ដោយ វុត្ថា

ភ្នំពេញ៖ ក្រសួងទេសចរណ៍កម្ពុជាបានចាប់ផ្តើមបញ្រ្ជាប និងពង្រីកចំណេះដឹងលើ​វិស័យនេះដល់មូលដ្ឋាន តាមរយៈការបណ្តុះបណ្តាលធនធានមនុស្ស និងគ្រូបង្គោលស្ម័គ្រ​ចិត្ត ដើម្បីជំរុញការអភិវឌ្ឍវិស័យនេះកាន់តែមាននរន្តរភាព។

មានប្រសាសន៍នៅក្នុងពិធីសំណេះ និងប្រគល់វិញ្ញាបនបត្រ ដល់សិក្ខាកាមជ័យលាភីចំនួន១៣០០នាក់ ផ្នែកបដិសណ្ឋារកិច្ច និង​សេវាកម្មម្ហូបអាហារ និងភេសជ្ជៈនាព្រឹក​ថ្ងៃទី១១ ខែកក្កដា ឆ្នាំ២០១៨ លោក ប៉ាក់ សុខុម រដ្ឋលេខាធិការក្រសួងទេសចរណ៍ បានថ្លែងថា ការចូលរួមចែករំលែកចំណេះ របស់គ្រូបង្គោលផ្នែកទេសចរណ៍ និងបដិសណ្ឋារកិច្ច គឺដើម្បីឆ្លើយតបទៅនឹងតម្រូវការទីផ្សារការងារ និងអភិវឌ្ឍអាជីពក្នុងជំនាញវិជ្ជាជិវៈទេសចរណ៍នៅកម្ពុជាឱ្យកាន់ តែល្អប្រសើរឡើងដើម្បីប្រកួតប្រជែងការងារនៅក្នុងតំបន់ និងអន្តរជាតិ។

លោកបន្តថា គ្រូបង្គោលទាំងនេះជាគ្រូបង្គោល ដែលនឹងចូលរួមបណ្តុះបណ្តាល រួមមានម្ចាស់អាជីវកម្ម ថ្នាក់គ្រប់គ្រង់ក្នុងមូលដ្ឋានសេវាកម្មទេសចរណ៍ នៅរាជធានីភ្នំពេ​ញ ដែលបានទទួលការបណ្តុះបណ្តាល គរុកោសល្យការបណ្តុះបណ្តាលជំនាញបច្ចេក​ទេ​សពីក្រសួងទេសចរណ៍ និងគណៈកម្មាធិការជាតិអ្នកជំនាញទេសចរណ៍ តាមរយៈកិច្ចសហ​ប្រតិបត្តិការជាមួយក្លឹបគ្រូបណ្តុះបណ្តាលជំនាញ វិជ្ជាជីវៈទេសចរណ៍ (Tourism Trainers Club)។ លោកបន្តថា មូលដ្ឋានអាជីវកម្មទេសចរណ៍សេវាកម្មសណ្ឋាគារ និងសេវាកម្មធ្វើដំណើរ អាចទំនាក់ទំនងគ្រូចល័តខាងលើ ដើម្បីចែករំលែកបទពិសោធន៍ និងសម្របសម្រួលការបណ្តុះបណ្តាលជំនាញអាស៊ាន ក្នុងក្របខ័ណ្ឌនៃការអនុវត្តកិច្ចព្រមព្រៀងទទួលស្គាលគ្នាទៅវិញ ទៅមកលើអ្នកជំនាញទេសចរណ៍អាស៊ាន (MRA-TP)។

លោកជួប រតនា ប្រធានផ្នែកស្តង់ដា និងវាយតម្លៃគ្រូបង្គោលអាស៊ានបានអោយដឹងដែរថា ក្រសួងទេសចរណ៍បានដាក់ចុះ ជាពិសេសបានគិតគូរដល់ការពង្រឹង និងទទួលស្គាល់ជំនាញរបស់អ្នកកំពុងបម្រើការងារសេវាកម្មអាហារដ្ឋាន និងភោជនីយដ្ឋានទេសចរណ៍ តាមរយៈការបណ្តុះបណ្តាល និងវាយតម្លៃសមត្ថភាពជាក់ស្តែង ដែលសក​ម្មភាពនេះ ឆ្លើយតបទៅនឹងផែនការយុទ្ធសាស្ត្រដែលបានដាក់ចុះ រួមមាន ឆ្នាំ២០២០ ទេសចរណ៍កម្ពុជា នឹងសម្រេចបាននូវការងារដោយធ្វើការបណ្តុះបណ្តាល និងវាយតម្លៃ អ្នកជំនាញទេសចរណ៍កម្ពុជា បានចំនួន៥០ភាគរយឆ្នាំ២០២៥ ទេសចរណ៍កម្ពុជា នឹងសម្រេចបាននូវការងារដោយធ្វើការបណ្តុះបណ្តាល និងវាយតម្លៃអ្នកជំនាញទេសចរណ៍កម្ពុជាបានចំនួន១០០ភាគរយ ដោយចូលរួមជម្រុញផ្សព្វផ្សាយយុទ្ធនាការ “បុគ្គលិកម្នាក់ ជំនាញមួយ”។

ជាមួយនឹងកំណើនទេសចរជាតិ និងអន្តរជាតិដ៏ខ្លាំងក្លា នាប៉ុន្មានឆ្នាំចុងក្រោយនេះ វិស័យទេសចរណ៍ បានបង្កើតការងារផ្ទាល់បានប្រមាណ៦២ម៉ឺននាក់ ស្មើនឹង១២.៣% នៃការងារសរុប ហើយនៅក្នុងឆ្នាំ២០២០ និងបង្កើតការងារផ្ទាល់បានប្រមាណ ជិត១លាននាក់ និង២០២៥ជិត១.២លាននាក់ និង ឆ្នាំ២០៣០ បានចំនួន២លាននាក់ ដោយមិនគិតពីការងារដោយប្រយោលរាប់សិបម៉ឺននាក់ទៀត៕

ដោយ : គង់ សូរិយា
ភ្នំពេញ : រដ្ឋមន្រ្តីក្រសួងសេដ្ឋកិច្ចកម្ពុជាបានអះអាងថា រាជរដ្ឋាភិបាលបានចាត់ទុកវិស័យសង្គមកិច្ច ជាវិស័យអទិភាពទីមួយ ដើម្បីគាំទ្រនិងពង្រីកដល់វិស័យមួយចំនួន ក្នុងនោះវិស័យសុខាភិបាលត្រូវបានលើកកម្ពស់ និងជម្រុញពង្រីកសេវានេះឲ្យកាន់តែខិតជិតប្រជាពលរដ្ឋ។
លោកបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានថ្លែងឲ្យដឹងនៅថ្ងៃទី១០ ខែកក្កដា ឆ្នាំ ២០១៨កន្លងមកថា ដោយសារវិស័យសង្គមកិច្ចជាអាទិភាពដែលរដ្ឋាភិបាល​បានយកចិត្តទុកដាក់ គ្រូពេទ្យត្រូវបានតម្លើងប្រាក់បៀវត្សរ៍ពីប្រមាណជាង៩៥ម៉ឺន នៅឆ្នាំ២០១៧ ដល់ប្រមាណជាង១លានរៀល នៅខែមករា ឆ្នាំ២០១៨ នឹងចាប់ក្នុងខែមេសា ឆ្នាំ២០១៨ ឡើងដល់ប្រមាណជាង១លាន១សែនរៀល ខណៈឆ្នាំ២០១៣ មានប្រាក់បៀវត្សជាង៣៦ម៉ឺនប៉ុណ្ណោះ។
លោកបន្តថា “ក្នុងរយៈពេល៥ឆ្នាំចុងក្រោយនេះ រាជរដ្ឋាភិបាលសម្រេចបានតាមការគ្រោងទុកនូវកំណើនសេដ្ឋកិច្ច ប្រចាំឆ្នាំក្នុងរង្វង់៧ភាគរយ ប្រកកបដោយបរិយាប័ន្ន និងសមធម៌ ក្នុងនោះកម្ពុជាថែមទាំងសម្រេចនូវគោលដៅជាប្រវត្តិសាស្រ្ត គឺការឆ្លងផុតពីប្រ​ទេ​សមានចំណូលទាប ទៅជាប្រទេសមានចំណូលមធ្យមកម្រិតទាប ព្រមទាំងបានចាត់ទុកជាខ្លាសេដ្ឋកិច្ចថ្មីនៅអាស៊ីផងដែរ៕

ដោយ : គង់ សូរិយា
ភ្នំពេញ : ប្រទេសកម្ពុជាគ្រោងសាងសង់ខ្សរថភ្លើងធម្មតា និងខ្សែរថភ្លើងល្បឿនលឿនជាច្រើនខ្សែនាពេលខាងមុខនេះ ដែលទីភ្នាក់ងារសហប្រតិបត្តិការអន្តរជាតិនៃប្រ​ទេសកូរ៉េ(KOICA)បានបញ្ចប់ការសិក្សារួចហើយ។

អ្នកនាំពាក្យក្រសួងសាធារណៈការ និងដឹកជញ្ជូន លោកវ៉ាស៊ីម សូរិយា បានថ្លែងឲ្យដឹងតាមទូរស័ព្ទនាព្រឹកថ្ងៃទី១១ កក្កដានេះថា ក្នុងផែនការមេដែលបានសិក្សាដោយទីភ្នាក់ងារសហប្រតិបត្តិការអន្តរជាតិនៃប្រទេសកូរ៉េ បានធ្វើលើគំរោងជាច្រើន ប៉ុន្តែមានខ្សែរថភ្លើងមេចំនួន៥ ដូចជា ទី១ ភ្នំពេញ ខេត្តព្រះសីហនុ ទី២ ភ្នំពេញ ប៉ោយប៉ែត ទី៣ ភ្នំពេញ សៀមរាប និងទី៥ ពីទីរួមស្រុកព្រៃឈរ (ស្គន់) ទៅកាន់ឡុកនីញ ប្រទេសវៀតណាម។
លោកបន្តថា​ ក្នុងចំណោមខ្សែរថភ្លើងមេចំនួន៨នេះ មានខ្សែរថភ្លើងរណបចំនួន៨ទៀត ដែលភ្ជាប់ទៅកាន់ខេត្តរតនគិរី មណ្ឌលគិរី ក្រចេះ ព្រះវិហារ ប៉ៃលិន ព្រៃវែង កំពង់ឆ្នាំង និងវាលរ៉េញ ក្រុងព្រះសីហនុ។លោកបន្តថា ជាមួយនេះKOICA ក៏បានសិក្សាពីគំ​រោងសាងសង់ផ្លូវរថភ្លើងល្បឿនលឿន (expres៧ខ្សែភ្នំពេញ ខេត្តព្រះសីហនុ និងទីក្រុងភ្នំពេញប៉ោយប៉ែត៕ក្រុមហ៊ុនចិន។ លោកបន្តថា​ចំពោះទំហំនៃការចំណាយ យើងមិនបានដឹងជាក់លាក់នោះទ train)ចំនួន៤ខ្សែទៀតផងដែរ នៅក្នុងប្រទេសកម្ពុជា ដូចជាភ្នំពេញ ប៉ោយប៉ែត ភ្នំពេញ ឡុកនីញ ប្រទេសវៀតណាម ភ្នំពេញសៀមរាប និងភ្នំពេញ​ខេត្តព្រះសីហនុ។
ទោះជាយ៉ាងណា លោក វ៉ាស៊ីម សូរិយា មិនបញ្ជាក់ឲ្យដឹងថា គំរោងស្ថាបនាផ្លូវរថភ្លើងទាំងនេះ នឹងចាប់ផ្តើមអាទិភាពបន្ទាប់នៅពេលណានោះទេ ព្រោះគំរោងមួយចំនួនបាន ​និងកំពុងសិក្សាដោយក្រុមហ៊ុនឯកជន ដូចជា គំរោងសាងសង់ផ្លូវរថភ្លើងល្បឿនលឿនពីភ្នំពេញ ទៅកាន់ខេត្តសៀមរាប បាននិងកំពុងសិក្សាដោយក្រុមហ៊ុនចិន។ លោកបន្តថា​ចំពោះទំហំនៃការចំណាយ យើងមិនបានដឹងជាក់លាក់នោះទេ ប៉ុន្តែវាមានចំនួនច្រើនដែល​ទាមទារឲ្យមានការវិនិយោគពីវិស័យឯកជន។
ខ្សែរថភ្លើងចំនួន២ខ្សែរួចហើយ ត្រូវបានដាក់ឲ្យដំណើរការឡើងវិញរវាងទីក្រុងភ្នំពេញ ខេត្តព្រះសីហនុ និងទីក្រុងភ្នំពេញប៉ោយប៉ែត៕

ដោយគង់ សូរិយា

ភ្នំពេញ: រដ្ឋមន្រ្តីក្រសួងសេដ្ឋកិច្ចកម្ពុជាបានអះអាងថា រាជរដ្ឋាភិបាលបានចាត់ទុកវិស័យសង្គមកិច្ច ជាវិស័យអទិភាពទីមួយ ដើម្បីគាំទ្រនិងពង្រីកដល់វិស័យមួយចំនួន ក្នុងនោះវិស័យសុខាភិបាលត្រូវបានលើកកម្ពស់ និងជម្រុញពង្រីកសេវានេះឲ្យកាន់តែខិតជិតប្រជាពលរដ្ឋ។

លោកបណ្ឌិតសភាចារ្យអូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានថ្លែងឲ្យដឹងនៅថ្ងៃទី១០ ខែកក្កដា ឆ្នាំ ២០១៨កន្លងមកថា ដោយសារវិស័យសង្គមកិច្ចជាអាទិភាពដែលរដ្ឋាភិបាល​បានយកចិត្តទុកដាក់ គ្រូពេទ្យត្រូវបានតម្លើងប្រាក់បៀវត្សរ៍ពីប្រមាណជាង៩៥ម៉ឺន នៅឆ្នាំ២០១៧ ដល់ប្រមាណជាង១លានរៀល នៅខែមករា ឆ្នាំ២០១៨ នឹងចាប់ក្នុងខែមេសា ឆ្នាំ២០១៨ ឡើងដល់ប្រមាណជាង១លាន១សែនរៀល ខណៈឆ្នាំ២០១៣ មានប្រាក់បៀវត្សជាង៣៦ម៉ឺនប៉ុណ្ណោះ។

លោកបន្តថា “ក្នុងរយៈពេល៥ឆ្នាំចុងក្រោយនេះ  រាជរដ្ឋាភិបាលសម្រេចបានតាមការគ្រោងទុកនូវកំណើនសេដ្ឋកិច្ច ប្រចាំឆ្នាំក្នុងរង្វង់៧ភាគរយ ប្រកកបដោយបរិយាប័ន្ន និងសមធម៌ ក្នុងនោះកម្ពុជាថែមទាំងសម្រេចនូវគោលដៅជាប្រវត្តិសាស្រ្ត គឺការឆ្លងផុតពីប្រ​ទេ​សមានចំណូលទាប ទៅជាប្រទេសមានចំណូលមធ្យមកម្រិតទាប ព្រមទាំងបានចាត់ទុកជាខ្លាសេដ្ឋកិច្ចថ្មីនៅអាស៊ីផងដែរ៕

ដោយ វុត្ថា

ភ្នំពេញ៖ ទំនាក់ទំនងរវាងចិន និងកម្ពុជាបានចាប់ផ្តើម និងចាក់ឫសយ៉ាងជ្រៅនៅក្នុងប្រវត្តិសាស្ត្រដ៏យូរលង់ អស់ពេលប្រហែល២០០០ឆ្នាំមកហើយ បើគិតពីដំណើរទស្សនកិច្ចរបស់លោក កាំង ថៃ និងលោក ជូ យីង រាជទូតចិន ដែលបានទៅបំពេញទស្សនកិច្ចនៅកម្ពុជាក្នុងសម័យហ៊្វូណន។

ក្រោយមកទៀត ក៏មានទស្សនកិច្ចរបស់លោកជីវ តាក្វាន់ ទៅកាន់រាជធានីអង្គរ ដោយលោកបាននាំត្រឡប់មកកាន់ប្រទេសចិនវិញ នូវការផ្សព្វផ្សាយពីវប្បធម៌របស់ខ្មែរដូចមានកត់ត្រាយ៉ាងច្បាស់នៅក្នុងឯកសាររបស់លោក ដែលមានចំណងជើងថា ប្រពៃ​ណី​របស់អ្នកស្រុកចេនឡា។ នេះគឺជាទំនាក់ទំនងជាប្រវត្តិសាស្ត្រដ៏យូរលង់ និងមិនឤចកាត់ថ្លៃបានរវាងប្រទេស និងប្រជាជនទាំងពីរ។

រយៈពេលជាច្រើនរយឆ្នាំក្រោយមក ក្រោមការដឹកនាំរបស់ សម្តេចព្រះនរោត្តម សីហនុ និង លោកប្រធានម៉ៅ សេទុង ប្រទេសទាំងពីរកម្ពុជា-ចិន បានផ្សារភ្ជាប់ទំនាក់ទំនង ការទូតជាមួយគ្នា នាថ្ងៃទី១៩ ខែកក្កដា ឆ្នាំ១៩៥៨រៀងរហូតមក។ កិច្ចសហប្រតិ​បត្តិការទ្វេភាគី ត្រូវបានលើកកម្ពស់នេះទៅជា «ភាពជាដៃគូយុទ្ធសាស្ត្រគ្រប់ជ្រុងជ្រោយ» ចាប់ពីឆ្នាំ២០១០មក។ កម្ពុជាតែងតែគាំទ្រនយោបាយការបរទេសចិន ជាពិសេសគោលនយោបាយចិនតែមួយ និងគំនិតផ្តួចផ្តើមស្តីពី “ការផ្តួចផ្តើមគំនិងខ្សែក្រវ៉ាត់ និងផ្លូវ”។

ផ្តើមចេញពីទំនាក់ទំនងដ៏ស្មោះត្រង់ និងដូចដែកថែបក្រោមការដឹកនាំរបស់សម្តេចតេជោហ៊ុន សែននិងមេដឹកនចិនជាបន្តបន្ទាប់នាប៉ុន្មានទសវត្សរ៍ចុងក្រោយនេះ បានទំហំពាណិជ្ជកម្មសរុបរវាងកម្ពុជា និងចិនបានកើនឡើងយ៉ាងឆាប់រហ័ស ដែលសម្រេចបានជាមធ្យម២៦%ក្នុងមួយឆ្នាំៗ ក្នុងរយៈពេល១០ឆ្នាំចុងក្រោយនេះ។

ក្នុងឆ្នាំ២០១៦ ពាណិជ្ជកម្មទ្វេភាគីបានកើនដល់៤,៨ ប៊ីលានដុល្លារឤមេរិក ក្នុងនោះការនាំចេញរបស់កម្ពុជា មានទំហំ៨៣០លានដុល្លារឤមេរិក និងការនាំចូលមានប្រមាណ៣,៩ប៊ីលានដុល្លារឤមេរិក។ ចិនជាប្រទេសវិនិយោគធំជាងគេបំផុតនៅកម្ពុជា ដែលគិតពីដើមទសវត្សរ៍ទី៩០ ដល់ឆ្នាំ២០១៨នេះទំហំវិនិយោគរបស់ចិនមានទឹកប្រាក់ជាង១៧ពាន់លានដុល្លារអាមេរិក។

អ្នកវិនិយោគចិនវិនិយោគលើវិស័យមួយចំនួន រួមមាន កម្មន្តសាល សំណង់ វាយនភ័ណ្ឌ និងថាមពលអគ្គិសនី និងប៉ុន្មានឆ្នាំចុងក្រោយនេះចិនវិនិយោគលើវិស័យសំណង់ និងអចលវត្ថុកម្ពុជាឈានមុខគេ។ នៅឆ្នាំ២០១៦ ភ្ញៀវទេសចរចិនមកទស្សនាកម្ពុជាមានចំនួន៨៣០ពាន់នាក់ កើនឡើងប្រមាណ២០ភាគរយប្រៀបទៅនឹងឆ្នាំ ២០១៥។

ដោយឡែក នៅក្នុងផ្នែកហិរញ្ញប្បទានដើម្បីអភិវឌ្ឍសេដ្ឋកិច្ចសង្គមកម្ពុជា ប្រទេស​កម្ពុជាបានទទួលជំនួយអភិវឌ្ឍផ្លូវការ ទាំងជំនួយឥតសំណង និងកម្ចីពីសាធារណរដ្ឋប្រជាមានិតចិនរហូតដល់៤,២ ប៊ីលានដុល្លារឤមេរិក គិតត្រឹមខែ កុម្ភៈឆ្នាំ២០១៧ នេះ ដើម្បីអភិវឌ្ឍហេដ្ឋារចនាសម្ព័ន្ធរូបវន្ត កសិកម្ម សុខាភិបាល និងអប់រំ។

ក្រោមគំនិតផ្តួចផ្តើមនៃយុទ្ធសាស្ត្រខ្សែក្រវ៉ាត់ និងផ្លូវសម្រាប់កិច្ចសហប្រតិបត្តិការអន្តរជាតិ ប្រទេសទាំងពីរបានបេជ្ញាបន្តពង្រីក កិច្ចសហប្រតិបត្តិការគ្រប់ជ្រុងជ្រោយរបស់ខ្លួនលើវិស័យសំខាន់ៗ រួមមាន ហេដ្ឋារចនាសម្ព័ន្ធ ការពង្រឹងផលិតភាពសេដ្ឋកិច្ច ការបង្កើនពាណិជ្ជកម្មទ្វេភាគី ទេសចរណ៍ វប្បធម៌ ការវិនិយោគ និងការអភិវឌ្ឍកសិកម្ម។

អំពីប្រទេសចិន

• រដ្ឋធានី៖ ប៉េកាំង (Beijing) ដែលមានប្រជាជន២១.៧ លាននាក់
• ប្រជាជន៖ ១.៣៧៣ លាននាក់ (២០១៦)
• ផ្ទៃដី៖ ៩.៥៩៦.៩៦១ ម៉ែត្រក្រឡា
• មានខេត្ត ក្រុង៣១ (ក្នុងនោះ ខេត្តចំនួន២២ តំបន់ស្វ័យ័តចំនួន៥។ក្រុងចំនួន ៤ និងតំបន់រដ្ឋបាលពិសេស ២ (ហុង កុង និងម៉ាកាវ)។
• ផលិតផលសង្គមសរុប៖១១,៨ ទ្រីលានដុល្លា (ប៉ាន់ស្មាន២០១៧)។ ប្រាក់ចំណូលសម្រាប់មនុស្សម្នាក់ក្នុងមួយឆ្នាំសំរាប់ មនុស្សម្នាក់មានទំហំ៨.៤៨១ដុល្លារក្នុងមួយឆ្នាំ។
• ប្រធានាធិបតី និងជាអគ្គលេខាធិការបក្សកុម្មុយនិស្តចិន លោក ស៊ី ជិនភីង (Xi Jinping)។
• នាយករដ្ឋមន្ត្រី លោក លី ឃើឈៀង (Li Keqiang)• ប្រធានសភាប្រជាជន លោក ចាង ដេជាង (Zhang Dejiang)៕

ដោយ រតនៈ

ភ្នំពេញ៖ នាប៉ុន្មានឆ្នាំចុងក្រោយនេះសន្ទុះនៃតម្រូវការគេហដ្ឋាន នៅតាមតំបន់នានាក្នុងទីក្រុងភ្នំពេញ កើនឡើងជាលំដាប់គួរអោយកត់សម្គាល់  ជាក់ស្តែងសូម្បីតែតំបន់ស្ទឹងមានជ័យ ដែលជាតំបន់មួយត្រូវគេបំភ្លេចចោលកាលពីអតីតកាល បច្ចុប្បន្នបានប្រែក្លាយជាតំបន់មានការអភិវឌ្ឍលំនៅដ្ឋាន ក្លាយជាតំបន់អ៊ូអរ និងមានវិនិយោគិនធំៗធ្វើការវិនិយោគក្នុងតំបន់នោះផ្ទាល់ផងដែរ។

មិនតែប៉ុណ្ណោះ តំបន់នេះក៏ជាបណ្តុំពាណិជ្ជកម្មមួយ ដែលមានមនុស្សច្រើនកុះករ ប្រមូលផ្តុំទៅដោយ សាលារៀន មន្ទីរពេទ្យ ផ្សារទំនើប ធនាគារ ផងដែរ។​ តំបន់នេះក៏ជាច្រកពាណិជ្ជកម្ម កណ្តាលមួយសម្រាប់ធ្វើដំណើរឆ្លងកាត់ ទៅកាន់ផ្លូវជាតិសំខាន់ៗដែលមានដូចជាផ្លូវជាតិលេខ១ លេខ២​ លេខ៣​ និងលេខ៤ ដែលសុទ្ធសឹងតែជាច្រកសំខាន់ៗថែមទៀតផង។

ក្នុងចំណោមគម្រោងអភិវឌ្ឍលំនៅដ្ឋានជាច្រើន នាតំបន់ស្ទឹងមានជ័យ មានគម្រោ ងលំនៅដ្ឋានមួយដែល​មានភាពលេចធ្លោ ជាមួយនឹងការគាំទ្រពីអតិថិជន នោះគឺគម្រោង បុរី ប៉េង ហួត ដឹស្តា អិតធឺណល។

គម្រោងនេះពោរពេញទៅដោយលំនៅដ្ឋាន រាប់សិបខ្នងដែលមាន ដូចជា វីឡាទោល វីឡាភ្លោះ វីឡាកូនកាត់ និងផ្ទះល្វែង។ គេហដ្ឋាននីមួយៗ សុទ្ធសឹងតែសាងសង់ ទៅតាមលក្ខណៈបច្ចេកទេស ប្រកបដោយ គុណភាពរឹងមាំ សោភណ្ឌភាព និងផាសុកភាព។ ក្នុងគម្រោងនេះផ្ទាល់ ក៏បានរៀបចំជា ហេដ្ឋារចនាសម្ព័ន្ធសំខាន់ៗ សម្រាប់បំពេញតម្រូវការអតិថិជនដែលរស់នៅក្នុងគម្រោង រួមមាន ប្រព័ន្ធទឹក ប្រព័ន្ធអគ្គិសនី ផ្លូវថ្នល់ធំទូលាយ សួនច្បារ ក្លឹបហាត់ប្រាណ និងអាងហែលទឹក ជាដើម ព្រមទាំងមានប្រព័ន្ធកាមេរ៉ាសុវត្ថិភាពសម្រាប់ការពារសុវត្ថិភាព ជូនអតិថិជនដែលរស់នៅក្នុងបុរី។

ក្នុងគម្រោងនេះផងដែរ មានគេហដ្ឋានចំនួន៣ប្រភេទ ដែលកំពុងទទួលបានការគាំទ្រពីអតិថិជន គឺវីឡាភ្លោះ វីឡាព្រីន និង វីឡាឃ្វីនអេ ជាគេហដ្ឋានប្រកបដោយភាពច្នៃប្រឌិតខ្ពស់ ដែលមានបន្ទប់គេង៤ បន្ទប់ទឹក៥ សម្រាប់វីឡាភ្លោះ និងបន្ទប់គេង៥បន្ទប់ទឹក ៦ សម្រាប់វីឡាព្រីន និងវីឡាឃ្វីនអេ ព្រមទាំងបន្ទប់ទទួលភ្ញៀវដែលមានបរិយាកាសស្រស់ស្រាយ កន្លែងទទួលទានអាហារ បន្ទប់ចំអិនអាហារ និង កន្លែងចតឡានធំទូលាយ ដែលស័ក្តិសមបំផុត សម្រាប់គ្រួសារ របស់លោកអ្នក៕

សម្រាប់ព័ត៌មានបន្ថែមសូមទាក់ទងទៅលេខ 015 90 6789, Email: [email protected]ឬចូល ទៅគេហទំព័រ Facebook ៖ www.facebook.com/boreypenghuoth ៕

ដោយ វុត្ថា

ភ្នំពេញ៖ រដ្ឋមន្រ្តីក្រសួងពាណិជ្ជកម្មលោកប៉ាន សូរស័ក្តិបានថ្លែងថា គោលនយោ​បាយដំឡូងមី នឹងប្រែក្លាយកម្ពុជាឲ្យទៅជាទីតាំងឧស្សាហកម្មកែច្នៃ និងផ្គត់ផ្គង់ដំឡូងមី ដែលអាចជឿទុកចិត្តបានសម្រាប់ទីផ្សារពិភពលោក។

លោកប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មបានមានប្រសាសន៍នៅក្នុងពិធីប្រគល់ និងទទួលឯកសារគោលនយោបាយដំឡូងមី នៅព្រឹកថ្ងៃទី១០ ខែកក្កដា ឆ្នាំ២០១៨នេះថា ឯកសារគោលនយោបាយដំឡូងមីផ្តល់នូវចក្ខុវិស័យ និងវិធីសាស្រ្តរៀបចំ​ខ្សែសង្វាក់តម្លៃសំខាន់ៗ ដើម្បីឲ្តដំណាំនេះទទួលបានទិន្នផល និងមានតម្លៃខ្ពស់ចឆ្លើយតបទីផ្សារក្នុងស្រុក និងអន្តរជាតិ។

ការរៀបចំឯកសារគោលនយោបាយនេះ មានការសហការជាមួយអង្គការសហប្រជាជាតិ យូអ៊ិនឌីភី (UNDP) និងស្ថាប័នពាក់ព័ន្ធ ធ្វើការចងក្រងឯកសារដ៏មានសារៈសំខាន់នេះឡើង ដើម្បីបម្រើការអភិវឌ្ឍវិស័យដំឡូងមីកម្ពុជា ដែលជាដំណាំសក្តានុពលទី២ បន្ទាប់ពីដំណាំស្រូវ និងជាផលិតផលអាហារប្រចាំសតវត្សរ៍ទី២១។

លោកបណ្ឌិត រីឆាត ម៉ាស្ហល សេដ្ឋវិទូនៃអង្គការសហប្រជាជាតិប្រចាំកម្ពុជាបានថ្លែងថា គោលនយោបាយដំឡូងមី នឹងប្រែក្លាយដំឡូងមីទៅជាដំណាំដែលផ្តល់ទិន្នផល និងប្រាក់ចំណូលខ្ពស់ សម្រាប់ប្រជាកសិករក្រីក្រ និងជាផលិ​តផលដែលបម្រើការអភិវឌ្ឍឧស្សាហកម្ម នៅក្នុងប្រទេសកម្ពុជា។ លោកបន្តថា ដើម្បីបង្កើនប្រសិទ្ធភាពការអនុវត្តគោលនយោបាយ រចនាសម្ព័ន្ធអភិបាលកិច្ច ត្រូវបានបង្កើតឡើង ហើយខ្សែសង្វាក់តម្លៃដំឡូងមី ត្រូវបានបែងចែកជាផ្នែកៗ ដើម្បីតភ្ជាប់ជាមួយវិស័យអទិភាពផ្សេងទៀត។

កាលពីឆ្នាំ២០១៧កម្ពុជាបានក្លាយជាប្រទេស ដែលឈរនៅលំដាប់លេខរៀងទី៨ ក្នុងចំណោមប្រទេសផលិតដំឡូងមីធំៗ ទាំង១០នៅលើពិភពលោក។ ចាប់តាំងពីឆ្នាំ២០១១ ផ្ទៃដីដាំដុះដំឡូងមី ត្រូវបានពង្រីកពី៤០០ពាន់ហិកតា ដល់៥៧៤ពាន់ហិកតា នៅក្នុងឆ្នាំ២០១៥ ហើយបានផ្តល់ទិន្នផលសរុបជាង១៣លានតោន។

រដ្ឋាភិបាលកម្ពុជា តាមរយៈក្រសួងពាណិជ្ជកម្ម បានកំពុងប្រឹងប្រែងជំរុញការនាំចេញផលិតផលដំឡូងមី ទៅកាន់ប្រទេសចិន ដោយសារតែប្រទេសទាំងពីរបានចុះហត្ថលេខាលើពិធីសារស្តីពីប្រព័ន្ធអនុគ្រោះពន្ធ និងលក្ខខណ្ឌតម្រូវផ្នែកភូតគាមអនាម័យ និងអនាម័យ ហើយបានកំពុងសិក្សាពីលទ្ធភាពកែច្នៃពីដំឡូងមី និងធ្វើពិពិធកម្មទីផ្សារនាំចេញ៕

ដោយដែន ចែងចាំង

ភ្នំពេញ៖ អ្នកវិនិយោគក្នុងស្រុកបានសម្រេចចិត្តបោះទុនវិនិយោគ២០០លានដុល្លា​រអាមេរិក ដើម្បីបង្កើតក្រុមហ៊ុន Cambodia Airways ដែលមានមហិច្ឆតាពង្រីកការហោះហើរក្នុងប្រទេស និងទៅកាន់ពិភពលោក។

នាយកគ្រប់គ្រងផ្នែកទីផ្សារ និងយីហោនៃក្រុមហ៊ុន Cambodia Airways អ្នកនាង​សុខ រ៉ាវី បានមានប្រសាសន៍ឲ្យដឹងនៅព្រឹកថ្ងៃទី១០ កក្កដា ឆ្នាំ២០១៨នេះថា  ក្រោយសម្ពោធនាពេលនេះ ក្រុមហ៊ុនមានបម្រើការហោះហើរក្នុងស្រុក ទៅកាន់ខេត្តចំនួនពីរជារៀងរាល់ថ្ងៃ ក្នុងនោះពីភ្នំពេញទៅកាន់ខេត្តសៀមរាប និងខេត្តព្រះសីហនុ និងតាមការគ្រោងទុកក្នុងខែកក្កដាដូចគ្នានេះ ក្រុមហ៊ុននឹងបើកឲ្យមានជើងហោះហើរបន្ថែមទៀតទៅក្រៅស្រុក គឺពីភ្នំពេញ ពីខេត្តសៀមរាប និងពីខេត្តព្រះសីហនុ ទៅកាន់ម៉ាកាវ ដោយក្នុងមួយសប្តាហ៍មានចំនួនបួនថ្ងៃ។

អ្នកនាងបន្តថា “យើងនឹងនាំយកយន្តហោះថ្មីចំនួន២០គ្រឿងបន្ថែមទៀតមកកម្ពុជា នៅត្រឹមដំណាច់ឆ្នាំ២០២៣ ខណៈពេលនេះក្រុមហ៊ុនបាននាំយកយន្តហោះថ្មី២គ្រឿងពីអឺរ៉ុប មកប្រតិបត្តិការហោះហើរជាលើកដំបូងសិន”។

​អ្នកនាងសុខ រ៉ាវីបានបន្តថា ជើងហោះហើរថ្មីរបស់ក្រុមហ៊ុននាពេលនេះ នឹងផ្តល់ផលប្រយោ​ជន៍ច្រើន ដល់វិស័យសេដ្ឋកិច្ចដឹកជញ្ជូន និងវិស័យទេសចរណ៍របស់កម្ពុជាផងដែរ។ ក្រុមហ៊ុននេះត្រូវបានវិនិយោគជនជាតិខ្មែរ១០០ភាគរយ។

លោកស្រីខ្លូអេ ឡាប៉េវ នាយកគ្រប់​គ្រង​ទូទៅអាកាសចរអន្តរជាតិភ្នំពេញ យល់ឃើញថា នេះជាសញ្ញាល្អមួយបន្ថែមទៀតសម្រាប់កម្ពុជា ដែលនឹងនាំភ្ញៀវទេសចរណ៍ច្រើ​ន​ជាងមុន ក៏ដូចជាធុរជន ក៏មានឱកាសដែលនឹងចូលរួមថែមទៀត ក្នុងការអភិវឌ្ឍសេដ្ឋកិច្ចរបស់កម្ពុជា ហើយកេរ្តិ៍ឈ្មោះកម្ពុជាជាគោលដៅទេសចរណ៍ នឹងមានការជម្រុញកាន់​តែខ្លាំងឡើងពីមួយថ្ងៃទៅមួយថ្ងៃ៕