​ដោយ​ ​វុត្ថា
​ភ្នំពេញ​៖​ ​គំរោង​ខុន​ដូ​ទី១ប្រចាំឆ្នាំ២០១៩​ ​បាន​បើក​ការដ្ឋាន​សាងសង់​ ​ខណៈ​អ្នកជំនាញ​នៅតែ​មាន​សុទិដ្ឋិនិយម​ ​ពី​ការទិញ​លក់​អាគារ​បែប​សហ​កម្ម​សិទ្ឋ​នេះ​ថា​នៅតែ​មាន​ភាពល្អ​ប្រសើរ​។​

​លោក​ ​មៀច​ ​សុខា​ ​អ្នកតំណាង​ក្រុមហ៊ុន​ ​Century​ ​21​ ​V​-​heritage​ ​Home​ ​Realty​ ​បាន​ឲ្យដឹង​កាលពី​ថ្ងៃទី១២​ ​ខែកុម្ភៈ​ ​ឆ្នាំ​ ​២០១៩​ ​នេះ​ថា​ ​ដោយ​មើលឃើញ​ពី​សក្តា​នុ​ពល​បែបនេះ​ ​ហើយ​ក្រុមហ៊ុន​សម្រេច​អភិវឌ្ឍន៍​គម្រោងAmara​ ​Residence​ ​ដែល​មានផ្ទះ​ ​ចំនួន៩៦យូនី​ត​ ​ចែកចេញជា​បី​ប្រភេទ​ ​គឺ​ប្រភេទ​ទី​ ​១​ ​បន្ទប់គេង​ ​២​ ​និង​ ​៤​ ​បន្ទប់គេង​ ​ហើយ​មាន​ទំ​ ​ហំ​ចាប់ពី៣៧​ ​ទៅដល់១៣៦​ ​ម៉ែត្រការ៉េ​ ​។​ ​លំនៅ​ដ្ឋាន​ក្នុង​គំរោង​នេះ៣០​ ​ភាគរយ​ជា​ប្រភេទ​ ​Condo​ ​Apartment​ ​ហើយ​ខុន​ដូ​នេះ​មានតម្លៃ​ចាប់ពី១៩០០ដុល្លារ​ឡើង​ទៅ​ក្នុង​មួយ​ម៉ែត្រការ៉េ​។​

​លោក​បន្ត​ថា​ ​“​ការ​វិនិយោគ​ខុន​ដូ​ប្រណីត​នេះ​ ​សាងសង់​ឡើង​ក្នុង​គោលបំណង​បំពេញចិត្ត​អ្នក​រស់នៅ​ក្នុង​ទីក្រុង​ ​ជាពិសេស​គូរស្រករ​ថ្មីថ្មោង​ ​ដែល​ឪ្យ​តម្លៃ​ការរស់នៅ​ប្រកបដោយ​ផាសុកភាព​ ​នៅ​កណ្តាល​រាជធានី​ភ្នំពេញ​”​។​

​Amara​ ​Residence​ ​មាន​កម្ពស់២៥​ ​ជាន់​ ​ស្ថិត​ក្នុង​ខណ្ឌចំការមន​ ​រាជធានី​ភ្នំពេញ​ ​ត្រូវ​បាន​អភិវឌ្ឍន៍​រួមគ្នា​រវាង​ក្រុមហ៊ុន​ ​Century21​ ​V​-​Heritage​ ​Home​ ​Realty​ ​Co​,​ ​Ltd​.​ ​និង​ជា​ម្ចាស់ដី​ ​ហើយ​ក្រុមហ៊ុន​ធំ​មួយ​របស់​ចិន​ ​CNE​ ​ជា​អ្នកទទួល​ម៉ៅការ​ទូទៅ​លើ​គម្រោង​នេះ​ ​ដែល​គ្រោង​នឹង​បញ្ចប់​នៅក្នុង​ឆ្នាំ២០២១​។​

​លោក​មៀច​ ​សុខា​បាន​បន្ត​ថា​ ​ទីផ្សារ​ខុន​ដូ​ក្នុង​ឆ្នាំ២០១៩នេះ​ ​នៅក្នុង​ប្រទេស​កម្ពុជា​ ​នៅតែ​មាន​សក្តា​នុ​ពល​សម្រាប់​ជនជាតិ​ខ្មែរ​ ​និង​ជនបរទេស​ ​ហើយ​គ្រាន់តែ​គម្រោង​នេះ​ ​ចេញ​ភ្លាម​ ​ត្រូវ​បាន​ជនជាតិ​ខ្មែរ​ ​និង​បរទេស​ទិញ​អស់​រួច​ទៅ​ហើយ​។​

​លោក​ ​ច្រឹក​ ​សុ​ខ​នីម​ ​ប្រធាន​សមាគមន៍​អ្នក​វាយតម្លៃ​អចលនវត្ថុ​កម្ពុជា​បាន​ឲ្យដឹង​ផង​ដែរ​ថា​ ​ទីផ្សារ​ខុន​ដូ​នៅក្នុង​ប្រទេស​កម្ពុជា​ ​គឺ​ពុំ​មាន​អ្វី​ប្រែ​ប្រែ​លនោះ​ទេ​ ​សម្រាប់​ឆ្នាំ​ ​២០១៩នេះ​ ​ពោល​គឺ​សកម្មភាព​នៃ​ការសាងសង់​ ​ក៏ដូចជា​ទីផ្សារ​លក់ដូរ​នៅតែ​មាន​សភាព​រឹង​មុំា​ដដែល​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​ការ​ចាក់កៅស៊ូ​លើ​ផ្លូវជាតិ​លេខ៥១​ ​មិន​ត្រឹមតែ​ធ្វើឲ្យ​ការ​ធ្វើដំណើរ​ងាយស្រួល​នោះ​ទេ​ ​តែ​ក៏​ធ្វើឲ្យ​ដី​នៅ​តំបន់​នោះ​មានតម្លៃ​កើនឡើង​។​

​ដោយមាន​ចម្ងាយ​ប្រមាណ១០ គីឡូម៉ែត្រ​ពី​រាជធានី​ភ្នំពេញ​ ​តំបន់​ផ្លូវជាតិ​លេខ៥១​ ​បាន​និង​កំពុង​ទាក់ទាញ​រោងចក្រ​ ​សហគ្រាស​នានា​ពង្រីក​ខ្លួន​ ​និង​ម្ចាស់​រោងចក្រ​ជាច្រើន​បាន​រើ​ទីតាំង​ទៅកាន់​តំបន់​នោះ​ ​ដែល​ធ្វើឲ្យ​កត្តា​ប្រជា​សាស្រ្ត​កើនឡើង​ ​សកម្មភាព​អាជីវកម្ម​កាន់តែ​ផុសផុល​ជាង​មុន​។​

ប្រធាន​ផ្នែក​លក់​នៃ​គំរោង​ដី​ឡូត៍​ថ្មីមួយរូូប​ ដែល​ស្ថិតនៅ​ជាប់​ផ្លូវជាតិ​លេខ៥១ បាន​មានប្រសាសន៍​ឲ្យដឹង​តាម​ទូរស័ព្ទ​នា​ព្រឹក​ថ្ងៃទី១២​ ​កុម្ភៈ​នេះ​ថា​ ​ជាមួយនឹង​ការ​រីកចម្រើន​ ​និង​មើល​ឃើញ​សក្តា​នុ​ពល​នៃ​ការអភិវឌ្ឍន៍​នៅ​តំបន់​នេះ​ ​ទើប​ក្រុមហ៊ុន​បាន​សម្រេច​ចិត្ត​វិនិយោគ​ពុះ​ដី​ឡូត៍​លក់​លើ​ផ្ទៃដី​ជិត៤០ហិ​ក​តា​ ​ដែល​បាន​បើក​ដំណើរការ​លក់​កាលពី​ថ្ងៃទី៧​ ​កុម្ភៈ​កន្លងមក​នេះ​។

​កញ្ញា​បាន​បន្ត​ថា​ ​គំរោង​នេះ​មាន​ដី​ទំ​ហំ​ខុស​ៗ​គ្នា​ ​ដោយមាន​ទំហំ​ចាប់ពី៥គុណ១៧ម៉ែត្រ​ ​៥គុណ១៨ម៉ែត្រ​ ​និង៥គុណ​នឹង​២០​ម៉ែត្រ​ ​ដែល​ដាក់​លក់​ក្នុង​តម្លៃ​ចាប់ពី៥៨០០ដុល្លារ​ឡើង​ទៅ​ ​ហើយ​អតិថិជន​បង់​ផ្តាច់​ទទួល​បានការ​បញ្ចុះតម្លៃ​១០​ភាគរយ​ ​និង​បង់​រំលស់​គឺ​មិន​យកការប្រាក់​រយៈពេល១ឆ្នាំ​។​

​ប្រធាន​ផ្នែក​លក់រូបនេះបានបន្ត​ថា​ ​“​ជាមួយនឹង​ការ​គិត​គូ​ពី​ផាសុ​ខ​ភាព​ ​ដល់​អ្នក​រស់នៅ​ក្នុង​គំរោង​នេះ​ ​ក្រុមហ៊ុន​បាន​គិត​ពី​ហេ​ដ្ឋា​រចនាសម្ព័ន្ឋ​សមស្រប​ ​ដោយ​មា​នប្រ​ព័ន្​ឋ​អគ្គិសនី​ ​បណ្តាញ​លូ​ ​និង​ផ្លូវ​ទំហំ​ចាប់ពី៨ដល់១២ម៉ែត្រ​។​ ជាមួយគ្នា​នេះ​ ​ក្រុមហ៊ុន​យើងខ្ញុំ​ក៏បាន​និង​កំពុង​រៀបចំ​សាងសង់​ផ្សារ​សហគមន៍​ ​នៅក្នុង​គំរោង​នេះ​ ​ដើម្បីឲ្យ​ប្រជាពលរដ្ឋ​ទិញ​ដី​ក្នុង​គំរោង​នេះ​អាច​សាងសង់​ផ្ទះ​រស់នៅ​ ​និង​អាច​លក់ដូរ​នៅក្នុង​ផ្សារ​បាន​”។​

​គំរោង​ដី​ឡូត៍​នេះ​ស្ថិតនៅ​ភូមិ​ដំណាក់​ព្រីង​ ​ឃុំ​ទំនប់ធំ​ ​ស្រុក​ពញ្ញា​ឮ​ ​ខេត្តកណ្តាល​។​ ​អ្វី​ដែល​ជា​សក្តា​នុ​ពល​នៅក្នុង​គំរោង​នេះ​ ​គឺ​ប្រជាពលរដ្ឋ​អាច​សាងសង់​ផ្ទះ​ជួល​ ​ដោយសារ​មាន​រោងចក្រ​ ​សហគ្រាស​នានា​នៅ​ព័ន្​ឋ​ជុំវិញ​គំរោង​នេះ​ ​ហើយ​គំរោង​នេះ​មាន​ទីតាំងនៅ​ជាប់​ផ្លូវជាតិ​លេខ៥១តែម្តង​ ​ពោល​គឺ​ត​បន់​នេះ​មាន​មនុស្ស​រស់នៅ​ច្រើន​ ​និង​មានកម្ម​ករ​ ​និយោជិត​ធ្វើការ​ច្រើន​នៅ​តំបន់​នេះ​។​

​អតិថិជន​អាច​ទំនាក់ទំនង​លេខទូរស័ព្ទ​ដើម្បី​ទិញ​គំរោង​នេះ​ ​តាមរយៈ​លេខទូរស័ព្ទ​ ​០១១​ ​៨១​ ​២៨​ ​៨៨​,​ ​០៦៧​ ​៨១​ ​២៨​ ​៨៨​។​

​កាលពី​ពេល​ថ្មី​ៗ​នេះ​ ​លោ​ក​ ឃួង​ ​ស្រេង ​អភិបាល​រាជធានី​ភ្នំពេញ​បាន​ជំរុញ ​និង​អំពាវនាវ​ឲ្យ​រោងចក្រ​ ​សហគ្រាស​នានា​រើចេញ​ពីទី​ក្រុង​ ​ដោយ​ត្រូវ​ទៅ​សាងសង់​នៅ​តាម​តំបន់​ជាយក្រុង​នានា​។​

​អនុប្រធាន​ក្រុមប្រឹក្សា​ភិបាល​ ​នៃ​សមាគម​អ្នកជំនាញ​អចលនទ្រព្យ​កម្ពុជា​ ​លោ​ក​ យិន​ ​លាង​គង់​ ​បាន​មានប្រសាសន៍​ថា​ ​ការពង្រីក​ផ្លូវជាតិ​លេខ៥១​ ​និង​ការ​ចាក់កៅស៊ូ​ផ្លូវ​នេះ​បាន​ធ្វើឲ្យ​តំបន់​នេះ​មានការ​រីកចម្រើន​លឿន​ ​ទាំង​ហេ​ដ្ឋា​រចនាសម្ព័ន្ឋ​ ​ទាំង​ការ​វិនិយោគ​ពី​អ្នក​វិនិយោគ​ជាតិ​ ​អន្តរជាតិ​ដែល​បាន​ធ្វើឲ្យ​មា​នកំនើ​នប្រ​ជា​សាស្រ្ត​ ​ហើយ​នៅពេល​មា​នកំនើ​នប្រ​ជា​សាស្រ្ត​ ​មានន័យថា​សកម្មភាព​អាជីវកម្ម​នានា​ ​បាន​កើនឡើង​ដោយ​ស្វ័យប្រវត្តិ​។​

​លោក​បន្ត​ថា​ ​“​ការ​កើនឡើង​តម្លៃ​ដីធ្លី​ ​និង​សកម្មភាព​អាជីវកម្ម​តំបន់​នេះ​ ​មិនមែន​ជា​រឿង​ភ្ញាក់ផ្អើល​ទេ​ ​ព្រោះ​កត្តា​សំ​ខាន់​ៗ​ដែល​ធ្វើឲ្យ​មាន​សកម្មភាព​អាជីវកម្ម​ ​និង​តម្លៃ​ដីធ្លី​កើតឡើង​ ​បាន​គាំទ្រ​ការ​អភិវឌ្ឍ​នៅ​តំបន់​នេះ​រួចហើយ​”​។​លោក​បន្ត​ថា​ ​“​តំបន់​នេះ​ ​ក៏ដូចជា​តំបន់​ជុំវិញ​ភ្នំ​ប្រសិ​ទ្ឋ​តម្លៃ​ដីធ្លី​ ​និង​សកម្មភាព​អាជីវកម្ម​នានា​បាន​និង​កំពុង​ធ្វើឲ្យ​តំបន់​កៀក​ទីក្រុង​នេះ​ ​នឹង​មានការ​រីកចម្រើន​ខ្លាំង​នា​ពេល​អ​នាគ​ត​ឆាប់​ៗ​នេះ​”​៕​
​

ដោយ​ ​គង់​ ​សូ​រិយា​

​ភ្នំពេញ​៖​ ​តម្លៃ​ដីធ្លី​នៅ​ក្រុង​បាវិត​ ​នឹង​កើនឡើង​ខ្ពស់​នា​ពេល​អនាគត​ ​ខណៈ​បច្ចុប្បន្ន​តម្លៃ​ដី​បាន​កើនឡើង​មួយ​កម្រិត​រួច​ទៅ​ហើយ​ ​ដោយសារ​ការសាងសង់​ទីក្រុង​រណប​ចំនួន​ពីរ​ ​និង​កំនើ​នវិ​ស័យ​ឧស្សាហកម្ម​។​

​បច្ចុប្បន្ន​ក្រុង​បាវិត​មាន​តំបន់​សេដ្ឋកិច្ច​ពិសេស​ប្រមាណ១០ទីតាំង​ ​និង​មានកម្ម​ករ​ ​និយោជិត​បំពេញការងារ​ប្រមាណ​ ​៤០,០០០នាក់​ ​ហើយ​កាលពីដើម​ឆ្នាំនេះ​ក្រុមហ៊ុន Empire​ ​World​ ​បាន​ប្រកាស​សាងសង់​ ​ទីក្រុង​រណប​ដំណាក់កាល​ទី១ទំហំ៥២ហិ​ក​តា​ ​និង​ទីក្រុង​រណប​ហេង​ ​ហេង​បាន​វិនិយោគ​លើ​ផ្ទៃដី៧ហិ​ក​តា​។​

​អនុប្រធាន​សមាគម​អ្នកជំនាញ​អចលនទ្រព្យ​កម្ពុជា​ ​និង​ជា​អ្នកជំនាញ​អចលនទ្រព្យ​លំដាប់​អន្តរជាតិ​ ​លោក​ ​សោម​ ​កែវ​ម៉ាលី​ដា​ ​បាន​មានប្រសាសន៍​ឲ្យដឹង​កាលពី​ពេល​ថ្មី​ ​ៗ​នេះ​ថា​ ​ស្ថានភាព​ទីក្រុង​បាវិត​បច្ចុប្បន្ន​ ​មាន​សភាព​ដូចគ្នានឹង​ក្រុង​ព្រះសីហនុ​កាលពី៣ឆ្នាំមុន​ ​ដែល​ពេលនោះ​តម្លៃ​ដីធ្លី​នៅ​ក្រុង​ព្រះសីហនុ​ ​មិន​មានតម្លៃ​ខ្ពស់​នោះ​ទេ​ ​ប៉ុន្តែ​បច្ចុប្បន្ន​តម្លៃ​ដី​នៅ​ក្រុង​ព្រះសីហនុ​បាន​កើនឡើង​ស្ទើរ​មិន​គួរឲ្យ​ជឿ​។​

​លោក​បន្ត​ថា​ ​“​ខ្ញុំ​គិតថា​តម្លៃ​ដី​នៅ​ក្រុង​បាវិត​នឹង​មាន​សភាព​ដូចគ្នា​ ​នា​រយៈពេល៣ទៅ៥ឆ្នាំខាងមុខ​ ​ខណៈ​បច្ចុប្បន្ន​តម្លៃ​ដី​នៅ​ទីក្រុង​នេះ​ ​បាន​កើនឡើង​មួយ​កម្រិត​រួច​ទៅ​ហើយ​តែ​ស្ថិត​ក្នុង​តម្លៃ​មួយ​អាច​វិនិយោគ​បាន​នៅឡើយ​”​។​ ​លោក​បន្ត​ថា​ ​“​តម្លៃ​ដី​ចេញពី​ផ្លូវជាតិ​កាលពី​ឆ្នាំមុន​មាន​ចន្លោះ​ពី៤ទៅ៧ដុល្លារ​ ​ប៉ុន្តែ​បច្ចុប្បន្ន​បាន​កើនឡើង​ចន្លោះ​ពី២៥ទៅ៤០ដុល្លារ​អាមេរិក​ក្នុង​មួយ​ម៉ែត្រការ៉េ​”​។​

​រដ្ឋាភិបាល​បាន​ដាក់បញ្ចូល​ក្រុង​បាវិត​ ​ជា​តំបន់ឧស្សាហកម្ម​ពិសេស​មួយ​ ​នៅក្នុង​គោលនយោបាយ​អភិវឌ្ឍន៍​វិស័យ​ឧស្សាហកម្ម​ឆ្នាំ២០១៥​ ​២០២៥​ ​ដែល​ការ​ដាក់បញ្ចូល​​នេះ​ ​ជា​មូលដ្ឋាន​ដ៏​សំខាន់​សំរាប់​ការ​វិនិយោគ​ ​ព្រោះ​រដ្ឋាភិបាល​នឹង​មាន​ផែនទី​ចង្អុល​ទិស​អភិវឌ្ឍន៍​ប្រកបដោយ​របៀបរៀបរយ​ ​និង​កសាង​ហេ​ដ្ឋា​រចនាសម្ព័ន្ឋ​នានា​ដើម្បី​ជំរុញ​ការ​វិនិយោគ​ពី​វិស័យ​ឯកជន​។​

​ជាល​ទ្ឋ​ផល​ក្រុង​បាវិត​បាន​ក្លាយជា​មជ្ឈមណ្ឌល​ពាណិជ្ជកម្ម​ ​ឧស្សាហកម្ម​ ​ទេសចរណ៍​ ​និង​កាស៊ីណូ​ព្រោងព្រាត​ ​ដែល​បាន​និង​កំពុង​សាងសង់​បន្ត​កាន់តែ​ច្រើន​ ​ដោយ​សា​រកំនើ​ននៃ​ការ​វិនិយោគ​របស់​ចិន​។​

​ថ្នាក់ដឹកនាំ​ក្រុមហ៊ុន​ស្ពាន​ថ្នល់​របស់​ប្រទេស​ចិន​ ​ក្នុង​កំឡុង​ជួប​សម្តែង​ការគួរសម​ជាមួយ​សម្តេច​តេជោ​ហ៊ុន​ ​សែន​នាយក​រដ្ឋមន្រ្តី​កម្ពុជា​ ​បាន​ប្រកាស​ពី​ការសាងសង់​ផ្លូវ​ល្បឿន​លឿន​ភ្នំពេញ​បាវិត​នា​ពេល​ខាងមុខ​ផង​ដែរ​។​

​លោក​ ​Eric​ ​Loo​ ​អគ្គនាយក​ក្រុមហ៊ុន​ ​Empire​ ​World​ ​បាន​មានប្រសាសន៍​ថា​ ​ក្រុង​បាវិត​មាន​លក្ខខ័ណ្ឌ​ពិសេស​មួយ​ទាក់ទង​នឹង​ទីតាំង​ភូមិ​សាស្រ្ត​ ​ដោយសារ​វា​ស្ថិតនៅ​ចន្លោះ​កណ្តាល​រវាង​ក្រុង​ហូ​ ​ជី​ម៉ិញ​ ​និង​ក្រុងភ្នំពេញ​ ​និង​មាន​ចម្ងាយ​ជិត​សំរាប់​ដឹកជញ្ជូន​ទំនិញ​ចេញពី​ទីក្រុង​បាវិត​ ​ទៅកាន់​កំពង់ផែ​ទឹកជ្រៅ​នៃ​ប្រទេស​វៀតណាម​។​លោក​បន្ត​ថា​ ​លោក​បាន​សិក្សា​យ៉ាង​លំអិត​ ​និង​ស៊ីជម្រៅ​ ​ទើប​សម្រេចចិត្ត​ជ្រើសរើស​ទីក្រុង​នេះ​ជា​តំបន់​សំរាប់​វិនិយោគ​។​

​លោក​បន្ត​ថា​ ​“​នា​ពេល​អ​នាគ​ត​ឆាប់​ៗ​នេះ​ ​ទីក្រុង​នេះ​នឹង​មាន​មនុស្ស​រស់នៅ​កាន់តែ​ច្រើន​ ​និង​មានការ​វិនិយោគ​កាន់តែ​ច្រើន​ពី​អ្នក​វិនិយោគ​ជាតិ​ ​អន្តរជាតិ​”​៕​
​

ដោយៈ​ ​រ៉ា​វី​
​ភ្នំពេញ​៖​ ​ជាមួយនឹង​កំណើន​នៃ​ក្រុមហ៊ុន​អចលនទ្រព្យ​ក្នុង​ស្រុក​នៅ​កម្ពុជា​ ​កំពុងតែ​មានការ​កើនឡើង​ជាបន្តបន្ទាប់​ ​ក្រុមហ៊ុន​អន្តរជាតិ​លំដាប់​ពិភពលោក​ធំ​មួយចំនួន​ក៏បាន​បង្ហាញ​វត្ត​នៅក្នុង​ទីផ្សារ​អចលនទ្រព្យ​ ​ដែល​កំពុង​រីកចម្រើន​ខ្លាំង​នៅ​កម្ពុជា​ផង​ដែរ​។​
​
​ការ​បង្ហាញ​វត្តមាន​ការិយាល័យ​តំណាង​ ​ក្រុមហ៊ុន​អចលនទ្រព្យ​លំដាប់​ពិភពលោក​ទាំងនោះ​ ​ត្រូវ​បាន​អ្នកជំនាញ​ផ្នែក​អចលនទ្រព្យ​បញ្ជាក់​ប្រាប់​ថា​ ​វា​ជា​សញ្ញា​បង្ហាញ​ពី​ភាព​ល្អ​ប្រសើរ​បស់​វិស័យ​អចលនទ្រព្យ​នៅ​កម្ពុជា​ ​ហើយ​វា​ក៏​ជា​ឱកាស​ដែល​អាច​ការិយាល័យ​តំណាង​ក្រុម​ហ៊ុន​ធំៗ​ទាំងនោះ​ ​ទទួល​បាន​អត្ថ​ប្រយោជន៍​ ​តប​ទៅ​នឹង​ប្រតិបត្តិ​ការ​របស់​ខ្លួន​នៅក្នុង​ប្រទេស​ដែល​កំពុងតែ​អភិវឌ្ឍ​មួយ​នេះ​ផង​ដែរ​។​
​
​លោកស្រី​ ​Grace​ ​Rachny​ ​Fong​ ​នាយិកា​ក្រុមហ៊ុន​ ​Century​ ​21​ ​Cambodia​ ​ជា​ក្រុមហ៊ុន​អចលនទ្រព្យ​អន្តរជាតិ​ដ៏​ធំ​ ​ដែល​មាន​រហូតដល់​ទី​ចំនួន៨១ទីតាំងនៅ​លើ​ពិភពលោក​បាន​មានប្រសាសន៍​ឲ្យដឹង​តាម​ទូរស័ព្ទ​កាលពី​ល្ងាច​ថ្ងៃទី១១​ ​កុម្ភៈ​កន្លងមក​ថា​ ​ជា​ធម្មតា​ ​នៅពេល​ដែលគេ​បណ្តាក់​ទុន​វិនិយោគ​លើ​អ្វីមួយ​ ​គឺ​ទាល់តែ​គេស​ម្លឹង​ឃើញ​ពី​ភាព​វិជ្ជមាន​ ​ដែល​ជា​ឱកាស​ទទួល​បាន​ភាព​ចំណេញ​ ​។​ ​ដោយឡែក​ ​ចំពោះ​វត្ត​មា​នរ​បស់ប​ ​ណ្តា​ក្រុមហ៊ុន​អចលនទ្រព្យ​អន្តរជាតិ​ ​លំដាប់​ពិភពលោក​នៅក្នុង​ប្រទេស​កម្ពុជា​ ​ក៏​ដូចគ្នា​ផង​ដែរ​ ​។​

​
​លោកស្រី​បន្ត​ថា​ ​“​មុន​ពេល​គេស​ម្រេច​ចិត្ត​មក​បង្ហាញខ្លួន​នៅ​ប្រទេស​ណាមួយ​ ​គឺ​គេ​បាន​សិក្សា​យ៉ាង​ច្បាស់​ពី​ស្ថានភាព​នយោបាយ​ ​ស្ថានភាព​សេដ្ឋកិច្ច​ ​ក៏​ដូច​ជា​សក្តា​នុ​ពល​ផង​ដែរ​”​។​ ​លោកស្រី​បន្ត​ថា​ ​“​ជាក់ស្ដែង​ដូចជា​ក្រុមហ៊ុន​ ​Century​ ​21​ ​Cambodia​ ​ជាដើម​ ​មុន​ពេល​ទទួល​បាន​សិទ្ធិ​ ​ធ្វើជា​ការិយាល័យ​តំណាង​ប្រចាំ​នៅ​កម្ពុជា​ ​គឺ​ក្រុមហ៊ុនមេ​បាន​សិក្សា​យ៉ាង​លម្អិត​ ​ទាំង​កេរ្តិ៍ឈ្មោះ​របស់​អ្នកតំណាង​ស្នើសុំ​ ​ទាំង​កេរ្​តិ​ឈ្មោះ​ក្រុមហ៊ុន​ ​ជាពិសេស​ភាព​រីកចម្រើន​នៃ​សេដ្ឋកិច្ច​ ​និង​កម្រិត​ ​GDP​ ​ក្នុង​ស្រុក​ផង​ដែរ​”​។​
​
​បច្ចុប្បន្ន​នេះ​ ​Century21​ ​Cambodia​ ​បាន​ពង្រីក​ការិយាល័យ​នៅក្នុង​ប្រទេស​កម្ពុជា​បាន​រហូតដល់២១​ ​ហើយ​ក្នុង​នោះ​មាន​ចំនួន៥ការិយាល័យ​ ​បាន​បំបែក​សាខា​របស់​ខ្លួន​នៅ​តាម​បណ្តា​ខ័ណ្ឌ​នានា​ផង​ដែរ​ ​។​
​
​ជាមួយគ្នា​នេះ​អ្នកនាង​ ​អាន​ ​សុធី​តា​នាយិកា​ប្រចាំ​ប្រទេស​នៃ​ក្រុមហ៊ុន​ ​CBRE​ ​Cambodiaបាន​លើកឡើង​ស្រដៀងគ្នា​ថា​ ​ការ​បង្ហាញ​វត្តមាន​របស់​ក្រុមហ៊ុន​អចលនទ្រព្យ​អន្តរជាតិ​លំដាប់​ពិភពលោក​នៅ​កម្ពុជា​នា​ពេលនេះ​ ​វា​គឺជា​សញ្ញា​វិជ្ជមាន​ដែល​បញ្ជាក់​ថា​ ​វិស័យ​អចលនទ្រព្យ​នៅ​កម្ពុជា​ ​កំពុងតែ​មាន​ចរន្ត​ល្អ​ប្រសើរ​បំផុត​។​

​
​អ្នកនាង​បន្ត​ថា​ ​«​មូលហេតុ​ដែល​ជំរុញ​ឱ្យ​បណ្តា​ក្រុមហ៊ុន​អចលនទ្រព្យ​ធំ​នៅ​លើ​សាកលលោក​ងាក​មក​ចាប់អារម្មណ៍​ ​និង​បង្ហាញ​វត្តមាន​របស់​ខ្លួន​នៅ​កម្ពុជា​នា​ពេលនេះ​ ​ក៏​ព្រោះតែ​ក្រុមហ៊ុន​ទាំងនោះ​ ​បាន​សម្លឹងឃើញ​ច្បាស់​ពី​សន្ទុះ​នៃ​ភាព​រីកចម្រើន​ ​និង​ការអភិវឌ្ឍន៍​លើ​វិស័យ​អចលនទ្រព្យ​នៅ​កម្ពុជា​”​។​

​អ្នកនាង​អាន​ ​សុធី​តា​បាន​ពន្យល់​ថា​ ​ហេតុផល​សំ​ខាន់​ៗ​ចំនួន​ ​៣​ ​ដែល​ធ្វើ​ឱ្យ​ក្រុមហ៊ុន​លំដាប់​ពិភពលោក​ទាំងនោះ​ ​សម្រេចចិត្ត​ដាក់​កា​រិយា័​យតំ​ណាង​ក្រុមហ៊ុន​របស់​ខ្លួន​នៅ​កម្ពុជា​ក៏​ព្រោះតែ​ ​ទី១​ ​ដោយសារតែ​ច្បាប់​វិនិយោគ​នៅ​កម្ពុជា​ ​មាន​ភាព​អំណោយផល​ដល់​ពួកគេ​ ​និង​មាន​ភាពល្អ​ប្រសើរ​ជាង​បណ្តា​ប្រទេស​នានា​ ​ដែល​ស្ថិតនៅ​ជិតខាង​កម្ពុជា​ ​។​ ​ទី២​ ​បើ​ទោះជា​ចរន្ត​នៃ​ការ​វិនិយោគ​លើ​វិស័យ​អ​ចល្រព្យ​នៅ​កម្ពុជា​ ​កំពុងតែ​មាន​ភាព​ផុលផុស​យ៉ាង​យ៉ាងណា​ ​ប៉ុន្តែ​វា​នៅ​មិនទាន់​អាច​ផ្គត់ផ្គង់​នូវ​តម្រូវការ​ ​នៅ​លើ​ទីផ្សារ​បាន​នៅឡើយ​នោះ​ទេ​ ​ដូច្នេះ​ការ​ចូលខ្លួន​មកកាន់​ប្រទេស​ ​ដែល​កំពុងតែ​មានការ​អភិវឌ្ឍ​មួយ​នេះ​ ​អាច​ជា​ឱកាសល្អ​សម្រាប់​ពួកគេ​ក្នុង​ការ​ទទួល​បាន​ភាគលាភ​ ​ឬ​ប្រាក់ចំណេញ​ត្រឡប់ទៅវិញ​យ៉ាង​ងាយ​ ​ហើយ​ទី៣​ ​អ្វី​ដែល​សំខាន់​នោះ​ ​គឺ​ដោយសារ​គេស​ម្លឹង​យ៉ាង​ច្បាស់​ថា​ ​កំណើន​ផលិតផល​ក្នុង​ស្រុក​(​ការ​រីកចម្រើន​លើ​វិស័យ​អចលនទ្រព្យ​)​ ​នៅ​កម្ពុជា​ ​មាន​ភាព​លឿន​រហ័ស​ ​និង​មាន​ទីផ្សារ​ធំ​ទូលាយ​ ​បើ​ប្រៀបធៀប​ទៅ​នឹង​ប្រទេសជិតខាង​នៅក្នុង​តំបន់​។​
​
​អ្នកនាង​បាន​បន្ត​ថា​ ​“​វា​ជា​រឿង​ល្អ​ដែល​មាន​បណ្តា​ក្រុមហ៊ុន​អន្តរជាតិ​លំដាប់​ពិភពលោក​មកកាន់​កម្ពុជា​ ​ព្រោះ​នៅពេល​ដែល​មាន​វត្តមាន​ក្រុម​ហ៊ុន​ធំៗ​ ​ចូល​មកកាន់​តែ​ច្រើន​ ​ការប្រកួត​ប្រជែង​នៅ​លើ​ទីផ្សារ​មួយ​នេះ​ ​ក៏​កាន់តែ​មាន​ភាពល្អ​ប្រសើរ​ដែរ​ ​ដោយ​ទាំង​ក្រុមហ៊ុន​តូច​-​ធំ​ ​នៅក្នុង​ស្រុក​នឹង​ខិតខំ​ពង្រឹង​ទាំង​ផ្នែក​សេវាកម្ម​ ​ទាំង​ផ្នែក​គុណភាព​ ​ក៏ដូចជា​តម្លៃ​ ​ដើម្បី​ធ្វើ​យ៉ាងណា​អាច​អូសទាញ​អតិថិជន​បាន​ប្រកបដោយ​ភាព​ជឿជាក់​ ​និង​ទំនុកចិត្ត​ខ្ពស់​”​។​
​
​អ្នកនាង​បន្ថែម​ថា​ ​អ្វី​ដែល​ជា​ចំណែក​វិជ្ជមាន​ដល់​សង្គម​ ​និង​ប្រទេសជាតិ​នោះ​ ​គឺ​នៅពេល​ ​ដែល​វិស័យ​អចលនទ្រព្យ​កាន់តែ​មានការ​អភិវឌ្ឍ​ ​ផ្នែក​ខាង​ហេដ្ឋារចនាសម្ពន្ធ​ក៏​មាន​ភាព​រីកចម្រើន​ផង​ដែរ​ ​ក្រៅពី​នេះ​ក៏បាន​រួមចំណែក​បង្កើត​ ​ឱកាស​ការងារ​ដល់​ប្រជាជន​ក្នុង​ស្រុក​ ​រួម​ជាមួយនឹង​ការប្រាក់​ចំណូល​ដល់​ប្រទេសជាតិ​ ​តាមរយៈ​ការ​បង់ពន្ធ​ទៅលើ​ដំណើរ​ប្រតិបត្តិ​ការ​របស់​ក្រុមហ៊ុន​អចលនទ្រព្យ​ទាំងនោះ​ផង​ដែរ​ ​៕​