ចំណេះដឹង! តើតម្លៃអចលនទ្រព្យត្រូវកំណត់ដូចម្តេច?

August 3, 2019

ដោយ វុត្ថា

ភ្នំពេញៈ អនុគណៈកម្មការវាយតម្លៃអចលនទ្រព្យ គឺជាអ្នកកំណត់តម្លៃអចលនទ្រព្យ ដោយប្រៀបធៀបនឹងតម្លៃទីផ្សារ។

សម្រាប់ឆ្នាំ២០១១ តារាងតម្លៃអចលនទ្រព្យ ដែលកំណត់ដោយអនុគណៈកម្មការវាយតម្លៃអចលនទ្រព្យ មានភ្ជាប់ជាឧបសម្ព័ន្ធ នៅក្នុងប្រកាសរបស់ក្រសួងសេដ្ឋកិច្ចចុះថ្ងៃទី៥ ឧសភា ២០១១។

តារាងតម្លៃអចលនទ្រព្យនេះ ត្រូវគេផ្សព្វផ្សាយជាសាធារណៈ នៅតាមសាលាឃុំ-សង្កាត់ពាក់ព័ន្ធ នៅតាមសាខាពន្ធដារខេត្ត ឬសាខាពន្ធដារខណ្ឌ (នៅរាជធានីភ្នំពេញ) និងផ្សព្វផ្សាយនៅលើវេបសសាយរបស់អគ្គនាយកដ្ឋានពន្ធដារ (www.tax.gov.kh)។

តម្លៃអចលនទ្រព្យ ត្រូវគិតជាតម្លៃក្នុងមួយម៉ែត្រការ៉េ ហើយអាចខុសគ្នាទៅតាមប្រភេទ និងទីតាំងរបស់អចលនទ្រព្យ (នៅក្រុង នៅខេត្ត នៅជិតផ្សារ នៅឆ្ងាយពីទីប្រជុំជន ជាផ្ទះជាន់ផ្ទាល់ដី ជាន់ទី១ ទី៣ ទី៤ ។ល។

ឧទាហរណ៍អំពីការគណនាប្រាក់ពន្ធលើអចលនទ្រព្យ៖ ខ្ញុំមានផ្ទះល្វែង២ជាន់ ទទឹង ៤ម៉ែត្រ បណ្តោយ២៥ម៉ែត្រ (ទំហំ១០០ម៉ែត្រការ៉េ) សង់នៅលើដី ដែលមានទំហំប៉ុនផ្ទះ (ដើម្បីឲ្យងាយយល់)។ ដី និងផ្ទះល្វែងនេះ ស្ថិតនៅមុខផ្សារក្រចេះ ហើយផ្ទះនេះ ជាផ្ទះចាស់ លើសពី១០ឆ្នាំ។ តើខ្ញុំត្រូវបង់ពន្ធប៉ុន្មាន?។

យោងតាមតារាងតម្លៃអចលនទ្រព្យ ឆ្នាំ២០១១ កំណត់ដោយអនុគណៈកម្មការវាយតម្លៃអចលនទ្រព្យ៖ដី នៅជុំវិញផ្សារក្រចេះ = ២៥០ដុល្លារ ក្នុង ១ម៉ែត្រការ៉េ

ផ្ទះល្វែងជាន់ផ្ទាល់ដី = ១៧០ដុល្លារ ក្នុង ១ម៉ែត្រការ៉េ។ ផ្ទះជាន់ទី១ = ១១០ដុល្លារ ក្នុង ១ម៉ែត្រការ៉េ។ តម្លៃអចលនទ្រព្យរបស់ខ្ញុំ គឺមាន៖។ ដី ១០០ម៉ែត្រការ៉េ x ២៥០ដុល្លារ =២៥ ០០០ដុល្លារ។ ផ្ទះជាន់ផ្ទាល់ដី ១០០ម៉ែត្រការ៉េ x ១៧០ដុល្លារ = ១៧ ០០០ដុល្លារ

។ផ្ទះជាន់ទី១ ១០០ម៉ែត្រការ៉េ x ១១០ដុល្លារ = ១១ ០០០ដុល្លារ។

តម្លៃសរុប = ៥៣ ០០០ដុល្លារ ឬ ២១២លានរៀល(គិតតាមអត្រាប្តូរប្រាក់ ១ដុល្លារ = ៤០០០រៀល ដែលកំណត់ដោយអគ្គនាយកដ្ឋានពន្ធដារ សម្រាប់ឆ្នាំ២០១១)

ពន្ធដែលត្រូវបង់៖(២១២លានរៀល x ៨០% – ១០០លានរៀល) x ០,១% = ៦៩ ៦០០រៀល (១៧,៤ដុល្លារ)៕

ការសិក្សា៖ តម្លៃដីនៅខ័ណ្ឌព្រែកព្នៅកើនឡើងរហូតដល់ ២៧ភាគរយធៀបទៅនឹងឆ្នាំមុន

August 3, 2019

0

ដោយៈ រ៉ាណេត

ភ្នំពេញៈ តម្លៃដីធ្លីនៅក្នុងខ័ណ្ឌព្រែកព្នៅ បានកើនឡើងរហូតដល់២៧ភាគរយនៅក្នុងរយៈពេល៦ខែដើមឆ្នាំនេះ បើធៀបរយៈពេលដូចគ្នាកាលពីឆ្នាំមុន។នេះបើយោងតាមរបាយការណ៍សិក្សាដោយក្រុមហ៊ុន Key Real Estate។

តាមរបាយការណ៍ដែលសិក្សាស្រាវជ្រាវ របស់ក្រុមហ៊ុនអលចនទ្រព្យ KEY Real Estate ដែលទើបបានចេញផ្សាយកាលពីពេលថ្មីៗនេះបានបង្ហាញថា ស្របពេលដែលកំណើនប្រជាសាស្ត្រចូលទៅរស់នៅ ក៏ដូចជាមានគម្រោងអភិវឌ្ឍពីសំណាក់រាជរដ្ឋាភិបាល រួមជាមួយនឹងវិស័យឯកជនផងដែរនោះបានជំរុញឱ្យតម្លៃដីធ្លី និងអចលនទ្រព្យនៅក្នុងខណ្ឌមួយនេះមានកាកើនឡើង។

ស្ថាបនិក និងអគ្គនាយកគ្រប់គ្រងក្រុមហ៊ុនអចលនទ្រព្យ KEY Real Estate លោក សន សៀប បានមានប្រសាសន៍ប្រាប់តាមទូរស័ព្ទកាលពីរសៀលថ្ងៃទី២ ខែសីហា ឆ្នាំ២០១៩នេះថា បច្ចុប្បន្ននេះខណ្ឌព្រែកព្នៅមិនស្ងប់ស្ងាត់ និងឯកោដូចកាលពីប៉ុន្មានឆ្នាំមុននោះទេ។ បើប្រៀបធៀបជាមួយខណ្ឌដទៃ វិស័យដីធ្លីនៅក្នុងខណ្ឌព្រែកព្នៅ ហាក់មានកម្រិតទាបជាងគេនៅឡើយ។

លោកបានបន្តទៀតថា “នៅពេលតម្លៃដីនៅទាប វិសាលភាពដីទំនេរនៅទូលាយវាជាឱកាសដ៏ល្អ សម្រាប់បណ្តាអ្នកវិនិយោគ ចូលទៅធ្វើការអភិវឌ្ឍនៅក្នុងខណ្ឌមួយនេះ”។លោកបានបន្តទៀតថា “ថ្វីត្បិតថាមធ្យមភាគមានការកើនឡើងខ្ពស់ ជាងបណ្តាខណ្ឌនានា ប៉ុន្តែបើប្រៀបពីតម្លៃវិនិយោគគឺមានចំនួនតិចនៅឡើយ ខណៈដែលខណ្ឌដទៃទៀតមានតម្លៃខ្ពស់រួចទៅហើយ”។

លោក សន សៀប បានមានប្រសាសន៍បន្តទៀតថា ខណ្ឌព្រែកព្នៅកំពុងតែទទួលបានឥទ្ធិពលពីតំបន់អភិវឌ្ឍចំនួន២ ដែលស្ថិតនៅសងខាងខ្លួន ដោយមួយចំណែកទទួលឥទ្ឋិពលមកពីខណ្ឌសែនសុខ ហើយមួយចំណែកទៀតទទួលបានមកពីការអភិវឌ្ឍរបស់គម្រោងដ៏ធំរបស់ក្រុមហ៊ុន លី យ៉ុងផាត់ ដែលធ្វើឱ្យអ្នកជំនួញផ្នែកដីឡូតិ៍ភាគច្រើនចាប់អារម្មណ៍ទៅធ្វើសកម្មភាពក្នុងខណ្ឌនេះ។

តម្លៃដីធ្លីខណ្ឌព្រែកព្នៅ គឺមានភាពប្រទាប់ប្រសងទៅនឹងខណ្ឌដង្កោ ដោយសារតែតម្លៃនៃដីគឺប្រហាក់ប្រហែលគ្នា ពោលគឺតំបន់ដែលមានមនុស្សរស់នៅ អាចមានតម្លៃក្នុងរង្វង់២៨០ដុល្លារក្នុងមួយម៉ែត្រការ៉េ ហើយនៅទីប្រជុំអាចមានតម្លៃក្នុងរង្វង់ ១៥០០-១៧០០ដុល្លារក្នុងមួយម៉ែត្រ។

ជាមួយនឹងសន្ទុះនៃតម្លៃដីធ្លីខាងលើនេះ លោកសន សៀបបានរំពឹង និងជឿជាក់ថា នៅត្រឹមដំណាច់ឆ្នាំ២០១៩នេះ ខណ្ឌព្រែកព្នៅ នឹងតែមានការកើនឡើងតម្លៃបន្តទៀត ខណៈដែលបច្ចុប្បន្ន មានគម្រោងអភិវឌ្ឍជាច្រើនកំពុងតែហូរទៅកាន់តំបន់នេះ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានទទួលស្គាល់ពីការកើនឡើងនូវតម្លៃដី ប៉ុន្តែវាស្ថិតនៅក្នុងកម្រិតមួយទាបនៅឡើយ។ លោកបានបន្តទៀតថា មានកត្តាមួយចំនួនដែលជំរុញឱ្យតម្លៃដី ក្នុងខណ្ឌនេះមានការកើនឡើង ដែលក្នុងនោះក្រៅពីផ្ទៃដីនៅមានភាពទំនេរច្រើនងាយ ស្រួលក្នុងការអភិវឌ្ឍ វានៅមានភាពល្អប្រសើរ ដែលផ្តើមចេញចាប់តំបន់ទំនប់កប់ស្រូវ និងបឹងតាម៉ោក ស្ថិតក្នុងគម្រោងអភិវឌ្ឍរបស់រដ្ឋាភិបាល។

លោកបន្តទៀតថា បច្ចុប្បន្នទិដ្ឋភាពជាក់ស្ដែង តំបន់ដែលធ្លាប់តែជាបឹងឬដីលិចទឹកមួយចំនួនត្រូវបានចាក់ដីលុបបំពេញ និងក្លាយជាគម្រោងដីឡូតិ៍រួចទៅហើយ ហើយតំបន់ខ្លះក៏មានការអភិវឌ្ឍជាសំណង់លំនៅដ្ឋានកម្រិតមធ្យម និងក្រោមមធ្យមផងដែរ៕

ទីផ្សារភាគហ៊ុនអាស៊ីដាំក្បាលចុះ ខណៈអាមេរិកបន្តធ្វើសង្គ្រាមពាណិជ្ជកម្មជាមួយចិន

August 3, 2019

0

ដោយ Donald Lee

ភ្នំពេញៈ ទីផ្សារភាគហ៊ុននៅអាស៊ីបានដាំក្បាលចុះកាលពីថ្ងៃសុក្រ បន្ទាប់ពីប្រធានាធិបតីអាមេរិក Donald Trump បានប្រកាសពន្ធបន្ថែមលើទំនិញចិន និងបន្តសង្គ្រាមពាណិជ្ជកម្មអាមេរិក-ចិន។

សន្ទស្សន៍នៃក្រុមហ៊ុន Shanghai Composite របស់ចិនបានធ្លាក់ចុះ៤៧,៤៣ពិន្ទុចាប់តាំងពីថ្ងៃព្រហស្បតិ៍ធ្លាក់ចុះជិត២ភាគរយ។ នៅហុងកុងក្រុមហ៊ុន Hang Seng ធ្លាក់ចុះជាង៦១៥ពិន្ទុ ដោយការខាតបង់ស្មើនឹងជាង២ភាគរយ។

សន្ទស្សន៍នៃក្រុមហ៊ុន Taiex របស់តៃវ៉ាន់បានធ្លាក់ចុះជិតមួយភាគរយ។ សន្ទស្សន៍នៃក្រុមហ៊ុន Nikkei របស់ជប៉ុនបានធ្លាក់ចុះដោយទទួលបាន៥០០ពិន្ទុ ហើយក្រុមហ៊ុន Kospi កូរ៉េខាងត្បូងធ្លាក់ដល់កម្រិតទាបថ្មីដោយធ្លាក់ចុះ១,៥ភាគរយ ដែលជាកម្រិតទាបបំផុតចាប់តាំងពីខែ មករា ឆ្នាំនេះ។

លោកTrump បានប្រកាសនៅលើប្រព័ន្ធផ្សព្វផ្សាយសង្គមមួយថា លោកនឹងយកពន្ធទំនិញចិន ដែលនៅសេសសល់ដែលចាប់ផ្តើមនៅខែក្រោយ។

ការដំឡើងពន្ធគយនាពេលនេះ នឹងធ្វើឱ្យប៉ះពាល់ដល់ទំនិញចិន ដែលមានតម្លៃ ៣០០ពាន់លានដុល្លារ ជាមួយនឹងការដំឡើងពន្ធ១០ភាគរយ។ ក្រុមអ្នកវិភាគជឿជាក់ថា ពន្ធគយនាពេលនេះ នឹងប៉ះពាល់ដល់អតិថិជនអាមេរិកច្រើនជាងគេ ព្រោះវានឹងរួមបញ្ចូលទាំងទំនិញពេញនិយមដូចជា ទូរស័ព្ទចល័ត កុំព្យូទ័រយួរដៃ ប្រដាប់ប្រដាក្មេងលេង និងឧបករណ៍វីដេអូហ្គេមជាដើម។

យោងតាមគណៈកម្មាធិការពាណិជ្ជកម្មអន្តរជាតិ របស់សហរដ្ឋអាមេរិកទំនិញដែលមានតម្លៃ៣០០ពាន់លានដុល្លារ នឹងរួមបញ្ចូលទាំងទូរស័ព្ទដៃមានតម្លៃ៤៤,៨ពាន់លានដុល្លារ កុំព្យូទ័រយួរដៃដែលមានតម្លៃ៣៨,៧ពាន់លានដុល្លារ ប្រដាប់ប្រដាក្មេងលេងដែលមានតម្លៃ ១១,៩ ពាន់លានដុល្លារ និងឧបករណ៍វីដេអូហ្គេមមានតម្លៃ៥,៤ ពាន់លានដុល្លារ។

ទីប្រឹក្សាពាណិជ្ជកម្មអន្តរជាតិប្រចាំក្រុមហ៊ុនស្រាវជ្រាវ Beacon Economics to SCMP លោកJock O’Connell បានមានប្រសាសន៍ថា “ពេលនេះបញ្ជីរួមមានប្រដាប់ប្រដាក្មេងលេង។ដូច្នេះអ្នកអាចនិយាយថារដ្ឋបាលTrumpឥឡូវនេះ បានប្រកាសសង្គ្រាមជាផ្លូវការនៅថ្ងៃបុណ្យណូអែល”៕

តើពាក្យអតិរេកពាណិជ្ជកម្មមានន័យដូចម្តេច?

August 3, 2019

0

ប្រែសម្រួលដោយ ប៊ី

ភ្នំពេញ៖ អតិរេកក្នុងន័យសេដ្ឋកិច្ច ប្រើសំដៅដល់ភាពលើសនៃចំនួន។ ឧទាហរណ៍ បន្ទាប់ពីបានដាក់ឱ្យអនុវត្តកម្មវិធី កែទម្រង់ការគ្រប់គ្រងហិរញ្ញវត្ថុសាធារណៈរួចមក រដ្ឋាភិបាលសម្រេចបានជាមូលដ្ឋាននូវ ភាពជឿទុកចិត្តនៃថវិកា តាមរយៈការបង្កើនចំណូល និងការធ្វើវិចារណកម្មចំណាយ ជាពិសេសបង្កើនបាននូវអតិរេក នៃថវិកាជាតិដែលអនុញ្ញាតឱ្យបង្កើនទុនវិនិយោគសាធារណៈ លើហេដ្ឋារចនាសម្ព័ន្ធ សង្គមសេដ្ឋកិច្ចក្នុងគោលដៅពង្រឹងនិងពង្រីកសេវាសាធារណៈ និងកាត់បន្ថយភាពក្រីក្ររបស់ប្រជាជន។

ពន្យល់ពាក្យ៖ អតិរេកមានន័យថា ច្រើនក្រៃ ច្រើនលើស ដែលលើសពីកំណត់ ដែលហួសពីចំនួន ពិសេសរបស់លើសពីកំណត់ ឬរបស់ពិសេស ឧទារហណ៍ ប្រាក់អតិរេក ឬប្រាក់រង្វាន់ពិសេសដែលត្រូវថែមឲ្យ។

ខ្មែរប្រើពាក្យនេះ ជាកិរិយា ក៏មានសំដៅសេចក្ដីថា “តោងទាមយក ជ្រៀតបៀតយក ទាមទារចំណែក : ខ្ញុំមិនអតិរេកក្នុងរឿងនេះទេ ។ បើរៀងភ្ជាប់ពីខាងដើមសព្ទដទៃ អ. ថ. អៈតិរ៉េក, ដូចជា អតិរេកចីវរ ចីវរដែលលើសពីចំនួនប្រើប្រាស់តាមពុទ្ធានុញ្ញាត ភិក្ខុត្រូវវិកប្បអតិរេកចីវរទុកនឹងភិក្ខុផងគ្នា។

អតិរេកភណ្ឌ របស់លើសពីចំនួន ភណ្ឌៈពិសេស ។ អតិរេកលាភ លាភដោយឡែក គឺលាភ ដែលកើតមានខុសពីប្រក្រតីដែលធ្លាប់តែបាន។ អតិរេកហិរញ្ញ ឬ –ហិរណ្យ (–រ៉ាញ់ ឬ–រ៉ាន់) ប្រាក់បន្ថែម ។ល។

(សេដ្ឋកិច្ច) surplus, excess អ្វីដែលលើសពីការកំណត់ ភាពច្រើនក្រៃ ភាពពិសេស ចំនួនបន្ថែម …៕

ក្រសួងការបរទេសអាមេរិក បង្ហាញមុខឯកអគ្គរដ្ឋទូតថ្មីរបស់ខ្លួនប្រចាំកម្ពុជា

August 2, 2019

0

ដោយ ម៉ៃ វីរៈ

ភ្នំពេញៈ ក្រសួងការបរទេស និងព្រឹទ្ឋសភាអាមេរិកបានអនុម័តនូវបេក្ខភាព ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជារួចហើយ។

យោងតាមវេបសាយ Congress.gov បានប្រកាសជាផ្លូវកាលពីថ្ងៃទី១ ខែសីហា ឆ្នាំ២០១៩កន្លងមកថា លោក Patrick Murphy ក្លាយជាឯអគ្គរាជទូតវិសាមញ្ញនិងពេញសមត្ថភាពរបស់ប្រទេសខ្លួន ប្រចាំនៅប្រទេសកម្ពុជា។

លោក Patrick Murphy គឺជាឧបការីរងទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក ហើយក៏ធ្លាប់ធ្វើការនៅស្ថានទូតអាមេរិកប្រចាំទីក្រុងបាងកក និងប្រទេសមីយ៉ាន់ម៉ា ផងដែរ។

ទោះជាយ៉ាងណាគេហទំព័រនេះ មិនបញ្ជាក់ពីការមកដល់របស់ឯកអគ្គរដ្ឋទូតអាមេរិកថ្មីរូបនេះ នឹងអញ្ជើញមកបំពេញការងារនៅកម្ពុជា នៅពេលណាជាក់លាក់នៅឡើយទេ៕

លោក Donald Trump ចាប់ផ្តើមក្រឡុកប្រទេសចិនជាថ្មីដោយការដំឡើងពន្ធរាល់មុខទំនិញ

August 2, 2019

0

ដោយ Donald Lee

វ៉ាស៊ីនតោនៈ ប្រធានាធិបតីសហរដ្ឋអាមេរិកលោក Donald Trump បានប្រកាសថា ទំនិញចិនដែលនៅសល់ទាំងអស់ នឹងត្រូវបង់ពន្ធដែលនឹងចាប់ផ្តើមនៅខែ កញ្ញាខាងមុខនេះ។

លោក Trump បានប្រកាសពន្ធបន្ថែមលើទំនិញចិនដែលនៅសល់ និងតម្លៃ ៣០០ពាន់លានដុល្លារ មិនទាន់ត្រូវបានប៉ះពាល់ដោយការយកពន្ធ។ បន្ទាប់ពីពន្ធគយថ្មីចូលជាធរមាន រាល់ទំនិញចិនដែលនាំចេញទៅអាមេរិក នឹងត្រូវទទួលនូវការយកពន្ធមួយចំនួន។ ការដំឡើងពន្ធគយនាពេលមុនៗ បានកើនឡើងដល់២៥ភាគរយ ខណៈទំនិញដែលនៅសល់ចុងក្រោយនឹងត្រូវបង់ពន្ធ ១០ភាគរយ។

លោកបានសរសេរលើបណ្តាញសង្គមថា “សហរដ្ឋអាមេរិក នឹងចាប់ផ្តើមនៅថ្ងៃទី ១ ខែកញ្ញា ដោយដាក់ពន្ធបន្ថែម ១០ភាគរយ លើទំនិញនិងផលិតផលដែលនៅសេសសល់ និងតម្លៃ៣០០ពាន់លានដុល្លារពីប្រទេសចិនចូលមកក្នុងប្រទេសរបស់យើង”។

អ្នកនាំពាក្យក្រសួងការបរទេសចិនលោកស្រី Hua Chunying បាននិយាយថា “យុទ្ធសាស្ត្រដាក់សម្ពាធរបស់សហរដ្ឋអាមេរិក មិនមានឥទ្ធិពលលើការចរចាពាណិជ្ជកម្មទេ នៅពេលដែលអ្នកចរចាពាណិជ្ជកម្មបានទៅដល់ទីក្រុងសៀងហៃ កាលពីដើមសប្តាហ៍នេះ។

អ្នកនាំពាក្យនៅក្នុងសន្និសីទខ្លីមួយ នៅទីក្រុងប៉េកាំងនៅសប្តាហ៍នេះថា “ខ្ញុំជឿថា វាមិនសមហេតុផលទេ សម្រាប់សហរដ្ឋអាមេរិក ក្នុងការអនុវត្តយុទ្ធនាការនៃសម្ពាធអតិបរមារបស់ខ្លួននៅពេលនេះ។ លោកាស្រីបន្ថែមថា “វាគ្មានន័យទេ ក្នុងការប្រាប់អ្នកដទៃឱ្យប្រើថ្នាំនៅពេលអ្នកកំពុងតែឈឺ”។

លោក Trump បានបន្ថែមទៀតថា ប្រហែលជាប្រទេសចិនមានបំណងរង់ចាំការបោះឆ្នោតប្រធានាធិបតីអាមេរិកលើកក្រោយនៅឆ្នាំ២០២០ ហើយមើលថា តើពួកគេអាចទទួលបានកិច្ចព្រមព្រៀងពាណិជ្ជកម្មប្រសើរជាងមុនដែរឬទេ ប្រសិនបើលោក Trump ចាញ់ការបោះឆ្នោត។

ក្រុមអ្នកវិភាគព្រមានថា នឹងមានទស្សនៈខ្លីមួយស្តីពី ការចរចាពាណិជ្ជកម្មជាមួយប្រទេសចិន ដែលអាចមានផលប៉ះពាល់អវិជ្ជមានយូរអង្វែង។ សកម្មភាពរបស់លោក Trump បង្ហាញថា លោកនឹងជំរុញប្រទេសចិន ដោះស្រាយបញ្ហាពាណិជ្ជកម្ម មុនពេលការបោះឆ្នោតប្រធានាធិបតីអាមេរិកឆ្នាំ២០២០ ហើយនឹងប្រើគ្រប់មធ្យោបាយដែលមានសម្រាប់លោក។

របាយការណ៍ក្រុមហ៊ុន Eurasia Group បានចេញផ្សាយនៅថ្ងៃនេះថា “ការគំរាមកំហែង គឺជាល្បែងដ៏ធ្ងន់ធ្ងរមួយសម្រាប់លោក Trump”។

វាទំនងជាសញ្ញាបង្ហាញថា លោកចង់ឈានដល់កិច្ចព្រមព្រៀងមួយ លើលក្ខខណ្ឌរបស់គាត់ មុនការបោះឆ្នោតឆ្នាំ២០២០ និងមានឆន្ទៈប្រើឧបករណ៍ដែលមាននៅក្នុងការប្រឹងប្រែងរបស់លោក ដើម្បីបង្កើតសម្ពាធលើប្រទេសចិនដល់ទីបញ្ចប់”។

ឥឡូវនេះ ក្រុមអ្នកវិភាគជឿជាក់ថា ប្រទេសចិនទំនងជាមិនងាយនឹងទទួលយកនូវការទាមទាររបស់លោក Trump ទេ ព្រោះការធ្វើបែបនេះ នឹងធ្វើឱ្យប៉ះពាល់យ៉ាងធ្ងន់ធ្ងរដល់ឥទ្ធិពល និងកេរ្តិ៍ឈ្មោះពិភពលោករបស់ប្រទេសចិន ក្នុងនាមជាមហាអំណាចពិភពលោក។

ក្រុមហ៊ុន Eurasia Group បានសន្និដ្ឋានថា “វាគួរឱ្យខ្មាស់អៀនខ្លាំងណាស់សម្រាប់ប្រទេសចិន ក្នុងការបង្កើនការនាំចូលពីសហរដ្ឋអាមេរិក ក្រោមការគំរាមកំហែងនៃការគំរាមកំហែង”៕

ចង់ពង្រីកឱកាស សិក្សាមួយជីវិត ជាហេតុផលដែលអ្នកគួរតែក្លាយជាសមាជិកសាលាអចលនទ្រព្យកម្ពុជា

August 2, 2019

0

ដោយៈ រ៉ាណេត

ភ្នំពេញៈ គ្រាន់តែចំណាយពេលស្វែងយល់ និងសិក្សាដើម្បីបង្កើនចំណេះដឹង ក៏ដូចជំនាញបន្ថែមជាមួយសាលាអចលនទ្រព្យកម្ពុជា ត្រឹមតែ៣៤ថ្ងៃ លោកអ្នកអាចមានធនធានយ៉ាងពិតប្រាកដ សម្រាប់ប្រកបជំនួញក្នុងវិស័យមួយនេះពេញមួយជីវិត ហើយរឹតតែពិសេសទៅទៀតនោះ ការចែករំលែកអ្នកដទៃដែលអ្នកពេញចិត្ត រួមជាមួយនឹងមនុស្សជំនាន់ដែលជាអ្នកបន្តវេណនៅក្នុងវិស័យមួយនេះ។

នៅក្នុងរយៈពេល ៣៤ថ្ងៃ នៃការចូលខ្លួនជាសមាជិក នៃសាលាអចលនទ្រព្យកម្ពុជា លោកអ្នកនឹងបានសិក្សាស្វែងយល់ពីជំនាញ និងចំណេះដឹងជាច្រើនយ៉ាងសន្ធឹកសន្ធាប់ ដែលវាជាដើមទុនយ៉ាងសំខាន់ នៅក្នុងធ្វើជំនួញក្នុងវិស័យនេះ។

សម្រាប់ពេលវេលានៃការសិក្សាស្វែងយល់ពីជំនាញ ត្រូវបានបែងចែកយ៉ាងច្បាស់លាស់ដូចជា ៖ ជំនាញផ្លូវច្បាប់សម្រាប់អ្នករកស៊ីក្នុងវិស័យអចលនទ្រព្យឱ្យបានជោគជ័យ (Legal Skill in Real Estate) មានរយៈពេល១ថ្ងៃ។

សិក្សាពីវិធីសាស្ត្របំលែងខ្លួនពីអ្នកពុះដីឡូតិ៍ ទៅជាអ្នកអភិវឌ្ឍលំនៅដ្ឋានជោគជ័យ (How to Transform from Land Business man to Residence Developer) មានរយៈពេល១ថ្ងៃ។ ស្វែងយល់ពីវិធីសាស្រ្តជោគជ័យ ក្នុងការអភិវឌ្ឍអចលនទ្រព្យតាមបែបស្ថាបត្យកម្មលំដាប់លេខ១ សម្រាប់សតវត្យទី២១ (Successful Method in Property Development in the Image of Top Architecture) មានរយៈពេល១ថ្ងៃ។ សិក្សាពីជំនាញរៀបចំគម្រោងផែនការអាជីវកម្ម សម្រាប់ការអភិវឌ្ឍដីឡូតិ៍ លំនៅដ្ឋាន និងការវិនិយោគឱ្យជោគជ័យ (Business Plan Skill for Property Development and Investment) រយៈពេល២ថ្ងៃ។ សិក្សាពីជំនាញរៀបចំគម្រោងផែនការអាជីវកម្ម សម្រាប់ការអភិវឌ្ឍអាផាតមិន ខនុដូ អគារពាណិជ្ជកម្ម និងការវិនិយោគឱ្យជោគជ័យ (Business Plan Skill for Condo, Commercial Center and Investment) រយៈពេល២ថ្ងៃ។

សម្រាប់ការសិក្សាពីវិធីសាស្រ្តសិក្សាភូមិសាស្រ្ត និងទិន្នន័យទីផ្សារអចលនទ្រព្យតាមប្រព័ន្ធបច្ចេកវិទ្យាទំនើបសម្រាប់សតវត្យទី២១ (Understanding Geography and Marketing Database by Technology Tools) រយៈពេល១ថ្ងៃ។ សិក្សាពីគន្លឹះក្លាយជាអ្នកពូកែធ្វើទីផ្សារ និងការលក់អចលនទ្រព្យលំដាប់លេខ១សម្រាប់ដីឡូតិ៍ លំនៅដ្ឋាន អាផាតមិន ខុនដូ និងអគារពាណិជ្ជកម្ម (Becoming the Best Marketing and Sale in Real Estate ) រយៈពេល២ថ្ងៃ ។ សិក្សាពីគន្លឹះក្លាយជាអ្នកវាយតម្លៃអចលនទ្រព្យអាជីពដ៏ជោគជ័យ (Becoming Professional Property Value) រយៈពេល១០ថ្ងៃ។ សិក្សាពីគន្លឹះក្លាយជាភ្នាក់ងារអចលនទ្រព្យអាជីពដ៏ជោគជ័យ (Becoming Successful Real Estate Agent) រយៈពេល៨ថ្ងៃ។

សិក្សាពីគន្លឹះក្លាយជាអ្នកគ្រប់គ្រង ចាត់ចែងអចលនទ្រព្យអាជីពដ៏ជោគជ័យ (Becoming Successful Property Management) រយៈពេល ២ថ្ងៃ។ សិក្សាពីគន្លឹះក្លាយជាអ្នកវិនិយោគក្នុងវិស័យអចលនទ្រព្យដ៏ជោគជ័យ (Becoming Successful Real Estate Investor) រយៈពេល ២ថ្ងៃ។ សិក្សាពីជំនាញផ្សព្វផ្សាយតាមប្រព័ន្ធឌីជីថល និងការប្រើប្រាស់បច្ចេកវិទ្យាឌីជីថលសម្រាប់វិស័យអចលនទ្រព្យក្នុងសតវត្យទី២១ (Digital Marketing and Digital Tools for Real Estate Century 21) រយៈពេល ២ថ្ងៃ។

អ្វីដែលកាន់តែពិសេស ដែលជាការផ្តល់ជូនបន្ថែម គឺគ្រប់សមាជិករបស់សាលាអចលនទ្រព្យកម្ពុជា នឹងទទួលបានការបង្វឹកឱ្យក្លាយជាអ្នកពូកែរកស៊ី ក្នុងវិស័យអចលនទ្រព្យកម្រិតកំពូល។ អាចពង្រីកបណ្តាញទិញ-លក់អចលនទ្រព្យកាន់តែទូលាយ និងបង្កើនប្រាក់ចំណូលកាន់តែលឿន។

លើសពីនេះ សមាជិកសាលាអចលនទ្រព្យ នឹងទទួលបានការបង្វឹកឡើងវិញពេញមួយជីវិតដោយមិនបាច់បង់ថ្លៃសិក្សា។ ទទួលបានការប្រឹក្សាពីសាលាជាបន្តបន្ទាប់ដោយឥតគិតថ្លៃសម្រាប់រយៈពេលពេញមួយជីវិត និងមានបណ្តាញសមាជិកអ្នករកស៊ីក្នុងវិស័យអចលនទ្រព្យទូទាំងប្រទេស ជួយគាំទ្រជ្រោមជ្រែងគ្នា សហការគ្នាទៅវិញទៅមកក្នុងភាពជាដៃគូ។ បន្ថែមពីនេះ គឺការវិនិយោគដោយការប្រើថវិកាតិច ប៉ុន្តែអាចទទួលបានអត្ថប្រយោជន៍ច្រើនជាងការចូលបង្វឹកតាមវគ្គផ្សេងៗ បន្ទាប់ពីបានក្លាយជាសមាជិកផ្សារណាត់អចលនទ្រព្យ Estate Exchange។

អ្នករកស៊ីក្នុងវិស័យនេះចង់ពង្រីកបណ្តាញ ចង់ពង្រឹងសមត្ថភាព និងពង្រីកឳកាសជោគជ័យកាន់តែធំអាចទាក់ទងតាមរយៈលេខទូរស័ព្ទ 077 456 001/ 081 456 001/088 2000 168៕

ហ្វីលីពីនគ្រោងសាងសង់ព្រលានយន្តហោះថ្មី ដែលអាចទទួលអ្នកដំណើរ ១០០លាននាក់ក្នុងមួយឆ្នាំ

August 2, 2019

0

ដោយនៅ ស៊ីវុត្ថា

ម៉ានីលឡាៈ ប្រទេសហ្វីលីពីនគ្រោងចាប់ផ្តើមសាងសង់ព្រលានយន្តហោះថ្មីមួយទៀតដែលអាចទទួលអ្នកដំណើរចន្លោះពី១០០ ទៅ២០០លាននាក់ក្នុងមួយឆ្នាំ ដែលព្រលានថ្មីនេះមានឈ្មោះ Bulacan Airport។

ព្រលានយន្តហោះថ្មី គ្រោងនឹងសាងសង់នៅចុងឆ្នាំ២០១៩នេះ ដើម្បីឆ្លើយតបទៅនឹងកំណើនភ្ញៀវទេសចរណ៍។

នាយកដ្ឋានដឹកជញ្ជូន (DOTr) របស់ប្រទេសហ្វីលីពីនបានឱ្យដឹងកាលពីថ្ងៃពុធទី ៣១ ខែកក្កដា កន្លងមកនេះថា អាកាសយានដ្ឋាន Bulacan នឹងមានសមត្ថភាពរចនាអ្នកដំណើរ ១០០លាននាក់ក្នុងមួយឆ្នាំ ប៉ុន្តែអាចពង្រីកដល់ ២០០លាននាក់។ ដោយមានផ្លូវរត់ស្របគ្នាចំនួនបួន ដែលគ្រោងនឹងធ្វើចលនាយន្តហោះចំនួន ២៤០គ្រឿង ក្នុងមួយម៉ោង។ គម្រោងនេះ ក៏នឹងរួមបញ្ចូលផងដែរនូវការកសាងផ្លូវចំនួន ៨,៤គីឡូម៉ែត្រ ដែលនឹងតភ្ជាប់អាកាសយានដ្ឋានទៅតំបន់ North Luzon Expressway (NLEX) ក្នុងទីក្រុង Marilao តំបន់ Bulacan។

អាកាសយានដ្ឋានអន្តរជាតិថ្មីនេះ មានសារៈសំខាន់ក្នុងការជួយសម្រួលដល់ការកកស្ទះ នៃអាកាសយានដ្ឋានអន្តរជាតិ Ninoy Aquino រួមគ្នាជាមួយការពង្រីកអាកាសយានដ្ឋាន Clark និងការសាងសង់កន្លែងបន្ថែម នៅអាកាសយានដ្ឋានBulacan គឺជាផ្នែកមួយនៃ“ ដំណោះស្រាយដ៏ល្អ” ដើម្បីនាំមកនូវការតភ្ជាប់បន្ថែមទៀត ដល់ប្រជាជនហ្វីលីពីន។

អាកាសយានដ្ឋាន Bulacan ជាផ្នែកមួយនៃផែនការអភិវឌ្ឍន៍ ក្នុងតំបន់ដែលមានទំហំធំធេងសម្រាប់តំបន់ Central Luzon ។ ទន្ទឹមនឹងមានគម្រោងហេដ្ឋារចនាសម្ពន្ធ័ធំៗ ផ្សេងទៀតដូចជា ការពង្រីកអាកាសយានដ្ឋាន Clark ផ្លូវដែកខាងជើង ខាងត្បូង ផ្លូវដែក MRT-7 និង Subic-Clark Cargo Railway អាកាសយានដ្ឋាន Bulacan នឹងជួយជម្រុញការអភិវឌ្ឍសេដ្ឋកិច្ចនៅក្នុងតំបន់IIIនេះ កាន់តែរីកចំរើន។

ព្រលានយន្តហោះអន្តរជាតិថ្មីនេះត្រូវបានគេរំពឹងថា នឹងដំណើរការក្នុងរយៈពេលពី៤ ទៅ៦ឆ្នាំចាប់ពីពេលចាប់ផ្តើមសាងសង់នេះតទៅ។ តែយ៉ាងណាដោយ នាយកដ្ឋានដឹកជញ្ជូន (DOTr) របស់ប្រទេសហ្វីលីពីន មិនបានប្រាប់ពីទំហំទឹកប្រាក់ក្នុងការចំណាយទៅលើការសាងសង់នូវអាកាសយានដ្ឋានថ្មីនេះនោះទេ៕

រដ្ឋមន្ត្រីការបរទេសអាមេរិកសរសើរកម្ពុជា ពីការការពារដាច់ខាតនូវបូរណភាពទឹកដីរបស់ខ្លួន

August 2, 2019

0

ដោយម៉ៃ វីរៈ

ប្រទេសថៃៈ រដ្ឋមន្ត្រីការបរទេសសហរដ្ឋអាមេរិក លោកMike Pompeo បានស្វាគមន៍កម្ពុជា ដែលប្ដេជ្ញាការពារដាច់ខាតនូវបូរណភាពទឹកដីរបស់ខ្លួន និងទទូចឲ្យប្រទេសផ្សេងធ្វើតាមកម្ពុជា ។

ការលើកឡើងរបស់លោក Mike Pompeo រដ្ឋមន្ដ្រីការបទេសអាមេរិកក្នុងកិច្ចប្រជុំរដ្ឋមន្ត្រីការបរទេសអាស៊ាន-អាមេរិកលើកទី៥២ នៅថ្ងៃទី១ ខែសីហា នៅទីក្រុងបាងកក ប្រទេសថៃ។ ប្រមុខការទូតអាមេរិករូបនេះបានថ្លែងថា “យើងស្វាគមន៍កម្ពុជាដែលប្ដេជ្ញាការពារដាច់ខាតបូរណភាពទឹកដីរបស់ខ្លួន និងទទូចឲ្យប្រទេសផ្សេងធ្វើតាមការនាំមុខរបស់កម្ពុជាបែបនេះ”។

នេះជាការបន្សាបព៌តមានក្លែងក្លាយ ក្រោយសារព៌តមានមួយចំនួនបានសរសេរប្រាសចាកការពិត និងចោទកម្ពុជាលួចចុះហត្ថលេខាដោយស្ងាត់ៗ ជាមួយចិន ដើម្បីឲ្យចិនសង់មូលដ្ឋានយោធាចិននៅតំបន់សមុទ្ររបស់ខ្លួន។

ជាមួយគ្នានេះ លោករដ្ឋមន្ត្រីការបរទេសអាមេរិក ម៉ៃ ប៉ុមប៉េអូ បានព្រលយពីការពិភាក្សាក្នុងសន្និសីទសារព័ត៌មាន ក្រោយជំនួបជាមួយសមភាគីអាស៊ានរបស់លោក។

លោកបានប្រាប់អ្នកសារព័ត៍មានបាងកកប៉ុស្តិ៍ថា “ក្នុងកិច្ចប្រជុំរដ្ឋមន្ត្រីអាស៊ាន-អាមេរិក កម្ពុជាបានបដិសេធថា ខ្លួនបានទទួលយកមូលដ្ឋានយោធាចិននៅទឹកដីរបស់ខ្លួននោះទេ”។
លោកផៃ ស៊ីផាន អ្នកនាំពាក្យរាជរដ្ឋាភិបាលកម្ពុជាបានថ្លែងអំណរគុណលោក MIKE POMPEO ក្នុងការផ្ដល់យុត្តិធម៍ដល់កម្ពុជា។

លោកបានសរសេរលើបណ្ដាលសង្គម Facebook ផ្ទាល់ខ្លួនថា “ខ្ញុំបាទសូមអបអរ និងថ្លែងអំណរគុណដល់ ឯកឧត្តម MIKE POMPEO រដ្ឋមន្ត្រីក្រសួងការបរទេសសហរដ្ឋអាមេរិកក្នុងការផ្តល់ យុត្តិធម៌ដល់រាជរដ្ឋាភិបាលកម្ពុជា ដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន ដែលសម្តេចតេជោតែងតែលះបង់ និងពលីគ្រប់បែបយ៉ាងក្នុងកិច្ចការពារជាតិ ព្រមជាមួយអធិបតេយ្យជាតិ និងកិច្ចប្រឹងប្រែង រក្សាមិត្ត មិនជ្រៀតជ្រែក កិច្ចការផ្ទៃក្នុង ជាដៃគូសហការគ្រប់វិស័យ ជាមួយនឹងប្រជាជាតិទាំងអស់នៅលើពិភពលោក ដោយមិនរើសអើង។

កាលពីពេលថ្មីៗនេះកាសែត Wall Street’s Journal បានចុះផ្សាយថា កម្ពុជាបានចុះកិច្ចព្រមព្រៀងសម្ងាត់ជាមួយចិន ដើម្បីបើកផ្លូវឲ្យយោធាចិនប្រើប្រាស់មូលដ្ឋានទ័ពរាម ដែលជាការសរសេរប្រាសចាកការពិត គ្មានមូលដ្ឋានវិជ្ជាជីវៈ និងអក្រមសីលធ៌ម។

រាជរដ្ឋានភិបាលកម្ពុជា បានប្រកាសបដិសេធជាច្រើនលើកច្រើនសារ ការតាំងមូលដ្ឋានយោធារបស់នៅលើទឹកដីកម្ពុជា គឺជាការប្រឆាំងរដ្ឋធម្មនុញ្ញរបស់កម្ពុជា ដែលហាមមិនឲ្យមានមូលដ្ឋានយោធាបរទេសអចិន្ដ្រៃនោះឡើយ៕

ហេដ្ឋារចនាសម្ព័ន្ឋធំៗចំនួន៥ កំពុងសិក្សាដើម្បីតភ្ជាប់ពីភ្នំពេញទៅស្តាតមរតកតេជោ

August 2, 2019

0

ដោយនៅ ស៊ីវុត្ថា

ភ្នំពេញៈ ហេដ្ឋារចនាសម្ព័ន្ឋធំៗចំនួន៥ បាននិងកំពុងសិក្សាដើម្បីចាប់ផ្តើមដំណើរការសាងសង់នាពេលខាងមុខ ក្នុងការសម្រួលលំហូរចរាចរណ៍ពីរាជធានីភ្នំពេញ ទៅកាន់ពហុកីឡាដ្ឋានមរតកតេជោ ទីតាំងដែលកម្ពុជានឹងប្រារពកីឡាស៊ីហ្គេមនាឆ្នាំ២០២៣ខាងមុខនេះ។

អនុរដ្ឋលេខាធិការក្រសួងសាធារណៈការ និងដឹកជញ្ជូនលោកគង់ វិមានបានសរសេរលើបណ្តាញទំនាក់ទំនងសង្គម Facebook របស់លោកនាព្រឹកថ្ងៃទី២ សីហានេះថា ហេដ្ឋារចនាសម្ព័ន្ឋធំៗចំនួន៥ បាននិងកំពុងសិក្សា ដើម្បីតភ្ជាប់
ប្រព័ន្ឋដឹកជញ្ជូនចេញពីរាជធានីភ្នំពេញ តភ្ជាប់ទៅតំបន់ទីក្រុងរណបតេជោមរកត។

គំរោងហេដ្ឋារចនាសម្ព័ន្ឋធំៗ ទទាំងនោះរួមមាន ទី១ ផ្លូវល្បឿនលឿន (មួយខ្សែកំពុងសាងសង់ និងមួយខ្សែទៀតកំពុងចចារ )។ ទី២ ស្ពានអាកាស បន្ថែម ( សាលាក្រុងកំពុងដំណើរការ និងបំពេញនិតិវិធី )ទី៣ ផ្លូវរថភ្លើងលើអាកាស ( កំពុងដាក់អោយសិក្សា) ទី៤ ផ្លូវរថភ្លើងក្រោមដី ( កំពុងដាក់អោយសិក្សា និងទី៥ផ្លូវក្រោមទន្លេ ..!។ (កំពុងសិក្សា) លោកបានសរសេរដោយលើកជាសំណួរថា “តើបងប្អូនពេញចិត្តទេ? គាំទ្រទេ?”។

លោកបន្ថែមថា “ទាំងអស់នេះ គឺកំពុងតែមាននៅក្នុងផែនការអនាគតរបស់ក្រសួងសាធារណៈការ និងដឹកជញ្ជូន ហើយនិងកំពុងដាក់អោយក្រុមហ៊ុនសិក្សាផងដែរ”។

ក្រោមការដឹកនាំរបស់សម្តេចតេជោ នាយករដ្ឋមន្ត្រីកម្ពុជា វិស័យសាធារណការមានការីកចម្រើនយ៉ាងឆាប់រហ័សបំផុត។
ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កំពុងមមារញឹកខិតខំស្វះស្វែងរកដៃគូរវិនិយោគ សំដៅធ្វើយ៉ាងណាអោយសម្រេចបានជោគជ័យជូនជាតិមាតុភូមិយើងទាំងអស់គ្នា៕