ការស្ទង់មតិ: ប្រទេសចិននៅតែជាទីផ្សារដ៏សំខាន់សម្រាប់វិនិ យោគិនបរទេស

ដោយ: គង់ លាងហួរ

ប៉េកាំង: យោងតាមសភាពាណិជ្ជកម្មអាមេរិក នៅភាគខាងត្បូងប្រទេសចិនបានឱ្យដឹងថា ក្រុមហ៊ុនបរទេសភាគច្រើន នៅតែចាត់ទុកចិនជាទិសដៅវិនិយោគដ៏សំខាន់មួយ។

ប្រទេសនេះ នៅតែបន្តផ្តល់ផលចំណេញខ្ពស់លើការវិនិយោគ ធៀបនឹងកម្រិតសកលសម្រាប់ក្រុមហ៊ុនជិត៥០ភាគរយ ដែលត្រូវបានស្ទង់មតិ។

អ្នកជំនាញបានលើកឡើងថា ប្រទេសចិនត្រូវបានគេរំពឹងថា នឹងកាន់តែមានភាពទាក់ទាញដល់វិនិយោគិនបរទេស ដែលគាំទ្រដោយការឆ្លើយតបនឹងជំងឺកូវីដ-១៩ និងការស្តារសេដ្ឋកិច្ចប្រកបដោយស្ថិរភាព។

ក្រុមអ្នកជំនាញបាននិយាយថា “ការបើកទូលាយស្ដង់ដារខ្ពស់របស់ប្រទេសចិន នឹងធ្វើឱ្យបរិយាកាសធុរកិច្ចរបស់ខ្លួន កាន់តែប្រសើរឡើង និងជួយឱ្យប្រទេសនេះ បង្កើនការប្រកួតប្រជែងកាន់តែខ្លាំង ក្នុងការទាក់ទាញការវិនិយោគពីបរទេស”។

បន្ទាប់ពីការធ្វើស្ទង់មតិ ដែលមានការចូលរួមពីក្រុមហ៊ុនចំនួន២១០ មកពីសហរដ្ឋអាមេរិក អឺរ៉ុប ជប៉ុន ប្រទេស និងតំបន់ផ្សេងទៀត សភាពាណិជ្ជកម្មអាមេរិក AmCham South China បានសន្និដ្ឋានថា “ក្រុមហ៊ុន ដែលចូលរួមភាគច្រើនមើលឃើញថា ប្រទេសចិនជាផ្នែកសំខាន់មួយនៃផែនការអភិវឌ្ឍន៍យុទ្ធសាស្រ្ត នាពេលអនាគតរបស់ពួកគេ”។

ជាង៩០ភាគរយនៃអ្នកឆ្លើយសំណួរ បានជ្រើសរើសប្រទេសចិនជាទិសដៅវិនិយោគដ៏សំខាន់បំផុតមួយ។

ក្រុមហ៊ុនប្រហែល៧៥ភាគរយ គ្រោងនឹងវិនិយោគឡើងវិញ នៅក្នុងប្រទេសចិន នៅឆ្នាំ២០២៣ រួមទាំង៦៨ភាគរយ នៃក្រុមហ៊ុនអាមេរិក ដែលប្តេជ្ញាចិត្តចាក់ឫសគល់កាន់តែជ្រៅទៅក្នុងទីផ្សារចិន។

លោក Zhou Mi អ្នកស្រាវជ្រាវជាន់ខ្ពស់នៅបណ្ឌិតសភាពាណិជ្ជកម្មអន្តរជាតិ និងកិច្ចសហប្រតិបត្តិការសេដ្ឋកិច្ចចិន បានមានប្រសាសន៍ថា “ដោយឈរលើសមត្ថភាពពិសេសរបស់ខ្លួន លើផលិតកម្ម និងសេវាកម្មសម្រាប់វិនិយោគិនបរទេស ការអភិវឌ្ឍន៍ប្រកបដោយគុណភាពខ្ពស់របស់ប្រទេសចិន នឹងធានាឱ្យមានការកើនឡើង នៃលំហូរវិនិយោគបរទេស”។

ទោះបីជាយ៉ាងនេះក្តី ការស្ទង់មតិនេះបានរកឃើញថា ការកើនឡើងនៃថ្លៃប្រតិបត្តិការ និងតម្លៃពលកម្ម គឺជាបញ្ហាប្រឈមដ៏ធំបំផុតចំនួនពីរ ដែលក្រុមហ៊ុនជាច្រើន បានជួបប្រទះនៅភាគខាងត្បូង ប្រទេសចិនក្នុងឆ្នាំ២០២២៕

អ្នកអភិវឌ្ឍន៍បុរីវិមានសំណាង ជាអ្នកស្គាល់ទីផ្សារនិងចិត្តអតិថិជនច្បាស់

ដោយៈ ស៊ីវ ម៉េង

ភ្នំពេញៈ ផ្តើមអាជីពជាភ្នាក់ងារអចលនទ្រព្យសាមញ្ញ រហូតមានលទ្ឋភាពបើកក្រុមហ៊ុនភ្នាក់ងារអចនទ្រព្យ កាលពីជាង១០ឆ្នាំមុន ប្តីប្រពន្ឋមួយគូដែលបានតស៊ូក្នុងឆាកជីវិតជាមួយគ្នា បានសម្រេចក្តីសុបិនរបស់ខ្លួន ដោយក្លាយជាអ្នកអភិវឌ្ឍន៍ដ៏លេចធ្លោ។

ភាពជាភ្នាក់ងារនេះហើយ បានធ្វើឲ្យគូស្វាមី ភរិយាមួយគូនេះ អាចសិក្សាស្វែងយល់ពីទឹកចិត្ត និងរសនិយមរបស់អតិថិជនពិតប្រាកដថា ពួកគេត្រូវការអ្វី ហើយក្នុងនាមជាអ្នកអភិវឌ្ឈន៍ថ្មី ត្រូវធ្វើអ្វីដែលមិនធ្លាប់មានពីមុនមក។

លោកជំទាវឧកញ៉ាគង់ សំណាង អគ្គនាយិកាបុរីវិមានសំណាង និងលោកឧកញ៉ាបណ្ឌិតគីម ហ៊ាងជាគូស្វាមី និងភរិយា ដែលមាននិស្ស័យចូលចិត្តសិក្សារៀនសូត្រដូចគ្នា។

លោកជំទាវឧកញ៉ាគង់ សំណាងបានមានប្រសាសន៍ថា ការរីកចម្រើនសេដ្ឋកិច្ចជាតិរបស់ប្រទេស ក្រោមការដឹកនាំរបស់សម្តេចតេជោ បានធ្វើឲ្យប្រជាពលរដ្ឋខ្មែរ ក្លាយជាអ្នកមានកាន់តែច្រើន ហេតុនេះទើបធ្វើឲ្យលោកជំទាវ និងស្វាមី សម្រេចចិត្តវិនិយោគបុរីនេះឡើង ស្របតាមនិន្នាការនៃការរស់នៅសម័យថ្មី និងបែបផែនជីវិតបែបស៊ីវិល័យ។

ជាអ្នកចូលចិត្តសង្កេតលើការងារ និងម៉ូតផ្ទះ លោកជំទាវឧកញ៉ាគង់ សំណាងបានក្លាយជាស្ថាបត្យករ ដោយមិនដឹងខ្លួនមួយរូប តាមរយៈការចូលរួមគូសវាស និងផ្តល់ជាគំនិតដល់ស្ថាបត្យករ ដែលបានគូម៉ូតផ្ទះរបស់បុរីវិមានសំណាងដោយខ្លួនឯង និងតែងតែស្វែងរកភាពច្នៃប្រឌិត និងការបង្កើតថ្មី សម្រាប់រចនាបទម៉ូតផ្ទះក្នុងបុរីដ៏ស៊ីវិល័យនេះ។

លោកជំទាវបានមានប្រសាសន៍ឲ្យដឹង កាលពីពេលថ្មីៗនេះថា “ខ្ញុំបានចូលរួមគូ និងកែចុះឡើងៗលើម៉ូតផ្ទះនៅក្នុងបុរីនេះ ដែលជាម៉ូតផ្ទះបែបក្លាសិក និងមានការចំណាយច្រើន ធៀបជាមួយម៉ូតផ្ទះសាមញ្ញៗ”។ លោកជំទាវបន្តថា “ជាលទ្ឋផលពីការខិតខំនេះ បានធ្វើឲ្យអតិថិជននិងអ្នកបានកក់បុរីនេះ មានការរំភើបលើអ្វីដែលពួកគេទទួលបាន និងមិនដែលគិតដល់”។

ជាមួយនឹងការកសាងកេរ្ត៍ឈ្មោះ ក្នុងនាមអ្នកអភិវឌ្ឍន៍ លោកជំទាវឧកញ៉ាគង់ សំណាងបានលើកឡើងថា “ការវិនិយោគនេះ មិនផ្តោតលើផលចំណេញតែមួយមុខនោះទេ ប៉ុន្តែក្រុមហ៊ុនចង់អភិវឌ្ឍន៍ដែលផ្តល់នូវស្នាដៃ និងកិត្តិនាម”។

ជាអ្នកចូលចិត្តចែករំលែកលើបណ្តាញទំនាក់ទំនងសង្គម ពីចំណេះដឹងទាក់ទងអចលនទ្រព្យ ចំណេះដឹងទាក់ទងនឹងអាជីវកម្ម និងការអភិវឌ្ឍខ្លួន លោកឧកញ៉ាបណ្ឌិតគីម ហ៊ាងប្រធានKW Cambodia បានក្លាជាអ្នកមានយ៉ាងលឿន ដោយសារលោកបានវិនិយោគផ្នែកដីធ្លី ដែលលោកបានចាត់ទុកថា “អ្នកមាននៅកម្ពុជាប្រមាណ៧០ភាគរយ មានបានដោយសារដីធ្លី”។

លោកឧកញ៉ាបណ្ឌិតគីម ហ៊ាងបានមានប្រសាសន៍ថា ការរីកចម្រើនរបស់ប្រទេសយើង បានធ្វើឲ្យអ្នកក្រក្លាយជាអ្នកមានលំដាប់មធ្យម អ្នកមានលំដាប់មធ្យម ក្លាយជាអ្នកមានកម្រិតខ្ពស់ ហើយអ្នកមានកម្រិតខ្ពស់បានក្លាយជាសេដ្ឋី ឬឧកញ៉ាច្រើនណាស់។

ជាមួយនឹងចក្ខុវិស័យច្បាស់លាស់ និងផែនការចំពោះមុខប្រកបដោយចក្ខុវិស័យ លោកឧកញ៉ាបណ្ឌិតគីម ហ៊ាងបានមើលឃើញថា តំបន់ភាគខាងជើងរាជធានីភ្នំពេញ ជាតំបន់ដែលបាន និងកំពុងទាក់ទាញអ្នកមានកាន់តែច្រើនចូលទៅរស់នៅ ដោយសារកត្តាសំខាន់ៗជាច្រើន ដូចជា មានមជ្ឈមមណ្ឌលពាណិជ្ជកម្មធំៗនៅក្បែរ មានក្រសួងមន្ទីរធំៗបានរើ និងបោះទីតាំងមកកាន់តំបន់នេះ ជាតំបន់ដែលអភិវឌ្ឍន៍ថ្មី ងាយស្រួលរៀបចំហេដ្ឋារចនាសម្ព័ន្ឋ និងជាតំបន់រៀបចំកីឡាស៊ីហ្គេមនាពេលឋខាងមុខឆាប់ៗនេះ។

លោកបណ្ឌិតបន្តថា “ក្នុងនាមជាអ្នកអភិវឌ្ឍ ដែលផ្តើមចេញពីជីវិតភ្នាក់ងារអចលនវត្ថុសាមញ្ញមួយរូប យើងបានដឹងពីរសនិយមអតិថិជន ហើយយើងនៅតែអាចឈរជើងបាន ទោះក្នុងបរិបទវិបត្តិកូវីដរយៈពេល៣ឆ្នាំ និងវិបត្តិសង្រ្គាមរវាងរុស្ស៊ី និងអ៊ុយក្រែនក្តី”។ លោកបន្តថា “ក្នុងពេលនេះ មានតែអ្នកខ្លាំងប៉ុណ្ណោះអាចឈរជើងបាន ហើយយើងនឹងបន្តឈរជើងយ៉ាងរ៉ឹងមាំ ក្នុងវិស័យនេះតទៅទៀត”៕

ក្រុមហ៊ុនអាមេរិកធំៗចំនួន៦គ្រោងទាក់ទាញការវិនិយោគពី អាមេរិកមកកាន់កម្ពុជា

ដោយៈ គង់ សូរិយា

ភ្នំពេញៈ ក្រុមហ៊ុនអាមេរិកធំៗចំនួន៦ បានសន្យាថា នឹងទាក់ទាញអ្នកវិនិយោគទុនអាមេរិក ឱ្យបានច្រើនថែមទៀត សម្រាប់ចូលរួមជួយអភិវឌ្ឍវិស័យសារធារណការ និងដឹកជញ្ជូនកម្ពុជា ឱ្យកាន់តែខ្លាំងដើម្បីដើរឱ្យទាន់តម្រូវការសង្គម-សេដ្ឋកិច្ច ដែលកំពុងមានការរីកចម្រើននាពេលបច្ចុប្បន្ន។

ការសន្យានេះ ធ្វើឡើងនៅក្នុងជំនួបពិភាក្សាការងាររវាងលោកទេសរដ្ឋមន្រ្តីស៊ុន ចាន់ថុល រដ្ឋមន្រ្តីក្រសួងសាធារណៈការ និងដឹកជញ្ជូនជាមួយគណៈប្រតិភូ នៃក្រុមប្រឹក្សាធុរកិច្ច សហរដ្ឋអាមេរិច-អាស៊ាន(US-ASEANBusiness Council – US-ABC) កាលពីថ្ងៃទី២៧ ខែកុម្ភៈ ឆ្នាំ២០២៣កន្លងមកនេះ។

ក្រុមហ៊ុនធំៗចំនួន៦នេះ គឺជាសមាជិកនៃក្រុមប្រឹក្សាធុរកិច្ចសហរដ្ឋអាមេរិច-អាស៊ាន (US-ASEAN Business Council–US-ABC)រួមមាន៖ ក្រុមហ៊ុន ConocoPhillips, ក្រុមហ៊ុន Ford,ក្រុមហ៊ុន RMA Group, ក្រុមហ៊ុន Pfizer,ក្រុមហ៊ុន Visa និងក្រុមហ៊ុន Vriens& Partners។

លោក ស៊ុន ចាន់ថុលបានមានប្រសាសន៍ឱ្យដឹងថា ជំនួបនេះដើម្បីពិភាក្សាការងារសំដៅឈានទៅពង្រឹង និងពង្រីកកិច្ចសហប្រតិបត្តិការរវាងស្ថាប័នរដ្ឋ និងវិស័យឯកជន ពិសេសវិស័យដឹកជញ្ជូន និងសាធារណការឱ្យកាន់តែមានភាពល្អប្រសើរឡើង។

លោកបានបន្តថា “ជំនួបពិភាក្សានេះ ចង់ស្វែងយល់បន្ថែមអំពីសក្តានុពល និងកាលានុវត្តភាពពាណិជ្ជកម្ម-វិនិយោគនៅក្នុងតំបន់អាស៊ាន ដើម្បីពង្រឹង និងពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្មបន្ថែមទៀតនៅពេលខាងមុខ សំដៅចូលរួមចំណែក ក្នុងការស្ថារសេដ្ឋកិច្ចឡើងវិញពីវិបត្តិជំងឺកូវីដ១៩ ក៏ដូចជា គាំទ្រដល់កិច្ចខិតខំប្រឹងប្រែង អភិវឌ្ឍរបស់កម្ពុជា ពិសេសបង្ហាញនូវការគាំទ្រ របស់សហគមន៍អ្នកជំនួញអាមេរិក សម្រាប់ការកសាងសមត្ថភាពសហគ្រាសធុនតូច និងមធ្យម និងការអភិវឌ្ឍធនធានមនុស្សនៅកម្ពុជាផងដែរ។

លោកបន្ថែមថា “ការអភិវឌ្ឍលើវិស័យហេដ្ឋារចនាសម្ព័ន្ធ ដឹកជញ្ជូន និងភ័ស្តុភារកម្ម នៅតែជាយុទ្ធសាស្ត្រចម្បង របស់រាជរដ្ឋាភិបាលកម្ពុជាដែលយកចិត្តទុកដាក់ខ្លាំងក្នុងការលើកកម្ពស់សេដ្ឋកិច្ចជាតិ”។

ជាក់ស្តែង គម្រោងផ្លូវល្បឿនលឿនភ្នំពេញ-ក្រុងព្រះសីហនុ ដែលកំពុងបើកដំណើរការ គម្រោងផ្លូវល្បឿនលឿនភ្នំពេញ -បាវិតក៏គ្រោងនឹងបើកការដ្ឋាន នៅពាក់កណ្តាលឆ្នាំ២០២៣ ខណៈគម្រោងផ្លូវល្បឿនលឿនភ្នំពេញ-សៀមរាប ក៏បានរៀបចំសិក្សា ព្រមទាំងគម្រោងលើកកម្រិតផ្លូវរថភ្លើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿន ក៏កំពុងស្វែងរកដៃគូវិនិយោគលើកិច្ចការងារនេះថែមទៀត។

លោកស៊ុន ចាន់ថុលបានបន្តថា គម្រោងជីកព្រែកតភ្ជាប់ទន្លេបាសាក់ទៅកាន់កំពង់ផែសមុទ្រនៃខេត្តកំពត កែប ដើម្បីសម្រួលដល់ការដឹកជញ្ជូនទំនិញតាមផ្លូវទឹក ឱ្យកាន់តែមានភាពងាយស្រួល ចំណេញពេលវេលា និងកាត់បន្ថយការចំណាយ ដែលកំពុងត្រូវការដៃគូអភិវឌ្ឍន៍ធ្វើ ឱ្យលេចចេញជារូបរាងផងដែរ។

ឆ្លៀតឱកាសនោះ លោកស៊ុន ចាន់ថុល ក៏បានស្នើឱ្យប្រឹក្សាធុរកិច្ចសហរដ្ឋអាមេរិក- អាស៊ាន ជួយពិនិត្យលទ្ធភាពក្នុងការចាត់ អ្នកជំនាញការមកធ្វើបទបង្ហាញដោយផ្ទាល់ ឬតាមប្រព័ន្ធOnline ដើម្បីចែករំលែកចំណេះដឹង និងបទពិសោធន៍លើការកសាង សមត្ថភាពរបស់មន្ត្រីរាជការក្រសួង។ ជាពិសេសមន្ត្រីជំនាញបច្ចេកទេស ទាក់ទងនឹងភាពជាអ្នកដឹកនាំក៏ដូចជាជំនាញបច្ចេកទេសផ្សេងៗ ដើម្បីជួយឱ្យពួកគាត់អាចបំពេញការងាររបស់ខ្លួន កាន់តែមានប្រសិទ្ធភាពថែមទៀត និងចែកជូនទៅនិស្សិតនៃវិទ្យាស្ថានតេជោសែនសាធារណការ និងដឹកជញ្ជូន ដើម្បីបង្កើនចំណេះដឹង និងបណ្តុះផ្នត់គំនិតល្អៗបន្ថែម។

ជាការឆ្លើយតប លោក Michael W. Michalak អនុប្រធានជាន់ខ្ពស់ និងជានាយកគ្រប់គ្រងប្រចាំតំបន់ និងសមាជិក US-ABCបានវាយតម្លៃខ្ពស់ចំពោះវឌ្ឍនភាព និងការអភិវឌ្ឍរីកចម្រើន លើគ្រប់វិស័យរបស់ប្រទេសកម្ពុជា ជាពិសេសក្នុងវិស័យហេដ្ឋារចនាសម្ព័នដឹកជញ្ជូន។

លោកMichael W. Michalak ដែលជាតំណាងឱ្យក្រុមហ៊ុនធំៗចំនួន៦ នេះ ក៏បានសន្យាជំរុញឱ្យក្រុមហ៊ុន ក៏ដូចជាវិនិយោគិនរបស់អាមេរិកមកដាក់ទុនវិនិយោគនៅកម្ពុជា ឱ្យបានកាន់តែច្រើន ដើម្បីផ្ទេរក៏ដូចជាចែករំលែកចំណេះដឹង និងបច្ចេកវិទ្យាថ្មីៗ សំដៅជំរុញការអភិវឌ្ឍសេដ្ឋកិច្ចកម្ពុជាឱ្យរីកចម្រើនថែមទៀត។

របាយការណ៍របស់ក្រសួងពាណិជ្ជកម្មកម្ពុជា បានតម្លៃខ្ពស់លើទំហំពាណិជ្ជកម្មរវាងប្រទេសទាំង២ ដែលមានការកើនឡើងគួរឱ្យកត់សម្គាល់ នៅក្នុងឆ្នាំ២០២១ទោះបីប្រឈមនឹងជំងឺកូវីដ១៩ក៏ដោយ៕

រយៈពេល៥ខែ យានយន្តជិត២លានគ្រឿងបើកបរលើផ្លូវល្បឿនលឿនភ្នំពេញ ព្រះសីហនុ

ដោយៈ គង់ ម៉ាលីនណា

ភ្នំពេញៈ គិតចាប់ពីថ្ងៃទី១ ខែតុលា ឆ្នាំ២០២២ មកដល់ថ្ងៃទី២៨ ខែកុម្ភៈ ឆ្នាំ២០២៣ ចរាចរណ៍សរុបបានឆ្លងកាត់ លើផ្លូវល្បឿនលឿនភ្នំពេញ -ក្រុងព្រះសីហនុ មានចំនួនជិត១,៩លានគ្រឿង។

ដោយក្នុងនោះមានប្រមាណ១,៤លាន ដែលគិតកម្រៃសេវា ចាប់ពីខែវិច្ឆិកា ឆ្នាំ២០២២ មកទល់ចុងខែកុម្ភៈ ឆ្នាំ២០២៣ និងប្រមូលចំណូលបានសរុប ជិត១១លានដុល្លារសហរដ្ឋអាមេរិក។

ព៌តមាននេះ ត្រូវបានបង្ហើបឲ្យដឹងក្នុងកិច្ចប្រជុំ ពិភាក្សាលើការអនុវត្តការងារ នៃផ្លូវល្បឿនលឿនតភ្ជាប់ពីរាជធានីភ្នំពេញ ទៅកាន់ក្រុងព្រះសីហនុ ដោយមានការចូលរួមសំណាក់ថ្នាក់ដឹកនាំ តំណាងក្រុមហ៊ុន Cambodian PPSHV Expressway Co., Ltd. (CPEC) និងមន្ត្រីជំនាញពាក់ព័ន្ធផងដែរកាលពីថ្ងៃទី២៨ កុម្ភៈនេះ។

លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានមានប្រសាសន៍ថា ក្នុងនាមជាសេនាធិការរបស់រាជរដ្ឋាភិបាល ក្រសួងសាធារណការ និងដឹកជញ្ជូន នៅតែបន្តយកចិត្តទុកដាក់ ក្នុងកិច្ចសហការជាមួយក្រុមហ៊ុនប្រតិបត្តិករ ដើម្បីលើកកម្ពស់ការផ្តល់សេវាប្រើប្រាស់ ផ្លូវល្បឿនលឿនឱ្យកាន់តែមានភាពរលូន ព្រមទាំងដោះស្រាយនូវរាល់ បញ្ហាប្រឈមនានាជាបន្តបន្តាប់ ដើម្បីជំរុញឱ្យចំនួនចរាចរណ៍ កាន់តែមានការកើនឡើង ក៏ដូចជាលើកកម្ពស់សេដ្ឋកិច្ចជាតិ តាមរយៈចំណូលពន្ធផងដែរ៕

បណ្ដាប្រទេសមកពីតំបន់អាស៊ីជាប្រភពទុនវិនិយោគធំ និងសំខាន់ ក្នុងវិស័យអចលនទ្រព្យកម្ពុជា

 ដោយៈ វឌ្ឍនៈ

ភ្នំពេញៈ រហូតមកដល់បច្ចុប្បន្ននេះ បើទោះបីជាប្រភពទុនវិនិយោគក្នុងស្រុកលើវិស័យអចលនទ្រព្យ ចាប់ផ្ដើមមានកំណើនជាងមុនក្ដី តែប្រភពទុនដ៏សំខាន់ នៅតែបន្តពឹងផ្អែកពីបរទេស ជាពិសេសពីបណ្ដាប្រទេសក្នុងតំបន់អាស៊ី។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកសន សៀប បានមានប្រសាសន៍ឲ្យដឹងកាលពីថ្ងៃទី២៨ កុម្ភៈថា នៅក្នុងប្រទេសកម្ពុជាយើង នៅតែមានការចូលរួមខ្លាំង ពីបណ្ដាប្រទេសក្នុងតំបន់អាស៊ី ហើយកន្លងមកយើងមិនទាន់ឃើញ មានគម្រោងធំៗណាមកពីតំបន់ក្រៅពីអាស៊ីនៅឡើយទេ។

លោកបន្តថា”គម្រោងអភិវឌ្ឍន៍ធំៗនៅក្នុងប្រទេសកម្ពុជា នាពេលបច្ចុប្បន្ននេះភាគច្រើនមកពីប្រទេសជប៉ុន ដូចជា អ៊ីអនម៉ល គម្រោងវិនិយោគមកពីប្រទេសកូរ៉េ សិង្ហបុរី និងប្រទេសចិនជាដើម”។

លោកសន សៀបបានបន្តថា ទីផ្សារអចលនទ្រព្យកម្ពុជានាពេលបច្ចុប្បន្ននេះ នៅតែមានភាពទាក់ទាញខ្លាំង ពីសំណាក់វិនិយោគិនបរទេសនិងក្នុងស្រុក ជាពិសេសពីប្រទេសចិន។ មែនទែនទៅប្រទេសចិនទើបតែចូលមកកម្ពុជាក្រោយគេទេ ដែលកាលពីមុននោះ យើងឃើញកូរ៉េ និងជប៉ុនបានដាក់ទុនវិនិយោគ អចលនទ្រព្យច្រើនជាងគេ ប៉ុន្តែមកដល់ពេលនេះកូរ៉េ និងជប៉ុន ត្រូវពីក្រោយប្រទេសចិន ដោយចិនបានដាក់ទុនច្រើនជាងគេវិញក្នុងពេលនេះ។

លោកបន្ថែមថា កម្ពុជាមិនផ្ដោតលើទុនវិនិយោគ ពីប្រទេសមួយនោះទេ គឺទទួលស្វាគមន៍គ្រប់បណ្ដាវិនិ យោគិនបរទេសនានា ហើយបើទោះបីជាអត់មានចិន ក៏នៅមានប្រទេសផ្សេងៗទៀតដែរ និងត្រូវមានការចូលរួមពីបណ្ដាប្រទេសផ្សេងៗឱ្យបានច្រើន ។

ជាមួយគ្នានេះ អ្នកនាងគឹម កិនកេសា អ្នកគ្រប់គ្រងជាន់ខ្ពស់នៃ ក្រុមហ៊ុនCBRE Cambodia បានឱ្យដឹងថា ការវិនិយោគអចលនទ្រព្យនៅតែបន្តពឹងលើការវិនិយោគពីបរទេស ទោះបីជាបច្ចុប្បន្ននេះវិនិយោគិនកម្ពុជាបានចាប់ផ្ដើមដាក់ទុនវិនិយោគ លើគម្រោងមួយចំនួនក្ដី។

អ្នកនាងបន្តថា “ការវិនិយោគអចលនទ្រព្យភាគច្រើន មកពីតំបន់អាស៊ី សម្រាប់មកពីបណ្ដាប្រទេសឆ្ងាយៗ មិនទាន់ជាមានគម្រោងធំៗ ណាមួយគួរឱ្យកត់សម្គាល់នៅឡើយទេ”។

យ៉ាងណាក្ដីកម្ពុជា ក៏បានផ្សព្វផ្សាយទាក់ទាញការវិនិយោគ ពីតំបន់ផ្សេងក្រៅពីអាស៊ីដែរ ជាក់ស្ដែងថ្មីៗនេះ រដ្ឋមន្ត្រីក្រសួងសាធារណការនិងដឹកជញ្ជូន លោកស៊ុន ចាន់ថុល បានបង្ហាញពីសក្ដានុពល និងកាលានុវត្តភាពវិនិយោគនៅកម្ពុជា ដល់បណ្ដាធុរជន និងវិនិយោគិនមកពីអាមេរិក និងអឺរ៉ុបផងដែរ ដោយបានបង្ហាញពីសមិទ្ធផល ដែលកម្ពុជាទទួលបានក្នុងរយៈពេលថ្មីៗ ដូចជា ផ្លូវល្បឿនលឿនភ្នំពេញ ក្រុងព្រះសីហនុ បានដាក់ឱ្យប្រើប្រាស់ និងគ្រោងសាងសង់ផ្លូវល្បឿនលឿនមួយខ្សែទៀត តភ្ជាប់ពីភ្នំពេញទៅបាវិត ក៏ដូចជាគម្រោងលើកកម្ពស់ផ្លូវដែកកម្ពុជា ទៅជាផ្លូវរថភ្លើងល្បឿនលឿនផងដែរ៕

ក្រុមហ៊ុនWH ផ្តល់សេវាកម្មសំខាន់ៗ៣នៅក្នុងទីផ្សារអចលនទ្រព្យ ដែលមិនធ្លាប់មានពីមុនមក

ដោយៈ គង់ សូរិយា

ភ្នំពេញៈ ការផ្តល់សេវាកម្មជួលជំនួស និងផ្តល់ទំនុកចិត្តទាំងអ្នកជួល និងម្ចាស់អចលនទ្រព្យ ពិតជាសេវាកម្មមួយ ដែលបាននិងកំពុងចាប់ផ្តើមនៅកម្ពុជា។

លោកញឹម រាសីអគ្គនាយកក្រុមហ៊ុនWH បានបង្ហាញពីគន្លឹះចំនួន៣ ដើម្បីផ្តល់ឲ្យអ្នកស្វែងរកទីតាំងជួល និងម្ចាស់អចលនទ្រព្យទទួលបានភាពរីកចម្រើន និងឈរលើមូលដ្ឋានឈ្នះ ឈ្នះទាំងអស់គ្នា។

ក្រុមហ៊ុនWH មានគន្លឹះដែលសំខាន់ត្រូវស្វែងយល់ដូចជា

ទី១ ការយល់ដឹងពីទីផ្សារ

ម្ចាស់អចលនទ្រព្យ ដែលមានខុនដូ ឬអាផាតម៉ិន១ឬពីរ ឬបីយូនីត ឬម្ចាស់អាគារណាមួយ ត្រូវសិក្សាពីទីផ្សារនៅក្នុងតំបន់របស់ខ្លួនថា តើអ្នកណា ជាអ្នកប្រកួតប្រជែងជាមួយយើង មានតម្លៃបែបណា ធៀបជាមួយទ្រព្យរបស់យើង ដើម្បីឲ្យគាត់ដាក់តម្លៃត្រូវទីផ្សារ។ ព៌តមានទីផ្សារទាំងនេះ ម្ចាស់ទ្រព្យអាចរកបានតាមបណ្តាញទំនាក់ទំនងសង្គម Facebook, Telegram, វេបសាយមួយចំនួនដែលអាចរកបាន។

យើងមានអាគារមួយ នៅក្បែរផ្សារកាប់គោ ដែលមានអ្នកជួលពេញៗ ប៉ុន្តែនៅពេលមួយអតិថិជនបានដើរចេញអស់ ដោយសារនៅទីតាំងនោះមានការដ្ឋាន ដែលមានសម្លេងរំខាន ប៉ុន្តែដើម្បីដោះស្រាយបញ្ហានេះបាន យើងបានផ្តល់សេវាកម្ម ប្រកបដោយភាពបត់បែនដល់អតិថិជន ដោយយើងផ្លាស់ប្តូរពីការជួលរយៈពេលវែង មករយៈពេលខ្លី ដែលភ្ញៀវមកស្នាក់នៅរយៈពេលខ្លីជាភ្ញៀវទេសចរណ៍ ឬអ្នកធ្វើការ ដែលពួកគេចាកចេញនៅពេលព្រឹក និងត្រលប់មកវិញនៅពេលយប់ ដែលពេលយប់គឺជាពេលដែលការដ្ឋានសាងសង់បានផ្អាកធ្វើការ។

ជាលទ្ឋផល ភាពបត់បែនបែបនេះ បានធ្វើឲ្យគំរោងនោះទទួលបានភ្ញៀវពេញៗ និងទទួលបានប្រាក់ចំណូលច្រើនជាងមុន ព្រោះភ្ញៀវទាំងនោះមកតាមវេបសាយអន្តរជាតិធំៗ ដូចជា Agoda, Booking.comជាដើម។

ទី២ រៀបចំផលិតផលរបស់យើងឲ្យស្របតម្រូវការទីផ្សារ

ម្ចាស់អចលនទ្រព្យ ដែលមានអាផាតម៉ិន មានទីតាំងស្ថិតនៅជុំវិញដោយស្ថានទូត សាលារៀនអន្តរជាតិជាដើម ពួកគាត់អាចរៀបចំអាផាតម៉ិនរបស់ខ្លួន ដើម្បីទាក់ទាញចិត្តងតិថិជន។

នៅពេលដែលយើងដឹងពីទីផ្សារហើយ យើងត្រូវរៀបចំទ្រព្យរបស់យើងឱ្យត្រូវនឹងតម្រូវការទីផ្សារ។

ឧទាហរណ៍ថា យើងមាអាផាតម៉ិន២បន្ទប់គេង ហើយស្ថិតទីតាំងនោះជាតំបន់ ដែលបណ្ដុំដោយសាលារៀន អង្គការ ដូច្នេះអ្នកជួលនោះអាចជាអ្នកដែលមានគ្រួសារ មានកូន។ អញ្ចឹងម្ចាស់ទ្រព្យត្រូវរៀបចំអាផាតម៉ិននោះ ជាពីរបន្ទប់ ដោយ១សម្រាប់ឪពុកម្ដាយ និងមួយទៀតសម្រាប់កូនក្មេង និងត្រូវរៀបចំពណ៌ឱ្យមានភាពទាក់ទាញក្មេងៗ និងមានវេរ៉ងដាជាដើម។

លោកញឹម រាសីនាបបន្តថា “នៅពេលអ្នកចង់ជួល ចូលក្នុងអាផាតម៉ិនរបស់យើង ខ្ញុំជឿជាក់ថាពួកគាត់នឹងពេញចិត្តជាក់ជាមិនខានឡើយ”។

កន្លងមក យើងមានបទពិសោធន៍មួយចំនួន ដោយម្ចាស់អចលនទ្រព្យខ្លះមិនចង់រៀបចំទុកជាមុនទេ ខ្លាចមិនត្រូវចិត្តភ្ញៀវ មិនត្រូវនឹងទីផ្សារ ប៉ុន្តែការនាំភ្ញៀវមកមើល និងសម្រេចចិត្តកក់ស្នាក់នៅក្នុងថ្ងៃដដែល ពិតជាល្អ ដោយមិនចាំបាច់រង់ចាំយូរឡើយ។

យើងត្រូវបង្កើតអ្វីធ្វើឲ្យភ្ញៀវមានក្តីស្រម៉ៃ និងសម្រេចចិត្តលឿន និងអាចកក់ប្រាក់នាពេលនោះ។ ជាក់ស្តែងដូចគំរោងបុរី ខុនដូ ពេលភ្ញៀវមកដល់ពួកគេអាចទស្សនាបន្ទប់គំរូ ដែលធ្វើឲ្យអតិថិថិជនសម្រេចចិត្តលឿន។

ទី៣ ការយកចិត្តទុកដាក់លើអ្នកជួល

នៅពេលដែលយើងមានភ្ញៀវហើយ យើងត្រូវមានសេវាកម្មថែរទាំគាត់ (costumer care) ពីព្រោះជាទូទៅយើងតែងតែមើលរំលងចំណុចនេះ ដោយពេលបានភ្ញៀវហើយ ស៊ីញ៉េ ធ្វើកុងត្រាចប់ គឺចប់ហើយ ប៉ុន្តែយើងផ្តោតលើទំនាក់ទំនងបន្ត ព្រោះបើគាត់មានបញ្ហា យើងដោះស្រាយជូនគាត់ ធ្វើឲ្យអ្នកជួលមានអារម្មណ៍ដូចស្នាក់នៅផ្ទះបងប្អូន ដែលនេះជាចំណុចមួយ ជួយឲ្យគាត់ជួយថែរទាំផ្ទះរបស់យើង និងបន្តជួលបន្ត ហើយណែនាំមិត្ភភ័ក្តិឬបងប្អូនបន្តទៀត។

ចំណុចសំខាន់មួយទៀត គឺយើងអាចផ្តល់ទំនុកចិត្ត ដល់អ្នកនាំាំភ្ញៀវមកឲ្យយើង ដែលជាភ្នាក់ងារអចលនទ្រព្យ ព្រោះបើមានបញ្ហាអ្វីរវាងម្ចាស់ផ្ទះ និងអ្នកជួល គេនឹងទាក់ទងទៅអ្នកនាំភ្ញៀវមកហើយ។

ហេតុនេះ បើគាត់នាំភ្ញៀវមកឲ្យយើង ឧស្សាហ៍មានបញ្ហា សួរថាតើគាត់នឹងមិននាំភ្ញៀវមកទៀតទេ?។

ប៉ុន្តែបើគាត់នាំភ្ញៀវមក គាត់សប្បាយចិត្ត មិនមានបញ្ហា ទទួលបានទំនុកចិត្ត គាត់នឹងនាំភ្ញៀវមកឲ្យយើងបន្តទៀត គឺដាច់កុងត្រាមិនទាន់ទេ នឹងមានភ្ញៀវចាំជួលបន្តតែម្តង៕

លោកស៊ុន ចាន់ថុលៈ ការសាងសង់ផ្លូវក្រវ៉ាត់ក្រុងទី៣លែងពន្យារ ពេលទៀតហើយ

ដោយៈ វឌ្ឍនៈ

ភ្នំពេញៈ ផ្លូវក្រវ៉ាត់ក្រុងទី៣ មានប្រវែង៥៣គីឡូម៉ែត្រ តភ្ជាប់ពីផ្លូវជាតិលេខ១ ដល់ផ្លូវជាតិលេខ៤ និងបន្តទៅផ្លូវឈ្នះឈ្នះ ឆ្ពោះទៅផ្លូវជាតិលេខ៦ក្នុងទម្រង់ជាខ្សែក្រវ៉ាត់មួយជុំ ព័ទ្ឋជុំវិញរាជធានីភ្នំពេញ។

តាមផែនការផ្លូវនេះ ត្រូវសង់ឱ្យរួចរាល់នៅអំឡុង ខែកញ្ញា២០២២ ប៉ុន្តែដោយសារតែបញ្ហាមួយចំនួន និងការដោះស្រាយផលប៉ះពាល់ផ្លូវនេះបានពន្យារពេល១ឆ្នាំ ប៉ុន្តែតាមការបញ្ជាក់របស់រដ្ឋមន្ត្រី ក្រសួងសាធារណការ និងដឹកជញ្ជូនបានឲ្យដឹងកាលពីថ្ងៃទី២៨ កុម្ភៈថា ផ្លូវនេះនឹងបញ្ចប់នៅអំឡុងខែឧសភា ២០២៣និងលែងពន្យារពេលទៀតហើយ។ លោកបានថ្លែងបែបនេះ ក្នុងអំឡុងពិនិត្យវឌ្ឍនភាពផ្លូវក្រវ៉ាត់ក្រុងទី៣ ។

លោកបន្តថា តាមពិតទៅផ្លូវក្រវ៉ាត់ក្រុងទី៣នេះ គឺតាមផែនការត្រូវធ្វើឱ្យចប់នៅខែកញ្ញា ឆ្នាំ២០២២ ប៉ុន្តែដោយសារតែប្រើសម្រាប់ដោះស្រាយផលប៉ះពាល់ផង និងការងារមួយចំនួនទៀត ក្រុមហ៊ុនសាងសង់បានស្នើសុំពេលពន្យារមួយឆ្នាំ។ យ៉ាងណាក្រសួង ក៏បានជំរុញឱ្យក្រុមហ៊ុនបញ្ចប់ការសាងសង់ឱ្យបានលឿន ហើយជាការព្រមព្រៀង ក្រុមហ៊ុនក៏បានយល់ព្រមបញ្ចប់នៅខែឧសភា ២០២៣នេះ។

លោកទេសរដ្ឋមន្រ្តីបានបញ្ជាក់ថា “ដូច្នេះផ្លូវនេះមិនបានពន្យារ១២ខែនោះទេ គឺពន្យារត្រឹមតែ៨ខែប៉ុណ្ណោះ ហើយក៏នឹងសម្រេចទៅតាមនោះផងដែរ ។

លោកស៊ុន ចាន់ថុលក៏បានថ្លែងថា បើសិនជាបញ្ចប់នៅមុនចូលឆ្នាំខ្មែរខាងមុខនេះ វាពិតជាប្រសើរណាស់ ដើម្បីឱ្យប្រជាពលរដ្ឋអាចធ្វើដំណើរតាមផ្លូវនេះ និងអាចកាត់បន្ថយការកកស្ទះ ចរាចរណ៍នៅក្រុងភ្នំពេញ ។

លោកបានមានប្រសាសន៍ថា ជាទូទៅក្រុមហ៊ុនរបស់ចិន មិនដែលធ្វើយឺតយ៉ាវនោះទេ ប៉ុន្តែគាត់បានសុំពេលវេលាយើង ដើម្បីដោះស្រាយរាល់បញ្ហាជួបប្រទះនានា។

លោកបន្ថែមថា “ផ្លូវនេះ ផ្លូវដ៏សំខាន់ សម្រាប់ការដោះស្រាយបញ្ហាស្ទះចរាចរណ៍នៅក្រុងភ្នំពេញ ក្នុងនោះប្រជាពលរដ្ឋ ដែលធ្វើដំណើរពីខេត្តមួយទៅខេត្តមួយ មិនចាំបាច់ធ្វើដំណើរកាត់ក្រុងភ្នំពេញទៀតនោះទេ”។លោកបន្តថា ដូចជាអ្នកធ្វើដំណើរមកពីសៀមរាប ចង់ទៅលេងកំពតអាចធ្វើដំណើរតាមផ្លូវក្រវ៉ាត់ក្រុងនេះ ពីមហាវិថីឈ្នះឈ្នះ ឡើងទៅផ្លូវក្រវ៉ាត់ក្រុង និងចុះទៅផ្លូវជាតិលេខ៣វិញ។

សូមបញ្ជាក់ផ្លូវនេះដែរ ក៏ឃើញមានសកម្មភាព នៃការអភិវឌ្ឍអចលនទ្រព្យជាបន្តបន្ទាប់ផងដែរ ដូចជា តំបន់ឧស្សាហកម្ម និងលំនៅឋាន ពិសេសនៅប៉ែកខាងត្បូងរាជធានីភ្នំពេញ ដោយសារតែនៅខាងត្បូងរាជធានី មានការអភិវឌ្ឍលើព្រលានយន្តហោះអន្តរជាតិថ្មី ផ្សារទំនើបធំៗ ដែលជំរុញឱ្យវិនិយោគិនក្នុងស្រុក និងបរទេសបណ្ដាក់ទុន លើគម្រោងអភិវឌ្ឍន៍របស់ខ្លួន៕

ដំណឹងល្អៈស្ពានអាកាសឆ្លងកាត់ផ្លូវជាតិលេខ៥នឹងបើកឲ្យប្រជាពលរដ្ឋធ្វើដំណើរបណ្តោះអាសន្ននៅថ្ងៃនេះហើយ

ដោយៈ គង់ សូរិយា

ភ្នំពេញៈ អភិបាលនៃគណៈអភិបាលរាជធានីភ្នំពេញ លោកឃួង ស្រេងបានមានប្រសាសន៍ឲ្យដឹងថា ស្ពានអាកាសអូសលើផ្លូវជាតិលេខ៥ អតីតៈ តំបន់ឃ្លាំងសាំងសូគីម៉ិច នឹងបើកដំណើរការនៅថ្ងៃទី១ មិនានេះហើយ។

លោកឃួង ស្រេងបានមានប្រសាសន៍ឲ្យដឹងបែបនេះ ក្នុងកិច្ចសម្ភាសន៍ជាមួយវិទ្យុក្នុងស្រុកមួយថា ស្ពានអាកាសនេះ បានបញ្ចប់ការសាងសង់ ហើយលោកទើបស្នើសុំសម្តេចតេជោ ដើម្បីបើកដំណើរការស្ពាននេះ ដែលសម្តេចបានឯកភាពហើយ។

លោកបន្តថា “ស្ពានអាកាសនេះ នឹងជួយសម្រួលការធ្វើចរាចរណ៍ និងកាត់បន្ថយការកកស្ទះ ចរាចរណ៍បានច្រើននៅតំបន់នេះ”។

លោកឃួង ស្រេងបានឲ្យដឹងទៀតថា ជាមួយគ្នានេះ ស្ពានអាកាសយោងដោយខ្សែកាប ឆ្លងកាត់ទន្លេរសាប តភ្ជាប់ពីផ្លូវជាតិលេខ៥ ទៅកាន់ទីក្រុងរណបជ្រោយចង្វាររបស់ក្រុមហ៊ុនOCIC នឹងបើកដំណើរការនៅមុនពិធីបុណ្យចូលឆ្នាំប្រពៃណីជាតិខ្មែរខាងមុខនេះ។

លើសពីនេះ អភិបាលរាជធានីភ្នំពេញរូបនេះ បានបង្ហើបពីគំរោងសាងសង់ស្ពានតភ្ជាប់ពីតំបន់ព្រែកប្រា ទៅកាន់ផ្លូវ៥០ម៉ែត្រនាពេលខាងមុខផងដែរ ខណៈមន្ទីរសាធារណៈការ និងដឹកជញ្ជូនបានបញ្ចប់ការសិក្សាហើយផងដែរ។

ទោះជាយ៉ាងណាលោកមិនទាន់បញ្ជាក់ឲ្យដឹងថា ស្ពានឆ្លងកាត់ទន្លេរបាសាក់ ពីតំបន់ព្រែកប្រា ទៅកាន់ផ្លូវ៥០ម៉ែត្រនឹងសាងសង់នាពេលណា និងចំណាយថវិកាប៉ុន្មានលានដុល្លារនៅឡើយទេ៕

PIN expects land sales in east to expand

Industrial estate developer Pinthong Industrial Park Plc (PIN) expects its land sales in the eastern provinces of Chon Buri and Rayong to reach 420 rai, driven by investment from China in electric vehicle (EV) manufacturing.

The sales growth comes as the government continues to promote EV production and consumption through tax cuts and subsidies this year.

Investments from other industries, including data centre development, are also expected to boost industrial land sales, said Pira Patamavorakulchai, chief executive of PIN.

“The Thai and Chinese governments have opened their countries. This has played a key role in supporting more investment in Thailand,” he said.

Mr Pira said increased land sales, together with other sources of revenue, including its business that leases factories and warehouse facilities, will further grow the company this year.

In 2022, PIN saw its total revenue soar by 94% year-on-year to 1.1 billion baht while profit skyrocketed by 125% year-on-year to 325 million baht.

Mr Pira attributed the strong
business performance to the increase in industrial land sales and revenue from the factory and warehouse business as well as infrastructure services.

According to PIN, most of the manufacturers based in its industrial estates are in the auto parts industry, accounting for 27% of total producers. Coming second are metal producers (21%), followed by plastic producers (9%), machinery and household product manufacturers (8%) and electronics producers (7%).

Source: Bangkok Post

Japan to relax border controls for passengers from China from Mar 1

TOKYO: Japan will from Wednesday (Mar 1) ease its COVID-19 restrictions on travellers from China, dropping a requirement that everyone take a test for the virus upon arrival, its top government spokesperson said.

Instead of blanket testing of travellers from China, Japan will only test selected samples, although travellers will still need to show a negative test before boarding their flights to Japan, Chief Cabinet Secretary Hirokazu Matsuno told a news
conference on Monday.

The changes were intended to “support smooth international travels, given a low rate of positive test results among entrants”, Matsuno said.

Airlines will also be allowed to operate direct flights from China to more Japanese airports, Matsuno said. For now, direct flights from China can only land at the Narita, Haneda, Kansai and Chubu airports.

Passengers from Hong Kong
and Macau will be exempt from any on-arrival testing or pre-boarding negative test requirements, broadcaster TBS reported earlier on Monday, citing government sources.

Japan and South Korea imposed stricter border control on travellers from China after COVID-19 cases surged there when it lifted its strict zero-COVID policy late last year.

China retaliated by suspending the issuing of short-term visas in South Korea and Japan.

South Korea eased its border controls on visitors from China early this month, which China welcomed.

Source: Reuters/lk

1...1,0291,0301,031...3,259 Page 1,030 of 3,259