គំរិងជីកព្រែកពីទន្លេបាសាក់ទៅកាន់សមុទ្រក្នុងខេត្តកែបមានប្រវែង១៨០គីឡូម៉ែត្រ និងឆ្លងកាត់ខេត្តចំនួន៤

ដោយៈ ជេស៊ីកា

ភ្នំពេញៈ របាយការណ៍សិក្សាទូទៅបានបង្ហាញថា ផ្លូវទឹកនេះមានប្រវែងប្រមាណ១៨០គីឡូម៉ែត្រ ចាប់ផ្តើមពីព្រែកតាកែវនៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៉ីង នៃទន្លេបាសាក់ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤។

ខេត្តទាំងបួននោះរួមមាន ខេត្តកណ្តាល ខេត្តតាកែវ ខេត្តកំពត និងខេត្តកែប ដែលមានប្រជាជនសរុបប្រមាណ១.៦លាននាក់ រស់នៅអមសងខាងផ្លូវទឹកនេះ។

ឯកសារសិក្សាដដែលបានបង្ហាញថា ការរចនាប្លង់វិស្វកម្ម និងស្ថាបត្យកម្មលើហេដ្ឋារចនាសម្ព័ន្ធផ្លូវទឹក សំណង់ផ្លូវទឹក និងសន្ទះផ្លូវនាវាចរណ៍៖ ការស្ថាបនាច្រាំងនៃផ្លូវនាវាចរណ៍នេះ នឹងប្រើប្រាស់វិធីសាស្ត្រចំនួនពីរប្រភេទ ដែលសមស្រប គឺការដាំស្មៅនៅក្នុងប្រឡាយនាវាចរណ៍ និងការរៀបចំច្រាំងទន្លេបាសាក់ ចំណុចព្រែកតាឯក រហូតដល់ព្រែកតាហ៉ីង ដោយប្រើប្រាស់Geotextile និងបាវខ្សាច់ Geobag សម្រាប់ការពារការបាក់ច្រាំង។

គម្រោងនេះនឹងសាងសង់សន្ទះ ផ្លូវនាវាចរណ៍ចំនួន៣កន្លែង ដែលស្ថិតនៅខេត្តកណ្តាល ខេត្តតាកែវ និងខេត្តកែប សាងសង់ស្ពានចំនួន១១កន្លែង។

លទ្ធផលនៃការសិក្សាវិភាគផ្នែកជលសាស្ត្រ និងរំហូរទឹក កករទឹក និងការជ្រៀតចូលនៃទឹកប្រៃ

គម្រោងនេះ នឹងត្រូវការប្រើប្រាស់ទឹកជាមធ្យម តិចជាង២ភាគរយប៉ុណ្ណោះពីទន្លេ និងព្រែកធម្មជាតិ ក្នុងស្ថានភាពរបបជលសាស្ត្រធម្មតា។

ក្នុងករណីមានបម្រែបម្រួលអាកាសធាតុ ដែលបណ្ដាលឱ្យកម្ពស់ទឹកសមុទ្រកើនឡើងលើសពី០.៥ម៉ែត្រ លើកម្រិតធម្មតាហើយទ្វារនៃសន្ទះផ្លូវទឹក នឹងត្រូវបើកចំហ៩០ភាគរយក្នុងមួយថ្ងៃ នោះអាចបណ្តាលឱ្យមានការជ្រៀតចូលទឹកប្រៃ ពីសមុទ្រក្នុងកម្រិតអតិបរមាប្រមាណត្រឹមតែ១.២៣ភាគរយប៉ុណ្ណោះ ដែលបរិមាណនេះ ជាចំនួនតិចតួច និងមិនអាចបណ្តាលឱ្យមានផលប៉ះពាល់ ជាអវិជ្ជមានលើបរិស្ថាន និងប្រព័ន្ធអេកូឡូស៊ីនោះទេ។ ក្នុងករណីដែលបិទសន្ទះផ្លូវនាវាចរណ៍១០០ភាគរយក្នុងមួយថ្ងៃ នោះកម្រិតទឹកនឹងនៅដដែល ដោយមិនអាចបណ្ដាលឱ្យបាត់បង់ ឬប្រែប្រួលរំហូរទឹកនោះទេ។

* លទ្ធផលនៃការវិភាគ និងវាយតម្លៃផ្នែកបរិស្ថាន និងប្រព័ន្ធអេកូឡូស៊ី

ក្នុងអំឡុងពេលអនុវត្តគម្រោងសាងសង់ អាចនឹងមានផលប៉ះពាល់បរិស្ថានតិចតួច ប៉ុន្តែអាចគ្រប់គ្រងបាន តាមរយៈការប្រើប្រាស់វិធានគ្រប់គ្រងបរិស្ថាន និងសំណល់តាមស្ដង់ដារជាតិ និងអន្តរជាតិដែលមានស្រាប់ និងធ្លាប់បានអនុវត្តរួចមកហើយ លើគម្រោងអភិវឌ្ឍន៍ហេដ្ឋារចនាសម្ព័ន្ធមួយចំនួន របស់ក្រសួងប្រកបដោយប្រសិទ្ធភាព។

* លទ្ធផលនៃការសិក្សា និងពិនិត្យលើទិដ្ឋភាពច្បាប់ និងកិច្ចព្រមព្រៀងមេគង្គឆ្នាំ១៩៩៥

គម្រោងនេះ ជាគម្រោងដែលមានលក្ខណៈ ជាការប្រើប្រាស់ និងបង្វែរទឹកចេញពីទន្លេបាសាក់ ដែលជាដៃមួយនៃទន្លេមេ (ក្នុងអាងទន្លេមេគង្គ) ទៅអាងទន្លេដទៃផ្សេងទៀត (ក្រៅពីអាងទន្លេមេគង្គ)។

យោងតាមខ្លឹមសារនៃមាត្រា៥ នៃកិច្ចព្រមព្រៀងទន្លេរមេគង្គឆ្នាំ១៩៩៥ ស្ដីពីការប្រើប្រាស់ទឹកដោយសមហេតុផល និងសមធម៌នៅក្នុងដែនដីរៀងៗខ្លួន គម្រោងនេះ អាចអនុវត្តបាន ដោយភាគីកម្ពុជា គ្រាន់តែអនុវត្តធ្វើការជូនដំណឹងជាមុន ទៅគណៈកម្មាធិការចម្រុះនៃគណៈកម្មការទន្លេមេគង្គ ដោយភ្ជាប់ជាមួយនូវរបាយការណ៍ នៃការសិក្សាលម្អិត មុនពេលចាប់ផ្ដើមការងារសាងសង់ប៉ុណ្ណោះ ដោយមិនចាំបាច់ស្នើសុំការយល់ព្រមណាមួយ ពីប្រទេសសមាជិកគណៈកម្មការទន្លេមេគង្គនោះឡើយ។

* លទ្ធផលនៃការវាយតម្លៃលើផលប៉ះពាល់ផ្នែកសង្គម និងហេដ្ឋារចនាសម្ព័ន្ធជាតិ

លទ្ធផលនៃការសិក្សាបានបង្ហាញថា តំបន់ដែលផ្លូវទឹកឆ្លងកាត់សុទ្ធសឹងតែជាតំបន់វាលស្រែ ព្រែក ឬស្ទឹងធម្មជាតិ និងជាតំបន់វាលទំនាបលិចទឹកស្រាប់ ហើយជាតំបន់មានដង់ស៊ីតេ ប្រជាពលរដ្ឋរស់នៅតិចតួច និងមិនមានហេដ្ឋារចនាសម្ព័ន្ធជាតិធំៗនោះទេ។តាមរយៈការវាយតម្លៃលើផលប៉ះពាល់លម្អិត និងបទពិសោធន៍ ដែលបានជួបប្រទះកន្លងមកបង្ហាញថា ទំហំនៃផលប៉ះពាល់ គឺស្ថិតក្នុងកម្រិតតិចតួច ដែលងាយស្រួលក្នុងការគ្រប់គ្រង និងដោះស្រាយ។

* លទ្ធផលនៃការវិភាគ និងវាយតម្លៃផ្នែកសេដ្ឋកិច្ច ការវិនិយោគ និងគណនាផលប្រយោជន៍សេដ្ឋកិច្ច

គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងត្រូវចំណាយទុនវិនិយោគ ប្រមាណ១,៧០០លានដុល្លារអាមេរិក និងប្រើប្រាស់រយៈពេលសាងសង់ប្រមាណ៤ឆ្នាំ។

គម្រោងនេះ នឹងជួយកាត់បន្ថយរយៈពេល និងចម្ងាយនៃការដឹកជញ្ជូននាពេលបច្ចុប្បន្ន ដែលត្រូវឆ្លងកាត់តាមកំពង់ផែកៃមែប របស់វៀតណាមប្រមាណ៦៩គីឡូម៉ែត្រ ពីកំពង់ផែស្វយ័តក្រុងភ្នំពេញ ទៅកំពង់ផែក្រុងព្រះសីហនុ និងប្រមាណ១៣៥គីឡូម៉ែត្រ ពីកំពង់ផែស្វយ័តក្រុងភ្នំពេញ ទៅកំពង់ផែខេត្តកំពត។

លោកផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាលបានឱ្យដឹងថា គម្រោងនេះ គឺជាគម្រោងប្រវត្តិសាស្រ្តលើកទី១ ក្នុងវិស័យដឹកជញ្ជូនផ្លូវទឹករបស់កម្ពុជា ដើម្បីតភ្ជាប់ប្រព័ន្ធទន្លេមេគង្គ និងផ្លូវសមុទ្រ។ ការសិក្សាសមិទ្ធិលទ្ធភាពគម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់នេះ ត្រូវបានបែងចែកជាពីរដំណាក់កាល ដែលប្រើប្រាស់រយៈពេលសរុប២៦ខែ។

ដំណាក់កាលទី១ ការសិក្សាបឋម ប្រើរយៈពេល១៤ខែ និងដំណាក់កាលទី២ ការសិក្សាសមិទ្ធិលទ្ធភាពប្រើរយៈពេល១២ខែ។

ក្រុមការងារបច្ចេកទេស បានកំណត់គោលដៅនៃការសិក្សានេះ ដើម្បីបង្កើនអធិបតេយ្យភាព ការដឹកជញ្ជូនតាមផ្លូវទឹករបស់កម្ពុជា កាត់បន្ថយពេលវេលា ចម្ងាយ និងថវិកា កាត់បន្ថយនីតិវិធីសម្រាប់នាវា និងទំនិញចូល-ចេញ ធ្វើឱ្យចំណេញ និងបង្កើនល្បឿននៃការអភិវឌ្ឍសេដ្ឋកិច្ចជាតិ ធ្វើសមាហរណកម្មដឹកជញ្ជូនតាមផ្លូវទឹក តាមរយៈការពង្រីកការតភ្ជាប់ ពហុមធ្យោបាយដឹកជញ្ជូន កាត់បន្ថយការខូចខាតផ្លូវថ្នល់ និងការកកស្ទះចរាចរណ៍ និងកាត់បន្ថយគ្រោះថ្នាក់ចរាចរណ៍លើផ្លូវថ្នល់។

តាមរយៈការសិក្សា របស់ក្រុមការងារបច្ចេកទេស បានបង្ហាញឱ្យឃើញផងដែរថា តម្រាយផ្លូវទឹកដែលតភ្ជាប់ទៅពីទន្លេ ទៅសមុទ្រ ស្រដៀងគ្នានេះ ក៏ធ្លាប់បានជីកតាំងពីអាណាចក្រហ្វូណន មកម្ល៉េះ ហើយផ្លូវទឹកនេះ នឹងត្រូវកសាងលើតម្រាយខ្សែផ្លូវទឹកបុរាណ ដែលបានបន្សល់ទុកស្រាប់។

គម្រោងនេះ ត្រូវបានសិក្សាយ៉ាងល្អិតល្អន់ជាទីបំផុត ទាំងលើផ្នែកបច្ចេក ទិដ្ឋភាពច្បាប់ ផលប៉ះពាល់ និងផលប្រយោជន៍ផ្នែកសេដ្ឋកិច្ច៕

តើអគារកម្ពស់១.០០០ម៉ែត្ររបស់ពិភពលោក Jeddah Tower សាងសង់ដល់ណាហើយពេលនេះ?

ដោយៈ សុខុម

ក្រុងរីយ៉ាដ: ក្នុងឆ្នាំ២០០៨ ព្រះអង្គម្ចាស់ដែលមានទ្រព្យសម្បត្តិរាប់ពាន់លានដុល្លារ Alawali Bintalal នៃប្រទេសអារ៉ាប៊ីសាអូឌីត បានបង្ហើបឱ្យដឹងថា ទ្រង់គ្រោងសាងសង់អគារកម្ពស់១.០០០ម៉ែត្រដំបូងបង្អស់ ក្នុងពិភពលោក Jeddah Tower ហើយជាលទ្ធផលការសាងសង់អគារនេះ ក៏បានចាប់ផ្ដើមពិតប្រាកដនៅខែមេសា ឆ្នាំ២០១៣។

បើគិតមកទល់ពេលនេះ វាមានរយៈពេល១០ឆ្នាំគត់ទៅហើយ តើការសាងសង់អគារដែលវ៉ាឈ្នះ អគារខ្ពស់បំផុតក្នុងពិភពលោកបច្ចុប្បន្ន Burj Khalifa កម្ពស់៨២៨ម៉ែត្រនៅក្នុងទីក្រុងឌូបៃ ប្រទេសអារ៉ាប់រួមអេមីរ៉ាត នេះដំណើរការដល់ណាហើលពេលនេះ?។

តាមការគ្រោងទុក អគារកម្ពស់១.០០០ម៉ែត្រ Jeddah Tower ជាមួយទំហំទុនវិនិយោគ១,២ពាន់លានដុល្លារ នេះគ្រោងនឹងសាងសង់បញ្ចប់ជាស្ថាពរក្នុងឆ្នាំ២០២០ ប៉ុន្តែស្ថានភាពបានប្រែប្រួលដែលធ្វើឱ្យអគារនេះបានជាប់គាំងពាក់កណ្ដាលទី។ នេះបើយោងតាមគេហទំព័រ The B1M បានចុះផ្សាយកាលពីថ្ងៃទី១៩ ខែមេសា ឆ្នាំ២០២៣។

បច្ចុប្បន្នអគារដែលស្ថិតនៅចន្លោះ ទីក្រុងដ៏ពិសិដ្ឋបំផុតពីរគឺទីក្រុងមេហ្គា (Mecca) និងទីក្រុងមេឌីណា (Medina) នេះសាងសង់បានត្រឹមតែប្រមាណ៣០០ម៉ែត្រ ឬស្មើនឹងប្រមាណ១ភាគ៣ប៉ុណ្ណោះ ហើយបានជាប់គាំងកណ្ដាលទីរហូតមកទល់ពេលនេះ។

អគារនេះនឹងក្លាយជានិមិត្តរូប នៃទីក្រុងសេដ្ឋកិច្ចជេដា (Jeddah) ជាមួយនឹងគោលបំណងជំរុញ កំណើនសេដ្ឋកិច្ចរបស់ប្រទេសអារ៉ាប៊ីសាអូឌីត តាមរយៈការនាំមកនូវភ្ញៀវទេសចរកាន់តែច្រើន។

ប្រសិនបើការងារសាងសង់ ចាប់ផ្ដើមបន្តដំណើរការឡើងវិញ បញ្ហាប្រឈមដ៏សំខាន់ ដែលត្រូវដោះស្រាយគឺបញ្ហាវិស្វកម្ម។

*អ្វីជាមូលហេតុចម្បងដែលនាំឱ្យការសាងសង់អគារនេះជាប់គាំងរហូតមកទល់ពេលនេះ?

មូលហេតុដ៏ចម្បង ដែលនាំឱ្យការងារសាងសង់អគារ Jeddah Tower ជាប់គាំងកណ្ដាលទីបែបនេះ គឺដោយសារវិបត្តិនយោបាយ និងវិបត្តិកូវីដ-១៩ ហើយគម្រោងនេះ អាចនឹងបញ្ចប់ការសាងសង់យឺតជាងផែនការដើមប្រមាណជិត១៥ឆ្នាំ។

ឥស្សរជនដ៏សំខាន់២រូប ដែលស្ថិតនៅពីក្រោយគម្រោងអគារនេះគឺព្រះអង្គម្ចាស់ Alawali Bintalal និងលោក Barkar Bin Laden ត្រូវបានចាប់ខ្លួនក្នុងឆ្នាំ២០១៧ ពីបទសង្ស័យប្រព្រឹត្តអំពើពុករលួយ ប៉ុន្តែទីបំផុតលោកទាំងពីរក៏ត្រូវបានដោះលែងវិញ។

ការចោទប្រកាន់ករណីប្រព្រឹត្តអំពើពុករលួយ និងជម្លោះការងារតាមក្រោយជាបន្តបន្ទាប់ក្នុងឆ្នាំ២០១៨ បានធ្វើឱ្យក្រុមហ៊ុនរបស់លោក Barkar Bin Laden មិនអាចទទួលបានហិរញ្ញប្បទាន ដើម្បីបន្តការសាងសង់៕ The B1M៕

រដ្ឋាភិបាលប្រសិទ្ឋនាមព្រែកជីកពីទន្លេបាសាក់ទៅកាន់សមុទ្រជា”ព្រែកជីកហ្វូណនតេជោ”

ដោយៈ ជេស៊ីកា

ភ្នំពេញៈ ក្នុងកិច្ចប្រជុំពេញអង្គគណៈរដ្ឋមន្រ្តី ដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នាព្រឹកថ្ងៃសុក្រ ទី១៩ ខែឧសភា ឆ្នាំ២០២៣កន្លងមកនេះ បានសម្រេចដាក់ឈ្មោះផ្លូវទឹកជាប្រវត្តិសាស្រ្តនេះ ត្រូវបានប្រសិទ្ធនាមថា “ព្រែកជីកហ្វូណនតេជោ”។

ទន្ទឹមនឹងការទទួលយកគម្រោងនេះ ក្នុងកិច្ចប្រជុំនាព្រឹកមិញនេះ បានប្រគល់ភារកិច្ចដល់គណៈកម្មាធិការជាតិ ទន្លេមេគង្គកម្ពុជា ជូនដំណឹងពាក់ព័ន្ធគម្រោងសាងសង់ ផ្លូវនាវាចរណ៍ទន្លេបាសាក់នេះ ទៅបណ្តាប្រទេសជា សមាជិកនៃគណៈកម្មការទន្លេមេគង្គ ស្របតាមកិច្ចព្រមព្រៀងស្តីពី កិច្ចសហប្រតិបត្តិការសម្រាប់ ការអភិវឌ្ឍប្រកបដោយចីរភាព នៃតំបន់អាងទន្លេមេគង្គឆ្នាំ១៩៩៥ ហៅកាត់ថា កិច្ចព្រមព្រៀងមេគង្គ ឆ្នាំ១៩៩៥។

កិច្ចប្រជុំ ក៏បានសម្រេចប្រគល់ភារកិច្ច ជូនលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ដឹកនាំសិក្សា និងរៀបចំគម្រោងវិនិយោគខាងលើនេះឱ្យបានលម្អិតស៊ីជម្រៅលើគ្រប់ទិដ្ឋភាព រួចធ្វើរបាយការណ៍ជូនប្រមុខរាជរដ្ឋាភិបាល។

គម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ គឺជាគម្រោងប្រវត្តិសាស្ត្រលើកទី១ ក្នុងវិស័យដឹកជញ្ជូនផ្លូវទឹករបស់កម្ពុជា ដើម្បីតភ្ជាប់ប្រព័ន្ធទន្លេមេគង្គ និងផ្លូវសមុទ្រ។ គម្រោងនេះ ធ្វើឡើងដើម្បីពង្រីកវិសាលភាព នៃការប្រើប្រាស់សក្តានុពល លើការដឹកជញ្ជូនតាមផ្លូវទឹក សំដៅចូលរួមលើកកម្ពស់សកម្មភាពសេដ្ឋកិច្ច-សង្គមឱ្យកាន់តែមានការរីកចម្រើន ឈានទៅមុខមួយកម្រិតថែមទៀត និងផ្តល់ជាដំណោះស្រាយសមស្រប លើបញ្ហាប្រឈម និងឧបសគ្គនានានៃវិស័យដឹកជញ្ជូន តាមផ្លូវទឹកដែលយើងបាននិងកំពុងជួបប្រទះនាពេលបច្ចុប្បន្ន។

គម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ ត្រូវបានបញ្ចប់ការសិក្សា សមិទ្ធិលទ្ធភាពរួចរាល់ ដោយបានប្រើប្រាស់រយៈពេលសរុប២៦ខែ។ តាមការសិក្សាបានបង្ហាញថា ផ្លូវទឹកនេះមានប្រវែង ១៨០គីឡូម៉ែត្រ ចាប់ពីព្រែកតាកែវនៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៉ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤ រួមមាន ខេត្តកណ្តាល ខេត្តតាកែវ ខេត្តកំពត និងខេត្តកែប ដែលមានប្រជាជនសរុបប្រមាណ១.៦លាននាក់ រស់នៅអមសងខាងផ្លូវទឹក។

ផ្លូវទឹកនេះមានទទឹងមុខកាត់ ផ្នែកខាងលើប្រវែង១០០ម៉ែត្រ និងមុខកាត់ផ្នែកខាងក្រោមប្រមាណ៨០ម៉ែត្រ និងជម្រៅទឹកប្រមាណ៥,៤ម៉ែត្រ (ជម្រៅនាវាចរណ៍ ៤,៧ម៉ែត្រ និងគម្លាតសុវត្ថិភាព ០,៧ម៉ែត្រ) មានគន្លងនាវាចរណ៍ចំនួន២គន្លង អាចចេញ-ចូល និងជៀសគ្នាបានដោយសុវត្ថិភាព។

ការរចនាប្លង់វិស្វកម្ម និងស្ថាបត្យកម្មរបស់ផ្លូវទឹកនេះ ត្រូវបានប្រើប្រាស់ស្តង់ដាអន្តរជាតិ ដែលអាចធានាភាពធន់ និងមានគុណភាពខ្ពស់ ដោយគិតគូរគ្រប់ជ្រុងជ្រោយ លើផ្នែកបច្ចេកទេសនិងបរិស្ថានសម្រាប់ការប្រើប្រាស់រយៈពេលយូរអង្វែង។

គម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ នឹងផ្តល់អត្ថប្រយោជន៍ជាច្រើនរួមមាន ការកាត់បន្ថយរយៈពេល ចម្ងាយ និងតម្លៃ នៃការដឹកជញ្ជូននាពេលបច្ចុប្បន្ន ការបង្កើតតំបន់ពាណិជ្ជកម្ម និងមជ្ឈមណ្ឌលភស្តុភារកម្ម។ ការអភិវឌ្ឍផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្រ្ត វារីវប្បកម្ម និងចិញ្ចឹមសត្វ, ការជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤ របស់កម្ពុជា, ការបង្កើតការងារបន្ថែម នៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផេ្សងទៀត ការជំរុញការអភិវឌ្ឍទីក្រុងនិងនគរូបនីយកម្ម, និងការជំរុញការរីកចម្រើនផ្នែកអចលនទ្រព្យ៕

Vietnam rebukes China, Philippines over South China Sea conduct

HANOI: Vietnam criticised on Thursday (May 18) the recent conduct in the South China Sea of a Chinese research ship and the Philippines coast guard, accusing its neighbours of separate actions that were violating its sovereign rights.

Tensions are currently high in contested parts of the South China Sea, one of the world’s most important trade routes and a conduit for more than US$3 trillion of annual ship-borne commerce.

Chinese and Vietnamese vessels confronted each other in recent days on multiple occasions as a Chinese research ship moved within Hanoi’s Exclusive Economic Zone (EEZ), which experts said was likely a survey. Such a survey would usually be considered hostile if conducted without notification.

Asked for comment, Vietnam’s foreign ministry spokesperson Pham Thu Hang told a press conference those vessels were “violating the sovereign rights and jurisdictions of Vietnam”, which was taking “appropriate measures” to defend its rights.
China had said that scientific research was a normal activity in areas under Chinese jurisdiction.

China claims almost the entire South China Sea as its territory, based on what it says are old maps, including waters that lie within the EEZ of Vietnam and four other Southeast Asian countries.

The Philippines was also rebuked for placing navigational buoys in five areas of its EEZ to assert sovereignty over the hotly disputed Spratly islands, parts of which Vietnam also lays claim to.

Asked about the Philippines’ move, Hang said: “Vietnam strongly opposes all acts violating Vietnam’s sovereign rights.”

Source: Reuters/gr

Korea trails behind Japan in post-pandemic economic recovery

The Japanese economy, which has long suffered from decades of stagnation, is showing signs of recovery. Its gross domestic product (GDP) growth rate has turned positive for the first time in three quarters, surpassing that of Korea.

If this trend continues, Japan will surpass Korea in terms of real economic growth rate this year, for the first time in 25 years since 1998 during the Asian financial crisis.

Japan’s Cabinet Office announced on Wednesday that the country’s GDP increased 0.4 percent year-on-year during the first quarter of this year. Its annual growth rate, which the International Monetary Fund (IMF) initially projected at 1.3 percent, is now expected to reach 1.6 percent based on its recent performance.

This stands in stark contrast to Korea, which is struggling to achieve a growth rate of 1.5 percent this year. Global credit ratings agency S&P cut the 2023 economic growth estimate for Korea to 1.1 percent from a previous outlook of 1.3 percent, while the IMF reduced its economic outlook to 1.5 percent from 1.7 percent.

Market watchers attributed the contrasting performance to the differing economic structures of the two countries. Japan’s growth momentum has been driven by a surge in domestic demand, which has had a significant impact on its economy following the end of the pandemic.
“Japan’s largest trading partner is China, just like the case of Korea. While China’s reopening had a lukewarm impact, the bigger significance of domestic demand played a crucial role in bolstering Japanese markets compared to Korea,” said Ryu Jin-lee, a researcher at Hi Investment & Securities.

Ryu explained that Japan has a low degree of external dependence, with domestic private consumption accounting for 54 percent of its GDP.

Unlike Japan, Korea relies heavily on external trade for its economy. Korea is currently struggling economically due to persistent weak demand in China for its key export products such as semiconductors and petrochemicals. Korea’s exports to China declined by 26.5 percent year-on-year, marking the largest decrease among exporting countries.

Krishna Srinivasan, director of the IMF’s Asia and Pacific Department, noted that China’s reopening is focused primarily on consumption rather than manufacturing at this moment.

The stagnation in the number of foreign visitors to Korea, coupled with a notable surge in the number of Korean travelers heading abroad this year, is another factor that poses challenges to Korea’s growth.

Source: Korea times

ឧកញ៉ា សុក រ៉ាដូជាប់ឆ្នោតជាប្រធានសភាពាណិជ្ជកម្ម ខេត្តស្វាយរៀងអាណត្តិទី២

ដោយៈ គង់ ម៉ាលីនណា

ស្វាយរៀងៈ នាយកដ្ឋានអភិវឌ្ឍន៍វិស័យឯកជន នៃអគ្គនាយកដ្ឋានពាណិជ្ជកម្ម ក្នុងប្រទេសនៃក្រសួងពាណិជ្ជកម្ម រៀបចំការបោះឆ្នោតជ្រើសរើស សមាជិកជ្រើសតាំងសភាពាណិជ្ជកម្ម ខេត្តស្វាយរៀង អាណត្តិទី២ លើកទី១។

ការរៀបចំការបោះឆ្នោតជ្រើសរើស សមាជិកជ្រើសតាំងសភាពាណិជ្ជកម្មខេត្តស្វាយរៀង អាណត្តិទី២ លើកទី១ ដែលប្រព្រឹត្តទៅនៅមន្ទីរពាណិជ្ជកម្មខេត្តស្វាយរៀង ក្រោមអធិបតីភាពលោក ឈរ ស៊ុនហុង អនុរដ្ឋលេខាធិការក្រសួងពាណិជ្ជកម្ម លោកឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា ព្រមទាំងក្រុមការងារបច្ចេកទេសនៃនាយកដ្ឋាន អភិវឌ្ឍន៍វិស័យឯកជន ក្រុមការងារមន្ទីរពាណិជ្ជកម្មខេត្តស្វាយរៀង មន្ទីរពាក់ព័ន្ធជុំវិញខេត្ត និងសមាជិកសភាពាណិជ្ជកម្មក្នុងអាណត្តិ និងបេក្ខជនឈរឈ្មោះជាច្រើនរូបទៀត។

ជាលទ្ធផលបេក្ខជនចំនួន៨រូប បានជាប់ឆ្នោតជាសមាជិកជ្រើសតាំងសភាពាណិជ្ជកម្មស្វាយរៀង អាណត្តិទី២ លើកទី១ ក្នុងចំណោមបេក្ខជនឈរឈ្មោះសរុបចំនួន១១រូប ដែលទទួលបានការបោះឆ្នោតគាំទ្រពីពាណិជ្ជករ អាជីវកម្ម និងសេវាករ នៅក្នុងខេត្តស្វាយរៀង ចំនួន១៣៥នាក់ ស្មើនឹង៦១% នៃបញ្ជីឈ្មោះអ្នកបោះឆ្នោតសរុបចំនួន២២២នាក់។

ជាលទ្ធផល ឧកញ៉ា សុក រ៉ាដូ ត្រូវបានជាប់ឆ្នោតជាប្រធានសភាពាណិជ្ជកម្មខេត្តស្វាយរៀង អាណត្តិទី២ លើកទី១នេះ ដោយទទួលបានការបោះឆ្នោតគាំទ្រ ទុកចិត្តជាប្រធានចំនួន១៤សម្លេង នៃចំនួនសមាជិកជ្រើសតាំងសរុបទាំង១៥រូប ដោយអវត្តមានចំនួន១សម្លេង។

លោកឈរ ស៊ុនហុងបានមានប្រសាសន៍ណែនាំសមាជិកសភាពាណិជ្ជកម្មដែលទើបនឹងជាប់ឆ្នោត និងសមាជិកនៅក្នុងអាណត្តិត្រូវមានសាមគ្គីភាពនៅក្នុងការបំពេញការងារ បន្តសហការយ៉ាងជិតស្និតជាមួយអាជ្ញាធរ ដែនដី និងមន្ទីរពាណិជ្ជកម្មខេត្ត ដែលជាអាណាព្យាបាល ខិតខំស្វែងរក និងជួយទាក់ទាញវិនិយោគគិនពីបរទេសឱ្យបណ្តាក់ទុនបន្ថែមទៀត ដើម្បីចូលរួមចំណែកជាមួយរាជរដ្ឋាភិបាលនៅក្នុងជំរុញការអភិវឌ្ឍន៍កំណើនសេដ្ឋកិច្ច ពាណិជ្ជកម្មនៅក្នុងខេត្តក៏ដូចជានៅទូទាំងប្រទេសផងដែរ។

លោកបន្តថា ប្រធានសភាពាណិជ្ជកម្ម ដែលទើបនឹងជាប់ឆ្នោត ត្រូវណែនាំបន្ថែម ដល់សមាជិកជ្រើសតាំងថ្មី អំពីតួនាទី ភារកិច្ច និងអត្ថប្រយោជន៍របស់សភាពាណិជ្ជកម្ម ក៏ដូចជាបង្កើត Chanel telegram សភាពាណិជ្ជកម្ម ដើម្បីចងក្រងរៀបជាក្រុមជាមួយសមាជិក សមាជិកា រួមនឹងអាជីវករទាំងអស់ ដើម្បីពួកគាត់បានទទួលគ្រប់ព័ត៌មាន នៃសកម្មភាពការងាររបស់ថ្នាក់ដឹកនាំ សភាពាណិជ្ជកម្មខេត្តស្វាយរៀង៕

ប្រមុខរដ្ឋាភិបាលអនុញ្ញាត្តឲ្យជីកព្រែកពីទន្លេបាសាក់ទៅកាន់សមុទ្រក្នុងខេត្តកែបជាមួយផែនការចំណាយ១៧០០លានដុល្លារ

ដោយៈ គង់ សូរិយា

ភ្នំពេញៈ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានសម្តែងក្តីរីករាយជាខ្លាំង បន្ទាប់ពីសម្តេចតេជោហ៊ុន សែនអនុញ្ញាត្តឲ្យមានការជីកព្រែក ពីទន្លេបាសាក់ ទៅកាន់សមុទ្រក្នុងខេត្តកែប។

លោកទេសរដ្ឋមន្ត្រី បានបញ្ជាក់ប្រាប់សារព៌តមានក្នុងស្រុកថា” នេះជាគម្រោងប្រវត្តិសាស្ត្រ តាំងពីសម័យហ្វូណន មកដល់សម្តេចតេជោ ដែលយើងបានស្តារឡើងវិញ ដើម្បីប្រើប្រាស់ប្រព័ន្ធដែលមានស្រាប់ពីហ្វូណន ជាប្រយោជន៍ជាតិរបស់យើង ដឹកជញ្ជូនទំនិញទៅសមុទ្រត្រង់តែម្តង ដោយមិនបាច់ឆ្លងទៅប្រទេសជិតខាង។ គម្រោងនេះសំខាន់ណាស់ សំខាន់មែនទែន”។ លោកបន្ថែមថា “ខ្ញុំសប្បាយចិត្តណាស់”។

ជាមួយគ្នាបន្ទាប់ពីព័ត៌មាន ត្រូវបានផ្សព្វផ្សាយប្រជាពលរដ្ឋនៅលើបណ្តាញសង្គម ក៏បានសម្តែងការសាទរ និងរីករាយចំពោះគម្រោងមួយនេះផងដែរ។

ពួកគេចាត់ទុកគម្រោងនេះ ជាគម្រោងយក្ស ជាគម្រោងប្រវត្តិសាស្ត្រផ្នែកដឹកជញ្ជូននៅកម្ពុជា។

ទីបំផុតគម្រោងជីកផ្លូវទឹកតភ្ជាប់ពីទន្លេ ទៅកាន់សមុទ្ររបស់កម្ពុជា ដែលជាគម្រោងដ៏មានសារៈសំខាន់ សម្រាប់ការដឹកជញ្ជូនទំនិញនោះ ត្រូវបានរាជរដ្ឋាភិបាលអនុម័តឱ្យរៀបចំជីកហើយ ដោយគ្រោងចំណាយថវិកាប្រមាណ១,៧០០លានដុល្លារ និងចំណាយពេល៤ឆ្នាំ។

ការសម្រេចនេះ បានធ្វើឡើងនៅក្នុងកិច្ចប្រជុំគណៈរដ្ឋមន្ត្រីដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នាព្រឹកថ្ងៃសុក្រ ទី១៩ ខែឧសភា ឆ្នាំ២០២៣នេះ។

មុននឹងការអនុម័តលើគម្រោងនេះ សម្តេចតេជោ និងថ្នាក់ដឹកនាំរាជរដ្ឋាភិបាល បានបើកការជជែកដេញដោលគ្នា យ៉ាងយកចិត្តទុកដាក់បំផុត។ ជាពិសេសស្តាប់ការពន្យល់នានា ពីសំណាក់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ដែលជាអ្នកសិក្សា និងអនុវត្តន៍គម្រោងនេះ។

កិច្ចពិភាក្សាបានធ្វើឡើង តាំងពីម៉ោង១០ព្រឹក រហូតដល់ម៉ោងជាង១រសៀល។ ជាមួយនឹងការអនុម័តនេះ សម្តេចតេជោ បានផ្តល់អនុសាសន៍ជាច្រើន ពាក់ព័ន្ធផលប៉ះពាល់បរិស្ថាន ដែលបណ្ដាលមកពីទឹកសមុទ្រ និងបន្តពិភាក្សាជាមួយគណៈកម្មាធិការចម្រុះ នៃគណៈកម្មការទន្លេមេគង្គបន្ថែមទៀត។គម្រោងនេះ ត្រូវបានដាក់ឈ្មោះថា គម្រោងផ្លូវនាវាចរណ៍ និងប្រព័ន្ធភស្តុរភារកម្មទន្លេបាសាក់”។

គម្រោងផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ មានគោលបំណងពង្រីកនូវវិសាលភាព នៃការប្រើប្រាស់សក្ដានុពលលើការដឹកជញ្ជូនតាមផ្លូវទឹក សំដៅចូលរួមលើកកម្ពស់ សកម្មភាពសេដ្ឋកិច្ច-សង្គម ឱ្យកាន់តែមានការរីកចម្រើនឈាន ទៅមួយកម្រិតថែមទៀត និងផ្ដល់ជាដំណោះស្រាយសមស្រប លើបញ្ហាប្រឈម និងឧបសគ្គនានា នៃវិស័យដឹកជញ្ជូនតាមផ្លូវទឹក ដែលបាននិងកំពុងតែជួបប្រទះនាពេលបច្ចុប្បន្ន៕

ដំណឹងល្អ! រដ្ឋាភិបាលបែងចែងគំរោងជាប់គាំងនៅក្រុងព្រះសីហនុជា៤ក្រុមដើម្បីលើកទឹកចិត្តក្នុងទម្រង់ផ្សេងៗគ្នា

ដោយៈ ជេស៊ីកា

ភ្នំពេញៈ ដើម្បីដោះស្រាយបញ្ហាអាគារជាប់គាំង នៅខេត្តព្រះសីហនុ រដ្ឋាភិបាលបាននិងកំពុងផ្តល់ការលើកទឹកចិត្ត ដល់ម្ចាស់គំរោងបុរី និងម្ចាស់អាគារជាប់គាំងដោយបែងចែង៤ក្រុមខុសៗគ្នា។

យោងតាមលិខិតទីស្តីការគណៈរដ្ឋមន្រ្តីលេខ៣៥៦ ស ជ ណ ហធ ចុះថ្ងៃទី២៩ មិនា ឆ្នាំ២០២៣ ដែលចុះហត្ថលេខាដោយលោកបណ្ឌិតសភាចារ្យហ៊ីង ថូរ៉ាក់ស៊ី រដ្ឋលេខាធិការទីស្តីការគណៈរដ្ឋមន្រ្តី នៅក្នុងទំព័រទី២ និងចំណុចទី៣ ស្តីពីវិធានការលើកទឹកចិត្តសម្រាប់គំរោងជាប់គាំងនៅក្រុងព្រះសីហនុ។

ចំណុច “ក” ក្រុមគំរោង

ការលើកទឹកចិត្ត នឹងត្រូវផ្តល់ជូនក្រុមគំរោងតាមក្រុមនិមួយៗ រួមមាន ក្រុមគំរោងទី១ ក្រុមគំរោងទី២ ក្រុមគំរោងទី៣ និងក្រុមគំរោងទី៤។

ក្រុមគំរោងទី១ សំដៅលើសាលារៀន គំរោងមន្ទីរពេទ្យ គំរោងហាងទំនិញរួចពន្ឋ គំរោងផ្ទះសម្រាប់ចូលនិវត្តន៍ គំរោងលំនៅដ្ឋានតម្លៃសមរម្យ និងគំរោងផ្សេងៗទៀត ដែលមានសក្តានុពលខ្ពស់សម្រាប់សេដ្ឋកិច្ច តាមការសម្រេចរបស់រដ្ឋាភិបាល។

ក្រុមគំរោងទី២ សំដៅសកម្មភាពវិនិយោគ ដែលស្ថិតក្រោមច្បាប់វិនិយោគនៃព្រះរាជាណាចក្រកម្ពុជា ច្បាប់និងបទបញ្ញត្តិជាធរមាន។

ក្រុមគំរោងទី៣ សំដៅលើសកម្មភាពធុរកិច្ច ជាអាទ៍ ផ្ទះសំណាក់ សំណង់លំនៅដ្ឋាន ដែលពុំស្ថិតក្រោមច្បាប់ស្តីពី វិនិយោគនៃព្រះរាជាណាចក្រកម្ពុជា។

ក្រុមគំរោង៤ សំដៅលើសកម្មភាពមូលនិធិ នៃគំរោងវិនិយោគរួម និង/ឬបរធនបាលកិច្ច ស្របតាមច្បាប់ និងបទបញ្ញត្តិជាធរមាន។

យោងតាមលិខិតដដែលបានឲ្យដឹងថា លក្ខខ័ណ្ឌនៃការផ្តល់ការលើកទឹកចិត្ត នឹងធ្វើឡើងក្នុងទម្រង់សំខាន់ៗចំនួន៣ រួមមាន ទី១ ត្រូវបានអនុញ្ញាត្តឲ្យនាំចូលសម្ភារៈសាងសង់ បរិក្ខាសំណង់ និងបរិក្ខាផលិតកម្ម ដោយពន្ឋគយ អាករពិសេស អាករលើតម្លៃបន្ថែមជាបន្ទុករបស់រដ្ឋ បន្ទាប់ពីមានលិខិតអនុញ្ញាត្តសាងសង់ និងការវាយតម្លៃលើតម្រូវការជាក់ស្តែង។ ទី២ ត្រូវដាក់ទុនវិនិយោគ ដើម្បីបញ្ចប់ការសាងសង់ និង/ឬកែលំអរឲ្យហើយរួចរាល់ក្នុងរយៈពេលពីរឆ្នាំ និងទី៣ ទទួលបានការលើកទឹកចិត្តពន្ឋដា បន្ទាប់ពីអាគារត្រូវបានសាងសង់បញ្ចប់ និង?ឬកែលំអរជាដើម។

អភិបាលនៃគណៈអភិបាលខេត្តព្រះសីហនុ លោកគួច ចំរើនបានមានប្រសាសន៍ឲ្យដឹងកាលពីពេលថ្មីៗនេះថា អាគារជាប់គាំងចំនួន៨៧ បានសាងសង់ឡើងវិញនៅក្រុងព្រះសីហនុ បន្ទាប់ពីសេដ្ឋកិច្ច សង្គមកម្ពុជាដំណើរការល្អប្រសើរ។

លោកខន គង្គាអគ្គនាយកនៃក្រុមហ៊ុនERA Cambodiaបានមានប្រសាសន៍ឲ្យដឹងកាលពីពេលថ្មីៗនេះថា តម្រូវការអចលនទ្រព្យ ពិសេសខុនដូ បានកើនឡើងនៅក្រុងព្រះសីហនុ បន្ទាប់ពីការមកដល់របស់ភ្ញៀវទេសចរណ៍អន្តរជាតិ ការមកដល់នូវអ្នកវិនិយោគអន្តរជាតិ និងការបើកដំណើរការផ្លូវល្បឿនលឿន ដែលបានទាក់ទាញលំហូរទេសចរណ៍ក្នុងស្រុក និងអន្តរជាតិទៅទស្សនា និងសំរាកកំសាន្តច្រើននៅខេត្តនេះ៕

សហរដ្ឋអាមេរិក និងតៃវ៉ាន់ ឈានដល់កិច្ចព្រមព្រៀងពាណិជ្ជកម្មជាប្រវត្តិសាស្ត្រក្នុងសតវត្សរ៍ទី២១

ដោយៈ សុខុម

វ៉ាស៊ីនតោន: សហរដ្ឋអាមេរិក និងតៃវ៉ាន់ បានឈានដល់កិច្ចព្រមព្រៀងដំបូង នៃគំនិតផ្តួចផ្តើមពាណិជ្ជកម្ម “សតវត្សរ៍ទី២១” របស់ពួកគេដែលគ្របដណ្តប់លើនីតិវិធីគយ និងព្រំដែន ការអនុវត្តបទប្បញ្ញត្តិ និងអាជីវកម្មខ្នាតតូច។

ការិយាល័យតំណាងពាណិជ្ជកម្មអាមេរិក (USTR) បាននិយាយកាលពីថ្ងៃព្រហស្បតិ៍ ទី១៨ ខែឧសភា ថា បន្ទាប់ពីកិច្ចព្រមព្រៀងដំបូងនៃគំនិតផ្តួចផ្តើមអាមេរិក -តៃវ៉ាន់ស្តីពី ពាណិជ្ជកម្មសតវត្សរ៍ទី២១ (US-Taiwan Initiative on 21st Century Trade) នេះត្រូវបានចុះហត្ថលេខា ការចរចានឹងចាប់ផ្តើមលើផ្នែកពាណិជ្ជកម្ម ដែលកាន់តែមានភាពស្មុគស្មាញផ្សេងៗទៀត រួមមាន វិស័យកសិកម្ម ពាណិជ្ជកម្មឌីជីថល ស្តង់ដារការងារ និងបរិស្ថាន សហគ្រាសរដ្ឋ និងគោលនយោបាយ និងការអនុវត្តមិនមែនទីផ្សារផងដែរ។

លោកស្រី Katherine Tai តំណាងពាណិជ្ជកម្មអាមេរិក បានចេញសេចក្តីថ្លែងការណ៍ថា កិច្ចព្រមព្រៀងនេះពង្រឹងទំនាក់ទំនងរវាងសហរដ្ឋអាមេរិក និងតៃវ៉ាន់ និងបង្ហាញថា ពួកគេអាចធ្វើការជាមួយគ្នាបានដើម្បីជំរុញអាទិភាពពាណិជ្ជកម្ម សម្រាប់ប្រជាជនរបស់ពួកគេ។

លោកស្រីថ្លែងថា “យើងទន្ទឹងរង់ចាំការបន្តការចរចា ទាំងនេះ និងឈានទៅសម្រេចបាន នូវកិច្ចព្រមព្រៀងពាណិជ្ជកម្មដ៏រឹងមាំ និងមានស្តង់ដារខ្ពស់ ដែលដោះស្រាយបញ្ហាប្រឈមសេដ្ឋកិច្ច ក្នុងសតវត្សទី២១”។

ការិយាល័យចរចាពាណិជ្ជកម្ម (Office of Trade Negotiations) របស់តៃវ៉ាន់ តាមរយៈសេចក្តីថ្លែងការណ៍បានចាត់ទុកកិច្ចព្រមព្រៀងនេះថា “មានសារៈសំខាន់ខ្លាំងជាប្រវត្តិសាស្ត្រ” ហើយថា តៃវ៉ាន់ មានបំណងបញ្ចប់ការចរចា លើបញ្ហាដែលនៅសល់ទាំងអស់នៅចុងឆ្នាំនេះ។

តាមការរំពឹងទុក កិច្ចព្រមព្រៀងនេះ នឹងមិនកែប្រែពន្ធលើទំនិញនោះទេ ប៉ុន្តែក្រុមអ្នកគាំទ្រនិយាយថា វានឹងពង្រឹងទំនាក់ទំនងសេដ្ឋកិច្ចរវាងសហរដ្ឋអាមេរិក និងតៃវ៉ាន់ បើកចំហកោះនេះស្វាគមន៍ការនាំចេញរបស់សហរដ្ឋអាមេរិក កាន់តែច្រើនថែមទៀត និងបង្កើនសមត្ថភាពរបស់តៃវ៉ាន់ ក្នុងការទប់ទល់នឹងការបង្ខិតបង្ខំ ផ្នែកសេដ្ឋកិច្ចពីសំណាក់ប្រទេសចិន៕ Reuters៕

ហេតុអ្វីប្រទេសកូរ៉េខាងត្បូងតាមពីក្រោយជប៉ុនក្នុងការស្ទុះងើបឡើងវិញនៃសេដ្ឋកិច្ចក្រោយជំងឺរាតត្បាត?

ដោយ: គង់ លាងហួរ

អន្តរជាតិ: សេដ្ឋកិច្ចរបស់ប្រទេសជប៉ុន ដែលបានឈប់ទ្រឹងអស់រយៈពេលជាយូរ កំពុងបង្ហាញសញ្ញានៃការស្ទុះងើបឡើងវិញ។ អត្រាកំណើនផលិតផលក្នុងស្រុកសរុប (GDP) របស់ប្រទេសនេះ បានប្រែជាវិជ្ជមានជាលើកដំបូង ក្នុងរយៈពេល៣ត្រីមាស ពោលគឺលើសពីប្រទេសកូរ៉េខាងត្បូង។

ប្រសិនបើនិន្នាការនេះនៅតែបន្ត ប្រទេសជប៉ុននឹងវ៉ាដាច់ប្រទេសកូរ៉េក្នុងលក្ខខណ្ឌ នៃអត្រាកំណើនសេដ្ឋកិច្ច ពិតប្រាកដនៅឆ្នាំ២០២ឧនេះ ជាលើកដំបូងក្នុងរយៈពេល២៥ឆ្នាំ ចាប់តាំងពីឆ្នាំ១៩៩៨ក្នុងអំឡុងវិបត្តិហិរញ្ញវត្ថុអាស៊ី។

ការិយាល័យខុទ្ទកាល័យ របស់ប្រទេសជប៉ុនបានប្រកាសថា GDP របស់ប្រទេសនេះបានកើនឡើង០,៤ភាគរយ ពីមួយឆ្នាំទៅមួយឆ្នាំ ក្នុងអំឡុងត្រីមាសទីមួយនៃឆ្នាំ២០២៣នេះ។

អត្រាកំណើនសេដ្ឋកិច្ចប្រចាំឆ្នាំរបស់ជប៉ុន ដែលមូលនិធិរូបិយវត្ថុអន្តរជាតិ (IMF) បានព្យាករណ៍ដំបូងស្ថិត ក្នុងរង្វង់១,៣ភាគរយ ប៉ុន្តែឥឡូវនេះ វាត្រូវបានគេរំពឹងថា នឹងកើនឡើងរហូតដល់១,៦ភាគរយនៅឆ្នាំ២០២៣នេះ។ នេះគឺផ្ទុយស្រឡះ ពីប្រទេសកូរ៉េខាងត្បូងដែលកំពុងខិតខំ សម្រេចបានអត្រាកំណើនសេដ្ឋកិច្ច១,៥ភាគរយនៅឆ្នាំនេះ។

ទីភ្នាក់ងារវាយតម្លៃឥណទានសកល S&P បានបន្ទាបការប៉ាន់ប្រមាណកំណើនសេដ្ឋកិច្ចឆ្នាំ២០២៣ សម្រាប់ប្រទេសកូរ៉េខាងត្បូងមកត្រឹម១,១ភាគរយ ធៀបនឹងការព្យាករណ៍ពីមុន១,៣ភាគរយ ខណៈដែល IMF ក៏បានបន្ទាបទស្សនវិស័យសេដ្ឋកិច្ច របស់ប្រទេសកូរ៉េមកនៅត្រឹមតែ១,៥ភាគរយ ពី១,៧ភាគរយផងដែរ។

ក្រុមអ្នកឃ្លាំមើលទីផ្សារបានលើកឡើងថា សន្ទុះកំណើនសេដ្ឋកិច្ចរបស់ប្រទេសជប៉ុន ត្រូវបានជំរុញដោយការកើនឡើង នៃតម្រូវការក្នុងស្រុក ដែលបានជះឥទ្ធិពលយ៉ាងខ្លាំង ដល់សេដ្ឋកិច្ចរបស់ខ្លួនបន្ទាប់ពីការបញ្ចប់នៃជំងឺរាតត្បាត។

លោក Ryu Jin-lee អ្នកស្រាវជ្រាវប្រចាំក្រុមហ៊ុន Hi Investment & Securitiesបានមានប្រសាសន៍ថា “ដៃគូពាណិជ្ជកម្មដ៏ធំបំផុតរបស់ប្រទេសជប៉ុនគឺប្រទេសចិន ដូចករណីរបស់ប្រទេសកូរ៉េដែរ។ ខណៈពេលដែលការបើកដំណើរការឡើងវិញ របស់ប្រទេសចិនផ្តល់ផលតិចតួច សារៈសំខាន់នៃតម្រូវការក្នុងស្រុក បានដើរតួនាទីយ៉ាងសំខាន់ ក្នុងការជំរុញទីផ្សារជប៉ុនបើធៀបនឹងប្រទេសកូរ៉េ”។

លោក Ryu បានពន្យល់ថា ប្រទេសជប៉ុនបានពឹងផ្អែកពីខាងក្រៅក្នុងកម្រិតតិចតួច ដោយសារការប្រើប្រាស់ឯកជន នៅក្នុងស្រុកមានចំនួន៥៤ភាគរយ នៃផលិតផលក្នុងស្រុកសរុបរបស់ខ្លួន។

ខុសពីប្រទេសជប៉ុន កូរ៉េខាងត្បូងពឹងផ្អែកខ្លាំង លើពាណិជ្ជកម្មខាងក្រៅសម្រាប់សេដ្ឋកិច្ចរបស់ខ្លួន។ បច្ចុប្បន្នប្រទេសកូរ៉េ កំពុងជួបការលំបាកផ្នែកសេដ្ឋកិច្ច ដោយសារតែតម្រូវការផលិតផលនាំចេញសំខាន់ៗរបស់ខ្លួន ដូចជាបន្ទះឈីបទៅកាន់ប្រទេសចិន បានដាំក្បាលចុះ។

ជាក់ស្តែង ការនាំចេញរបស់កូរ៉េ ទៅកាន់ប្រទេសចិនបានធ្លាក់ចុះ២៦,៥ភាគរយ ពីមួយឆ្នាំទៅមួយឆ្នាំ ដែលជាការថយចុះដ៏ធំបំផុតក្នុងចំណោមបណ្តាប្រទេសនាំចេញនានាជាច្រើន។

លោក Krishna Srinivasan ប្រធាននាយកដ្ឋានប្រចាំអាស៊ី និងប៉ាស៊ីហ្វិករបស់មូលនិធិ IMF បានកត់សម្គាល់ថា ការបើកដំណើរការឡើងវិញរបស់ប្រទេសចិន គឺផ្តោតលើការប្រើប្រាស់ជាចម្បង ជាជាងការផលិតនៅពេលនេះ។

ភាពនៅទ្រឹងនៃចំនួនភ្ញៀវទេសចរបរទេស ទៅកាន់ប្រទេសកូរ៉េ គួបផ្សំនឹងការកើនឡើងគួរឱ្យកត់សម្គាល់ នៃចំនួនអ្នកធ្វើដំណើរកូរ៉េទៅក្រៅប្រទេសក្នុងឆ្នាំនេះ ក៏ជាកត្តាមួយទៀតដែលបង្កបញ្ហាប្រឈមដល់កំណើនសេដ្ឋកិច្ច របស់ប្រទេសកូរ៉េខាងត្បូងផងដែរ៕

1...927928929...3,256 Page 928 of 3,256