កម្ពុជានឹងរៀបចំទិវាជាតិទីក្រុងស្អាតលើកទី៧នៅចុងខែនេះ

February 11, 2019

ដោយ គង់ សូរិយា

ភ្នំពេញ៖ ប្រទេសកម្ពុជានឹងរៀបចំទិវាជាតិទីក្រុងស្អាតលើកទី៧នៅចុងខែកុម្ភៈនេះ ដើម្បីលើកកម្ពស់វិស័យទេសចរណ៍ និងទាក់ទាញភ្ញៀវទេសចរជាតិ និងអន្តរជាតិឲ្យកាន់តែច្រើនឡើងថែមទៀត។

ថ្លែងនៅក្នុងកិច្ចប្រជុំគណៈកម្មាធិការជាតិវាយតម្លៃទីក្រុងស្អាត ដើម្បីត្រៀមរៀបចំទិវាជាតិទីក្រុងស្អាតលើកទី៧ ក្រោមប្រធានបទទីក្រុងស្អាត ៖ ទីក្រុងផ្តល់ភាពកក់ក្តៅ នាព្រឹកថ្ងៃទី១១ ខែកុម្ភៈនេះ លោក ថោង ខុន រដ្ឋមន្ត្រីក្រសួង្ទេសចរណ៍បានឪ្យដឹងថា ទិវាជាតិទីក្រុងស្អាតលើកទី៧នេះ គ្រោងនឹងរៀបចំឡើងនៅថ្ងៃទី២៥ខែកុម្ភៈ ឆ្នាំ ២០១៩ សណ្ឋាគាររ៉េស៊ីដង់សុខាភ្នំពេញ ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

លោកបន្តថា ទិវានេះ រៀបចំឡើងក្នុងគោលបំណងជំរុញឲ្យទីក្រុងទាំងអស់ឲ្យបង្កើនការប្រគួតប្រជែងគ្នាផ្នែកអនាម័យ បរិស្ថាន ផ្នែកសន្តិសុខ គំនិតឆ្នៃប្រឌិតទាក់ទាញភ្ញៀវទេសចរ។ជាមួយគ្នានោះក៏នឹងមានប្រគល់លាភី“រង្វាន់សម្តេចតេជោនាយករដ្ឋមន្រ្តីសម្រាប់ធុរកិច្ចបៃតងក្នុងវិស័យទេសចរណ៍” លើកទី៣ , ជ័យលាភី“ទីក្រុងដែលមានពិធីបុណ្យចូលឆ្នាំសកលល្អជាងគេប្រចាំឆ្នាំ២០១៨ និងប្រគល់ជ័យលាភី “បង្គន់សាធារណៈកម្ពុជា” លើកទី១ ។

លោក ណេប សាមុត អគ្គលេខាធិកា នៃគណៈកម្មាធិការជាតិវាយតម្លៃទីក្រុងស្អាតបានប្រាប់អ្នកសាព័ត៌មានក្រោយកិច្ចប្រជុំនោះថា នៅក្នុងទិវាជាតិទីក្រុងស្អាតលើកទី៧នេះ ដែរក្រសួងទេសចរណ៍បានត្រៀមប្រកាសឲ្យមានប្រព័ន្ធចំណាត់ថ្នាក់វិថីម្ហូបអាហាតាមដងផ្លូវនិងសេវាកម្មរបស់តូបលក់ម្ហូបអាហារតាមដងផ្លូវដើម្បីបង្កើនប្រសិទ្ធិភាពសេវកម្មទេសចរណ៍ឲ្យកាន់តែល្អប្រសើរថែមទៀត។

នៅក្នុងឆ្នាំ២០១៨កម្ពុជាទទួលភ្ញៀវទេសចរអន្តរជាតិចំនួន៦លាន២សែននាក់ក្នុងនោះភ្ញៀវទេសចរចិនឈរក្នុងលំដាប់ថ្នាក់ទី១មានប្រមាណ២លាននាក់។

តាមការព្យាករណ៍កម្ពុជានឹងទទួលបានភ្ញៀវទេសចរអន្តរជាតិប្រមាណ ៧លាន៥សែននាក់នៅឆ្នាំ២០២០ និងនាំមកនូវចំណូលសរុបប្រមាណ៥០០០លានដុល្លារអាមេរិក បង្កើតនូវឱកាសការងារដោយផ្ទាល់ជូនប្រជាជនកម្ពុជាប្រមាណ១លាននាក់៕

ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ សាងសង់លឿនជាងផែនការ

February 11, 2019

0

ដោយវុត្ថា

ភ្នំពេញ៖ អ្នកនាំពាក្យក្រសួងសាធារណៈការ និងដឹកជញ្ជូន លោកវ៉ា សីុមសូរិយា បានឱ្យដឹងថា ការសាងសង់ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ នាពេលនេះ ហាក់លឿនហួសពីផែនការបន្តិច ។

លោកបន្តថា ការសាងសង់ ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ រហូតមកដល់ពេលនេះ គឺសម្រេចបានប្រមាណជា ៣៣. ៣ភាគរយ ដោយសារតែក្រុមជាងកំពុងសម្រុកធ្វើយ៉ាងសកម្ម បើតាមផែនការមកដល់ពេលនេះ វាអាចត្រឹមតែ ២៣ភាគរយប៉ុណ្ណោះ ។

លោកបន្តថា “ជួនកាលវាអាចលឿនតែដំបូងចឹង តែនៅពេលបន្តបន្ទាប់ទៀតវាយឺតវិញក៏ថាបានដែរ។ ខ្ញុំមិនហ៊ានថាយ៉ាងមិចដែរ តែនៅពេលសាងសង់ចប់គឺចប់ហើយ យ៉ាងណាក៏ដោយបើតាមផែនការស្ពាននេះ គ្រោងបញ្ចប់នៅក្នុងឆ្នាំ២០២១ខាងមុនេះ” ។

សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា កាលថ្ងៃទី០៩ ខែកុម្ភៈ ឆ្នាំ២០១៨នេះ បានអញ្ជើញបើកការដ្ឋានសាងសង់នូវ «ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ» នេះ ដែលជាស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ ។

ស្ពានដែលបានកំពុងសាងសង់នេះគឺចាប់ផ្តើមពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គ ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ ស្ពាននេះមានប្រវែងសរុប ១,១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក។

តាមគម្រោងស្ពាននេះ នឹងត្រូវចំណាយគ្រោងចំណាយថវិកាចំនួន ៥៦,៩៩៨លានដុល្លារអាមេរិក ជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសម្អាតយុទ្ធភណ្ឌមិនទាន់ផ្ទុះ៕

រដ្ឋាភិបាលនឹងសាងសង់វារីអគ្គិសនីស្ទឹងពោធិសាត់នៅក្នុងឆ្នាំនេះ

February 11, 2019

0

ដោយនៅ វឌ្ឍនា
ភ្នំពេញ៖ រាជរដ្ឋាភិបាលជំរុញការសាងសង់រោងចក្រវារីអគ្គិសនីថ្មីមួយបន្ថែមទៀតនៅខេត្តពោធិសាត់ដែលមានអនុភាព៨០ មេហ្គាវ៉ាត់ ឲ្យបាននៅក្នុងឆ្នាំ២០១៩នេះ ក្រោយពីបានបញ្ចប់ការសិក្សារួចរាល់ ដើម្បីឆ្លើយតបទៅនឹងតម្រូវការប្រើប្រាស់ថាមពលអគ្គិសនីរបស់ប្រជាពលរដ្ឋ និងវិស័យឧស្សាហកម្មនិងសិប្បកម្មនានា ព្រមទាំងផ្តល់ប្រយោជន៍ដល់សេដ្ឋកិច្ចជាតិ។

លោក វ៉ិចទ័រ ហ្សូណា អ្នកនាំពាក្យក្រសួងរ៉ែនិងថាមពលបានឪ្យដឹងនៅថ្ងៃទី១១ ខែកុម្ភៈនេះថា រាជរដ្ឋាភិបាលកំពុងចរចាតម្លៃថ្លៃលក់អគ្គិសនីត្រឡប់មកវិញជាមួយក្រុមហ៊ុនវិនិយោគមកពីប្រទេសចិន និងកូរ៉េ ក្នុងតម្លៃចន្លោះពី ៧សេន ទៅ៨ សេន ក្នុងមួយគីឡូវ៉ាត់ម៉ោង។

លោកបន្តថា ប្រសិនបើភាគីទំាង២ចចារត្រូវរូវគ្នាហើយនោះ អាចឈានទៅអភិវឌ្ឍន៍បង្កើតរោងចក្រវារីអគ្គិសនីនាពេលឆាប់ៗនេះ ពោលគឺអាចនៅក្នុងឆ្នាំ២០១៩នេះ ហើយគ្រោងប្រើរយៈពេលសាងសង់ក្នុងចន្លោះ៣ ទៅ៤ឆ្នាំ។

លោកបានបញ្ជាក់ទៀតថា ការអភិវឌ្ឍវារីអគ្គីសនីស្ទឹងពោធិ៍សាត់បន្ថែមនេះមានសារៈសំខាន់ខ្លំាងណាស់ដើម្បី ឆ្លើយតបនឹងតម្រូវការប្រើប្រាស់របស់ប្រជាពលរដ្ឋផង លើវិស័យឧស្សាហកម្ម សិប្បកម្ម សេវាកម្ម ផ្សេងៗទៀត ហើយធានាដល់សន្តិសុខថាមពល ក្នុងស្រុកផង ដែលឈានទៅកាត់បន្ថយការនាំចូលប្រភពថាមពលអគ្គិសនីពីបរទេសថែមទៀតផង។

អ្នកនាំពាក្យរូបនេះបានអះអាងថា តាមការសិក្សាគម្រោងសាងសង់វារីអគ្គិសនីស្ទឹងពោធិ៍សាត់នេះ អាចចំណាយថវិការហូត ដល់ជាង១៦០លានដុល្លាអាមេរិក ដោយមានអនុភាពរហូតដល់៨០មេហ្គាវ៉ាត់ ហើយផ្នែកផលប៉ៈពាល់គឺតិចតួចបំផុត។

លោកស៊ុយ សែម រដ្ឋមន្រ្តីក្រសួងរ៉ែនិងថាមពលធ្លាប់បានឲ្យដឹងថា ក្នុងឆ្នាំ២០១៩នេះ រាជរដ្ឋាភិបាលមានផែនការ បន្ថែមប្រភពថាមពលអគ្គិសនីគ្រប់ប្រភេទ អភិវឌ្ឍន៍ខ្សែបណ្តាញជាតិឲ្យបានគ្រប់ខេត្តនិងរាជធានី និងធ្វើខ្សែចែកចាយឲ្យបានគ្រប់ភូមិទៅដល់ផ្ទះប្រជាពលរដ្ឋនៅឆ្នាំ២០២០ ដែលឆ្លើយតបទៅនឹងតម្រូវការរបស់ប្រជាពលរដ្ឋ។

មកដល់ពេលនេះកម្ពុជាមានវារីអគ្គិសនីចំនួន៧កន្លែងហើយ ដោយ៦កន្លែង ស្ថិតនៅភាគខាងត្បូងឈៀងខាងលិចនៃប្រទេសកម្ពុជាមានដូចជា វារីអគ្គិសនីអាតៃ ឬស្សីជ្រុំ កំចាយ គីរីរម្យ១ គីរីរម្យ៣ និងវារីអគ្គិសនីតាតៃ។ ចំណែកមួយកន្លែងទៀតគឺវារីអគ្គិសនី សេសានក្រោម២ស្ថិតនៅខេត្តស្ទឹងត្រែងភាគឥសាន្តនៃប្រទេសកម្ពុជា៕

កម្ពុជាកំពុងជំរុញការផ្សព្វផ្សាយ និងទាក់ទាញទេសចរពីទីផ្សារហ្វីលីពីន

February 11, 2019

0

ដោយវុត្ថា

ហ្វីលីពីន៖ រាជរដ្ឋាភិបាលកម្ពុជាតាមរយៈក្រសួងទេសចរណ៍ បាននឹងកំពុងជម្រុញការផ្សព្វផ្សាយពីសក្កដានុពលទេសចរណ៍របស់ខ្លួន និងទាក់ទេសចរពីទីផ្សារហ្វីលីពីន ឪ្យមកកម្សាន្តកម្ពុជាឪ្យបានកាន់តែច្រើនថែមទៀត ជាពិសេសជំរុញយុទ្ធនាការផ្សព្វផ្សាយទេសចរណ៍ កម្ពុជាៈ ព្រះរាជាណាចក្រអច្ឆរិយៈ ផ្តល់ភាពកក់ក្ តៅ(Cambodia: Kingdom of Wonder-Feel the Warmth) និងផ្សព្វផ្សាយពីវេទិកាទេសចរណ៍អាស៊ាន (ATF2021)ដែលកម្ពុជានឹងទទួលធ្វើជាម្ចាស់ផ្ទះនៅឆ្នាំ២០២១ ខាងមុខនេះ។

លោក គុជ បញ្ញាសា អនុរដ្ឋលេខាធិការក្រសួងទេសចរណ៍ នៅក្នុងពិពរ័ណ៍ទេសចរណ៍អន្តរជាតិ International Travel Trade Expo-ITTE Manila, Philipines 2019 នៅប្រទេសហ្វីលីពីនបានឪ្យដឹងថា កម្ពុជាបានបង្ហាញនូវមោទនភាព និងកិត្តិយស ព្រមជាមួយនឹងសកម្មភាពជំរុញផ្សព្វផ្សាយ គោលដៅទេសចរណ៍កម្ពុជាដ៏ទាក់ទាញ នៅក្នុងព្រឹត្តិការណ៍ដ៏សារសំខាន់នេះ រួមមាន៖ កម្ពុជាមានស្តង់ពិព័រណ៍ដើម្បីជម្រុញផ្សព្វផ្សាយសក្តានុពលទេសចរណ៍ ការជួបផ្ទាល់ជាមួយអ្នកទិញ និងអ្នកលក់ ប្រតិបត្តិករទេសចរណ៍ដើម្បីជំរុញអាជីវកម្ម ផលិតផល កញ្ចប់ទស្សនកិច្ច និងទេសចរណ៍។

លោកបន្តថា ជាមួយគ្នានោះ កម្ពុជាបានធ្វើបទបង្ហាញអំពីសក្តានុពលសម្បូរណ៍បែប ការរីកចម្រើននៃវិស័យទេសចរណ៍ ក៏ដូចជាការធានាបានដ៏ប្រសើរនូវសុខសន្តិភាព ស្ថិរភាពសង្គម សំដៅបន្តអភិវឌ្ឍប្រទេសកម្ពុជាឲ្យមានការរីកចម្រើន ដែលមានការចាប់អារម្មណ៍យ៉ាងខ្លាំងដល់អ្នកចូលរួម និងក្រុមហ៊ុនទេសចរណ៍ហ្វីលីពីនដែលនឹងធ្វើការរៀបចំដំណើរទស្សនកិច្ចរបស់ខ្លួន មកកាន់ព្រះរាជាណចក្រកម្ពុជា។

លោកបន្ថែមថា ប្រតិភូកម្ពុជាបានជួបពិភាក្សាការងារជាមួយក្រុមហ៊ុនអាកាសចរណ៍ហ្វីលីពីន ក្រុមហ៊ុនឯកជន និងប្រតិបត្តិករទេសចរណ៍ជាច្រើដើម្បីកិច្ចសហការជំរុញទេសចរណ៍កម្ពជាទៅកាន់ទីផ្សារហ្វីលីពីន និងជំរុញការទស្សនាទៅវិញទៅមក (two-way visit) រវាងប្រទេសទាំងពីរ កម្ពុជា-ហ្វីលីពីន។

ប្រទេសហ្វីលីពីនជាប្រទេសដែលលមានប្រជុំកោះដ៏ធំជាច្រើន រហូតដល់ទៅជាង៧,០០០កោះនៃមហា សមុទ្រប៉ាស៊ីហ្វិក ហើយនៅឆ្នាំ២០១៨ ប្រទេស Philipines ទទួល បានទេសចរអន្តរជាតិចំនួនប្រមាណ ៧.១ លាននាក់។ ការហោះត្រង់រវាងទីក្រុងម៉ានីល-ទីក្រុងភ្នំពេញ ដែលនឹងដំណើរការចាប់ពីថ្ងៃទី០១ ខែមេសា ឆ្នាំ២០១៩ នឹងជំរុញលំហូរភ្ញៀវទេសចរកាន់តែប្រសើរបន្ថែមទៀតចូល មកទស្សនាកម្ពុជា៕

រំលឹកឡើងវិញ៖ ស្វែងយល់អនុក្រឹត្យដ៏សំខាន់ ស្តីពីការគ្រប់គ្រងបុរីនៅកម្ពុជា

February 11, 2019

0

ដោយវុត្ថា

ភ្នំពេញ៖ រាជរដ្ឋាភិបាលកម្ពុជាកាលពីថ្ងៃទី ១១ ខែមីនា ឆ្នាំ ២០១១ កន្លងមកនេះ បានសម្រេចចេញស្តីពីការគ្រប់គ្រងបុរី ក្នុងគោលដៅកំណត់អំពីការរៀបចំ និងការគ្រប់គ្រងបុរី ព្រមទាំងគោលការណ៍ យន្តការនិងនីតិវិធីសម្រាប់ការចុះបញ្ជីដីឡូតិ៍ និងសំណង់ផ្សេងទៀត នៅក្នុងបរិវេណនៃបុរី។

យោងតាមអនុក្រឹត្យលេខ ៣៩ អនក្រ.បក ដែលចុះហត្ថលេខ ដោយសម្តេចអគ្គមហាសេនបតីតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាដែលផ្សព្វផ្សាយកន្លងមកនេះ បានគូសបញ្ជាក់ថា មានតែរូបវន្តបុគ្គល ឬនីតិបុគ្គលដែលមានសញ្ញាតិខ្មែរប៉ុណ្ណោះ ទើបអាចមានសិទ្ធិកម្មសិទ្ធិលើដីឡូ៍ ដីឡូត៍លំនៅដ្ឋាន និងដីសំណង់ផ្សេងៗទៀត ដែលស្ថិតក្នុងបរិវេណនៃបុរី លើកលែងតែមានបទប្បញ្ញតិ្តច្បាប់ចែងផ្សេងពីនេះ។

អនុក្រឹត្យមាន៦ ជំពូក ដោយជំពូកទី ១ បានបរិយាយ ពីបទបញ្ញត្តិទូទៅ ជំពូកទី ២ បរិយាយពីការគ្រប់គ្រងបុរី ជំពូកទី ៣ បរិយាយពីសិទ្ធិនឹងកាតព្វកិច្ចរបស់អ្នកអភិវឌ្ឍន៍បុរី និងរបស់កម្មសិទ្ធិករក្នុងបុរី ជំពូកទី ៤ បរិយាយពយន្តការ និងនីតិវិធីនៃការចុះបញ្ជីដីឡូត៍ ដីឡូត៍លំនៅដ្ឋាន និងអចលនវត្ថុផ្សេងទៀតនៅក្នុងបុរី ជំពូកទី ៥ បញ្ញត្តិដោយឡែក និង ជំពូកចុងក្រោយបរិយាយអវសាន្តបញ្ញត្តិ ។

អនុក្រឹត្យដែលមាន ៦ ជំពូក និង២៩ មានត្រា នេះ បន្តថា ក្បាលដីសម្រាប់សាងសង់បុរី ត្រូវតែជាក្បាលដីតែមួយដែលត្រូវបានចុះបញ្ជីរួចហើយនៅក្នុងសៀវភៅគោលបញ្ជីដីធ្លី ឬសៀវភៅចុះបញ្ជីអលនវត្ថុ។

ក្នុងករណីដែលក្បាលដីសម្រាប់សាងសង់បុរីមានច្រើនក្បាលដី អ្នកអភិវឌ្ឍន៍បុរី ត្រូវធ្វើការបង្រួមក្បាលដីឪ្យទៅជាក្បាលដីតែមួយជាមុនសិន លើកលែងតែ ក្បាលដីសម្រាប់សាងសង់បុរី មានផ្លូវសាធារណៈ និង ផ្លូវទឹកដែលមានទទឹងយ៉ាងតិច ២ ម៉ែត្រឆ្លងកាត់៕

សូមអានអនុក្រឹត្យខាងក្រោម៖

កំណេីនក្រុមហ៊ុនអចលនទ្រព្យបានជួយអ្វីខ្លះដល់វិស័យនេះ

February 11, 2019

0

ដោយៈ រ៉ាវី

ភ្នំពេញ ៖ ជាមួយនឹងស្ថានភាពនៃការពុះកញ្ជ្រោលវិស័យអចលនទ្រព្យនៅកម្ពុជានាពេលបច្ចុប្បន្ននេះ គេសង្កេតឃើញមានក្រុមហ៊ុនអចលនទ្រព្យជាច្រើនបានបង្ហាញវត្តមាននៅលើទីផ្សារមួយនេះ ដែលក្នុងនោះមានទាំងក្រុមហ៊ុនបម្រើសេវាក្នុងនាមជាភ្នាក់ងារ ក៏ដូចជាក្រុមហ៊ុនអភិវឌ្ឍជាដើម ។ ចង់ដឹងទេថា តើមានមូលហេតុអ្វីដែលបណ្តាលឱ្យមានការកើនឡើងនូវចំនួនក្រុមហ៊ុនទាំងនេះ ហើយការបង្ហាញវត្តមានក្រុមហ៊ុនអចលនទ្រព្យកាន់តែច្រើនអាចនឹងមានអ្វីកើតឡើង ឬទេ ?

លោកឧកញ៉ា នួន រឹទ្ធី អគ្គនាយកក្រុមហ៊ុន KFA (Khmer Foundation Appraisal) បានលើកឡើងយ៉ាងដូច្នេះថា មូលហេតុដែលបណ្តាលឱ្យកើតមានក្រុមហ៊ុនអចលនទ្រព្យច្រើននៅកម្ពុជា ក៏ព្រោះតែប្រទេសមួយនេះកំពុងតែមានភាពល្អប្រសើរលើវិស័យអចលនទ្រព្យ ដែលតម្រូវការមានអត្រាខ្ពស់ជាងការផ្គត់ផ្គង់។ ប៉ុន្តែ ជាមួយនឹងការកើតមានក្រុមហ៊ុនអចលនទ្រព្យច្រើននេះ ក៏មានក្រុមហ៊ុនដួលរលំទៅវិញច្រើនផងដែរ។

លោកឧកញ៉ាបានបញ្ជាក់យ៉ាងដូច្នេះថា ៖ «បច្ចុប្បន្នេះចំពោះក្រុមហ៊ុនអចលនទ្រព្យនៅកម្ពុជា គឺមានប្រមាណជាង 200 ក្រុមហ៊ុន ដែលកំពុងដំណើរការ ប៉ុន្តែក្រុមហ៊ុនទាំងនោះមានក្រុមហ៊ុនខ្លះជាក្រុមហ៊ុនស្របច្បាប់ដែលមានការចុះបញ្ជីនៅក្រសួងពាក់ព័ន្ធ និងមានអាជ្ញារប័ណ្ណត្រឹមត្រូវ ដោយឡែកក្រុមហ៊ុនខ្លះទៀតមិនបានចុះបញ្ជីនោះទេ ហើយភាគច្រើនគឺបង្កើតឡើងគ្រាន់តែជាភ្នាក់ងារបម្រើសេវាកម្មដើម្បីទទួលបានកម្រៃជើងសារតែប៉ុណ្ណោះ» ។

លោកឧកញ៉ាបានបន្តទៀតថា ៖ «បើទោះជានៅពេលបច្ចុប្បន្ននេះ ឃើញមានក្រុមហ៊ុនអចលនទ្រព្យកកើតមានច្រើនក៏ពិតមែន ប៉ុន្តែបើនិយាយពីក្រុមហ៊ុនដែលមានជំនាញខ្ពស់ និងពិតប្រាកដនៅមានចំនួនតិចនៅឡើយ ដោយឡែកក្រុមហ៊ុនផ្សេងទៀតគ្រាន់តែជាអ្នកគួកជេរតែប៉ុណ្ណោះ ដែលរហូតក្រុមហ៊ុនខ្លះមានចំនួនសមាជិកត្រឹមម្នាក់ ឬពីរនាក់ ក៏ជាក្រុមហ៊ុនដែរ ដែលចំណុចនេះអាចជាហានិភ័យដល់អតិថិជន។

បើសិនជាយើងសំឡឹងមើលក្នុងន័យវិជ្ជមាន នៅពេលដែលកើតមានក្រុមហ៊ុនអចលនទ្រព្យច្រើន វាគឺជាសញ្ញាមួយដែលបង្ហាញពីភាពរីកចម្រើនខាងផ្នែកវិស័យអចលនទ្រព្យនៅកម្ពុជា ហើយវាក៏បានផ្តល់នូវភាពល្អប្រសើរផងដែរចំពោះសង្គមជាតិ ប្រទេសជាតិ តាមរយៈនៃការបង់ពន្ធទៅលើប្រតិបត្តិការរបស់ក្រុមហ៊ុន ជាពិសេស អតិថិជន នឹងទទួលបានសេវាប្រកបដោយគុណភាពជាមួយតម្លៃសមរម្យ តាមរយៈនៃការប្រកួតប្រជែងរវាងក្រុមហ៊ុន និងក្រុមហ៊ុន ដើម្បីទទួលបាននូវទំនុកចិត្តសំណាក់អតិថិជនរបស់ខ្លួន»។

ជាមួយគ្នានេះ លោកឧកញ៉ា នួន រឹទ្ធី ក៏បានបង្ហើបពីគន្លឹះសំខាន់ៗមួយចំនួនចំពោះក្រុមហ៊ុនដែលទើបបង្កើតឡើងថ្មីៗផងដែរថា ៖ «ជាធម្មតាសម្រាប់ក្រុមហ៊ុនដែលទើបតែបង្កើតឡើងថ្មីៗហាក់មានការពិបាកក្នុងការចាប់យក ឬទទួលបានទំនុកចិត្តពីអតិថិជន ជាពិសេសពិបាកក្នុងប្រកួតប្រជែងជាមួយក្រុមហ៊ុនដែលបង្កើតឡើងយូរឆ្នាំ ពោរពេញទៅដោយបទពិសោធន៍ និងមានកេរ្តិ៍ឈ្មោះរួចទៅហើយ។

ប៉ុន្តែអ្វីដែលសំខាន់បំផុតនោះ គឺក្រៅពីដើមទុកបម្រុង ក្រុមហ៊ុនថ្មីត្រូវតែមានគោលដៅច្បាស់លាស់ មានបុគ្គលិកជំនាញពិតប្រាកដ ត្រូវរៀបចំប្រព័ន្ធគ្រប់គ្រងឱ្យបានត្រឹមត្រូវ ជាពិសេស គួរតែរៀបចំនូវយុទ្ធសាស្ត្រប្រតិបត្តិការក្រុមហ៊ុនឱ្យចំគោលដៅ ដើម្បីទទួលបានចំណែកទីផ្សារជាមួយនឹងការទទួលបានទំនុកចិត្តពីអតិថិជន »៕

មុនពេលវិនិយោគលើអចលនទ្រព្យ ត្រូវគិតពីចំណុចទាំងនេះ

February 11, 2019

0

ទីផ្សារអចលនទ្រព្យនៅក្នុងប្រទេសកម្ពុជានាពេលបច្ចុប្បន្នកំពុងតែមានភាពរីកចម្រើនខ្លាំងទាំងនៅក្នុងតំបន់ទីប្រជុំជនក្នុងរាជធានីក៏ដូចជានៅតាមបណ្តាខេត្តនានានៅទូទាំងប្រទេស ដែលធ្វើឱ្យកើតមានអ្នកវិនិយោគលើវិស័យនេះជាច្រើនស្ទើរគ្រប់តំបន់ខណៈអ្នកខ្លះក៏ទទួលបានជោគជ័យ អ្នកខ្លះក៏មិនទទួលបានជោគជ័យ លើការវិយោគ។

ខាងក្រោមនេះគឺជាកត្តាមួយចំនួនដែលលោកអ្នកគួរតែអនុវត្តមុនពេលវិនិយោគអចលនទ្រព្យដើម្បីទទួលបានជោគជ័យក្រោមការចង្អុលបង្ហាញពីអ្នកជំនាញ លោក ឌិត ចណ្ណា អគ្គនាយកក្រុមហ៊ុន LUCKYREALTY Co., Ltd

ការវិនិយោគលើវិស័យអចលនទ្រព្យដែលអាចគេចផុតពីហានីភ័យ និងអាចទទួលបានអត្រាជោគជ័យខ្ពស់បានគឺត្រូវពឹងផ្អែកទៅលើចំណុចសំខាន់ៗដូចខាងក្រោម ៖

១) ទីតាំងអចលនទ្រព្យ
ទីតាំងពិតជាមានសារៈសំខាន់ណាសា់ម្រាប់ធ្វើការវិនិយោគលើវិស័យអចលនទ្រព្យ ដោយលោកអ្នកត្រូវតែគិត និងសិក្សាពីសក្តានុពលនាពេលបច្ចុប្បន្ន និងការអភិវឌ្ឍការពេលអនាគតរបស់ទីតាំង ។

២) ទំហំអចលនទ្រព្យ
លោកអ្នកត្រូវតែគិតពីទំហំអលចនទ្រព្យ មុននឹងធ្វើការវិយោគ ដោយត្រូវគិតថា ទំហំអចលនទ្រព្យនោះអាចវិយោគទៅជាអ្វីបានខ្លះ ជាអគារខុនដូរ ផ្ទះល្វែង បុរី ឬ សំណង់អគារពាណិជ្ជកម្ម។

៣) ផ្លូវ
លោកអ្នកត្រូវសិក្សាលើការអភិវឌ្ឍន៍ហេដ្ឋារចនាសម្ព័ន្ធ ដែលកំណត់ដោយរដ្ឋាភិបាល ទាំងការអភិវឌ្ឍន៍ផ្លូវ បណ្តាញលូ និងស្វែងរកព័ត៌មានតាមរយៈបណ្តាញព័ត៌មាននានា មិនថាតាមរយៈមិត្តភក្តិ បណ្តាញសារព័ត៌មាន បណ្តាញសង្គម ឬ សាកសួរព័ត៌មានពីអជ្ញាធរមូលដ្ឋានឱ្យបានច្បាស់លាស់។

៤) តំបន់ជិតខាង
លោកអ្នកត្រូវគិតឱ្យបានច្បាស់ពីតំបន់ ឬមណ្ឌលសំខាន់ ដែលស្ថិតនៅជិតអចលនទ្រព្យដែលត្រូវវិនិយោគ ដូចជា មន្ទីរពេទ្យ សាលារៀន ឬ ទីប្រជុំជន ដែលបង្កឱ្យមានសក្កដានុពលចំពោះការវិនិយោគទាំងបច្ចុប្បន្ន និងពេលអនាគត។

៥) បទដ្ឋានគតិយុត្តិ
លោកអ្នកត្រូវសិក្សាស្វែងយល់ឱ្យច្បាស់ពីបទដ្ឋានគតិយុត្តិនានារបស់រដ្ឋាភិបាល ឬច្បាប់ដែលជម្រុញដល់ការវនិយោគកាន់តែបាន។

៦) ឱកាសវិយោគ
គួរសម្លឹងមើលពីភាពល្អប្រសើរក្នុងការសម្រេចចិត្តវិនិយោគដោយឥតស្ទាក់ស្ទើរ ប្រកបដោយភាពជឿជាក់ទទួលបានភាគលាភាពអនាគត។ ឧទាហរណ៍ ដីមានទីតាំងល្អ ស្ថិតក្នុងគម្រោងអភិវឌ្ឍន៍ តម្លៃទាបជាងទីផ្សារ និងភាពងាយស្រួលក្នុងការទូទាត់។

ទាំងអស់នេះ គឺជាចំណុចសំខាន់ៗ និងចម្បងដែលលោកអ្នកគួរតែពិចារណា និងស្វែងយល់ឱ្យបានច្បាស់ ដើម្បីទទួលបានជោគជ័យលើការវិនិយោគក្នុងវិស័យអចលនទ្រព្យ ៕

ចំណេះដឹង! អ្វីទៅជាពន្ធលើឈ្នួលផ្ទះ និងដី?

February 11, 2019

0

ដោយវុត្ថា

ភ្នំពេញ៖ ពន្ធលើឈ្នួលផ្ទះ និង ដីត្រូវកំណត់យកលើប្រាក់ឈ្នួលដែលបានមកពីការជួល៖
អាគារដែលសង់លើដីដូចជាៈ ផ្ទះ រោងចក្រ ភណ្ឌាគារ ការិយាល័យ ។ល។

ហត្ថូបករណ៍ដែលជាប់ជាមួយគ្រឹះស្ថានឧស្សាហកម្មឋាបនភ័ណ្ឌពាណិជ្ជកម្ម ឧស្សាហកម្ម ដែលនៅនឹងមួយកន្លែង អាគារធំៗដែលទុកដាក់ធាតុរាវ ឬ ផលិតផលផ្សេងៗ ដូចជា ប្រេងឥន្ធនៈ កៅស៊ូចាក់ថ្នល់ គ្រាប់ធញ្ញជាតិផ្ទះអណ្តែតទឹក កប៉ាល់សម្រាប់ធ្វើជាលំនៅដ្ឋាន ឬ ដើម្បីប្រកបអាជីវកម្មផ្សេងៗដីធ្លីដែលគ្មានសំណង់ ដោយរាប់បញ្ចូលទាំងកន្លែងយកថ្ម យករ៉ែ ធ្យូងថ្ម បឹងបូរ ស្រែអំបិល។

ពន្ធនេះត្រូវប្រមូលពីកម្មសិទ្ធិករ ឬ សិទ្ធិវន្តរបស់កម្មសិទ្ធិករអត្រាពន្ធលើឈ្នួលផ្ទះ និងដីត្រូវបានកំណត់ស្មើនឹង ១០%នៃប្រាក់ឈ្នួលដុល។ ប្រាក់ឈ្នួលដុល គឺជាប្រាក់ឈ្នួល ដែលបានចុះកិច្ចសន្យា ឬបានព្រមព្រៀងជាមួយអ្នកជួល៕

ក្រុងភ្នំពេញចាប់ផ្ដើមកែលម្អ និងលេីកកម្ពស់សោភណភាពលេីផ្លូវសំខាន់ចំនួន២

February 9, 2019

0

ដោយវុត្ថា
ភ្នំពេញ៖ រដ្ឋបាលរាជធានីភ្នំពេញ បានចេញសេចក្តីជូនដំណឹងថ្មីមួយ នាព្រឹកថ្ងៃទី៩ ខែកុម្ភៈ ឆ្នាំ២០១៩នេះ ស្តីអំពីការកែលម្អសោភ័ណភាព និងរៀបចំសណ្តាប់ធ្នាប់ នៅលើចិញ្ចើមផ្លូវសាធារណៈ សងខាងតាមបណ្តោយ មហាវិថីសហព័ន្ធរុស្ស៊ី ចាប់ពីមហាវិថីព្រះនរោត្តម ដល់មុខអាកាសយានដ្ឋាន អន្តរជាតិភ្នំពេញ ឲ្យកាន់តែមានភាពទាក់ទាញ និងទិសដៅអភិវឌ្ឍន៍។

យោងតាមសេចក្តីជូនដំណឹង ដែលចុះហត្ថលេខា ដោយ លោក ឃួង ស្រេង អភិបាលរាជធានីភ្នំពេញ កាលពីថ្ងៃទី៨ កុម្ភៈ បានឲ្យដឹងថា “បងប្អូនប្រជាពលរដ្ឋ ម្ចាស់អាវកម្ម និងគ្រប់ស្ថាប័នរដ្ឋ-ឯកជនទាំងអស់ ដែលមានទីតាំង ស្ថិតនៅតាមបណ្តោយ មហាវិថីសហព័ន្ធរុស្ស៊ី ចាប់ពីមហាវិថីព្រះនរោត្តម ដល់មុខអាកាសយានដ្ឋាន អន្តរជាតិភ្នំពេញ ស្ថិតក្នុងខណ្ឌដូនពេញ ខណ្ឌ៧មករា ខណ្ឌទួលគោក ខណ្ឌសែនសុខ និងខណ្ឌពោធិ៍សែនជ័យ រាជធានីភ្នំពេញ ឲ្យបានជ្រាប់ថា កន្លងមក រដ្ឋបាលរាជធានីភ្នំពេញ បានសង្កេតឃើញថា ចិញ្ចើមផ្លូវសាធារណៈ សងខាងតាមបណ្តោយមហាវិថីសហព័ន្ធរុស្ស៊ី ចាប់ពីមហាវិថីព្រះនរោត្តម ដល់មុខអាកាសយានដ្ឋាន អន្តរជាតិភ្នំពេញ មានសភាពចាស់ទ្រុឌទ្រោម ដោយសារបងប្អូនប្រជាពលរដ្ឋ និងម្ចាស់អាជីវកម្មមួយចំនួន បានប្រើប្រាស់ធ្វើជាទីតាំងលក់ដូរ ធ្វើចរាចរណ៍លើការីឡា និងមួយចំនួនទៀត បានរៀបចំក្រាលការីឡា ជាលក្ខណៈឯកជន និងជួសជុល នៅពេលដែលរងការខូចខាតម្តងៗ ដោយខ្លួនឯង មិនស្របតាមបទដ្ឋានបច្ចេកទេស ធ្វើឲ្យចិញ្ចើមផ្លូវ មានកម្រិតកម្ពស់មិនស្មើគ្នា បណ្តាលឲ្យបាត់បង់ សោភ័ណភាព ព្រមទាំងប៉ះពាល់ ដល់សណ្តាប់ធ្នាប់សាធារណៈផងដែរ” ។

សេចក្តីជូនដំណឹងដដែល បានឲ្យដឹងទៀតថា “ដើម្បីកែលម្អសោភ័ណភាព និងរៀបចំសណ្តាប់ធ្នាប់ នៅលើចិញ្ចើមផ្លូវសាធារណៈ សងខាងតាមបណ្តោយ មហាវិថីសហព័ន្ធរុស្ស៊ី ចាប់ពីមហាវិថីព្រះនរោត្តម ដល់មុខអាកាសយានដ្ឋាន អន្តរជាតិភ្នំពេញ ឲ្យកាន់តែមានភាពទាក់ទាញ និងទិសដៅអភិវឌ្ឍន៍ រាជធានីភ្នំពេញ ព្រមទាំងអនុលោម តាមបទដ្ឋានបច្ចេកទេសផងនោះ រដ្ឋបាលរាជធានីភ្នំពេញ និងអនុវត្តគម្រោងក្រាលការីឡាថ្មី ការីឡាសម្រាប់ជនពិការ នៅលើចិញ្ចើមផ្លូវ រៀបចំខឿនចិញ្ចើមផ្លូវ និងខឿនស៊ុដើមឈើ ចាប់ពីថ្ងៃជូនដំណឹងនេះតទៅ” ។

រដ្ឋបាលរាជធានីភ្នំពេញ បានសង្គត់ធ្ងន់ថា “បងប្អូនប្រជាពលរដ្ឋ ម្ចាស់អាជីវកម្ម និងគ្រប់ស្ថាប័នរដ្ឋ-ឯកជន ទាំងអស់ ដែលមានទីតាំងចាប់ពីមហាវិថីព្រះនរោត្តម ដល់មុខអាកាសយានដ្ឋាន អន្តរជាតិភ្នំពេញ ត្រូវរុះរើសំណង់ ទាំងឡាយណា ដែលសាងសង់ នៅលើចិញ្ចើមផ្លូវសាធារណៈ និងមេត្តាយោគយល់អធ្យាស្រ័យ ចំពោះការរំខាន ក្នុងការធ្វើដំណើរចេញ-ចូលគេហដ្ឋាន ឬទីតាំងស្ថាប័នរដ្ឋ-ឯកជន ដើម្បីឲ្យការអនុវត្តគម្រោងខាងលើនេះ ដំណើរការទៅដោយរលូន ស្របតាមផែនការ ដែលបានកំណត់ទុក៕

Chinese investment will turn Sihanoukville into a future pearl city

February 9, 2019

0

By Vutha

Phnom Penh, City Hall senior officials confirmed that under a multi-million dollar investment from Chinese investors, the future of Sihanoukville will become an unexpected city.

Norngdy Nara, a planner at Sihanouk’s administrative administration, wrote in a Facebook post on February 9 that “Chinese people and government have a long-term vision of doing something. The Chinese goals are always more than expected. ” “So for Sihanoukville, which is full of potentialities, it will be a great opportunity to see the great progress this time under the sustainable investment of Chinese investors,” he said.

Mr. Yun Min, the governor of Sihanoukville, said that Chinese investment in Preah Sihanouk province has had a tremendous positive effect on the country’s rapid economic growth, but it has a few negative implications. He estimated that 90 to 95 percent of the population would cheer for Chinese investment and tourism to Sihanoukville.

The provincial governor said that provincial authorities have implemented a policy of mobilizing investors and tourists to increase the national income, continue to manage foreigners, ensure security and safety for investment and tourism, making the province more developed, although investment It affects the sewage system, infrastructure and environment.

He said that there are currently about 200 high-rise buildings in Sihanoukville and hope to keep building more in the future.