ប្រទេសចិនគ្រោងសាងសង់រដ្ឋធានីទី២ នៅតំបន់វាលខ្សាច់ ដាច់ស្រយាលស៊ីនជាំង

ដោយៈ សុខុម

ប៉េកាំង: ការសិក្សាមួយដែលទទួលបានហិរញ្ញប្បទាន ពីរដ្ឋាភិបាលចិន បានស្នើឡើងថា ប្រទេសចិន គួរតែសាងសង់រដ្ឋធានីទី២ នៅតំបន់វាលខ្សាច់ ដ៏សែនដាច់ស្រយាលស៊ីនជាំង (Xinjiang) ដើម្បីពង្រឹងទំនាក់ទំនងរបស់ខ្លួន ជាមួយតំបន់វាលរហោស្ថានដ៏ធំល្វឹងល្វើយ ដែលសម្បូរដោយជនជាតិដើមភាគតិចរស់នៅនេះ។

ក្រុមអ្នកសិក្សាស្រាវជ្រាវ ដែលបានចូលរួមពាក់ព័ន្ធក្នុងគម្រោង រយៈពេល៤ឆ្នាំនេះបានលើកឡើងថា សំណើនេះធ្វើឡើងក្នុងគោលបំណងដោះស្រាយហានិភ័យនានា ផ្នែកភូមិសាស្ត្រនយោបាយ និងបរិស្ថាន។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃអាទិត្យ ទី៣០ ខែមេសា។

Xinjiang red highlighted in map of China

តំបន់ស៊ីនជាំង មានភូមិសាស្ត្រស្ថិត នៅតាមបណ្ដោយព្រំដែនភាគខាងលិចនៃប្រទេសចិន ដែលនៅដាច់ស្រយាលខ្លាំងពីមជ្ឈមណ្ឌលសេដ្ឋកិច្ច និងនយោបាយ នៃប្រទេសមហាអំណាចសេដ្ឋកិច្ចធំបំផុតទី២ របស់ពិភពលោកមួយនេះ។

ស៊ីនជាំង ជាតំបន់ដ៏ធំល្វឹងល្វើយ ដែលសម្បូរដោយវាលខ្សាច់ និងខ្ពង់រាប ហើយនៅតំបន់នេះ មានអាកាសធាតុមិនអំណោយផលនោះទេ រួមទាំងសីតុណ្ហភាពក្ដៅហែងខ្លាំងផងដែរ។

តំបន់ស៊ីនជាំង សម្បូរដោយជនជាតិដើមភាគតិចរស់នៅរួមមានជនជាតិដើមភាគតិចវីហ្គួ(Uygur) ជនជាតិដើមភាគតិចកាហ្សាក់ស្ថាន ជនជាតិដើមភាគតិចម៉ុងហ្គោលី ជាដើម និងមានព្រំប្រទល់ជាប់តំបន់ទីបេរ្តិ៍ (Tibet)។

ការសិក្សាខាងលើនេះ បានបង្ហាញសុទិដ្ឋិនិយមថា ការសាងសង់រដ្ឋធានីទី២ នេះនឹងជួយធ្វើឱ្យសេដ្ឋកិច្ចរបស់ប្រទេសចិន មានតុល្យភាពឡើងវិញ និងពង្រឹងទំនាក់ទំនងជាមួយតំបន់អាស៊ី និងអឺរ៉ុប ឱ្យកាន់តែរឹងមាំ៕ South China Morning Post៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

តើING CITYមានចក្ចុវិស័យបែបណា ដើម្បីរៀបចំអភិវឌ្ឍន៍នៅភាគខាងត្បូងរាជធានី

ដោយៈ ជេស៊ីកា

ភ្នំពេញៈ ការរៀបចំMaster Planមានសារៈសំខាន់ណាស់ សំរាប់ការអភិវឌ្ឍទីក្រុងរណបមួយ ឬទីក្រុង១ ដើម្បីសម្រេចបាននូវការរីកចម្រើនប្រកបដោយចីរភាព។

ការអភិវឌ្ឍនៅតំបន់ភាគខាងត្បូងក្រុងភ្នំពេញ កំពុងដើរតាមផែនការមេរបស់ទីក្រុងរណប ING CITY ដែលជាទីក្រុងរណបធំជាងគេនៅរាជធានីភ្នំពេញ បាននិងកំពុងដើរតាមផែនការមេរបស់ខ្លួន ខណៈតម្លៃដីធ្លីនៅតំបន់នេះ មានកំនើនយ៉ាងខ្ពស់ ជាមួយគំរោងសាងសង់បុរី មជ្ឈមណ្ឌលពាណិជ្ជកម្មលំដាប់អន្តរជាតិនានា កំពុងលេចចេញជារូបរាងឡើងបណ្តើរ។

យោងតាមផែនការមេរបស់ក្រុមហ៊ុន ING Holding ដែល Propertyarea.asia ទទួលបានឲ្យដឹងថា ទីក្រុងរណប ING CITY គ្របដណ្តប់លើផ្ទៃដីជាង២០០០ហិកតា មានវិសាលភាពដ៏ធំមួយ និងជាទីក្រុងរណបធំជាងគេ នៅរាជធានីភ្នំពេញ។ តាមគំរោងក្រុមហ៊ុនគ្រោងអភិវឌ្ឍន៍តំបន់នេះ ជាតំបន់មានការអភិវឌ្ឍបែបបៃតង និងគោរពតាមគោលការណ៍បរិស្ថាន។

ឯកសារដដែលបានឲ្យដឹងថា ក្រុមហ៊ុនគ្រោងអភិវឌ្ឍន៍តំបន់នេះ ជាមជ្ឈមណ្ឌលលំនៅដ្ឋាន មជ្ឈមណ្ឌលពាណិជ្ជកម្ម កន្លែងចំណតយានយន្ត ជាសហគមន៍សម្រាប់និវត្តន៍ជនជាតិចិន មជ្ឈមណ្ឌលកីឡាជាដើម។

ជាមួយនឹងទស្សនវិស័យចំពោះមុខ និងរៀបចំតំបន់ដែលទើបអភិវឌ្ឍន៍ថ្មីនេះ សាលារាជធានីភ្នំពេញ រួមជាមួយសាលាក្រុងប៉ារីសដើម្បីសិក្សារួមគ្នាពីការអភិវឌ្ឍ និងដោះស្រាយបញ្ហាប្រឈមចំពោះមុខ ទាក់ទងនឹងការកើនឡើងនូវយានយន្ត ការបំពុលទឹកកខ្វក់ និងហេដ្ឋារចនាសម្ព័ន្ឋនានា ដើម្បីធ្វើយ៉ាងណាឲ្យតំបន់នេះ សមស្របជាតំបន់ ដែលមានភាពបៃតង និងត្រៀមរៀបចំនគរូបនីយកម្មឲ្យមានភាពល្អប្រសើរ និងអាចឆ្លើយតបនឹងកំនើនប្រជាសាស្ត្រ នៅតំបន់នេះ។

ដោយសារជាតំបន់ថ្មី ងាយស្រួលហេដ្ឋារចនាសម្ព័ន្ឋ និងកំនើនប្រជាសាស្ត្រនៅតំបន់នេះ ទើបអ្នកវិនិយោគជាតិ អន្តរជាតិបាននិងកំពុងវិនិយោគគំរោងលំនៅដ្ឋានធំៗនៅតំបន់នេះ ពិសេសផ្សារទំនើបលំដាប់អន្តរជាតិ២ កំពុងបាននិងកំពុងបើកដំណើរការ ក្នុងចំណោមផ្សារទំនើបធំៗចំនួនបី។

អ្វីកាន់តែពិសេសផ្សារទំនើប AEON MALL3 បានបញ្ចប់ការសាងសង់ និងបានដាក់ដំណើរការរួចហើយ។

អគ្គនាយកក្រុមហ៊ុនUrban Hubលោកបណ្ឌិតBen Liបានមានប្រសាសន៍ថា ការអភិវឌ្ឍន៍នៅរាជធានីភ្នំពេញ នឹងពង្រីកមកកាន់ភាគខាងត្បូង ដោយសារតំបន់នេះជាតំបន់ថ្មី ងាយស្រួលរៀបចំហេដ្ឋារចនាសម្ព័ន្ឋធំៗ ការវិនិយោគលើហេដ្ឋារចនាសម្ព័ន្ឋ របស់រដ្ឋាភិបាល និងកំណើនប្រជាសាស្រ្តនៅតំបន់នេះ។

លោកបន្តថា “តំបន់បឹងកេងកេង១ ដីមានតម្លៃថ្លៃ ប៉ុន្តែហេដ្ឋារចនាសម្ព័ន្ឋមិនអំណោយផលដល់ការពង្រីកនោះទេ ប៉ុន្តែតំបន់ភាគខាងត្បូងជាតំបន់ថ្មី ងាយស្រួលរៀបចំហេដ្ឋារចនាសម្ព័ន្ឋផង និងរៀបចំផែនការអភិវឌ្ឈន៍ផង”។ លោកបន្តថា “នៅកម្ពុជាមានឱកាសច្រើនណាស់សំរាប់វិនិយោគ ហេតុនេះបើអ្នកមានលុយនៅក្នុងដៃ អ្នកគួរវិនិយោគលើវិស័យអចលនទ្រព្យនៅកម្ពុជា”៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

បណ្ដាប្រទេសចូលរួមកោតសរសើរទឹកចិត្តរបស់កម្ពុជាដែលរ៉ាប់រងចំណាយទាំងស្រុងក្នុងព្រឹត្តិការណ៍ Sea Games

ដោយៈ សុខុម

ភ្នំពេញ: ដោយសារតែសង្គ្រាមជាបន្តបន្ទាប់ កម្ពុជាបានរង់ចាំអស់រយៈពេល៦៤ឆ្នាំ ទម្រាំមានឱកាសបានធ្វើជាម្ចាស់ផ្ទះ រៀបចំព្រឹត្តិការណ៍កីឡា Sea Games ក្នុងឆ្នាំ២០២៣ នេះ។

ដើម្បីអបអរព្រឹត្តិការណ៍ជាប្រវត្តិសាស្ត្រនេះ និងដើម្បីលើកមុខមាត់របស់កម្ពុជា រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចរ៉ាប់រងការចំណាយទាំងស្រុងរាប់ចាប់ពីថ្លៃសំបុត្រយន្តហោះ ថ្លៃស្នាក់នៅ និងថ្លៃហូបចុករបស់ប្រតិភូបរទេស រួមទាំងការមិនយកថ្លៃសំបុត្រ ចូលទស្សនាពីភ្ញៀវជាតិ និងអន្តរជាតិផងដែរ។

បើទោះបីជាមជ្ឈដ្ឋានមួយចំនួនតូច បានសម្ដែងការព្រួយបារម្ភថា ការរៀបចំព្រឹត្តិការណ៍ Sea Games បែបនេះអាចនឹងជះផលប៉ះពាល់ជាអវិជ្ជមាន ដល់សេដ្ឋកិច្ចកម្ពុជាយ៉ាងណាក្ដី ក៏ការសម្រេចរបស់សម្ដេចតេជោ ហ៊ុន សែន ទទួលបានការស្វាគមន៍ និងការកោតសរសើរយ៉ាងខ្លាំង ពីបណ្ដាប្រទេសចូលរួមក្នុង Sea Games។ នេះបើយោងតាមសារព័ត៌មាន VN Express បានចុះផ្សាយកាលពីថ្ងៃទី២៥ ខែមេសា។

សម្តេចពិជ័យសេនា ទៀ បាញ់ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មការរៀបចំកីឡាស៊ីហ្គេមបានថ្លែង ក្នុងសន្និសីទសារព័ត៌មានស្តីពីព្រឹត្តិការណ៍ Sea Games នៅពហុកីឡដ្ឋានជាតិមរតកតេជោ នារសៀលថ្ងៃទី២៨ ខែមេសា ឆ្នាំ២០២៣ “សូមបញ្ជាក់ឡើងវិញបន្តិចដែរ ចាប់តាំងពីបង្កើតគណៈកម្មាធិការជាតិ រៀបចំព្រឹត្តិការណ៍ Sea Games ក្តី និង Asean Para Games ក្តី ការចំណាយបានរុញមក CAMSOC”។

សម្ដេចពិជ័យសេនាបានបន្ថែមទៀតថា “ការចំណាយច្រើនណាស់ តាំងពីកន្លែងស្នាក់នៅ សំបុត្រយន្តហោះ គេមិនមែនមិនគិតថ្លៃដូចយើងទេ”។ សម្តេចបន្តថា “មកដល់ពេលនេះ តាមរបាយការណ៍ដែលយើងបានទូទាត់ អាចនឹងមិនទាន់សព្វគ្រប់ទេ។ តែក្នុងរង្វង់នេះ យើងគ្រោងតែ១១៨លានដុល្លារទេ។ ការអនុវត្តជាក់ស្តែងអាចនឹងលើសបន្តិច”។

គម្រោងចំណាយ១១៨លានដុល្លារ សម្រាប់រ៉ាប់រងទាំងស្រុងក្នុងការរៀបចំព្រឹត្តិការណ៍Sea Games នេះមិនទាន់រាប់បញ្ចូលថ្លៃសាងសង់ពហុកីឡាដ្ឋានមរតកតេជោ តម្លៃ១៦០លានដុល្លារអាមេរិក ផងនោះទេ។

*តើអ្វីជាមូលហេតុចម្បងដែលកម្ពុជា សម្រេចរ៉ាប់រងការចំណាយទាំងស្រុងក្នុងព្រឹត្តិការណ៍កីឡា Sea Games?

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានគូសបញ្ជាក់ថា ការមិនយកលុយពីប្រតិភូកីឡា មកពីប្រទេសផ្សេងៗនេះ រួមទាំងការមកយកថ្លៃសំបុត្រ ទស្សនាទាំងសម្រាប់ភ្ញៀវជាតិ និងអន្តរជាតិក្នុងព្រឹត្តិការណ៍កីឡាSea Games នេះគឺកម្ពុជា ចង់ឱ្យពិភពលោកស្គាល់កម្ពុជា កាន់តែច្បាស់ និងទូលំទូលាយបន្ថែមទៀត។

ព្រឹត្តិការណ៍ SEA Games ចាប់ផ្តើមពីថ្ងៃទី០៥ ឧសភា ដល់ថ្ងៃទី១៧ ឧសភា ឆ្នាំ២០២៣ និងព្រឹត្តិការណ៍ ASEAN Para Games ចាប់ផ្តើមពីថ្ងៃទី៣ មិថុនា ដល់ថ្ងៃទី៩ មិថុនា ឆ្នាំ២០២៣៕ VN Express ៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

កម្ពុជាកំពុងពោរពេញទៅដោយសក្តានុពលជាច្រើនសម្រាប់ទាក់ទាញក្រុមហ៊ុនវិនិយោគពីបរទេស

ដោយ: គង់ លាងហួរ

ភ្នំពេញ: កម្ពុជាគឺជាប្រទេសបើកចំហសេដ្ឋកិច្ច ហើយគ្រប់វិស័យទាំងអស់ បានបើកចំហសម្រាប់ការវិនិយោគ លើកលែងតែការកាន់កាប់ដីធ្លី ដែលជនបរទេសត្រូវចូលជាសញ្ជាតិខ្មែរ។

កម្ពុជាមានច្បាប់ស្តីពីការវិនិយោគថ្មី ដែលបានបង្កើតឡើងកាលពីឆ្នាំ២០២១ ដែលផ្តល់នូវការលើកទឹកចិត្ត ផ្នែកពន្ធលើការនាំចេញ-នាំចូល ការលើកលែងពន្ធរហូតដល់៩ឆ្នាំ ហើយនេះជាផលប្រយោជន៍សម្រាប់វិនិយោគិនទាញយកបាន។

បន្ថែមលើនេះ វិនិយោគិនអាចមានឱកាស ចូលទៅកាន់រដ្ឋាភិបាល នៅពេលដែលមានបញ្ហា ពួកគេអាចដោះស្រាយជាមួយរដ្ឋាភិបាល ហើយពួកគេអាចចូលទៅកាន់ អ្នកបង្កើតគោលនយោបាយ អ្នកធ្វើការសម្រេចចិត្ត និងមានឱកាសជាច្រើនទាក់ទង នឹងការបើកអាជីវកម្ម។

ត្រូវចងចាំថា កម្ពុជាគឺជាប្រទេសដ៏វ័យក្មេងមួយ ដោយសារកម្ពុជាទើបមានសន្តិភាព ចាកចេញផុតពីភ្លើងសង្គ្រាម មិនទាន់កន្លងផុតទៅយូរប៉ុន្មាននោះទេ ដែលយើងទើបបានកសាងសេដ្ឋកិច្ចជាតិឡើងវិញ។

លើសពីនេះ កម្ពុជាមានកិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយក្នុងតំបន់(RCEP) ដែលអាចទាក់ទាញក្រុមហ៊ុនជាច្រើនមកកាន់កម្ពុជា ហើយកម្ពុជាអាចនាំចេញទំនិញ ទៅកាន់ប្រទេសជាសមាជិកកិច្ចព្រមព្រៀងនោះ ដោយមានការអនុគ្រោះពន្ធ និងទទួលបានទីផ្សារកាន់តែធំ។

ឧទាហរណ៍ កម្ពុជាមានចំការកៅស៊ូដ៏ច្រើន សន្ធឹកសន្ធាប់ ដូចនេះ ប្រសិនបើក្រុមហ៊ុនណាមួយ ឈានជើងចូលមកផលិតសំបកកង់នៅកម្ពុជា ពួកគេអាចប្រើប្រាស់វត្ថុធាតុដើម នៅក្នុងស្រុកបាន ក្រៅពីនោះទៀតយើងបាននាំចេញ ស្វាយ ចេក អង្ករ មៀនប៉ៃលិនទៅកាន់ទីផ្សារប្រទេសចិនផងដែរ។

ម្យ៉ាងវិញទៀត ផ្អែកទៅលើកំណើនសេដ្ឋកិច្ចរឹងមាំ ជារៀងរាល់ឆ្នាំ បរិយាកាសវិនិយោគល្អ ទីតាំងវិនិយោគអំណោយផលល្អ នៅចំចំណុចកណ្តាលបេះដូង នៃបណ្តាប្រទេសអាស៊ាន កម្លាំងពលកម្មវ័យក្មេងច្រើន ពិសេស កត្តាស្ថិរភាពនយោបាយ សន្តិសុខ បានប្រែក្លាយកម្ពុជាពោរពេញ ទៅដោយឱកាសមាស សម្រាប់ការទាក់ទាញវិនិយោគ។

បើយើងក្រឡេកទៅមើលពីទិដ្ឋភាពសេដ្ឋកិច្ច នៅកម្ពុជាវិញ យើងឃើញថា កម្ពុជាបានបានឆ្លងផុតពីប្រទេស ដែលមានចំណូលទាប មកជាប្រទេសដែលមានចំណូលមធ្យមកម្រិតទាប និងត្រូវបានគេចាត់ទុកថា ជាប្រទេសដែលមានចំណាត់ថ្នាក់ល្អ និងជាប្រទេសដែលមានកំណើនសេដ្ឋកិច្ចដ៏រឹងមាំ ពោលគឺកម្ពុជា សម្រេចបានកំណើនសេដ្ឋកិច្ច ជាមធ្យមក្នុងរង្វង់៧,៧ភាគរយមួយឆ្នាំៗ ក្នុងរយៈពេលជាងពីរទសវត្សរ៍កន្លងមក។

ជាមួយគ្នានេះដែរ កម្ពុជាក៏បានកសាងហេដ្ឋារចនាសម្ព័ន្ធទំាងផ្នែករឹង និងទន់ ដើម្បីសម្រួលដល់ការវិនិយោគ និងពាណិជ្ជកម្ម ដែលកំពុងតែមានការរីកលូតលាស់៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ក្រុមហ៊ុនកូរ៉េធំមួយបង្ហាញពីផែនការវិនិយោគនៅកម្ពុជាលើមជ្ឈមណ្ឌលស្រាវជ្រាវ

ដោយៈ គង់ សូរិយា

ភ្នំពេញៈ ក្រុមហ៊ុនធំមួយរបស់កូរ៉េYURA Harness (Cambodia) Co., Ltd បានបង្ហាញចំណាប់អារម្មណ៍នៃការវិនិយោគនៅកម្ពុជា និងគម្រោងបង្កើតមជ្ឈមណ្ឌលស្រាវជ្រាវ និងអភិវឌ្ឍន៍ ស្របពេលសេដ្ឋកិច្ចកម្ពុជាកំពុងមានកំណើនល្អប្រសើរ។

លោក Ohm Dae Yoel អគ្គនាយកក្រុមហ៊ុន YURA Harness (Cambodia) Co., Ltdបានថ្លែងក្នុងជំនួបពិភាក្សារវាងលោកទេសរដ្ឋមន្រ្តីចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កាលពីសប្តាហ៍មុន។

លោក Ohm Dae Yoel បានលើកឡើងថា ដោយមើលឃើញពីភាពអំណោយផល នៃសក្តានុពលសេដ្ឋកិច្ច ធនធាន និងទឹកចិត្តការងាររបស់ប្រជាជនកម្ពុជា ក្រុមហ៊ុនរបស់លោកបានសម្រេចចិត្តបង្កើតរោងចក្រផលិតគ្រឿងបង្គុំ ផ្នែកខ្សែអគ្គិសនីរថយន្តនៅកម្ពុជា ដែលមានទីតាំងនៅក្រុងច្បារមន ខេត្តកំពង់ស្ពឺ គឺជាសាខារោងចក្រទី១ នៅកម្ពុជា ក្នុងចំណោមរោងចក្រទាំង៧១ របស់YURA Group ជុំវិញពិភពលោក។

ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោក ចម ប្រសិទ្ធ បានលើកឡើងថា ឧស្សាហកម្មផលិតគ្រឿងបង្គុំរថយន្ត ជាវិស័យដែលមានសារ:សំខាន់ នៅក្នុងការជំរុញកំណើនសេដ្ឋកិច្ចជាតិ ហើយវាក៏កំពុងត្រូវបានរាជរដ្ឋាភិបាលលើកទឹកចិត្តឱ្យវិនិយោគផងដែរ។

លោកបន្តថា “ផែនការរបស់ក្រុមហ៊ុន បង្កើតមជ្ឈមណ្ឌលស្រាវជ្រាវ និងអភិវឌ្ឍន៍ធនធានមនុស្សនៅកម្ពុជា គឺលោកសូមគាំទ្រពេញទំហឹង ព្រោះនេះជាយន្តការសហការដ៏ល្អ ជាមួយរដ្ឋាភិបាលដែលកំពុងដំណើរការឆ្លងអនុក្រឹត្យស្តីពី ការស្រាវជ្រាវ និងអភិវឌ្ឍន៍នេះ”។

លោក Ohm Dae Yoel បច្ចុប្បន្ននៅតំបន់អាស៊ីអាគ្នេយ៍ក្រុមហ៊ុន YURA Group មានរោងចក្រចំនួន១៤ គឺនៅប្រទេសវៀតណាម ចំនួន១២ ឥណ្ឌូនេស៊ីចំនួន១ និងនៅកម្ពុជា១។ ផែនការបង្កើតមជ្ឈមណ្ឌលស្រាវជ្រាវ និងអភិវឌ្ឍន៍ គឺដើម្បីចូលរួមចំណែកជាមួយរដ្ឋាភិបាលកម្ពុជា ក្នុងការអភិវឌ្ឍវិស័យវិទ្យាសាស្ត្រ បច្ចេកវិទ្យា ដោយប្រើធនធាននិស្សិតកម្ពុជា ដែលត្រូវបានចាត់ជាធនធាន មានសក្តានុពល។

លោកប្រាប់ថា ចំពោះមុខនេះ ក្រុមហ៊ុនក៏មានតម្រូវការធនធានមនុស្សនៅកម្ពុជាផ្នែកវិស្វកម្ម ដើម្បីបំពេញតម្រូវការ ក្នុងរោងចក្រផងដែរ»។

យោងតាមឯកសារក្រសួងពាណិជ្ជកម្មបានឱ្យដឹងថា វិនិយោគិនកូរ៉េស្ថិតនៅលំដាប់ទី៣ ដោយមានចំនួន២៨៣,៥ លាដុល្លារ ឬស្មើនឹង៨,៨ភាគរយកាលពីឆ្នាំ២០២១។

ទំហំពាណិជ្ជកម្មទ្វេភាគីកម្ពុជាកូរ៉េ នៅក្នុងឆ្នាំ២០២២ មានទឹកប្រាក់សរុប៧៧៨,៩២៤លានដុល្លារ កើនឡើង០,៦ ភាគរយបើធៀបទៅនឹងឆ្នាំ ២០២១៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ការងើបឡើងវិញនៃវិស័យទេសចរណ៍ជំរុញឱ្យការចំណាយលើអចលនទ្រព្យថៃហក់ឡើងខ្ពស់

ដោយ: គង់ លាងហួរ

អន្តរជាតិ: ការស្ទុះងើបឡើងវិញ នៃវិស័យទេសចរណ៍របស់ប្រ ទេសថៃ បានធ្វើឱ្យមានការជះឥទ្ធិពលវិជ្ជមាន ទៅលើតម្រូវការលំនៅឋាន និងការជួសជុលអចលនទ្រព្យ នៅតាមគោលដៅទេសចរ ណ៍សំខាន់ៗ ទូទាំងប្រទេស ក្នុងត្រីមាសទីមួយ ឆ្នាំ ២០២៣ នេះ។ នេះបើតាមការចុះផ្សាយពីសារព័ត៌មាន VNA។

លោក Weerapun Ungsumalee នាយកគ្រប់គ្រងក្រុមហ៊ុន Home Product Center Plc ដែលរកស៊ីទៅលើការតុបតែងគេហ ដ្ឋាន និងហាងបាននិយាយថា កំណើនប្រាក់ចំណូលរបស់ក្រុមហ៊ុន នៅក្នុងត្រីមាសទី១ ឆ្នាំនេះ ត្រូវបានជំរុញដោយការងើបឡើងវិញ នៃឧស្សាហកម្មទេសចរណ៍ ។

មិនតែប៉ុណ្ណោះ លោក Weerapun បានបន្តទៀតថា ការងើបឡើងវិញនៃវិស័យទេសចរណ៍ បាននាំឱ្យមានការកើនឡើងនៃការចំណាយ ទៅលើការជួសជុលអចលនទ្រព្យ និងការកែលម្អតំបន់ទេសចរណ៍សំខាន់ៗ ។

ទន្ទឹមនឹងនេះ លោក Pringprai Nitayanont អគ្គនាយករងនៃក្រុមហ៊ុន Karat Enterprise (Thailand) បាននិយាយថា តម្រូវការសម្រាប់ផលិតផលរបស់ក្រុមហ៊ុនលោក មានការកើនឡើងយ៉ាងខ្លាំង ជាពិសេសនៅខេត្តភូកេត និងប៉ាតាយ៉ា ក្នុងអំឡុងត្រីមាសទីមួយឆ្នាំនេះ ដោយកត់សម្គាល់ឃើញថា អតិថិជនរបស់ខ្លួននៅខេត្តទាំងពីរនេះ បានផ្តោតសំខាន់ទៅលើគម្រោង ដែលមានតម្លៃខ្ពស់ ជាពិសេសសណ្ឋាគារ និងរមណីយដ្ឋាន ដែលបម្រើភ្ញៀវទេសចរបរទេស ។

យ៉ាងណាមិញ លោក Tritecha Tangmatitham ដែលនាយកគ្រប់គ្រងក្រុមហ៊ុនអភិវឌ្ឍលំនៅឋាន Supalai Plc បានមានប្រសា សន៍ថា តម្រូវការលំនៅឋានក្នុងខេត្តផ្សេងៗ បានបន្តកើនឡើង ភាគច្រើន ដោយសារតែការត្រឡប់មកវិញនៃភ្ញៀវទេសចរបរទេស។

ការលក់របស់ក្រុមហ៊ុន Supalai ក្នុងត្រីមាសទី ១ ឆ្នាំ ២០២៣ នេះ បានឈានដល់៩ពាន់លានបាត ពោលគឺបានកើនឡើង ២២% ធៀបនឹងត្រីមាសទី៤ ឆ្នាំ២០២២ និងកើនឡើង ២% ធៀបនឹងរយៈពេលដូចគ្នាកាលពីឆ្នាំមុន៕

Banks eye yuan-baht trade payments

Tactic deals with dollar volatility

The Bank of Thailand is in discussions with China’s central bank over supporting the use of yuan-baht settlement to mitigate foreign exchange risk amid ongoing US dollar volatility.

According to central bank governor Sethaput Suthiwartnarueput, the Bank of Thailand and the People’s Bank of China have held talks over additional cooperation to encourage businesses to use yuan-baht settlement for trade between the two countries.

The Bank of Thailand plans to meet its Chinese counterpart next month to talk about the issue.

In 2021, both central banks
renewed their yuan-baht Bilateral Currency Swap Arrangement (BSA) with the aim of boosting trade and investment in local currencies and strengthening financial cooperation between the two countries.

The BSA is also meant to build private sector confidence in using local currencies for cross-border operations.

Under the local currency settlement framework, the Bank of Thailand has also cooperated with Japan’s Ministry of Finance, Bank Negara Malaysia and Bank Indonesia to support the use of regional currencies for intra-Asian trade and investment, as well as individuals’ payments.

Mr Sethaput said recently the baht has been fluctuating against the dollar because of the Federal Reserve’s monetary policy direction.

Although the baht’s volatility
has been higher than regional peers based on external factors, its levels remain moderate compared with other currencies, he said.

The fluctuation is expected to possibly continue amid global uncertainties, said Mr Sethaput.

Source: Bangkok Post

រដ្ឋាភិបាលវិនិយោគសាងសង់កំពង់ផែក្នុងទំហំទឹកប្រាក់ពាន់លានដុល្លារដើម្បីឱ្យកប៉ាល់ដឹកទំនិញមកពីគ្រប់ប្រទេសចូលចតបាន

ដោយៈវឌ្ឍនៈ

ភ្នំពេញៈ កំពង់ផែស្វយ័តក្រុងព្រះសីហនុ នាពេលបច្ចុប្បន្ននេះ មានសមត្ថភាពឱ្យនាវា ចូលចតតែ១៨ភាគរយ នៃនាវាលើពិភពលោកប៉ុណ្ណោះ។

ហេតុដូច្នេះហើយ រាជរដ្ឋាភិបាលកម្ពុជាបាន និងកំពុងពង្រីកសមត្ថភាពកំពង់ផែឱ្យកាន់តែធំ និងមានជំរៅទឹកកាន់តែជ្រៅ ដែលអាចឱ្យនាវាមកពីគ្រប់ប្រទេស ក៏ដូចជា គ្រប់កំពង់ផែចូលចត ដោយមិនចាំបាច់ផ្ទេរទំនិញនៅកំពង់ផែផ្សេងឡើយ។

ថ្លែងនៅក្នុងពិធីបើកការដ្ឋានសាងសង់ ចំណតផែកុងតឺន័រក្រុងព្រះសីហនុកាលពីព្រឹកថ្ងៃទី១ ឧសា ២០២៣ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជា ឆ្នាំ២០២៩បានមានប្រសាសន៍ថា ចំណតកុងតឺន័រថ្មីជំហានទី៣ ប្រវែង៤៣០ម៉ែត្រ ជាមួយជំរៅ១៧,៥ម៉ែត្រ នឹងសង់រួចរាល់នាពេលខាងមុខ ហើយពេលនោះ កម្ពុជានឹងដូចគេដូចឯងលើពិភពលោក ដែលមានន័យថានាវាធំៗអាចចូលចតនៅកំពង់ផែក្រុងព្រះសីហនុបាន ។

សម្ដេចតេជោបន្តថា “មុនពេលដែលកំពង់ផែ ក្រុងព្រះសីហនុ ត្រូវបានពង្រីក ជំរៅទឹកមានត្រឹមតែជាង៨ម៉ែត្រប៉ុណ្ណោះ”។ សម្តេចបញ្ជាក់ថា “ក្រោយមកជប៉ុន បានជួយអភិវឌ្ឍន៍កំពង់ផែនេះ ឱ្យមានជំរៅ៩,២ម៉ែត្រ ប៉ុន្តែជំរៅទឹក៩,២ម៉ែត្រនេះ គឺកំពង់ផែមានសមត្ថភាពទទួលនាវាបានតែ១៨ភាគរយប៉ុណ្ណោះ ដូច្នេះតម្លៃដឹកជញ្ជូនត្រូវខាត២០០ដុល្លារក្នុងមួយ TEU”។

សម្ដេចតេជោហ៊ុន សែនបានបន្តថា ឆ្នាំ២០២៤ខាងមុខនេះ ផែកុងតឺន័រប្រវែង ៣៥០ម៉ែត្រដែលយើង បានបើកការដ្ឋាននៅពេលនេះ នឹងរួចរាល់ ហើយកំណើនកុងតឺន័រ មកដល់កំពង់ផែនេះ នឹងកើនឡើងបន្ថែម តែនាវាដែលអាចចូលចតបាន ក៏នៅត្រឹមតែ១៨ភាគរយនៃនាវាលើពិភពលោកដដែល។

សម្តេចបន្ថែមថា ដូច្នេះហើយទើប យើងត្រូវពង្រីកកំពង់ផែទឹកជ្រៅដែលមានជំរៅទឹក ដល់ទៅ១៤,៥ម៉ែត្រ ដែលអាចឱ្យនាវាចូលចតបាន៩៣ភាគរយ នៃនាវាលើពិភពលោកនៅឆ្នាំ២០២៦ ។

សម្ដេចតេជោបន្ថែមថា រហូតដល់ឆ្នាំ២០២៨ កំពង់ផែកុងតឺន័រជំហានទី២ ប្រវែង៤០០ម៉ែត្រ និងជំរៅទឹក១៦,៥ម៉ែត្រ នឹងសាងសង់រួចរាល់ ហើយនាវាដែលមកពីកំពង់ផែ ក្នុងតំបន់អាស៊ីប៉ាស៊ីហ្វិកនឹងអាចចូលចត នៅកំពង់ផែស្វយ័តក្រុងព្រះសីហនុ បានទាំងអស់ ។ ឆ្នាំ ២០២៩ កំពង់ផែកុងតឺន័រថ្មីជំហានទី៣ ប្រវែង៤៣០ម៉ែត្រ ជាមួយជំរៅទឹក១៧,៥ម៉ែត្រនឹងរួចរាល់ ដែលអាចឱ្យនាវាមកពីកំពង់ផែលើពិភពលោកចូលចតបានទាំងអស់ ហើយពេលនោះកម្ពុជាដូចគេដូចឯងលើពិភពលោកតែម្ដង ។

បើតាមលោកលូ គឹមឈន់ អគ្គនាយកកំពង់ផែស្វយ័តក្រុងព្រះសីហនុបានលើកឡើងផងដែរថា ទោះបីជាស្ថិតនៅក្នុងវិបត្តិកូវីដ១៩ក្ដី តែសកម្មភាពកំពង់ផែស្វយ័តក្រុងព្រះសីហនុ នៅតែមានភាពមមាញឹក ដោយទទួលបាននាវាមកពីខាងក្រៅ ខណៈការនាំចេញនាំចូលនៅតែបន្តដដែល៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

China manufacturing activity unexpectedly cools in April

BEIJING: China’s manufacturing activity unexpectedly shrank in April, official data showed on Sunday (Apr 30), raising pressure on policymakers seeking to boost an economy struggling for a post-COVID lift-off amid subdued global demand and persistent property weakness.

The official manufacturing purchasing managers’ index (PMI) was 49.2, down from 51.9 in March, according to data from the National Bureau of Statistics, below the 50-point mark that separates expansion and contraction in activity on a monthly basis.

That missed expectations of 51.4 tipped by economists in a Reuters poll, and marked the first contraction since December last year, when the official manufacturing PMI was at 47.0.

The world’s second-biggest
economy grew faster than expected in the first quarter thanks to robust services consumption, but factory output has lagged amid weak global growth. Slowing prices and surging bank savings are raising doubts about demand.

China’s economy grew at a faster-than-expected pace in the first quarter thanks to robust services consumption, but factory output has lagged amid weak global growth. Slowing prices and surging bank savings are raising
doubts about demand.

The Politburo, a top
decision-making body of the ruling Communist Party, on Friday stressed that restoring and expanding demand is the key to a durable recovery and cautioned the current improvement is mainly restorative “with weak momentum and insufficient demand”.

“A lack of market demand and the high-base effect from the quick manufacturing recovery in the first quarter” were among factors that led to the contraction in April, said senior NBS statistician Zhao Qinghe.

New export orders nudged down to 47.6 from 50.4 in March, the PMI showed.

The manufacturing sector, which provides jobs to about 18 per cent of those employed nationwide, remains under pressure due to slack global demand. Some exporters told Reuters at the country’s biggest trade fair they have frozen investments and some cut labour costs in response.

Source: Reuters

តើស៊ីហ្គេមនៅកម្ពុជាមានកីឡាចំនួនប៉ុន្មានប្រភេទ និងរៀបចំនៅរាជធានីខេត្តចំនួន៤

ដោយៈ ហ្វីអូណា

ភ្នំពេញៈ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិ រៀបចំការប្រកួតកីឡាស៊ីហ្គេម លើកទី៣២ (CAMSOC) នៅថ្ងៃទី២៨ ខែមេសា ឆ្នាំ២០២៣ បានបញ្ជាក់ឲ្យដឹងថា ការប្រកួតកីឡាស៊ីហ្គេម មានសរុបចំនួន៣៧ប្រភេទកីឡា ក្នុងរាជធានីភ្នំពេញ និងខេត្តចំនួន៤ រួមមាន៖ ព្រះសីហនុ, កែប, កំពត និងសៀមរាប។

ការបញ្ជាក់ឲ្យដឹងបែបនេះ របស់សម្ដេចពិជ័យសេនា ទៀ បាញ់ ធ្វើឡើងក្នុងឱកាស អញ្ជើញចូលរួមសន្និសីទសារព័ត៌មាន ស្តីពី ព្រឹត្តិការណ៍ស៊ីហ្គេម នៅពហុកីឡដ្ឋានជាតិមរតកតេជោ នារសៀលថ្ងៃទី២៨ ខែមេសា ឆ្នាំ២០២៣។

សម្ដេចពិជ័យសេនា ទៀ បាញ់ បានបញ្ជាក់ថា “ជារួមយើងមានប្រភេទកីឡាចំនួន៣៧ ប៉ុន្ដែមណ្ឌល ឬក៏ទីតាំងសម្រាប់ប្រកួត បែងចែកចំនួនប៉ុន្មានទីតាំងបន្ថែម រួមជាមួយនឹងខេត្តចំនួន៤ បន្ថែមទៀត រួមមាន៖ ខេត្ដព្រះសីហនុ, ខេត្តកែប, ខេត្ដកំពត និងខេត្ដសៀមរាប”។

សម្ដេចពិជ័យសេនា ទៀ បាញ់ បានលើកឡើងថា ប្រភេទកីឡានេះ បែងចែកចំនួន៣៧ប្រភេទកីឡា ប៉ុន្ដែវិញ្ញាសារមានរហូតទៅដល់៥៨៦វិញ្ញាសារ។ ដូច្នេះកិច្ចការងារនេះបែងចែក ទៅតាមទីតាំងមួយចំនួន ដើម្បីធ្វើការប្រកួត និងចំពោះពេលវេលា គឺមានការផ្សព្វផ្សាយយ៉ាងច្បាស់លាស់។

សម្ដេចពិជ័យសេនា បានបញ្ជាក់ថា ការរៀបចំរបស់កម្ពុជា គឺមានការលក្ខណៈធំធេង សូម្បីតែមេដាយ គឺបានរៀបចំធ្វើរហូតដល់៥១៥១មេដាយ គិតមកដល់សព្វថ្ងៃនេះ ដែលគិតទាំងមេដាយមាស មេដាយប្រាក់ និងមេដាយសំរិទ្ធ ដើម្បីបំពាក់ដល់ជ័យលាភី ដែលទទួលបានមេដាយ តាមចំនួនវិញ្ញាសារប្រភេទកីឡានីមួយៗ។

ទន្ទឹមគ្នានេះ សម្ដេចពិជ័យសេនា ទៀ បាញ់ បានគូសបញ្ជាក់ថា ចំនួនប្រភេទកីឡា ដែលមានចំនួនច្រើនជាងគេ គឺនៅមជ្ឈមណ្ឌលជ្រោយចង្វារOCIC រាជធានីភ្នំពេញ ដែលមានប្រភេទកីឡា រហូតដល់ចំនួន១៣ប្រភេទកីឡា។

ជាមួយគ្នានេះ លោកវ៉ាត់ ចំរើន អគ្គលេខាធិការ CAMSOC និងគណៈកម្មាធិការជាតិអូឡាំពិកកម្ពុជា (NOCC) បានឲ្យដឹងថាចំនួនប្រភេទកីឡា ដែលប្រកួតនៅពហុកីឡដ្ឋានមរតកតេជោ មានចំនួន៩កីឡា រួមមាន៖ អត្ដពលកម្ម, ហុកគី, វាយសី, យុទ្ធគុណ (អានីស ជូជីតស៊ូ ឃីកបុកស៊ីង គុនល្បុក្កតោ គុនខ្មែរ វ៉ូវីណាម), បាល់បោះ, វាយកូនបាល់, វាយកូនឃ្លីលើតុ, ហែលទឹក។

ប្រភេទកីឡាទាំង៣៧នេះ រួមមាន ១ អត្ដពលកម្ម, ២៖ ហែលទឹក, ៣៖ វាយសី, ៤៖ បាល់បោះ, ៥៖ ប៊ីយ៉ា និងស្នូកឃឺ, ៦៖ ប្រដាក់សកល, ៧៖ អុកចិន និងអុកចត្រង្គ, ៨៖ គ្រិតឃីត, ៩៖ ជិះកង់, ១០៖ កីឡារាំ, ១១៖ កីឡាអេឡិចត្រូនិក, ១២៖ គុនដាវ, ១៣៖ ហ្លូរប៊ល, ១៤៖ បាល់ទាត់, ១៥៖ វាយកូនហ្គោល, ១៦៖ កាយសម្ព័ន្ធ, ១៧៖ ហុកគី, ១៨៖ ម៉ូតូទឹក, ១៩៖ យូដូ, ២០៖ ការ៉ាតេ, ២១៖ យុទ្ធគុណ, ២២៖ កីឡាឧបសគ្គ, ២៣៖ បញ្ចាសីលា, ២៤៖ ប៉ែតង់, ២៥៖ ទូកក្ដោង, ២៦៖ សីដក, ២៧៖ សូហ្វតិន្នីស, ២៨៖ វាយកូនឃ្លីលើតុ, ២៩៖ តេក្វាន់ដូ, ៣០៖ វាយកូនបាល់, ៣១៖ ប្រណាំងទូកនាគ, ៣២៖ ទ្រីយ៉ាត្លុង, ៣៣៖ បាល់ទះ, ៣៤៖ លើកទម្ងន់, ៣៥៖ ចំបាប់, ៣៦៖ វូស៊ូ និងទី៣៧៖ កីឡាបង្ហាញ បាល់ទាត់លើតុ។

ការធ្វើជាម្ចាស់ផ្ទះ នៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម គឺជាមោទនភាព និងមុខមាត់សម្រាប់ប្រទេស និងប្រជាជនកម្ពុជាទាំងមូល ដែលបានរង់ចាំអស់រយៈពេល៦៤ឆ្នាំមកហើយ។ SEA Games: ចាប់ផ្តើមពីថ្ងៃទី៥-១៧ ខែឧសភា ឆ្នាំ២០២៣ និង ASEAN Para Games: ចាប់ផ្តើមពីថ្ងៃទី៣-៩ ខែមិថុនា ឆ្នាំ២០២៣៕