ដោយៈ និស្ស័យ

        ភ្នំពេញៈ លោកសុខ វឿន នាយកប្រតិបត្តិ នៃគ្រឹះស្ថានមីក្រូហិរញ្ញវត្ថុLOLC បានលើកចិត្តប្រជាពលរដ្ឋ ប្រើប្រាស់កម្ចីតែ១ស្ថាប័ន ហើយត្រូវប្រើប្រាស់កម្ចីនោះឱ្យចំគោលដៅ និងតម្រូវការជាក់ស្តែងក្នុងសកម្មភាពរស់នៅ។

លោកបានមានប្រសាសន៍ឲ្យដឹង កាលពីពេលថ្មីៗនេះថា បើយើងពិនិត្យឃើញអតិថិជន សងបំណុលស្ថាប័នមួយមិនកើតហើយ គឺយើងប្រាប់គាត់កុំឱ្យទៅខ្ចីបំណុល នៅស្ថាប័នផ្សេ​ង​មកសងបំណុលស្ថាប័ន ដែលខ្លួនកំពុងជំពាក់ហ្នឹងឡើយ​។ ​
លោកសុខ វឿនបានពន្យល់ថា ប្រសិនបើប្រជាពលរដ្ឋមានបញ្ហាក្នុងសងត្រឡប់ ជាមួយស្ថាប័នញហិរញ្ញវត្ថុណាមួយហើយ សូមកុំព្យាយាម ទៅរកប្រភពកម្ចីពីកន្លែងណាផ្សេងទៀត។ ផ្ទុយទៅវិញ ពលរដ្ឋ ត្រូវព្យាយាមរកដំណោះស្រាយបំណុល តែជាមួយស្ថាប័នហិរញ្ញវត្ថុដែលខ្លួនបានជំពាក់នោះ។

លោកបញ្ជាក់ថា “យើងមិនត្រូវលើកដាក់បំណុល ដោយយកពីឆ្វេងទៅសងសាំ្ត ឬយកពីស្តាំសងឆ្វេងឡើយ។ ការធ្វើបែបនេះ មិនយូរទេពលរដ្ឋ នឹងមានបំណុលវ័ណ្ឌ “ក” មានបំណុលច្រើនលើសលុប”។​លោកបន្តថា “អីចឹងហើយ បានជាយើងព្យាយាមអប់រំពលរដ្ឋលើចំណុចទាំងនេះ ដោយណែនាំពួកគាត់ប្រើប្រាស់កម្ចីឱ្យចំគោលដៅ ដោយកុំប្រើប្រាស់កម្ចីទៅទិញបំណុល ដូចជាយកទៅលេងល្បែង ឬទំនិញផ្សេងៗ ដែលមិនមែនជាតម្រូវការចំបាច់ ក្នុងជីវភាពរស់នៅ”៕

ដោយ: គង់ លាងហួរ

អន្តរជាតិ: ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) គឺជាអង្គការឃ្លាំមើលម៉ាក្រូសេដ្ឋកិច្ចក្នុងតំបន់ ដែលមានគោលបំណងចូលរួមចំណែក ក្នុងការធានាស្ថិរភាពម៉ាក្រូសេដ្ឋកិច្ច និងហិរញ្ញវត្ថុនៅក្នុងតំបន់អាស៊ាន+៣។

ស្ថាប័ន AMRO មានចក្ខុវិស័យប្រែក្លាយខ្លួន ទៅជាអង្គការក្នុងតំបន់ ប្រកបដោយភាពឯករាជ្យ គួរឱ្យទុកចិត្តបាន និងមានវិជ្ជាជីវៈ ដែលដើរតួជាអ្នកប្រឹក្សា គោលនយោបាយគួរឱ្យទុកចិត្ត ដល់សមា​ជិកក្នុងតំបន់អាស៊ាន+៣។

តំបន់អាស៊ាន+៣ រួមមានរដ្ឋជាសមាជិកចំនួន១០ នៃសមាគមប្រជាជាតិអាស៊ីអាគ្នេយ៍ ដែលហៅកាត់ថាអាស៊ាន បូករួមនឹងប្រទេសចិន ប្រទេសជប៉ុន និងប្រទេសកូរ៉េខាងត្បូង។ស្ថាប័នAMRO ផ្តោតលើមុខងារស្នូលចំនួន៣ រួមមាន ការធ្វើការត្រួតពិនិត្យម៉ាក្រូសេដ្ឋកិច្ច ការគាំទ្រការអនុវត្តពហុភាវូបនីយកម្មគំនិតផ្តួចផ្តើមឈៀងម៉ៃ (CMIM) និងការផ្តល់ជំនួយបច្ចេកទេសដល់បណ្តាសមាជិករបស់ខ្លួន។

ស្ថាប័ននេះត្រូវបានបង្កើតឡើង ដើម្បីរួមចំណែកដល់ភាពធន់នឹងម៉ាក្រូសេដ្ឋកិច្ច និងហិរញ្ញវត្ថុ និងស្ថិរភាពក្នុងតំបន់ តាមរយៈការតាមដាន គាំទ្រការរៀបចំហិរញ្ញប្បទានក្នុងតំបន់ ការផ្តល់ជំនួយបច្ចេ​កទេស បម្រើជាមជ្ឈមណ្ឌលចំណេះដឹងក្នុងតំបន់ និងសម្របសម្រួលកិច្ចសហប្រតិបត្តិការហិរញ្ញវត្ថុអាស៊ាន+៣។

ចំណែកឯ រចនាសម្ព័ន្ធនៅក្នុងអង្គការមួយនេះ រួមមានដូចជា គណៈកម្មាធិការប្រតិបត្តិ ក្រុមប្រឹក្សាភិបាល នាយក និងអ្នកគ្រប់គ្រងជាន់ខ្ពស់។

នៅក្នុងឆ្នាំ២០០៩ រដ្ឋមន្ត្រីហិរញ្ញវត្ថុនៃតំបន់អាស៊ាន+៣ បានយល់ព្រមបង្កើត អង្គភាពឃ្លាំមើលតំបន់ឯករាជ្យមួយ ដើម្បីលើកកម្ពស់ការត្រួតពិនិត្យគោលដៅ នៃសេដ្ឋកិច្ចក្នុងតំបន់ ក្រោយមក នៅក្នុងឆ្នាំ២០១១ ស្ថាប័នAMRO ត្រូវបានបង្កើតឡើងជាក្រុមហ៊ុនlimited ដែលមានមូលដ្ឋាននៅក្នុងប្រទេសសិង្ហបុរី ហើយបានផ្លាស់ប្តូរទៅជាអង្គការអន្តរជាតិនៅឆ្នាំ២០១៦។

ដោយសារទទួលបានមូលនិធិ ពីការរួមចំណែកពីក្រសួងហិរញ្ញវត្ថុរបស់ប្រទេសចិន ក្រសួងហិរញ្ញវត្ថុរបស់ប្រទេសជប៉ុន និងក្រសួងសេដ្ឋកិច្ច និងហិរញ្ញវត្ថុរបស់កូរ៉េខាងត្បូង សកម្មភាពផ្តល់ជំនួយបច្ចេ​កទេស របស់សា្ថប័នAMRO អាចស្ថិតក្នុងទម្រង់ផ្សេងៗគ្នា ដូចជាការបញ្ជូនអ្នកឯកទេស ទៅកាន់ប្រទេសសមាជិក  រៀបចំវគ្គបណ្តុះបណ្តាល និងសិក្ខាសាលា និងសហការជាមួយស្ថាប័នផ្សេងទៀតលើប្រធា​នបទស្រាវជ្រាវជាក់លាក់ ដើម្បីជាប្រយោជន៍ដល់សមាជិក។

ក្នុងនាមជាទីប្រឹក្សាគោលនយោបាយ ដែលអាចជឿទុកចិត្តបាននៃតំបន់អាស៊ាន+៣ ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) បាននិងកំពុងផ្តល់ការវិភាគខាងសេដ្ឋកិច្ច និងហិរញ្ញវត្ថុ តាមរយៈការតាមដាន និងការវាយតម្លៃជាប្រចាំដល់សមាជិក។

លើសពីនេះ ក្នុងអំឡុងពេលមានវិបត្តិ ស្ថាប័ននេះផ្តល់ជូនសមាជិក នូវការណែនាំអំពីគោលនយោបាយ ដើម្បីជួយដល់ពួកគេឱ្យស្ទុះងើបឡើងវិញ ដោយប្រើប្រាស់បណ្តាញសុវត្ថិភាព ហិរញ្ញវត្ថុ ក្នុងតំបន់។

ក្រៅ​ពី​សកម្មភាព​ទាំង​នេះ AMRO ក៏​ផ្តល់​ឱកាស​ដល់​មន្ត្រី​វ័យ​ក្មេង​មកពី​បណ្តាប្រទេស​ជា​សមាជិក​ ក្នុង​ការ​ធ្វើ​ការ​នៅស្ថាប័នរបស់ខ្លួន ក្នុង​នាម​ជា​អ្នក​បន្ទាប់​បន្សំ(secondees) ដែលការណ៍នេះអនុញ្ញា​តឱ្យពួកគេ អាចរៀនសូត្រដោយផ្ទាល់អំពីរបៀប ដែលAMRO ដំណើ​រការជាស្ថាប័នមួយ និងកសាង​សមត្ថភាព​ជំនាញ៕

រីករាយបុណ្យចូលឆ្នាំថ្មីប្រពៃណីជាតិខ្មែរ ជារៀងរាល់ឆ្នាំ បុរី ប៉េង ហួត តែងតែ​បង្កើតកម្មវិធីសប្បាយៗ រួមទាំងការដេគ័រនានានៅ​តាមខ្លោងទ្វារខាង​គំរោង និងខាងក្នុងបរិវេណបុរីផងដែរ។

បន្ថែមពីនេះ ដើម្បីចូលរួមអបអរសារទរក្នុងឱកាសឆ្នាំថ្មី​នេះ បុរី ប៉េង ហួត ក៏មានផ្ដល់ជូនឱកាសចំណេញដ៏ពិសេសសម្រាប់អតិថិជនដែលចង់ទិញផ្ទះក្នុងខែមេសានេះទៀតផង។​ តោះ មកដឹងទាំងអស់គ្នាថា បុរី ប៉េង ហួត នឹងផ្ដល់ជូនអ្វីខ្លះសម្រាប់អតិថិជន​ក្នុងឱកាសឆ្នាំថ្មីនេះ? សម្រាប់អតិថិជនដែលកក់ផ្ទះណាមួយនៅគ្រប់​គម្រោង បុរី ប៉េង ហួត នឹងទទួលបានឱកាសចំណេញដូចជា៖

✨ទទួលបានការបញ្ចុះតម្លៃជាទឹកប្រាក់ភ្លាមៗ
✨ទិញភ្លាម ចូលរស់នៅបានភ្លាមៗ
✨ការបោះអង្គញ់នាំសំណាង ដែលទទួលបានរង្វាន់ជាច្រើនដូចជា៖​

• សេវាគ្រប់គ្រងបុរីរយៈពេល ១ឆ្នាំ ដោយឥតគិតថ្លៃ
• ប័ណ្ណទឹកប្រាក់សម្រាប់ទិញគ្រឿងសង្ហារិម
• ប័ណ្ណទឹកប្រាក់សម្រាប់ប្រារព្ធកម្មវិធីនៅ ភីអេច ហ្រ្គេនហល
• នាឡិកា Apple Watch Series 9 ឬ
• Airport Pro Series 2។​

សូមជម្រាបផងដែរថា ការផ្ដល់ជូននេះមានសុពលភាពចាប់ពីថ្ងៃនេះ រហូតដល់ដំណាច់ខែមេសារនេះតែ ប៉ុណ្ណោះ។

ដូច្នេះសូមរួសរាន់ឡើង ដើម្បីកុំឱ្យឱកាសចំណេញដ៏ច្រើនសន្ធឹកសន្ធាប់នេះរំលងផុតឱ្យសោះ! អតិថិជនទាំងអស់ក៏អាច​ទស្សនាផ្ទះគំរូប្រភេទថ្មី​ផ្ទាល់បាន ស្ថិតក្នុងគម្រោង ហ្រ្គេនស្តា ផ្លាទីនីម (បឹងស្នោ) ខណ្ឌច្បារអំពៅ។

ដើម្បីជ្រាបព័ត៌មានកាន់តែច្បាស់ សូមទាក់ទងទៅបុគ្គលិកផ្នែកលក់របស់បុរី ប៉េង ហួត តាមរយៈលេខទូរសព្ទ៖ 016 / 017 596 789 ឬចូលរួមជាមួយ Telegram Channel https://t.me/boreypenghuoth ៕

ដោយៈ គង់ សូរិយា

        កំពតៈ  មន្រ្តីជាន់ខ្ពស់ក្រសួងសាធារណៈការ បានឲ្យដឹងថា គិតមកដល់បច្ចុប្បន្ន គម្រោងស្តារ និងលើកកំពស់ផ្លូវជាតិលេខ៣១សម្រេ​ចវឌ្ឍនភាពការងារបាន៨០%ហើយ និងគ្រោងបញ្ចប់ការងារតួផ្លូវទាំងស្រុង១០០% ព្រមទាំងបើកឱ្យចរាចរណ៍ នៅក្នុងខែមិថុនា ឆ្នាំ២០២៤ ខាងមុខនេះ។

លោកខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងស្ដារ និងលើកកម្រិតគុណភាពផ្លូវខាងលើនេះបានឱ្យដឹងទៀតថា ចំពោះការបំពាក់បរិក្ខារផ្លូវថ្នល់ បន្ថែមប្រព័ន្ធបង្ហូរទឹកសងខាងផ្លូវ និងការងារបន្ថែមមួយចំនួនផ្សេងទៀត អាចនឹងបញ្ចប់នៅចុងឆ្នាំ២០២៤នេះ មានន័យថា គម្រោងនឹងបញ្ចប់មុនកិច្ចសន្យាសាងសង់១ឆ្នាំ។

វឌ្ឍនភាពការងារ លឿនជាងកិច្ចសន្យាសាងសង់បែបនេះ គឺជាសក្ខីភាពបង្ហាញឱ្យឃើញ ពីការយកចិត្តទុកដាក់ខ្ពស់របស់ លោកប៉េង  ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ដោយបានចង្អុលបង្ហាញឱ្យ ឯកឧត្តមរដ្ឋលេខាធិការ នាយកគម្រោង ចុះត្រួតពិនិត្យដោយផ្ទាល់ ក៏ដូចជាចាត់មន្ត្រីបច្ចេកទេសពាក់ព័ន្ធ សហការជាមួយភាគី ក្រុមហ៊ុនសាងសង់CRBC និងក្រុមហ៊ុនត្រួតពិនិត្យលក្ខណៈបច្ចេកទេសចុះពិនិត្យជាប្រចាំ ក្នុងគោលបំណងតាមដានការងារបច្ចេកទេសសាងសង់ ឱ្យស្របទៅតាមបទដ្ឋានបច្ចេកទេស និងកិច្ចសន្យាសាងសង់ ធានាបាននូវសំណង់ផ្លូវថ្នល់ប្រកបដោយគុណភាពរឹងមាំ និងអាចមានអាយុកាលប្រើប្រាស់បានយូរអង្វែង។

វឌ្ឍនភាពការងារគម្រោងស្ដារ និងលើកកម្រិតគុណភាព ផ្លូវជាតិលេខ៣១ គិតត្រឹមថ្ងៃទី៩ ខែមេសា ឆ្នាំ២០២៤ សម្រេចបាន៖ ការងារបំពេញឡើងកូដ១០០% ការងារសាងសង់លូកាត់ទទឹងផ្លូវ ៩៧% ការងារស្រទាប់Sub Base ជាន់ទី១ ចំនួន១០០% ការងារស្រទាប់ Sub Base ជាន់ទី២ ចំនួន១០០% ការងារស្រទាប់ Base Course ជាន់ទី១ ចំនួន៩០,៥% ជាដើម៕

        ដោយៈ ជេស៊ីកា

        ភ្នំពេញៈ

  ស្របពេលសន្ទុះ​សេដ្ឋកិច្ច ​ក្នុង​វិ​ស័យ​មួយ​ចំនួន​ក៏បាន​ត្រលប់​មកវិញ ​តាមរយៈ​ការ​កើន​ឡើង​នៃ​វិ​ស័​យ​ទេសចរណ៍​ ​និង​ការ​វិនិយោគ​ កម្ពុជាត្រូវបានស្ថាប័នអន្តរជាតិនានាចាត់ទុកជាជាប្រទេសឈានមុខក្នុងតំបន់ ក្នុងការទាក់ទាញការវិនិយោគ ជាមួយមូលដ្ឋានកំនើន​សេដ្ឋកិច្ច​​។​

 ​ប៉ុន្តែ​សំខាន់​ជាង​នេះ​ទៅទៀត​ ​សេដ្ឋកិច្ច​របស់​កម្ពុជា​កំពុង​ដើរ​លើ​ផ្លូវត្រូវ​ ​ហើយ​ភាព​ទាក់ទាញ​របស់​ប្រទេស​គឺជា​ចំណុច​សំខាន់​។​ការ​វិនិយោគ​លើ​អនាគត​របស់​កម្ពុជា​

​ក្រុមប្រឹក្សាអភិវឌ្ឍន៍​កម្ពុជា​បាន​អនុម័ត​គម្រោង​វិនិយោគ​ ​និង​ពង្រីក​ទ្រព្យ​សកម្ម​ថេរ​ចំនួន​១​០​៦​គម្រោង​ ​ដែល​មាន​ទំហំ​ទឹកប្រាក់​២​,​២​ ​ពាន់​លាន​ដុល្លារ​ក្នុង​ត្រីមាស​ទី​១​ ​ឆ្នាំ​២​០​២​៤​នេះ​ជា​ចំនួន​ទឹកប្រាក់​ដ៏​ច្រើន​បើ​ធៀប​ទៅ​នឹង​ឆ្នាំ​២​០​២​៣​ដែល​នេះ​បាន​ឆ្លុះបញ្ចាំង​ពី​ការ​បន្ត​ន​វិនិយោគ​នៅ​កម្ពុជា​។​

​រហូត​មកដល់ពេលនេះ​ ​អ្នកទទួល​ផល​សំខាន់​ៗ​គឺ​វិ​ស័យ​ឧស្សាហកម្ម​ (​មាន​ចំណែក​ជាង​៩​០​ ​ភាគរយ​) ​ប៉ុន្តែ​វិ​ស័​យ​ផ្សេងទៀត​ដូចជា​វិ​ស័​យ​កសិកម្ម​ ​និង​ក​សិ​ឧស្សាហកម្ម​ ​ហេ​ដ្ឋា​រចនា​ស​ម្ព័ន្ធ ​និង​ទេសចរណ៍​ ​ក៏​ទទួល​បាន​អត្ថប្រយោជន៍​ផង​ដែរ​។​

​កម្ពុជា​មាន​កំណើន​សេដ្ឋកិច្ច​គួរ​ឱ្យ​កត់​សម្គាល់​ ​ដោយ​ប្រភព​ជាច្រើន​បាន​បង្ហាញ​ពី​អត្រា​កំណើន​ផលិតផល​សរុប​ប្រចាំ​ឆ្នាំ​(​G​D​P​)​ជាមធ្យម​ក្នុងរង្វង់​ ​៧​ភាគរយ​ ​សម្រាប់​រយៈពេល​មួយ​ទសវត្សរ៍​ ​ដែល​មានន័យ​ថា​កម្ពុជា​មាន​សេដ្ឋកិច្ច​រីក​ចម្រើន​លឿន​បំផុត​មួយ​នៅ​ក្នុង​តំបន់​អាស៊ី​អាគ្នេយ៍​ (​ទោះបីជា​មាន​ក​ម្រិ​ត​ទាប​ជាង​ក៏ដោយ​ ​បើ​ធៀប​នឹង​ប្រទេស​ដទៃទៀត​។​ )

​លោក​ ​ហ៊ុន​ ​ម៉ា​ណែ​ត​ ​នាយករដ្ឋមន្ត្រី​ ​បាន​មានប្រសាសន៍​កាលពីដើម​ខែ​មេសា​ថា​ ​កម្ពុជា​ត្រូវ​បាន​គេ​រំពឹង​ថា​នឹង​មាន​កំណើន​សេដ្ឋកិច្ច​ ​៦​,​៦​ ​ភាគរយ​នៅ​ឆ្នាំ​ ​២​០​២​៤​។​

•  ​សម្រាប់​ឆ្នាំ​២​០​២​៤​ស្ថាប៍​ន​ CB ​E​I​C (​Economic​ ​Intelligence​ ​Center​) ​នៃ​ក្រុមហ៊ុន​ S​i​am​ ​Commercial Bank​ ​Public Company​ ​Limited​ ​នៅ​ប្រទេស​ថៃ​បាន​ព្យាករណ៍​ថា​ការ​វិនិយោគ​ផ្ទា​ល់់​ពី​បរទេស​នៅ​កម្ពុជា​នឹង​មាន​កំណើន​ ​៦​ ​ភាគរយ​នៅ​ឆ្នាំនេះ​។​
•  ​យោង​តាម​ស្ថិតិ​របស់​ S​e​asia​សម្រាប់​ការ​ព្យាករណ៍​កំណើន​ ​G​D​P​ ​របស់​អាស៊ី​អាគ្នេយ៍​ឆ្នាំ​២​០​២​៤​ ​កម្ពុជា​ឈ​រលើ​គេ​ក្នុង​បញ្ជី​ដែល​មាន​កំណើន​ប្រមាណ​៦​,​១​ ​ភាគរយ​។​
•  ​ការ​ព្យាករណ៍​ដូចគ្នា​នេះ​បង្ហាញ​ថា​ ​កម្ពុជា​ស្ថិតនៅ​លំដាប់​ទី​៣​ ​ក្នុងចំណោម​ប្រទេស​ដែល​មាន​សេដ្ឋកិច្ច​លូតលាស់​លឿន​បំផុត​ទាំង​២​៥​ ​ក្នុង​ឆ្នាំ​២​០​២​៤​។​

​កំណើន​នេះ​ត្រូវ​បាន​ជំរុញ​ដោយ​វិ​ស័យ​ដូចជា​ ​ទេសចរណ៍​ ​កាត់​ដេរ​ ​និង​វាយនភណ្ឌ​ ​សំណង់​ ​និង​កសិកម្ម​ ​ខណៈ​ដែល​ ​អ្នក​វិនិយោគ​បន្ត​ស្វែងរក​ឱកាស​ក្នុង​វិ​ស័យ​ទាំងនេះ​ ​និង​វិ​ស័យ​ផ្សេងទៀត​ដែល​ស្របតាម​យុទ្ធសាស្ត្រ​របស់​រដ្ឋាភិបាល​ ​ដូចជា​ព័ត៌មាន​លម្អិត​សម្រាប់​កម្មវិធី​ជំរុញ​ការ​វិនិយោគ​ពិសេស​សម្រាប់​ខេត្ត​ព្រះ​សី​ហ​នុ ​និង​ផែនទី​បង្ហាញ​ផ្លូវ​នៃ​យុទ្ធ​សា​ស្រ្ត​បញ្ចកោណ​របស់​រដ្ឋាភិបាល​កម្ពុជា​ ​ក្រោម​ការ​​​ដឹកនាំ​របស់​លោក​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​។​

​ភាព​ងាយស្រួល​ក្នុង​ការ​ធ្វើអាជីវកម្ម​នៅ​កម្ពុជា​

​រដ្ឋាភិបាល​កម្ពុជា​បាន​កំណែ​ទម្រង់​ផ្សេងៗ​ ​ដើម្បី​ទាក់ទាញ​ការ​វិនិយោគ​ពី​បរទេស​រួម​មាន​ ​តំបន់​សេដ្ឋកិច្ច​ពិសេស​ (S​E​Z​) ​នីតិវិធី​សាមញ្ញ​សម្រាប់​ការ​ចុះបញ្ជី​អាជីវកម្ម​ ​និង​ការ​លើកទឹកចិត្ត​ពន្ធ​សម្រាប់​ឧស្សាហកម្ម​មួយ​ចំនួន​ ​ដែល​កត្តា​ទាំងនេះ​សុទ្ធតែ​ផ្តល់​ឱកាស​សម្រាប់​អាជីវកម្ម​ជាច្រើន​។​

​កម្ពុជា​កំពុង​ធ្វើ​ពិពិធ​កម្ម​យ៉ាង​ឆាប់រហ័ស​ ​និង​កែ​លម្អ​ហេ​ដ្ឋា​រចនា​ស​ម្ព័ន្ធ​របស់​ខ្លួន​ ​រួម​ទាំង​បណ្តាញ​ដឹកជញ្ជូន​ ​និង​ការ​ផ្គត់ផ្គង់​ថាមពល​ ​ដោយ​ឯកជន​ ​រដ្ឋ​ ​និង​ភាពជា​ដៃគូ​ទាំងអស់​ត្រូវ​បាន​លើកទឹកចិត្ត​ដើម្បី​គាំទ្រ​សកម្មភាព​វិនិយោគ​។​ ​ទាំងនេះ​គឺជា​គម្រោង​ខ្នាត​ធំ​ដែល​មាន​តម្លៃ​រាប់ពាន់​លាន​ដុល្លារ​ ​ដែល​នឹង​ជួយ​ធ្វើ​ឱ្យ​ប្រសើរ​ឡើង​នូវ​លទ្ធភាព​ប្រើប្រាស់​ក្នុង​តំបន់​។​

•  ​ការិយាល័យ​ពាណិជ្ជកម្ម​ ​និង​កិច្ចព្រមព្រៀង​កាន់តែ​ច្រើន​ក៏​កំពុង​ពង្រីក​ឱកាស​ជាសាកល​ក្នុង​ការ​សហការ​ជាមួយ​អាជ្ញាធរ​កម្ពុជា​។​
•  ​នៅ​លើ​របាយការណ៍​ ​D​H​L​ ​G​l​ob​a​l​ ​Connect​e​d​n​e​ss 2024 – ​កម្ពុជា​ជាប់​ចំណាត់ថ្នាក់​ទី​៦​០​ ​ក្នុងចំណោម​១​៨​១​ប្រទេស​។​
•  ​វេទិកា​ធុរកិច្ច​អូស្ត្រាលី​-​កម្ពុជា​ត្រូវ​បាន​បង្កើត​ឡើង​ក្នុង​ឆ្នាំ​២​០​២​៤​ក៏ដូចជា​កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​រវាង​កម្ពុជា​ ​និង​អេ​មី​រ៉ា​ត​អា​រ៉ាប់​រួម​ (C​E​P​A​) ​ដែល​ត្រូវ​បាន​អនុវត្ត​នៅ​ត្រីមាស​ទី​១​ឆ្នាំ​២​០​២​៤​។​

​ទិដ្ឋាការ​ ​និង​លិខិតឆ្លងដែន​សម្រាប់​កម្ពុជា​

​វិសាលភាព​នៃ​ការ​វិនិយោគ​ពី​ប្រទេស​ផ្សេងៗ​គ្នា​បង្ហាញ​ថា​មាន​ផលប្រយោជន៍​ដូចគ្នា​នៅ​កម្ពុជា​។​

​មកទល់​ពេលនេះ​ ​ក្រៅពី​ការ​វិនិយោគ​ក្នុងស្រុក​ ​មាន​ជាង​មួយភាគបី​មកពី​ប្រទេស​ចិន​ ​ខណៈ​អ្នក​វិនិយោគ​បរទេស​ផ្សេងទៀត​មកពី​សិង្ហបុរី​ ​វៀតណាម​ ​កូរ៉េ​ខាងត្បូង​ ​អាមេរិក​ ​និង​ម៉ាឡេស៊ី​។​

​អ្នក​អាច​ស្វែងយល់​បន្ថែម​អំពី​ជម្រើស​ទិដ្ឋាការ​នៅ​ទីនេះ​ ​ប៉ុន្តែ​ទីតាំង​យុទ្ធសាស្ត្រ​មានន័យ​ថា​ ​កម្ពុជា​ស្ថិត​នៅកណ្តាល​អា​ស៊ាន​ ​និង​មាន​ភាព​ងាយស្រួល​ក្នុង​ការ​ចូល​ទៅកាន់​ទី​ផ្សារ​ក្នុង​តំបន់​ ​និង​ច្រក​ពាណិជ្ជកម្ម​។​

​ការ​ធ្វើ​ពិពិធ​កម្ម​ទី​ផ្សារ​ជំនាញ​របស់​កម្ពុជា​

​កម្ពុជា​មានកម្លាំង​ពលកម្ម​វ័យក្មេង​ ​និង​តម្លៃ​ទាប​ ​ដែល​នេះ​ជា​ភាព​ទាក់ទាញ​សម្រាប់​អាជីវកម្ម​ ​ជាពិសេស​ឧស្សាហកម្ម​ដែល​ពឹងផ្អែក​លើ​កម្លាំង​ពលកម្ម​ ​ដូចជា​ស​ម្លៀ​ក​បំពាក់​ ​និង​វាយនភណ្ឌ​ ​សំណង់​ ​និង​វិ​ស័​យ​ផ្សេងៗ​ទៀត​។​

​ប៉ុន្តែ​សម្រាប់​រយៈពេល​វែង​ ​នឹង​ក្លាយ​ជា​ការ​បង្កើន​ជំនាញ​នៃ​កម្លាំង​ពលកម្ម​ ​ដែល​បាន​ក្លាយ​ជា​អ្នកមាន​ជំនាញ​ ​និង​មានចំណេះ​ដឹង​កាន់តែ​ប្រសើរ​ឡើង​។​ ​នេះ​បើកឱកាស​កាន់តែ​ច្រើន​សម្រាប់​អាជីវកម្ម​ដែល​ត្រូវការ​ជំនាញ​ក​ម្រិ​ត​ខ្ពស់​ក្នុង​វិ​ស័យ​បច្ចេកវិទ្យា​ ​ការ​ផលិត​ ​ក៏ដូចជា​សម្រាប់​សហគ្រាស​ធុន​តូច​ ​និង​មធ្យម​។​

​រដ្ឋាភិបាល​បាន​អោយ​ដឹង​ថា​ ​សហគ្រាស​ធុន​តូច​ ​និង​មធ្យម​ផ្តល់​ការងារ​៧​០​ ​ភាគរយ​ ​និង​រួមចំណែក​ដល់​៥​៨​ ​ភាគរយ​ដល់​ផលិតផល​សរុប​ប្រចាំ​ឆ្នាំ​របស់​ប្រទេស​។​

​ទាំងនេះ​គឺជា​កត្តា​ចាំបាច់​ ​ប្រសិនបើ​កម្ពុជា​ចង់​សម្រេច​បាន​នូវ​គោលដៅ​ជា​ប្រទេស​ដែល​មាន​ប្រាក់ចំណូល​មធ្យម​ ​និង​ខ្ពស់​ក្នុងរយៈពេល​ប៉ុន្មាន​ទសវត្សរ៍​ខាងមុខនេះ​។​

វិ​ស័​យ​ទេសចរណ៍​ ​និង​អចល​ន​ទ្រព្យ​នៅតែ​ជា​មូលដ្ឋាន​គ្រឹះ​

​កម្ពុជា​នៅ​ចំកណ្តាល​អាស៊ី​អាគ្នេយ៍​ផ្តល់​នូវ​ការ​ចូល​ទៅកាន់​ទី​ផ្សារ​ក្នុង​តំបន់​ដែល​កំពុង​រីក​ចម្រើន​សម្រាប់​វិ​ស​័​យ​ទេសចរណ៍​ ​និង​ការ​​​ដឹកជញ្ជូន​ដែល​ផ្តល់​អត្ថប្រយោជន៍​ដល់​វិ​ស័​យ​អចល​ន​ទ្រព្យ​។​

•  ​នៅ​ខែ​មេសា​ ​ផែនការ​យុទ្ធ​សា​ស្រ្ត​សេដ្ឋកិច្ច​សម្រាប់​ខេត្ត​ព្រះ​សី​ហ​នុ​ត្រូវ​បាន​ផ្លាស់ប្តូរ​ទៅជា​ “​ផែនការ​មេ​ដើម្បី​អភិវឌ្ឍ​ខេត្ត​ព្រះ​សី​ហ​នុ​ទៅជា​តំបន់​សេដ្ឋកិច្ច​ពិសេស​គំរូ​ពហុ​បំណង​ ​និង​អភិវឌ្ឍន៍​ខេត្ត​ជាប់​មាត់សមុទ្រ​របស់​កម្ពុជា​ទៅជា​ច្រក​របៀង​សេដ្ឋកិច្ច​ពហុ​បំណង​ ​និង​គ្រប់ជ្រុងជ្រោយ​”​។​
•  ​គម្រោង​វិនិយោគ​ដែល​លេចធ្លោ​ជាងគេ​ក្នុង​ត្រីមាស​ទី​១​ ​ឆ្នាំ​២​០​២​៤​ ​គឺ​សណ្ឋាគារ​ ​និង​មជ្ឈមណ្ឌល​ពាណិជ្ជកម្ម​លំដាប់​ផ្កាយ​៥​ ​នៅ​ខេត្ត​ព្រះ​សី​ហ​នុ ​ដែល​មាន​ទុន​វិនិយោគ​ចំនួន​ ​៥​៧​៤​លាន​ដុល្លារ​។​

​កម្ពុជា​ទទួល​បាន​អត្ថប្រយោជន៍​រួចហើយ​ពី​កិច្ចព្រមព្រៀង​ពាណិជ្ជកម្ម​ក្នុង​តំបន់​ដែល​ជួយ​សម្រួល​ដល់​សមាហរណ​កម្ម​ទី​ផ្សារ​ ​និង​ឱកាស​អាជីវកម្ម​ ​ហើយ​ឥឡូវនេះ​កំពុង​អនុវត្ត​យ៉ាងសកម្ម​នូវ​ផ្លូវអាកាស​ ​ផ្លូវគោក​ ​និង​ផ្លូវ​សមុទ្រ​ ​ដើម្បី​ស្វាគមន៍​ទី​ផ្សារ​អន្តរជាតិ​។​

​តំបន់​ឆ្នេរ​ដ៏​ស្រស់​ស្អាត​ត្រូវ​បាន​គេ​សង្ឃឹម​ថា​នឹង​បន្ថែម​កំណើន​សេដ្ឋកិច្ច​ ​និង​ទាក់ទាញ​អ្នក​ធ្វើដំណើរ​ក​ម្សាន្ត ​និង​អ្នកជំនួញ​។​នេះ​នាំ​ឱ្យ​មានការ​វិនិយោគ​លើ​សណ្ឋាគារ​ ​រមណីយដ្ឋាន​ ​សេវាកម្ម​បដិសណ្ឋារកិច្ច​ ​និង​ហេ​ដ្ឋា​រចនា​ស​ម្ព័ន្ធ​ពាក់ព័ន្ធ​ដែល​អាច​ទទួល​បាន​អត្ថប្រយោជន៍​ពី​សក្តានុពល​ទេសចរណ៍​របស់​កម្ពុជា​ ​ក៏ដូចជា​ទី​ផ្សារ​សំណង់​ ​និង​អចល​ន​ទ្រព្យ​ផង​ដែរ​។​

​ឧទ្យាន​បុរាណ​អង្គរ​នៅតែ​បន្ត​ជាគោល​ដៅ​ទេសចរណ៍​ដ៏​ពេញ​និយម​បំផុត​របស់​កម្ពុជា​ ​ដោយមាន​ការ​កើន​ឡើង​នៃ​ភ្ញៀវ​ទេសចរ​ចិន​នៅ​ក្នុង​ត្រីមាស​ទី​១​ ​ដោយ​សង្ឃឹម​ថា​វិ​ស័​យ​ទេសចរណ៍​នឹង​មាន​កំណើន​ខ្ពស់​ដូចមុន​ពេល​មាន​ជំងឺ​កូ​វី​ដ​ក្នុង​ឆ្នាំខាងមុខ​នេះ​។​

ដោយ: គង់ លាងហួរ

អន្តរជាតិ: បណ្តាប្រទេសចំនួន៦២ នៅលើពិភពលោក បានអនុវត្តន៍គោលនយោបាយ លើកលែងទិដ្ឋាការដល់អ្នកកាន់លិខិតឆ្លង​ដែន​ឥណ្ឌា ដើម្បីជំរុញវិស័យទេសចរណ៍។

ការលើកលែងទិដ្ឋាការ បានបង្កភាពងាយស្រួលដល់ប្រជាជនឥណ្ឌា ក្នុងការស្វែងរកទេសភាពដ៏ស្រស់ស្អាត វប្បធម៌ចម្រុះ និងអច្ឆរិយៈជាប្រវត្តិសាស្ត្រ ដោយមិនមានការរំខាន ពីទម្រង់បែបបទទិដ្ឋាការ។

យើងសូមលើកឡើង អំពីបណ្តាប្រទេសចំនួន៥ប៉ុណ្ណោះ ដែលលើកលែងទិដ្ឋាការ សម្រាប់អ្នកកាន់លិខិតឆ្លងដែនឥណ្ឌា ដែលប្រទេសទាំងនោះ មានភាពល្បីល្បាញខ្លាំង ដោយសារសម្បត្តិបេតិក​ភណ្ឌដ៏អច្ឆរិយៈរបស់ពួកគេរៀងៗខ្លួន។

ទី១: ប្រទេសឥណ្ឌូនេស៊ី

សក្តានុពលនៃវប្បធម៌ បេតិកភណ្ឌដ៏សម្បូរបែបរបស់ប្រទេសឥណ្ឌូនេស៊ីត្រូវបានបង្ហាញ តាមរយៈសិល្បៈប្រពៃណី ទម្រង់របាំដ៏រស់រវើក និងប្រាសាទបុរាណដ៏គួរឱ្យស្ញប់ស្ញែង។ ក្នុង​ចំណោម​គោលដៅទេសចរណ៍​សំខាន់ៗ​នៅឥណ្ឌូនេស៊ី រួមមាន Borobudur ជា​ប្រាសាទ​ព្រះពុទ្ធ​សាសនា​ធំ​ជាង​គេ​ក្នុង​ពិភពលោក និងប្រាសាទ Prambanan ជា​ស្នាដៃ​ស្ថាបត្យកម្ម​ហិណ្ឌូ។

ទីតាំងប្រាសាទបុរាណទាំងនេះ មិនត្រឹមតែឆ្លុះបញ្ចាំងពីភាពចម្រុះខាងសាសនា របស់ប្រទេសឥណ្ឌូនេស៊ីប៉ុណ្ណោះទេ ប៉ុន្តែថែមទាំងបង្ហាញពីជំនាញផ្នែកសិប្បកម្ម និងស្ថាបត្យកម្មដ៏ស្មុគស្មាញផងដែរ។

ទី២: ប្រទេសអ៊ីរ៉ង់

ជាមួយនឹងប្រវត្តិសាស្ត្រ ដែលមានអាយុកាលរាប់ពាន់ឆ្នាំ អ៊ីរ៉ង់មានសម្បត្តិបេតិកភណ្ឌ វប្បធម៌ដ៏សម្បូរបែប ដែលមិនចាញ់ប្រទេសណាឡើយ។

ភាពអច្ឆរិយៈនៃស្ថាបត្យកម្ម របស់ប្រទេសអ៊ីរ៉ង់ គឺជាសក្ខីភាពបង្ហាញពីអតីតកាល ដ៏រុងរឿងរបស់ប្រទេសនេះ រាប់ចាប់តាំងពីប្រាសាទបុរាណ Persepolis ដែលធ្លាប់ជាអាណាចក្រ នៃចក្រភពពែរ្ស រហូតដល់វិហារអ៊ីស្លាម វិមាន Isfahan និងវិមាន Shiraz។

ទី៣: ប្រទេសប៊ូតាន

ដោយសារស្ថិតនៅតាមជួរភ្នំហិម៉ាឡៃ បេតិកភណ្ឌវប្បធម៌ដ៏សម្បូរបែបរបស់ប្រទេសប៊ូតាន មានទំនាក់ទំនងយ៉ាងស៊ីជម្រៅជាមួ​យនឹងប្រពៃណីព្រះពុទ្ធសាសនា និងរបៀបរស់នៅខាងវិញ្ញាណ។  វិហារ Dzongs គឺជាមជ្ឈមណ្ឌលសាសនា និងរដ្ឋបាល ដែលស្ថិតក្នុងចំណោមទីតាំងទេសចរណ៍សំខាន់ៗរបស់ប្រទេសប៊ូតង់។

លើសពីនេះ ពិធីបុណ្យ Paro Tsechu ដែលជាប្រពៃណីរបស់ប្រជាជនប៊ូតាន បង្ហាញពីពណ៌ដ៏រស់រវើក តន្ត្រី និងរបាំ បូករួមជាមួយនឹងវប្បធម៌។

ទី៤: ប្រទេសកម្ពុជា

ប្រទេសកម្ពុជាមានបេតិកភណ្ឌដ៏ច្រើនសម្បូរបែប។ ជាក់ស្តែង ប្រាសាទអង្គរវត្ត ជាសម្បត្តិបេតិកភណ្ឌពិភពលោក របស់អង្គការយូណេស្កូ គឺជាប្រាសាទសាសនាដ៏ធំបំផុត នៅក្នុងពិភពលោក និងជាគំរូដ៏អស្ចារ្យនៃស្ថាបត្យកម្ម និងសិល្បៈខ្មែរ។

ក្រៅពីប្រាសាទអង្គរវត្ត បេតិកភណ្ឌវប្បធម៌របស់កម្ពុជាក៏ត្រូវបានឆ្លុះបញ្ចាំង នៅក្នុងទម្រង់របាំប្រពៃណីរបស់ខ្លួនផងដែរ ដូចជារបាំអប្សរា ឆាកតន្ត្រីដ៏រស់រវើក និងម្ហូបអាហារដ៏ឈ្ងុយឆ្ងាញ់។

ទី៥: ប្រទេសអេត្យូពី

បេតិកភណ្ឌវប្បធម៌ដ៏សម្បូរបែប របស់ប្រទេសអេត្យូពីមានរយៈពេលរាប់ពាន់ឆ្នាំមកហើយ ដូចជា ព្រះវិហារគ្រិស្តបុរាណ ព្រះវិហារធ្វើអំពីថ្ម និងវប្បធម៌កុលសម្ព័ន្ធចម្រុះ។

ជាក់ស្តែង ព្រះវិហារដែលធ្វើឡើងអំពីថ្ម Lalibela  គឺជាសក្ខីភាពមួយ ចំពោះអរិយធម៌គ្រិស្តដើមរបស់ប្រទេសអេត្យូពី ហើយនៅតែជាកន្លែងធម្មយាត្រា សម្រាប់គ្រិស្តបរិស័ទ ទៅគោរពបូជារហូតមកដល់សព្វថ្ងៃនេះ៕ប្រភព:Times Of India៕

ដោយ: គង់ លាងហួរ

អន្តរជាតិ: បញ្ហា​ខ្វះ​ទឹក​ ​ជា​រឿង​ដែល​ពិភពលោក​ ​កំពុង​ជួប​ប្រទះ​ ​ជា​ពិសេស​សម្រាប់​រដូវ​ប្រាំង ដែល​មិន​សូវជាសម្បូរ​ភ្លៀង​។​ ​ប៉ុន្តែ​បញ្ហា​នេះ​ ត្រូវបានអ្នក​វិទ្យាសាស្ត្រ​​រក​ឃើញ ​​វិធី​សាស្ត្របង្កើត​ភ្លៀង​សិប្បនិម្មិតបាន​យ៉ាង​មាន​ប្រសិទ្ធភាព​។​

ជាក់ស្តែង ប្រទេសអេមីរ៉ាត់អារ៉ាប់រួម (UAE) កំពុងប្រើប្រាស់ភ្លៀងសិប្បនិម្មិត ដើម្បីកាត់បន្ថយអាកាសធាតុដ៏ក្តៅ នៅក្នុងទីក្រុងឌូបៃ និងធ្វើឱ្យសីតុណ្ហភាពស្ថិតនៅក្នុងកម្រិតមួយសមរម្យ។

ប្រទេសអារ៉ាប់រួម គឺជាតំបន់ស្ងួតហួតហែង ដែលមានភ្លៀងធ្លាក់ប្រចាំឆ្នាំតិចតួចបំផុត ដោយសារតែប្រទេសនេះ មានទីតាំងនៅជិតខ្សែបន្ទាត់នៃតំបន់ត្រូពិកខាងលើ សូម្បីតែសីតុណ្ហភាពពេលថ្ងៃនៅរដូវរដូវរងា អាចឈានដល់ជាមធ្យម២៥អង្សាសេ។នៅរដូវក្តៅឆ្នាំ២០២៣ សីតុណ្ហភាពនៅក្នុងប្រទេសមជ្ឈឹមបូព៌ាមួយនេះ ហក់ឡើងដល់៥០អង្សាសេ។ ដើម្បីទប់ទល់នឹងកម្ដៅ ទីក្រុងឌូបៃ បាននឹងកំពុងធ្វើការលើកម្មវិធីបណ្ដុះពពក (cloud-seeding program) ដើម្បីធ្វើឱ្យមានភ្លៀងធ្លាក់បែបសិប្បនិម្មិត។

ដើម្បីបង្កើតភ្លៀងសិប្បនិម្មិត ប្រទេសUAE បានបំភាយសារធាតុភាគល្អិត Hygroscopic និងសារធាតុរ៉ែតូចៗផ្សេងទៀតចូលទៅក្នុងពពក ដើម្បី​បង្កើន​បរិមាណ​ចំហាយ​ទឹក​ក្នុង​ពពក​ ​ដែល​បង្កើត​បាន​ជា​ភ្លៀង​។​ ​។ ជាមួយគ្នានេះ អ្នកវិទ្យាសាស្ត្រក៏កំពុងប្រើប្រាស់ យានអវកាសគ្មានមនុស្សបើក (UAVs) ដើម្បីបំភាយសារធាតុបង្កើតភ្លៀងសិប្បនិម្មិតទៅក្នុងពពកផងដែរ។ប្រទេសអារ៉ាប់រួម បានធ្វើការទៅលើកម្មវិធីបណ្តុះពពក (cloud-seeding) នេះចាប់តាំងពីទសវត្សរ៍ឆ្នាំ១៩៩០មកម្ល៉េះ។ ចាប់តាំងពីពេលនោះមក អេមីរ៉ាតអារ៉ាប់រួម បានសហការជាមួយអង្គការ NASA ដើម្បីសិក្សាពីភ្លៀងសិប្បនិម្មិត និងរបៀបបង្កើតភ្លៀងដោយខ្លួនឯង។

ក្រុមអ្នកជំនាញឧតុនិយមរបស់ប្រទេសអារ៉ាប់រួម UAE ក៏ត្រូវបានគេរំពឹងថា នឹងអនុវត្តបេសកកម្មបណ្ដុះពពកចំនួន៣០០ នៅឆ្នាំ២០២៤នេះផងដែរ ខណៈអ្នកជំនាញសង្ឃឹមថា ទឹកភ្លៀងសិប្បនិម្មិតទាំងនេះ អាចជួយកាត់បន្ថយផលប៉ះពាល់ នៃការប្រែប្រួលអាកាសធាតុ និងបង្កើតបរិយាកាសរស់នៅ កាន់តែប្រសើរឡើងនៅក្នុងប្រទេសរបស់ខ្លួន៕

ដោយៈ គង់ សូរិយា

        បាងកកៈ  រដ្ឋាភិបាលថៃចង់ចូលរួមជាមួយកម្ពុជា ឡាវ វៀតណាម ម៉ាឡេស៊ី និងមីយ៉ាន់ម៉ាបង្កើតតំបន់ទិដ្ឋាការរួមមួយ ដើម្បីឱ្យភ្ញៀវទេសចរអន្តរជាតិអាចស្នើសុំទិដ្ឋាការម្តង ប៉ុន្តែអាចទៅទស្សនាបាន៦ប្រទេស។

គោលនយោបាយទិដ្ឋាការរួមរវាងប្រទេសចំនួន៦ ត្រូវបានប្រដូ​ចទៅនឹងទិដ្ឋាការ Schengen បែបអាស៊ី។ ទិដ្ឋាការ Schengen អនុញ្ញាតឱ្យអ្នកធ្វើដំណើរផ្លាស់ទីដោយសេរី ក្នុងចំណោមប្រទេសដូចជា អូទ្រីស ព័រទុយហ្គាល់ អាល្លឺម៉ង់ អ៊ីតាលី ស្វីស​ ក្រិច និងប្រទេសអឺរ៉ុបផ្សេងទៀត ដោយមិនចាំបាច់ស្នើសុំទិដ្ឋាការច្រើនដង ក្នុងមួយឆ្នាំ។នៅសហភាពអឺរ៉ុប ទិដ្ឋាការ Schengen ជួយភ្ញៀវទេសចរផ្លាស់ទីដោយសេរីរវាងប្រទេសចំនួន២៧។

ប្រទេសថៃចង់ទាញយកអត្ថប្រយោជន៍ ពីគោលនយោបាយទិដ្ឋាការរួមនេះ ដើម្បីចរចាជាមួយបណ្តាប្រទេស ក្នុងសហភាពអឺរ៉ុបឆ្ពោះទៅរកកិច្ចព្រមព្រៀង លើកលែងទិដ្ឋាការរវាង Schengen និងក្រុមអាស៊ាន។ ប្រសិនបើគំនិតផ្តួចផ្តើមនេះ ទទួលបានជោគជ័យ ភ្ញៀវទេសចរគ្រាន់តែស្នើសុំទិដ្ឋាការ នៅក្នុងប្រទេសមួយ ក្នុងចំណោមប្រទេសទាំ ង៦ រួមមាន ថៃ កម្ពុជា វៀតណា មីយ៉ាន់ម៉ា ឡាវ និងម៉ាឡេស៊ី ដើម្បីអាចធ្វើដំណើរ និងទស្សនាប្រទេសដែលនៅសល់ដោយសេរី។

ទិដ្ឋាការចូលមួយដង ជាមហិច្ឆិតាដ៏ធំបំផុតនៃគំនិតផ្តួចផ្តើមផ្សព្វ​ផ្សាយទេសចរណ៍របស់នាយករដ្ឋមន្ត្រីថៃ សេដ្ឋា ថាវីស៊ីន ក្នុងគោលដៅរយៈពេលវែង។ មេដឹកនាំភាគច្រើននៃប្រទេសចំនួន៥ ទៀតបានឆ្លើយតបជាវិជ្ជមាន ចំពោះគំនិតផ្តួចផ្តើមទិដ្ឋាការរួមរបស់ថៃ។

ប្រទេសអាស៊ីអាគ្នេយ៍ចំនួន៦ បានស្វាគមន៍ភ្ញៀវអន្តរជាតិចំនួន ៧០លាននាក់នៅឆ្នាំ២០២៣ ដែលក្នុងនោះថៃ និងម៉ាឡេស៊ីមានចំនួនជាង៥០ភាគរយ នៃភ្ញៀវទេសចរណ៍បរទេសសរុប និងរកប្រាក់ចំណូលបានប្រមាណ៤៨ពាន់លានដុល្លារ។

រដ្ឋបាលរបស់លោកនាយករដ្ឋមន្ត្រី សេដ្ឋា មានបំណងស្វាគមន៍ភ្ញៀវទេសចរអន្តរជាតិ រហូតដល់ចំនួន៨០លាននាក់នៅត្រឹមឆ្នាំ២០២៧ កើនឡើងទ្វេដងពីការសម្រេចបាននៅឆ្នាំ២០១៩ ។ ចាប់តាំងពីឡើងកាន់អំណាចក្នុងខែកក្កដា ឆ្នាំ២០២៣ នាយករដ្ឋមន្ត្រីថៃបានផ្សព្វផ្សាយ គោលនយោបាយបន្ធូរបន្ថយទិដ្ឋាការជាច្រើន ដើម្បីទាក់ទាញភ្ញៀវទេសចរ ដូចជា ការលើកលែងទិដ្ឋាការទ្វេភាគីជាមួយចិន។ ការលើកលែងទិដ្ឋាការបណ្តោះអាសន្ន សម្រាប់ភ្ញៀវទេសចរមកពីឥណ្ឌា តៃវ៉ាន់ និងកាហ្សាក់ស្ថាន។

ទន្ទឹមនេះ រដ្ឋាភិបាលថៃ​ក៏​កំពុង​ពិចារណា​ បើក​កាស៊ីណូ​នៅ​ក្នុង​តំបន់​ទេសចរណ៍ និងតំបន់​កម្សាន្ត​ធំៗ​ ដើម្បី​បង្កើន​ប្រាក់​ចំណូល។ វិស័យទេសចរណ៍ ជាឧស្សាហកម្មដែលនាំ មកនូវផលប្រយោជន៍សេដ្ឋកិច្ចជាច្រើនដល់ថៃ ដែលបង្កើតការងារចំនួន២០ភាគរយនៃការងារសរុប។

ប្រាក់ចំណូលពីទេសចរណ៍ មានទំហំ១២ភាគរយនៃផលិត​ផលក្នុងស្រុកសរុប៥០០ពាន់លានដុល្លាររបស់ប្រទេស។ នេះបើតាមកាសែត Bangkok Post ។

យ៉ាងណាមិញ ក្តីរំពឹងនៃការប្រើប្រាស់ទិដ្ឋាការរួមនេះ នៅតែមានផលពិបាកមួយចំនួន។
សាស្ត្រាចារ្យ Thitinan Pongsudhirak មកពីសាកលវិទ្យាល័យ Chulalongkorn បានបញ្ជាក់ថា កិច្ចព្រមព្រៀងទិដ្ឋាការរួម អាចនឹងពិបាក ហើយមានបញ្ហាប្រឈមច្រើន ពីព្រោះប្រទេសនានាត្រូវតែសម្រេចបាននូវស្តង់ដាររួម នៅក្នុងគោលនយោបាយអន្តោប្រវេសន៍ ហើយប្រទេសក្នុងក្រុមប្រទេសទាំង៦ នៅតែទទួលបានកំណត់ត្រាភ្ញៀវទេសចរមិនស្មើគ្នា៕