមានការរីកចម្រើនកាន់តែខ្លាំង។

អ្នកស្រីបន្តថា “ទន្ទឹមនឹងនិន្នាការរីកចម្រើន និងផែនការសាងសង់ស្ពានបានធ្វើឲ្យដីតំបន់នេះឡើងតម្លៃកើលទីផ្សារផងដែរ”៕

តើការកំណត់អត្រាការប្រាក់ទិញផ្ទះដ៏ទាប អាចជួយក្រុងប៉េកាំងទាក់ទាញអ្នកទិញមកកាន់ទីផ្សារវិញដែរទេ?

ដោយៈ សុខុម

ប៉េកាំង: ប្រទេសចិន ពេលនេះកំពុងប្រឹងប្រែងយ៉ាងខ្លាំង ដើម្បីទាក់ទាញអ្នកទិញកាន់តែច្រើន ឱ្យត្រលប់មកកាន់ទីផ្សារលំនៅដ្ឋានវិញ និងដើ ម្បីពង្រឹងឡើងវិញនូវវិស័យអចលនទ្រព្យ ដែលជាសសរស្ដម្ភដ៏សំខាន់មួយ សម្រាប់ជំរុញកំណើនសេដ្ឋកិច្ចរបស់ខ្លួន តាមរយៈការដាក់ចេញវិធានការជាបន្តបន្ទាប់។

ក្នុងកាលៈទេសៈបែបនេះ អ្នកទិញទទួលបានអត្ថប្រយោជន៍ដ៏ធំមួយ នោះ គឺអត្រាការប្រាក់ជាមធ្យមសម្រាប់កម្ចីទិញផ្ទះ បានធ្លាក់ចុះទាបមិនធ្លាប់មានក្នុងពេល១៣ឆ្នាំ នៅក្នុងទីក្រុងប៉េកាំង ហើយប្រហែលជាអាចធ្លាក់ចុះទាបជាងនេះទៅទៀត នៅក្នុងទីក្រុងជាច្រើនទៀត។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃច័ន្ទ ទី២៨ ខែវិច្ឆិកា។

ផ្អែកតាមទិន្នន័យដែលប្រមូលចងក្រង ដោយវិទ្យាស្ថានស្រាវជ្រាវ Beike Research Institute បង្ហាញថា អត្រាការប្រាក់សម្រាប់កម្ចីទិញផ្ទះដំបូង ក្នុងទីក្រុងចំនួន១០០នៃប្រទេសចិន បានធ្លាក់ចុះពី៥,៧៤%ក្នុងខែកញ្ញា ឆ្នាំ២០២១ មកនៅត្រឹម៤,០៩%។

តួយ៉ាងដូចជា នៅទីក្រុងឈីងយ័ន (Qingyuan) នៃខេត្តគ័ងតុង (Guangdong) ភាគខាងត្បូង អត្រាការប្រាក់បានធ្លាក់ចុះទាប មកនៅត្រឹម៣,៧%។ ការធ្លាក់ចុះនេះធ្វើឱ្យអ្នកទិញផ្ទះ នៅក្នុងទីក្រុង Qingyuan ចំណេញ បានដល់ទៅ៤៩.០០០ដុល្លារអាមេរិក សម្រាប់កម្ចី១៤០.០០០ដុល្លារអាមេរិក រយៈពេល៣០ឆ្នាំ។

ធនាគារប្រជាជនចិន (PBOC) ដែលជាធនាគារកណ្ដាល និងគណៈកម្មាធិការនិយ័តកម្មធនាគារ និងធានារ៉ាប់រងចិន (CBIRC) កាលពីដើមខែនេះ បានដាក់ចេញផែនការនានាដើម្បីធានាបាននូវ “ការអភិវឌ្ឍន៍ប្រកបដោយស្ថិរភាព និងភាពរឹងមាំ” សម្រាប់វិស័យអចលនទ្រព្យ ស្របពេលវិស័យនេះកំពុងដាំក្បាលចុះ។

ការដាក់ចេញវិធានការទាំងនោះ រួមមាន ទាំងគោលនយោបាយ១៦ចំណុច ដើម្បីបន្ធូរវិបត្តិសាច់ប្រាក់ធ្ងន់ធ្ងរ ដែលបណ្ដាក្រុមហ៊ុនអភិវឌ្ឍន៍អចលនទ្រព្យឯកជនកំពុងជួបប្រទះ និងការបន្ទាបការបង់ប្រាក់ដើម ឬ Down Payment ឱ្យមកនៅតិចជាងមុនសម្រាប់ការទិញផ្ទះផងដែរ។

ចំណាត់ការចុងក្រោយនេះ គឺជាការជំរុញគោលនយោបាយដ៏ធំបំផុតមិនធ្លាប់មាន សម្រាប់វិស័យអចលនទ្រព្យ ចាប់តាំងពីធនាគារកណ្ដាលចិន បានបញ្ចុះអត្រាការប្រាក់លើកចុងក្រោយ សម្រាប់កម្ចីរយៈពេល៥ឆ្នាំមកនៅត្រឹមតែ៤,៣%កាលពីខែសីហា។

ការបញ្ចុះអត្រាការប្រាក់នេះ បានជួយឱ្យអត្រាការប្រាក់កម្ចីទិញផ្ទះជាមធ្យមទូទាំងប្រទេស ដែលកំណត់ដោយបណ្ដាធនាគារពាណិជ្ជ ធ្លាក់ចុះមកនៅត្រឹម៤,៣៤% ដែលថោកបំផុត ចាប់តាំងពីធនាគារកណ្ដាលចិន បានចាប់ផ្ដើមចេញផ្សាយទិន្នន័យក្នុងឆ្នាំ២០០៩ មក។

យោងតាមទិន្នន័យដែលប្រមូលចងក្រង ដោយប្រព័ន្ធសន្ទស្សន៍អចលនទ្រព្យចិន (CREIS)បានបង្ហាញថា ការលក់នៅក្រុមហ៊ុនអភិវឌ្ឍន៍អចលនទ្រព្យកំពូលៗ ចំនួន១០០នៃប្រទេសចិន បានដាំក្បាលចុះដល់ទៅ៤៣,៤% ក្នុងរយៈពេល១០ខែដើមឆ្នាំ២០២២ មកនៅត្រឹមជាង៨៥១ពាន់លានដុល្លារអាមេរិក។

ដោយសារតែបែបនេះ រដ្ឋាភិបាលថ្នាក់មូលដ្ឋាន កំពុងប្រើប្រាស់យុទ្ធសាស្ត្រជាក់លាក់ចំនួន ដើម្បីជំរុញវិស័យនេះ។ ប៉ុន្តែទន្ទឹមនេះ មានការចោទជាសំណួរថា តើអត្រាការប្រាក់កម្ចីទិញផ្ទះដ៏ទាបបំផុត មិនធ្លាប់មានអាចជួយក្រុងប៉េកាំង ទាក់ទាញអ្នកទិញមកកាន់ទីផ្សារវិញបានដែរឬទេ?។

ជាការឆ្លើយតបទៅនឹងសំណួរនេះ ក្រុមអ្នកសង្កេតស្ថានការណ៍ទីផ្សារជឿថា គោលនយោបាយទាំងអស់នេះគឺ “ត្រូវការពេលវេលា”ដើម្បីបញ្ចេញប្រសិទ្ធភាព ឬមានន័យថា ការស្ទុះងើបឡើងវិញនៃទីផ្សារអចលនទ្រព្យចិន ត្រូវការពេលវេលាសន្សឹមៗ៕ South China Morning Post៕

ការទិញធានារ៉ាប់រងក្នុងវិស័យអចលនទ្រព្យមានកម្រិតតិចតួចនៅឡើយ

ដោយៈ វឌ្ឍនៈ

ភ្នំពេញៈ វិស័យធានារ៉ាប់រងអាយុជីវិត ក្នុងវិស័យអចលនទ្រព្យត្រូវបានមើលឃើញថា នៅមានកម្រិតតិចតួចនៅឡើយ ធៀបនឹងការធានារ៉ាប់រងក្នុងវិស័យផ្សេងទៀត។

អគ្គនាយករងនៃក្រុមហ៊ុនធានារ៉ាប់រង ទីតាន ស្តូន ឡាយអ៊ីនសួរេន លោក ហង្ស សុចិត្រ បានមានប្រសាសន៍ក្នុងកិច្ចសម្ភាសន៍ជាមួយ Propertyarea នៅព្រឹកថ្ងៃទី២៩ វិច្ឆិកា ២០២២ថា វិស័យធានារ៉ាប់រងអាយុជីវិតក្នុងប្រទេសកម្ពុជា បើធៀបនឹងប្រទេសដទៃទៀតឃើញថា កម្ពុជានៅមានកម្រិតតិចតួចនៅឡើយ ហើយបើនិយាយពីការធានារ៉ាប់រងអាយុជីវិត ក្នុងវិស័យអចលនទ្រព្យ ពោលគឺមានន័យថាការទិញអចលនទ្រព្យហើយមានការធានាទៅលើអាយុជីវិត រឹតតែមានតិចតួចទៅទៀត ។

លោកបន្តថា “អតិថិជនដែលទិញអចលនទ្រព្យ គួរតែគិតពីបញ្ហានេះ ទើបវាមិនមានហានិភ័យ ឬបាត់បង់អចលនទ្រព្យ បើទោះបីជាការទិញអចលនទ្រព្យនោះ បាត់បង់លទ្ធភាពទាំងស្រុង ក្នុងការបន្តបង់ជាមួយក្រុមហ៊ុនលក់អចលនទ្រព្យនោះក៏ដោយ”។

លោកបានលើកជាឧទាហរណ៍ថា នៅពេលយើងទិញអចលនទ្រព្យមួយហើយសុខៗ ស្រាប់តែយើងបាត់បង់ដោយប្រការណាមួយ ក្រុមគ្រួសាររបស់យើង ក៏នៅតែមានសិទ្ធិកាន់កាប់អចលនទ្រព្យ ឬក៏ទទួលបានទឹកប្រាក់មួយកញ្ចប់ពីក្រុមហ៊ុនធានារ៉ាប់រងដែរ។ វាមិនខុសពីករណីដែលយើងបានយកកម្ចីពីធនាគារ ឬមីក្រូហិរញ្ញវត្ថុនោះទេ គឺយើងបានទទួលការធានារ៉ាប់រួចស្រេចទៅហើយ បើសិនជាបាត់បង់ សមាជិកគ្រួសារក៏មិនត្រូវរ៉ាប់រងលើកម្ចីនោះដែរ ។

លោកបន្ថែមថា ដើម្បីឱ្យប្រជាពលរដ្ឋ ដែលមានបំណងទិញអចលនទ្រព្យ ឬកាន់កាប់អចលនទ្រព្យ បានយល់ច្បាស់ពីការធានារ៉ាប់រងអាយុជីវិត យើងបានសហការជាមួយក្រុមហ៊ុន លក់អចលនទ្រព្យមួយចំនួន ហើយកិច្ចសហការនេះ នឹងនាំមកនូវផលចំណេញទាំងសងខាង ទាំងអតិថិជនទិញអចលនទ្រព្យ ទាំងក្រុមហ៊ុនលក់អចលនទ្រព្យ និងក្រុមហ៊ុនធានារ៉ាប់រងផងដែរ ។

ជាមួយគ្នានេះ លោកកាំង នីន អគ្គនាយកក្រុមហ៊ុនGC Realty និងជាក្រុមហ៊ុនអចលនទ្រព្យមួយ បានសហការជាមួយក្រុមហ៊ុនធានារ៉ាប់រងអាយុជីវិត ក៏បានឱ្យដឹងថាកិច្ចសហការ ជាមួយក្រុមហ៊ុនធានរ៉ាប់រងអាយុជីវិតគឺ ដើម្បីផ្តល់ទំនុកចិត្ត និងការការពារដល់អតិថិជនខ្លួន ក្នុងការការទិញ ឬវិនិយោគលើអចលនទ្រព្យ។

លោកបន្តថា “វាក៏អាចជួយលើកស្ទួយវិស័យអចលនទ្រព្យ និងវិស័យធានារ៉ាប់រងអោយកាន់តែប្រសើឡើងផងដែរ ដែលនេះជាកត្តាសំខាន់មួយ ដើម្បីផ្តល់ទំនុកចិត្តដល់វិនិយោគិន ក្នុងនិងក្រៅប្រទេសមកលើក្រុមហ៊ុនយើងទាំងពីរ”៕

គម្រោងធំៗចំនួនពីរកំពុងជំរុញទីផ្សារដីធ្លីខេត្តព្រៃវែងឱ្យមាន កំណើនតម្លៃខ្ពស់

ដោយៈ សុផារី

ភ្នំពេញៈ គម្រោងជាផ្លូវការរបស់រាជរដ្ឋាភិបាលកម្ពុជាចំនួនពីរ គឺគម្រោងបង្កើតក្រុងល្វាឯម និងគម្រោងផ្លូវល្បឿនលឿនភ្នំពេញ បាវិតកំពុងជួយជំរុញឱ្យមានចរន្តការទិញលក់ដីធ្លី នៅក្នុងខេត្តព្រៃវែង ដែលមានធ្វើឱ្យមានការស្ទុះងើបឡើងវិញ នៃទីផ្សារដីធ្លីនៅក្នុងខេត្តមួយនេះ។

លោកម៉ៅ មុនីរតនា ប្រធានសាខាក្រុមហ៊ុន Century 21 Zillion Holding ប្រចាំខេត្តព្រៃវែង បានមានប្រសាសន៍ប្រាប់ Property Area Asia នៅថ្ងៃទី២៩ ខែវិច្ឆិកា ឆ្នាំ២០២២ថា គម្រោងផ្លូវល្បឿនលឿនភ្នំពេញបាវិត នឹងជំរុញឱ្យការធ្វើដំណើរដឹកជញ្ជូនពីភ្នំពេញ ព្រៃវែង និងបាវិត នឹងកាន់តែលឿនជាងមុន ហើយនាំមកនូវការវិនិយោគ លើឃ្លាំងឧស្សាហកម្មកាន់តែច្រើន មកកាន់តំបន់តាមច្រកចេញ នៃផ្លូវល្បឿនលឿនមួយនេះ។ ក្រៅពីនេះ ក៏បានធ្វើឱ្យសកម្មភាពអាជីវកម្មផ្សេងៗ ក៏ចាប់ផ្តើមមានការសាងសង់ ជាអាទិ៍ ភោជនីយដ្ឋាន ស្ថានីយប្រេងសាំង ហាងលក់ទំនិញ ជាដើម។

ចំណែកគម្រោងបង្កើតក្រុងល្វាឯម ក៏បានធ្វើឱ្យតំបន់ខ្លះនៃខេត្តព្រៃវែងទទួលបានផលប្រយោជន៍ផងដែរ ដោយសារក្រុងល្វាឯមមានទីតាំងនៅជិតខេត្តព្រៃវែង និងមិនមានចម្ងាយឆ្ងាយពីក្រុងភ្នំពេញឡើយ។

យោងតាមលោកមុនីរតនា បានឱ្យដឹងថា “មានអ្នកវិនិយោគមកស្វែងរកដីធ្លីច្រើន សម្រាប់ការគម្រោងសាងសង់ និងអភិវឌ្ឍន៍ជាទីតាំងអាជីវកម្មនានា”។

ជាមួយគ្នានេះ លោក ជា វិចិត្ត្រា អគ្គនាយកក្រុមហ៊ុនព្រៃវែង ប្រផឹធី អ៊ិនវេសម៉ិន ឯ.ក បានមានប្រសាសន៍ប្រាប់ Property Area Asia នៅថ្ងៃដដែលថា គម្រោងអភិវឌ្ឍន៍នេះ ក៏មានឥទ្ធិពលមួយផ្នែកដល់ទីផ្សារអចលនទ្រព្យនៃខេត្ពព្រៃវែងផងដែរ ដោយសារផ្លូវមួយនេះ ក៏ឆ្លងកាត់ខេត្តព្រៃវែង ដែលអាចមានក្តីសង្ឃឹមដល់ទីផ្សារក្នុងខេត្ត និងជំរុញឱ្យមានកំណើនការទិញលក់អចលនទ្រព្យកើនឡើង។

លោកបញ្ជាក់ថា “ក្តីសង្ឃឹមត្រង់ច្រកចេញ ដោយសារផ្លូវនេះចេញពីភ្នំពេញ មកព្រៃវែង ហើយចេញទៅកាន់ក្រុងបាវិត។ យើងអាចព្យាករណ៍នឹងមានការរីកចម្រើន លើការទិញលក់អចលនទ្រព្យក្នុងខេត្តផងដែរ ប្រសិនបើគម្រោងនេះសាងសង់រួច”។

គម្រោងបង្កើតក្រុងល្វាឯម ត្រូវបានប្រកាសដោយសម្តេចតេជោកាលពីពេលថ្មីៗនេះថា ស្រុកល្វាឯមនឹងក្លាយជាក្រុងថ្មីមួយទៀត នៅក្រោមចំណុះនៃរដ្ឋបាលខេត្តកណ្តាល និងជាទីក្រុងទំនើបសម័យថ្មីមួយ ដែលមានការអភិវឌ្ឍលើគ្រប់វិស័យ ហើយអាចទាក់ទាញបាននូវលំហូរវិនិយោគពីក្នុងស្រុក និងក្រៅស្រុកចូលមកបណ្តាក់ទុនក្នុងខេត្តកណ្តាល។

ចំណែក គម្រោងផ្លូវល្បឿនលឿនភ្នំពេញ បាវិតត្រូវបានឯកភាពជាផ្លូវការ ដោយរាជរដ្ឋាភិបាលកម្ពុជា និងចិន។ រហូតមកទល់ពេលនេះ គណៈកម្មការអន្តរក្រសួង កំពុងត្រូវបានពិនិត្យពិភាក្សា លើបញ្ហាបច្ចេកទេស ហើយគ្រោងនឹងឈានទៅបើកការដ្ឋានសាងសង់ នៅពាក់កណ្តាលឆ្នាំ២០២៣ខាងមុខនេះ៕

អ្នកធុរកិច្ចអន្តរជាតិមើលឃើញសក្តានុពលកម្ពុជាក្នុងការទាក់ទាញគំរោងវិនិយោគលើថាមពលកកើតឡើងវិញ

ដោយៈ គង់ ម៉ាលីនណា

ភ្នំពេញៈ អ្នកធុរកិច្ចអន្តរជាតិ ក្នុងវិស័យថាមពលកកើតឡើងវិញ បានជួបវិភាក្សាគ្នាពីឱកាសថ្មីៗ និងសក្តានុពលក្នុងការវិយោគ ទៅលើថាមពលកកើតឡើងវិញ ដើម្បីជំរុញការអភិវឌ្ឍថាមពលស្អាត ជាមួយរាជរដ្ឋាភិបាលកម្ពុជា។

លោក Gregory Thomassin ប្រធានគម្រោងហិរញ្ញនៃក្រុមហ៊ុន Total eren ដែលជាក្រុមហ៊ុនវិនិយោគទៅថាមពលបៃតង ឬថាមពលពន្លឺព្រះអាទិត្យបានលើកឡើងថា បច្ចុប្បន្ននេះ Total eren កំពុងមានការវិនិយោគថាមពលកកើតឡើងវិញ ប្រមាណ៤ជីហ្កាវ៉ាត់នៅជុំវិញពិភពលោក ខណៈខ្លួន កំពុងសម្លឹងរកមើលការពង្រីក លើការវិនិយោគថាមពលកកើតឡើងវិញនៅកម្ពុជា ឱ្យបានកាន់តែច្រើនថែមទៀត បន្ទាប់ពីក្រុមហ៊ុននេះ បានវិនិយោគលើឧទ្យាន ថាមពលពន្លឺព្រះអាទិត្យមួយ នៅខេត្តបាត់ដំបង ក្នុងទំហំ៧៤មេហ្គាវ៉ាត់ លើទំហំដី៦០ហិកតា ដើម្បីចូលរួមផ្គត់ផ្គង់ថាមពលស្អាត ទៅក្នុងទីផ្សារថាមពលកកើតឡើងវិញ ក្នុងប្រទេសកម្ពុជា។

លោកបន្តថា “កម្ពុជាជាប្រទេស ដែលមានសក្តានុពលខ្លាំង លើការវិនិយោគថាមពលកកើតឡើងវិញ ជាពិសេសទៅលើឧទ្យានសូឡា ដែលនៅពេលខាងមុខលោករំពឹងថា ក្រុមហ៊ុននេះនឹងបន្តពង្រីកការផលិត និងវិនិយោគទៅថាមពលពន្លឺព្រះអាទិត្យបន្ថែមទៀត”។

តាមការបំផុសរបស់ធនាគាអភិវឌ្ឍន៍អាស៊ី(ADB) ចង់ឱ្យអ្នកវិនិយោគសម្លឹងនៅប៉ែកខាងត្បូងនៃប្រទេស ប៉ុន្តែយ៉ាងណាលោកសម្លឹងឃើញថា ប្រទេសកម្ពុជា មានសក្តានុពលក្នុងការវិនិយោគ ទៅលើថាមពលសូឡានេះ នៅទូទាំងប្រទេសតែម្តង។

លោកបន្ថែមថា “Total eren នឹងអាចចូលក្នុងការអភិវឌ្ឍវិស័យនេះ ជាមួយរាជរដ្ឋាភិបាល ដែលនៅពេលខាងមុន ក្រុមហ៊ុននឹងចូលរួមជាមួយអគ្គិសនីកម្ពុជា ស្របពេលដែលក្រុមហ៊ុន Total eren មានបច្ចេកទេស និងធនធានគ្រប់គ្រាន់ ដើម្បីអភិវឌ្ឍន៍វិស័យនេះ”។

រដ្ឋមន្រ្តីប្រតិភូអមនាយករដ្ឋមន្រ្តី លោក កែវ រតនៈ អគ្គនាយកអគ្គិសនីកម្ពុជាបានថ្លែងថា ក្នុងការគាំទ្រនូវគម្រោង និងឱកាសថ្មីៗ ដើម្បីបង្កើនថាមពលកកើតឡើងវិញជាអតិបរមា ចូលទៅក្នុងបណ្តាញថាមពលអគ្គិសនី គឺនៅមានការងារជាច្រើនត្រូវធ្វើ ដូចជា ការធ្វើឱ្យប្រសើរឡើង នូវបណ្តាញបញ្ជូនឱ្យកាន់តែមានប្រសិទ្ធភាព ការប្រើប្រាស់បច្ចេកវិទ្យាទំនើប និងការផ្តល់នូវថាមពលកកើតឡើងវិញ កាន់តែច្រើន ក្នុងតម្លៃសមរម្យ និងស្ថិរភាព។

លោកបន្តថា សម្រាប់ការប្រើប្រាស់ថាមពលកកើតឡើងវិញ ក្នុងប្រទេសកម្ពុជា តួលេខនឹងត្រូវបានអភិវឌ្ឍន៍ជាបន្តបន្ទាប់ ក្នុងនោះយើងតាមបានតភ្ជាប់ក្នុងចំនួន ដល់ខ្នងផ្ទះដែលកើនឡើងពី១៧% រហូតដល់ជិត ១៩%។ ចំពោះការតភ្ជាប់បណ្តាញអគ្គិសនីវិញ គឺបានចំនួន៩៩% ស្ទើរតែទូទាំងតំបន់។

នៅពេលដែលគោលដៅ COP 26 ជំរុញឱ្យប្រទេសកាន់តែច្រើនឆ្ពោះ ទៅរកថាមពលកកើតឡើងវិញ កម្ពុជាបានរកឃើញខ្លួនឯង នៅកន្លែងត្រឹមត្រូវ នៅពេលវេលាត្រឹមត្រូវ សម្រាប់ការផ្លាស់ប្តូរថាមពល ហើយនឹងសម្រេចឲ្យបាននូវគោលដៅ កាត់បន្ថយការបំភាយឧស្ម័នផ្ទះកញ្ចក់ ឱ្យដល់កម្រិតសូន្យតាមដែលអាចធ្វើទៅបាន នៅឆ្នាំ២០៥០ ដោយការអភិវឌ្ឍវារីអគ្គិសនី ជម្រុញការប្រើប្រាស់ថាមពលពន្លឺព្រះអាទិត្យ និងថាមពលកកើតឡើងវិញ៕

មន្រ្តីជាន់ខ្ពស់ព្យាករណ៍ថា សេដ្ឋកិច្ចកម្ពុជាឆ្នាំ២០២៣នឹងសម្រេចបានកំណើន៦,៦ភាគរយនៅឆ្នាំ២០២៣

ដោយ: លាងហួរ

ភ្នំពេញ: ឧបនាយករដ្ឋមន្រ្តីអូន ព័ន្ឋមុនីរ័ត្នរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុបានព្យាករណ៍ថា សេដ្ឋកិច្ចកម្ពុជានឹងសម្រេចបានកំនើន៦,៦ភាគរយនៅឆ្នាំ២០២៣ ខណៈឆ្នាំនេះរំពឹងថា នឹងសម្រេចបានកំនើន៥,៤ភាគរយ។

លោកបានមានប្រសាសន៍បែបនេះ នៅក្នុងរដ្ឋសភាកម្ពុជាកាលពីថ្ងៃអង្គារទី២៩ ខែវិច្ឆិកា ទីដែលលោកបានឡើងការពារសេចក្តីព្រាងច្បាប់ថវិកាឆ្នាំ២០២៣ ដែលរដ្ឋាភិបាលត្រូវចំណាយ រហូតដល់ចំនួន៩,៦៤ពាន់លានដុល្លារអាមេរិក សម្រាប់ការចំណាយរបស់រដ្ឋាភិបាលក្នុងឆ្នាំ២០២៣ ពោលគឺកើនឡើង១៣ភាគរយពីប្រមាណ៨,៥ ពាន់លានដុល្លារក្នុងឆ្នាំ២០២២នេះ។

សមាជិកសភាចំនួន៨៩រូប ដែលមានវត្តមាននៅក្នុងសម័យប្រជុំសភា បានអនុម័តជាឯកច្ឆ័ន្ទលើសេចក្តីព្រាងច្បាប់នេះ។

លោកបញ្ជាក់ថា “ថវិកានេះមានចំនួនស្មើនឹង២៩,៨៧ភាគរយ នៃផលិតផលក្នុងស្រុកសរុប(GDP)របស់កម្ពុជា”។ លោកបន្តថា “ថវិកាដែលបានស្នើឡើងនេះ គឺត្រូវធានាជោគជ័យនៃការបោះឆ្នោតសកល និងការរៀបចំប្រកួតកីឡាស៊ីហ្គេមលើកទី៣២ នៅក្នុងឆ្នាំ២០២៣ខាងមុខដែលកម្ពុជានឹងធ្វើជាម្ចាស់ផ្ទះ”។

យោងតាមសេចក្តីព្រាងច្បាប់ថវិកាបានឱ្យដឹងថា ដើម្បីឆ្លើយតបនឹងការចំណាយ រដ្ឋាភិបាលត្រូវបានគេរំពឹងថា នឹងបង្កើតប្រាក់ចំណូលសរុបបានចំនួន៧,២១ពាន់លានដុល្លារនៅឆ្នាំក្រោយ ពោលគឺកើនឡើង១៤,៥ភាគរយធៀបនឹងឆ្នាំ២០២២នេះ។

រដ្ឋាភិបាលក៏មានគម្រោងខ្ចី ប្រាក់បន្ថែមចំនួន១,៧ពាន់លានSDR សិទ្ធិដកប្រាក់ពិសេស (Special Drawing Rights) ឬស្មើជិត២,២ពាន់លានដុល្លារពីបណ្តាប្រទេសជាមិត្ត និងដៃគូអភិវឌ្ឍន៍ នានា។លើសពីនេះ រដ្ឋាភិបាលគ្រោងបង្កើនថវិកាបន្ថែមទៀត ពីការបោះផ្សាយមូលបត្របំណុលរបស់ខ្លួន។

លោកឈាង វុន ប្រធានគណៈកម្មាធិការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា បានមានប្រសាសន៍ថា ថវិកានៅឆ្នាំក្រោយនេះ នឹងត្រូវចំណាយលើការគ្រប់គ្រងទូទៅ វិស័យសុខភាពសាធារណៈ វិស័យអប់រំ វិស័យជំរុញសេដ្ឋកិច្ច វិស័យសង្គមកិច្ច វិស័យការពារជាតិ វិស័យសន្តិសុខ សណ្តាប់ធ្នាប់សាធារណៈនិងវិស័យផ្សេងទៀត។

សេចក្តីព្រាងច្បាប់នេះ នឹងត្រូវពិនិត្យជាចុងក្រោយ ដោយព្រឹទ្ធសភារបស់ប្រទេសកម្ពុជា មុននឹងថ្វាយទៅដល់ព្រះមហាក្សត្រដើម្បីអនុម័ត៕

ប្រធានក្រុមស្ថាបត្យករពន្យល់ពីមូលហេតុនៃភាពយឺតយ៉ាវក្នុងការសាងសង់អាគារពាណិជ្ជកម្មភ្លោះថៃ ប៊ុនរ៉ុង

ដោយៈ ជេស៊ីកា

ភ្នំពេញៈ ទន្ទឹមនឹងការរង់ចាំរបស់សាធារណៈជន ដែលចង់ឃើញអាគារភ្លោះកប់ពពកកំពស់៥៦៨ម៉ែត្រសាងសង់ ប៉ុន្តែអ្វីៗហាក់ស្ថិតក្នុងមន្ទិល លោកសាស្រ្តាចារ្យទួស សាភឿនបានអះអាងថា ក្រុមហ៊ុននៅតែបន្តនិរន្តរភាពអាគារនេះ ដោយក្រុមហ៊ុននឹងមិនបោះបង់ចោលឡើយ។

លោកសាស្រ្តាចារ្យទួស សាភឿន ជាប្រធានក្រុមស្ថាបត្យករគូរប្លង់មជ្ឈមណ្ឌលពាណិជ្ជកម្ម លំដាបើពិភពលោករបស់ក្រុមហ៊ុនថៃ ប៊ុនរ៉ុងបានមានប្រសាសន៍ឲ្យដឹងតាមប្រព័ន្ឋតេលេក្រាម កាលពីល្ងាចថ្ងៃទី២៩ វិច្ឆិកាថា ដូចសាធារណៈជនទាំងអស់គ្នាបានឃើញ អ្វីដែលបានកើតមានលើពិភពលោក គឺវិបត្តិជំងឺកូវីដ១៩ និងវិបត្តិសង្រ្គាមរុស្ស៊ី ឈ្លានពានអ៊ុយក្រែន បានធ្វើឲ្យមានវិបត្តិសេដ្ឋកិច្ច និងធ្វើឲ្យប៉ះពាល់ដល់ទុនរបស់ក្រុមហ៊ុនជាដៃគូ ។

លោកបន្តថា “ទោះជាការដ្ឋានមិនដំណើរការ ប៉ុន្តែយើងបានសកម្មភាពមួយចំនួនដូចជាការជីកជញ្ជាំងទប់ដី ការខួងដីយកទៅពិសោធន៍ជាដើម ហេតុនេះយើងនៅតែបន្តធ្វើ យើងមិនបោះបង់គំរោងនេះ ដូចការលើកឡើងរបស់្នកមួយចំនួនទេ”។ លោកបន្តថា “គំរោងខ្លះត្រូវចំណាយពេល១០ឆ្នាំទម្រាំសាងសង់ទើបចប់ ប៉ុន្តែយើងទើបបានចំណាយពេល៣ឆ្នាំ ក៏វិបត្តិជំងឺកូវីដមកដល់”។

លោកសាស្រ្តាចារ្យទួស សាភឿនបានបន្តថា វិបត្តិជំងឺកូវីដ១៩បានធ្វើឲ្យប៉ះពាល់ដល់អ្នកវិនិយោគធំ ជាក្រុមហ៊ុនដែលត្រូវសហការជាមួយក្រុមហ៊ុនថៃ ប៊ុនរ៉ុង ជាហេតុធ្វើឲ្យមានការពិបាកក្នុងការប្រមូលទុន ដើម្បីសាងសង់គំរោងនេះ ប៉ុន្តែជាឆន្ទៈ គឺអ្នកឧកញ៉ា(អ្នកឧកញ៉ាខូវ សម្បត្តិ) មិនបោះបង់គម្រោងនេះចោលនោះទេ។

លោកគូសបញ្ជាក់ម្តងហើយម្តងទៀតថា “យើងរង់ចាំ យើងមិនបោះបង់គំរោងនេះទេ នៅពេលណាពេលវេលាល្អមកដល់ យើងនឹងចាប់ផ្តើមគំរោងនេះឡើងវិញ”។ លោកបន្ថែមថា “យើងបានត្រៀមក្រុមការងារ ក្រុមអ្នកបច្ចេកទេសដើម្បីសាងសង់គំរោងនេះ និងបានជីកជញ្ជាំងទប់ដិរហូតដល់ជម្រៅ៣៨ម៉ែត្រ”។

លោកសាស្រ្តាចារ្យទួស សាភឿនបានបន្តថា មានមនុស្សមួយចំនួនបានយល់ថា គំរោងនេះទៅមុខមិនរួចទេ តាមពិតមិនដូច្នេះទេ អ្វីសំខាន់គឺស្ថិតនៅលើទីផ្សារ ព្រោះបើសេដ្ឋកិច្ចមានការលំបាកអញ្ចឹង សាធារណៈជនអាចពិចារណា។

លោកបានលើកជាឧទាហរណ៍ថា ជាក់ស្តែងគំរោងជាច្រើននៅក្រុងព្រះសីហនុ គំរោងតូចៗមួយចំនួននៅជុំវិញគំរោងនេះ ក៏ជួបការលំបាក ចុះទម្រាំគំរោងធំបែបនេះ (គំរោងថៃ ប៊ុនរ៉ុងធ្វីនថោវើ) គឺសាធារណៈជនអាចពិចារណាទាំងអស់គ្នា។

លោកបន្ថែមថា “យ៉ាងណាក៏ដោយ ម្ចាស់គម្រោងនៅតែដំណើរការ ដោយរង់ចាំឱកាស សមស្រេបណាមួយនឹងចាប់ផ្តើមសាងសង់ ព្រោះយើងមិនបោះបង់គំរោងនេះទេ គំរោងនេះនៅតែបន្តនិរន្តរភាពរបស់ខ្លួន”៕

ក្រុមហ៊ុនទ្រី ភាពកំពុងពន្លឿនការអភិវឌ្ឍន៍រមណីយដ្ឋានលំដាប់ ខ្ពស់នៅកោះទន្សាយ

ដោយៈ គង់ សូរិយា

ខេត្តកែបៈ បន្ទាប់ពីទទួលបានអាជ្ញាប័ណ្ណផ្លូវការពីរដ្ឋាភិបាល ក្រុមហ៊ុនទ្រីភាពគ្រុបបាន និងកំពុងពន្លឿនកាតសាងសង់ រមណីយដ្ឋានកោះទន្សាយ ដែលជាកោះល្បីល្បាញជាងគេក្នុងខេត្តកែប។

អភិបាលនៃគណៈអភិបាលខេត្តកែប លោកសោម ពិសិដ្ឋបានមានប្រសាសន៍ឲ្យដឹងតាមបណ្តាញតេឡេក្រាមនាព្រឹកថ្ងៃទី២៩ វិច្ឆិកាថា ក្រុមហ៊ុនកោះទន្សាយ អ៉ិនវិសម៉ិន ដែលជាបុត្រសម្ព័ន្ឋរបស់ក្រុមហ៊ុនទ្រីភាពគ្រុប បាននិងកំពុងពង្រីកល្បឿន សាងសង់ហេដ្ឋារចនាសម្ព័ន្ឋនានា ដើម្បីប្រែក្លាយកោះនេះជាតំបន់វិស្សមកាលកម្រិតខ្ពស់។

លោកបន្តថា តាមគំរោងក្រុមហ៊ុននេះ គ្រោងសាងសង់សណ្ឋាគារលំដាប់ផ្កាយ៥ ទីលានវាយកូនហ្គោល រមណីយដ្ឋានកែច្នៃ អាហារដ្ឋាន ភោជនីយដ្ឋានលំដាប់ខ្ពស់ និងសេវាកម្មកំសាន្តជាច្រើនទៀត។

ជាមួយគ្នានេះ ក្រុមហ៊ុនទ្រី ភាពក៏ទទួលបានសិទ្ឋពីរដ្ឋាភិបាល ដើម្បីវិនិយោគកោះត្បាល់ ដែលមានទំហំផ្ទៃដីប្រមាណ២០ហិកតាផងដែរ។

កោះទន្សាយមានទំហំផ្ទៃដីសរុប ១៤០ហិកតា ដែលផ្នែកខ្លះនៃកោះនេះមិនត្រូវបានអនុញ្ញាត្តឲ្យវិនិយោគទេ ព្រោះវាជាតំបន់ព្រៃធម្មជាតិ ដែលត្រូវការពារ។

លោកសោម ពិសិដ្ឋបានបន្តថា “ក្រុមហ៊ុនទ្រី ភាពនឹងអភិវឌ្ឍន៍ផ្នែកម្ខាងនៃកោះទន្សាយ ពោលគឺមិនអភិវឌ្ឍន៍៍ទាំងអស់ទេ ដោយសហគមន៍៍ទេសចរណ៍ ដែលមានបច្ចុប្បន្ននេះមិនរងផលប៉ះពាល់ឡើយ ព្រោះប្រជាសហគមន៍នៅលើកោះនេះ ជាប្រជាជនចាស់ ប៉ុន្តែពួកគេរស់នៅលើដីឯកជនរបស់រដ្ឋ”។

លោកបានបន្តថា នៅផ្នែកម្ខាងនៃកោះ នឹងមានការរៀបចំឆ្នេរឡើងវិញ ពីសំណាក់ក្រុមហ៊ុននេះ ព្រោះឆ្នេរលើកោះភាពច្រើនសម្បូរ ដោយថ្មរដិបរដុប៕

អបអរសាទរៈ ក្បាច់គុនល្បុកតោកម្ពុជាបានចូលជាសម្បត្តិបេតិកភ័ណ្ឌអរូបិយរបស់មនុស្សជាតិហើយ

ដោយៈ គង់ សូរិយា

ម៉ារ៉ុកៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានបង្ហោះសារជូនដំណឹងរបស់លោកជំទាវភឿណ សកុណា រដ្ឋមន្រ្តីក្រសួងវប្បធ៌មនិងវិចិត្រសិល្បៈ ពីការដែលអង្គការយូណេស្កូ សម្រេចបញ្ចូលក្បាច់គុនល្បុកតោ ជាសម្បត្តិបេតិកភ័ណ្ឌវប្បធ៌មអរូបិយ។

តាមសារដែលសម្តេចបង្ហាញលើបណ្តាញទំនាក់ទំនងសង្គមរបស់សម្តេចនាយប់ថ្ងៃទី២៩ វិច្ឆិកានេះបានបង្ហាញថា នាងខ្ញុំសូមគោរពជម្រាបជូនសម្តេចមេត្តាជ្រាបថា ក្នុងកិច្ចប្រជុំលើកទី១៧ គណកម្មាការអន្តររដ្ឋាភិបាលដើម្បីការការពារបេតិកណ្ឌអរូបី នៃអង្គការយូណេស្កូ បានគោះញញួរសម្រេចចុះបញ្ជី បេតិកភណ្ឌអរូបីនៃមនុស្សជាតិ “គុនល្បុកតោ” នៅថ្ងៃទី ២៩ ខែ វិច្ឆិកាឆ្នាំ ២០២២ វេលាម៉ោង ១៦:៣១នាទីម៉ោងនៅទីក្រុង រ៉ាបាត ប្រទេស ម៉ារុក ត្រូវគ្នានឹងម៉ោង ២២:៣១នាទី នៅប្រទេសកម្ពុជាយើង។

សារដែលបានសរសេរដោយលោកជំទាវភឿន សកុណាបានបញ្ជាក់ថា “ឯកសារនានា រួមទាំងវីដេអូផងនោះ នាងខ្ញុំបានផ្ញើរជូនខុទ្ទកាល័យសម្តេចរួចស្រេចអស់ហើយដែរ។ នាងខ្ញុំសូមគោរពជម្រាបជូនពត៌មានត្រឹមនេះសិន ដោយនៅជាប់ក្នុងកិច្ចប្រជុំបន្តទៀតនៅឡើយ”៕

Asia shares take comfort in China property rally

SYDNEY: Asian shares edged higher on Tuesday (Nov 29) as Beijing’s latest move to support developers boosted the property sector, though it was still not clear what new damage public unrest over China’s zero-COVID policy might do to the economy.

Shares of Chinese property companies surged after the country’s securities regulator lifted a ban on equity refinancing for listed property firms.
That helped Chinese blue chips bounce 1.1 per cent, while MSCI’s broadest index of Asia-Pacific shares outside Japan added 0.7 per cent.

Japan’s Nikkei lagged with a drop of 0.4 per cent, while South Korea firmed 0.3 per cent.

S&P 500 futures and Nasdaq futures both nudged up 0.1 per cent. EUROSTOXX 50 futures lost 0.2 per cent and FTSE futures 0.1 per cent.
Markets were still nervous that the widening web of restrictions in China would lead to more public unrest and further undermine growth.

Analysts at Nomura said their index of lockdowns now showed the equivalent of 25 per cent of China’s GDP was affected, compared to a previous peak of 21 per cent last April.

“Although Shanghai-style full lockdowns may be avoided, partial lockdowns in a rising number of cities may be more costly than full lockdowns in just a couple of cities,” noted Nomura.
Sentiment also soured when Richmond Federal Reserve Bank President Thomas Barkin became the latest official to douse speculation the central bank would reverse course on interest rates relatively quickly next year.

That heightened tensions ahead of speech by Fed Chair Jerome Powell on Wednesday that is shaping up to be a major messaging event as markets yearn for a pivot on policy.

Analysts suspect they may be disappointed.We envision him basically confirming a slower pace of hikes at the December meeting, which is almost entirely priced in,” said Jan Nevruzi, an analyst at NatWest Markets. “But we also think he will reiterate that the Fed intends to stay in restrictive territory through next year.”

“The softening in the October CPI was welcome news, but hardly a complete victory yet, while growth and labour market data are still strong,” he added “It doesn’t feel like there is upside for Powell to dial back on the hawkishness.”

The Fed is not alone in being hawkish, with European Central Bank President Christine Lagarde warnings euro zone inflation has not peaked and could go even higher.
Figures for inflation in Germany and Spain are due later on Tuesday, ahead of the main eurozone report on Wednesday.

Lagarde’s comments had initially helped the euro spike to a five-month peak of US$1.0497 overnight, only for a rebound in the U.S. dollar to slap it back to US$1.0350.
The dollar also bounced to 138.87 yen, after briefly touching a three-month trough of 137.50 overnight. The dollar index rallied to 106.57, having been as low as 105.31 overnight.
The dollar did ease back on the offshore yuan at 7.2161, after jumping 0.7 per cent on Monday.

Bitcoin fell after major cryptocurrency lender BlockFi filed for Chapter 11 bankruptcy protection along with eight affiliates.

In commodity markets, the gyrations in the dollar saw gold ease back to US$1,744 an ounce after briefly getting as high as US$1,763.
US oil prices hit their lowest this year overnight as concerns over Chinese demand warred with talk of possible OPEC+ output cuts.

US crude futures slipped 34 cents in early trade to US$76.90 a barrel, though that was off a trough of US$73.60, while Brent lost 28 cents to US$82.91.
Source: Reuters/lk

1...1,1571,1581,159...3,260 Page 1,158 of 3,260