ដោយៈ គង់ សូរិយា

       ភ្នំពេញៈ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA)លោកច្រឹក សុខនីមបានមានប្រសាសន៍ថា ទីផ្សារអចលនទ្រព្យកម្ពុជា ទើបជាដំណាក់កាលចាប់ផ្តើមនៅឡើយទេ ដែលធ្វើឲ្យប្រទេសនេះនៅមានឱកាស និងសក្តានុពលវិនិយោគច្រើន។

លោកបានមានប្រសាសន៍ឲ្យដឹងតាមទូរស័ព្ទ កាលពីថ្ងៃទី១៥ កញ្ញាកន្លងមកថា ការអភិវឌ្ឍន៍ហេដ្ឋារចនាសម្ព័ន្ឋធំៗកម្រិតជាតិ ជាការជម្រុញនូវសកម្មភាពសេដ្ឋកិច្ចឲ្យមានភាពរីកចម្រើន ជាក់ស្តែងរដ្ឋាភិបាលនៅតែមានគោលនយោបាយពង្រីកក្រុង កសាងទីក្រុងថ្មី និងពង្រីកផ្លូវក្រវ៉ាត់ក្រុងទី៣ ទី៤ជាបន្តបន្ទាប់ ដែលនេះជាការគាំទ្ររបស់រដ្ឋាភិបាល ក្នុងការជម្រុញការរីកចម្រើនវិស័យអចលនទ្រព្យផង និងសេដ្ឋកិច្ចទាំងមូលផង។

លោកបន្តថា “ការអភិវឌ្ឍរាជធានីភ្នំពេញបាន និងកំពុងបន្ត ជាមួយនឹងកំនើននៃការវិនិយោគពីវិនិយោគិនជាតិ និងអន្តរជាតិ បើទោះជាលំហូរទុនវិនិយោគពីបរទេសស្ងប់ស្ងាត់បន្តិចក្តី ប៉ុន្តែពួកគេ(អ្នកវិនិយោគចិន)នឹងត្រលប់មកវិញ”។ លោកបន្តថា “យើងសង្កេតឃើញរយៈពេល១០ឆ្នាំម្តង សេដ្ឋកិច្ចតែងតែប្រឈមនឹងវិបត្តិ ហេតុនេះការងើបសេដ្ឋកិច្ចឡើងវិញបន្ទាប់ពីវិបត្តិ នឹងជាឱកាសសម្រាប់អ្នកវិនិយោគ”។

លោកច្រឹក សុខនីមបានបន្តថា គោលនយោបាយសេដ្ឋកិច្ច ដែលបានដាក់ចេញច្បាប់បទដ្ឋានគតិយុត្តិនានា ត្រូវបានរាជរដ្ឋាភិបាលបាននិងកំពុងសម្រួល ដើម្បីលើកកំពស់បរិយាកាសវិនិយោគ។ ជាមួយគ្នានេះ បណ្តាញផ្លូវគមនាគមន៍បាននិងកំពុងពង្រីក និងជម្រុញការវិនិយោគ ដែលនេះជាកត្តាសំខាន់ក្នុងការជម្រុញ និងលើកកំពស់សុខភាពក្នុងវិស័យនេះ ឲ្យកាន់​តែមានភាពល្អប្រសើរឡើង៕

ដោយៈ ស៊ីវ ម៉េង

       ភ្នំពេញៈ នៅពេលការដ្ឋានសំណង់នានា បន្តបន្លឺសម្លេងរបស់កម្មករ ខ្ញៀវខ្ញារនៅឡើយ ហើយអាគារខ្ពស់ៗ បន្តលូតទៅលើអាកាសរាល់ថ្ងៃ វាបង្ហាញថាសកម្មភាពក្នុងវិស័យនេះបន្តមានសុខភាពល្អ។

ប៉ុន្តែសកម្មភាព និងសម្លេងទាំងនោះ មានសភាពហាក់ស្ងប់ស្ងាត់ ហើយហ្វូងរថយន្តចេញដំណើរទៅកាន់ជាយក្រុងនានា ក៏ហាក់មិនសូវមានច្រើនដូចមុនវិបត្តិកូវវីដ១៩ដែរ ប៉ុន្តែសកម្មភាពវិនិយោគរប៉េះរប៉ោះនៅបន្តសកម្មភាពខ្លះៗផងដែរ ស្របពេលទំហំទុនវិនិយោគ ក្នុងវិស័យនេះមានសញ្ញាមិនសូវវិជ្ជមានឡើយ។

យោងតាមរបាយការណ៍របស់ក្រសួងរៀបចំ​ដែនដី នគរូបនីយ​កម្ម និង​សំណង់ នៅ​ក្នុង​ឆមាស​ទី​១ ឆ្នាំ​ ២០២២ ក្រសួង​បាន​អនុម័ត​លើ​គម្រោង​សាង​សង់​សរុប​២០០០​គម្រោង ដែល​មាន​ផ្ទៃ​ក្រឡា​សំណង់មានទំហំ២៨៥៩,៨៧៧ម៉ែត្រ​ការ៉េ និង​មាន​ទុន​វិនិយោគ១២០៦​លាន​ដុល្លារអាមេរិក​។

លើសពីនេះ ចំនួន​អគារ​ខ្ពស់ៗ ចាប់​ពីកំពស់៥​ជាន់​ឡើង​នៅ​ទូទាំង​ប្រទេស​មាន​ចំនួន២៤៧២​អគារ។ ចំណែក​បុរី​លំនៅឋាន និង​បណ្តុំ​លំនៅឋាន​មាន​លក្ខណៈ​ជា​បុរី មាន​ចំនួន៤៨២​គម្រោង​។

ឧបនាយករដ្ឋមន្រ្តី រដ្ឋមន្ត្រីក្រសួង​រៀបចំ​ដែនដី នគរូបនីយ​កម្ម និង​សំណង់ លោក ជា សុផារ៉ា បាន​លើកឡើងកាលពីចុងខែឧសភាថា​ ​វិស័យ​សំណង់​គឺជា​សសរស្ដម្ភ​សំខាន់​មួយ ​ក្នុងចំណោម​សសរស្តម្ភ​ទាំង៤ ​ដែល​ទ្រទ្រង់​សេដ្ឋ​កិច្ចកម្ពុជា ក្នុងចំណោម​សសរ​ស្ដម​ផ្សេងទៀត ​រួមមាន​ ទេសចរណ៍,​កសិកម្ម និង​វិស័យ​ឧស្សាហកម្ម​។

ទិន្នន័យ​របស់​ក្រសួង​រៀបចំ​ដែនដី នគរូបនីយកម្ម និង​សំណង់ បាន​ឱ្យ​ដឹង​ថា ក្នុង​រយៈពេល​២​ទសវត្ស​រ៍ចុងក្រោយ​នេះ ​​ក្រសួង​បានចេញ​លិខិត​អនុ​ញ្ញាតឱ្យ​សាងសង់​ជាង៥៧,០០០ ការដ្ឋាន​សំណង់​នៅ​ទូទាំងប្រទេស​​។ តាម​ការប៉ាន់ស្មាន​វិនិយោគ​សរុប​​ ក្នុង​វិស័យ​សំណង់​នា​​​រយៈពេល២ទសវត្ស​រ៍​​ចុងក្រោយ​នេះ​ មាន​ប្រមាណ​៦៦​ពាន់​លាន​ដុល្លា​រអាមេរិក ហើយ​វិស័យ​នេះ​​បាន​ផ្តល់​ការងារ​ជា​មធ្យម១៥​ ម៉ឺន​​នាក់​ក្នុង១ថ្ងៃ​។​

​អ្នកជំនាញ​ក្នុង​វិស័យ​អចលនទ្រព្យ និង​សំណង់​នៅ​កម្ពុជា បានលើកឡើង​ស្របគ្នា​ថា២ទសវត្ស​រ៍កន្លងមក​ គឺជា​ពេលវេលា​ដែល​វិស័យ​អចលនទ្រព្យ និង​សំណង់ មានការ​រីកចម្រើន​លឿន​បំផុត ​ក្នុង​ប្រវត្តិសាស្ត្រ​សម័យ​ទំនើប​នៅ​​​កម្ពុជា​។ ធាតុ​ផ្សំ​ចម្បង​ដែល​ធ្វើឱ្យ​វិស័យនេះ ​មាន​កំណើន​ខ្ពស់​បែបនេះ គឺ​ស្ថិរភាព​នយោបាយ និង​កំណើន​សេដ្ឋ​កិច្ច​ដែលមាន​ភាពរឹងមាំ និង​មាន​​ភាព​ធន់​។​

​អគ្គលេខាធិកា​រ​នៃ​សមាគម​អ្នក​អភិវឌ្ឍន៍​លំនៅឋាន​កម្ពុជា លោក ហ៊ុយ វណ្ណា បានមានប្រសាសន៍ឲ្យដឹងថា វិស័យ​អចលនទ្រព្យ និង​សំណង់​នៅ​កម្ពុជា ក្នុង​រយៈពេល​ជិត២​ទសវត្ស​រ៍ចុងក្រោយ​​នេះ ​បាន​រីកចម្រើន​យ៉ាង​ឆាប់រហ័ស​ស្ទើ​​រមិន​គួរឱ្យ​ជឿ ដោយ​កម្ពស់ និងចំនួន​អគារ​ធំៗ​នៅក្នុង​រាជធានី​ភ្នំពេញ និង​ខេត្ត​ព្រះសីហនុ​នៅពេលនេះ​ ​មិន​ចាញ់​ប្រទេសជិតខាង​ឡើយ ពិសេស​សំណង់​អគារ​ខុន​ដូ អគារ​ពាណិជ្ជកម្ម ផ្សារ​ទំនើប និង​បុរី​លំនៅឋាន ជាដើម។

លោក​បាន​បន្ថែមថា “អ្វី​ដែលជា​ចំណុច​​គួ​រឱ្យ​កត់សម្គាល់​មួយទៀត​នោះ គឺ​ការបញ្ចេញ​ទុនវិនិយោគ​លើ​វិស័យ​សំណង់ ​មាន​កាន់តែច្រើន​ពី​សំណា​ក់​អ្នក​នៅក្នុង​ស្រុក​”។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានមានប្រសាសន៍ឲ្យដឹងកាលពីថ្ងៃទី១៥ កញ្ញាថា ស្ថានភាពទីផ្សារអចលនទ្រព្យកម្ពុជាឆ្នាំនេះ មានសភាពតឹងបន្តិច​ ប៉ុន្តែមិនលំបា​កពេក និងឈានទៅរកការដួលរលំនោពះទេ។ លោកបន្តថា សកម្មភាពទិញ លក់ទំហំទឹកប្រាក់ធំៗមានការពិបាក ព្រោះបើយើងពឹងផ្អែកតែលើទី​ផ្សារក្នុងស្រុក វិស័យនេះមិនអាចទៅមុខលឿននោះទេ។

លោកបន្តថា “ស្ថានភាពនេះ ជាការរង់ចាំឱកាស ហើយការអភិវឌ្ឍអ្វីមួយត្រូវការពេលវេលា ប៉ុន្តែទីផ្សារកម្ពុជានៅតែមានសុទិដ្ឋិនិយម ចំពោះអនាគត”៕

ដោយៈគង់ សូរិយា

       សៀមរាបៈ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា នាព្រឹកថ្ងៃទី១៥ កញ្ញានេះ បានដឹកនាំក្រុមការងារ ចុះពិនិត្យមើលសកម្មភាពពលរដ្ឋនៅភូមិវាល សង្កាត់គោកចក ក្រុងសៀមរាប ចាប់ឆ្នោតយកដីឡូតិ៍ភូមិធម្មជាតិរុនតាឯក។

ប្រជាពលរដ្ឋជិត១ពាន់គ្រួសារ ក្នុងភូមិវាល ត្រូវបានរៀបចំឱ្យចាប់ឆ្នោតយកក្បាលដីឡូតិ៍ នៅភូមិធម្មជាតិរុនតាឯក ស្រុកបន្ទាយស្រី ដើម្បីឱ្យអាជ្ញាធររៀបចំតំបន់រមណីយដ្ឋានអង្គរ ឱ្យកាន់តែមានភាពទាក់ទាញឡើង។ ក្នុងពិធីនាពេលនោះ ប្រជាពលរដ្ឋបានបង្ហាញអារម្មណ៍ សប្បាយរីករាយជាខ្លាំង ដែលរាជរដ្ឋាភិបាលរៀបចំ ផ្តល់ដីកម្មសិទ្ធិឱ្យពួកគេ ក៏ដូចជាអរគុណដល់ឧបនាយករដ្ឋមន្រ្តី ជា សុផារ៉ា ចំពោះបេសកកម្មដ៏ជោគជ័យមួយនេះ។

លោកហាយ យ៉ុង មន្រ្តីរដ្ឋបាលក្រុងសៀមរាប អាជ្ញាធរកំពុងមមាញឹកក្នុងការផ្តល់បណ្ណដល់ពលរដ្ឋ ដើម្បីឱ្យពួកគេអាចយកកន្ទុយបណ្ណមកចាប់ឆ្នោតនៅរដ្ឋបាលខេត្តសៀមរាបបន្ត។ គិតត្រឹមម្សិលមិញ ការផ្តល់កន្ទុយបណ្ណនេះសរុប ៥៥៩គ្រួសារ ក្នុងចំណោមពលរដ្ឋភូមិវាលសរុប ៩៣៧គ្រួសារ។ លោក ហាយ យ៉ុង បញ្ជាក់ថា ការងារនេះអាចរៀងយូរបន្ដិច ដើម្បីឱ្យអាជ្ញាធរប្រាកដចំពោះការកំណត់អត្តសញ្ញាណពលរដ្ឋទាំងអស់។

ក្នុងដំណាក់កាលទី១ ពលរដ្ឋភូមិត្រពាំងសេស និងភូមិទស្សិណត្បូងសរុបចំនួន ១១១៧គ្រួសារ បានស្ម័គ្រចិត្តចាប់ឆ្នោតទៅភូមិធម្មជាតិរុនតាឯក ហើយដំណាក់ទី២ សម្រាប់ភូមិវាល មានពលរដ្ឋប្រមាណ១ពាន់គ្រួសារទៀត ដែលស្ម័គ្រចិត្តទទួលយកគោលនយោបាយ ដោះស្រាយរបស់រាជរដ្ឋាភិបាល៕

RIYADH: As Saudi Arabia plans to build 200 smart cities, it has launched a new challenge called “SMARTATHON” with an aim to extend the usage of Artificial Intelligence in creating smarter, safer, and healthier cities.

“We today announce the launch of SMARTATHON, the smart cities challenge,” said Abdullah Al Ghamdi, head of Saudi Data and Artificial Intelligence Authority, during the Global AI Summit in Riyadh on Sept. 14.

This comes as Majid Al Hogail, minister of Municipal and Rural Affairs and Housing, revealed the plans to unveil a number of smart cities in the Kingdom in partnership with SDAIA and the Royal Commission for Riyadh City.

Our dream is to have more than 200 smart cities in Saudi Arabia using AI, in areas of parking, special planning and the most important is the citizens’ engagement, and how that will improve the quality of service in our country,” Al Hogail stated.

The Global AI Summit, which runs from Sept. 13 to Sept. 15, is exploring the impact of AI on topics as crucial as economic mobility, health care, human capability development, and smart cities.

ដោយៈ វឌ្ឍនៈ

កណ្តាល/ កំពង់ស្ពឺៈ នៅក្នុងរយៈពេលប៉ុន្មានខែចុងក្រោយនេះ ចាប់តាំងពីពាក់កណ្ដាលត្រីមាសទី២ឆ្នាំ ២០២២ សកម្មភាពវិនិយោគអចលនទ្រព្យ និងដោះដូរ នៅក្នុងតំបន់តាមបណ្ដោយផ្លូវ៥១ ត្រូវបានមើលឃើញថាចាប់ផ្ដល់មានសកម្មភាពឡើងវិញ។

សកម្មភាពវិនិយោគ និងការដោះដូរអចលនទ្រព្យនៅតំបន់នេះ បានស្ថិតនៅក្នុងសភាពទ្រឹងមួយរយៈ ដោយសារតែវិបត្តិកូវីដ១៩ និងវិបត្តិដែលបណ្ដាលមកពីសង្គ្រាមរវាងរុស្ស៊ីនិងអ៊ុយក្រែន។

លោកផូន សុអុនដែន ប្រធានផ្នែកទីផ្សារនៃក្រុមហ៊ុនអចលនទ្រព្យkh Land ប្រចាំតំបន់ផ្លូវ៥១ ប៉ែកខាងលិចរាជធានីភ្នំពេញបានឱ្យដឹងថា មួយរយៈចុងក្រោយនេះ យើងពិជាបានមើលឃើញថាតំបន់ផ្លូវ៥១ មានសកម្ម​ភាពវិនិយោគឡើងវិញច្រើនមែន ដែលកាលពីមុនមានដែរតែមានចំនួនតិចប៉ុណ្ណោះ ។

លោកបន្តថា “បច្ចុប្បន្ន យើងឃើញមានក្រុមហ៊ុនអភិវឌ្ឍន៍សួនឧស្សាហកម្មធំៗ នៅតាមផ្លូវ៥១បានសម្រុក ក្នុងការសាងសង់ឃ្លាំងដើម្បីផ្គត់ផ្គត់ដល់តម្រូវការរបស់អតិថិជន ដែលស្វែងរកទីតាំងវិនិយោគ”។លោក​បន្តថា“នៅពេលមានការវិនិយោគច្រើន ទៅលើតំបន់ឧស្សាហកម្ម រោងចក្រ សហគ្រាសនានាបែបនេះ ក៏មានអ្នកអភិវឌ្ឍលំនៅឋាននៅតាមបណ្ដោយផ្លូវ៥១ក៏ចាប់ផ្ដើមដូចគ្នាដែរ ដោយពួកគេបានចូលទៅកាន់តំបន់នោះ បន្តគម្រោងដែលបានផ្អាឬបន្ថយសកម្មភាព”។

លោកបន្តទៀតថា សព្វថ្ងៃមានអ្នកស្វែងរកទិញផ្ទះ និងដីឡូត៏ ដើម្បីទុកវិនិយោគច្រើន និងមានអ្នកទិញដើម្បីអភិវឌ្ឍន៍ ក៏ដូចជា ទិញទុកសម្រា​ប់ស្នាក់នៅក៏ច្រើន ដែលជាការបញ្ជាក់ឱ្យឃើញថា តំបន់នេះចាប់ផ្ដើមមានសកម្មភាពកាន់ខ្លាំងឡើងវិញ ជាពិសេសនៅអំឡុងក្រោយបុណ្យចូលឆ្នាំខ្មែរ ឆ្នាំ ២០២២នេះ។

ជាមួយគ្នានេះ លោកច្រឹក សុខនីមប្រធានសមាគមអ្នកវាយតម្លៃនិងភ្នាក់ងារអចលវត្ថុកម្ពុជា បានថ្លែងកាលពីពេលថ្មីៗនេះឱ្យដឹងថា ពេលនេះជាពេលវេលាដែលអ្នកជំនាញ និងភ្នាក់ងារអចលវត្ថុកម្ពុជា ត្រូវត្រៀមខ្លួនក្នុងការស្វាគមន៍ ការវិនិយោគថ្មីនៅក្នុងវិស័យអចលនទ្រព្យឡើងវិញ ក្រោ​យពីវិស័យនេះ ត្រូវបានជួបប្រទះនឹងបញ្ហា អស់រយៈពេលជាង២ឆ្នាំកន្លង ដោយសារតែកូវីដផង និងដោយសារតែសង្គ្រាមរវាងរុស្ស៊ី និងអ៊ុយក្រែនផង ។

លោកបន្ត នៅចុងឆ្នាំ២០២២ ឬដើមឆ្នាំ២០២៣ខាងមុខនេះ លោករំពឹងថាវិស័យដីធ្លី និងអចលនទ្រព្យទាំងមូលនៅក្នុងប្រទេសកម្ពុជា អាចមានកំណើនឡើងវិញ ទាំងសកម្មភាពវិនិយោគរបស់វិនិយោគិន ក្នុងស្រុក និងវិនិយោគរបស់វិនិយោគិនមកពីខាងក្រៅប្រទេស ហើយស្ទើរតែគ្រប់ផ្នែកនៃវិស័យអចលនទ្រព្យនឹងមានដំណើរការល្អប្រសើរវិញផងដែរ៕

ដោយៈ សុផារី

ភ្នំពេញៈ សណ្ឋាគារលំដាប់ផ្កាយប្រំាដ៏ប្រណីត The Shangri-la Hotel ដែលគេស្គាល់ថាជាសណ្ឋាគារមានយីហោ លំដាប់ពិភពលោក គ្រោងបើកដំណើរការជាផ្លូវការ នៅក្នុងរាជធានីភ្នំពេញ ក្នុងត្រីមាសទី១ឆ្នាំ២០២៣ ខាងមុខនេះ។

ប្រធានក្រុមប្រឹក្សាភិបាលនៃក្រុមហ៊ុន Worldbridge Group អ្នកឧកញ៉ាសៀ រិទ្ធី បានថ្លែងប្រាប់គេហទំព័រ Property Area Asia នៅថ្ងៃទី១៥ ខែ​កញ្ញានេះថា សណ្ឋាគារលំដាប់ផ្កាយប្រំា The Shangri-la Hotel នឹងបើកដំណើរការនៅក្នុងត្រីមាសទី១ នៃឆ្នាំ២០២៣ខាងមុខនេះ។

បើយោងតាមការគូសបញ្ជាក់របស់អ្នកឧកញ៉ា ដំណើរការសាងសង់សណ្ឋាគារលំដាប់ផ្កាយប្រំា នេះបានបញ្ជប់រួចរាល់ហើយ នៅសល់តែកិច្ចការដេគ័រផ្ទៃខាងក្នុង ដែលបច្ចុប្បន្ននេះ ក្រុមការងារកំពុងតែដំណើរការ។

អ្នកឧកញ៉ាមានប្រសាសន៍ថា “យើងកំពុងតែដេគ័រនៅខាងក្នុង។ សាងសង់ហើយៗ នៅតែដេគ័រ”។

អ្នកឧកញ៉ាបញ្ជាក់ថា “យើងសន្មត់ថា អាចបើកនៅ Q១ (ត្រីមាសទី១) នៅឆ្នាំក្រោយ”។

សណ្ឋាគារលំដាប់ផ្កាយ៥មួយនេះ ស្ថិតនៅលើអាគារកម្ពស់៥៥ជាន់ និងមានចំនួន៣០០បន្ទប់ មានទីតាំងនៅក្នុងគម្រោង The Peak ដែលជា

គំរោងមួយបានបោះទុនវិនិយោគ លើទឹកប្រាក់ចំនួន៥៨០លានដុល្លារអាមេរិក ហើយត្រូវបានចាប់បុកគ្រឹះបើកការដ្ឋានសាងសង់ កាលពីថ្ងៃទី០៣ ខែឧសភា ឆ្នាំ២០១៦។

សណ្ឋាគារThe Shangri-La ជាការបណ្តាក់ទុនរួមគ្នា រវាងក្រុមហ៊ុន Oxley-Gem (Cambodia) Co., Ltd ដែលជាក្រុមហ៊ុនបុត្រសម្ព័ន្តរបស់ក្រុមហ៊ុនមេ Oxley Holdings Limited របស់សិង្ហបុរី និងក្រុមហ៊ុន Worldbidge Land (Cambodia) របស់អ្នកឧកញ៉ា សៀ រិទ្ធី៕