Developers and experts in Cambodia’s real estate sector remain optimistic

February 8, 2019

By Vutha

Phnom Penh, domestic investors and real estate experts in Cambodia continue to have positivity even though some projects have been delayed.

Ann Sothida, country director of CBRE Cambodia, said by phone on the afternoon of February 7 that some projects had been delayed due to the lack of real expertise in the company and the sale of the company in the market or because the import of building materials is in slow process, but property sector in Cambodia still continue to be better.

However, she acknowledged that, “the delay of some projects has some problems for the market, but the delay in the construction sector is not a problem.”

Kheang Puthy, president of the Cambodian Real Estate Association , said that the real estate sector in Cambodia has continued to be good, but it is simple when it comes to business and some are closed. However, it depends on the efforts of the company’s leaders and project owners.

“When there are many construction projects that are competitive, so when there are competitors, the company has a lot of resources, experiences and management, and it’s very successful,” he said. “When the company has a poor experience, it is going to fail. ”

However, Mr. Puthy, do not worry too much about this issue, saying that, “we are optimistic for the development and growth of Cambodia.

Oknha Sear Rithy, a founding and council board director of the World Bridge Group, said that the real estate sector in 2019 did not have any problems because the remainder of investment in 2018 continues until 2019.

“For 2019, this is the year of production and development, and the trade in the sector is still well underway and the same, but when it comes to investment growth, I think it is similar to that of 2018,” he said. “.

សារព្រមាន៖ ការទិញ-លក់ដីធ្លីក្នុងតំបន់រមណីយដ្ឋានអង្គរគឺខុសច្បាប់

February 8, 2019

0

ដោយវុត្ថា

សៀមរាប៖ ក្រសួងវប្បធម៌ និងវិចិត្រ បានប្រកាសឱ្យប្រជាពលរដ្ឋឱ្យដឹងថាការការទិញ-លក់ដីធ្លីដូរដីធ្លីក្នុងតំបន់១ និងតំបន់២ នៃរមណីយដ្ឋានអង្គរ គឺខុសច្បាប់។

ក្រសួងបញ្ជាក់ថា ថ្មីៗ នេះ អាជ្ញាធរជាតិអប្សរាសង្កេតឃើញថា ការប្រកាសលក់ដូរដីធ្លីក្នុងតំបន់១ និងតំបន់២នៃរមណីយដ្ឋានអង្គរ កំពុងតែបានប្រព្រឹត្តទៅយ៉ាងសកម្មតាមប្រព័ន្ធផ្សព្វផ្សាយព័ត៌មានសង្គម ដែលការប្រកាសលក់ដូរដីធ្លីនេះផ្ទុយនឹងច្បាប់ដូចមានចែងក្នុងព្រះរាជក្រឹត្យលេខ០០១ ន.ស ចុះថ្ងៃទី២៨ ខែឧសភា ឆ្នាំ១៩៩៤ ស្តីពីការកំណត់ និងការចាត់ចែងគ្រប់គ្រងតំបន់សៀមរាបអង្គរ និងសេចក្តីសម្រេចលេខ៧០ សសរ ចុះថ្ងៃទី១៦ ខែវិច្ឆិកា ឆ្នាំ២០០៤ របស់រាជរដ្ឋាភិបាល ស្តីពីការកំណត់បទដ្ឋាននៃការប្រើប្រាស់ដីធ្លីនៅតំបន់១ និងតំបន់២។

ក្រសួងបន្តថា ដើម្បីទប់ស្កាត់សកម្មភាពផ្ទុយពីគោលការណ៍ច្បាប់ក្នុងកិច្ចការអភិរក្ស និងអភិវឌ្ឍន៍រមណីយដ្ឋានអង្គរប្រកបដោយចីរភាព ព្រមទាំងបញ្ចៀសការខូចខាតផលប្រយោជន៍របស់សាធារណជនដែលកើតឡើងពីការបោកបញ្ឆោតរបស់បុគ្គលមួយចំនួនអំពីការទិញ-លក់ដីធ្លី ក្នុងតំបន់រមណីយដ្ឋានអង្គរ អាជ្ញាធរជាតិអប្សរាបានសហការជាមួយអាជ្ញាធរភូមិ ឃុំ-សង្កាត់នៃរដ្ឋបាលសាលាខេត្តសៀមរាប ដំឡើងផ្ទាំងព័ត៌មានហាមទិញ-លក់ដីធ្លីក្នុងតំបន់រមណីយដ្ឋានអង្គរក្នុងភូមិសាស្ត្ររដ្ឋបាលក្រុងសៀមរាបដូចជា ភូមិអញ្ចាញ ភូមិអារក្សស្វាយ សង្កាត់នគរធំ ចំនួន៣ផ្ទាំង ភូមិខ្វៀន សង្កាត់គោកចក ចំនួន១ផ្ទាំង ភូមិជ្រៃ សង្កាត់ទឹកវិល ចំនួន១ផ្ទាំង ភូមិថ្នល់ សង្កាត់ស្រង៉ែ ចំនួន១ផ្ទាំង។

ក្រៅពីទីតាំងដូចរៀបរាប់ខាងលើ អាជ្ញាធរជាតិអប្សរានឹងដំឡើងផ្ទាំងព័ត៌មាននេះនៅតាមទីតាំងភូមិសាស្ត្រមួយចំនួនទៀតដែលសកម្មភាពទិញ-លក់ដីធ្លីកំពុងតែកើតឡើង។

ក្រសួងបន្តថា “ក្នុងនាមយើងទាំងអស់គ្នាជាម្ចាស់អង្គរ ជាម្ចាស់បេតិកភណ្ឌពិភពលោក និងអង្គរជាដួងព្រលឹងជាតិខ្មែរ អាជ្ញាធរជាតិអប្សរាសូមធ្វើការអំពាវនាវដល់បុគ្គលដែលកំពុងតែប្រព្រឹត្តសកម្មភាពទិញ-លក់ដីធ្លីក្នុងតំបន់រមណីយដ្ឋានអង្គរ សូមបញ្ឈប់ជាបន្ទាន់នូវសកម្មភាពអវិជ្ជមានរបស់ខ្លួន និងសូមឲ្យយើងម្នាក់ៗចូលរួមបំពេញតួនាទីជាអ្នកទប់ស្កាត់ ថែរក្សា ការពារ និងអនុវត្តច្បាប់យ៉ាងដាច់ខាតចំពោះការទិញ-លក់ដីធ្លីក្នុងតំបន់រមណីយដ្ឋានអង្គរ”។

ក្នុងជំពូក១ មាត្រា៣ និងមាត្រា៤នៃព្រះរាជក្រឹត្យខាងលើបញ្ជាក់ថា តំបន់១ជាតំបន់ដែលមានស្ថានីយ៍បុរាណវត្ថុសំខាន់ៗហើយត្រូវទទួលកិច្ចការពារខ្ពស់បំផុត។ តំបន់២ជាតំបន់ដែលសម្បូរសំណល់បុរាណវត្ថុ ដែលត្រូវការពារទប់ទល់នឹងការប្រើប្រាស់ដីធ្លីផ្តេសផ្តាសនិងការអភិវឌ្ឍមិនសមស្រប។ តំបន់២មានសារៈសំខាន់ចម្បងដោយសារជាតំបន់ទ្រនាប់សម្រាប់ការពារតំបន់១។ រីឯក្នុងជំពូក២ មាត្រា៨បញ្ជាក់ថា ទិសដៅសំរាប់តំបន់ត្រូវការពារនៃរមណីយដ្ឋានអង្គរ ត្រូវប្រកាន់ទិសដៅអភិវឌ្ឍន៍ដូចតទៅ៖ តំបន់១និងតំបន់២ ហាមឃាត់ការអភិវឌ្ឍក្នុងរមណីយដ្ឋានមានប្រាសាទ លើកលែងតែការអភិវឌ្ឍណាដែលមានសារប្រយោជន៍សម្រាប់កិច្ចការពារ និងការលើកស្ទួយតម្លៃរមណីយដ្ឋានឬបុរាណវត្ថុនោះ ឬសម្រាប់ការថែរក្សារបៀបរស់នៅរបស់មនុស្សនៅតំបន់នោះ។

រាជរដ្ឋាភិបាលកម្ពុជាក៏បានចេញសេចក្តីសម្រេចលេខ៧០.សសរ ដោយកំណត់ដីធ្លីស្ថិតក្នុងតំបន់១និងតំបន់២នៃរមណីយដ្ឋានបេតិកភណ្ឌពិភពលោកអង្គរជាដីទ្រព្យសាធារណរបស់រដ្ឋ ដែលអាជ្ញាធរជាតិអប្សរាមានភារកិច្ច កាតព្វកិច្ចត្រូវគ្រប់គ្រង ថែរក្សានិងអភិវឌ្ឍន៍ប្រកបដោយចីរភាព។ រីឯការប្រើប្រាស់ដីធ្លីក្នុងតំបន់១និងតំបន់២ត្រូវបានកំណត់ដូចតទៅ៖ ១) ប្រជាពលរដ្ឋដែលមានលំនៅដ្ឋាននិងរស់នៅយូរលង់មកហើយ អាចបន្តរស់នៅតទៅទៀតបានដោយមិនមានការដេញឲ្យចាកចេញពីភូមិដ្ឋានឡើយ ២) ប្រជាពលរដ្ឋអាចរុះរើជួសជុលផ្ទួះចាស់ទ្រុឌទ្រោម ឬសាងសង់ផ្ទះថ្មីជំនួសផ្ទះចាស់បានដោយមានការសុំអនុញ្ញាតពីសមត្ថកិច្ចនៃអាជ្ញាធរជាតិអប្សរា ៣) ប្រជាពលរដ្ឋមានសិទ្ធិគ្រប់គ្រងនិងចាត់ចែងដីធ្លីតាមរូបភាពដូចជា ផ្ទេរមរតកទៅឲ្យញាតិសន្តានពីឪពុកម្តាយទៅកូនក្មួយ ឬលក់ដូរឲ្យអ្នកភូមិផងជាមួយគ្នាដើម្បីដោះស្រាយជីវភាព ប៉ុន្តែហាមឃាត់លើសកម្មភាពទិញ-លក់ដីរបស់ឈ្មួញ ក្នុងគោលដៅធ្វើអាជីវកម្មយកចំណេញសម្រាប់ក្រុមហ៊ុនឬបុគ្គល ឬការទិញ-លក់សម្រាប់យកទៅសាងសង់សណ្ឋាគារ ភោជនីយដ្ឋាន ខារ៉ាអូខេ ជាដើម។ល។

សូមធ្វើការទំនាក់ទំនងមកកាន់អាជ្ញាធរជាតិអប្សរា នូវរាល់ចម្ងល់ទាំងឡាយណាពាក់ព័ន្ធនឹងការគ្រប់គ្រងដីធ្លីក្នុងតំបន់រមណីយដ្ឋានបេតិកភណ្ឌពិភពលោកអង្គរតាមលេខទូរសព្ទ ០៩២ ៨៩ ៩៩ ៦៦ ឬតាមលេខទូរសព្ទថ្នាក់ដឹកនាំអាជ្ញាធរជាតិអប្សរា ដែលបានប្រកាសតាមគេហទំព័រផ្លូវការរបស់អាជ្ញាធរជាតិអប្សរា ៕

អភិបាលខេត្តព្រះសីហនុថា អ្នកវិនិយោគនិងទេសចរចិនជួយជំរុញកំនើនសេដ្ឋកិច្ចយ៉ាងឆាប់រហ័ស

February 8, 2019

0

ដោយ នៅ វឌ្ឍនា

ខេត្តព្រះសីហនុ៖ អភិបាលខេត្តព្រះសីហនុ លោក យន្ត មីន បានអះអាងថា អ្នកវិនិយោគ និងទេសចរចិនស្នាក់នៅខេត្តព្រះសីហនុ មានប្រមាណ៧ម៉ឺននាក់ បាននិងកំពុងជួយឱ្យបង្កើនកំណើនសេដ្ឋកិច្ចយ៉ាងឆាប់រហ័ស។

លោកអភិបាលខេត្តព្រះសីហនុមានប្រសាសន៍នៅក្នុង កិច្ចប្រជុំបូកសរុបការស្រង់ស្ថិតិជំហានដំបូងជនបរទេសស្នាក់នៅ និងធ្វើអាជីវកម្មក្នុងខេត្តព្រះសីហនុកាលពីថ្ងៃទី ៧ ខែកុម្ភៈ ឆ្នាំ ២០១៩ កន្លងមកនេះថា ការវិនិយោគរបស់ចិននៅខេត្តព្រះសីហនុ ផ្តល់ផលវិជ្ជមានយ៉ាងច្រើន ជួយឱ្យខេត្តបង្កើនកំណើនសេដ្ឋកិច្ចយ៉ាងឆាប់រហ័ស ក៏ប៉ុន្តែវាមានផលអវិជ្ជមានតិចតួចដែរ។

លោកបានបន្តដោយប៉ាន់ប្រមាណថា នៅខេត្តព្រះសីហនុ ប្រជាពលរដ្ឋចន្លោះពី៩០ ទៅ៩៥ភាគរយ បានអបអរសាទរចំពោះការវិនិយោគ និងទេសចរចិនមកខេត្តព្រះសីហនុ។ អាជ្ញារធរខេត្តបានអនុវត្តន៍គោលនយោបាយ គៀងគរចំពោះអ្នកវិនិយោគ និងទេសចរ ដើម្បីបង្កើនចំណូលថវិកាជាតិ បន្តជម្រុញគ្រប់គ្រងជនបរទេស ធានាការពារសន្តិសុខ សុវត្ថិភាពដល់វិនិយោគ និងទេសចរ ធ្វើឱ្យខេត្តមានការអភិវឌ្ឍលឿន ថ្វីត្បិតការវិនិយោគវាមានផលប៉ះពាល់ដល់ហេដ្ឋារចនាសម័្ពន្ធ បរិស្ថាន ប្រព័ន្ធលូ ។

បច្ចុប្បន្នមានសំណង់អគារធំ ខ្ពស់ៗប្រមាណជាង២០០អគារ កំពុងតែកើតឡើងនៅលើទឹកដីខេត្តព្រះសីហនុ ហើយសង្ឃឹមថានៅមានសំណង់ជាច្រើនទៀតបន្តកើតឡើងជាបន្តបន្ទាប់នាពេលខាងមុខ។

នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ឲ្យដឹងថា ការហូរចូលយ៉ាងលឿនពីជនបរទេសរាប់ម៉ឺននាក់ និងការអភិវឌ្ឍរីកចម្រើនយ៉ាងឆាប់រហ័សនូវសណ្ឋាគារ កាស៊ីណូ រីសត ខុនដូ រោងចក្រ សហគ្រាស ផ្ទះសំណាក់ និងអាជីវកម្មផ្សេងៗទៀត ភាគច្រើនការវិនិយោគ និងអាជីវកម្មជាជនជាតិចិន។ ដូច្នេះសមត្ថកិច្ចនគរបាលមូលដ្ឋាន ក្រុង ស្រុក ខេត្ត បន្តអនុវត្តនូវយន្តការទទួលខុសត្រូវក្នុងភូមិសាស្ត្រ តាមច្បាប់អន្តោប្រវេសន៍ ច្បាប់ការងារ ច្បាប់ពាណិជ្ជកម្ម ផ្តល់ព័ត៌មានទិន្នន័យជនបរទេសស្នាក់នៅ ដើម្បីជម្រុញឱ្យជន បរទេសទៅឱ្យសុំប័ណ្ណការងារ សៀវភៅការងារ បង្កើនវិធានការត្រួតពិនិត្យផ្លូវច្បាប់ ចំពោះជនបរទេសដែលស្នាក់នៅក្នុងភូមិសាស្ត្ររបស់ខ្លួន គ្រប់គ្រងអោយបានត្រឹមត្រូវ។

យោងតាមរបាយការណ៍ស្តីពី ស្ថិតិជនបរទេសស្នាក់នៅ ធ្វើអាជីវកម្មក្នុងខេត្តព្រះសីហនុតាមគោលដៅអាជីវកម្ម ២.០៥២ បានរកឃើញថា ខេត្តព្រះសីហនុមានជនបរទេសស្នាក់នៅអចិន្ត្រៃយ៍ចំនួន៤០.៧៧០នាក់ ស្រី៨.៣៨៧នាក់ និងមាន ៥៧សញ្ជាតិ ព្រម ទាំងមានអាជីវកម្មធុនតូច១៦៧ប្រភេទ៕

ច្បាស់ហើយ! ក្រុមហ៊ុន OCIC នឹងសាងសង់ទីក្រុងរណបថ្មីលើផ្ទៃដីជាង ១០០ហិកតានៅតំបន់កោះនរា

February 8, 2019

0

ដោយ ស៊ីវ ម៉េង

ភ្នំពេញ៖ ថ្នាក់ដឹកនាំក្រុមហ៊ុន OCIC បានមានប្រសាសន៍ឲ្យដឹងថា ក្រុមហ៊ុនពិតជានឹងសាងសង់គំរោងទីក្រុងរណបថ្មីមួយ ស្ថិតនៅតាមដងទន្លេរដោយចាកចេញពីតំបន់កោះនរា ទៅកាន់ស្រុកកៀនស្វាយក្នុងខេត្តកណ្តាល។

អគ្គនាយករងក្រុមហ៊ុន OCIC លោក ទូច សំណាង បានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី៨ កុម្ភៈនេះថា បច្ចុប្បន្នក្រុមហ៊ុនកំពុងរៀបចំនិតិវិធីច្បាប់ ដើម្បីស្នើសុំពីរដ្ឋាភិបាលលើគំរោងអភិវឌ្ឍន៍នេះ។ ទោះជាយ៉ាងណាលោកមិនទាន់បញ្ជាក់ឲ្យដឹងពីទុនវិនិយោគលើគំរោងនេះចំនួនប៉ុន្មាន និងចាប់ផ្តើមសាងសង់នៅពេលណានៅឡើយទេ។

លោកបន្តថា “ខ្ញុំអាចបញ្ជាក់បានថាគំរោងនេះពិតជាធ្វើមែនទែន ហើយទំហំផ្ទៃដីនៃទីក្រុងថ្មីនេះមានទំហំជាង១០០ហិកតា”។ លោកបន្តថា “គំរោងនេះនឹងត្រូវរៀបចំអភិវឌ្ឍន៍ដូចទីក្រុងកោះពេជ្រនាពេលបច្ចុប្បន្ននេះ”។

គំរោងទីក្រុងរណបថ្មីនេះ នឹងត្រូវចាក់ខ្សាច់បំពេញនៅតាមជួរមាត់ទន្លេចាប់ពីតំបន់កោះនរា អូសស្របតាមទន្លេតូចឆ្ពោះទៅស្រុកកៀនស្វាយ ខេត្តកណ្តាល។

អ្នកនាំពាក្រសួងរៀបចំដែនដី នគរូបនីយកម្ម និងសំណង់លោកសេង ឡូតបានមានប្រសាសន៍ថា លោកមិនទាន់បានឃើញឯកសារដាក់សំណើរពីក្រុមហ៊ុនមកនៅឡើយទេ ប៉ុន្តែលោកអះអាងថា សម័យបច្ចេកវិទ្យារីកចំរើនបែបនេះ ការសាងសង់ទីក្រុងនៅតាមមាត់ទន្លេបែបនេះ មិនមានអ្វីដែលធ្វើមិនបាននោះទេ សូម្បីតែភ្នំគេអាចចោះដើម្បីធ្វើផ្លូវឆ្លងកាត់បាន៕

ចំណេះដឹង! អ្វីទៅជាពន្ធលើប្រាក់បៀវត្ស?

February 8, 2019

0

ដោយ វុត្ថា

ភ្នំពេញ៖ ពន្ធលើប្រាក់បៀវត្ស គឺជាពន្ធប្រចាំខែកំណត់លើប្រាក់បៀវត្ស ដែលរូបវ័ន្តបុគ្គលបានទទួល ក្នុងក្របខ័ណ្ឌនៃការបំពេញសកម្មភាពបំរើការងារ។ រូបវ័ន្តបុគ្គលនិវាសនជននៅក្នុងព្រះរាជាណាចក្រកម្ពុជា ត្រូវជាប់ពន្ធលើប្រាក់បៀវត្ស ចំពោះប្រាក់បៀវត្សប្រភពកម្ពុជា និងប្រាក់បៀវត្សប្រភពបរទេស។ រូបវ័ន្តអនិវាសនជនត្រូវជាប់ពន្ធលើប្រាក់បៀវត្សចំពោះ ប្រាក់បៀវត្សប្រភពកម្ពុជា។

សហគ្រាសដែលជានិយោជក ត្រូវមានកាតព្វកិច្ចកាត់ទុកពន្ធលើប្រាក់បៀវត្សនៅមុនពេល បើកប្រាក់បៀវត្សឱ្យដល់និយោជិត និងបង់ប្រាក់ពន្ធនេះជូនរដ្ឋបាលសារពើពន្ធយ៉ាងយឺតបំផុតនៅថ្ងៃទី ២០នៃខែបន្ទាប់ ពីខែដែលប្រាក់បៀវត្សត្រូវបានបើក។ សម្រាប់និយោជិតនិវាសនជន ប្រាក់ពន្ធត្រូវបង់ត្រូវកំណត់លើប្រាក់បៀវត្សរ៍ ជាប់ពន្ធប្រចាំខែនិងត្រូវកាត់ទុក តាមអត្រាកំណើនតាមថ្នាក់ដូចតទៅ៖

សម្រាប់និយោជិតអនិវាសនជន ពន្ធលើប្រាក់បៀវត្សត្រូវបានកាត់ទុកតាមអត្រា ២០% នៃទឹកប្រាក់ត្រូវបើកឱ្យមុនការកាត់ទុក។ ពន្ធកាត់ទុកនេះគឺជាពន្ធចុងក្រោយនៃប្រាក់បៀវត្សសម្រាប់អនិវាសនជនជាអ្នកទទួលប្រាក់បៀវត្សរ៍។

ចំពោះអត្ថប្រយោជន៍បន្ថែមជារៀងរាល់ខែ សហគ្រាស ក្រុមហ៊ុនត្រូវកាត់ទុកនិងបង់ប្រាក់ពន្ធតាមអត្រា២០% នៃតម្លៃសរុបរបស់អត្ថប្រយោជន៍បន្ថែម ដែលបានផ្តល់ឱ្យនិយោជិតទាំងអស់។ តម្លៃនៃអត្ថប្រយោជន៍បន្ថែមគឺជាតម្លៃទីផ្សារ រួមទាំងពន្ធអាករទាំងអស់៕

វិស័យអចលនទ្រព្យនៅកម្ពុជានៅតែដំណើរការល្អបើទោះមានគម្រោងមួយចំនួន បានពន្យាពេលសាងសង់

February 8, 2019

0

ដោយវុត្ថា

ភ្នំពេញ៖ អ្នកវិនិយោគក្នុងស្រុក និងអ្នកជំនាញអចលនទ្រព្យនៅក្នុងប្រទេសកម្ពុជានៅតែបន្តមានភាពវិជ្ជមាន បើទោះបីមានគម្រោងមួយចំនួន ត្រូវបានពន្យាពេលសាងសង់ក៏ដោយ។

អ្នកនាងអាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានឲ្យដឹងតាមទូរស័ព្ទកាលពីរសៀលថ្ងៃទី៧ កុម្ភៈកន្លងមកថា គំរោងមួយចំនួនបានពន្យាពេល ដោយសារតែអ្នកវិនិយោគគ្មានជំនាញពិតប្រកដ បញ្ហាផ្ទៃក្នុងរបស់ក្រុមហ៊ុន និងការដាក់លក់ចូលទៅក្នុងទីផ្សារមិនសូវបានល្អ ឬក៏មកពីបញ្ហាការបញ្ជាទិញសម្ភារៈសំណង់មកធ្វើការសាងសង់ស្ថិតនៅក្នុងស្ថានភាពយឺតយ៉ាវ តែយ៉ាងណាស្ថានភាពវិស័យនៅក្នុងប្រទេសកម្ពុជានៅតែ ល្អប្រសើរដដែល។

ទោះជាយ៉ាងណា អ្នកនាងបានទទួលស្គាល់ថា “ការពន្យាពេលនៃការសាង់ចំពោះគម្រោងមួយចំនួននោះ ក៏មានបញ្ហាខ្លះដែរចំពោះទីផ្សារ តែបើពន្យាពេលចំពោះវិស័យសំណង់វិញ គឺមិនមានអ្វីជាបញ្ហានោះទេ”។

លោក ឃាង ពុទ្ធី ប្រធានសមាគមអ្នកជំនាញចលទ្រព្យកម្ពុជាបានមានប្រសាសន៍ឲ្យដឹងនៅថ្ងៃដដែលថា វិស័យអចលនទ្រព្យនៅក្នុងប្រទេសកម្ពុជា នៅតែមានដំណើរទៅមុខធម្មតា ពុំមានអ្វីប្រែប្រួលនោះទេ តែវាជារឿងធម្មតានៅពេលដែលយើងរកស៊ីតែមានការបិទខ្លះដែរ អាស្រ័យទៅលើការខិតខំប្រឹងប្រែង របស់ថ្នាក់ដឹកនាំរបស់ក្រុមហ៊ុន និងម្ចាស់គម្រោង។

លោកបន្តថា “នៅពេលមានគម្រោងសាងសង់មកច្រើន មានការប្រកួតប្រជែងហើយ ហេតុនេះនៅពេលមានការប្រកួតប្រជែងក្រុមហ៊ុន ដែលមានធនធានច្រើន មានបទពិសោធន៍ និងការគ្រប់គ្រងច្បាស់លាស់ និងទទួលបានបានជោគជ័យ”។លោកបន្តថា “ផ្ទុយទៅវិញនៅពេលដែលក្រុមហ៊ុនមានធនធានខ្សោយ គ្មានបទពិសោធន៍ច្បាស់លាស់ គាត់នឹងបរាជ័យជារឿងធម្មតា”។

តែយ៉ាងណាក៏ដោយលោកពុទ្ឋីថា កុំមានការព្រួយបារម្ភខ្លាំងពេកចំពោះបញ្ហានេះ សំខាន់យើងមានសុទិដ្ឋិយមចំពោះការអភិវឌ្ឍ និងការរីកចម្រើនរបស់ប្រទេសកម្ពុជា។

លោក ឧកញ៉ាសៀ ឬទ្ធីជាស្ថានិកនិងជាប្រធានប្រឹក្សាភិបាលនៃក្រុមហ៊ុន Worldbridge Group ក៏បានឲ្យដឹងដែរថា វិស័យអចលនទ្រព្យនៅក្នុងឆ្នាំ២០១៩នេះ ពុំមានបញ្ហាអ្វីនោះទេ ដោយសារនៅសល់កំអែលនៃការវិនិយោគកាលពីឆ្នាំ២០១៨ កន្លងមកនេះ បន្តមកដល់ឆ្នាំ២០១៩។

លោកបន្តថា “សម្រាប់ឆ្នាំ២០១៩នេះ គឺជាឆ្នាំនៃការផលិត និងអភិវឌ្ឍន៍ ហើយការលក់ដូរផ្សេងៗ ក្នុងវិស័យនេះនៅតែមានចរន្តល្អ និងដំណើការដដែល តែបើនិយាយពីកំណើនវិនិយោគវិញ ខ្ញុំគិតថាមានប្រហាក់ប្រហែលទៅហ្នឹងឆ្នាំ២០១៨ កន្លងមកនេះ”៕

ចក្ខុវិស័យ៖ ធនាគារជាតិនៃកម្ពុជាបន្តពង្រីកមូលដ្ឋានកំណើនសេដ្ឋកិច្ចប្រកប ដោយចីរភាព

February 8, 2019

0

ដោយដែន ចែងចាំង

ភ្នំពេញ៖ របាយការណ៍របស់ធនាគារជាតិនៃកម្ពុជាបានអះអាងថា ស្ថាប័ននេះនឹងបន្តរួមចំណែករក្សាស្ថិរភាពថ្លៃ ការអភិវឌ្ឍន៍វិស័យធនាគារ និងរក្សាស្ថិរភាពហិរញ្ញវត្ថុ ដើម្បីគាំទ្រនិងពង្រីកមូលដ្ឋាននៃកំណើនសេដ្ឋកិច្ច និងការកាត់បន្ថយភាពក្រីក្រនៅកម្ពុជា ស្របតាមយុទ្ធសាស្រ្តចតុកោណដំណាក់កាលទី៤។

យោងតាមរបាយការណ៍ប្រចាំឆ្នាំរបស់ធនាគារជាតិនៃកម្ពុជា ដែល Propertyarea. asia ទទួលបានកាលពីពេលថ្មីៗនេះបានបង្ហាញថា ដើម្បីរួមចំណែករក្សាស្ថិរភាពហិរញ្ញវត្ថុ ធនាគារជាតិនៃកម្ពុជា នឹងគ្រង់គ្រងការផ្គត់ផ្គង់រូបិយវត្ថុឲ្យស្ថិតក្នុងកម្រិតសមស្រប ទៅតាមស្ថានភាពរីកចម្រើននៃសេដ្ឋកិច្ច ការរក្សាស្ថិរភាពអត្រាប្តូរប្រាក់ ដើម្បីរួមចំណែកស្ថិរភាពថ្លៃ និងជំនឿទុកចិត្តរបស់អតិថិជន ការបន្តលើកកម្ពស់ការប្រើប្រាស់ប្រាក់រៀល តាមយន្តការទីផ្សារ និងការជម្រុញអភិវឌ្ឍន៍ទីផ្សារអន្តរធនាគារ និងឧបករណ៍គោលនយោបាយហិរញ្ញវត្ថុ ដើម្បីចូលរួមលើកកម្ពស់គោលនយោយហិរញ្ញវត្ថុ។

របាយការណ៍ដដែលបានឲ្យដឹងថា ទស្សនវិស័យអនាគតរបស់ធនាគារជាតិនៃកម្ពុជា នៅឆ្នាំ២០១៩នេះសេដ្ឋកិច្ចកម្ពុជាត្រូវបានរំពឹងថា នឹងអាចសម្រេចបានក្នុងរង្វង់៧% ជាមួយអត្រាអតិផរណាទាប២,៦ភាគរយ នឹងមានស្ថិរភាពអត្រាប្តូរប្រាក់ក្នុងរង្វង់៤០៥០រៀល ក្នុងមួយដុល្លាអាមេរិក។ ចំពោះការរំពឹងទុកនេះ គឺពឹងផ្អែកទៅលើកត្តាអំណោយផលទាំងខាងក្រៅ និងខាងក្នុង ទៅបើសេដ្ឋកិច្ចកម្ពុជាប្រឈមនឹងហានិភ័យមួយចំនួន ដែលអាចទាញឲ្យកំណើនសេដ្ឋកិច្ចថមថយយ៉ាងណាក៏ដោយ។

ធនាគារជាតិនៃកម្ពុជាបានអះអាងថា កំណើនសេដ្ឋកិច្ចពិភពលោកអាចបន្តសម្រេចបាន៣,៧ភាគរយដូចឆ្នាំ២០១៨ ដែលនឹងរួមចំណែកគាំទ្រការវិនិយោគ ការនាំចេញ និងវិស័យទេចរណ៍កម្ពុជា នឹងមានលទ្ធភាពបម្លាស់ទីមូលដ្ឋានផលិតកម្ម ពីប្រទេសចិនមកកម្ពុជា ប្រសិនបើមានភាពតានតឹង ផ្នែកពាណិជ្ជកម្មរវាងសហរដ្ឋអាមេរិក និងចិនអូសបន្លាយ ដែលជម្រុញឲ្យមានការកើនឡើង នៃសមាមាត្រវិនិយោគផ្ទាល់ពីបរទេសពីវិស័យផ្សេងៗក្រៅពីសំណង់ និងអចលនទ្រព្យ រួមជាមួយការកើនឡើងនៃពិពិធកម្មផលិតផលនាំចេញ ពិសេសនៅក្នុងវិស័យកម្មន្តសាលជាដើម។

ចំណែកកត្តាអំណោយផលផ្នែកខាងក្នុងវិញ កម្ពុជានឹងរក្សាបានសន្តិភាព ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច និងហិរញ្ញវត្ថុ ដែលជាមូលដ្ឋានគ្រឹះសម្រាប់បន្តអភិវ ឌ្ឍន៍សេដ្ឋកិច្ច ការរីកចម្រើននៃវិស័យធនាគារ ប្រកបដោយភាពរឹងមាំនិង បរិយាប័ន្ន ការបន្តរីកចម្រើនហេដ្ឋារចនាសម្ព័ន្ធ ដែលជួយសម្រួល និងកាត់បន្ថយចំណាយការធ្វើដំណើរ នឹងដឹកជញ្ជូន ហើយការអនុត្តន៍ការពង្រឹកថវិកា ក្រោមក្របខណ្ឌតម្លាភាពនឹងជួយគាំទ្រដល់កំណើនសេដ្ឋកិច្ច និងការវិនិយោគសាធារណៈ ព្រមទាំងបន្តបានជាផ្លៃផ្កានៃកំណែទម្រង់ស៊ីជម្រៅ ដែលនឹងធ្វើឲ្យធនាគារជាតិនៃកម្ពុជា នឹងបន្តរួមចំណែករក្សាស្ថិរភាពថ្លៃ ការអភិវឌ្ឍន៍វិស័យធនាគារ និងរក្សាស្ថិរភាពហិរញ្ញវត្ថុ ដើម្បីគាំទ្រនិងពង្រីកមូលដ្ឋាននៃកំណើនសេដ្ឋកិច្ច និងការកាត់បន្ថយភាពក្រីក្រនៅកម្ពុជា ស្របតាមយុទ្ធសាស្រ្តចតុកោណដំណាក់កាលទី៤៕

អាគារខុនដូចំនួន៧នៃគំរោង CAMKO CITY នឹងបញ្ចប់នៅពាក់កណ្តាលឆ្នាំនេះ

February 8, 2019

0

ដោយស៊ីវ ម៉េង

ភ្នំពេញ៖ អាគារខុនដូចំនួន៧ ស្ថិតក្នុងទីក្រុងរណប CAMKO CITY ដែលបានទុកចោលអស់រយៈពេលជាច្រើនឆ្នាំ នឹងបញ្ចប់ការសាងសង់នាពាក់កណ្តាលឆ្នាំនេះហើយ។

ប្រធានផ្នែកទីផ្សារនៃគំរោង CAMKO CITY លោកអាន ចាន់នីបានមានប្រសាសន៍ឲ្យដឹងតាមទូរស័ព្ទកាលពីថ្ងៃទី៧ កុម្ភៈកន្លងមកថា បច្ចុប្បន្នអាគារខុនដូចំនួន៧បាននិងកំពុងសាងសង់ឡើងវិញយ៉ាងសកម្ម ដែលក្រុមហ៊ុនរំពឹងទុកថាគម្រោងនេះនឹងបញ្ចប់ការសាងសង់នៅរយៈពេលបីខែខាងមុខនេះ។លោកបន្តថា អាគារខុនដូទាំង៧នេះមានផ្ទះ សរុបចំនួន៣៨០យូនីត និងខុនដូដែលបានសាងសង់ចប់ចំនួន៨ មានផ្ទះចំនួន៤៤១យូនីត។

លោកបន្តថា “ការចាប់ផ្តើមលក់គំរោងនេះឡើងវិញ មិនទាន់ដឹងចាប់ផ្តើមនៅពេលណាទេ ហើយតម្លៃប៉ុន្មានក៏មិនទាន់កំណត់នៅឡើយ”។លោកបន្តថា “ទីក្រុងរណប CAMKO CITY មិនទាន់មានគំរោងអភិវឌ្ឈន៍អ្វីថ្មីនៅឡើយទេ ប៉ុន្តែក្រោយគំរោងនេះសាងសង់ចប់ ក្រុមហ៊ុនអាចសាងសង់វីឡាលក់បន្តទៀត។

ទីក្រុងរណប CAMKO CITY ជាទីក្រុងរណបដំបូងគេនៅរាជធានីភ្នំពេញ ដែលអភិវឌ្ឍន៍ដោយក្រុមហ៊ុន World CITY របស់កូរ៉េ ប៉ុន្តែគំរោងនេះបានពន្យាពេលសាងសង់ បន្ទាប់ពីវិបត្តិសេដ្ឋកិច្ច និងហិរញ្ញវត្ថុសាកលកាលពីឆ្នាំ២០០៨ និងជម្លោះផ្ទៃក្នុងមួយចំនួនរបស់ក្រុមហ៊ុនផងដែរ៕

រដ្ឋាភិបាលនឹងសាងសង់រថភ្លើងលើអាកាសនិងគំរោងហេដ្ឋារចនាសម្ព័ន្ឋធំៗ ជាច្រើនទៀត

February 7, 2019

0

ដោយនៅ វឌ្ឈនា
ភ្នំពេញ៖ រដ្ឋាភិបាលតាមរយៈក្រសួងសាធារណៈការ និងដឹកជញ្ជូនកំពុងគ្រោងកសាងហេដ្ឋារចនាសម្ព័ន្ឋជាច្រើនទៀត ទាំងរថភ្លើងលើអាកាស Smart City និងកំពង់ផែលំដាប់អន្តរជាតិ។

ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូន លោកស៊ុន ចាន់ថុលបានបើកកិច្ចប្រជុំអន្តរក្រសួង និងជាមួយដៃគូអភិវឌ្ឍន៍នានានៅរសៀលថ្ងៃទី៧ កុម្ភៈនេះបានឲ្យដឹងថា រដ្ឋាភិបាលនឹងសាងសង់ផ្លូវរថភ្លើងលើអាកាស(AGT) ប្រព័ន្ធដឹកជញ្ជូនដោយប្រើផ្លូវដែក(Tramways) និងគម្រោងសាកល្បងស្មាតស៊ីធីដែលប្រកបដោយ បរិស្ថានស្រស់ស្អាត និងផាសុកភាព និងគម្រោងសាងសង់ផែកុងតេន័រថ្មីមួយប្រវែង៣៥០ម៉ែត្រ និងជម្រៅ១៤,៥ម៉ែត្រ ដែលអនុញ្ញាតឱ្យប្រភេទនាវាធំៗ៩៣ភាគរយលើពិភពលោកអាចប្រើប្រាស់សេវាកំពង់ផែនេះបាន ពេលសាងសង់ចប់។

លោកបានគូសបញ្ជាក់ពីគម្រោងសម្រេចបាន និងកំពុងបន្តសំខាន់ៗដែលរួមមាន ការដាក់ឱ្យប្រើប្រាស់ជាផ្លូវការ នូវមជ្ឈមណ្ឌលបណ្ដុះបណ្ដាលបើកបររថយន្តធុនធ្ងន់ យុទ្ធនាការជិះកង់មើលផ្លូវ គម្រោងពង្រីកនិងធ្វើឱ្យប្រសើរឡើងផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ ផ្លូវជាតិលេខ៦ ពីខេត្តសៀមរាបទៅប៉ោយប៉ែត ផ្លូវជាតិលេខ៧ ផ្លូវជាតិលេខ៤៨ ផ្លូវជាតិលេខ៥៥ពោធិ៍សាត់ទៅថ្មដា ផ្លូវក្រវាត់ក្រុងទី៣ និងគម្រោងផ្លូវពីបាត់ដំបង ទៅកោះកុងប្រវែង១៩៧គីឡូម៉ែត្រ ដែលគ្រោងបើកការដ្ឋាននៅឆ្នាំនេះ។

លោកបន្តថា “ការអភិវឌ្ឍហេដ្ឋារចនាសម្ព័ន្ធនៅកម្ពុជាឱ្យមានការរីកចម្រើន ដើម្បីកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាជនកម្ពុជា”។

កិច្ចប្រជុំនេះ រៀបចំឡើងមានគោលបំណង លើកកម្ពស់ការអភិវឌ្ឍហេដ្ឋារចនាសម្ព័ន្ធ តាមរយៈការប្រើប្រាស់ធនធានប្រកបដោយប្រសិទ្ធភាព កិច្ចសម្របសម្រួល និងការចែករំលែកព័ត៌មាន ដោយមានការចូលរួមធ្វើបទបង្ហាញ ពីតំណាងក្រសួងអភិវឌ្ឍន៍ជនបទ ក្រសួងសាធារណការនិងដឹកជញ្ជូន រដ្ឋលេខា ធិការដ្ឋានអាកាសចរណ៍ស៊ីវិល ក្រសួងឧស្សាហកម្មនិងសិប្បកម្ម ក្រសួងរ៉ែនិងថាមពល ក្រសួងប្រៃសណីយ៍និងទូរគមនាគមន៍ តំណាងក្រសួងសេដ្ឋកិច្ចនិងហិរញ្ញវត្ថុ ទីភ្នាក់ងារJICA និងតំណាងដៃគូ អភិវឌ្ឍន៍នានា។

ជាមួយគ្នានេះផងដែរ លោកស៊ុន ចាន់ថុល បានស្នើឱ្យដៃគូអភិវឌ្ឍន៍ធ្វើការជាមួយក្រសួងសាធារណការ និងដឹកជញ្ជូនក្នុងការបង្កើតផែនការយុទ្ធសាស្ត្រ ដើម្បីកាត់បន្ថយគ្រោះថ្នាក់ចរាចរណ៍ ដែលបង្កឡើងដោយការបើកបរហួសល្បឿនកំណត់ និងអត់ពាក់មួកសុវត្ថិភាព និងបានស្នើឱ្យបរិច្ចាគមួកសុវត្ថិភាព ដើម្បីចែកជូនដល់ប្រជាពលរដ្ឋដោយឥតគិតថ្លៃដើម្បីកាត់បន្ថយគ្រោះថ្នាក់ចរាចរណ៍៕

Cambodia and Indonesia to Operate Direct Flights in this Year

February 7, 2019

0

By Kong Soriya

Indonesian airline Citilink will launch a direct flight to Indonesia in the second half of 2019, with direct flights to boost tourism between the two countries.

In a meeting with Sudirman Haseng, Indonesian Ambassador to Cambodia on February 7, Cambodian Tourism Minister Thong Khon said that Cambodia and Indonesia had missed operating the flights for long time and the decision to launch direct flights between Cambodia and Indonesia is made as the influx of tourists between Cambodia and Indonesia has increased about 11 percent.

“In 2018, there were about 55,000 visitors from Indonesia to Cambodia and currently, with the 10 member countries of ASEAN, only Indonesia and Brunei has no direct flight to Cambodia,” Mr. Khon said.

Sudirman Haseng, Indonesian Ambassador to Cambodia, said the launch of the flight is with Indonesian Embassy’s aims to mark the 60th anniversary of diplomatic relations between Cambodia and Indonesia in 2019 as the launch date of the first direct flights between Cambodia and Indonesia.

Thoun Sinan, president of Asia Pacific Travel Association, welcomed the good news, saying that having more airline companies directly to Cambodia will be good, which will help boost tourism and trade between the two countries.

“For me, I welcome having all the direct flights which are to bring benefits to our country, so the more flight we get, the better we get,” Mr. Sinan said.