ក្រុមប្រឹក្សាអភិវឌ្ឈន៍កម្ពុជាស្នើឲ្យប្រជាពលរដ្ឋដែលត្រូវរឹបអូសផ្ទះ ត្រូវភ្ជាប់ឯកសារចំនូន៣

ដោយៈ ជេស៊ីកា

ភ្នំពេញៈ អនុវត្តន៍តាមប្រសាសន៍ណែនាំ ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រីនៃកម្ពុជា ក្រុមប្រឹក្សាអភិវឌ្ឍន៍កម្ពុជាស្នើប្រជាពលរដ្ឋត្រូវភ្ជាប់ឯកសារចំនួនបី មកកាន់ក្រុមប្រឹក្សាអភិវឌ្ឍន៍កម្ពុជា។

ឯកសារសំខាន់ៗចំនួនបីនោះរួមមាន
ទី១ កិច្ចសន្យាទិញ-លក់ផ្ទះ (ច្បាប់ដើម និងកូពី១ច្បាប់)
ទី២ អត្តសញ្ញាណបណ្ណអតិថិជនទិញផ្ទះ (ច្បាប់ដើម និងកូពី១ច្បាប់) និង
ទី៣ កូពីវិក្កយបត្រឬឯសារដែលបញ្ជាក់ពីការបង់ថវិកាជូនម្ចាស់បុរី តាំងពីលើកដំបូងរហូតដល់លើកចុងក្រោយ១ច្បាប់។

សម្តេចតេជោ បានថ្លែងបែននេះ នៅក្នុងពិធីសំណេះសំណាលជាមួយកម្មករ និយោជិត នៅស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី៩ ខែមិថុនា ឆ្នាំ២០២៣។ សម្តេចបានស្នើសូមអតិថិជន ដែលត្រូវបានម្ចាស់បុរីរឹបអូសផ្ទះ មកបំពេញឯកសារព័ត៌មាន (តាមទំរង់ដូចមានជូនភ្ជាប់) ដោយពុំបាច់បង់ប្រាក់ នៅទីស្តីការក្រុមប្រឹក្សាអភិវឌ្ឍន៍កម្ពុជា ដែលមានទីតាំងនៅទល់មុខវត្តភ្នំ រាជធានីភ្នំពេញ ចាប់ពីម៉ោង៨ព្រឹក ដល់ម៉ោង៥ល្ងាច រៀងរាល់ថ្ងៃ។

ប្រជាពលរដ្ឋដែលមានចម្ងល់ សូមទាក់ទងលេខទូរស័ព្ទខាងក្រោម 096 304 8971 ឬ 011 983 896 ឬ 092 627275 ឬ 078 847 464៕

រដ្ឋមន្រ្តីក្រសួងពាណិជ្ជកម្មៈសេដ្ឋកិច្ចកម្ពុជារំពឹងកើនដល់៧ភាគរយនៅឆ្នាំ២០២៤

ដោយៈ គង់ សូរិយា

ភ្នំពេញៈ រដ្ឋមន្រ្តីក្រសួងពាណិជ្ជកម្មលោកប៉ាន សូរស័ក្តិបានលើកឡើងថា តាមរយៈកិច្ចខិតខំប្រឹងប្រែងរបស់រាជរដ្ឋាភិបាល សេដ្ឋកិច្ចរបស់ប្រទេសកម្ពុជា មានកើនឡើងក្នុងរង្វង់ ៥% ក្នុងឆ្នាំ២០២២ ហើយត្រូវបានគេព្យាករណ៍ថា នឹងកើនឡើងដល់ប្រហែល ៦% ក្នុងឆ្នាំ២០២៣ និង៧% នៅឆ្នាំ២០២៤។

កំណើននេះនឹងធ្វើឱ្យប្រទេសកម្ពុជា នឹងឈានទៅកាន់ “ប្រទេសដែលមានចំណូលមធ្យមកម្រិតទាប” និងប្តេជ្ញាឈានទៅ “ប្រទេសដែលមានចំណូលមធ្យមកម្រិតខ្ពស់” នៅឆ្នាំ២០៥០ ខាងមុខនេះ។

រដ្ឋមន្ត្រីក្រសួងពាណិជ្ជកម្មបានថ្លែងបែបនេះ នៅក្នុងពេលអញ្ជើញថ្លែងសុន្ទរកថាបើកក្នុងសិក្ខាសាលាស្ដីពី “កិច្ចសម្រួលពាណិជ្ជកម្ម និងការធ្វើពាណិជ្ជកម្មឌីជីថល រវាងប្រទេសកម្ពុជា និងជប៉ុន” នៅមជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន (CJCC)។លោកបន្តថា ជាមួយគ្នានេះ ក្រសួងពាណិជ្ជកម្មបានចូលរួមកិច្ចសម្រួលពាណិជ្ជកម្ម តាមរយៈការធ្វើពាណិជ្ជកម្មឌីជីថលរួមមាន ការបង្កើតគេហទំព័រ ចុះបញ្ជីពាណិជ្ជកម្មតាមប្រព័ន្ធស្វ័យប្រវត្តិកម្ម នៅលើគេហទំព័ររបស់ក្រសួងពាណិជ្ជកម្ម (MoC) ឬតាមរយៈ CamDX ដែលជាប្រព័ន្ធចុះបញ្ជីពាណិជ្ជកម្ម តាមប្រព័ន្ធស្វ័យប្រវត្តកម្មរួមមួយ ដែលរៀបចំ និងបង្កើតដោយក្រសួងសេដ្ឋកិច្ចនិងហិរញ្ញវត្ថុ។

ប្រព័ន្ធស្វ័យប្រវត្តកម្មសំខាន់មួយទៀតគឺ Certificate of Origin Automation ដែលផ្តល់ជូនអ្នកនាំចេញ និងអ្នកផលិត ដើម្បីបង្កើត បញ្ជូន និងទូទាត់តាមប្រព័ន្ធអេឡិចត្រូនិក សម្រាប់វិញ្ញាបនបត្រនៃប្រភពដើមទំនិញ (CO)។

ពាក់ព័ន្ធនឹងគោលនយោបាយ និងយុទ្ធសាស្ត្រ លោករដ្ឋមន្ត្រី ប៉ាន សូរស័ក្តិបានបញ្ជាក់ថា ក្រសួងពាណិជ្ជកម្មបានដឹកនាំបង្កើតយុទ្ធសាស្ត្ររួមមួយ គឺយុទ្ធសាស្ត្រសមាហរណកម្មពាណិជ្ជកម្មកម្ពុជា (CTIS) 2019-2023 ដែលបង្ហាញពីការប្រកួតប្រជែង ការធ្វើពិពិធកម្មការនាំចេញ និងប្រភពថ្មីនៃកំណើនសេដ្ឋកិច្ច។

លោកបន្តថា មិនតែប៉ុណ្ណោះ ក្រសួងពាណិជ្ជកម្ម បានបង្កើតយុទ្ធសាស្ត្រពាណិជ្ជកម្មអេឡិចត្រូនិក សំដៅបង្កើតប្រព័ន្ធអេកូស្សីពាណិជ្ជកម្មអេឡិចត្រូនិក ដែលចុះសម្រុងគ្នា និងរួមបញ្ចូលគ្នា ដែលអនុញ្ញាតឱ្យវិស័យឯកជន ប្រើប្រាស់បច្ចេកវិទ្យាឌីជីថល ក្នុងការលើក កម្ពស់ពាណិជ្ជកម្មក្នុងស្រុក និងឆ្លងកាត់ព្រំដែន៕

ផែនការអភិវឌ្ឍន៍ទេសចរណ៍ ផ្សារភ្ជាប់ធម្មជាតិខ្នាតតូចត្រូវ បានតាមដាន

ដោយៈ គង់ សូរិយា

ភ្នំពេញៈ ក្រសួងបរិស្ថានបានបើកកិច្ចប្រជុំ ពិនិត្យតាមដាន និងវាយតម្លៃ លើការអនុវត្តគម្រោងអភិវឌ្ឍន៍ទេសចរណ៍ ផ្សារភ្ជាប់ធម្មជាតិខ្នាតតូចទំហំក្រោម១០ហិកតា ក្នុងតំបន់ការពារធម្មជាតិ និងរបៀងអភិរក្សជីវៈចម្រុះ។

កិច្ចប្រជុំនេះធ្វើឡើង ក្រោមអធិបតីភាព លោកសាយ សំអាល់ រដ្ឋមន្ត្រីក្រសួងបរិស្ថាន នៅទីស្តីការក្រសួងបរិស្ថាន។កិច្ចប្រជុំនេះបានរៀបចំ ក្នុងគោលបំណងពិភាក្សាអំពីបញ្ហាប្រឈម និងប្រមូលធាតុចូលនានាចូលពីក្រុមហ៊ុន និងម្ចាស់គម្រោងដែលទទួលបានគោលការណ៍ អនុញ្ញាតពីរាជរដ្ឋាភិបាល តែមិនទាន់មានសកម្មភាពអភិវឌ្ឍ ឬការអភិវឌ្ឍមានភាពយឺតយ៉ាវ។

លោកឡុង ឌីម៉ង់អភិបាលរងខេត្តព្រះសីហនុ ដែលចូលរួមកិច្ចប្រជុំនេះ បានសំណូមពរឯកឧត្តមរដ្ឋមន្ត្រី ពិចារណាលើការធ្វើនិរាករណ៍គម្រោងវិនិយោគ ដែលទទួលបានគោលការណ៍អនុញ្ញាតឱ្យអភិវឌ្ឍទេសចរណ៍ ផ្សារភ្ជាប់នឹងធម្មជាតិ តែមិនមានសកម្មភាព ដើម្បីយកទីតាំង ដែលមានសក្តានុពលទាំងអស់ត្រឡប់មកវិញ ទុកជូនក្រុមហ៊ុន ឬវិនិយោគិនដែលមានលទ្ធភាពគ្រប់គ្រាន់ ក្នុងការអភិវឌ្ឍប្រកបដោយមេត្រីភាពបរិស្ថាន ក្នុងគោលដៅចូលរួមលើកកំពស់សេដ្ឋកិច្ចមូលដ្ឋាន និងធ្វើពិពិធកម្មវិនិយោគិននៅក្នងខេត្ត៕

រដ្ឋាភិបាលរុស្ស៊ីគ្រោងបោះទុនវិនិយោគ២៤ពាន់លានដុល្លារអាមេរិក ដើម្បីអភិវឌ្ឍផ្លូវសមុទ្រភាគខាងជើង

ដោយ: គង់ លាងហួរ
អន្តរជាតិ: ប្រទេសរុស្ស៊ីបានបង្ហាញផែនការវិនិយោគចំនួន២ពាន់ពាន់លានរូប្ល (ប្រហែល២៤,៥៨ពាន់លានដុល្លារអាមេរិក) ក្នុងការអភិវឌ្ឍផ្លូវសមុទ្រខាងជើង (NSR) របស់ខ្លួនក្នុងរយៈពេល១៣ឆ្នាំខាងមុខ ហើយសេចក្តីព្រាងច្បាប់ដែលរៀបចំដោយរដ្ឋាភិបាលបានអនុម័តការអានលើកដំបូងរួចរាល់ហើយ។

ថ្លែងនៅក្នុងសម័យប្រជុំយុទ្ធសាស្ត្រស្តីពី “ការអភិវឌ្ឍន៍ផ្លូវសមុទ្រខាងជើង លោកនាយករដ្ឋមន្ត្រីរុស្សុី Mikhail Mishustin បានសង្កត់ធ្ងន់លើតួនាទីដ៏សំខាន់របស់ NSR ក្នុងការបង្កើនការតភ្ជាប់ការដឹកជញ្ជូនសម្រាប់ដែនដីដាច់ស្រយាលនានានៃប្រទេសរុស្សុី”។

សម័យប្រជុំយុទ្ធសាស្ត្របានវាយតម្លៃវឌ្ឍនភាពក្នុងការអនុវត្តផែនការអភិវឌ្ឍន៍ NSR ដែលបានអនុម័តក្នុងខែសីហា ឆ្នាំ២០២២ ដែលរួមមានការសាងសង់នាវាបំបែកទឹកកក និងកប៉ាល់ប្រភេទទឹកកកជាង៥០គ្រឿង ការបង្កើតកំពង់ផែ ស្ថានីយ មជ្ឈមណ្ឌលសង្គ្រោះបន្ទាន់ និងការដាក់ពង្រាយផ្កាយរណបគន្លងគោចរ។

លោកនាយករដ្ឋមន្ត្រីបានសង្កត់ធ្ងន់លើសារៈសំខាន់នៃការបង្កើតហេដ្ឋារចនាសម្ព័ន្ធដ៏ទូលំទូលាយមួយ ដែលរួមមានកំពង់ផែថ្មី ស្ថានីយ៍បច្ចេកទេស និងសង្គ្រោះបន្ទាន់ ប្រព័ន្ធត្រួតពិនិត្យអាកាសធាតុ និងទឹកកក និងប្រព័ន្ធគ្រប់គ្រងចរាចរណ៍ដែលលាតសន្ធឹងលើផ្លូវសមុទ្រខាងជើងទាំងមូល។

លោកបានបន្ថែមថា ជាផ្នែកមួយនៃគំនិតផ្តួចផ្តើមនេះ ផ្កាយរណបឧតុនិយមចំនួន៥ នឹងត្រូវបានបាញ់បង្ហោះមុនកាលវិភាគនៅឆ្នាំនេះ ដើម្បីផ្តល់ការឃ្លាំមើល និងជំនួយជាបន្តបន្ទាប់នៅទូទាំងផ្លូវអាកទិកទាំងអស់៕

រដ្ឋបាលខេត្តកោះកុងរៀបចំព្រាងបញ្ជីគំរោងអភិវឌ្ឍន៍ខេត្តសម្រាប់ ឆ្នាំ២០២៤ ២០២៦

ដោយៈ គង់ សូរិយា

កោះកុងៈ លោកជំទាវ មិថុនា ភូថង អភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំរបស់គណៈកម្មាធិការ សម្របសម្រួលបច្ចេកទេសខេត្ត ដើម្បីពិនិត្យ និងផ្តល់យោបល់ លើសេចក្តីព្រាងបញ្ជីគម្រោងអាទិភាព ដោយប្រើប្រាស់ថវិកាខេត្ត ឆ្នាំ២០២៤-២០២៦។

លោកជំទាវអភិបាលខេត្ត បានអនុញ្ញាតឱ្យក្រុមការងារកសាងផែនការខេត្ត ដាក់សេចក្តីព្រាងបញ្ជីគម្រោងជាអាទិភាព ដោយប្រើប្រាស់ថវិកា ខេត្ត ឆ្នាំ២០២៤-២០២៦ ចូលក្នុងរបៀបវារៈនៃកិច្ចប្រជុំពេញអង្គរបស់គណៈកម្មាធិការ សម្របសម្រួលបច្ចេកទេសខេត្ត នាពេលថ្ងៃនេះ ដើម្បីសុំការពិនិត្យ និងផ្ដល់យោយល់។

យោងទៅលើសេចក្តីសម្រេចស្តីពី ការរៀបចំគណៈកម្មាធិការសម្របសម្រួលបច្ចេកទេស ខ្ញុំសូមបញ្ជាក់ជូនដោយសង្ខេបស្តីពីតួនាទី និងភារកិច្ច សំខាន់ៗដូចខាងក្រោម
ទី១ -សម្របសម្រួល រៀបចំ ផែនការអភិវឌ្ឍន៍ និងថវិកា។
ទី២ -សម្របសម្រួលកិច្ចការរបស់ក្រុមប្រឹក្សាខេត្តជាមួយមន្ទីរ អង្គភាពជំនាញរបស់ក្រសួងស្ថាប័ននានា។
ទី៣ -កិច្ចសហប្រតិបត្តិការ និងសម្របសម្រួលនៅក្នុងរដ្ឋបាលឯកភាពខេត្ត។
ទី៤ -កិច្ចសហប្រតិបត្តិការ និងការសម្របសម្រួល រវាងក្រុមប្រឹក្សាខេត្ត ជាមួយក្រុមប្រឹក្សាក្រុង ក្រុមប្រឹក្សា ស្រុក ក្រុមប្រឹក្សាឃុំ និង ក្រុមប្រឹក្សាសង្កាត់នៅក្នុងខេត្ត។
ទី៥ -កិច្ចសហប្រតិបត្តិការ និងការសម្របសម្រួលរវាងក្រុមប្រឹក្សាខេត្តជាមួយក្រុមប្រឹក្សាពាក់ព័ន្ធផ្សេងៗ និង
ទី៦-ការងារទាក់ទងនឹងមុខងារ និងធនធាន។

លោកជំទាវបានបន្តថា ការរៀបចំសេចក្តីព្រាងបញ្ជី គម្រោងគ្រោងប្រើប្រាស់ថវិកាខេត្ត ២០២៤-២០២៦ ត្រូវបានរៀបចំឡើងតាមលំដាប់លំដោយ ស្របតាមប្រកាសអន្តរក្រសួងលេខ ១៤៩ ផក.ប្រក ស្តីពីការដាក់ឱ្យប្រើប្រាស់សេចក្តីណែនាំ បំពេញបន្ថែមលើសេចក្ដីណែនាំបច្ចេកទេសស្តីពីការរៀបចំ និងកសាងកម្មវិធីវិនិយោគបីឆ្នាំរំកិល រាជធានី ខេត្ត ក្រុង ស្រុក ឃុំ សង្កាត់ ដែលខ្លឹមសារសំខាន់ គឺការចាប់ផ្តើមរៀបចំកម្មវិធី វិនិយោគនៅថ្នាក់ក្រោមជាតិ ត្រូវដំណើរការទៅឱ្យស្រប ទៅនឹងដំណើរការរៀបចំថវិកា ហើយស្របទៅនឹងរចនាសម្ព័ន្ធថ្មី នៃការគ្រប់គ្រងនៅតាមបណ្តាក្រុង ស្រុក។

សេចក្តីព្រាងបញ្ជីគម្រោង ដែលបានលើកឡើង ឈ្មោះគម្រោងសំខាន់ៗ ដែលបានរំលេចឡើង ក្នុងកម្មវិធីវិនិយោគបីឆ្នាំរំកិល គឺជាផែនទីចង្អុលប្រាប់ផ្លូវ ដើម្បីប្រើប្រាស់ជាមូលដ្ឋានដ៏សំខាន់ ក្នុងការធ្វើសេចក្តីសម្រេចចិត្ត អំពីការអភិវឌ្ឍន៍ខេត្ត ក្របខ័ណ្ឌចំណាយរយៈពេលមធ្យម(បីឆ្នាំ) និងថវិកាប្រចាំឆ្នាំរបស់ខេត្ត និងអ្នកពាក់ព័ន្ធជុំវិញខេត្ត ក្នុងន័យនេះមានន័យថា រដ្ឋបាលខេត្ត និងអ្នកពាក់ព័ន្ធជុំវិញខេត្តអាចប្រើប្រាស់ជាមូលដ្ឋាន ក្នុងការរៀបចំប្រើប្រាស់ថវិកា ក៏ដូចជាស្នើសូមថវិកាទៅស្ថាប័ន ជំនាញ ដើម្បីបង្ហាញអំពីទំហំសូចនាករ ការកំណត់វាស់វែងធនធានថវិកា ក្នុងការវិភាជន៍ថវិកាទៅតាមទំហំនៃសូចនាករនីមួយៗ។

ដូច្នេះក្នុងឱកាសដ៏ប្រពៃនេះ សូមឱ្យសមាជិក សមាជិកា នៃកិច្ចប្រជុំមេត្តារួមគ្នា ពិនិត្យ និងផ្តល់យោបល់ កំណត់នូវបញ្ហាប្រឈមនានា ដែលមានកន្លងមក ក្នុងការអនុវត្តតួនាទី ក៏ដូចជាបញ្ហាប្រឈមនៅមូលដ្ឋាន ផ្ដល់ជាធាតុចូលបន្ថែមទៀត ជូនដល់ក្រុមការងារកសាងផែនការ ដើម្បីដាក់បញ្ចូលទៅក្នុងកម្មវិធី វិនិយោគ៣ឆ្នាំរំកិល ២០២៤-២០២៦ អនុវត្តប្រកបដោយប្រសិទ្ធភាពខ្ពស់។

លោកជំទាវបានបន្តថា យើងខ្ញុំសង្ឃឹមថាលទ្ធផលនៃ ការពិនិត្យ និងផ្ដល់យោបល់លើសេចក្តីព្រាងបញ្ជីគម្រោង គ្រោងប្រើប្រាស់ថវិកាខេត្ត នាឆ្នាំនេះ នឹងជាប្រយោជន៍ សម្រាប់ការប្រើប្រាស់ លើកិច្ចអភិវឌ្ឍន៍របស់ខេត្តឱ្យចំគោលដៅ ដើម្បីសម្រេចគោលបំណង និងចក្ខុវិស័យរបស់ខេត្ត ស្របតាមតម្រូវការអាទិភាពជាក់ស្ដែង របស់ប្រជាជនទូទាំងខេត្ត និងចូលរួម គាំទ្រដល់កម្មវិធីវិនិយោគ របស់ឃុំ សង្កាត់ដែលជាគម្រោងអាទិភាព ដែលមានដាក់បង្ហាញជូនក្នុងវេទិកាពិគ្រោះយោបល់ និងសិក្ខាសាលាសមាហរណកម្មវិធី វិនិយោគបីឆ្នាំរំកិល ឃុំ សង្កាត់ ថ្នាក់ក្រុង ស្រុក នាពេលខាងមុខ ក្នុងការគៀគរធនធានថវិកា ការគាំទ្រពីមន្ទីរវិស័យ អង្គការជាតិ និងអន្តរជាតិ វិស័យឯកជន ក្នុងដែនសមត្ថកិច្ចរបស់ខ្លួន ដើម្បីការលើកកម្ពស់គុណភាពសេវាសាធារណៈ សំដៅរួមចំណែកកាត់បន្ថយភាពក្រីក្រ និងលើកកម្ពស់ជីវភាព រស់នៅ និងសុខុមាលភាពរបស់ប្រជាពលរដ្ឋ ក្នុងខេត្ត បានប្រសើរឡើង៕

ទីក្រុងកោះពេជ្រនឹងមានការប្រែប្រួលខ្លាំងនៅរយៈពេល៣ឆ្នាំ ខាងមុខ

ដោយៈ ស៊ីវ ម៉េង

ភ្នំពេញៈ ស្របពេលការសាងសង់មជ្ឈមណ្ឌល ពាណិជ្ជកម្មជាចច្រើនបាននិងកំពុងលេចឡើង ទីក្រុងកោះពេជ្រមិនត្រឹមតែជាតំបន់លំនៅដ្ឋានប្រណីតៗ មជ្ឈមណ្ឌលពាណិជ្ជកម្មនោះទេ ប៉ុន្តែជាកន្លែងកំសាន្តផងដែរ។

វិបត្តិសេដ្ឋកិច្ចដោយសារជំងឺកូវីដ១៩ វិបត្តិសង្រ្គាមរុស្ស៊ី អ៊ុយក្រែន បាននិងកំពុងធ្វើឲ្យការអភិវឌ្ឍទីក្រុងនេះ ក៏ដូចជាតំបន់ដទៃទៀតមានសភាពយឺតយ៉ាវ ប៉ុន្តែផែនការអភិវឌ្ឍន៍ទីក្រុងនេះកំពុងបន្ត និងឆ្ពោះទៅកាន់អនាគតដ៏ភ្លឺស្វាងមួយ។

អគ្គនាយករងក្រុមហ៊ុនOCIC លោកTea Thierryបានមានប្រសាសន៍ឲ្យដឹងកាលពីដើមសប្តាហ៍នេះថា យើងកំពុងសម្លឹងទៅអនាគត និងកសាងសហគមន៍មួយសម្រាប់អនាគត និងមនុស្សជំនាន់ក្រោយ ដោយក្រុមហ៊ុនOCICបាននិងកំពុងអភិវឌ្ឍ ទីក្រុងកោះពេជ្រ សម្រាប់អនាគតដ៏ស្រស់បំព្រង និងរសរវើកមួយ។
លោកបន្តថា “យើងកំពុងដំណើរការសហគមន៍បៃតង កន្លែងកំសាន្តនាពេលរាត្រី ជាមួយផ្សាររាត្រីបាន និងកំពុងដំណើរការនៅជុំវិណញកោះនេះ”។ លោកបន្តថា មនុស្សរាប់ពាន់នាក់ បានមកកាន់ទីក្រុងនេះ ដើម្បីលេងកំសាន្ត ញាំអាហារ និងប្រកបអាជីវកម្មរបស់ពួកគេ”។

លោកTea Thierryបានបន្តថា ក្រុមហ៊ុនOCICបាននិងកំពុងរៀបចំតំបន់កំសាន្តជាច្រើន នៅរយៈពេលខាងមុខ ដើម្បីប្រែក្លាយជាទីក្រុងនេះជាតំបន់Hub of night Life ជាមួយភោជនីយដ្ឋាន ហាងល្បីៗ ក្លាសិកតន្រ្តី និងសេវាកម្មកំសាន្តជាច្រើនទៀតនាពេលអនាគត ។

លោកបន្តទៀតថា “អ្វីៗនឹងមានការប្រែប្រួលច្រើន នៅរយៈពេល៣ឆ្នាំខាងមុខ ដែលទីក្រុងនេះ នឹងកាន់តែមានសភាពអ៊ូរអរនាពេលអនាគត និងឆាប់ៗនេះ នៅពេលសា្ពនតភ្ជាប់ជីក្រុងកោះពេជ្រ និងទីក្រុងកោះនរាបញ្ចប់ និងគ្រោងដាក់ដំណើរការនៅចុងខែតុលា ឆ្នាំ២០២៣ខាងមុខនេះ ទីក្រុងកោះពេជ្រកាន់តែមានសភាពអ៊ូរអរ និងរសរវើក។

លោកTea Thierry បានបន្តថា រដ្ឋាភិបាលបាននាំមកនូវសុខសន្តិភាព ការរីកចម្រើនសេដ្ឋកិច្ច និងលើកទឹកចិត្តដល់ក្រុមហ៊ុនឯកជននានា ដើម្បីចូលរួមអភិវឌ្ឍន៍សេដ្ឋកិច្ច សង្គម ហេតុនេះទើបយើងបាននិងកំពុងអភិវឌ្ឍន៍តាមផែនការ និងផ្តោតលើអនាគតជាមួយនឹងការអភិវឌ្ឍប្រកបដោយចីរភាព និងការទទួលខុសត្រូវសង្គម៕

Bilateral FTA with China boosts Cambodia’s exports: PM

KAMPONG CHHNANG, Cambodia, June 8 (Xinhua) — Cambodian Prime Minister Samdech Techo Hun Sen said on Thursday that the Cambodia-China Free Trade Agreement (CCFTA), which took effect on Jan. 1, 2022, has given a boost to the kingdom’s exports to China.

“More and more Cambodian products have been shipped to China,” he said in a speech during a get-together with more than 18,000 garment factory workers here in central Kampong Chhnang province.

“Our agricultural products such as mangoes, longans, bananas and fish, which had no market in the past, have gained access to China under the CCFTA,” he added.

Recently, the General Administration of Customs of China has also allowed the Southeast Asian country to export its pepper and 12 kinds of wild aquatic products, including shrimp, fish, eel and river snails, to China.

Im Rachna, undersecretary of state and spokeswoman for Cambodia’s Ministry of Agriculture, Forestry and Fisheries, said China is a huge market for Cambodian potential agricultural products including milled rice, yellow bananas, fresh mangoes and longans.

“The export of our agricultural products to China has importantly promoted the development of Cambodian agriculture and brought a lot of benefits to Cambodian people, particularly farmers,” she told Xinhua.

According to a report from Cambodia’s General Department of Customs and Excise, the kingdom exported products worth 439.5 million U.S. dollars to China from January to April 2023, up 3.7 percent from 423.7 million dollars over the same period last year.

ខេត្តស្វាយរៀងទាក់ទាញគំរោងវិនិយោគចំនួន3បន្ថែមទៀត ក្នុងទុនវិនិយោគប្រមាណ១៦លានដុល្លារអាមេរិក

ដោយ: គង់ លាងហួរ
ភ្នំពេញ: គណៈកម្មាធិការតំបន់សេដ្ឋកិច្ចពិសេសកម្ពុជានៃក្រុមប្រឹក្សាអភិវឌ្ឍន៍កម្ពុជា(CDC) បានសម្រេចចេញវិញ្ញាបនបត្រចុះបញ្ជីជាគម្រោងវិនិយោគដល់ក្រុមហ៊ុនវិនិយោគបរទេសចំនួន៣។

យោងតាមការចុះផ្សាយដោយគេហទំព័រក្រុមប្រឹក្សាអភិវឌ្ឍកម្ពុជា ហៅកាត់ថា CDC នៅព្រឹកថ្ងៃសុក្រ ទី៩ ខែឧសភានេះបានឱ្យដឹងថា ការសម្រេចចេញវិញ្ញាបនបត្រចុះបញ្ជីជាគម្រោងវិនិយោគនេះបានធ្វើឡើងតបតាមសំណើរស្នើសុំវិនិយោគរបស់ក្រុមហ៊ុន។

តើក្រុមហ៊ុនបរទេសទាំង៣នោះមានឈ្មោះអ្វីខ្លះ និងបោះទុនបង្កើតរោងចក្រផលិតកម្មទៅលើអ្វីខ្លះ?
ទី១: ក្រុមហ៊ុន“QINGDAO ZHONGMIAN (CAMBODIA) KNITTING CO., LTD.” មានគម្រោងបង្កើតរោងចក្រកាត់ដេរ និងចាក់សម្លៀកបំពាក់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ឈីលូ ជាន ពុ ចាយ ខេត្តស្វាយរៀង ក្នុងទុនវិនិយោគប្រមាណ៦,៨លានដុល្លារអាមេរិក និងអាចបង្កើតការងារបានចំនួន២.៤១០កន្លែង។

ទី២: ក្រុមហ៊ុន“HUIYAO YAOXING PLASTIC PACKAGING PRODUCTS (CAMBODIA) CO., LTD.” មានគម្រោងបង្កើតរោងចក្រផលិតបាវ និងសម្ភារៈវេចខ្ចប់គ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ឈីលូ ជាន ពុ ចាយខេត្តស្វាយរៀង ក្នុងទុនវិនិយោគប្រមាណ ៥,៧លានដុល្លារអាមេរិក និងអាចបង្កើតការងារបានចំនួន៤៩៥កន្លែង។

ទី៣: ក្រុមហ៊ុន“ DONG WANG PAPER INDUSTRY (CAMBODIA) CO., LTD.” មានគម្រោងបង្កើតរោងចក្រផលិតកេសកាតុង និងសម្ភារៈវេចខ្ចប់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ហាយ-ផាក ខេត្តស្វាយរៀង ក្នុងទុនវិនិយោគប្រមាណ៣,៥លានដុល្លារអាមេរិក និងអាចបង្កើតការងារបានចំនួន៥៨៦កន្លែង៕

ដំណឹងល្អ÷សម្តេចតេជោស្នើរអោយម្ចាស់បុរីបញ្ឈប់ការរើបអូសផ្ទះ និងយោគយល់ដល់អតិថិជនតាមរយៈការរៀបចំឥណទានឡើងវិញ

សម្តេចតេជោ ហ៊ុន សែន នាយករដ្ឋមន្ត្រនៃកម្ពុជា បានមានប្រសាសន៍ថា សូមមេត្តាម្ចាស់បុរីទាំងអស់យោគយល់ ទប់ស្កាត់បញ្ឈប់ភ្លាមនូវសកម្មភាពរើបអូសផ្ទះពីអតិថិជន ហើយរៀបចំឥណទានឡើងវិញ ឯអ្នកទិញក៏ត្រូវតែមានការទទួលខុសត្រូវសងគេ។

ការថ្លែងបែបនេះ ក្នុងពេលសម្តេចតេជោអញ្ជើញចុះជួបសំណេះសំណាលជាមួយកម្មករ កម្មការិនី សរុបចំនួន ១៨០៥៧នាក់ មកពីរោងចក្រ សហគ្រាសចំនួន១១ ក្នុងស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង(លើកទី២)នៅថ្ងៃទី០៩ ខែមិថុនា ឆ្នាំ២០២៣។
សម្ដេចបានរំលឹកថា ក្នុងពេលដែលវិបត្តិកូវីដបានមកដល់ ធនាគារជាតិក៏ដូចជាមីក្រូហិរញ្ញវត្ថុ បានរៀបចំឥណទានឡើងវិញហើយ រាប់សែនគណនី គឺការរៀបចំឥណទានឡើងវិញ ឧទាហរណ៍ថា រយៈពេលសង ត្រូវសងក្នុងរយៈពេលប្រាំឆ្នាំ គាត់អាចបន្ថយរយៈពេលសង ទៅជា៧ឬ៨ឆ្នាំ ឬគាត់យករបស់ទៅដាក់បញ្ចាំង តម្លៃអចលនទ្រព្យរបស់គាត់ដាក់បញ្ចាំងបានត្រឹមតែ៣មុឺនទេ ចឹងដើម្បីផ្ដល់ទុនបន្ថែមសម្រាប់ការរកសុី គេពង្រីកទំហំរបស់បញ្ចាំងទៅជា៥មុឺន។
សម្តេចតេជោ ហ៊ុន សែន បានមានប្រសាសន៍យ៉ាងដូច្នេះថា ឥឡូវនេះ បញ្ហាស្ថិតនៅត្រង់ថា តាមបុរីនានា កិច្ចសន្យាពិតជាមានហើយរវាងអ្នកលក់និងអ្នកទិញ ក្នុងការបង់រំលោះផ្ទះ បង់រំលោះរថយន្ត ជាពិសេសគឺបង់រំលោះផ្ទះតែម្ដង ខ្ញុំសូមឱ្យម្ចាស់បុរីទាំងអស់ផ្ដល់ការយោគយល់ចំពោះការលំបាករបស់អ្នកដែលធ្លាប់មានប្រាក់ចំណូលខ្ពស់ ក៏ប៉ុន្តែប្រាក់ចំណូលវាធ្លាក់ ចឹងគប្បីត្រូវរៀបចំឥណទានឡើងវិញ ឧទាហរណ៍ថាឥឡូវត្រូវឱ្យបង់មួយខែត្រូវបង់៥០០ដុល្លារ ហើយបង់រយៈពេល១៥ឆ្នាំ ឥឡូវយើងអាចរៀបចំឥណទានឡើងវិញតាមរយៈថា ពីដើមបង់១៥ឆ្នាំ មួយខែបង់៥០០ដុល្លារ ឥឡូវយើងទាញអូសបន្លាយ ឱ្យទៅបង់២០ ឆ្នាំ ជាមួយនឹងការបន្ថយមកបង់ត្រឹមតែ៤០០ដុល្លារឬ៣៥០ដុល្លារ ក្នុងមួយខែវិញ ធ្វើយ៉ាងនេះបញ្ជៀសបាននូវការរើបអូសភ្លាមៗ ដែលវាជារឿងឈឺចាប់មួយសម្រាប់អ្នកដែលទិញអចលនទ្រព្យ ។
សម្តេចតេជោ ហ៊ុន សែន បានមានប្រសាសន៏ទៀតថា ហើយថៅកែអត់មានអីខាតទេ ព្រោះការពិតម្ចាស់បុរីចំណេញទៅវិញទេ ចំណេញត្រង់ការប្រាក់នៅការប្រាក់ដដែល ហើយអូសបន្លាយពេលសង ការប្រាក់នៅដដែល គាត់អត់អីខាតបង់សោះ ចឹងខ្ញុំសូមស្នើឱ្យក្រុមហ៊ុនអចលនទ្រព្យ លោកឧកញ្ញា លីហួរ ជាប្រធានសមាគមអចលនទ្រព្យ ធ្វើការលើរឿងនេះ ជាមួយសមាជិកសមាគម និងតាមបុរីនានា។

សម្តេចបានបន្តថា បើធ្វើការរើបអូសយ៉ាងនេះ គឺនឹងខូចខាតធ្ងន់ សេដ្ឋកិច្ចកម្ពុជានឹងដើរដល់ដំណាក់កាលមួយគ្រោះថ្នាក់ ហើយអ្នកដែលគ្រោះថ្នាក់គឺអ្នកដែលបង់រំលោះ ដែលត្រូវបានគេរើបអូស។

សម្តេចបានគូសបញ្ជាក់ថា រាជរដ្ឋាភិបាលត្រូវតែមានការគាំពារទាំងសងខាង ម្ចាស់បុរីដែលលក់ផ្ទះអត់មានអីខាតទេ គ្រាន់តែពន្យាការសង ដោយត្រូវ បង់១៥ឆ្នាំ មួយខែបង់៥០០ដុល្លារ ឥឡូវពន្យាការបង់២០ ឆ្នាំ ប៉ុន្តែបង់ត្រឹមតែមួយខែ៤០០ដុល្លារឬ៣០០ដុល្លារ វិញបើធ្វើយ៉ាងដូច្នេះបាន ទាំងសងខាងឈ្នះដូចគ្នា។

សម្តេចសុំដោយទទូច ចំពោះម្ចាស់បុរី អ្នកធ្វើសំណង់ ផ្ដល់នូវការយោគយល់បែបនេះ សម្រាប់អ្នកដែលទិញផ្ទះ ការរើបអូសណាមួយមិនមែនជារឿងល្អសម្រាប់សេដ្ឋកិច្ចជាតិ ហើយសម្រាប់បញ្ហាសង្គមសេដ្ឋកិច្ចរបស់កម្ពុជានោះទេ វានឹងទម្លាក់អ្នកដែលបានរកប្រាក់បង់ហើយ ជួនកាលបង់បាន១ភាគ៣ ជួបកាលបង់បានពាក់កណ្ដាល ជួនកាលបង់បាន២ភាគ៣ ស្រាប់តែត្រូវគេរើបអូស វាជារឿងឈឺចាប់ ។

តំបន់ចាយប្រាក់អឺរ៉ូធ្លាក់ចូលក្នុងវិបត្តិសេដ្ឋកិច្ច ខណៈរដ្ឋាភិបាលរឹតបន្តឹងការចំណាយរបស់រដ្ឋ

ដោយ: គង់ លាងហួរ
អន្តរជាតិ: ប្រទេសចំនួន២០ ដែលចាយប្រាក់អឺរ៉ូបានធ្លាក់ចូលទៅក្នុងវិបត្តិសេដ្ឋកិច្ចកម្រិតស្រាលមួយ ដោយសារតែអត្រាអតិផរណាខ្ពស់បានបង្អាក់ការចំណាយរបស់អ្នកប្រើប្រាស់ ហើយរដ្ឋាភិបាលបានរឹតបន្តឹងការចំណាយរបស់ខ្លួន។

យោងតាមការចេញផ្សាយទិន្នន័យផ្លូវការដែលបានកែសម្រួលកាលពីថ្ងៃព្រហស្បតិ៍បានឱ្យដឹងថា នៅក្នុងរយៈពេល៣ខែដំបូងនៃឆ្នាំនេះ ទិន្នផលសេដ្ឋកិច្ចនៅក្នុងតំបន់ចាយប្រាក់អឺរ៉ូបានធ្លាក់ចុះ០,១% ខណៈនៅក្នុងត្រីមាសទី៤ នៃឆ្នាំ២០២២ ទិន្នផលសេដ្ឋកិច្ចក៏បានធ្លាក់ចុះ០,១% ផងដែរ។វិបត្តិសេដ្ឋកិច្ចត្រូវបានគេកំណត់ជាធម្មតាថាជា រយៈពេលពីរត្រីមាសជាប់ៗគ្នានៃការធ្លាក់ចុះសេដ្ឋកិច្ច។ទោះជាយ៉ាងនេះក្តី សេដ្ឋកិច្ចតំបន់អឺរ៉ុបទាំងមូលបានជៀសវាងពីការធ្លាក់ចុះ។ នៅទូទាំងសហភាពអឺរ៉ុប ផលិតផលក្នុងស្រុកសរុបបានកើនឡើង០,១% នៅក្នុងត្រីមាសទីមួយ បន្ទាប់ពីបានធ្លាក់ចុះ០,២%កាលពីចុងឆ្នាំមុន។

ដោយធ្វើអត្ថាធិប្បាយលើទិន្នន័យតំបន់ចាយប្រាក់អឺរ៉ូ លោក Andrew Kenningham ប្រធានសេដ្ឋវិទូអឺរ៉ុបនៅក្រុមហ៊ុន Capital Economics បានលើកឡើងថា ការប្រើប្រាស់របស់គ្រួសារបានរងផលប៉ះពាល់យ៉ាងខ្លាំង ដោយសារតម្លៃទំនិញហក់ឡើងខ្ពស់ និងការកើនឡើងនៃអត្រាការប្រាក់។

ទន្ទឹមនឹងនេះ អត្រាអតិផរណានៅក្នុងតំបន់ចាយប្រាក់អឺរ៉ូបានហក់ឡើងខ្លាំងកាលពីឆ្នាំ២០២២ នៅពេលដែលការឈ្លានពានរបស់រុស្ស៊ីទៅលើអ៊ុយក្រែនបានធ្វើឱ្យតម្លៃថាមពលកើនឡើងខ្ពស់។បន្ថែមពីលើវិបត្តិថាមពល ការធ្លាក់ចុះយ៉ាងខ្លាំងនៃការចំណាយរបស់រដ្ឋាភិបាលក៏ជាកត្តាជំរុញដ៏សំខាន់មួយទៀតនៃការធ្លាក់ចុះនៃផលិតផលក្នុងស្រុកសរុបរបស់តំបន់ចាយប្រាក់នៅដើមឆ្នាំនេះផងដែរ៕

1...1,0291,0301,031...3,381 Page 1,030 of 3,381