ដោយ គង់ សូរិយា

ភ្នំពេញ៖ មន្ត្រីជាន់ខ្ពស់​ធនាគារ​ជាតិ​នៃ​កម្ពុជា​បាន​ថ្លែងថា វិស័យ​ធនាគារ​បាន​ចូលរួមចំណែក​យ៉ាងសកម្ម ក្នុង​សេដ្ឋកិច្ចជាតិ ដោយ​រហូត​មកទល់ពេលនេះ ទ្រព្យសកម្ម​របស់​វិស័យ​ធនាគារ​មាន​ប្រមាណ៣១ប៊ី​លាន​ដុល្លារ​អាមេរិក។

ទេសាភិបាល​ធនាគារជាតិ​នៃ​កម្ពុជា​លោក ជា ចាន់តូ បានលើកឡើង​នៅក្នុង​ពិធី​ប្រគល់​សញ្ញាបត្រ​ថ្នាក់ ប្រកាសនីយបត្រ​ជាន់ខ្ពស់​បច្ចេកទេស​ធនា​គារ នៅ​ព្រឹក​ថ្ងៃទី៥ ខែកក្កដា ឆ្នាំ២០១៨ នេះ​ថា បច្ចុប្បន្ន​ប្រទេស​កម្ពុជា​ក្រោម​ការដឹកនាំ​ប្រកបដោយ​គតិបណ្ឌិត​រប​ស់ស​ម្តេច​តេ​ជោ ហ៊ុន សែន នាយករដ្ឋមន្ត្រី បាន​ផ្តល់នូវ​សុខសន្តិភាព និង​ស្ថិរភាព​នយោបាយ​ល្អ និង​ការអភិវឌ្ឍន៍​គ្រប់​វិស័យ បានធ្វើ​ឲ្យ​ប្រទេស​កម្ពុជា​ឈានឡើង​ពី​ប្រទេស​មាន​ចំណូល​ទាប ទៅជា​ប្រទេស​មាន​ចំណូល​មធ្យម​កម្រិត​ទាប​កាលពី​ឆ្នាំ២០១៥កន្លងទៅ ។

លោក​បន្តថា  “ជាក់ស្តែង​ក្នុង​រយៈពេល២០ឆ្នាំ​មកនេះ កម្ពុជា​សម្រេចបាន​កំនើនសេដ្ឋកិច្ច​ក្នុង​រង្វង់៧,៧ភាគរយ ជាមួយនឹង​ការរក្សា​ស្ថិរភាព​សេដ្ឋកិច្ច​បានល្អ​ប្រសើរ  ក្នុង​អតិផរណា មាន​កម្រិត​ទាប​អាច​គ្រប់គ្រង​បានជា​មធ្យម៣,៥ភាគរយ។លោក​បន្តថា “ជាមួយ​កំនើនសេដ្ឋកិច្ច ការ​ការគ្រប់គ្រង​ចរ​ន្ត​សាច់ប្រាក់ និង​អត្រា​អតិផរណា​បានល្អ​ប្រសើរ បានធ្វើ​ឲ្យ​កម្ពុជា​បាន​កាត់បន្ថយ​អត្រា​ភាពក្រីក្រ បាន​យ៉ាង​ឆាប់រហ័ស​ពី​អត្រា៥០,២ភាគរយ នៅ​ឆ្នាំ២០០២ មក​នៅត្រឹម១០ភាគរយ​នៅ​ឆ្នាំ២០១៨នេះ។

លោក​ជា ចាន់តូ​បាន​បន្តថា ក្រៅ​នៅក្នុង​ដំណើរការ​អភិវឌ្ឍន៍​សេដ្ឋកិច្ចសង្គម  ជាមួយ​ទស្សនៈ​វែងឆ្ងាយ​របស់​រាជរដ្ឋាភិបាល វិស័យ​ធនាគារ​បាន​ចូលរួមចំណែក​យ៉ាងសកម្ម តាមរយៈ​ការផ្តល់សេវា​ហិរញ្ញវត្ថុ​ប្រកបដោយ​វិសាលភាព និង​បរិ​យា​ប័ន្ន ដែល​បាន​លើកស្ទួយ​នូវ​កម្រិតជីវភាព​ប្រជាជន និង​ការកាត់បន្ថយ​ភាពក្រីក្រ​នៅ​កម្ពុជា ដែល​មកដល់​បច្ចុប្បន្ន​នេះ​ទ្រព្យសកម្ម​របស់​វិស័យ​ធនាគារ បាន​កើនឡើង៧៣ដង បើ​ប្រៀបធៀប​ទៅ​ចុង​ទសវត្សរ៍​ទី៩០។

ប្រធាន​សមាគម​ធនាគារ​កម្ពុជា​ស្តីទី​លោក​ឆា​រស៍ វ៉ាន់​បាន​ថ្លែងថា សុខភាព​ក្នុង​វិស័យ​ធនាគារ​នៅតែមាន​ភាពល្អប្រសើរ ដោយសារ​កំនើន​នៃ​តម្រូវការ​ឥណទាន និង​លំហូរ​សាច់ប្រាក់​ស្ថិតក្នុង​កម្រិត​មួយ​អាច​គ្រប់គ្រង​បាន និង​មាន​កំណើន​ល្អប្រសើរ។លោក​បន្តថា ធនាគារ​បាននិងកំពុង​ដើរតួនាទី​យ៉ាងសំខាន់​ក្នុង​សេដ្ឋកិច្ចជាតិ ព្រោះ​ធនាគារ​ដើរតួនាទី​ជា​អ្ន​ផ្តល់​លំហូរ​សាច់ប្រាក់​ក្នុង​សេដ្ឋកិច្ច ដើម្បី​បង្កើត​ការងារ និង​ខ្សែសង្វាក់​ផលិតកម្ម​បាន​យ៉ាង​ល្អប្រសើរ។

លោក​បន្តថា “ទោះជា​មានការ​ប្រកួតប្រជែង​កើនឡើង ប៉ុន្តែ​មិនមាន​អ្វីដែល​គួរ​ឲ្យ​ព្រួយបារម្ភ​ក្នុង​វិស័យនេះ​ទេ ដោយសារ​ធនាគារ​និមួយៗបាន​គោរព​ក្រម​សីល​ធ៌​មរ​បស់​ពួកគេ”៕

ដោយ : គង់ សូរិយា
ភ្នំពេញ : មន្រ្តីជាន់ខ្ពស់ធនាគារជាតិនៃកម្ពុជាបានថ្លែងថា វិស័យធនាគារបានចូលរួមចំណែកយ៉ាងសកម្ម ក្នុង​សេដ្ឋ​កិច្ចជាតិ ដោយរហូតមកទល់ពេលនេះ ទ្រព្យសកម្មរបស់វិស័យធនាគា​រមានប្រមាណ៣១ប៊ីលានដុល្លារអាមេរិក។

ទេសាភិបាលធនាគារជាតិនៃកម្ពុជាលោក ជា ចាន់តូ បានលើកឡើងនៅក្នុងពិធីប្រគល់សញ្ញាបត្រថ្នាក់ ប្រកាសនី​យបត្រជាន់ខ្ពស់បច្ចេកទេសធនាគារ នៅព្រឹកថ្ងៃទី៥ ខែកក្កដា ឆ្នាំ២០១៨ នេះថា បច្ចុប្បន្នប្រទេសកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រ្តី បានផ្តល់នូវសុខសន្តិភាព និងស្ថិរភាពនយោបាយល្អ និងការអភិវឌ្ឍន៍គ្រប់វិស័យ បានធ្វើឲ្យប្រទេសកម្ពុជាឈានឡើងពីប្រទេសមានចំណូលទាប ទៅជាប្រទេសមានចំណូលមធ្យមកម្រិតទាបកាលពីឆ្នាំ២០១៥កន្លងទៅ ។
លោកបន្តថា “ជាក់ស្តែងក្នុងរយៈពេល២០ឆ្នាំមកនេះ កម្ពុជាសម្រេចបានកំនើនសេដ្ឋកិច្ចក្នុងរង្វង់៧,៧ភាគរយ ជាមួ​យ​នឹងការរក្សាស្ថិរភាពសេដ្ឋកិច្ចបានល្អប្រសើរ ក្នុងអតិផរណា មានកម្រិតទាបអាចគ្រប់គ្រងបានជាមធ្យម៣,៥ភាគរយ”។ លោកបន្តថា “ជាមួយកំនើនសេដ្ឋកិច្ច ការការគ្រប់គ្រងចរន្តសាច់ប្រាក់ និងអត្រាអតិផរណាបានល្អប្រសើរ បានធ្វើឲ្យកម្ពុជាបានកាត់បន្ថយអត្រាភាពក្រីក្រ បានយ៉ាងឆាប់រហ័សពីអត្រា៥០,២ភាគរយ នៅឆ្នាំ២០០២ មកនៅត្រឹម១០ភាគរយនៅឆ្នាំ២០១៨នេះ”។
លោក ជា ចាន់តូ បានបន្តថា ក្រៅនៅក្នុងដំណើរការអភិវឌ្ឍន៍សេដ្ឋកិច្ចសង្គម ជាមួយទស្សនៈវែងឆ្ងាយរបស់រាជរដ្ឋាភិបាល វិស័យធនាគារបានចូលរួមចំណែកយ៉ាងសកម្ម តាមរយៈការផ្តល់សេវាហិរញ្ញវត្ថុប្រកបដោយវិសាលភាព និងបរិយាប័ន្ន ​ដែលបានលើកស្ទួយនូវកម្រិតជីវភាពប្រជាជន និងការកាត់បន្ថយភាពក្រីក្រនៅកម្ពុជា ដែលមកដល់បច្ចុប្បន្ននេះទ្រព្យសកម្មរបស់វិស័យធនាគារ បានកើនឡើង៧៣ដង បើប្រៀបធៀបទៅចុងទសវត្សរ៍ទី៩០។
ប្រធានសមាគមធនាគារកម្ពុជាស្តីទី លោក ឆារស៍ វ៉ាន់បានថ្លែងថា សុខភាពក្នុងវិស័យធនាគារនៅតែមានភាពល្អប្រ​សើរ ដោយសារកំនើននៃតម្រូវការឥណទាន និងលំហូរសាច់ប្រាក់ស្ថិតក្នុងកម្រិតមួយអាចគ្រប់គ្រងបាន និងមានកំណើន​ល្អប្រសើរ។ លោកបន្តថា ធនាគារបាននិងកំពុងដើរតួនាទីយ៉ាងសំខាន់ក្នុងសេដ្ឋកិច្ចជាតិ ព្រោះធនាគារដើរតួនាទីជាអ្នផ្តល់លំហូរសាច់ប្រាក់ក្នុងសេដ្ឋកិច្ច ដើម្បីបង្កើតការងារ និងខ្សែសង្វាក់ផលិតកម្មបានយ៉ាងល្អប្រសើរ។
លោកបន្តថា “ទោះជាមានការប្រកួតប្រជែងកើនឡើង ប៉ុន្តែមិនមានអ្វីដែលគួរឲ្យព្រួយបារម្ភក្នុងវិស័យនេះទេ ដោ​យសារធនាគារនិមួយៗបានគោរពក្រមសីលធ៌មរបស់ពួកគេ”៕

ដោយ ដែន ចែងចាំង

ភ្នំពេញ៖ ក្រុមហ៊ុនអន្តរជាតិមួយមកពីប្រទេសវៀតណាម គ្រោងបោះទុន៥០០លានដុល្លារអាមេរិក ដើម្បី សាង​សង់​រោងចក្រផលិតដែកនៅខេត្តព្រះសីហនុ ស្របពេលខេត្តមួយនេះកំពុងមានការរីក​ចម្រើនលើវិស័យសំណង់ និងអចលនវត្ថុយ៉ាងខ្លាំងក្នុងប៉ុន្មានឆ្នាំចុងក្រោយនេះ។

ក្នុងកិច្ចជំនួបពិភាក្សាស្វែងយល់ពីឱកាសដាក់ទុនវិនិយោគ ជាមួយអភិបាលខេត្ដព្រះសីហនុ លោក Chu Quang Vu ប្រធានក្រុមហ៊ុន Research & Development  Department ថ្លែងឲ្យដឹងកាលពីថ្ងៃទី៤ កក្កដាកន្លងមកថា ក្រុមហ៊ុនផលិតដែកដ៏ធំរបស់វៀតណាម ឈ្មោះ Hoa Phat ចង់មកវិនិយោគធ្វើរោងចក្រផលិតដែកនៅខេត្តព្រះសីហនុ។ ក្រុមហ៊ុន Hoa Phat គ្រោងចំណាយទុនវិនិយោគប្រមាណ៥០០លានដុល្លារអាមេរិក ក្នុងការវិនិយោគផលិតកម្មដែកនៅខេត្ត​ព្រះសីហនុ ដែលត្រូវការផ្ទៃដីប្រមាណពី១០០ហិកតា ទៅ ១៥០ហិកតា ដើម្បីវិនិយោគរោងចក្រផលិតដែកនេះ។

លោកបន្តថា មើលឃើញពីការកើនឡើងនៃការរីកចម្រើនវិស័យសំណង់ខ្លាំង នៅខេត្ដនេះ ដែលសំណង់ទាំងនោះត្រូវការដែក សម្រាប់ជាគ្រោងឆ្អឹងដ៏សំខាន់ និងចំបាច់នោះ ក្រុមហ៊ុនចង់ពង្រីកការវិនិយោគរបស់ខ្លួននៅកម្ពុជា”។ លោកបន្តថា “ការពង្រីកសាខានៅតាមប្រទេសក្នុងតំប​ន់ បង្កើនសមត្ថភាពផលិត និងការផ្គត់ផ្គង់ប្រកបដោយប្រសិទ្ធភាពឆ្លើយតបបានតាមតម្រូវការទីផ្សារក្នុងតំបន់”។

អភិបាលខេត្តព្រះសីហនុលោកយន្ត មីនបានមានប្រសាសន៍ថា ក្នុងនាមអាជ្ញាធរខេត្ត ក្រុមហ៊ុន Hoa Phat ដែលចាប់អារម្មណ៍មកបណ្តាក់ទុននៅខេត្តនេះ។ គួរចាប់អារម្មណ៍ទីតាំងដី នៅតំបន់ស្រុកស្ទឹងហាវ ព្រោះអនាគតទីនោះក៍មានកំពង់ផែទឹកជ្រៅ និងមានដីប្រហែល២០០ហិក​តា អាចឆ្លើយតបនិងតម្រូវការសម្រាប់ការវិនិយោគធ្វើរោងចក្រនេះបាន។ ជាមួយគ្នានេះដែរ កតា្ដសំខាន់ ដែលធ្វើឲ្យអ្នកវិនិយោគបរទេស បន្ដចាប់អារម្មណ៍ស្វែងរកឱកាសដាក់ទុនវិយោគរកស៊ីនៅខេត្ដនេះ គឺកត្តាសន្ដិភាព ច្បាប់ការពារអ្នកវិនិយោគ និងសក្តានុពលធម្មជាតិរបស់ខេត្ដព្រះសីហនុ។

លោកបន្តថា “រយៈកាល២ឆ្នាំចុងក្រោយនេះ ខេត្តព្រះសីហនុ បានក្លាយទៅជាគោលដៅយ៉ាងសំខាន់ របស់អ្នកវិនិយោគមកពីតំបន់ផ្សេងៗ និងពីបរទេស ហើយសព្វថ្ងៃនេះបាននឹងកំពុងធ្វើឲ្យខេត្តព្រះសីហនុ មានការអភិវឌ្ឍយ៉ាងលឿនទៅមុខ”។

លោកយន្ត មីនបានបន្តថា ខេត្ដព្រះសីហនុ ពិតជាកន្លែងសាកសមក្នុងការដាក់ទុនវិនិយោគល្អប្រពៃ សម្រាប់ការដាក់ទុនវិនិយោគលើវិស័យឧស្សាហកម្ម វាយនភណ្ឌ ឧស្សាហកម្មទេសចរណ៍ សំណង់ និងអចលនទ្រព្យ ជាដើម។ល។ ម្យ៉ាងវិញទៀអ្វីដែលសំខាន់បំផុតនោះ គឺប្រទេសកម្ពុជាមានសុខសន្ដិភាពពេញលេញ ក្នុងនោះខេត្ដព្រះសីហនុ ក៍ធានាបាននូវសន្ដិសុខ សុវត្ថិភាពខ្ពស់ដែរ ជាមួយនិងធនធានធម្មជាតិសម្បូរបែប ផ្ទៃដីនៅទំនេរធំទូលាយ​ រួមទាំងកោះល្អៗ៣២ ជាពិសេសនោះ គឹប្រព័ន្ធគមនាគមន៍សម្បូរបែប ផ្លូវដែក ទឹក គោគ ផ្លូវអាកាសជាដើម ។ល។ ខេត្ដព្រះសីហនុ ត្រូវបានរាជរដ្ឋាភិបាលកម្ពុជា ចាត់ទុកជាប៉ូលសេដ្ឋកិច្ចមួយក្នុងចំណោមប៉ូលសេដ្ឋកិច្ចទាំងបី រាជធានីភ្នំពេញ ខេត្ដសៀមរាប និងខេត្ដព្រះសីហនុ ដោយប្រកាសប្រែក្លាយខេត្ដនេះទៅជា តំបន់សេដ្ឋកិច្ចពិសេសគំរូពហុបំណង តែមួយគត់ក្នុងប្រទេសកម្ពុជា៕