តំបន់ខាងលិចរាជធានីភ្នំពេញ កំពុងក្លាយជាតំបន់អភិវឌ្ឍន៍បែបចម្រុះ តាមនិន្នាការសង្គម

ដោយៈ វឌ្ឍនៈ

ភ្នំពេញៈ តំបន់ប៉ែកខាងលិចរាជធានីភ្នំពេញ កំពុងក្លាយជាតំបន់ឧស្សាហកម្ម និងពាណិជ្ជកម្ម ដ៏គួរឱ្យទាក់ទាញមួយក្រោយតំបន់នេះមានការអភិវឌ្ឍលំនៅឋានកាន់ច្រើន ដោយឃើញថាបុរីល្បីៗនៅក្នុងប្រទេសកម្ពុជាបានងាកទៅអភិវឌ្ឍន៍នៅតំបន់នោះ។

ជាការកត់សម្គាល់គេសង្កេតឃើញថា តំបន់ប៉ែកខាងលិចកាលពីប៉ុន្មានមុននេះ គឺជាតំបន់ដែលប្រសិទ្ធនាមថា តំបន់រោងចក្រ ប៉ុន្តែបច្ចុប្បន្នបន្ថែមពីលើតំបន់រោងចក្រឧស្សាហកម្ម ទិសខាងលិចជាពិសេសនៅក្នុងខណ្ឌកំបូល ត្រូវបានគេមើលឃើញថាកំពុងតែទាក់ទាញ ខ្លាំងលើការអភិវ ឌ្ឍលំនៅឋាន និងកំពុងក្លាយជាតំបន់ពាណិជ្ជកម្មផងដែរ ។

គម្រោងដែលលេចធ្លោជាងគេ ក្នុងតំបន់ប៉ែកខាងលិចនោះ ជាគម្រោងអភិវឌ្ឍន៍ លំនៅឋានរបស់អ្នកឧកញ៉ាហុងពីវ ដែលជាម្ចាស់ក្រុមហ៊ុនពិភពថ្មីគ្រុប ដែលអ្នកអភិវឌ្ឍន៍រូបនេះ កំពុងបង្ហាញសាច់ដុំ និងកំពុងបន្តអភិវឌ្ឍន៍គម្រោងថ្មីៗបន្ថែមទៀត ខណៈបច្ចុប្បន្នគម្រោងលំនៅឋានរបស់អ្នកឧកញ៉ាហុង ពីវរាប់ល្វែងកំពុងធ្វើឱ្យតំបន់កំបូល ក្លាយជាតំបន់លំនៅឋានដ៏ទាក់ទាញ។

អ្វីដែលពិសេសនោះ ក្រុមហ៊ុនអភិវឌ្ឍន៍លំនៅឋានមួយនេះ ក៏កំពុងសាងសង់អគារមជ្ឈមណ្ឌលអាពាហ៍ពិពាហ៍ នៅកំបូលដែលអាចធ្វើឱ្យតំបន់នេះ ក្លាយជាតំបន់ពាណិជ្ជកម្ម និងអ៊ូរអរបន្ថែមទៀត ។

ក្រៅពីនេះក៏មានសាលារៀនអន្តរជាតិ គម្រោងផ្សារជិត១០ក៏កំពុងតែដំណើរការយ៉ាងរលូនផងដែរ។ ក៏មានគម្រោងផ្សេងទៀតក្រៅពីគម្រោងរបស់ក្រុមហ៊ុនពិភពថ្មីគ្រុប បង្ហាញវត្តមាននៅតំបន់ខាងលិចរាជធានីភ្នំពេញ ។

តាមការវាយតម្លៃនិងសិក្សារបស់ ក្រុមហ៊ុនអចលនទ្រព្យCBRE Cambodia បានឱ្យដឹងថា ខណ្ឌកំបូលជាខណ្ឌមួយ ដែលមានការទាក់ទាញលើការអភិវឌ្ឍលំនៅឋាន ជាពិសេសលំនៅឋានតម្លៃសមរម្យ ដើម្បីបំពេញតម្រូវការលើទីផ្សារ ។

តាមការអង្កេតជចាក់ស្តែងបានបង្ហាញឲ្យឃើញថា នៅតំបន់ក្បែរតំបន់សេដ្ឋកិច្ចពិសេសភ្នំពេញនោះផងដែរ ក៏មានគម្រោងខុនដូតម្លៃសមរម្យមួយ បានបើកដំណើរការសាងសង់កាលពីប៉ុន្មានខែមុន ដែលគម្រោងនេះដែរក៏ជាការទាក់ទាញមនុស្ស ឱ្យទៅរស់នៅតំបន់ទិសខាងលិចបន្ថែមទៀតផងដែរ៕

អចលនទ្រព្យប្រណីតទទួលការចាប់អារម្មណ៍ខ្ពស់ក្នុងឆ្នាំ២០២២

ដោយៈ សុផារី

ភ្នំពេញៈ ក្នុងរយៈពេលប៉ុន្មានឆ្នាំចុងក្រោយនេះ ការផ្គត់ផ្គង់ទីផ្សារលំនៅឋានប្រណីត មានការកើនឡើងច្រើនគួរឱ្យចាប់អារម្មណ៍ ដោយអ្នកជំនាញបានលើកឡើងថា នេះបានបង្ហាញពីកំណើន នៃតម្រូវការទីផ្សារអចលនទ្រព្យប្រភេទនេះ។

នាយកប្រតិបត្តិនៃក្រុមហ៊ុន Realestate.com.kh លោក Tom O’Sullivan បានមានប្រសាសន៍ឱ្យដឹងកាលពីចុងសប្តាហ៍មុនថា យោងតាមទិន្នន័យ ដែលប្រមូលបានពីវេបសាយ ស្វែងរកអចលនទ្រព្យតាមរយៈប្រព័ន្ធអនឡាញ នៅក្នុងឆ្នាំ២០២២នេះ ភាគច្រើនគឺជាអ្នកដែលមានទ្រព្យសម្បត្តិច្រើន ហើយស្វែងរកប្រភេទអចលនទ្រព្យមានតម្លៃខ្ពស់។

លោកបានឱ្យដឹងថា “អ្វីដែលគួរឱ្យកត់សម្គាល់នោះគឺ ការស្វែងរកអចលនទ្រព្យ ដែលមានតម្លៃលើសពី៤,៥លានដុល្លារអាមេរិក បានកើនឡើងរហូតដល់ទៅ៥០ភាគរយ នៅក្នុងឆ្នាំ២០២២នេះ”។

ក្នុងនោះ ប្រតិបត្តិការទិញលក់លំនៅឋានបុរី ដែលមានតម្លៃខ្ពស់បំផុត មានតម្លៃខ្ពស់ដល់ទៅជាង៧លានដុល្លារអាមេរិក។

លោកTom O’Sullivan បានលើកឡើងថា នេះបានបង្ហាញពីកំណើន ដែលស្របទៅនឹងតម្រូវការនៅក្នុងទីផ្សារអចលនទ្រព្យ នាពេលបច្ចុប្បន្ន។ អ្នកអភិវឌ្ឍន៍បុរី បានចាប់ផ្តើមសាងសង់បន្ថែមផ្ទះវីឡា តម្លៃរាប់លានដុល្លារ ទៅក្នុងគម្រោងលំនៅឋានរបស់ខ្លួន ហើយអ្នកអភិវឌ្ឍន៍មួយចំនួនតូច បានរចនាគម្រោងអភិវឌ្ឍន៍អចលនទ្រព្យប្រណិត ដោយមានគម្រោងលំនៅឋានខ្លះ មានតម្លៃខ្ពស់ដល់ទៅ៤,៥លានដុល្លារអាមេរិក ឬច្រើនជាងនេះទៀតផង។

លោក Tom លើកឡើងថា អ្នកអភិវឌ្ឍន៍ទាំងនោះយល់ឃើញថា ទីផ្សារប្រណីត បានផ្តល់ប្រាក់ចំណេញច្រើនជាង និងមានភាពរីកចម្រើននៅក្នុងទីផ្សារអចលនទ្រព្យកម្ពុជា ហើយទាំងអ្នកអភិវឌ្ឍន៍ និងអ្នកទីផ្សារនឹងងាកមកផ្តោតលើ ទីផ្សារលំនៅឋានប្រណីតនេះច្រើនជាង ប្រភេទលំនៅ ដ្ឋានធម្មតា។

លោកបន្តថា ទោះបីជាមានការកើនឡើង នៃតម្រូវការសម្រាប់អចលនទ្រព្យប្រណិត នៅក្នុងប្រទេសកម្ពុជាក៏ដោយ ប៉ុន្តែការផ្គត់ផ្គង់នៅលើទីផ្សារមានកម្រិត។ ស្របពេលជាមួយគ្នានេះ អ្នកអភិវឌ្ឍន៍កំពុងស្វែងរកការផ្លាស់ប្តូរគម្រោងរបស់ខ្លួន មកអភិវឌ្ឍន៍គម្រោងទីផ្សារប្រណីត។

លោកបានបន្តថា វីឡាទោលដ៏ប្រណិតនៅក្នុងខណ្ឌទួលគោក ជាទូទៅមានតម្លៃចន្លោះពី៥ ទៅ៨លានដុល្លារអាមេរិក។ ទោះជាយ៉ាងណាក៏ដោយ អចលនទ្រព្យទាំងនេះ មិនសូវជាមានដាក់លក់នៅលើទីផ្សារនោះទេ៕

ការវិនិយោគអចលនទ្រព្យនៅកម្ពុជាទទួលបានផលចំណេញត្រលប់ជាប់ចំណាត់ថ្នាក់លេខ១នៅអាស៊ី

ដោយៈ សុផារី

ភ្នំពេញៈ ក្នុងរយៈពេលប៉ុន្មានឆ្នាំចុងក្រោយនេះ ចំនួននៃអ្នកវិនិយោគិនអចលនទ្រព្យ ក្នុងស្រុកមានការកើនឡើងខ្លាំង ស្របពេលអ្នកវិនិយោគិនបរទេសហូរចូលមកពីគ្រប់ទិសទី។

ភាពទាក់ទាញនេះ ក៏ព្រោះអ្នកវិនិយោគទាំងនោះសម្លឹងមើលឃើញថា ទីផ្សារកម្ពុជាជាទីផ្សារ ដែលផ្តល់នូវផលចំណេញត្រលប់ទៅវិញច្រើន បើប្រៀបធៀបនឹងប្រទេសផ្សេងៗ។

លោកស្រី Catherine Chan ស្ថាបនិក និងជានាយកប្រតិបត្តិនៃគម្រោងខុនដូ Urban Village បានមានប្រសាសន៍កាលពីថ្ងៃទី២៦ ខែវិច្ឆិកា ឆ្នាំ២០២២ម្សិលមិញថា ប្រទេសកម្ពុជាជាប្រទេស ដែលផ្តល់ផលចំណេញត្រលប់ ពីការវិនិយោគលើអចលនទ្រព្យលំដាប់ទី១ នៅក្នុងបណ្តាប្រទេសនៃទ្វីបអាស៊ី និងទទួលបានចំណាត់ថ្នាក់លេខ៤ នៅក្នុងពិភពលោក។

លោកស្រីបានមានប្រសាសន៍ថា “អចលនទ្រព្យនៅទីក្រុងភ្នំពេញ ប្រទេសកម្ពុជា ជាប់ចំណាត់ថ្នាក់លេខ១នៅអាស៊ី និងលេខ៤ នៅលើពិភពលោក សម្រាប់ការទទួលបានផលចំណេញខ្ពស់ ត្រឡប់មកវិញពីការវិនិយោគ” ។ អ្នកស្រីបន្តថា “ផលចំណេញពីការជួលជាប់អត្រាពី៦ ទី៨ភាគរយក្នុងមួយឆ្នាំ ហើយមានកំណើនប្រចាំឆ្នាំប្រមាណ១៤ភាគរយ។ នេះបើយោងតាមរបាយការណ៍របស់ Huran HNWI ២០១៨”។

ក្នុងនាមជាអ្នកវិនិយោគបរទេសមួយរូប លោកស្រីលើកឡើងពីមូលហេតុចម្បង ដែលលោកស្រីសម្រេចចិត្តជ្រើសរើសភាគខាងត្បូង នៃក្រុងភ្នំពេញ ជាទីតាំងវិនិយោគមួយដោយបញ្ជាក់ថា “ដើម្បីទទួលបានផលចំណេញត្រឡប់មកវិញច្រើន ទីតាំងវិនិយោគ គឺជាចំណុចសំខាន់ នៃការជ្រើសរើសការអភិវឌ្ឍន៍។

អ្នកស្រីបន្តថា “មូលហេតុដែលខ្ញុំសម្រេចចិត្តអភិវឌ្ឍ នៅក្នុងតំបន់ភាគខាងត្បូងនៃទីក្រុងភ្នំពេញ ដោយសារមានគម្រោងហេដ្ឋារចនាសម្ព័ន្ធដ៏រឹងមាំរបស់រដ្ឋាភិបាល និងឯកជន ដូចជា អាកាសយានដ្ឋានអន្តរជាតិថ្មី និងផ្សារទំនើប Aeon ៣ ដ៏ធំបំផុតក្នុងប្រទេស”។

ជាមួយគ្នានេះ អ្នកស្រីអាន សុធីតាអគ្គនាយិកាក្រុមហ៊ុនPropNex Cambodiaបានមានប្រសាសន៍ឲ្យដឹងកាលពីពេលថ្មីៗនេះថា បើនិយាយពីផលចំណេញពីការវិនិយោគ ឬReturn on investment នៅក្នុងទីផ្សារ អចលនទ្រព្យ គេផ្តោតលើផលចំណេញ ពីការឡើងថ្លៃអចលនទ្រព្យ និងផលចំណេញពីការជួល ដូចជាការវិនិយោគផ្ទះជួល ឬធ្វើឃ្លាំងជួលជាដើម។

អ្នកស្រីបន្តថា “ប្រទេសកម្ពុជា នៅតែមានភាពទាក់ទាញការវិនិយោគ ដោយសារផលចំណេញពីការវិនិយោគប្រចាំឆ្នាំ នៅតែមានកម្រិតខ្ពស់ធៀបជាមួយបណ្តាប្រទេសដទៃក្នុងតំបន់នេះ”៕

លោកបណ្ឌិតហ៊ុន ម៉ាណែតត្រូវបានមហាអង្គសន្និបាតបោះឆ្នោតជ្រើសរើសជាប្រធានកិត្តយសស ស យ ក

ដោយៈ គង់ សូរិយា

ភ្នំពេញៈ លោក ហ៊ុន ម៉ាណែត អនាគតបេក្ខជននាយករដ្ឋមន្ត្រីរបស់ គណបក្សប្រជាជនកម្ពុជា ត្រូវបានអង្គមហាសន្និបាតវិសាមញ្ញតំណាងទូទាំងប្រទេសរបស់សហភាពសហព័ន្ធយុវជនកម្ពុជា ដែលបានបោះឆ្នោតជ្រើសតាំងលោក ជាប្រធានកិត្តិយសសហភាពសហព័ន្ធយុវជនកម្ពុជា។

យោងតាមបណ្តាញសង្គមហ្វេសប៊ុក លោក ហ៊ុន ម៉ាណែត បានលើកឡើងដូច្នេះថា “សូមអរគុណដល់អង្គមហាសន្និបាត វិសាមញ្ញតំណាងទូទាំងប្រទេស របស់សហភាពសហព័ន្ធយុវជនកម្ពុជា បានបោះឆ្នោតជ្រើសតាំងឯកឧត្តមបណ្ឌិតហ៊ុន ម៉ាណែត ជាប្រធានកិត្តិយសសហភាពសហព័ន្ធយុវជនកម្ពុជា”។

សហភាពសហព័ន្ធយុវជនកម្ពុជា បានរៀបចំមហាសន្និបាតវិសាមញ្ញតំណាងទូទាំងប្រទេសរបស់ខ្លួន នៅថ្ងៃទី២៦-២៧ ខែវិច្ឆិកា ឆ្នាំ២០២២ ដើម្បីបូកសរុបលទ្ធផលការងារ ដែលសម្រេចបាននាពេលកន្លងមក និងលើកទិសដៅការងារឆ្នាំ២០២៣-២០២៨ ។

មហាសន្និបាតវិសាមញ្ញ តំណាងទូទាំងប្រទេសរបស់សហភាពសហព័ន្ធយុវជនកម្ពុជា ធ្វើឡើងក្រោមអធិបតីភាព លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា៕

Vietnam’s VinFast ships first electric vehicles to US customers

Vietnam : Vietnam’s electric vehicle maker VinFast said on Friday it had shipped its first batch of 999 cars to the United States, capping a five-year bid to develop an auto production hub in the Southeast Asian country for markets in North America and Europe.

The first cars are expected to be handed over to customers by the end of December, the company said.

VinFast Chief Executive Le Thi Thu Thuy said some of the VF 8 electric SUVs being shipped on Friday would be sent to U.S. car subscription service Autonomy but the majority would go to retail buyers who have ordered the car.

Thuy said VinFast expected to be able to ship a second batch of cars to the United States, its first export market, around January.

VinFast is in the process of building an electric vehicle plant in North Carolina that is awaiting final regulatory approval from local officials.

Thuy said the company expected to start production at the North Carolina factory from July 2024 and that electric vehicles built there would qualify for incentives under the terms of the Inflation Reduction Act signed by U.S. President Joe Biden.

The Inflation Reduction Act, as currently written, requires automakers to have 50 per cent of critical minerals used in EV batteries come from North America or U.S. allies by 2024, rising to 80 per cent by the end of 2026.

Major automakers have said those targets are unrealistic and it was not immediately clear how VinFast would meet the sourcing requirements.

“The IRA came as a surprise to all of us but it doesn’t really impact our strategy in the U.S.,” Thuy told Reuters. “As soon as we start manufacturing cars in the U.S., our customers will be eligible (for) the tax incentive.”

VinFast said last week that Autonomy had ordered 2,500 electric vehicles, its largest corporate order to date. VinFast has said it has almost 65,000 orders globally in total and expects to sell 750,000 EVs annually by 2026.

The North Carolina factory project is running months behind schedule, based on the company’s initial targets, and the first shipment of EVs built by VinFast was short of the initial goal to deliver as many as 5,000 cars built at its factory in Haiphong by December.

VinFast officials said the number 999 for the vehicles shipped in the first batch had been chosen because it is considered a lucky number in Vietnam.

“There is no luckier number than 999,” Thuy said. The Panamanian-chartered transport ship used to send the first shipment of VinFast EVs had the capacity to carry up to 2,000 vehicles, officials said.

Shares in VinFast’s listed parent company, Vingroup, which also has property and resort development businesses, were up 5.41 per cent on Friday morning.

Source: Reuters

តើរាជដំណាក់នៃព្រះចៅស៊ូតង់ព្រុយណេប្រណីតអស្ចារ្យនិងចំណាយប្រាក់សន្ធឹកសន្ធាប់ប៉ុនណាក្នុងការសាងសង់?

សុខុម

ព្រុយណេ: ព្រះចៅស៊ូតង់ Hassanal Bolkiah ដែលជាព្រះមហាក្សត្រ និងជានាយករដ្ឋមន្ត្រីនៃប្រទេសព្រុយណេ មានព្រះកិត្តិស័ព្ទល្បីរន្ទឺពាសពេញពិភពលោក ហើយមនុស្សមិនតិចលាននាក់ឡើយដែលកោតស្ញប់ស្ញែញយ៉ាងខ្លាំងចំពោះទ្រង់ ដែលមានវាសនាខ្ពស់រស់សោយសុខលើគំនរមាសពេជ្រដ៏មហាសាលក្នុងព្រះរាជដំណាក់ដ៏ស្កឹមស្កៃ និងប្រណីតអស្ចារ្យ។

ទោះជាយ៉ាងណា មានមនុស្សច្រើនណាស់ដែលមិនបានដឹងលម្អិតអំពីព្រះរាជដំណាក់ដ៏ធំស្កឹមស្កៃ និងប្រណីតអស្ចារ្យរបស់ទ្រង់ដែលស្ថិតនៅមាត់ច្រាំងទន្លេ Brunei River ក្នុងប្រទេសព្រុយណេ។

យោងតាមសារព័ត៌មាន South China Morning Post ចុះផ្សាយកាលពីពេលថ្មីៗនេះបង្ហាញថា ព្រះរាជដំណាក់ Istana Nurul Iman Palace នៃព្រះចៅស៊ូតង់ព្រុយណេ Hassanal Bolkiah មានផ្ទៃក្រឡាសរុបរហូតដល់ទៅ២០០.០០០ម៉ែត្រការ៉េ និងជាប់ឈ្មោះក្នុងកំណត់ត្រាហ្គីពិភពលោក Guinness Book of World Records ជាព្រះរាជដំណាក់ដែលធំស្កឹមស្កៃបំផុតក្នុពិភពលោក។

យោងតាមគេហទំព័រ Wikipedia បង្ហាញថា ព្រះរាជដំណាក់នេះគឺជាកន្លែងគង់ប្រថាប់ផ្លូវការរបស់ព្រះចៅស៊ូតង់ និងជាវិមានរដ្ឋាភិបាលផងដែរ។

ព្រះរាជដំណាក់នេះត្រូវបានរចនាប្លង់ដោយលោកស្រី Khuan Chew ដែលជាស្ថាបត្យករដ៏ល្បីល្បាញមានដើមកំណើនចិន មកពីក្រុមហ៊ុនស្ថាបត្យកម្ម Design Principal of KCA International មាននូលដ្ឋាននៅទីក្រុងឡុងឌ៍ ប្រទេសអង់គ្លេស ដែលបានបន្យល់ស្នាដៃជាច្រើនរួមទាំងអគារសណ្ឋាគាររាងទូកក្ដោងលំដាប់ផ្កាយ៧ Burj Al Arab នៅទីក្រុងឌូបៃ ប្រទេសអារ៉ាប់រួមអេមីរ៉ាត ផងដែរ។

ក្រុមហ៊ុនសាងសង់មួយនៅអង់គ្លេស មានឈ្មោះថា Ayala Abbott and Butters ជាអ្នកទទួលសាងសង់ព្រះរាជដំណាក់នេះ ហើយការសាងសង់បានបញ្ចប់ជាស្ថាពរក្នុងឆ្នាំ១៩៨៤ ជាមួយនឹងថ្លៃចំណាយសរុបរហូតដល់ទៅប្រមាណ១,៤ពាន់លានដុល្លារអាមេរិក កាលពីសម័យនោះ។

ព្រះរាជដំណាក់ដែលមានការតុបតែង ឬ ដេគ័រយ៉ាងប្រណីតល្អឯកនេះមានបន្ទប់រហូតដល់ទៅ១.៧៨៨បន្ទប់ រួមទាំងបន្ទប់ទឹកចំនួន២៥៧បន្ទប់ សាលជប់លៀងដ៏ធំមួយដែលអាចទទួលភ្ញៀវដល់ទៅ៥.០០០នាក់ និងព្រះវិហារអ៊ីស្លាម មួយដែលអាចទទួលបរិស័ទបាន១.៥០០នាក់ផងដែរ។

លើសពីនេះ ព្រះរាជដំណាក់នេះក៏មានហ្គារ៉ាសរថយន្តយ៉ាងធំសម្បើមផងដែរ ពីព្រោះទ្រង់មានរថយន្តប្រណីតៗផ្ទាល់ព្រះកាយរបស់ព្រះអង្គដូចជារថយន្ត Rolls-Royce រថយន្ត Ferrari ចំនួន៤៥០គ្រឿង និងរថយន្ត Bentley ចំនួន៣៨០គ្រឿង ពោលគឺសរុបជិត៨០០គ្រឿង ជាមួយនឹងទ្រព្យសម្បត្តិរហូតដល់ទៅ២៨ពាន់លានដុល្លារអាមេរិក៕

ប្រទេសអឺរ៉ុបឈ្លោះប្រកែកគ្នាជុំវិញការកំណត់តម្លៃប្រេងរបស់រុស្ស៊ី ខណៈសហរដ្ឋអាមេរិកកំពុងចំណេញពីការនាំចេញប្រេងទៅអឺរ៉ុប

ដោយ: លាងហួរ

អឺរ៉ុប: បណ្តាប្រទេសសមាជិកសហភាពអឺរ៉ុបបានបែកបាក់គ្នា ជុំវិញការកំណត់តម្លៃប្រេងរបស់រុស្ស៊ី ខណៈបណ្តាប្រទេសទាំងនេះមានការប្រុងប្រយ័ត្ន ចំពោះការពិតដែលថា ការបញ្ចុះបញ្ចូលរបស់អាមេរិកឱ្យ EU ដាក់ទណ្ឌកម្មលើរុស្ស៊ី គឺគ្រាន់តែដើម្បីបង្កើនប្រាក់ចំណេញ សម្រាប់ទីក្រុងវ៉ាស៊ីនតោនតែប៉ុណ្ណោះ។

នេះបើយោងតាមការចេញផ្សាយដោយសារពត៌មាន Global Times កាលពីថ្ងៃទី២៥ ខែវិច្ឆិកា ឆ្នាំ២០២២។

ក្រុមអ្នកសង្កេតការណ៍បានលើកឡើងថា ប្រសិនបើតម្លៃប្រេងត្រូវបានកំណត់ពិតមែននោះ ទាំងរុស្ស៊ី និងអឺរ៉ុបនឹងរងទុក្ខ ហើយសហរដ្ឋអាមេរិកនឹងក្លាយជាប្រទេសតែ១គត់ ដែលទទួលបានផលប្រយោជន៍។

ទីភ្នាក់ងារព័ត៌មាន Reuters បានរាយការណ៍ថា រដ្ឋាភិបាលសហភាពអឺរ៉ុបបានជំទាស់លើការកំណត់តម្លៃប្រេងរបស់រុស្ស៊ី ដើម្បីរារាំងលទ្ធភាពរុស្ស៊ី លើការផ្តល់ហិរញ្ញប្បទានដល់ការធ្វើសង្គ្រាម នៅក្នុងប្រទេសអ៊ុយក្រែន។

គណៈកម្មាធិការអឺរ៉ុប ប្រធានាធិបតីឆេក ប្រធានាធិបតីអាមេរិក និងក្រុមប្រទេស G7 ព្រមទាំងប្រទេសអាល្លឺម៉ង់បានជួបពិភាក្សាគ្នា កាលពីថ្ងៃព្រហស្បតិ៍ ក្នុងគោលបំណង ដើម្បីដោះស្រាយភាពខ្វែងគំនិតគ្នា និងដើម្បីឈានដល់កិច្ចព្រមព្រៀងមួយ មុនពេលការកំណត់តម្លៃចូលជាធរមាន នៅថ្ងៃទី០៥ ខែធ្នូខាងមុខ។

ទីភ្នាក់ងារព័ត៌មាន Reuters បានដកស្រង់សម្តីរបស់វិមានក្រឹមឡាំង ដែលបានរាយការណ៍កាលពីថ្ងៃព្រហស្បតិ៍ថា ប្រទេសរុស្ស៊ីមិនមានគម្រោងផ្គត់ផ្គង់ប្រេង និងឧស្ម័នដល់ប្រទេសណា ដែលគាំទ្រលើការកំណត់តម្លៃប្រេងរបស់ខ្លួននោះទេ។

លោក Li Haidong សាស្ត្រាចារ្យមកពីវិទ្យាស្ថានទំនាក់ទំនងអន្តរជាតិ នៃសាកលវិទ្យាល័យកិច្ចការបរទេសចិន ក្នុងទីក្រុងប៉េកាំង បានមានប្រសាសន៍ថា ការបែកបាក់របស់សហភាពអឺរ៉ុប គឺអាចព្យាករណ៍បានទាំងស្រុង ខណៈសង្គ្រាមរុស្ស៊ី-អ៊ុយក្រែនបានឈានចូលដល់ខែទី៩ហើយ។ ចំណែកឯបណ្តាប្រទេសជាសមាជិកសហភាពអឺរ៉ុប កាន់តែយល់ច្បាស់ថា សហរដ្ឋអាមេរិកកំពុងលួងលោមពួកគេ ដើម្បីទទួលបានផលប្រយោជន៍ផ្ទាល់ខ្លួន ដូចជាតាមរយៈការនាំចេញប្រេង ទៅកាន់អឺរ៉ុប ដើម្បីទទួលបានផលចំណេញយ៉ាងច្រើន។

សហរដ្ឋអាមេរិកបាននឹងកំពុងនាំចេញបរិមាណប្រេងឆៅ និងផលិតផលប្រេងដ៏ច្រើនសន្ធឹកសន្ធាប់ នាពេលថ្មីៗនេះ ហើយអឺរ៉ុបបានក្លាយជាគោលដៅសំខាន់ សម្រាប់ការនាំចេញទាំងនេះ៕

អ្នកអភិវឌ្ឍន៍គួរយកចិត្តទុកដាក់លើការសាងសង់សំណង់បៃតង

ដោយ៖ វឌ្ឍនៈ

ភ្នំពេញ ៖ ការអភិវឌ្ឍសំណង់បៃតងនៅកម្ពុជានាពេលបច្ចុប្បន្ននេះ មានកម្រិតតិចតួចនៅឡើយ និងទាមទារឱ្យមានការយកចិត្តទុកដាក់និងចាប់ផ្ដើមគិតគូរពីសំណង់បៃតងឱ្យបានច្រើនដើម្បីសន្សំសំចៃថាមពលនិងការពារបរិស្ថាន ។

លោក ហាក់ទ្រី ទេវាយុធ ប្រធាននាយកដ្ឋានអភិវឌ្ឍន៍ធុរកិច្ចនៃក្រុមហ៊ុន Golden Tree បានមានប្រសាសន៍ថាអ្នកអភិវឌ្ឍន៍សំណង់នៅក្នុងប្រទេសកម្ពុជាគួរតែចាប់ផ្ដើម និងគិតគូរពីការសាងសង់សំណង់បៃតង ខណៈប្រទេសជាច្រើននៅលើពិភពលោកបានគិតគូររួចហើយ និងផ្ដល់តម្លៃដល់ការសាងសង់អគារបៃតងនៅក្នុងប្រទេសរបស់គេ។

លោកបន្តថា អគារបៃតងមិនមែនសំដៅលើអគារដាំដើមឈើឱ្យទៅជាពណ៌បៃតងនោះទេ តែជាអគារដែលគិតគូរដល់បរិស្ថានរាប់ចាប់តាំងពីការសាងសង់រហូតដល់អគារនោះសង់រួចរាល់និងដំណើរការ ។ តាមបទពិសោធន៍ដែលមាន អគារបៃតងនៅក្នុងប្រទេសកម្ពុជាយើងឃើញថាបានជួយកាត់បន្ថយដល់ការប្រើប្រាស់ថាមពល ទឹក នៅក្នុងអគារទាំងមូលដែលជាការសន្សំសំចៃដ៏ធំមួយនិងជួយដល់បរិស្ថានរបស់យើងផងដែរ ។

លោកបន្ថែមថា តាមរយៈបទពិសោធន៍អគារវីត្រាស់ដែលយើងបានគ្រប់គ្រងនិងជាអគារបៃតងឃើញថាអគារនេះ បានជួយកាត់បន្ថយថាមពលប្រមាណជាង២០ភាគរយនិងសន្សំការប្រើប្រាស់ទឹករហូតដល់ជាង៥០ភាគរយ ដូច្នេះបើសិនជាកម្ពុជាមានការសាងសង់អគារបៃតងកាន់តែច្រើននោះ យើងនឹងអាចសន្សំសំចៃបានច្រើនណាស់ ។

លោក ស៊ីម បូវិសាល ទីប្រឹក្សាសមាគមអ្នកផ្ដល់ប្រឹក្សាសំណង់អគារបៃតងកម្ពុជា ក៏បានលើកឡើងផងដែរ ការសាងសង់អគារបៃតងតាមទៅគឺមានការចំណាយច្រើនជាងការសាងសង់អគារធម្មតា ប៉ុន្តែគុណសម្បត្តិនៃអគារបៃតងគឺមានច្រើនលើសលប់ ហើយម្ចាស់អគារនឹងទទួលបានផលចំណេញខ្ពស់ពីប្រតិបត្តិការនៅក្នុងអគារ។ អ្វីដែលពិសេសនោះ គឺអ្នកធ្វើការនៅក្នុងអគារនោះទទួលបានផាសុខភាព ការរស់នៅប្រកបដោយសុខភាពល្អ។

លោកបានជំរុញឱ្យវិនិយោគិន ឬអ្នកសាងសង់អគារក្រោយៗគួរងាក និងគិតគូរឱ្យបានច្រើនលើសំណង់អគារបៃតង ខណៈប្រទេសជិតខាង ក៏ដូចជាប្រទេសនៅលើពិភពលោកនេះ បានគិតគូរយូរមកហើយពីបញ្ហានេះ ក្នុងពេលកម្ពុជាមានសំណង់អគារបៃតងតិចតួចបំផុត ធៀបនឹងប្រទេសជិតខាង។

របាយការណ៍របស់ UNDP បានឱ្យដឹងថាវិស័យសំណង់នៅកម្ពុជា បានប្រើប្រាស់ថាមពលច្រើនជាងគេធៀបនឹងវិស័យផ្សេងៗ ដែលមានរហូតដល់ជិតពាក់កណ្ដាល នៃការប្រើប្រាស់ថាមពលសរុបក្នុងប្រទេសទៅហើយ។ ការរីកចម្រើននៃវិស័យសំណង់កាលពីមុនកូវីដ១៩ បានធ្វើឱ្យកម្ពុជាជួបវិបត្តិនឹងកង្វះថាមពល និងបានធ្វើឱ្យអាជ្ញាធរអគ្គិសនី ត្រូវកាត់ផ្ដាច់ចរន្តអគ្គិសនីតាមតំបន់មួយចំនួន៕

អ្នកជំនាញ៖ ការធ្វើពិពិធកម្មទំនិញនិងទីផ្សារនាំចេញជំរុញកំណើនសេដ្ឋកិច្ចរក្សាបានស្ថិរភាព

ដោយ៖ សុផារី

ភ្នំពេញ៖ អ្នកជំនាញសេដ្ឋកិច្ច លើកឡើងថា ការធ្វើពិពិធកម្មទំនិញសម្រាប់នាំចេញ និងទីផ្សារ មានសារៈសំខាន់ សម្រាប់រក្សាស្ថិរភាពកំណើនសេដ្ឋកិច្ច និងកាត់បន្ថយហានិភ័យពីកត្តាខាងក្រៅ។

លោក ស៊ាន មនោរិទ្ធ សេដ្ឋកិច្ចវិទូ នៃក្រសួងសេដ្ឋកិច្ច និងហិរញ្ញវត្ថុ បានលើកឡើងក្នុងសន្និសីទម៉ាក្រូសេដ្ឋកិច្ចប្រចាំឆ្នាំលើកទី៩ ស្តីពី “ដំណើរឆ្ពោះទៅកាន់ការស្ដារឡើងវិញនិងភាពធន់ក្រោយកូវីដ-១៩ នៅថ្ងៃទី២៤ ខែវិច្ឆិកាថា ប្រទេសកំពុងអភិវឌ្ឍន៍ និងប្រទេសអភិវឌ្ឍន៍តិចតួច ជាទូទៅមានមូលដ្ឋានសេដ្ឋកិច្ចតូចជាង ជាមួយនឹងផលប៉ះពាល់ម៉ាក្រូសេដ្ឋកិច្ចខ្ពស់ជាងប្រទេសអភិវឌ្ឍន៍ដែលមានពិពិធកម្មសេដ្ឋកិច្ចធំជាង។

លោកបន្តថា ដូច្នេះ ការធ្វើពិពិធកម្មសេដ្ឋកិច្ចដើរតួនាទីយ៉ាងសំខាន់ ក្នុងការពង្រីកមូលដ្ឋានសេដ្ឋកិច្ច ដើម្បីកាត់បន្ថយផលប៉ះពាល់ នៃកត្តាហានិភ័យខាងក្រៅ។

លោកលើកឡើងថា ក្នុងរយៈពេលពីរទសវត្សរ៍ចុងក្រោយនេះ ការនាំចេញរបស់ប្រទេសបានកើនឡើងជាលំដាប់ ដែលឆ្លុះបញ្ចាំងពីនិន្នាការ ដែលកំពុងរីកចម្រើន នៅក្នុងវិស័យផលិតកម្ម។ ផលិតផលវាយនភណ្ឌ បានក្លាយទៅជាកន្លែងឈរជើងដ៏យូរអង្វែង នៃការនាំចេញរបស់ប្រទេស ដែលស្មើនឹងជាង ៧០ភាគរយ នៃការនាំចេញរបស់ប្រទេស។

បើតាមសេដ្ឋកិច្ចវិទូ បញ្ហាប្រឈមសំខាន់ៗមួយចំនួន ដែលនៅសេសសល់ ក្នុងចំណោមបញ្ហាជាច្រើនទៀត គឺការចំណាយខ្ពស់ក្នុងការធ្វើអាជីវកម្ម ពលកម្មជំនាញទាប បរិយាកាសធុរកិច្ចមិនល្អ ដែលរារាំងទំនាក់ទំនង រវាង FDI និងក្រុមហ៊ុនក្នុងស្រុក និងការទទួលយកឌីជីថលទាប។

លោកបន្ថែមថា បញ្ហាទាំងនេះ គួរត្រូវបានលើកឡើង និងដោះស្រាយ ដើម្បីធានាបានពីពីការធ្វើពិពិធកម្មទំនិញ និងទីផ្សាររបស់កម្ពុជា សំដៅដល់កំណើនសេដ្ឋកិច្ច មានចីរភាព និងភាពធន់។ ដើម្បីពន្លឿន និងកសាងមាគ៌ានៃកំណើនមានភាពធន់ ជាពិសេសនៅក្នុងអំឡុងពេលនិងក្រោយកូវីដ-១៩ បញ្ហាប្រឈមរ៉ាំរ៉ៃទាំងនេះគួរត្រូវបានដោះស្រាយតាមពហុវិស័យ៕

ក្រុមហ៊ុន BYD បណ្ដាក់ទុនវិនិយោគការដំឡើងស្ថានីយបញ្ចូលថាមពលយានយន្តអគ្គិសនី២០០ទីតាំងនៅកម្ពុជាត្រឹមឆ្នាំ២០២៣

ដោយ៖ សុផារី

ភ្នំពេញ៖ ក្រុមហ៊ុន BYD Auto Industry បានសម្រេចបណ្ដាក់ទុនវិនិយោគដ៏សន្ធឹកសន្ធាប់លើវិស័យយានយន្តអគ្គិសនី ដោយការដំឡើងស្ថានីយបញ្ចូលថាមពលយានយន្តអគ្គិសនី (EV Charging Station) ប្រមាណ២០០ទីតាំងនៅទូទាំងប្រទេសកម្ពុជា ត្រឹមឆ្នាំ២០២៣ខាងមុខនេះ។

ក្នុងជំនួបជាមួយលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី២៤ ខែវិច្ឆិកា ឆ្នាំ២០២២ តំណាងក្រុមហ៊ុន BYD Auto Industry បានបង្ហាញនូវផែនការក្នុងការដំឡើងស្ថានីយបញ្ចូលថាមពលយានយន្តអគ្គិសនីចំនួន២០០ទីតាំងផ្សេងៗគ្នានៅទូទាំងប្រទេសកម្ពុជា ត្រឹមឆ្នាំ២០២៣។

លោកទេសរដ្ឋមន្ត្រី បានលើកឡើងពីវឌ្ឍនភាពនៃការប្រើប្រាស់យានយន្តអគ្គិសនីនៅកម្ពុជា និងកិច្ចសហការរបស់ក្រសួងសាធារណការ និងដឹកជញ្ជូនជាមួយដៃគូអភិវឌ្ឍន៍នានាដូចមាន កម្មវិធីអភិវឌ្ឍន៍សហប្រជាជាតិ (UNDP) ដែលបានដាក់ចេញរួមគ្នានូវ ផែនទីផ្លូវថ្នល់ (Road Map) និងការផ្ដល់ជូននូវបញ្ចូលថាមពលយានយន្តអគ្គិសនីចំនួន៤ស្ថានីយ ក្នុងគោលដៅកសាងទំនុកចិត្តប្រជាពលរដ្ឋលើការប្រើប្រាស់យានយន្តអគ្គិសនី និងពង្រីកការដំឡើងស្ថានីយបញ្ចូលថាមពលយានយន្តអគ្គិសនីក្នុងប្រទេសកម្ពុជា។

លោកបានលើកទឹកចិត្តដល់ក្រុមហ៊ុនឯកជន ជាពិសេសស្ថានីយប្រេងឥន្ធនៈ ក៏ដូចជាក្រុមហ៊ុន BYD Auto Industry ផងដែរ ក្នុងការចូលរួមលើកទឹកចិត្តប្រជាពលរដ្ឋក្នុងការប្រើប្រាស់យានយន្តអគ្គិសនី តាមរយៈការដំឡើងបញ្ចូលថាមពលយានយន្តអគ្គិសនីនៅតាមស្ថានីយរបស់ខ្លួនឱ្យបានកាន់តែច្រើនឡើងបន្ថែមទៀត។

លោក Henry Yip តំណាងក្រុមហ៊ុន BYD បានលើកឡើងពីគោលដៅក្នុងការចូលរួមពង្រីកការប្រើប្រាស់យានយន្តអគ្គិសនីដោយឈរលើចក្ខុវិស័យឆ្ពោះទៅរកការប្រើប្រាស់ថាមពលថ្មី និងផែនការបៃតង ឆ្នាំ2022 ដល់ឆ្នាំ2023 (Green New Energy and Green Plan of 2022-2023)។ តាមរយៈគម្រោងនេះ ក្រុមហ៊ុនបានស្នើឱ្យក្រសួងសាធារណការ និងដឹកជញ្ជូន សម្របសម្រួលជាមួយស្ថាប័នជំនាញ និងអាជ្ញាធរពាក់ព័ន្ធក្នុងការស្វែងរកទីតាំងដើម្បីដំឡើងស្ថានីយបញ្ជូលថាមពលទាំងនោះ។

លើសពីនេះទៅទៀត ក្រុមហ៊ុនបានសន្យានឹងនាំចូលរថយន្តអគ្គិសនី ព្រមជាមួយនឹងបច្ចេកវិទ្យាទំនើបថ្មីៗមកក្នុងប្រទេសកម្ពុជាបន្ថែមទៀត និងបានផ្ដល់ជាសំណូមពរមកកាន់ក្រសួងក្នុងការរៀបចំជាគោលនយោបាយលើកទឹកចិត្តប្រជាពលរដ្ឋឱ្យងាកទៅប្រើប្រាស់យានយន្តអគ្គិសនី ក៏ដូចជាពង្រីកឱ្យមានក្រុមការងារបច្ចេកទេសជំនាញអាចជុសជុលផ្លាស់ប្ដូរគ្រឿងបន្លាស់យានយន្តអគ្គិសនីបានទាន់តម្រូវការ។

លោកទេសរដ្ឋមន្ត្រី មានប្រសាសន៍ឯកភាពជួយសម្របសម្រួលជាមួយស្ថាប័នពាក់ព័ន្ធក្នុងការស្វែងរកទីតាំងសម្រាប់ដំឡើងស្ថានីយបញ្ចូលថាមពលទាំង២០០ ដោយក្នុងនោះក្រសួងផ្ដល់ការអនុញ្ញាតឱ្យរៀបចំដំឡើងស្ថានីយបញ្ចូលថាមពលយានយន្តអគ្គិសនីនៅតាមមន្ទីរសាធារណការ និងដឹកជញ្ជូនទាំង ២៥រាជធានី-ខេត្ត។ ជាមួយគ្នានេះដែរ ក្រោមកិច្ចសហប្រតិបត្តិការជាមួយក្រសួង-ស្ថាប័នពាក់ព័ន្ធ រាជរដ្ឋាភិបាលបានបង្កើតក្រុមការងារគណៈកម្មការអន្តរក្រសួង ដែលមានក្រសួងសាធារណការ និងដឹកជញ្ជូនជាប្រធាន ដើម្បីបង្កើតបទដ្ឋានគតិយុត្ត និងរៀបចំយុទ្ធសាស្ត្រផ្សេងៗ ដូចមានការបញ្ចុះតម្លៃពន្ធនាំចូលយានយន្តអគ្គសនីជាដើម ដាក់ជូនរាជរដ្ឋាភិបាលកម្ពុជា ដើម្បីជំរុញការប្រើប្រាស់យានយន្តអគ្គិសនី (EV) ឱ្យមានការកើនឡើងកាន់តែច្រើន។

បន្ថែមពីនេះ លោកទេសរដ្ឋមន្ត្រី បានឯកភាពឱ្យមានការចុះ MoU រវាងក្រសួងសាធារណការ និងដឹកជញ្ជូន និងក្រុមហ៊ុន BYD ក្នុងការបណ្ដុះបណ្ដាលមន្ត្រី ក៏ដូចជានិស្សិតកម្ពុជាឱ្យទៅសិក្សាវគ្គសិក្សាខ្លីៗនៅក្រុមហ៊ុន BYD ឬនៅកម្ពុជាផ្ទាល់ ដូចដែលក្រសួងកំពុងអនុវត្តជាមួយក្រុមហ៊ុន Ford ផងដែរ។ តាមរយៈកិច្ចប្រជុំនេះ លោកស្នើឱ្យក្រុមហ៊ុនពិនិត្យពិចារណាលើការបញ្ចុះតម្លៃរថយន្តអគ្គិសនីប្រសិនបើមានការបញ្ជាទិញពីក្រសួង-ស្ថាប័នរដ្ឋពាក់ព័ន្ធផងដែរ៕

1...1,1611,1621,163...3,260 Page 1,162 of 3,260