សុខុម

តូក្យូ: រដ្ឋបាលក្រុងតូក្យូ នៃប្រទេសជប៉ុន បានប្រកាសកាលពីថ្ងៃសុក្រ សប្ដាហ៍មុនថា ខ្លួនមានគោលបំណងអនុវត្តប្រព័ន្ធថ្មីមួយចាប់ពីខែមេសា ឆ្នាំ២០២៥ ដែលនឹងតម្រូវឱ្យក្រុមហ៊ុនសាងសង់ផ្ទះ និងក្រុមហ៊ុនអភិវឌ្ឍន៍ដំឡើងបន្ទះសូឡា (បន្ទះស្រូបពន្លឺព្រះអាទិត្យ) នៅលើអគារ និងផ្ទះថ្មីៗ។

យោងតាមក្រុមមន្ត្រីរដ្ឋបាលក្រុងនេះឱ្យដឹងថា ចំណាត់ការនេះអាចធ្វើឱ្យតូក្យូ ក្លាយជាទីក្រុងដំបូងគេក្នុងប្រទេសជប៉ុន ដែលតម្រូវឱ្យដំឡើងបន្ទះសូឡានៅលើផ្ទះសាងសង់ថ្មីទាំងអស់។ ប្រព័ន្ធនេះត្រូវបានរំពឹងថានឹងគ្របដណ្តប់លើក្រុមហ៊ុនសាងសង់ផ្ទះធំៗប្រមាណ៥០។

រដ្ឋបាលក្រុងតូក្យូ នឹងដាក់ជូនសំណើនេះទៅកាន់សភាក្រុងតូក្យូ អំឡុងសម័យប្រជុំរបស់ខ្លួននៅខែធ្នូ ខាងមុខ។

លោកស្រី Yuriko Koike ចៅហ្វាយក្រុងតូក្យូ បានថ្លែងក្នុងសន្និសីទសារព័ត៌មានកាលពីថ្ងៃសុក្រ សប្ដាហ៍មុនថា “ការទទួលបានការយោគយល់ និងកិច្ចសហប្រតិបត្តិការពីប្រជាពលរដ្ឋ និងបណ្ដាប្រតិបត្តិករអាជីវកម្ម គឺមិនអាចខ្វះបានឡើយសម្រាប់ការដំណើរការប្រព័ន្ធនេះដោយរលូន”។

លោកស្រីបានបន្ថែមថា រដ្ឋបាលក្រុងតូក្យូ នឹងធ្វើការកែលម្អកម្មវិធីឧបត្ថម្ភធនដើម្បីឱ្យប្រព័ន្ធនេះត្រូវបានអនុវត្តយ៉ាងទូលំទូលាយ។

ប្រព័ន្ធថ្មីនេះនឹងត្រូវអនុវត្តទៅលើផ្ទះថ្មី និងអគារដែលមានផ្ទៃជាន់សរុបតិចជាង២.០០០ម៉ែត្រការ៉េ ដោយមិនរាប់បញ្ចូលផ្ទះដែលមានផ្ទៃដំបូលតិចជាង២០ម៉ែត្រការ៉េនោះឡើយ៕ Japan Times៕

HCM CITY — The industrial real estate sector will likely continue to pick up in the remaining months of the year thanks to the ongoing global supply chain disruption and diversification, and the trade deals that Việt Nam has signed, experts said.

Energy price uncertainty due to geopolitical issues and concerns on economic growth, China’s persistence in pursuing a zero COVID-19 policy coupled with a global trade slowdown have been fueling the disruption and diversification, they added.

In Việt Nam, industrial real estate leasing has seen a hike in demand and rental prices, especially for logistics and warehousing.

According to CBRE Vietnam, a commercial real estate services and investment firm, in the third quarter, its industrial leasing enquiries are improving in both quantity and sizes. Land acquisition enjoyed 10 per cent year-on-year growth so far this year and 7 per cent growth for ready-built factories/warehouses.

The average size required by tenants of all CBRE’s enquiries was 9.4 ha in the first half of 2022 compared to 9.2 ha last year for land and 6,700 sqm in the first half compared with 6,100 sqm in 2021 for ready-built factories/warehouses.

Việt Nam continues to be an appealing destination for industrial real estate investors, according to global real estate services firm Cushman and Wakefield.

It attributed this to the country’s stable growth rate, an export-oriented economy, a rise in free trade agreements, a young labour force, investment incentives and strategic location.

With favourable government incentives, competitive labour costs, a stable political environment, a positive economic outlook and free trade agreements, the Southeast Asian country has become popular for foreign investors moving out of China.

To seize this opportunity, the north-eastern province of Quảng Ninh has emerged as a vibrant industrial property market as the province is transforming its rural tourism-based economy and industrialising to attract foreign investment.

Speaking at a recent conference to promote investment in Quảng Ninh, Châu Thành Hưng, deputy head of the Quảng Ninh Economic Zone Authority, said the province has a strategic geographical location as a gateway connecting China and Southeast Asia.

It has extensive transport infrastructure with an international airport, seaports, the Móng Cái international border gate and modern facilities.

It is home to major economic zones such as Quảng Yên, Vân Đồn and Móng Cái and 15 industrial parks (IPs).

Hưng said the province was developing seaport-IP complexes starting with the Bắc Tiền Phong Industrial Zone and Nam Tiền Phong Industrial Zone in the Quảng Yên Coastal Economic Zone.

These port-IP eco-systems would help reduce logistics costs for manufacturers.

It just issued investment licences to Indochina Kajima Development for its $23.9 million Core5 Quảng Ninh ready-built factory project.

As of the end of June, it had 150 foreign direct investment (FDI) projects worth $8.26 billion by investors from 20 countries and territories.

Việt Nam lured more than $14 billion of FDI in the first half, of which the Northern region attracted $6.7 billion, slightly higher than the Southern region with $6.5 billion.

The Northern region currently has about 63,500 ha of planned land for 238 industrial zones and clusters which are operational or in the process of site clearance and construction, according to a report by the Ministry of Industry and Trade. — VNS

សុខុម

ហូជីមិញ: ទីផ្សារអចលនទ្រព្យឧស្សាហកម្មក្នុងប្រទេសវៀតណាម ទំនងជានឹងបន្តហក់ឡើងនៅប៉ុន្មានខែចុងឆ្នាំ២០២២ នេះដោយសារការរអាក់រអួលនូវខ្សែសង្វាក់ផ្គត់ផ្គង់ទូទាំងពិភពលោក ដែលកំពុងបន្តកើតមាន និងការធ្វើពិពិធកម្ម ព្រមទាំងកិច្ចព្រមព្រៀងពាណិជ្ជកម្ម ដែលវៀតណាមបានចុះហត្ថលេខា​។

ក្រុមអ្នកជំនាញលើកឡើងថា ស្ថានភាពមិនច្បាស់លាស់ជុំវិញតម្លៃថាមពល ដោយសារបញ្ហាភូមិសាស្ត្រនយោបាយ និងការព្រួយបារម្ភអំពីកំណើនសេដ្ឋកិច្ច ការបន្តអនុវត្តគោលនយោបាយសូន្យកូវីដ-១៩ របស់ប្រទេសចិន បូករួមជាមួយនឹងការធ្លាក់ចុះពាណិជ្ជកម្មពិភពលោក បាននិងកំពុងបង្កើនការរអាក់រអួល និងជំរុញការធ្វើពិពិធកម្ម។

នេះបើយោងតាមសារព័ត៌មាន Vietnam News ចុះផ្សាយកាលពីថ្ងៃអង្គារ ទី១៣ ខែកញ្ញា។

នៅប្រទេសវៀតណាម ការជួលអចលនទ្រព្យឧស្សាហកម្មមានតម្រូវការកើនឡើង ហើយតម្លៃជួលក៏បានហក់ឡើងដែរ ជាពិសេសសម្រាប់ភ័ស្ដុភារ និងឃ្លាំង។

យោងតាមក្រុមហ៊ុនផ្ដល់សេវា និងវិនិយោគអចលនទ្រព្យ CBRE Vietnam ឱ្យដឹងថា នៅក្នុងត្រីមាសទី៣ ចុងឆ្នាំនេះ ការសិក្សាស្រាវជ្រាវរបស់ខ្លួនបង្ហាញថា ការជួលអចលនទ្រព្យឧស្សាហកម្មកំពុងកើនឡើងទាំងបរិមាណ និងទំហំ។ ការទិញដីសម្រេចបានកំណើន១០%រហូតមកទល់ពេលនេះ និងកើនឡើង៧%សម្រាប់រោងចក្រ ឬឃ្លាំងដែលសាងសង់រួចជាស្រេច។

ទំហំដីជាមធ្យម ដែលអ្នកជួលត្រូវការ គឺ៩,៤ហិកតានៅក្នុងឆមាសទី១ ដើមឆ្នាំ២០២២ បើធៀបនឹង៩,២ហិកតា កាលពីឆ្នាំមុន ហើយទំហំរោងចក្រ ឬឃ្លាំងដែលសង់រួចមានផ្ទៃ៦.៧០០ម៉ែត្រការ៉េ នៅក្នុងឆមាសទី១ បើធៀបនឹង៦.១០០ម៉ែត្រការ៉េក្នុងឆ្នាំ២០២១។

យោងតាមក្រុមហ៊ុនសេវាកម្មអចលនទ្រព្យពិភពលោក Cushman and Wakefield ឱ្យដឹងថា ប្រទេសវៀតណាម នៅតែបន្តក្លាយជាគោលដៅដ៏ទាក់ទាញ សម្រាប់អ្នកវិនិយោគលើអចលនទ្រព្យឧស្សាហកម្ម៕

ដោយ៖ សុផារី

ភ្នំពេញ៖លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានមានប្រសាសន៍ថា ការអភិវឌ្ឍក្រុងនាពេលបច្ចុប្បន្នច្រើនធ្វើឡើងនៅផ្លូវក្រវាត់ក្រុងទី៣ក្នុងខេត្តកណ្តាល ដោយចាប់ផ្តើមពីការអភិវឌ្ឍហេដ្ឋារចនាសម្ព័ន្ធ អចលនទ្រព្យលំនៅដ្ឋាន និង អចលនទ្រព្យពាណិជ្ជកម្ម ដែលការអភិវឌ្ឍទាំងអស់នេះអាចនឹងជះឥទ្ធិពលទៅលើតម្លៃដីធ្លីនៅតំបន់ទាំងនោះ។

លោកមានប្រសាសន៍ថា “ ដើម្បីបំពេញតម្រូវការនៃការប្រើប្រាស់ រាជធានីភ្នំពេញបាននិងកំពុងពង្រីកខ្លួនបន្ថែមទៀតកាន់តែច្រើននៅតាមតំបន់ជាយក្រុង។ ក្នុងនោះ តំបន់ផ្លូវក្រវាត់ក្រុងទី៣ ទទួលបានការអភិវឌ្ឍច្រើនបំផុត ជាពិសេសនៅក្នុងខេត្តកណ្តាល”។

លោកបញ្ជាក់ថា “បច្ចុប្បន្ននេះ ទិសដៅខេត្តកណ្តាលជាទិសដៅនៃអ្នកអភិវឌ្ឍន៍ជាយរាជធានីភ្នំពេញ។ គោលនយោបាយនៃការពង្រីកជា៣៦០ដឺក្រេ គ្រប់តំបន់ទាំងអស់នៅតាមផ្លូវក្រវាត់ក្រុងទី៣ ទី៤ ដែលជាផែនការអភិវឌ្ឍន៍ថ្មី”។

លោកបន្តថា “នាពេលបច្ចុប្បន្ន ភាគច្រើននៃការអភិវឌ្ឍធ្វើឡើងនៅលើផ្លូវក្រវាត់ក្រុងទី៣ ទទួលបានការគាំទ្រការវិនិយោគ ចំនួនដីធ្លីនិងផ្ទះសម្បែងផងដែរ ដែលជាកត្តាជំរុញការរីកចម្រើន”។

លោកបន្ថែមថា ការអភិវឌ្ឍក្រុងនៅក្នុងប្រទេសកម្ពុជា ជាពិសេសនៅរាជធានីភ្នំពេញ ចាប់ផ្តើមដោយការពង្រីកប្រព័ន្ធហេដ្ឋារចនាសម្ព័ន្ធ បន្ទាប់មកគឺលំនៅដ្ឋាន បន្ទាប់មកចាប់ផ្តើមមានការនាំនូវអាគារពាណិជ្ជកម្ម ចូលទៅកាន់តំបន់អភិវឌ្ឍន៍ថ្មី៕

ដោយ៖ វឌ្ឍនៈ

ភ្នំពេញ ៖ ការចុះបញ្ជីធ្វើអាជីវកម្មតាមប្រព័ន្ធបច្ចេកវិទ្យាព័ត៌មានទទួលបានកំណើនគួរឱ្យកត់សម្គាល់។ ក្នុងនោះវិស័យអចលនទ្រព្យ និងការចុះបញ្ជីប្រកបអាជីវកម្មលើវិស័យយានយន្តមានចំនួនច្រើនជាងគេ។ នេះបើយោងតាមសេចក្ដីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុ ចេញផ្សាយពេលថ្មីៗនេះ។

សេចក្ដីប្រកាសព័ត៌មានដដែលនេះ បានឱ្យដឹងថា ក្នុងមួយខែៗ ក្រសួងទទួលបានក្រុមហ៊ុនចុះបញ្ជីប្រកបអាជីវកម្មប្រមាណ៧០០ ទៅ៨០០ក្រុមហ៊ុន ដែលជាបរិមាណច្រើនមួយ បន្ទាប់ពីក្រសួងបានដាក់ដំណើរការប្រព័ន្ធចុះបញ្ជីតាមថ្នាលឌីជីថល។

លោក តាំង ងួនលី នាយកប្រតិបត្តិនៃមជ្ឈមណ្ឌលបណ្តុះធុរកិច្ចថ្មី “តេជោ”  បានមានប្រសាសន៍ថា ការធ្វើទំនើបកម្មសេវាសាធារណៈ រាជរដ្ឋាភិបាលកម្ពុជាបានដាក់ចេញ នូវក្របខណ្ឌសេដ្ឋកិច្ច និងសង្គមឌីជីថលកម្ពុជា២០២១-២០៣៥ ដោយក្របខណ្ឌនេះ សំដៅធ្វើយ៉ាងណាធ្វើបដិវត្តកម្មឌីជីថលឱ្យបានមុនឆ្នាំ២០៣៥។

លោកបន្តថា កម្ពុជាត្រូវមានមូលដ្ឋានមួយនៃការធ្វើបដិវត្តកម្មនេះ ដើម្បីទាញយកប្រយោជន៍ពីសេដ្ឋកិច្ចឌីជីថល។ ក្នុងនោះ ស្នូលសំខាន់នៃការធ្វើបដិវត្តកម្មឌីជីថលមានគោលដៅចំនួនពីរគឺ ទិន្នន័យ និងថ្នាលឌីជីថល ដែលកន្លងមកគណៈកម្មធិការសេដ្ឋកិច្ច និងធុរកិច្ចឌីជីថល នៃស្ថាប័នសម្របសម្រួល បានរៀបចំថ្នាលមួយចំនួនរួចហើយ ដើម្បីគាំទ្រដល់វិស័យរដ្ឋ និងឯកជន អាចថ្ពក់ចូលគ្នា ដើម្បីក្លាយជានវានុវត្តន៍ សម្រាប់ជាប្រយោជន៍នៃការប្រើប្រាស់របស់ប្រជាពលរដ្ឋ និងនៅក្នុងវិស័យរបស់រាជរដ្ឋាភិបាលផងដែរ។

លោកបន្តថា សម្រាប់និន្នាការនៃការចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មានរបស់រាជរដ្ឋាភិបាល ក្នុងមួយខែៗ ទទួលបានការចុះបញ្ជីអាជីវកម្មក្នុងរង្វង់ប្រមាណ៧០០ ទៅ៨០០ក្រុមហ៊ុន ដោយរក្សានូវកំណើនស្ថេរភាពល្អប្រសើរ ដែលជាការចូលរួមចំណែកកាន់តែសំខាន់ និងផ្តល់ភាពងាយស្រួលដល់វិនិយោគិន ជាពិសេសវិនិយោគិននៅក្រៅប្រទេស ក្នុងការចុះបញ្ជីវិនិយោគនៅកម្ពុជា។

លោកបណ្ឌិត គង់ ម៉ារី  អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការនៃអគ្គខាធិការដ្ឋានគណៈកម្មាធិការសេដ្ឋកិច្ច និងធុរកិច្ចឌីជីថល លើកឡើងថា សម្រាប់ពេលអនាគត ថ្នាលបច្ចេកវិទ្យាព័ត៌មានរបស់រាជរដ្ឋាភិបាល បានបង្ហាញយ៉ាងច្បាស់ នៃការពឹងផ្អែកលើបច្ចេកវិទ្យាឌីជីថល ដែលជាចន្ទល់ថ្មីនៃកំណើនសេដ្ឋកិច្ច និងសង្គម និងជាឧបករណ៍ដ៏មានឥទ្ធិពល ក្នុងការឆ្លើយតបទៅនិងវិបត្តិ ជាពិសេសដំណើរការនៃការងើបឡើងវិញ ចេញពីវិបត្តិនៃជំងឺកូវីដ-១៩ ក្នុងគោលបំណងលើកស្ទួយការប្រកួតប្រជែង និងលើកកម្ពស់បរិយាកាសធុរកិច្ច និងវិនិយោគនៅកម្ពុជា ។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា បានលើកឡើងផងដែរថា ការចុះបញ្ជីក្រុមហ៊ុននៅក្នុងក្រសួងសាម៉ី បានត្រឹមត្រូវក៏ជាការទាក់ទាញ និងផ្ដល់ទំនុកចិត្តដល់អ្នកវិនិយោគមកពីខាងក្រៅផងដែរ។ អ្នកវិនិយោគ ដែលមកពីបរទេស និងចង់បណ្ដាក់ទុនវិនិយោគនៅក្នុងប្រទេស គេត្រូវការក្រុមហ៊ុនមានបញ្ជីស្នាមត្រឹមត្រូវ ទាំងភ្នាក់ងារ និងអ្នកប្រឹក្សា ក៏ដូចជាវាយតម្លៃ។ ប្រសិនបើយើងមិនមានចុះបញ្ជីស្របច្បាប់ មិនមានបញ្ជីស្នាមត្រឹមត្រូវ វាក៏នឹងធ្វើឱ្យបាត់ទំនុកចិត្តមួយផ្នែកពីវិនិយោគិនបរទេសផងដែរ។

គិតត្រឹមខែមិថុនា ឆ្នាំ២០២២ កម្ពុជាទទួលបានក្រុមហ៊ុន ដែលបានចុះបញ្ជីតាមប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន ដែលអនុម័តរួចមានចំនួន១៤.៦៧៦ក្រុមហ៊ុន គិតជាដើមទុនសរុបមានចំនួនជិត២០ទ្រីលានរៀល ត្រូវប្រមាណជាង៤.៦៧០លានដុល្លារអាមេរិក៕

ដោយៈ សុផារី

ភ្នំពេញៈ រដ្ឋបាលរាជធានីភ្នំពេញ បានសម្រេចបង្កើតគណៈកម្មការ ដើម្បីសិក្សាដោះស្រាយ និងកាត់បន្ថយឱ្យបានពីការលិចលង់ ដោយជំនន់ទឹកភ្លៀងនៅក្នុងខណ្ឌច្បារអំពៅ ដោយនឹងធ្វើការសិក្សាទៅលើទីតាំងចំនួន៤សំខាន់ៗ រួមមាន ទីតាំងព្រែកអ្នកតាវាំង ព្រែកតាអេវ ព្រែកប្រា និងព្រែកបារាំង។

ក្នុងកិច្ចប្រជុំជាមួយអាជ្ញាធរ ខណ្ឌច្បារអំពៅ និងមន្ទីរជំនាញពាក់ព័ន្ធ នាព្រឹកថ្ងៃទី១៣ ខែកញ្ញា ឆ្នាំ២០២២នេះ លោក ឃួង ស្រេង អភិបាលរាជធានីភ្នំពេញ បានណែនាំឱ្យគណៈកម្មការមួយ ដោយមានការចូលរួមពីអាជ្ញាធរខណ្ឌ មន្ទីរជំនាញពាក់ព័ន្ធ ដែលគណៈកម្មការនេះ ត្រូវធ្វើការសិក្សានៅតំបន់ច្បារអំពៅនេះឱ្យបានម៉ត់ចត់។

លោកឃួង ស្រេង បានបន្ថែមថា “ក្រោយការសិក្សាបញ្ចប់យើងនឹងធ្វើការស្ថាបនា លូ ប្រឡាយ ក៏ដូចជាស្ថានីយ៍បូមទឹក ដើម្បីរំដោះទឹកនៅតំបន់លិចលង់ នៅក្នុងខណ្ឌច្បារអំពៅនេះ”។ លោកបន្តថា “គណៈកម្មការនឹងធ្វើការសិក្សាទៅលើទីតាំង សំខាន់ចំនួន៤ នៅក្នុងនោះរួមមាន ការសិក្សាទីតាំងព្រែកអ្នកតាវាំង ព្រែកតាអេវ ព្រែកប្រា និងព្រែកបារាំង”។

លោកឃួង ស្រេង បានបញ្ជាក់ថា អង្គការJICA បានធ្វើការសិក្សាបង្កើ​តជាប្លង់គោល នៅក្នុងខណ្ឌច្បារអំពៅនេះរួចហើយ សម្រាប់ឆ្នាំ២០៣៥​។ ក្រុមការងារ ក៏ដូចជាគណៈកម្មការត្រូវចុះសិក្សា ដោយយកប្លង់មេរបស់ JICA ឆ្នាំ២០៣៥ ជាគោល។

យ៉ាងណាក្តី ការដោះស្រាយបញ្ហាទឹកលិច នៅក្នុងខណ្ឌច្បារអំពៅ ជាបណ្ដោះអាសន្ន នៅរដូវវស្សានេះ ត្រូវតែធ្វើដោយលោក ឃួង ស្រេង បានស្នើឱ្យអាជ្ញាធរខណ្ឌ ក៏ដូចជាមន្ទីរជំនាញចុះទៅទីតាំងជាក់ស្ដែង ខណៈមានភ្លៀងធ្លាក់ខ្លាំង ដើម្បីឱ្យដឹងពីទំហំនៃការលិចលង់ ហើយយើងរួមគ្នាដោះស្រាយជាបន្ទាន់ ជូនប្រជាពលរដ្ឋតែម្តង។

លោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា ដើម្បីដោះស្រាយផ្លូវទឹក តំបន់ផ្ទៃរងទឹកភ្លៀងនីមួយៗ នៅក្នុងខណ្ឌច្បារអំពៅនេះ ឱ្យចៀសផុតពីការលិចទឹកភ្លៀង នៅរដូវវស្សានេះ ត្រូវអនុវត្តនការបន្ទាន់មួយ ដោយជីកប្រឡាយស្របផ្លូវ៣០ម៉ែត្រ ទទឹង២០ម៉ែត្រ តភ្ជាប់ពីបឹងថ្កុល បន្តទៅប្រឡាយព្រែកប្រា ដែលមានប្រវែង១.៧២៦ម៉ែត្រ។

ជីកស្តារប្រឡាយព្រែកប្រា ឱ្យបានទទឹង២០ម៉ែត្រ ប្រវែង៩៦៥ម៉ែត្រ និងដោះស្រាយសំណង់ មិនរៀបរយមួយចំនួន នៅលើព្រែកប្រានេះផងដែរ៕

ដោយៈ គង់ សូរិយា

       ខេត្តកែបៈ ផ្លូវជាតិលេខ៣៣A ដែលជាផ្លូវដ៏សំខាន់មួយត្រូវបានរៀបចំកែលំអរ និងលើកកំពស់សោភ័ណភាព ដើម្បីសម្រួលការធ្វើដំណើរ​របស់ប្រជាពលរដ្ឋ។

អភិបាលខេត្តកែប លោកបណ្ឌិត​ សោម​ ពិសិដ្ឋ​ ​នៅថ្ងៃទី១៣ កញ្ញានេះ អញ្ជើញចុះត្រួតពិនិត្យការដ្ឋានក្រាល ការ៉ូឡាចិញ្ចើមផ្លូវសំខាន់មួយនេះ។ ផ្លូវលេខ៣៣អា ស្ថិនៅភូមិថ្មី​ សង្កាត់ព្រៃធំ​ ក្រុងកែប​។

ថ្លែងប្រាប់អ្នកសារព័ត៌មាន នៅក្នុងឱកាសអញ្ជើ្ញញចុះពិនិត្យនោះ លោក បណ្ឌិត សោម ពិសិដ្ឋ អភិបាលខេត្តកែប បានបញ្ជាក់ថា ការកែលម្អដងផ្លូវលេខ​33អានេះ ដើម្បីលើកកម្ពស់សោភ័ណ្ឌភាពខេត្ត អោយកាន់តែស្រស់ត្រកាលមួយកំរិតទៀត ក្នុងនោះ មានការរៀបការ៉ូឡា ចាប់ពីឆ្នេរលេងទឹក ទៅទល់នឹងរង្វង់មូលសេះស និងបំពាក់សំណង់សិល្បៈការ្យជាច្រើនកន្លែង និងបំពាក់បង្គោលភ្លើងបំភ្លឺតាមដងផ្លូវផងដែរ។

លោកបន្តថា “ខេត្តកែប នឹងត្រៀមធ្វើជាម្ចាស់ផ្ទះ ក្នុងព្រឹត្ដិការណ៍ប្រកួតកីឡាស៊ីហ្គេម លើវិញ្ញាសារ ទ្រីយ៉ាត្លុង នាឆ្នាំ២០២៣ ខាងមុខ ដើម្បីទទួលភ្ញៀវជាតិ អន្ដរជាតិ”។

លោកបណ្ឌិតសោម ពិសិដ្ឋបានបន្តថា ក្នុងព្រឹត្តិការណ៍ដ៏សំខាន់នេះ រដ្ឋបាលខេត្តកែប បានខិតខំកសាងហេដ្ឋារចនាសម្ព័ន្ធជាច្រើន រួមមាន ផ្លូវ ប្រព័ន្ធលូរំដោះទឹក ការកែលម្អសោភណភាព សួនកំសាន្ដសាធារណៈ ការពង្រីកឆ្នេរកំសាន្ដថ្មី ប្រវែង២៧០០ម៉ែត្រ ការចាក់ដីពង្រីកទីធ្លាមុខសាលាខេត្ត និងការជម្រុញដល់គ្រប់បណ្ដារសណ្ឋាគារ ផ្ទះសំណាក់ រីស៊ត ក្នុងការចូលរួមផ្ដល់សេវាទេសចរណ៍ប្រកបដោយស្ដង់ដារ ។

ក្រៅពីនេះ បានត្រៀមលក្ខណៈជាស្រេច ក្នុងការថែរក្សាសន្ដិសុខសណ្ដាប់ធ្នាប់ ជូនភ្ញៀវទេសចរណ៍ជាតិ អន្ដរជាតិ ដែលមកសម្រាកកំសាន្ដ នៅលើទឹកដីខេត្តកែបប្រកបដោយផាសុខភាព​ និងទំនុកចិត្ត៕