ដោយៈ សហការី

       ភ្នំពេញៈ ការអភិវឌ្ឍរបស់ប្រទេសកម្ពុជា នាប៉ុន្មានឆ្នាំចុងក្រោយនេះគឺមានការរីកចម្រើនគួរឱ្យសម្គាល់ ទោះជាស្ថិតនៅក្នុងកាលៈទេសៈនៃការរីករាលដាលជំងឺកូវីដ-១៩ យ៉ាងណាក្ដី ជាពិសេសលើការគ្រប់គ្រងបានយ៉ាងល្អប្រសើរនៃការរីករាលដាលជំងឺកូវីដ-១៩ ក្នុងសហគមន៍ ដែលបានធ្វើឱ្យអត្រាអ្នកឆ្លងនៅកម្ពុជា មានចំនួនតិចតួចបំផុតនាពេលបច្ចុប្បន្ន។

ដោយមើលឃើញពីកត្តាវិជ្ជមានជាច្រើនរបស់កម្ពុជា មានក្រុមហ៊ុន និងតំណាងក្រុមហ៊ុនទាំងក្នុង និងក្រៅស្រុកជាច្រើនបានមកស្វែងរកឱការវិនិយោគក្នុងប្រទេសកម្ពុជា ដែលក្នុងនោះក៏មានប្រទេសម៉ាឡេស៊ីផងដែរ ជាមួយនឹងការប្តេជ្ញា ពង្រីកអាជីវកម្មរបស់ខ្លួននៅកម្ពុជា ឱ្យខាងតែបាននាថ្ងៃអនាគតដ៏ខ្លី។

ជាក់ស្តែង ស្ថានទូតកម្ពុជាប្រចាំប្រទេសម៉ាឡេស៊ី សហការជាមួយសមាគមបណ្ដាញលក់រាយម៉ាឡេស៊ី (MRCA) រៀបចំកម្មវិធីបេសកកម្មពាណិជ្ជកម្មចំនួន៤ថ្ងៃ ដែលគិតចាប់ពីថ្ងៃ៣០ ខែសីហា រហូតដល់ ថ្ងៃទី៣ ខែកញ្ញា នេះដែលនឹងត្រូវរៀបចំឡើងនៅរាជធានីភ្នំពេញ និងខេត្តកំពង់ស្ពឺ ដើម្បីផ្តល់ឱកាសសន្ទនា រវាងក្រុមហ៊ុននៅកម្ពុជា និងក្រុមហ៊ុនរបស់ម៉ាឡេស៊ីដែលរំពឹងថា នឹងអាចឈានទៅរកការសហការគ្នាបន្ថែមទៀត។​​​

នាព្រឹកថ្ងៃទី១ ខែកញ្ញា ឆ្នាំ២០២២ ក្រុមហ៊ុន ប៉េង ហួត គ្រុប បានទទួលស្វាគមន៍ដំណើរទស្សនកិច្ច របស់គណៈប្រតិភូនៃសមាគមបណ្ដាញលក់រាយម៉ាឡេស៊ី ក្នុងដំណើរទស្សនកិច្ចនៅក្នុងថ្ងៃទីបី ក្រោមការដឹកនាំដោយលោកចឺយ វិចិត្ត ឯកអគ្គរាជទូតកម្ពុជាប្រចាំប្រទេសម៉ាឡេស៊ី  និងដាតុ វីនសិន ឈូ (Dato Vincent Choo) អនុប្រធានសមាគមបណ្ដាញលក់រាយម៉ាឡេស៊ី ដើម្បីស្វែងរកឱកាសសហការ ក្នុងការវិនិយោគជាមួយក្រុមហ៊ុន ប៉េង ហួត គ្រុប ខណៈក្រុមហ៊ុន ក៏បានចុះអនុស្សារណៈនៃការយោគយល់ជាមួយសមាគមបណ្ដាញលក់រាយម៉ាឡេស៊ីផងដែរ។

លោកឧកញ៉ា ថៃ ម៉េងលី អគ្គនាយក ប៉េង ហួត គ្រុប មានប្រសាសន៍ថា ៦៥ឆ្នាំ នៃទំនាក់ទំនងការទូតរវាងប្រទេសកម្ពុជា និងប្រទេសម៉ាឡេស៊ី មិនត្រឹមតែបានពង្រឹងចំណងមិត្តភាពរវាងរដ្ឋាភិបាល និងរដ្ឋាភិបាល រវាងប្រជាជន និងប្រជាជនប៉ុណ្ណោះទេ ជាពិសេសទំនាក់ទំនងសេដ្ឋកិច្ចពាណិជ្ជកម្មក៏បានរីកចម្រើនគួរឱ្យកត់សម្គាល់ផងដែរ។ ជាក់ស្តែងមានក្រុមហ៊ុនម៉ាឡេស៊ីជាច្រើន បានចូលមកបណ្ដាក់ទុកវិនិយោគ នៅក្នុងប្រទេសកម្ពុជា ហើយក្រុមហ៊ុនរបស់កម្ពុជាជាច្រើន ដែលបានស្វែងរកសេវាកម្ម និងទិញទំនិញពីប្រទេសម៉ាឡេស៊ី។

ក្នុងនោះក៏មានក្រុមហ៊ុន ប៉េង ហួត គ្រុបផងដែរ ដែលបានទិញទំនិញមួយចំនួនពីប្រទេសម៉ាឡេស៊ី និងប្រើប្រាស់សេវាកម្មមួយចំនួនពីអ្នកជំនាញម៉ាឡេស៊ី។

លោកឧកញ៉ាបានបន្ថែមទៀតថា “គ្រប់គ្នាបានឆ្លងកាត់បទពិសោធន៍ ពីផលប៉ះពាល់នៃវិបត្តិកូវីដ-១៩ និងសង្គ្រាម រវាងរុស្ស៊ី និងអ៊ុយក្រែន ប៉ុន្តែនៅក្នុងគ្រប់វិបត្តិទាំងអស់ សុទ្ធតែបង្កប់នូវឱកាសជាច្រើន ហើយសង្ឃឹមថាពីដំណើរទស្សនកិច្ចរយៈពេលបួនប្រាំថ្ងៃនេះ សមាជិករបស់សមាគមបណ្ដា​ញលក់រាយម៉ាឡេស៊ីនឹងរកឃើញឱកាសសហការ វិនិយោគជាមួយគ្នា ឬក៏ត្រួសត្រាយផ្លូវ សម្រាប់ការវិនិយោគនៅពេលអនាគតបន្ថែមទៀត”។

លោកឧកញ៉ាក៏បានសម្ដែងនូវអំណរគុណ ចំពោះដំណើរទស្សនកិច្ច និងសូមស្វាគមន៍យ៉ាងកក់ក្ដៅបំផុត នូវរាល់ឱកាសសហការគ្នាជានិច្ច រវាងសមាជិករបស់សមាគមបណ្ដាញលក់រាយម៉ាឡេស៊ី ជាមួយក្រុមហ៊ុន ប៉េង ហួត គ្រុប នាពេលអនាគត។ ​  ​

ជាមួយគ្នានេះ លោក ដាតុ វីនសិន ឈូ (Dato Vincent Choo) អនុប្រធានសមាគមបណ្ដាញលក់រាយម៉ាឡេស៊ី បានសម្ដែងនូវភាពភ្ញាក់ផ្អើលចំពោះការចុះទស្សនកិច្ចកមកាន់ក្រុមហ៊ុន ប៉េង ហួត គ្រុប ដោយក្នុងនោះលោកបានកោតសរសើរ ចំពោះវឌ្ឍនភាពរបស់ក្រុមហ៊ុន ប៉េង ហួត គ្រុប ដែលអភិវឌ្ឍសំណង់ជាច្រើន ដូចជា ផ្សារទំនើប អគារសន្និបាត និង សាលប្រារព្ធពិធីមង្គលការ ភីអេច ហ្គ្រេនហល (PH Grand Hall) សួនកម្សាន្ត ភីអេច យូរ៉ូផាក (PH Euro Park) និងអគារជួលជាច្រើនទៀត ជាពិសេសគឺលំនៅឋាន ប្រកបដោយសោភ័ណភាពស្រស់ស្អាត ជាមួយម៉ូតផ្ទះប្រណិត និងប្លែកៗ រួមជាមួយបរិស្ថាន និងដើមឈើបៃតងដ៏ទាក់ទាញ។

ដោយមើលឃើញពីកត្តាវិជ្ជមាន ជាច្រើនរបស់ក្រុមហ៊ុន ប៉េង ហួត គ្រុបបែបនេះ លោកសន្យាថា សមាគមបណ្ដាញលក់រាយម៉ាឡេស៊ី នឹងខិតខំធ្វើការងារយ៉ាងជិតស្និទ្ធ ជាមួយក្រុមប្រឹក្សាអភិវឌ្ឍកម្ពុជា​ ដើម្បីជំរុញដល់វិនិយោគិនម៉ាឡេស៊ី និងវិនិយោគិនគ្រប់ជាតិសាសន៍ផ្សេងទៀត មកសហការជាមួយក្រុមហ៊ុនកម្ពុជាឱ្យកាន់តែច្រើន ដើម្បីកសាងប្រទេសកម្ពុជាឈានទៅជាប្រទេសដែលរីកចម្រើននាពេលអនាគត។

គោលបំណងសំខាន់មួយ នៃដំណើរទស្សនកិច្ចរបស់គណៈប្រតិភូពាណិជ្ជកម្មពីប្រទេសម៉ាឡេស៊ី ដែលដឹកនាំដោយ សមាគមបណ្ដាញលក់រាយម៉ាឡេស៊ីមកកាន់ប្រទេសកម្ពុជា គឺដើម្បីពង្រឹងទំនាក់ទំនងពាណិជ្ជកម្ម និងជាពិសេសក្នុងការអភិវឌ្ឍអាជីវកម្មលក់រាយ ឱ្យមានភាពទូលំទូលាយក្នុងប្រទេសកម្ពុជា៕

BEIJING : Nearly 70 Chinese cities reported declines in new home prices last month, the most since the start of the COVID-19 pandemic, putting more pressure on local governments to quickly roll out additional support measures for homebuyers and developers.

The property sector, which accounts for about a quarter of China’s economy, has lurched from crisis to crisis since the summer of 2020 after regulators stepped in to cut excess leverage, causing some developers to default on their debts and struggle to complete projects, resulting in homebuyers threatening to stop making payments.

In August, 69 out of 100 cities reported a fall in monthly prices, the most since February 2020, according to the China Index Academy on Thursday, one of China’s largest independent real estate research firms. More than 47 cities had reported a fall in prices in July.

New home prices in the 100 cities fell slightly by 0.01 per cent from a month earlier, unchanged from July, said the academy, reflecting the continued chill in the property market.

Home prices in tier-one cities including Beijing and Shanghai fell 0.08 per cent, after a 0.16 per cent fall in July.

Analysts say the weakening prices will continue to hit homebuyer confidence, prolonging the property downturn and suggesting a further loss in economic momentum in a year when President Xi Jinping is expected to secure a precedent-breaking third term as China’s leader.

Responding to the problems in the property sector, China will support genuine demand for housing, state media quoted the cabinet as saying on Wednesday, after a meeting chaired by Premier Li Keqiang.

“Local governments should have ‘one policy for one city’ to make good use of policy tools,” and special loans should be used flexibly to ensure delivery of homes, state media reported.

Local governments are expected to roll out more easing policy measures to boost credit demand, such as further reducing maximum downpayments and lowering mortgage rates, said the China Index Academy.

The country’s central bank last week cut a mortgage rate for home buyers to boost credit demand.

“Beijing may need to consider a more comprehensive solution in its effort to resolve the property market predicament,” economists at Nomura said in a note after the rate cut.

“However, there is a limited likelihood that such a solution will be reached before end-2022.”

ដោយៈ សុខុម

ប៉េកាំង: វិបត្តិអចលនទ្រព្យក្នុងទីផ្សារប្រទេសចិន ហាក់កាន់តែធ្ងន់ធ្ងរទៅៗ ខណៈទីក្រុងជិត៧០ក្នុងប្រទេសនេះ បានរាយការណ៍ពីការធ្លាក់ចុះនូវតម្លៃផ្ទះថ្មីកាលពីខែមុន ដោយភាគច្រើនធ្លាក់ចុះ ចាប់តាំងពីផ្ទះវិបត្តិកូវីដ-១៩ ដំបូងមកម៉្លេះ។

ការធ្លាក់ថ្លៃនេះ បានដាក់សម្ពាធបន្ថែមទៀត ទៅលើរដ្ឋអំណាចមូល   ដ្ឋាន ដែលបានដាក់ចេញជាបន្ទាន់ នូវវិធានការជួយគាំទ្រសម្រាប់អ្នកទិញ និងបណ្ដាក្រុមហ៊ុនអភិវឌ្ឍន៍អចលនទ្រព្យ។ នេះបើយោងតាមសារព័ត៌មាន CNA ចុះផ្សាយកាលពីថ្ងៃព្រហស្បតិ៍ ទី០១ ខែកញ្ញា។

វិស័យអចលនទ្រព្យ ដែលរួមចំណែកប្រមាណ១ភាគ៤ នៃសេដ្ឋកិច្ចទាំងមូលរបស់ប្រទេសចិន បានជួបវិបត្តិអស់ពីមួយទៅមួយ ចាប់តាំងពីដូវក្តៅឆ្នាំ២០២០ បន្ទាប់ពីក្រុមនិយ័តករចិន បានចាត់វិធានការរឹតបន្តឹងលើការផ្ដល់ប្រាក់កម្ចីច្រើនលើសលប់ ក្នុងវិស័យអចលនទ្រព្យ ដែលបណ្ដាលឱ្យក្រុមហ៊ុនអភិវឌ្ឍន៍មួយចំនួន ជួបវិបត្តិសាច់ប្រាក់រហូតឈានទៅដល់ការខកខានទូទាត់បំណុលជាបន្តបន្ទាប់ ព្រមទាំងគម្រោងលំនៅដ្ឋានដែលខ្លួនសា​ងសង់ត្រូវជាប់គាំងពាក់កណ្ដាលទី ដែលនាំឱ្យក្រុមអ្នកទិញផ្ទះគំរាមឈប់បង់ប្រាក់។

នៅក្នុងខែសីហា កន្លងទៅថ្មីៗនេះ ទីក្រុងចំនួន៦៩ក្នុងចំណោម១០០ទីក្រុង បានរាយការណ៍ពីការធ្លាក់ចុះតម្លៃផ្ទះប្រចាំខែ ដោយភាគច្រើនធ្លាក់ចុះចាប់តាំងពីខែកុម្ភៈ ឆ្នាំ២០២០។ នេះបើយោងតាមការទម្លាយឱ្យដឹងពី China Index Academy ដែលជាក្រុមហ៊ុនស្រាវជ្រាវអចលនទ្រព្យឯករាជ្យធំបំផុតមួយរបស់ប្រទេសចិន កាលពីថ្ងៃព្រហស្បតិ៍ ម្សិលមិញនេះ។

តួលេខបង្ហាញថា ទីក្រុងជាង៤៧បានរាយការណ៍​ ពីការធ្លាក់ចុះតម្លៃនៅក្នុងខែកក្កដា។

ក្រុមហ៊ុនស្រាវជ្រាវ China Index Academy និយាយថា តម្លៃផ្ទះថ្មីនៅក្នុងទីក្រុងទាំង១០០​ បានធ្លាក់ចុះតិចតួចគឺ០,០១% បើធៀបនឹងខែមុនដែលមិនខុសពីខែកក្កដា។

តម្លៃផ្ទះនៅក្នុងទីក្រុងលំដាប់ទី១ រួមទាំងទីក្រុងប៉េកាំង និងក្រុងសៀងហៃ ផងបានធ្លាក់ចុះ០,០៨% បន្ទាប់ពីធ្លាក់ចុះ០,១៦%ក្នុងខែកក្កដា។

ក្រុមអ្នកវិភាគលើកឡើងថា តម្លៃធ្លាក់ចុះនឹងបន្តប៉ះពាល់ដល់ទំនុកចិត្តរបស់អ្នកទិញផ្ទះ ធ្វើឱ្យវិបត្តិអចលនទ្រព្យកាន់តែអូសសន្លាយ និងបង្ហាញពីការបាត់បង់បន្ថែមទៀត នូវសន្ទុះសេដ្ឋកិច្ចក្នុងឆ្នាំ ដែលប្រធានា​ធិបតីស៊ី ជីនភីង ត្រូវបានរំពឹងថានឹងបន្ត ក្លាយជាមេដឹកនាំរបស់ប្រទេសចិន សម្រាប់អាណត្តិទី៣ ដែលមិនធ្លាប់មានពីមុនមក៕ Reuters៕

ដោយៈ គង់ សូរិយា

       ភ្នំពេញៈ បុរីដែលបាននិងកំពុងសាងសង់យ៉ាងសកម្ម និងលក់បានសម្រេចតាមផែនការរបស់ខ្លួន បានសម្រេចបន្ថែមការលើកទឹកចិត្តពិសេស​ដល់អតិថិជន ដែលបានទិញលំនៅដ្ឋានក្នុងបុរីនេះ។

បុរីនេះបានសាងសង់ឡើង ផ្តោតលើគុណភាពសំណង់ សោភ័ណភាព​ បរិស្ថានបៃតង និងផ្តោតលើបរបទសំណង់ឆ្លាតវៃ សមស្របនឹងការផ្លាស់ប្តូរអាកាសធាតុ ដោយស្ថាបត្យករបានឌីសាញឡើង តាមរសនិយម​សម័យថ្មី ដែលឲ្យខ្យល់ និងពន្លឹចេញចូលបានគ្រប់គ្រាន់សម្រាប់ផ្ទះនិមួយៗ។

ប្រធានផ្នែកទីផ្សារនៃបុរីបុស្បា អ្នកនាង ដានី បានមានប្រសាសន៍ឲ្យដឹងកាលពីម្សិលម៉ិញនេះថា  បច្ចុប្បន្ននេះ យើងមានកញ្ចប់បញ្ចុះតម្លៃពិសេ​សរហូតដល់១០ភាគរយ សម្រាប់អតិថិជនទិញផ្ទះបង់ផ្តាច់ លើគំរោងលំនៅដ្ឋានក្នុងបុរីនេះ។

អ្នកនាងបន្តថា ជាមួយគ្នានេះ បុរីក៏អនុញ្ញាត្តឲ្យអតិថិជនបង់រំលស់ ដោយឥតការប្រាក់រយៈពេល២ឆ្នាំ និងអាចបង់ប្រាក់រំលស់ជាមួយបុរីរយៈពេល១៨ឆ្នាំ ឬបង់រំលស់ជាមួយធនាគារ ជាដៃគូរបស់យើងរយៈពេលរហូតដល់២៥ឆ្នាំ ។

ជាមួយគ្នានេះ លោកអ៉ី ពិសិដ្ឋក្រុមប្រឹក្សាភិបាល និងជាអគ្គនាយកនៃគណកម្មការទីផ្សារ នៃបុរីបុស្បាបានមានប្រសាសន៍ឲ្យដឹងថា ដោយសារការសិក្សាទីផ្សារច្បាស់លាស់ មុនវិនិយោគបុរីនេះ ទើបបានធ្វើឲ្យការលក់របស់យើងទទួលបានការគាំទ្រច្រើន ពីសាធារណៈជន និងបុគ្គលសាធារណៈល្បីៗនៅកម្ពុជា។

លោកបន្តថា “អ្វីដែលយើងផ្តោតសំខាន់ មិនមែនលើប្រាក់ចំណេញនោះទេ ប៉ុន្តែយើងផ្តោតលើរសនិយម គុណភាព សោភ័ណភាព ពិសេសធ្វើ​យ៉ាងណាឲ្យអ្នករស់នៅក្នុងបុរីនេះ ទទួលបានសុខដុម និងភាពមនោរម្យក្នុងការរស់នៅ”។

បុរីបុស្បាបាន និងកំពុងសាងសង់ឡើងលើផ្ទៃដី១០ហិកតា ស្ថិតក្នុងសង្កាត់ព្រៃវែង ខ័ណ្ឌដង្កោ រាជធានីភ្នំពេញ៕