សារពត៌មានដ៏ធំបំផុតលើពិភពលោក Reuters ចុះផ្សាយពីបុរសម្នាក់នៅកម្ពុជាដែលកែច្នៃសំបកគ្រាប់កាំភ្លើងជាគ្រឿងអលង្ការ

ដោយ: គង់ លាងហួរ
ភ្នំពេញ: ជារៀងរាល់សប្តាហ៍ ជាងមាសកម្ពុជាលោក ធឿន ចន្ថា បានប្រែក្លាយសំបកគ្រាប់កាំភ្លើងប្រហែលប្រាំគីឡូក្រាម AK-47 និង M-16 ទៅជាគ្រឿងអលង្ការ។

យោងតាមការចុះផ្សាយដោយសារពត៌មាន Reuters បានឱ្យដឹងថា អស់រយៈពេលជាងពីរទសវត្សរ៍មកហើយ បុរសវ័យ៤២ឆ្នាំរូបនេះ ដែលឪពុករបស់លោកត្រូវបានគេសម្លាប់ក្នុងអំឡុងសង្រ្គាមជាច្រើនឆ្នាំនៅក្នុងប្រទេសកម្ពុជាបានបើកសិក្ខាសាលាមួយដើម្បីប្រែក្លាយនិមិត្តសញ្ញានៃអំពើហិង្សាទៅជាអ្វីដែលលោកហៅថាជាវត្ថុសិល្បៈដែលអាចពាក់បាន។

ដោយសារតែការឈឺចាប់ ក្រោយក្លាយខ្លួនជាក្មេងកំព្រាដោយសារគ្រាប់កាំភ្លើងឆក់យកនូវសុភមង្គលរបស់ក្រុមគ្រួសារ រួមផ្សំ នឹងជំនាញផ្នែកច្នៃគ្រឿងអលង្ការដែលខ្លួនមានផង បុរសម្នាក់នេះ ក៏បានចាប់យកមុខរបរជាអ្នកកែច្នៃកម្ទេចសំបកគ្រាប់កាំភ្លើង មកធ្វើជាគ្រឿងអលង្ការ ។

លោកបានមានប្រសាសន៍ថា “ខ្ញុំជាជនរងគ្រោះក្នុងសង្គ្រាមក្នុងនាមជាជនជាតិខ្មែរដែលបានបាត់បង់សមាជិកគ្រួសារក្នុងនោះ ហើយពេលនេះពិភពលោកក៏កំពុងមានសង្គ្រាមផងដែរ”។

លោកបានបន្តថា“ខ្ញុំធ្វើនេះដើម្បីបង្ហាញថាពិភពលោកមិនចង់បានសង្រ្គាមនោះទេ.. យើងទាំងអស់គ្នាចង់បានសន្តិភាព”។ គ្រាប់កាំភ្លើងត្រូវបានប្រមូលពីកន្លែងបាញ់ប្រហារ និងកន្លែងហ្វឹកហ្វឺនយោធាជុំវិញរាជធានីភ្នំពេញ។

ទោះយ៉ាងណាក៏ដោយ ក្នុងរយៈពេលនៃការចាប់ផ្តើមដំណើរការសិប្បកម្មច្នៃសំបកគ្រាប់កាំភ្លើង ទៅជាគ្រឿងអលង្ការរបស់លោក ដែលមានឈ្មោះថា Angkor Bullet Jewellery នេះ ទើបនឹងទទួលបានការគាំទ្រខ្លាំង ក្នុងរយៈកាលប៉ុន្មានឆ្នាំចុងក្រោយប៉ុណ្ណោះ៕

សម្ដេចតេជោប្រតិកម្មចំពោះអ្នករៀបចំលក់សំបុត្រចូលរួមក្នុងពិធីបើកនិងបិទក្នុងព្រឹត្តិការណ៍ប្រកួតកីឡាស៊ីហ្គេម

ភ្នំពេញ ៖ ក្នុងរយៈពេលប៉ុន្មានថ្ងៃនេះ មានការចែកចាយផ្សព្វផ្សាយ ពីតម្លៃសំបុត្រចូលទស្សនាក្នុងពិធីបើកព្រឹត្តិការណ៍ប្រកួតកីឡាស៊ីហ្គេមដោយពលរដ្ឋមួយចំនួនបានលើកឡើងថាតម្លៃសំបុត្រនេះគឺថ្លៃហួសពេក ដែលពួកគេមិនអាចចូលរួមក្នុងព្រឹត្តិការណ៍នេះបាន ។

នៅរសៀលថ្ងៃទី៣០ មីនា ២០២៣នេះ សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានប្រតិកម្មទៅនឹងតម្លៃសំបុត្រនេះផងដែរ ហើយសម្ដេចក៏បានប្រកាសមិនយល់ព្រម និងប្រកាសមិនឱ្យលក់សំបុត្រជាដាច់ខាត ។

សម្ដេចតេជោមានប្រសាសន៍ថា រាជរដ្ឋាភិបាលបានចំណាយប្រាក់ទាំងមូលដ្ឋានសម្ភារៈ បច្ចេកទេសក៏ដូចជាជំនួយពីមិត្តចិនក្នុងការកសាងពហុកីឡាដ្ឋានជាតិសម្រាប់ការប្រកួតកីឡាស៊ីហ្គេមនេះ និងបានចំណាយថវិកាជាច្រើនក្នុងការកសាងហេដ្ឋារចនាសម្ព័ន្ធដទៃទៀត រាប់រយលានដុល្លារ និងចំណាយពេលជាច្រើនឆ្នាំទំរាំកើតចេញជារូបរាងនៃការប្រកួតនេះ ។

សម្ដេចប្រកាសមិនយល់ព្រមជាដាច់ខាតក្នុងការលក់សំបុត្រទាំងការបើកនិងបិទព្រឹត្តិករណ៍ ក៏ដូចជាការប្រកួតកីឡាផ្សេងៗទៀតនៃការព្រឹត្តិការណ៍ស៊ីហ្គេម ។សម្ដេចថា អ្នករៀបចំលក់សំបុត្រនេះ គឺមិនបានឆ្លងការអនុញ្ញាតណាមួយពីសម្ដេចពិជ័យសេនា និងរឹតតែមិនបានឆ្លងសម្ដេចតេជោផ្ទាល់តែសោះក្នុងឋានៈជានាយករដ្ឋមន្ត្រីនៃព្រះរាជាណាចក្រកម្ពុជា ។

សម្ដេចតេជោបានដាក់ចេញនូវបទបញ្ជា មិនអនុញ្ញាតឱ្យមានការលក់សំបុត្រទាំងក្នុងពេលបើក និងពេលបិទ ដោយអនុញ្ញាតឱ្យបងប្អូនពលរដ្ឋចូលទស្សនាដោយសេរី ដោយមិនមានការបង់ប្រាក់ ហើយសម្រាប់ការប្រកួតកីឡាតាមប្រភេទកីឡានីមួយៗ ក៏មិនត្រូវអនុញ្ញាតឱ្យលក់សំបុត្រដែរ ។ បើសិនជាមានក្រុមណាមួយលក់សំបុត្រ នឹងត្រូវទទួលខុសត្រូវចំពោះមុខនាយករដ្ឋមន្ត្រី ឬចំពោះមុខច្បាប់ទៀតផង ។

សម្ដេចតេជោបញ្ជាក់ថា យើងបានចំណាយនិងធ្វើការងារនេះច្រើនណាស់ ប៉ុន្តែត្រូវចាំពាក្យថា ធ្វើបុណ្យ១០០សំពៅ ទោសមួយចូលទៅរលាយបាត់អស់ ជាក់ស្ដែងយើងបានចាយលុយរាប់រយលានដុល្លារ តែយើងបែរជាមកលក់សំបុត្រឱ្យជនជាតិខ្លួនឯងចូលទស្សនា តើបានប៉ុន្មានទៅ ហើយបើអ្នកទាំងអស់គ្នាចង់បានលុយសូមមកយកពីខ្ញុំ ។

សម្ដេចតេជោក៏កំពុងស្វែងរកផងដែរថា អ្នកណាជាអ្នកទទួលខុសត្រូវលើការផ្សព្វផ្សាយលក់សំបុត្រទាំងចូលទស្សនាពេលបើក និងពេលបិទ ហើយនេះមិនមែនជាបញ្ហាលេងសើចឡើយ តែជាការទទួលខុសត្រូវរបស់រដ្ឋាបាល ៕

Alibaba will split into six units, reshaping Jack Ma’s business empire

Alibaba on Tuesday said it plans to split its business into six separate units, in a move that promises to radically reshape the sprawling Chinese e-commerce firm that Jack Ma founded nearly 25 years ago.

Each new business unit will be overseen by its own chief executive and board of directors, the company said. Five of the new business groups “will also have the flexibility to raise outside capital and potentially to seek its own IPO,” according to a company statement on Tuesday.

The major restructuring at one of China’s most iconic companies comes one day after Ma made a rare public appearance in the country and as Beijing has signaled that its regulatory pressure on the internet industry may be coming to an end.

Ma, once an outspoken billionaire in the country, has kept a very low profile since the Chinese government began a fierce crackdown on the tech sector more than two years ago.

In November 2020, Ant Group — a financial affiliate of Alibaba also founded by Ma — was forced to pull its $37 billion IPO at the last minute following a speech from Ma in which he criticized China’s banks and financial regulators. The next year, Alibaba was hit with a record fine from China’s antitrust regulators.

Source: CNN

សម្ដេចតេជោ ៖ ការវិនិយោគក្នុងវិស័យអចលនទ្រព្យ ឆ្នាំខ្លះបានមកពីវិនិយោគិនក្នុងស្រុកស្ទើរទាំងស្រុង

ដោយ៖ វឌ្ឍនៈ

ភ្នំពេញ ៖ ថ្លែងនៅក្នុងពិធីប្រគល់វិញ្ញាបនបត្រនិងសញ្ញាបត្រ ជូននិស្សិតនៃវិទ្យាស្ថានជាតិ ពាណិជ្ជសាស្ត្រនៅព្រឹកថ្ងៃទី៣០ មីនា ២០២៣ នៅមជ្ឈមណ្ឌលសន្និបាតនិងពិព័រណ៍កោះពេជ្រ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា ការវិនិយោគលើអចលនទ្រព្យក្នុងប្រទេសកម្ពុជា នៅឆ្នាំខ្លះភាគច្រើនបានមកពីអ្នកវិនិយោគក្នុងស្រុក ដូច្នេះយើងទទួលអ្នកវិនិយោគពីខាងក្រៅក៏មិនភ្លេចអ្នកវិនិយោគក្នុងស្រុកដែរ ។

សម្ដេចតេជោបន្តថា នៅពេលកម្ពុជាមានធនធានមនុស្ស និងមានអ្នកជំនាញកាន់តែច្រើន អ្នកវិនិយោគទាំងនៅក្នុងស្រុក និងមកពីខាងក្រៅ ក៏កាន់តែច្រើននឹងចូលមកបណ្ដាក់ទុនវិនិយោគ នៅក្នុងប្រទេសកម្ពុជា ហើយកម្ពុជាមិនមែនចង់បានតែអ្នកវិនិយោគពីខាងក្រៅប្រទេសនោះទេ តែយើងកុំភ្លេចផងដែរថា ការវិនិយោគនៅកម្ពុជា ឆ្នាំខ្លះមានទំហំធំបានមកពីវិនិយោគិនក្នុងស្រុក ជាពិសេសក្នុងវិស័យអចលនទ្រព្យ ។

សម្ដេចតេជោហ៊ុនសែនបន្តថា វិស័យអចលនទ្រព្យឆ្នាំខ្លះ សឹងតែ១០០ភាគរយ បានមកពីការវិនិយោគក្នុងស្រុក ដែលពួកគេត្រូវទទួលបន្ទុក ទៅលើការវិនិយោគអចលនទ្រព្យជាពិសេសលំនៅឋានតែម្ដង ។ បន្ថែមពីនេះ អ្នកវិនិយោគក្នុងស្រុករបស់យើង ក៏បានចាប់ដៃគូជាមួយអ្នកវិនិយោគពីខាងក្រៅប្រទេសដើម្បីអភិវឌ្ឍន៍ ជាក់ស្ដែងការផលិតស៊ីម៉ង់ ដោយបច្ចុប្បន្ននេះ កម្ពុជាបានផលិតស៊ីម៉ង់ដោយខ្លួនឯងប្រមាណជា៩លានតោន ដែលមុននេះ កម្ពុជានាំចូលស៊ីម៉ង់ពីខាងក្រៅ១០០ភាគរយ ។

សម្ដេចតេជោបន្ថែមថា ស៊ីម៉ង់ដែលកម្ពុជាផលិតបាន៩លានតោន មិនទាន់គ្រប់គ្រាន់ទៅតាមតម្រូវការនោះទេ ពីព្រោះសន្ទុះនៃការប្រើប្រាស់ស៊ីម៉ង់មានច្រើនណាស់ទាំងលំនៅឋាន អគារខ្ពស់ និងសូម្បីតែផ្លូវតាមភូមិមួយចំនួនក៏ចាក់បេតុងដែលត្រូវប្រើស៊ីម៉ង់ដែរ ដូច្នេះហើយទើបធ្វើឱ្យតម្រូវការស៊ីម៉ង់កាន់តែច្រើន ។
សម្ដេចតេជោបន្ថែមទៀតថា ដើម្បីឆ្លើយតបនឹងការវិនិយោគពីខាងក្រៅ និងខាងក្នុង កម្ពុជា ត្រូវការអ្នកជំនាញបច្ចេកទេសបន្ថែមទៀត ហើយសម្ដេចក៏បានជំរុញឱ្យក្រសួងការងារនិងបណ្ដុះបណ្ដាលវិជ្ជាជីវៈ ត្រូវបណ្ដុះបណ្ដាលធនធានមនុស្សចំនួន១,៥លាននាក់ដើម្បីត្រៀមការកើនឡើងនៃការវិនិយោគថ្មីៗ នៅក្នុងប្រទេសកម្ពុជា ។

ពាក់ព័ន្ធនឹងការវិនិយោគលើវិស័យអចលនទ្រព្យក្នុងប្រទេសកម្ពុជានេះដែរ ជាការកត់សម្គាល់ក្នុងអំឡុងវិបត្តិកូវីដ១៩ ការវិនិយោគលើវិស័យនេះ ភាគច្រើនគឺការវិនិយោគពីអ្នកវិនិយោគក្នុងស្រុកដូចជាការអភិវឌ្ឍលនៅឋាន ខុនដូតម្លៃសមរម្យ និងការវិនិយោគលើដីឡូត៏ជាដើម ៕

ក្រសួងទេសចរណ៍កំពុងសិក្សារៀបចំកញ្ចប់ទេសចរណ៍ពិសេស ដើម្បីទាក់ទាញភ្ញៀវទេសចរទៅកាន់ខេត្តសៀមរាប

ដោយ: គង់ លាងហួរ
ភ្នំពេញ: លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាបបានមានប្រសាសន៍ក្នុងសន្និសីទសារព័ត៌មានកាលពីថ្ងៃទី២៩ ខែមីនា នៅទីស្តីការគណៈរដ្ឋមន្ត្រីថា ពាក់ព័ន្ធនឹងការរៀបចំ និងគ្រប់គ្រងតំបន់ចុងឃ្នាស ដែលពីមុនជាកម្មសិទ្ធិរបស់ក្រុមហ៊ុន និងប្តូរទៅជារបស់រដ្ឋ ដោយមានវិទ្យាស្ថានអង្គរជាបុគ្គលិកទទួលបន្ទុករៀបចំការគ្រប់គ្រងតំបន់ចុងឃ្នាស។

កាលពីមុន ការរៀបចំត្រូវបានកំណត់ត្រឹម៧ដុល្លារក្នុងម្នាក់ ទាំងភ្ញៀវបរទេស និងខ្មែរ ហើយក្រោយមកបានគិតឡើងវិញ ក៏ដូចជាពីវិស័យឯកជនផងដែរ។ រដ្ឋាភិបាល និងវិទ្យាស្ថានអង្គរពីរដ្ឋបាលខេត្តបានរៀបចំកញ្ចប់សារជាថ្មី ដែលរួមមានទូកតូច មធ្យម និងទូកធំ។

ចាប់ពីថ្ងៃទី២៩ ខែកញ្ញា ឆ្នាំ២០២២ នាយកដ្ឋានបានកំណត់តម្លៃសំបុត្រនៅតំបន់ចុងឃ្នាសជាកញ្ចប់សាឡាងតូចមួយ២៨ដុល្លារសម្រាប់ភ្ញៀវចាប់ពី១ទៅដល់៥នាក់ និង៣៨ដុល្លារសម្រាប់ភ្ញៀវចាប់ពី៦ទៅ៨នាក់។

ដោយឡែកទូកធំៗអាចផ្ទុកមនុស្សបានពី២៦ទៅ៣៥នាក់ មានតម្លៃ១៥០ដុល្លារ និង១៨០ដុល្លារក្នុងមួយជើង ចាប់ពី៣៦ ទៅ៥០នាក់ ដែលនេះជាតម្លៃដែលកំណត់ដោយវិទ្យាស្ថានអង្គរ។

លោកបានបន្តទៀតថា នៅតំបន់បឹងទន្លេសាប នាពេលខាងមុខ នឹងមានអង្គភាពគ្រប់គ្រងបឹងទន្លេសាប ដែលមានរចនាសម្ព័ន្ធរហូតដល់៥ការិយាល័យ ដើម្បីរៀបចំតំបន់បឹងនេះ។

សក្ដានុពលនៃបឹងទន្លេសាបគឺ៥០%នៃភ្ញៀវទេសចរដែលទៅលេងបឹងទន្លេសាបច្រើនជាងនៅតំបន់ចុងឃ្នាស ដែលចំណាយពេលត្រឹមតែ១៥នាទីប៉ុណ្ណោះដើម្បីទៅដល់ទីនោះ។

ដំណើរកំសាន្តក៏រីករាយជាមួយតំបន់សហគមន៍នៅតំបន់ជ្រាវក៏ត្រូវបានគេហៅថាសហគមន៍អេកូទេសចរណ៍បឹងពារាំង វាក៏មានសត្វជាច្រើននៅតំបន់ទេសចរណ៍សហគមន៍កំពង់ភ្លុក សហគមន៍ទេសចរណ៍កំពង់ឃ្លាំង និងនៅស្រុកពួក ក្នុងសហគមន៍ទេសចរណ៍មេជ្រៃ ដែលអាចតភ្ជាប់ ទៅព្រែកទាល់ត្រឹមតែ១ម៉ោង៕

China Railway Urban Construction Group នឹងក្លាយជាក្រុមហ៊ុនសាងសង់គម្រោងគីរីផាក រេស៊ីដិន និងរីសតរបស់ក្រុមហ៊ុន Han Thong Investment

ភ្នំពេញ/ខេត្តព្រះសីហនុ – ថ្ងៃទី 27 ខែមីនា ឆ្នាំ 2023 – ក្រុមហ៊ុន Han Thong Investment ដែលជាក្រុមហ៊ុនអភិវឌ្ឍ ដ៏លេចធ្លោមួយនៅកម្ពុជា បានប្រកាសថាក្រុមហ៊ុន China Railway Urban Construction Group នឹងជាអ្នកម៉ៅការសាងសង់ទាំងស្រុងសម្រាប់គម្រោងអភិវឌ្ឍ គីរីរីផាក រេស៊ីដិន និងរីសតរបស់ខ្លួន។ ប្រធានក្រុមប្រឹក្សាភិបាលនៃក្រុមហ៊ុន Han Thong Investment ឧកញ៉ា លីម លាង មានគោលបំណងបង្កើតនូវបទពិសោធន៍ដ៏ប្លែក និងមិនអាចបំភ្លេចបានសម្រាប់ភ្ញៀវដែលចង់គេចចេញពីភាពអ៊ូអរ ស្មុគស្មាញនៅក្នុងទីក្រុង និងចង់ចំណាយពេលវេលាកម្សាន្ត និងរីករាយជាមួយនឹងធម្មជាតិដ៏ស្រស់បំព្រងនៃបរិស្ថានជុំវិញ។

ឧកញ៉ា លីម លាងបានឱ្យដឹងថា គម្រោងរីសតនេះ នឹងរៀបចំឡើងសម្រាប់អ្នកដែលស្រឡាញ់ និងចូលចិត្តការរស់នៅជាមួយធម្មជាតិ។ គ្រប់គ្នាអាចស្រមៃថាទីនេះជារមណីយដ្ឋាន ជាកន្លែងដែលភ្ញៀវទាំងអស់អាចផ្តាច់ខ្លួនចេញពីភាពតានតឹងនៃជីវិតដ៏មមាញឹក និងភ្ជាប់ទំនាក់ទំនងជាមួយធម្មជាតិឡើងវិញ ។ ឧកញ៉ា លីម លាងមានគោលបំណងបង្កើតបរិយាកាសប្រកបដោយផាសុកភាព និងភាពស្ងប់ស្ងាត់ ដែលលើកកម្ពស់ដល់ការរស់នៅដែលអាចសម្រាកលំហែផ្លូវកាយ ភាពស្រស់ស្រាយផ្លូវចិត្ត និងសុខុមាលភាព សុខភាពនៅក្នុងគម្រោងនេះ ដើម្បីផ្តល់ជូនភ្ញៀវនូវបទពិសោធន៍ធម្មជាតិពិតៗ និងសម្បូរបែប។

គីរីរីផាក រេស៊ីដិន និងរីសត មានទីតាំងនៅភូមិស្ទឹងឆាយ ឃុំស្ទឹងឆាយ ស្រុកកំពង់សិលា និងគ្របដណ្ដប់លើផ្ទៃដីជាង ៣០០ ហិកតា។ ទីតាំងគម្រោងនេះស្ថិតនៅច្រកចេញទី 6 នៃផ្លូវល្បឿនលឿនភ្នំពេញ-ព្រះសីហនុ ផ្តល់ភាពងាយស្រួលដល់ភ្ញៀវមកពីគ្រប់តំបន់។ ការអភិវឌ្ឍនេះគឺជាទីតាំងដ៏ល្អសម្រាប់ការបង្កើតចំណងមិត្តភាព និងការបណ្តុះបណ្តាលផ្សេងៗ ព្រមទាំងផ្តល់ជូននូវសកម្មភាពសម្រាប់ក្រុមគ្រួសាររីករាយជាច្រើននៅក្នុងបរិយាកាសធម្មជាតិដ៏ស្រស់បំព្រង។

China Railway Urban Construction Group គឺជាក្រុមហ៊ុនបុត្រសម្ព័ន្ធរបស់ China Railway Construction Corporation Limited (CRCC) ដែលជាក្រុមហ៊ុនលំដាប់កំពូលមួយក្នុងចំនោមក្រុមហ៊ុនធំកំពូលទាំង3លើតារាង Engineering News-Record’s (ENR) Top 250 Global Contractors និងជាប់ចំណាត់ថ្នាក់ទី 58 ក្នុងចំណោមក្រុមហ៊ុន Fortune Global 500. ជាមួយនឹងប្រតិបត្តិការនៅក្នុងប្រទេស និងតំបន់ជាង 110 នៅទូទាំងទ្វីបទាំងប្រាំមួយ ក្រុមហ៊ុនសំណង់នេះបានប្តេជ្ញាចិត្តក្នុងការផ្តល់នូវប្រតិបត្តិការពោរពេញដោយឧត្តមភាព និងការបង្កើតសហគមន៍ប្រកបដោយនិរន្តរភាព។ អ្នកគ្រប់គ្រងទូទៅនៃក្រុមហ៊ុន China Railway Urban Construction Group លោក Luo Jiang Bo បានបង្ហាញពីមោទកភាពរបស់គាត់ដែលត្រូវបានជ្រើសរើសជាអ្នកសាងសង់សម្រាប់គម្រោងគីរីផាក និងការប្តេជ្ញាចិត្តរបស់គាត់ក្នុងការផ្តល់នូវបទពិសោធន៍ដ៏អស្ចារ្យសម្រាប់អ្នកមកកាន់គម្រោងនេះ។

គីរីផាកនឹងមានបរិក្ខាររស់នៅប្រណិតៗជាច្រើនសម្រាប់សកម្មភាពផ្សេងៗ រួមទាំងកន្លែងកម្សាន្តជាច្រើន ការបង្កើតចំណងមិត្តភាពជាមួយមិត្តរួមការងារ ប្រកបដោយសុខុមាលភាព និងផាសុខភាព និងសកម្មភាពបង្កើនភាពរីករាយសម្រាប់ក្រុមគ្រួសារជាដើម។ យើងមានគោលដៅក្នុងការអភិវឌ្ឍទីកន្លែងដែលបង្កើននូវភាពស្និទ្ធិស្នាលរវាងក្រុមគ្រួសារ មិត្តរួមការងារ មិត្តភក្តិ ដែលស្វែងរកបទពិសោធការរស់នៅពោរពេញដោយភាពឯកជន និងភាពកក់ក្ដៅ។ ជាមួយនឹងស្នាដៃដ៏គួរឱ្យចាប់អារម្មណ៍ជាច្រើនរបស់ក្រុមហ៊ុន China Railway Urban Construction Group និងការប្តេជ្ញាចិត្តដូចគ្នា នោះគឺការផ្តល់នូវភាពល្អឥតខ្ចោះ ក្រុមហ៊ុន Han Thong Investment មានក្ដីរំភើបក្នុងការចាប់ដៃគូជាមួយគ្នាដើម្បីនាំមកនូវការអភិវឌ្ឍដ៏គួរជាទីមោទកនេះ។

ក៏ដូចគ្នាជាមួយនឹងក្រុមហ៊ុន China Railway Urban Construction Group ក្រុមហ៊ុន Han Thong Investment មានទំនុកចិត្តក្នុងការសម្រេចបាននូវចក្ខុវិស័យរបស់ខ្លួនសម្រាប់គីរីរីផាក រេស៊ីដិន និងរីសត ដោយបង្កើតកន្លែងមួយដែលផ្តល់នូវគុណតម្លៃពិសិដ្ឋមួយសម្រាប់អ្នកគ្រប់គ្នា និងផ្តល់នូវបទពិសោធន៍ដែលមិនអាចបំភ្លេចបានសម្រាប់អ្នករស់នៅផ្ទាល់ និងអ្នកមកកម្សាន្តមកពីជុំវិញពិភពលោក។

គម្រោងអភិវឌ្ឍន៍គីរីរីផាក រ៉េស៊ីដិន និងរីសត បច្ចុប្បន្នកំពុងបើកឲ្យទស្សនាមុនពេលបើកលក់ជាផ្លូវការ ដើម្បីស្វែងយល់បន្ថែមអំពីគម្រោង និងការផ្តល់ជូនផ្សេងៗ អ្នកដែលចាប់អារម្មណ៍អាចចុះឈ្មោះនៅគេហទំព័រ Facebook ផ្លូវការរបស់គីរីរីផាក រេស៊ីដិន និងរីសត https://www.facebook.com/kiriparkresidenceandresort ឬទាក់ទងទៅក្រុមហ៊ុនតាមរយៈទូរសព្ទ ឬ Telegram +855 78 422 042។

—————————————————————————————————————————–

អំពី Han Thong Investment

Han Thong Investment គឺជាក្រុមហ៊ុនបុត្រសម្ព័ន្ធរបស់ Han Thong Group។ ក្រុមហ៊ុន Han Thong Group គឺជាក្រុមហ៊ុនដ៏ធំមួយនៅព្រះរាជាណាចក្រកម្ពុជា ដែលបង្កើតឡើងដោយសហគ្រិនកម្ពុជាដ៏ល្បីគឺ ឧកញ៉ា លីម លាង។ ចាប់តាំងពីការបង្កើតឡើងក្នុងឆ្នាំ 2001មក ក្រុមហ៊ុននេះសម្រេចបាននូវកំណើន និងការអភិវឌ្ឍគួរឱ្យកត់សម្គាល់ ដោយបានបង្កើតអាជីវកម្មជាចម្រុះរួមមាន ការដឹកជញ្ជូន ទេសចរណ៍ វប្បធម៌ ពាណិជ្ជកម្មអន្តរជាតិ ការអភិវឌ្ឍ អចលនទ្រព្យ សេវាកម្មហិរញ្ញវត្ថុ តំបន់សេដ្ឋកិច្ចពិសេស និងឧស្សាហកម្មកសិកម្មជាដើម។

ភាពជោគជ័យរបស់ក្រុមហ៊ុននេះត្រូវបានជឿជាក់ថាគឺជាការចូលរួមយ៉ាងសកម្មរបស់អ្នកជំនាញជាង 1,000 នាក់ និង អ្នកគ្រប់គ្រងអន្តរជាតិមកពីប្រទេសផ្សេងៗគ្នា។ Han Thong Group បានបង្កើតប្រព័ន្ធគ្រប់គ្រងដែលធានានូវភាពជោគជ័យជាបន្តបន្ទាប់ទាំងក្រុមហ៊ុនធំ និងអង្គភាពនីមួយៗរបស់ខ្លួន។

ក្នុងនាមជាក្រុមហ៊ុនមេនៃក្រុមហ៊ុនល្បីៗជាច្រើនដូចជា Han Thong Investment, Han Thong Customs Clearance & Transport, Han Thong Consultant, Chhak Kompongsaom SEZ, Han Thong Trading, A-excellent Consultancy, Lotus Lounge, និង Tomich Hill Wines Han Thong Group បានពង្រឹងជំហររបស់ខ្លួនយ៉ាងរឹងមាំក្នុងនាមជាអ្នកដឹកនាំនៅក្នុងវិស័យទាំងអស់នេះ។

ការប្រើប្រាស់គោលការណ៍ស្នូលគឺ “ភាពស្មោះត្រង់ និងសុចរិតភាព” ក្នុងប្រតិបត្តិការរបស់ខ្លួន បានឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុនចំពោះឧត្តមភាព។ Han Thong Group តែងតែពង្រឹង និងអភិវឌ្ឍខ្លួនឯងទៅតាមការប្រែប្រួល និងពេលវេលា ដើម្បីនាំមុខគេក្នុងវិស័យទាំងអស់នេះ។

ជាមួយនឹងរចនាសម្ព័ន្ធក្រុមហ៊ុនដ៏រឹងមាំ ភាពប៉ិនប្រសប់របស់សមាជិកទាំងអស់ និងការប្តេជ្ញាចិត្តក្នុងការធ្វើឲ្យមានភាពល្អប្រសើរ ក្រុមហ៊ុន Han Thong Group មានទំនុកចិត្តខ្ពស់ក្នុងការជំរុញកំណើន និងការអភិវឌ្ឍសេដ្ឋកិច្ចរបស់កម្ពុជា ទន្ទឹមនឹងនោះក៏ផ្ដល់ឥទ្ធិពលជាវិជ្ជមានដល់សេដ្ឋកិច្ចក្នុងតំបន់ទាំងមូលផងដែរ។

សម្តេចតេជោ: ប្រជាពលរដ្ឋមិនគួរភ័យខ្លាចជ្រុលពីការធ្លាក់ចុះនៃសេដ្ឋកិច្ចសកលនោះទេ

ដោយ: គង់ លាងហួរ
ភ្នំពេញ: សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី៣០ ខែមីនា ឆ្នាំ២០២៣នេះ បានថ្លែងលើកឡើងពីការព្រមាននៃការធ្លាក់ចុះ សេដ្ឋកិច្ចសកល ដោយស្ថាប័នហិរញ្ញវត្ថុអន្តរជាតិធំៗ ដូចជា មូលនិធិរូបិយវត្ថុពិភពលោក និងធនាគារពិភពលោក ជាដើម។

ទោះបីមានការព្រមាន ពីហានិភ័យនៃការធ្លាក់ចុះសេដ្ឋកិច្ចសកលក្តី សម្តេចតេជោ ហ៊ុន សែន បានបន្តអំពាវនាវដល់បងប្អូនប្រជាពលរដ្ឋ មិនគួរឡើងភ័យស្លន់ស្លោជ្រុល ហើយនាំគ្នាទៅដកលុយចេញពីធនាគារនោះទេ។

សម្តេចតេជោ ហ៊ុន សែន រំពឹងថាប្រទេសមានសេដ្ឋកិច្ចធំៗ នៅក្នុងពិភពលោកនឹងរកបានវិធីសាស្ត្រគ្រប់គ្រងសេដ្ឋកិច្ច ដើម្បីកុំឲ្យធ្លាក់បន្ថែមទៀត។

សម្តេចបន្ថែមទៀតថា ការធ្លាក់ចុះនៃសេដ្ឋកិច្ចដោយសារវិបត្តិនៃជំងកូវីដ១៩ គឺជារឿងមួយ ប៉ុន្តែការដាក់ទណ្ឌកម្មជាឯកតោភាគី បូកជាមួយបញ្ហាសង្គ្រាម ដែលចាប់ផ្តើមរវាងរុស្ស៉ី និងអ៊ុយក្រែន បានបង្កើតនូវស្ថានភាពដ៏អាក្រក់សម្រាប់
សេដ្ឋកិច្ចសកល។

ការលើកឡើងរបស់សម្តេចតេជោ ហ៊ុន សែន ធ្វើឡើងក្នុងឱកាសរអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នាព្រឹកថ្ងៃទី៣០ ខែមីនា ឆ្នាំ២០២៣។

សម្តេចតេជោនាយករដ្ឋមន្ត្រីបានថ្លែងយ៉ាងដូច្នេះថា «ឥឡូវនេះ បញ្ហាសេដ្ឋកិច្ចកំពុងតែប្រកាសអាសន្ន យើងខ្ញុំគិតថាការប្រកាសអាសន្ននេះ យើងក៏មិនគួរភ័យជ្រុល រហូតដល់នាំគ្នាទៅដកលុយចេញពីធនាគារទេ។ IMF [មូលនិធិរូបិយវត្ថុពិភពលោក] ក៏ដូចជាធនាគារពិភពលោក [World Bank] ចេញមកព្រមានអំពីហានិភ័យនៃការធ្លាក់ចុះ សេដ្ឋកិច្ចសកលម្តងហើយម្តងទៀត ដែលខ្ញុំគិតថា ការព្រមាននោះ គឺវាជាការត្រឹមត្រូវហើយ ក៏ប៉ុន្តែការព្រមាននោះវាក្លាយជាចិត្តសាស្ត្រមួយដែរ សម្រាប់ប្រជាពលរដ្ឋដែលទៅដកលុយ ធនាគារអាមេរិករលំមួយចំនួន ហើយមួយចំនួនទៀត គឺហាក់ដូចជាមានសញ្ញា ទៅដកលុយចេញពីធនាគារ ដែលនាំគ្នាដកច្រើនពេកធ្វើឲ្យធនាគាររលំ ប៉ុន្តែកម្ពុជាមិនទាន់កម្រិតប៉ុណ្ណឹងទេ បើទោះបីជាមានការព្រមាននៃការធ្លាក់ចុះ នៃសេដ្ឋកិច្ចក៏ដោយចុះ»។

សូមជម្រាបថា ព័ត៌មានអន្តរជាតិធំៗ បានស្រង់សំដីប្រធានមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva ដោយបានធ្វើការព្រមានពីហានិភ័យ ចំពោះស្ថិរភាពហិរញ្ញវត្ថុបានកើនឡើង និងអំពាវនាវឱ្យមានការប្រុងប្រយ័ត្នបន្តទៀត។

លោកស្រីថា ឆ្នាំ២០២៣ នឹងក្លាយជាឆ្នាំដ៏លំបាកមួយទៀត ដោយកំណើនសេដ្ឋកិច្ចពិភពលោក បានធ្លាក់ចុះមកនៅក្រោម ៣ភាគរយ ដោយសារផលវិបាកពីជំងឺរាតត្បាត សង្គ្រាមនៅអ៊ុយក្រែន និងការរឹតបន្តឹងគោលនយោបាយរូបិយវត្ថុ។

មូលនិធិ IMF ដែលបានព្យាករពីកំណើនសេដ្ឋកិច្ចពិភពលោកចំនួន ២.៩ភាគរយនៅឆ្នាំនេះ គ្រោងនឹងចេញផ្សាយការព្យាករថ្មីនៅខែក្រោយ។ មូលនិធិ IMF កំពុងយកចិត្តទុកដាក់យ៉ាងខ្លាំង ចំពោះប្រទេសដែលងាយរងគ្រោះបំផុត ជាពិសេសប្រទេសដែលមានប្រាក់ចំណូលទាប ដែលមានកម្រិតបំណុលខ្ពស់។

ដោយឡែក ធនាគារពិភពលោក (WB) បានព្រមានថា កំណើនសេដ្ឋកិច្ចសកលជាមធ្យមនឹងធ្លាក់ចុះដល់កម្រិតទាបបំផុត ក្នុងរយៈពេលបីទសវត្សរ៍ គឺ ២.២ភាគរយក្នុងមួយឆ្នាំរហូតដល់ឆ្នាំ២០៣០ ដែលឈានទៅដល់រយៈពេលមួយហៅថា «មួយទសវត្សរ៍ដែលបាត់បង់» សម្រាប់សេដ្ឋកិច្ចពិភពលោក។

ដើម្បីជៀសផុតពីផលវិបាកនេះ លុះត្រាតែអ្នកបង្កើតគោលនយោបាយ អនុម័តគំនិតផ្តួចផ្តើមប្រកបដោយមហិច្ឆិតា ក្នុងការជំរុញការផ្គត់ផ្គង់កម្លាំងពលកម្ម ផលិតភាព និងការវិនិយោគ៕

ធនាគារពិភពលោក: ប្រជាសាស្រ្តវ័យក្មេងរបស់កម្ពុជាកំពុងជំរុញសក្តានុពលកំណើនសេដ្ឋកិច្ច

ដោយ: គង់ លាងហួរ
អន្តរជាតិ: យោងតាមរបាយការណ៍ថ្មីរបស់ធនាគារពិភពលោក (WB) បានឱ្យដឹងថា ទន្ទឹមនឹងបណ្តាប្រទេសអាស៊ានមួយចំនួនទៀត ប្រទេសកម្ពុជានៅតែជាចំណុចប្រជាសាស្រ្តដ៏ភ្លឺមួយ ដែលជំរុញកំណើនសេដ្ឋកិច្ច។

នៅក្នុងរបាយការណ៍របស់ធនាគារពិភពលោកបានបង្ហាញថា នៅទូទាំងពិភពលោក ការធ្លាក់ចុះនៃកំណើនរចនាសម្ព័ន្ធកំពុងដំណើរការ ហើយតាមនិន្នាការបច្ចុប្បន្ន អត្រាកំណើនសក្តានុពលសកលត្រូវបានគេរំពឹងថានឹងធ្លាក់ចុះដល់កម្រិតទាបរយៈពេល៣ទស្សវត្ស។

របាយការណ៍នោះបន្តថា“កម្លាំងស្ទើរតែទាំងអស់ដែលបានជំរុញកំណើន និងវិបុលភាពចាប់តាំងពីដើមទសវត្សរ៍ឆ្នាំ១៩៩០ បានចុះខ្សោយ មិនមែនដោយសារតែភាពតក់ស្លុតជាបន្តបន្ទាប់ចំពោះសេដ្ឋកិច្ចពិភពលោកក្នុងរយៈពេល៣ឆ្នាំកន្លងមកនោះទេ។ ប៉ុន្តែអត្រាកំណើននៃការវិនិយោគ និងផលិតភាពកំពុងធ្លាក់ចុះ។ កម្លាំងពលកម្មពិភពលោកកំពុងមានភាពចាស់ជរា និងពង្រីកខ្លួនកាន់តែយឺត ហើយបច្ចុប្បន្ននេះ កំណើនពាណិជ្ជកម្មអន្តរជាតិមានភាពទន់ខ្សោយជាងកាលពីដើមទសវត្សរ៍ឆ្នាំ២០០០”។

ទោះបីជាយ៉ាងនេះក្តី បណ្តាប្រទេសសេដ្ឋកិច្ចមួយចំនួននៅក្នុងតំបន់អាស៊ីបូព៌ា និងប៉ាស៊ីហ្វិក (EAP) ដូចជាកម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ប៉ាពួញូហ្គីណេ និងហ្វីលីពីននៅតែទទួលបានភាគលាភតាមបែបប្រជាសាស្ត្រ។

របាយការណ៍បានចង្អុលបង្ហាញថា សម្រាប់ប្រទេសកម្ពុជា ឡាវ និងប៉ាពួញូហ្គីណេ ការកើនឡើងនៃចំនួនប្រជាជនក្នុងវ័យធ្វើការត្រូវបានរំពឹងទុក ហើយប្រទេសទាំងនេះអាចបន្តទទួលបានភាគលាភប្រជាសាស្រ្ត ប្រសិនបើពួកគេបង្កើតការងារគ្រប់គ្រាន់។

សម្រាប់តំបន់ EAP ទាំងមូល អត្រាចូលរួមនៃកម្លាំងពលកម្ម និងផលិតភាពត្រូវបានជំរុញដោយការកើនឡើងនៃអត្រាបញ្ចប់មធ្យមសិក្សា១០ភាគរយនៅចន្លោះឆ្នាំ២០០០-២០១០ និងឆ្នាំ២០១១-២០២១ ដែលជាការកើនឡើងនៃអត្រាចុះឈ្មោះចូលរៀនថ្នាក់ឧត្តមសិក្សាចំនួន១៤ភាគរយ និង ភាពប្រសើរឡើងនៃសុខភាពបានឆ្លុះបញ្ចាំងការពន្យារអាយុសង្ឃឹមចំនួន២ឆ្នាំ។

របាយការណ៍ក៏បានកត់សម្គាល់ផងដែរថា កំណើនយ៉ាងឆាប់រហ័សរបស់តំបន់ក្នុងប៉ុន្មានទសវត្សរ៍ចុងក្រោយនេះ ត្រូវបានជំរុញយ៉ាងខ្លាំងដោយកម្លាំងពលកម្ម និងធនធានផ្សេងទៀតដែលផ្លាស់ប្តូរពីវិស័យកសិកម្មទៅវិស័យផលិតភាពខ្ពស់ ដែលជាដំណើរការមួយ ដែលបានជំរុញឱ្យមាននគរូបនីយកម្ម។

តំបន់ EAP មានសក្តានុពលសម្រាប់ការអភិវឌ្ឍទីក្រុងបន្ត និងឆាប់រហ័ស ប៉ុន្តែចំណែកនៃប្រជាជនដែលរស់នៅក្នុងកណ្តាលទីក្រុងមានត្រឹមតែ៥៧ភាគរយក្នុងឆ្នាំ២០២០ ពោលគឺទាបជាងមធ្យមភាគនៃសេដ្ឋកិច្ចជឿនលឿន៨០ភាគរយ។

នគរូបនីយកម្មមានកម្រិតទាបជាពិសេសនៅក្នុងប្រទេសកម្ពុជានៅត្រឹម២១ភាគរយ ក៏ដូចជាប្រទេសមីយ៉ាន់ម៉ា និងវៀតណាមដែលមានប្រហែលត្រឹម៣៥ភាគរយ។

របាយការណ៍បានអះអាងថា ជាមួយនឹងកម្លាំងការងារក្នុងតំបន់ភាគច្រើននៅតែចូលរួមក្នុងវិស័យកសិកម្ម វានៅតែមានវិសាលភាពសម្រាប់ការទទួលបានផលិតភាពយ៉ាងច្រើនពីការបែងចែកធនធាន ជាពិសេសនៅក្នុងប្រទេសកម្ពុជា ឥណ្ឌូនេស៊ី ហ្វីលីពីន ទីម័រខាងកើត ថៃ និងវៀតណាម។

ដើម្បីលើកកម្ពស់នគរូបនីយកម្មបន្ថែមទៀត ធនាគារពិភពលោកបានផ្តល់អនុសាសន៍វិធានការនានា រួមទាំងការវិនិយោគលើហេដ្ឋារចនាសម្ព័ន្ធ និងសេវាសង្គម ធ្វើឱ្យដីធ្លីមានលទ្ធភាពប្រើប្រាស់បានកាន់តែច្រើននៅលើមូលដ្ឋានត្រឹមត្រូវ និងមានតម្លាភាព។

ទន្ទឹមនឹងនេះ ការកែលម្អបរិយាកាសធុរកិច្ចក៏នឹងជួយលើកកំពស់ដល់ផលិតភាពក្នុងបណ្តាប្រទេសសេដ្ឋកិច្ចមួយចំនួនដូចជា កម្ពុជា ឡាវ ហ្វីជី មីយ៉ាន់ម៉ា ប៉ាពួញូហ្គីណេ និងទីម័រខាងកើតផងដែរ៕

Airlines juggle demand as fares skyrocket

Sector struggles with.manpower shortage and high fuel prices as passengers return

Global aviation has experienced a promising start to the year as travel restrictions have been lifted, allowing people to fly with fewer barriers.
Even countries with strict Covid-19 policies, such as China, lifted their restrictions earlier than expected.

The World Tourism Organization predicts Europe and the Middle East will reach pre-pandemic international tourist levels this year, forecasting an 80-95% overall recovery, while the Pacific Asia Travel Association projects a growth rate of at least 71%.

Yet the aviation industry faces a manpower shortage as demand for air travel surges, while seat capacity remains limited. This has resulted in a significant increase in airfares as supply struggles to keep up with pent-up demand from eager travellers.

WHAT ARE THE MAIN REASONS FOR THE COSTLIER TICKETS?

In 2020, Covid-19 travel restrictions caused massive damage to the aviation industry, resulting in airline bankruptcies and widespread layoffs.

An estimated two-thirds of passenger airplanes remained grounded at airports and desert yards during the pandemic’s first year.

As of June 2022, the global airline fleet totalled 28,674 planes, with 5,161 still grounded, mainly in Asia, according to airline data provider ch-aviation.

China’s closure, while other countries in the region reopened in the second half of last year, contributed to Asia’s grounded fleet of 2,338 jets, representing 23% of the region’s total fleet of 10,014 recorded in June 2022.

According to the International Air Transport Association (IATA), global air passenger traffic in 2022 recovered to 68.5% of the 2019 level, up from 41.7% in 2021.

Philip Goh, regional vice-president for Asia-Pacific at IATA, said pent-up demand would keep growing rapidly, which naturally pushes up prices.

He said the spike in passenger airfares resembles the high price of cargo services during the three-year pandemic, when limited supply could not match demand.

Mr Goh said higher jet fuel prices also contributed to soaring ticket prices.

Source: Bangkok Post

តើអ្វីទៅជាហេតុផលនៅពីក្រោយការហក់ឡើងថ្លៃខ្ពស់នៃតម្លៃ សំបុត្រយន្តហោះ?

ដោយ: គង់ លាងហួរ

អន្តរជាតិ: វិស័យអាកាសចរណ៍ពិភពលោក បានជួបប្រទះនឹងការចាប់ផ្តើមដ៏ជោគជ័យក្នុងឆ្នាំ២០២៣នេះ ដោយសារការរឹតបន្តឹងការធ្វើដំណើរត្រូវបានដកចេញ ដែលអនុញ្ញាតឱ្យមនុស្សហោះហើរដោយមានឧបសគ្គតិចជាងពេលមុន។

លើសពីនេះទៀត សូម្បីតែប្រទេសដែលមានគោលនយោបាយកូវីដតឹងរ៉ឹងបំផុត ដូចជាប្រទេសចិនជាដើម ក៏បានដកការរឹតបន្តឹងរបស់ពួកគេលឿនជាងការរំពឹងទុកផងដែរ។

ប៉ុន្តែឧស្សាហកម្មអាកាសចរណ៍ ប្រឈមមុខនឹងការខ្វះខាតកម្លាំងពលកម្ម ដោយសារតម្រូវការសម្រាប់ការធ្វើដំណើរ តាមផ្លូវអាកាសកើនឡើង ខណៈដែលសមត្ថភាពកៅអីនៅមានកម្រិត ដែលមូលហេតុនេះ បានបណ្តាលឱ្យមានការកើនឡើង គួរឱ្យកត់សម្គាល់នៃថ្លៃសំបុត្រយន្តហោះ។

ចុះតើអ្វីទៅជាហេតុផលចម្បង សម្រាប់ការហក់ឡើងថ្លៃនៃតម្លៃសំបុត្រយន្តហោះ?

នៅក្នុងឆ្នាំ២០២០ ការរឹតបន្តឹងការធ្វើដំណើរ បានបង្កការខូចខាតយ៉ាងធំដល់ឧស្សាហកម្មអាកាសចរណ៍ ដែលបណ្តាលឱ្យក្រុមហ៊ុនអាកាសចរណ៍ក្ស័យធន និងការបញ្ឈប់ការងារយ៉ាងទូលំទូលាយ។

គិតត្រឹមខែមិថុនា ឆ្នាំ២០២២ កងយន្តហោះរបស់ក្រុមហ៊ុនអាកាសចរណ៍សកល មានយន្តហោះសរុបចំនួន២៨.៦៧៤គ្រឿង ដោយយន្តហោះ៥.១៦១គ្រឿង នៅតែត្រូវផ្អាកដំណើរការ ជាចម្បងនៅតំបន់អាស៊ី។ នេះបើយោងតាមក្រុមហ៊ុន ផ្តល់ទិន្នន័យអាកាសចរណ៍ ch-aviation ។

ទោះបីជាយ៉ាងណាក្តី ល្បឿននៃការងើបឡើងវិញ នៃឧស្សាហកម្មអាកាសចរណ៍ បានចាប់ផ្តើមបង្កើនល្បឿន នៅក្នុងឆមាសទីពីរនៃឆ្នាំ២០២២ ដោយជួយស្តារតម្រូវការធ្វើដំណើរ ក្រៅប្រទេសឡើងវិញ។

យោងតាមសមាគមដឹកជញ្ជូនតាមផ្លូវអាកាសអន្តរជាតិ (IATA) បានឱ្យដឹងថា ចរាចរណ៍អ្នកដំណើរតាមផ្លូវអាកាសសកល នៅឆ្នាំ២០២២បានងើបឡើងវិញ ដល់៦៨,៥ភាគរយ នៃកម្រិតឆ្នាំ២០១៩ ដែលកើនឡើងពី៤១,៧ភាគរយនៅក្នុងឆ្នាំ២០២១។

លោក Philip Goh អនុប្រធានប្រចាំតំបន់អាស៊ីប៉ាស៊ីហ្វិកនៅក្រុមហ៊ុន IATA បានអះអាងថា តម្រូវការនឹងបន្តកើនឡើងយ៉ាងឆាប់រហ័ស ដែលជំរុញឱ្យតម្លៃសំបុត្រយន្តហោះហក់ឡើងខ្ពស់។

លោកបានបន្តថា “ការកើនឡើងនៃថ្លៃសំបុត្រយន្តហោះសម្រាប់អ្នកដំណើរគឺប្រហាក់ប្រហែល នឹងតម្លៃទំនិញដ៏ខ្ពស់នៃសេវាកម្មដឹកជញ្ជូន ក្នុងអំឡុងពេលជំងឺរាតត្បាតរយៈពេល៣ឆ្នាំ នៅពេលដែលការផ្គត់ផ្គង់មានកម្រិត មិនអាចត្រូវនឹងតម្រូវការ ហើយតម្លៃប្រេងឥន្ធនៈក៏បានរួមចំណែកដល់ការហក់ឡើងថ្លៃ នៃសំបុត្រយន្តហោះផងដែរ”៕

1...986987988...3,258 Page 987 of 3,258