China becomes Laos’ top investor

Chinese companies are currently investing in more than 900 development projects in Laos and have ploughed more than US$13 billion into these ventures, making China the top investor in Laos.

The figures were reported at a meeting of Lao government officials and Chinese business operators in Vientiane on Monday, chaired by Minister of Planning and Investment Mr Khamjane Vongphosy and Charge d’Affaires of the Chinese Embassy in Laos, Mr Wang Chang.

The meeting heard reports on the advantages, difficulties and recommendations of Chinese businesses in Laos and provided a platform for the two sides to share opinions and discuss ways to improve the business environment.

Mr Khamjane said, “The government is working to improve the investment climate so that business operations can be carried out more easily, transparently and quickly, to create maximum benefits for Laos and investors, especially Chinese investors.”

“This meeting is an important milestone in efforts to improve the investment environment so that trade, investment and services provided by Chinese business operators in Laos are successful and meet the set objectives in terms of quality as well as providing more jobs for Lao people,” he added. Source: the nation

អាជ្ញាធរខេត្តកែប អប់រំដល់បងប្អូនអាជីវករ នៅតំបន់កម្សាន្ត មេត្តាលក់កុំដំឡើងថ្លៃហួសហេតុ ក្នុងឱកាសបុណ្យសមុទ្រនាដើមខែធ្នូខាងមុខនេះ

(កែប)៖ ពិធីបុណ្យសមុទ្រ លើកទី១០ ជុំទី៣ ឆ្នាំ២០២៣ នឹងត្រូវរៀបចំឡើងរយៈពេល៣ថ្ងៃ ចាប់ពីថ្ងៃទី១-៣ ខែធ្នូ ឆ្នាំ២០២៣ខាងមុខនេះ នៅខេត្តកែប។

នៅគ្រាដែលបុណ្យសមុទ្រ កាន់តែខិតជិតមកដល់នេះ គេឃើញទាំងអាជ្ញាធរខេត្តកែប ក្រសួងទេសចរណ៍ និងស្ថាប័នពាក់ព័ន្ធកំពុងញាប់ដៃញាប់ជើង ក្នុងការរៀបចំទីតាំង កែលម្អហេដ្ឋារចនាសម្ព័ន្ធ សម្អាតអនាម័យ បរិស្ថាន ធ្វើយ៉ាងណារៀបចំបុណ្យសមុទ្រឱ្យបានល្អ ដើម្បីលើកមុខមាត់របស់កម្ពុជា។

ដោយឡែកបើក្រឡេកមើលអាជ្ញាធរក្រុងស្រុកទាំង២ គឺក្រុងកែប និងស្រុកដំណាក់ចង្អើរ របស់ខេត្តជាប់មាត់សមុទ្រមួយនេះ ក៏កំពុងតែមមាញឹកផងដែរ ដើម្បីរៀបចំលើកកម្ពស់ កែលម្អបរិស្ថាន អនាម័យ ក្នុងមូលដ្ឋានរៀងខ្លួន ឱ្យមានសណ្តាប់ធ្នាប់ និងសោភណ្ឌភាព ចាំទទួលភ្ញៀវទេសចរជាតិ និងអន្តរជាតិ។

ក្រុងកែប ដែលជាទីតាំងប្រារព្ធពិធីបុណ្យសមុទ្រ កំពុងបង្អួតខ្លួនយ៉ាងស្រស់ត្រកាល។

ថ្លែងក្នុងបទសម្ភាសជាមួយបណ្តាញព័ត៌មាន Fresh News លោក ខេង យ័ន អភិបាលក្រុងកែប បានបញ្ជាក់ឱ្យដឹងថា ពិធីបុណ្យសមុទ្រ ដែលរៀបចំឡើងនៅក្នុងខេត្តកែប នាដើមខែធ្នូខាងមុខនេះ ក្រោមការគិតគូររបស់លោកបណ្ឌិត សោម ពិសិដ្ឋ អភិបាលខេត្តកែប គឺអាជ្ញាធរមានការយកចិត្តទុកដាក់យ៉ាងខ្លាំង ទៅលើអនាម័យ សណ្តាប់ធ្នាប់ សន្តិសុខ ក្នុងនោះរដ្ឋបាលក្រុងកែប ក៏មានរៀបចំនូវព្រឹត្តិការណ៍ ដើម្បីគាំទ្រដល់ការរៀបចំបុណ្យសមុទ្រ ដូចជា យុទ្ធនាការរើសសំរាមទូទាំងក្រុង ដែលមានការចូលរួមពីសិស្សានុសិស្ស លោកគ្រូអ្នកគ្រូ មន្ត្រីរាជការ បងប្អូនអាជីវករ។ បន្ថែមលើពីនេះ អាជ្ញាធរបានធ្វើការអប់រំផ្សព្វផ្សាយ ដល់បងប្អូនអាជីវករ នៅតំបន់កម្សាន្តសូមឱ្យពួកគាត់ មេត្តាលក់កុំដំឡើងថ្លៃហួសហេតុ។

សម្រាប់លោក ឆាង ឆៃ អភិបាលស្រុកដំណាក់ចង្អើរ បានថ្លែងបញ្ជាក់ផងដែរថា ឱកាសបុណ្យសមុទ្រនាថ្ងៃទី១-៣ខែធ្នូខាងមុខនេះ លោកបណ្ឌិត សោម ពិសិដ្ឋ អភិបាលខេត្តកែប បានណែនាំជាប្រចាំដល់រដ្ឋបាលស្រុក ត្រូវរៀបចំឱ្យមានសោភណ្ឌភាព បរិស្ថាន អនាម័យ សណ្តាប់ធ្នាប់ ឱ្យបានល្អតាមបណ្តោយឆ្នេរ ពិសេសឆ្នេរអង្កោល ដែលជាឆ្នេរធម្មជាតិ ដើម្បីត្រៀមទទួលភ្ញៀវជាតិ និងអន្តរជាតិ។

លោកបន្តថា ក្រោមការដឹកនាំរបស់លោកអភិបាលខេត្ត សោម ពិសិដ្ឋ ខេត្តកែបទើបទទួលបានសមិទ្ធផលថ្មីមួយបន្ថែមទៀត គឺផ្លូវមួយខ្សែប្របមាត់សមុទ្រ ដែលភ្ជាប់ពីផែទេសចរណ៍ក្រុងកែប មកដល់ឆ្នេរអង្កោល ក្នុងស្រុកដំណាក់ចង្អើរ ដែលបានទាក់ទាញបងប្អូនភ្ញៀវទេសចរ មកកម្សាន្តនៅឆ្នេរអង្កោលយ៉ាងច្រើនកុះករ។

ទន្ទឹមនឹងការអញ្ជើញមកដល់នៃភ្ញៀវទេសចរ មកកាន់ឆ្នេរអង្កោលនេះ អាជ្ញាធរតែងតែណែនាំជាប្រចាំ ដល់បងប្អូនអាជីវករ ត្រូវរៀបចំបញ្ជីមុខម្ហូប ដោយមានដាក់តម្លៃច្បាស់លាស់ និងសមរម្យ ហើយអាហារត្រូវតែប្រកបដោយអនាម័យ កុំឱ្យមានការលួចបន្លំភ្នែកជញ្ជីង ធ្វើយ៉ាងណាឱ្យភ្ញៀវ ដែលមកលេងម្តងហើយ ចង់មកលេងជាថ្មីនៅពេលក្រោយៗទៀត។

គួរបញ្ជាក់ផងដែរថា ពិធីបុណ្យសមុទ្រនេះ គឺជាកម្មវិធីប្រចាំឆ្នាំដ៏ល្អមួយ ដើម្បីបង្ហាញភាពស្រស់ស្អាតនៃតំបន់ឆ្នេរកម្ពុជា ស្មារតីកីឡា និងវប្បធម៌ខ្មែរដ៏ប្រពៃទៅកាន់ពិភពលោក។ កម្មវិធីសប្បាយផ្សេងៗ សកម្មភាពកម្សាន្តចម្រុះ នឹងត្រូវរៀបចំឡើងទាំងពេលថ្ងៃ និងពេលយប់ រយៈពេល៣ថ្ងៃ គឺចាប់ពីថ្ងៃទី១ ដល់ទី៣ ខែធ្នូ ឆ្នាំ២០២៣៕

ក្រុមហ៊ុនធំមួយ បោះទុនវិនិយោគប្រមាណ៤៤៧,៥លានដុល្លារ សាងសង់គម្រោងសាងសង់វារីអគ្គិសនីនៅខេត្តកោះកុង

យោងតាមសេចក្តីប្រកាសរបស់ក្រុមហ៊ុន ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុន. “ KHMER ELECTRICAL POWER CO., LTD” គម្រោងសាងសង់វារីអគ្គិសនីស្ទឹងឫស្សីជ្រុំកណ្តាល អានុភាព ៧០មេហ្កាវាត់ នៅស្រុកមណ្ឌលសីមា និងគម្រោងសាងសង់វារីអគ្គិសនីវាលថ្មកំបុត អានុភាព ១០០មេហ្កាវាត់ នៅស្រុកថ្មបាំង ខេត្តកោះកុង តាមរូបភាពសាងសង់, អាជីវកម្ម, និងផ្ទេរ (BOT) ក្នុងទុនវិនិយោគប្រមាណ ៤៤៧,៥លានដុល្លារអាម៉េរិក និងអាចបង្កើតការងារបានចំនួន ២៣០កន្លែង។

អ្នកជំនាញជំរុញឱ្យរដ្ឋាភិបាលកម្ពុជាពិចារណាលើការផ្តល់ទិដ្ឋាការរយៈពេលវែងដល់ភ្ញៀវទេសចរបរទេស

ដោយ: គង់ លាងហួរ
អន្តរជាតិ: អ្នកជំនាញបានអំពាវនាវឱ្យរដ្ឋាភិបាលកម្ពុជាពិចារណាលើការផ្តល់ទិដ្ឋាការរយៈពេលវែងដល់ភ្ញៀវទេសចរបរទេស ខណៈបណ្តាប្រទេសជាច្រើននៅតំបន់អាស៊ីអាគ្នេយ៍កំពុងប្រកួតប្រជែងគ្នាដើម្បីជំរុញការងើបឡើងវិញនៃវិស័យទេសចរណ៍ជាមួយនឹងការដាក់ចេញគោលនយោបាយអន្តោប្រវេសន៍ដែលអាចបត់បែនបាន។នេះបើយោងតាមសារពត៌មាន VNexpressចុះផ្សាយកាលពីពេលថ្មីៗនេះ។

លោក ធួន សុីណាន ប្រធានសមាគមទេសចរណ៍អាសុីប៉ាសុីហ្វិកប្រចាំប្រទេសកម្ពុជា លើកឡើងថា ទិដ្ឋាការរយៈពេលវែងគួរតែត្រូវបានពិចារណា តាមរយៈការប្រែក្លាយទិដ្ឋាការចូលប្រទេសបានតែមួយលើក ទៅជាទិដ្ឋាការចូលបានច្រើនលើក ក្នុងរយៈពេលយ៉ាងតិចចាប់ពី១ខែ រហូតទៅដល់៣ខែ។

លោកបានបន្ថែមថា រដ្ឋាភិបាលគួរតែពិចារណាផ្តល់ទិដ្ឋាការប្រចាំឆ្នាំ ជាមួយនឹងគោលនយោបាយទាក់ទាញ ដើម្បីស្រូបទាញជនបរទេសដែលមានបំណងចង់មករស់នៅប្រទេសកម្ពុជា។

លោក Craig Dodge នាយកផ្នែកលក់ និងទីផ្សារសម្រាប់ការសម្តែងរបស់ក្រុមសៀកនៃអង្គការ Phare អះអាងថា រដ្ឋាភិបាលគួរតែផ្តល់ទិដ្ឋាការចូលប្រទេសបានច្រើនលើក ក្នុងរយៈពេលជាក់លាក់ណាមួយ ដើម្បីបង្កភាពងាយស្រួលដល់អ្នកដំណើរ ដែលចង់ស្វែងយល់ពីតំបន់អាសុី ដើម្បីអាចត្រឡប់មកកម្ពុជាវិញបានច្រើនដងក្នុងអំឡុងពេលទស្សនកិច្ចរបស់ពួកគេ។

ជាមួយគ្នានេះ បណ្តាប្រទេសជិតខាងមួយចំនួនរបស់កម្ពុជា ដូចជាប្រទេសថៃ និងប្រទេសវៀតណាម កំពុងខិតខំស្រូបទាញភ្ញៀវទេសចរអន្តរជាតិ តាមរយៈការដាក់ចេញមធ្យោបាយ និងគោលនយោបាយពិសេសជាច្រើន។

តួយ៉ាង ចាប់ពីពាក់កណ្តាលខែសីហា ប្រទេសវៀតណាមបាននឹងកំពុងដាក់ចេញទិដ្ឋាការទេសចរណ៍សម្រាប់ប្រជាជនមកពីគ្រប់ប្រទេស និងដែនដីដែលមានសុពលភាពរយៈពេល៩០ថ្ងៃ និងទិដ្ឋាការចូលបានច្រើនលើក។

ចំណែកឯ ប្រទេសថៃបានលើកលែងទិដ្ឋាការសម្រាប់អ្នកធ្វើដំណើរមកពីប្រទេសចិន កាហ្សាក់ស្ថាន ឥណ្ឌា និងតៃវ៉ាន់ ហើយផ្តល់ការលើកលែងទិដ្ឋាការរយៈពេល៩០ថ្ងៃសម្រាប់ទីផ្សារមួយចំនួន ដូចជាប្រទេសរុស្ស៊ីជាដើម៕

លោកសេដ្ឋា ថាវីសុីន: រដ្ឋាភិបាលថៃនឹងពន្លឿនការសាងសង់ផ្លូវរថភ្លើងល្បឿនល្បឿនតភ្ជាប់ទីក្រុងបាងកក ទៅកាន់ប្រទេសចិន

ដោយ: គង់ លាងហួរ
អន្តរជាតិ: នាយករដ្ឋមន្ត្រីថៃលោក សេដ្ឋា ថាវីស៊ីន បានមានប្រសាសន៍ថា ប្រទេសថៃគ្រោងនឹងពន្លឿនការសាងសង់ផ្លូវដែកចិន-ថៃ ដែលជាគម្រោងទ្វេរភាគីស្ថិតក្រោមគំនិតផ្តួចផ្តើមខ្សែក្រវ៉ាត់ និងផ្លូវ (BRI) ដែលស្នើឡើងដោយប្រទេសចិន។

ប្រទេសថៃនឹងបង្កើតប្រព័ន្ធផ្លូវដែកពីទីក្រុងបាងកក ទៅកាន់ខេត្តខុនកែន និងខេត្តណងខៃ ហើយពង្រីកផ្លូវទាំងអស់ទៅកាន់ប្រទេសចិន ដែលស្របតាមគំនិតផ្តួចផ្តើមខ្សែក្រវ៉ាត់ និងផ្លូវ។ នេះបើយោងតាមការលើកឡើងរបស់លោកសេដ្ឋា ថាវីសុីន ក្នុងអំឡុងកិច្ចពិភាក្សាដោយផ្ទាល់ស្តីអំពីអនាគតរបស់ប្រទេសថៃសម្រាប់ឆ្នាំ២០២៤។

លោកសេដ្ឋាធ្លាប់បានថ្លែងក្នុងបទសម្ភាសន៍មួយជាមួយសារពត៌មាន Xinhuaមុនពេលលោកទៅបំពេញទស្សនកិច្ចនៅប្រទេសចិនកាលពីដើមខែនេះថា “ភស្តុភារគឺជាបញ្ហាសំខាន់មួយសម្រាប់ប្រទេសថៃទាក់ទងនឹងកិច្ចសហប្រតិបត្តិការ BRI ហើយប្រទេសថៃនឹងពង្រឹងការតភ្ជាប់រវាងផ្លូវដែកក្នុងស្រុករបស់ខ្លួន និងផ្លូវដែកចិន-ឡាវ ដែលជាគម្រោងស្ថិតក្រោមគំនិតផ្តួចផ្តើម BRI ដ៏លេចធ្លោមួយនៅក្នុងតំបន់”។

ផ្លូវដែកចិន-ថៃ ដែលជាផ្នែកមួយដ៏សំខាន់នៃបណ្តាញផ្លូវដែកឆ្លងទ្វីបអាស៊ី នឹងក្លាយជាផ្លូវរថភ្លើងល្បឿនលឿនស្តង់ដារដំបូងគេរបស់ប្រទេសថៃ។

កំណាត់ដំបូង នៃផ្លូវរថភ្លើងល្បឿនលឿនខាងលើនេះ នឹងផ្សាភ្ជាប់ពីទីក្រុងបាងកក ទៅកាន់ខេត្តនគររាជសីម៉ា (Nakhon Ratchasima) ដែលមានប្រវែង ២០០គីឡូម៉ែត្រ ហើយសម្រាប់កំណាត់ទី២ គឺផ្សាភ្ជាប់ពីខេត្ត នគររាជសីម៉ា ទៅកាន់ខេត្តណងខៃ (Nong Khai) ជាប់ព្រំដែនប្រទេសឡាវ ដែលមានប្រវែង៣៣០គីឡូម៉ែត្រទៀត។

ចំណែកឯ កំណាត់ខ្សែរថភ្លើងពីខេត្តណងខៃនឹងត្រូវបានតភ្ជាប់បន្តទៅកាន់ផ្លូវដែកឡាវ-ចិន តាមរយៈស្ពានមួយខ្សែដូច្នេះគេអាចធ្វើដំណើរតាមរថភ្លើងពីទីក្រុងបាងកក ដោយឆ្លងកាត់ប្រទេសឡាវទៅកាន់ទីក្រុង Kunming ក្នុងខេត្ត Yunnan ភាគនិរតីនៃប្រទេសចិន៕

ភ្ញៀវទេសចរបរទេសប្រមាណ៦០មុឺននាក់បានចូលទស្សនាឧទ្យានបុរាណអង្គរ ក្នុងរយៈពេល១០ខែ ឆ្នាំនេះ កើនឡើង២៥៦ភាគរយ

ដោយ: គង់ លាងហួរ
សៀមរាប: ជនបរទេសសរុបចំនួន៦០២.៥៧០នាក់មកពី១៩៣ប្រទេស និងតំបន់បានចូលទស្សនាឧទ្យានបុរាណអង្គរ ក្នុងរយៈពេល១០ខែដំបូងនៃឆ្នាំនេះ កើនឡើង២៥៦ភាគរយ បើធៀបនឹង១៦៩.២៥៧នាក់ក្នុងរយៈពេលដូចគ្នាកាលពីឆ្នាំមុន។

យោងតាមរបាយការណ៍ របស់គ្រឹះស្ថានអង្គរ ចេញផ្សាយកាលពីថ្ងៃច័ន្ទបាន ឲ្យ ដឹង ថា ក្នុង អំឡុង ខែ មករា ដល់ ខែ តុលា ឆ្នាំ នេះ ប្រភព ភ្ញៀវ ទេសចរអន្តរជាតិ ធំៗ ចំនួន ៤ ដែល ចូលមក ទស្សនា ប្រាសាទអង្គរវត្ត រួមមាន សហរដ្ឋ អាមេរិក អង់គ្លេស បារាំង និង ចិន។

លោក តុប សុភ័គ រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានមានប្រសាសន៍ឱ្យដឹងថា អាកាសយានដ្ឋានអន្តរជាតិសៀមរាបអង្គរ (SAI) ដែលបានបើកដំណើរការជាផ្លូវការនៅថ្ងៃទី ១៦ ខែវិច្ឆិកា នឹងទាក់ទាញភ្ញៀវទេសចរអន្តរជាតិកាន់តែច្រើន ជាពិសេសពីប្រទេសចិន មកកាន់ប្រាសាទអង្គរ។

លោកបានមានប្រសាសន៍បន្តថា “អាកាសយានដ្ឋានអន្តរជាតិថ្មីនេះមានសារៈសំខាន់ណាស់ក្នុងការជួយជំរុញទេសចរណ៍ សេដ្ឋកិច្ច ពាណិជ្ជកម្ម និងការវិនិយោគរបស់ប្រទេសកម្ពុជា”។

លោកបន្ថែមថា យើងសង្ឃឹមថា អាកាសយានដ្ឋានអន្តរជាតិថ្មីនេះនឹងទាក់ទាញក្រុមហ៊ុនអាកាសចរណ៍អន្តរជាតិថ្មីៗ ដើម្បីនាំភ្ញៀវទេសចរ និងអ្នកវិនិយោគកាន់តែច្រើនមកកាន់ខេត្តសៀមរាប។

ដោយស្ថិតនៅភាគពាយព្យនៃប្រទេសកម្ពុជា ឧទ្យានបុរាណវិទ្យាអង្គរទំហំ៤០១គីឡូម៉ែត្រការ៉េ ដែលបានចុះក្នុងបញ្ជីបេតិកភណ្ឌពិភពលោករបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ក្នុងឆ្នាំ១៩៩២ គឺជាគោលដៅទេសចរណ៍ពេញនិយមបំផុតនៅក្នុងប្រទេសកម្ពុជា៕

ប្រទេសចិនក្លាយជាប្រភពនៃលំហូរ FDI ដ៏ធំបំផុតរបស់ប្រទេសឡាវ

ដោយ: គង់ លាងហួរ
អន្តរជាតិ: យោងតាមប្រភពពីទីភ្នាក់ងារសារព័ត៌មានរបស់ប្រទេសឡាវបានចុះផ្សាយឱ្យដឹងថា ប្រទេសចិនបានបណ្តាក់ទុនវិនិយោគជាង៩០០គម្រោង ក្នុងតម្លៃទុនសរុបប្រមាណ១៣ពាន់លានដុល្លារ នៅក្នុងប្រទេសឡាវ។

កាលពីថ្ងៃទី១៤ ខែវិច្ឆិកាកន្លងទៅ លោក Khamjen Vongphosi រដ្ឋមន្ត្រីក្រសួងផែនការ និងវិនិយោគនៃប្រទេសឡាវ បានថ្លែងនៅក្នុងកិច្ចប្រជុំផ្លាស់ប្តូរលើកទី៧ រវាងរដ្ឋាភិបាលឡាវ និងពាណិជ្ជករចិនថា បច្ចុប្បន្ននេះ ប្រទេសចិនបានបោះទុនវិនិយោគលើគ្រប់វិស័យ ដោយមានគម្រោងជាង៩០០ ក្រោមទុនសរុបប្រមាណ១៣ពាន់លានដុល្លារ និងបានក្លាយខ្លួនជាប្រទេសដែលបណ្តាក់ទុនវិនិយោគច្រើនជាងគេបំផុត នៅក្នុងប្រទេសឡាវ។

នៅក្នុងឆ្នាំ២០២២ ប្រទេសឡាវទទួលបានគម្រោងវិនិយោគពីក្រុមហ៊ុនចិនចំនួន៣០ គិតជាទំហំទឹកប្រាក់ប្រមាណ៣៣៩លានដុល្លារ រាប់បញ្ចូលទាំងការបណ្ដាក់ទុនលើវិស័យជីករ៉ែ វិស័យផ្ដល់ប្រឹក្សា និងវិស័យសុខភាពសាធារណៈជាដើម។

កិច្ចប្រជុំនេះបានធ្វើឡើងក្នុងគោលបំណង ដើម្បីរាយការណ៍ពីភាពងាយស្រួល ឬការលំបាក ក៏ដូចជាសំណើផ្សេងៗរបស់សហគ្រាសចិន ដែលកំពុងធ្វើអាជីវកម្មនៅក្នុងប្រទេសឡាវ។

លើសពីនេះ វាក៏ជាឱកាសដ៏ល្អមួយ សម្រាប់ភាគីទាំង២ ក្នុងការជួបពិភាក្សា ព្រមទាំងផ្លាស់ប្តូរយោបល់ដោយផ្ទាល់ និងស្វែងរកដំណោះស្រាយរួមគ្នា ដើម្បីជំរុញបរិយាកាសធុរកិច្ចឱ្យកាន់តែមានភាពប្រសើរឡើង៕

ក្រុមហ៊ុនអាកាសចរណ៍ថៃ ថ្មីៗចំនួន៩គ្រោងបើកដំណើរការក្នុងឆ្នាំ២០២៣ នេះ

តែម សុខុម

បាងកក: អាជ្ញាធរអាកាសចរណ៍ស៊ីវិលថៃ (CAAT) ទម្លាយឱ្យដឹងថា ក្រុមហ៊ុនអាកាសចរណ៍ថៃ ថ្មីៗចំនួន៩បានដាក់ពាក្យស្នើសុំអាជ្ញាប័ណ្ណប្រតិបត្តិករអាកាសចរណ៍ (AOC) ដើម្បីចាប់ផ្ដើមដំណើរការសេវាពាណិជ្ជកម្មក្នុងឆ្នាំនេះ ខណៈឧស្សាហកម្មអាកាសចរណ៍របស់ប្រទេសថៃ បន្តស្ទុះងើបឡើងវិញ។

លោក Suthipong Kongpool នាយកអាជ្ញាធរអាកាសចរណ៍ស៊ីវិលថៃ (CAAT) បានថ្លែងថា ប្រតិបត្តិករអាកាសចរណ៍ថ្មីទាំងនេះទទួលបានអាជ្ញាប័ណ្ណអាជីវកម្មអាកាសចរណ៍ស៊ីវិលរួចហើយស្របពេលចំនួនអ្នកដំណើរ និងកំណើនតម្រូវការកើនឡើង។ នេះបើយោងតាមសារព័ត៌មាន The Nation ចុះផ្សាយកាលពីថ្ងៃច័ន្ទ ទី២០ ខែវិច្ឆិកា។

ក្រុមហ៊ុនប្រតិបត្តិករអាកាសចរណ៍ទាំង៩នេះរួមមានក្រុមហ៊ុន Asian Aerospace Company Service ក្រុមហ៊ុន Siam Seaplane ក្រុមហ៊ុន RC Airlines ក្រុមហ៊ុន Avanti Air Charter ក្រុមហ៊ុន M-Landarch ក្រុមហ៊ុន Bangkok Helicopter Services ក្រុមហ៊ុន Pattaya Airways ក្រុមហ៊ុម Asia Atlantic Airlines និងក្រុមហ៊ុន P80 Air។

លោក Suthipong Kongpool ថ្លែងថា អាជ្ញាធរអាកាសចរណ៍ស៊ីវិលថៃ (CAAT) នឹងពិចារណាលើផែនការអាជីវកម្ម ស្ថានភាពហិរញ្ញវត្ថុ និងស្តង់ដាសុវត្ថិភាពរបស់ក្រុមហ៊ុនអាកាសចរណ៍នីមួយៗនៅក្នុងការសម្រេចថា តើគួរផ្ដល់អាជ្ញាប័ណ្ណឬក៏អត់។

លោកគូសបញ្ជាក់ថា បច្ចុប្បន្នគ្មានក្រុមហ៊ុនអាកាសចរណ៍ថៃ ណាមួយប្រឈមហានិភ័យក្ស័យធននោះឡើយ។លោកបានបន្តថា ចំនួនអ្នកដំណើរទទួលបាន៩០%វិញហើយនៃកម្រិតមុនវិបត្តិកូវីដ-១៩។

អាជ្ញាធរអាកាសចរណ៍ស៊ីវិលថៃ (CAAT) ព្យាករថា ឧស្សាហកម្មអាកាសចរណ៍ក្នុងប្រទេសថៃ នឹងទទួលបានអ្នកដំណើរសរុប១២៧លាននាក់ក្នុងឆ្នាំនេះ ដោយក្នុងនោះអ្នកដំណើរអន្តរជាតិមានចំនួនប្រមាណ៦៣,០៣លាននាក់ ហើយអ្នកដំណើរក្នុងស្រុកមានចំនួនប្រមាណ៦៤,៥៣លាននាក់។

ចំនួនអ្នកដំណើរតាមផ្លូវអាកាសត្រូវបានរំពឹងថានឹងឈានដល់កម្រិតមុនវិបត្តិកូវីដ-១៩ ក្នុងឆ្នាំ២០២៤ ជាមួយអ្នកដំណើរសរុបប្រមាណ១៦២លាននាក់ ដោយក្នុងនោះចំនួនអ្នកដំណើរអន្តរជាតិប្រមាណ៨៨,៦២លាននាក់ ហើយចំនួនអ្នកដំណើរក្នុងស្រុកប្រមាណ៧៤,០៥លាននាក់៕ The Nation៕

Bangkok condo market slows in Q3

The Bangkok condo market slowed in the third quarter of 2023, plunging to its lowest point for supply and demand since the third quarter of 2021, mainly attributed to rising interest rates.

Property consultant Knight Frank Thailand reported new condo supply launched in the third quarter of 2023 totalled 5,367 units, down 45% year-on-year.

The number of units sold during the period was 2,117, a 30% year-on-year decline. Both supply and demand hit their lowest points since the third quarter of 2021, when 2,312 units were launched and 879 units sold.

Vichai Viratkapan, acting director-general of the Real Estate Information Center, said condo developers reduced new launches, particularly in the lower-end price segments, as buyers in this segment were severely affected by adverse factors.

“Negative factors, particularly rising interest rates, marred the purchasing power of the mass market,” he said.

“Buyers in this segment also faced high rejection rates for mortgages, prompting developers to slow condo launches.” Source: Bangkok Post

ទីផ្សារខុនដូនៅទីក្រុងបាងកកបានដាំក្បាលចុះក្នុងត្រីមាសទី៣ ឆ្នាំ២០២៣នេះ

ដោយ: គង់ លាងហួរ
អន្តរជាតិ: ទីផ្សារខុនដូនៅទីក្រុងបាងកកបានធ្លាក់ចុះក្នុងត្រីមាសទី៣ ឆ្នាំ២០២៣នេះ ដោយបានធ្លាក់ចុះដល់កម្រិតទាបបំផុតសម្រាប់ការផ្គត់ផ្គង់ និងតម្រូវការ ចាប់តាំងពីត្រីមាសទី៣ ឆ្នាំ២០២១ ដែលបណ្តាលមកពីការកើនឡើងនៃអត្រាការប្រាក់។

ក្រុមហ៊ុនប្រឹក្សាផ្នែកអចលនទ្រព្យ Knight Frank Thailand បានរាយការណ៍ឱ្យដឹងថា ការផ្គត់ផ្គង់ខុនដូថ្មី ដែលបានចាប់ផ្តើមក្នុងត្រីមាសទី៣ ឆ្នាំនេះ មានចំនួនសរុប៥.៣៦៧យូនីត ដោយធ្លាក់ចុះ៤៥% ធៀបនឹងរយៈពេលដូចគ្នាកាលពីឆ្នាំមុន ខណៈខុនដូ ដែលបានលក់ដាច់ មានចំនួន២.១១៧យូនីត ដោយថយចុះ៣០%ធៀបនឹងរយៈពេលដូចគ្នាកាលពីឆ្នាំមុន។ការផ្គត់ផ្គង់ និងតម្រូវការបានដាំក្បាលចុះដល់កម្រិតទាបបំផុតដូចគ្នា ចាប់តាំងពីត្រីមាសទី៣ ឆ្នាំ២០២១ ដែលនៅពេលនោះ គេសង្កេតឃើញ មានខុនដូចំនួន២.៣១២យូនីតត្រូវបានបើកដំណើរការលក់ និង៨៧៩យូនីតត្រូវបានលក់ចេញដាច់។

លោក Vichai Viratkapan អគ្គនាយកស្តីទីនៃមជ្ឈមណ្ឌលព័ត៌មានអចលនទ្រព្យបានលើកឡើងថា អ្នកអភិវឌ្ឍន៍ខុនដូបានកាត់បន្ថយការបើកដំណើរការគម្រោងថ្មីៗ ជាពិសេសគឺគម្រោងខុនដូតម្លៃទាប ខណៈអតិថិជនបានរងផលប៉ះពាល់យ៉ាងធ្ងន់ធ្ងរដោយសារកត្តាអវិជ្ជមានជាច្រើន។លោកបានបន្ថែមថា “កត្តាអវិជ្ជមានជាច្រើនជាពិសេស គឺការដំឡើងអត្រាការប្រាក់បានកាត់បន្ថយអំណាច នៃការទិញរបស់ប្រជាពលរដ្ឋថៃ ហើយអ្នកនិយមទិញខុនដូតម្លៃទាប ក៏ពិបាកនឹងទទួលបានប្រាក់កម្ចីទិញផ្ទះ ដែលជំរុញឱ្យអ្នកអភិវឌ្ឍន៍មានភាពយឺតយ៉ាវក្នុងការបើកដំណើរការលក់ខុនដូ”។

លោកស្រី Potjaman Vorakitpokathorn ប្រធានផ្នែកទីផ្សារគម្រោងប្រចាំក្រុមហ៊ុន Knight Frank Thailand បានលើកឡើងថា “អ្នកទិញខុនដូប្រណីតភាគច្រើននៅក្នុងត្រីមាសទី៣ គឺជាជនជាតិថៃ ខណៈចំនួនអតិថិជនបរទេសមានតិចតួចប៉ុណ្ណោះ”៕

1...714715716...3,251 Page 715 of 3,251