អាគារការិយាល័យចំនួន១៣គំរោងនឹងបញ្ចប់នៅឆ្នាំនេះដែលទាញអត្រាប្រើប្រាស់ សរុបធ្លាក់ចុះ

February 16, 2019

ដោយស៊ីវ ម៉េង

ភ្នំពេញ៖ ទំហំការិយាល័យកាន់តែកើនឡើងនៅឆ្នាំនេះ ដោយសារចំនួនអាគារការិយាល័យចំនួន១៣នឹងបញ្ចប់នៅឆ្នាំនេះ ដែលនឹងទាញទម្លាក់អត្រាប្រើប្រាស់រួមនាពេលអនាគត។

យោងតាមការសិក្សារបស់ក្រុមហ៊ុន CBRE Cambodia ដែលទើបបង្ហាញកាលពីសប្តាហ៍មុនបានឲ្យដឹងថា គំរោងអាគារការិយាល័យ១៣នឹងបញ្ចប់នៅឆ្នាំនេះ ក្នុងនោះការិយាល័យបែបសហកម្មសិទ្ឋមានចំនួន៤ និងគំរោងចំនួន៩ជាគំរោងដែលមានម្ចាស់តែមួយ ដែលធ្វើឲ្យការផ្គត់ផ្គង់កើនឡើងដល់១៨ភាគរយ និងធ្វើឲ្យទំហំផ្ទៃក្រឡាការិយាល័យសរុបនៅទីក្រុងភ្នំពេញ នឹងកើនដល់ជិតដល់៤០ម៉ឺនម៉ែត្រការ៉េ។

អ្នកនាងអាន សុធីតានាយិកាប្រចាំប្រទេសនៃក្រុមហ៊ុន CBRE Cambodia បានមានប្រសាសន៍ឲ្យដឹងកាលពីល្ងាចថ្ងៃទី១៥ កុម្ភៈកន្លងមកថា “កំនើននៃការផ្គត់ផ្គង់អាគារការិយាល័យនេះ នឹងទាញអត្រាប្រើប្រាស់រួមធ្លាក់ចុះ ដែលអត្រាគ្របដណ្តប់បច្ចុប្បន្នមានជាង៨០ភាគរយ ប៉ុន្តែបន្ទាប់ពីគម្រោង១៣ដាក់ឲ្យដំណើរការ អត្រាប្រើប្រាស់រួមនឹងធ្លាក់ចុះមកនៅត្រឹម៧៨,៥ភាគរយ”។

ទីផ្សារការិយាល័យនៅកម្ពុជាមានប្រជាប្រិយភាពជាងគេ ជាប្រភេទការិយាល័យលំដាប់ B, និងC ដោយសារវាមានតម្លៃសមរម្យ និងជាគោលដៅជួលរបស់ក្រុមហ៊ុនថ្មីៗ និងក្រុមហ៊ុនមានខ្នាតមធ្យម។

តម្លៃការិយាល័យនៅកម្ពុជា សម្រាប់ការិយាល័យលំដាប់Aមានតម្លៃចន្លោះ១៨ ទៅ៣៦ដុល្លារ អាគារការិយាល័យប្រភេទ B មានតម្លៃចន្លោះ១៧ មកត្រឹម១២ដុល្លារ និងតម្លៃចាប់ពី១២ដុល្លារក្នុង១ម៉ែត្រការ៉េចុះជាអាគារការិយាល័យប្រភេទ C ៕

ចំណេះដឹង!តើអ្វីជាប្រាក់ចំណូលដែលមិនជាប់ពន្ធនិងប្រាក់ចំណូលជាប់ពន្ធ?

February 16, 2019

0

ដោយវុត្ថា
ភ្នំពេញ៖ ច្បាប់ស្តីពីពន្ធដារកម្ពុជា ត្រូវបានបែងចែកប្រាក់ចំណូលជា២យ៉ាង ពោលគឺប្រាក់ចំណូលមិនជាប់ពន្ធ និងប្រាក់ចំណូលជាប់ពន្ធ តើប្រាក់ចំណូលមិនជាប់ពន្ឋជាអ្វី និងជាប់ពន្ឋជាអ្វី?។

ប្រាក់ចំណូលមិនជាប់ពន្ធ
ប្រាក់ចំណូលមិនជាប់ពន្ធសំដៅដល់ ប្រាក់ចំណូលរបស់រាជរដ្ឋាភិបាល ឬប្រាក់ចំណូលស្ថាប័នរាជរដ្ឋាភិបាល។ ប្រាក់ចំណូលរបស់អង្គការណាមួយ ដែលត្រូវបានរៀបចំឡើង និងដំណើរការសំរាប់គោលដៅសុទ្ធសាធខាងសាសនា សប្បុរសធម៌ វិទ្យាសាស្ត្រ អក្សរសាស្ត្រ ឬអប់រំ និងគ្មានចំណែកណាមួយនៃទ្រព្យ ឬប្រាក់ចំណូលត្រូវបានប្រើប្រាស់ជាផលប្រយោជន៍ឯកជន។

ប្រាក់ចំណូលរបស់អង្គការពលករ ឬសភាពាណិជ្ជកម្ម ឧស្សាហកម្ម ឬកសិកម្ម ក្នុងករណីដែលប្រាក់ចំណូលរបស់អង្គការទាំងនោះ មិនត្រូវបានប្រើប្រាស់ជាផលប្រយោជន៍ឯកជនរបស់អ្នកចូលហ៊ុន ឬរូបវន្តបុគ្គលក៏មិនត្រូវបង់ពន្ធ និងប្រាក់ចំណេញដែលបានមកពីការលក់ផលិតផលកសិកម្ម ដែលបុគ្គលមិនមែនជាអ្នកជាប់ពន្ធ តាមរបបពិតផលិតបានដោយខ្លួនឯង ទោះបីផលិតផលនោះមិនទាន់កែច្នៃ ឬកែច្នៃហើយក៏ដោយទៅតាមទំលាប់នៃការងារកសិកម្ម។

ប្រតិបត្តិការតាមមធ្យោបាយឧស្សាហកម្ម រួមទាំងការកែច្នៃការរក្សាគុណភាព ការវេចខ្ចប់សំរាប់លក់ ពុំត្រូវបានចាត់ទុកជាទំលាប់នៃការងារកសិកម្មឡើយ។

ប្រាក់ចំណូលជាប់ពន្ធ
ប្រាក់ចំណូលជាប់ពន្ធ គឺជាប្រាក់ចំណូលសុទ្ធបានមកពីលទ្ធផលទាំងអស់ នៃប្រតិបត្តិការ អាជីវកម្មគ្រប់ប្រភេទ រួមបញ្ចូលទាំងចំណូលមូលធន ដែលសម្រេចបានក្នុងពេលកំពុងប្រកបអាជីវកម្ម ឬនៅពេលបញ្ចប់អាជីវកម្មព្រមទាំងប្រាក់ចំណូល ពីទ្រព្យសកម្មហិរញ្ញវត្ថុ ឬទ្រព្យសកម្មវិនិយោគការប្រាក់ថ្លៃឈ្នួល និងសួយសារផង។

ប្រាក់ចំណូលជាប់ពន្ធក៏រួម បញ្ចូលផងដែរនូវចំណូលធនទាំងអស់ ពីអចលនទ្រព្យ ទ្រព្យហិរញ្ញវត្ថុ ឬទ្រព្យវិនិយោគ ដែលសម្រេចបានមកពីប្រតិបត្តិការនានា ក្រៅពីប្រតិបត្តិការអាជីវកម្ម៕

PM Askes European Companies to Continue Investing in Cambodia

February 15, 2019

0

By Kong Soriya

Phnom Penh – Prime Minister Samdech Techo Hun Sen has asked European companies to continue investing in Cambodia even though EBA will be withdrawn or not removed from Cambodia by the end of August, ensuring peace and political stability in Cambodia. Especially reforming institutions to encourage business people.

Samdech Techo HUN SEN, speaking at the closing ceremony of the Ministry of Interior on the afternoon of February 14, said that the Royal Government Is taking firm and deep reform measures to improve and enhance Cambodia’s competitiveness, and reduce the cost of doing business to clear the original Certificate of Customization, amend the Camcontrol duty from the Export Control Import.

Removing Kamsap unit, reduction of checking costs and other fees, improvement of related services, tax incentive to SMEs and many other important measures that the business community will see and also have benefited more obviously in the future and in the near future.

“I would like to take the moment to speak to hundreds of European companies doing business In Cambodia, continue to do business and stay happy with peace for all of you.”

“I also ask business people and investors who are investing and doing businesses in Cambodia, both those who are willing to invest or are investing in Cambodia with Intends to maintain peace and political stability in the country.

Samdech Techo said that in the spirit of effort above, the two motives are internal reform and expansion of external friends in the spirit of independence and Approach 5 is to look at the bath, the brush, the cure, and the surgery must be carried out simultaneously. ”

“Cambodia will continue to discuss with European partners for the theme and operation of the 13th Asia-Europe Meeting in Cambodia in the future by 2020, Cambodia hopes our European partners to succeed in this important multi-lateral forum “.

At the same time, Dr. Mey Kalyan, senior adviser to the Supreme National Economic Council, said, “If the EU withdrew the EBA system from Cambodia, Cambodia’s economy will be affected but not severe, but it’s time for Cambodia to strengthen itself rather than Relaxing too much because we cannot sleep, so if we rely one day the stop helping us we will die.

“Therefore, we must strive to strengthen ourselves, diversify our markets and diversify our products So we can have a strong foundation to support our economy.”

ខេត្តស្ទឹងត្រែងចាប់ផ្តើមពង្រីកមូលដ្ឋានទេសចរណ៍ធម្មជាតិ

February 15, 2019

0

ដោយ វុត្ថា

ស្ទឹងត្រែង៖ មន្ទីទេសចរណ៍ខេត្តស្ទឹងត្រែង បានលើកទឹកចិត្តឱ្យវិស័យឯកជនរៀបចំតំបន់អេកូទេសចរណ៍ធម្មជាតិនៅជិត តំបន់កោះកប្បាស ដើម្បីធ្វើជាខ្សែសង្វាក់ ក្នុងដំណើរកំសាន្តរបស់ភ្ញៀវទេសចរ រវាងតំបន់ទេសចរណ៍ទឹកធ្លាក់ព្រះនិមិត្តនឹងតំបន់ផ្សោតព្រះរំកិល។

លោក អ៊ន់ ប៉ោសឿន ប្រធានមន្ទីរទេសចរណ៍ខេត្តបានអោយដឹងកាលពីព្រឹកថ្ងៃទី១៤ កុម្ភៈកន្លងមកថា គំរោងនេះ ជាការរួមចំណែកក្នុងការលើកស្ទួយវិស័យទេសចរណ៍ ធ្វើឱ្យមានរមណីយដ្ឋានទៅដល់ទីជនបទ ស្របតាមគោលការណ៍ណែនាំរបស់ក្រសួងទេសចរណ៍។ លោកបន្ថែមថា នៅពេលបង្កើតបានតំបន់អេកូទេសចរណ៍នេះ យើងអាចការពារ ធនធានជីវចំរុះបាន ហើយប្រជាពលរដ្ឋនៅតំបន់នេះ ក៍ទទួលបានប្រាក់ចំណូល ពីការលក់ដូរចំណីអាហារនៅទីនោះ។

លោកបន្តថា “ខ្ញុំគាំទ្រនៅគំនិតរបស់គាត់ផ្តួចផ្តើម ចង់ឱ្យមានការរៀបចំឱ្យបានល្អប្រសើរថែមទៀតពង្រីកឱ្យបានទំហ៊ំធំ ជាងនេះទៀតដើម្បីត្រៀមទទួលភ្ញៀវ ទៅថ្ងៃអនាគត”។ លោកបន្តថា “ភ្ញៀវទេសចរផ្សងព្រេងដែលស្ពាយសាក់ការដូ ពួកគាត់ចាប់អារម្មណ៍មកកន្លែងហ្នឹង ធ្វើម៉េចផ្សាភ្ជាប់ជាមួយធម្មជាតិ ហើយគាត់ចំណាយលុយតិចក្នុងការស្នាក់នៅ តែចំណាយក្នុងការហូបចុកច្រើន”។

លោកស្រី យុន សុខធីម ដែលមានស្វាមីជាជនជាតិអាល្លឺម៉ង់មករៀបចំតំបន់អេកូទេសចរណ៍នេះបានអះអាងថា នៅតំបន់នេះ មិនទាន់មានអាជ្ញាធរពាក់ព័ន្ធចាប់អារម្មណ៍ចង់រៀបចំអភិវឌ្ឍន៍អ្វីនោះទេ។ លោកស្រីថា អ្វីដែលត្រូវមើលឱ្យជ្រៅជាងនេះទៀត តំបន់មួយនេះមានសម្បត្តិធម្មជាតិ ប្រកបដោយសក្តានុពលផ្តល់លក្ខណៈសំខាន់ អាចរៀបចំតំបន់អេកូទេសចរណ៍បាន។

ចំណែកលោក ផយ វណ្ណា សមាជិកសហគមន៍អេកូទេសចរណ៍ ផ្សោតព្រះរំកិលបានសំដែងការគាំទ្រ ចំពោះគម្រោងអភិវឌ្ឃតំបន់អេកូទេសចរណ៍ធម្មជាតិមួយនេះ ព្រោះពេលបង្កើតហើយ ដូចយើងបាននាំគ្នាមករស់នៅថែរក្សាសម្បត្តិធម្មជាតិឱ្យស្ថិតនៅគង់វង្ស។

លោកបន្តថា “ខ្ញុំគាំទ្រថាអ្វីដែលគាត់ធ្វើនេះល្អមែនទែន ដែលអាចទាក់ទាញភ្ញៀវចូលមកទាំងរកថវិកាចូលខ្លួនគាត់ទាំងមានភ្ញៀវដើរលេង មកតរហូតមកដល់ផ្ទះសហគមន៍គឺបន្តបន្ទាប់ទៅរហូតដល់មានផលប្រយោជន៍ទាំងអស់គ្នានេះ”។

លោក គ្រីស ស្ទីន ជនជាតិអាល្លឺម៉ង ដែលកំពុងអភិវឌ្ឍន៍តំបន់អេកូទេសចរណ៍នេះដែរបានបញ្ជាក់ថា គោលបំណងនេះលោកចង់ ឱ្យបងប្អូនប្រជាពលរដ្ឋនៅទីជនបទ មានទំនាក់ទំនងល្អជាមួយគ្នា ជាពិសេសពេលមានភ្ញៀវទេសចរជាតិនឹងអន្តរជាតិមកលេង ធ្វើការរាក់ទាក់និងចេះកែច្នៃផលិតផលកសិកម្មលក់ដូរ ហើយរួមគ្នាបញ្ឃប់ការពឹងផ្អែកលើផលអនុផលព្រៃឈើ នឹងការធ្វើនេសាទហួសកំរិត។

តំបន់អេកូទេសចរណ៍ធម្មជាតិ ទើបបង្កើតថ្មីនេះស្ថិតនៅចំណុចក្បាលកោះកប្បាស ឃុំព្រះរំកិលស្រុកថាឡាបរិវ៉ាត់ខេត្តស្ទឹងត្រែង។ នេះជាលើកដំបូងហើយដែលមន្ទីរទេសចរណ៍បង្កលទ្ធភាពដល់ផ្នែកឯកជន បង្កើតឱ្យមានរមណីយដ្ឋានទេចរណ៍ធម្មជាតិនៅទីជនបទមួយនេះ ឱ្យមានផ្ទះស្នាក់ អាហារដ្ឋាន បែបធម្មជាតិ នៅក្នុងខេត្តស្ទឹងត្រែង៕

The cable bridge connecting to Chroy Changvar is under construction

February 15, 2019

0

By Kong Soriya

Phnom Penh: Overseas Cambodian Investment Corporation (OCIC) has started construction of a cable bridge connecting National Road No 5 to the Chroy Changva satellite city.

OCIC deputy general director Touch Samnang said by phone on February 14 that the cable connection was already under construction and that the team has been working on the project and after resolving the impact with the local people. He said that the bridge is about 500 meters long, with a cable in the middle and has two lanes and one lane for motorway.

“The bridge will cost 35 million US dollars, which is the government’s money from the land leasing of the Chroy Changvar satellite city of OCIC,” he said. “The bridge is planned to take 3 years to complete.”0

Touch Samnang said the bridge was designed to help ease traffic jams along National Highway 5 and Chroy Changvar since the concrete bridge was constructed, partly facilitating traffic congestion in Chroy Changvar.

At the same time, OCIC is studying and addressing the impact of the construction of the 400-meter underground tunnel, which is under national road 5 today.

Touch Samnang said that if timely settlement, the construction of the bridge and the tunnel may end simultaneously, but the if impact is not resolved in time, the tunnel can be done in the next step.

វគ្គបណ្តុះបណ្តាលពីឱកាសវិនិយោគ និងដំណោះស្រាយលើការទិញលក់អចលនទ្រព្យនឹងចាប់ផ្តើមនៅចុងសប្តាហ៍នេះ

February 15, 2019

0

ដោយ ស៊ីវ ម៉េង

ភ្នំពេញ៖ វគ្គបណ្តុះបណ្តាលពិសេសមួយ ដោយផ្តោតលើឱកាសវិនិយោគដើម្បីទទួលបានផលចំណេញពី ការវិនិយោគលើវិស័យអចលនទ្រព្យ និងដំណោះស្រាយលើបញ្ហាប្រឈមនឹងចាប់ផ្តើមនៅចុងសប្តាហ៍នេះហើយ នៅក្នុងមជ្ឈមណ្ឌលនៃកិច្ចសហប្រតិបត្តិការកម្ពុជាជប៉ុន (CJCC) ។

វាគ្មិនជំនាញបីរូបនឹងបង្ហាញបទពិសោធន៍ពីភាពជោគជ័យ និងឱកាសស្វែងរកផលចំណេញពីការវិនិយោគលើវិស័យអចលនទ្រព្យ និងមូលដ្ឋាននៃការសិក្សាលើព័ត៌មានជាក់លាក់មុនសម្រេចចិត្តវិនិយោគ នឹងចូលរួមក្នុងវគ្គបណ្តុះបណ្តាលពិសេស និងមិនធ្លាប់មានពីមុនមក គឺលោក ច្រឹក សុខនីម អគ្គនាយកក្រុមហ៊ុន Century21 Mekong និងជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក គៀម សៀកឡុង អគ្គនាយកក្រុមហ៊ុន Century21 Dream Property និងលោក យិន លាងគង់ អគ្គនាយកគេហទំព័រ Propertyarea.asia និងជាអនុប្រធានក្រុមប្រឹក្សាភិបាលនៃសមាគមអ្នកជំនាញអចលនទ្រព្យកម្ពុជា។

លោក ច្រឹក សុខនីម អគ្គនាយកក្រុមហ៊ុន Century21 Mekong និងជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា

អគ្គនាយកក្រុមហ៊ុនគេហទំព័រ Properyarea.asia លោក យិន លាងគង់ បានមានប្រសាសន៍ឲ្យដឹងនាព្រឹកថ្ងៃទី១៥ កុម្ភៈនេះថា វគ្គបណ្តុះបណ្តាលនេះពិតជាមានសារៈសំខាន់ ដែលផ្តល់ឲ្យអ្នកសិក្សាទទួលបានចំណេះដឹង ជាមូលដ្ឋានទាក់ទងនឹងវិស័យអចលទ្រព្យ ទាក់ទងដំណើរវិវត្តន៍ក្នុងវិស័យនេះ ទាក់ទងនឹងការវិនិយោគដើម្បីបញ្ចៀសហានិភ័យ ពិសេសការស្វែងរកមូលដ្ឋានព៌តមានជាក់លាក់ មុនសម្រេចចិត្តវិនិយោគ។

លោកបន្តថា “មូលដ្ឋានព័ត៌មានច្បាស់លាស់ និងជាក់លាក់មានសារៈសំខាន់ណាស់ ដើម្បីអ្នកវិនិយោគអាំចប្រើប្រាស់ក្នុងការពិចារណា មុនសម្រេចចិត្តវិនិយោគ ដើម្បីបញ្ចៀសហានិភ័យលើការវិនិយោគរបស់ខ្លួន”។ លោកបន្តថា “ព័ត៌មានជាមូលដ្ឋានដ៏សំខាន់ និងមិនអាចខ្វះបាន ហេតុនេះការវិភាគព័ត៌មានឲ្យបានត្រឹមត្រូវ និងស៊ីជម្រៅ ដើម្បីធ្វើជាមូលដ្ឋានក្នុងការសម្រេចចិត្តវិនិយោគ ពិតជាមានតម្លៃមិនអាចខ្វះបានសំរាប់អ្នកវិនិយោគនានា”។

អគ្គនាយកក្រុមហ៊ុន Century21 Dream Property លោក គៀម សៀកឡុង ដែលជាក្រុមហ៊ុនមួយទទួលបានជោគជ័យយ៉ាងខ្លាំងក្នុងវិស័យនេះ និងបានជាប់ជាក្រុមហ៊ុនទី១ដែលលក់អចលនទ្រព្យបានច្រើនជាងគេ កាលពីឆ្នាំមុនក្នុងចំណោមក្រុមហ៊ុនជាសមា ជិកគ្រួសារ Century21 Family បានមានប្រសាសន៍ឲ្យដឹងថា លំហូរសាច់ប្រាក់ និងការពិនិត្យលើកត្តាភូមិសាស្រ្តអចលនទ្រព្យ និងព៌តមានពាក់ព័ន្ឋពិតជាមានសារៈសំខាន់ ដើម្បីឲ្យការវិនិយោគទទួលបានជោគជ័យ។

លោក គៀម សៀកឡុង អគ្គនាយកក្រុមហ៊ុន Century21 Dream Property

លោកបន្តថា “ក្នុងវគ្គបណ្តុះបណ្តាលនេះ ខ្ញុំនឹងបង្ហាញពីបទពិសោធន៍នៃការបរាជ័យ និងភាពជោគជ័យ ដើម្បីឲ្យអ្នកសិក្សាស្វែងយល់ និងធ្វើជាមូលដ្ឋានក្នុងការសម្រេចចិត្តវិនិយោគក្នុងវិស័យនេះ ដើម្បីឈានទៅទទួលបានជោគជ័យ”។ លោកបន្តថា “ក្រុមហ៊ុនភ្នាក់ងារអចលនទ្រព្យមានច្រើន ប៉ុន្តែមិនប្រាកដជោគជ័យនោះទេ ហេតុនេះភាពជោគ ជ័យនឹងអាស្រ័យលើកត្តាជាច្រើន ដែលខ្ញុំនឹងធ្វើបទបង្ហាញពីបញ្ហានេះ”។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជានិងជាអគ្គនាយកក្រុមហ៊ុន Century21 Mekong លោកច្រឹក សុខនីមបានថ្លែងថា តាមរយៈវគ្គបំពាក់បំប៉ននេះ អ្វីសំខាន់ដែលលោកនឹងលើកយកមកបង្ហាញ គឺដំណើរវិវត្តន៍នៃទីផ្សារអចលនទ្រព្យនៅកម្ពុជា ទិដ្ឋភាពទូទៅក្នុងវិស័យនេះ និឱកាសវិនិយោគបែបណាដើម្បីទទួលបានផលចំណេញ និងគួរវិនិយោគនៅទីតាំងណាដែលមានសក្តានុពល ក្នុងការទទួលបានប្រាក់ចំណេញ។

លោកបន្តថា “ជាមួយគ្នានេះ ខ្ញុំនឹងលើកយកយន្តការបែបណាដើម្បីវិនិយោគកុំឲ្យខាត និងប្រសិនជាអចលនទ្រព្យជាប់គាំង តើគួរមានច្រកចេញបែបណា និងគួរធ្វើការជាមួយអ្នកណា ដើម្បីទទួលបានឱកាសចំណេញ និងមិនធ្វើការវិនិយោគបែបផ្សងព្រេង”។លោកបន្តថា “តើការវិនិយោគគួរមានបណ្តាញការងារបែបណា និងធ្វើយ៉ាងណាកុំឲ្យមានការស្ទះលំហូរសាច់ប្រាក់សុទ្ឋតែមានសារៈសំខាន់ ដែលលោកនឹងបង្ហាញនិងផ្តល់ដល់អ្នកចូលរួម”។

អ្នកមានបំណងចូលរួមអាចទាក់ទងតាមរយៈលេខទូរស័ព្ទ ០៨៩ ៨៩៤ ៤៤៩, ០១៦ ៥២៩ ៩៩៥ និងលេខទូរស័ព្ទ០១៦ ៨៨៨ ២៤៨៕

កម្ពុជា-កូរ៉េ គ្រោងរៀបវេទិការសម្រាប់ពាណិជ្ជករ និងវិនិយោគិនកូរ៉េ-កម្ពុជាបានជួបពិភាក្សាគ្នា

February 15, 2019

0

ដោយ វុត្ថា

ភ្នំពេញ៖ កម្ពុជា-កូរ៉េគ្រោងរៀបចំវេទិការួមគ្នាមួយ ក្នុងគោលបំណងជំរុញកិច្ចសហប្រតិបត្តិការពាណិជ្ជកម្ម និងវិនិយោគរវាងប្រទេសកម្ពុជា-កូរ៉េ។

លោក Kyoungmoo Kwon អគ្គនាយកទីភ្នាក់ងារកូរ៉េសម្រាប់ការជំរុញពាណិជ្ជកម្ម និងវិនិយោគ (KOTRA) ប្រចាំនៅកម្ពុជា បានមានប្រសាសន៍ឲ្យដឹងក្នុងជំនួបពិភាក្សាជាមួយមន្ត្រីជាន់ខ្ពស់ក្រសួងពាណិជ្ជកម្មកម្ពុជា កាលពីពេលថ្មីៗនេះបានឲ្យដឹងថា ទីភ្នាក់ងារកូរ៉េសម្រាប់ការជំរុញពាណិជ្ជកម្ម និងវិនិយោគ (KOTRA) នឹងរៀបចំជំនួបពាណិជ្ជកម្មកូរ៉េ-កម្ពុជានៅកម្ពុជានាពេលឆាប់ៗខាងមុខនេះ ដើម្បីជាវេទិកាមួយសម្រាប់ពាណិជ្ជករ និងវិនិយោគិនកូរ៉េ-កម្ពុជាបានជួបពិភាក្សាគ្នា ស្វែងយល់ពីឱកាសពាណិជកម្ម និងវិនិយោគថ្មីៗនៅកម្ពុជា ព្រមទាំងចាប់ដៃគូរពាណិជ្ជកម្ម។

លោកបន្តថា “នៅក្នុងជំនួបពាណិជ្ជកម្មនេះ នឹងមានការអញ្ជើញចូលរួមពីថ្នាក់ដឹកនាំនៃក្រសួងឧស្សាហកម្មសាធារណរដ្ឋកូរ៉េ ដូច្នេះសូមគោរពអញ្ជើញថ្នាក់ដឹកនាំនៃក្រសួងពាណិជ្ជកម្មកម្ពុជា ព្រមទាំងពាណិជ្ជករ និងវិនិយោគិនកម្ពុជាចូលរួមក្នុងព្រឹត្តិការណ៍នេះ ដើម្បីជំរុញការវិនិយោគ និងពាណិជ្ជកម្មនៃប្រទេសទាំងពីរ ឲ្យមានការកើនឡើងមួយកម្រិតទៀត”។

លោកស៊ាង ថៃ អនុរដ្ឋលេខាធិការក្រសួងពាណិជ្ជកម្ម បានគាំទ្រចំពោះព្រឹត្តិការណ៍ជំនួបពាណិជ្ជកម្មកូរ៉េ-កម្ពុជា ដែលនឹងរៀបចំនៅកម្ពុជានាពេលឆាប់ៗខាងមុខនេះ ហើយ លោកជឿជាក់ថាព្រឹត្តិការណ៍នេះ នឹងក្លាយជាឱកាសដ៏ល្អមួយ សម្រាប់ពាណិជ្ជករ និងវិនិយោគិននៃប្រទេសទាំងពីរក្នុងការសហការអាជីវកម្ម និងពាណិជ្ជកម្ម។

លោក ស៊ាង ថៃ ក៏បានវាយតម្លៃខ្ពស់ចំពោះកិច្ចសហប្រតិបត្តិការពាណិជ្ជកម្មទ្វេភាគីនៃប្រទេសទាំងពីរ ដែលកន្លងមកកម្ពុជាបាននាំចេញផ្លែស្វាយទៅទីផ្សារប្រទេសកូរ៉េ ប៉ុន្តែដោយសារបញ្ហាប្រឈមខាងបច្ចេកទេសអនាម័យ និងភូតគាមអនាម័យ(SPS) ធ្វើឲ្យផ្លែស្វាយ និងផលិតផលកសិកម្មផ្សេងទៀតរបស់កម្ពុជា ពុំអាចនាំចេញជាលក្ខណៈទ្រង់ទ្រាយធំពីកម្ពុជាទៅប្រទេសកូរ៉េបាន។

KOTRA ជាស្ថាប័នមួយស្ថិតនៅក្រោម ក្រសួងឧស្សាហកម្មនៃសាធារណរដ្ឋកូរ៉េ ចំពោះការប្រតិបត្តិការនៅកម្ពុជា KOTRA ស្ថិតក្រោមស្ថានទូតកូរ៉េទទួលបន្ទុកផ្នែកពាណិជ្ជកម្ម៕

ដំណឹងរីករាយ! សេដ្ឋកិច្ចកម្ពុជាសម្រេចបានកំនើន ៧,៥ភាគរយ

February 15, 2019

0

ដោយ គង់ សូរិយា

ភ្នំពេញ៖ ខណៈសេដ្ឋកិច្ចកម្ពុជាត្រូវបានព្យាករណ៍ពីកំនើនខុសៗគ្នាកន្លងមក ពេលនេះការវាយតម្លៃចុងក្រោយដោយស្ថាប័នអន្តរជាតិបានបង្ហាញថា សេដ្ឋកិច្ចកម្ពុជាសម្រេចបានកំនើន៧,៥ភាគរយកាលពីឆ្នាំមុន។

សម្តេចតេជោហ៊ុន សែននាយករដ្ឋមន្ត្រីកម្ពុជាបានមានប្រសាសន៍ក្នុងពិធីបិទសន្និបាតការងារក្រសួងមហាផ្ទៃកាលពីល្ងាចថ្ងៃទី១៤ កុម្ភៈកន្លងមកថា មូលនិធិរូបិយប័ណ្ណអន្តរជាតិ(IMF) សហការជាមួយស្ថាប័នជំនាញរបស់កម្ពុជាវាយតម្លៃថា កំណើនសេដ្ឋកិច្ចកម្ពុជា ក្នុងឆ្នាំ២០១៨មានកំណើនរហូតដល់ ៧,៥%នោះ។

ជាមួយនឹងលទ្ឋផលដ៏ប្រសើរនេះ សម្តេចក៏បានស្នើឲ្យក្រុមប្រឹក្សាអភិវឌ្ឍន៍កម្ពុជា រៀបចំវេទិការរវាងរាជរដ្ឋាភិបាល និងវិស័យឯកជននៅខែមីនាខាងមុខនេះ ដើម្បីពិភាក្សាជំរុញល្បឿនសេដ្ឋកិច្ចកម្ពុជាបន្ថែមទៀត។

សំដៅដល់ការដាក់ចេញនិតិវិធី ដើម្បីដកប្រព័ន្ឋអនុគ្រោះពន្ឋពីសហភាពអឺរ៉ុបចេញពីកម្ពុជា សម្ដេចតេជោ ហ៊ុន សែនបានបញ្ជាក់ថា យើងត្រូវរួមគ្នាធ្វើការដើម្បីពង្រីការលូតលាស់ខាងសេដ្ឋកិច្ច ដើម្បីបន្តពង្រឹងឯករាជ្យភាពខាងនយោបាយរបស់យើង។ ប្រទេសមួយបើមិនអាចអនុវត្តច្បាប់របស់ខ្លួនបាន មិនចាំបាច់ហៅថារដ្ឋអធិបតេយ្យនោះទេ។

សម្តេចបន្តថា “យើងត្រូវប្រែក្លាយការប្រឈម ឱ្យទៅជាឱកាស ជាកាលានុវត្តភាព នៃការខិតខំឈានឡើងនៃសេដ្ឋកិច្ចរបស់យើង”។ សម្ដេចថ្លែងបន្តថា “ការព្យួរ EBA ដែលនឹងមានរយៈពេល១៨ខែទៀត បើទោះជាបាត់ឬនៅមានជាបន្ត ក៏មិនអាចធ្វើឱ្យយើងស្លាប់ ឬក្លាយទៅជាអ្នកមានបានដែរ។ EBA មុននិងក្រោយគង់នឹងបាត់ដូចគ្នា គ្រាន់តែយូរនិងឆាប់តែប៉ុណ្ណោះ ដូចនេះការរកស៊ីបង់ពន្ធឱ្យគេ និងគេបង់ពន្ធឱ្យយើងគឺជារឿងជៀសមិនរួច ហើយថ្លៃថ្នូរ និងមានស្ថិរភាពទៀតផង”៕

សម្តេចតេជោប្រាប់ឲ្យក្រុមហ៊ុនអឺរ៉ុបបន្តរកស៊ីនៅកម្ពុជាទោះជា EBA ត្រូវដក

February 15, 2019

0

ដោយ គង់ សូរិយា
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជាបានស្នើឲ្យក្រុមហ៊ុនអឺរ៉ុបបន្តវិនិយោគនៅកម្ពុជា ទោះជាប្រព័ន្ឋ EBA ត្រូវដកឬមិនដកចេញពីកម្ពុជានាពេលខាងមុខ ដោយសម្តេចធានារក្សានូវសន្តិភាព និងស្ថេរភាពនយោបាយនៅកម្ពុជា ពិសេសកែទម្រង់លើស្ថាប័នជាច្រើនដើម្បីលើកទឹកចិត្តធុរជន។

សម្តេចតេជោបានមានប្រសាសន៍ ក្នុងពេលអញ្ជើញចូលរួមបិទសន្និបាតការងារក្រសួងមហាផ្ទៃនាល្ងាចថ្ងៃទី១៤ កុម្ភៈម្សិលម៉ិញថា រាជរដ្ឋាភិបាលកំពុងតែចាត់វិធានការកែទម្រង់ដ៏មុតស្រួច និងស៊ីជម្រៅ សំដៅកែលម្អ និងលើកស្ទួយភាពប្រកួតប្រជែងរបស់កម្ពុជា ពិសេសវិធានការសម្រួលពាណិជ្ជកម្ម និងការកាត់បន្ថយថ្លៃដើមធ្វើធុរកិច្ច ជាអាទ៍ ការលុបបំបាត់វិញ្ញាបនបត្រប្រភពដើមទំនិញ ការកែសម្រួលមុខនាទីរបស់កាំកុងត្រូលចេញពីមុខនាទីត្រួតពិនិត្យទំនិញនាំចេញ នាំចូល។

ការរំសាយអង្គភាពកាំសាប ការកាត់បន្ថយថ្លៃស្គែនកុងទីណ័រ និងថ្លៃសេវាមួយចំនួនទៀត ការកែលម្អសេវាពាក់ព័ន្ធ ការលើកទឹកចិត្តផ្នែកសារពើពន្ធដល់សហគ្រាសធុនតូច និងមធ្យម និងវិធានការសំខាន់ៗជាប្រព័ន្ធជាច្រើនទៀត ដែលសហគមន៍ធុរកិច្ចនឹងបានឃើញ ព្រមទាំបានទទួលផល ប្រយោជន៍ជាក់ស្ដែងបន្ថែមជាបន្តបន្ទាប់ក្នុងពេលដ៏ខ្លីខាងមុខ។

សម្តេចបានបញ្ជាក់ថា “ខ្ញុំចង់យកពេលនេះ និយាយទៅកាន់បណ្ដាក្រុមហ៊ុនអឺរ៉ុបរាប់រយក្រុមហ៊ុន ដែលកំពុងធ្វើអាជីកម្មនៅកម្ពុជា សូមបន្តការរកស៊ី និងស្នាក់នៅដោយការសប្បាយរីករាយ ជាមួយសុខសន្តិភាពសម្រាប់អស់លោកអ្នក”។

សម្តេចបញ្ជាក់ថា “ខ្ញុំក៏សូមជម្រាជូនធុរជន និងវិនិយោគិនទាំងឡាយ ទាំងអ្នកដែលកំពុងមានការវិនិយោគ និងការប្រកបអាជីកម្មនៅកម្ពុជា ទាំងអ្នកដែលមានបំណងមកដាក់ទុន ឬកំពុងសិក្សាដាក់ទុនវិនិយោគនៅកម្ពុជា ជាមួយនឹងការប្ដូរផ្ដាច់រក្សាឱ្យបានល្អប្រសើរនូវសុខសន្តិភាព និងស្ថិរភាពនយោបាយនៅក្នុងប្រទេស”។

សម្តេចតេជោបានបន្តថា ក្នុងស្មារតីនៃការខិតខំខាងលើបាវចនាពីរ គឺ កែទម្រង់ខាងក្នុង និងពង្រីកមិត្តខាងក្រៅ ក្នុងស្មារតីឯករាជ្យ និងអភិក្រម៥ គឺឆ្លុះកញ្ចក់ ងូតទឹក ដុសក្អែល ព្យាបាល និងវះកាត់ ត្រូវតែយកមកអនុវត្តព្រមៗគ្នា។

ទន្ទឹមនិងការកែទម្រង់ផ្ទៃក្នុងដែលកំពុងទទួលផល យើងក៏កំពុងបន្តទំនាក់ទំនងជាមួយប្រទេសនានា នៅក្នុងសហភាពអឺរ៉ុបផងដែរ ដោយមិនទុកឱ្យបញ្ ហាEBA ក្លាយទៅជាឧបសគ្គនៃទំនាក់ទំនងរវាងរដ្ឋ និងរដ្ឋ សហគមន៍ និងសហគមន៍នោះទេ។

សម្តេចបន្តថា “កម្ពុជានិងរួមជាមួយសមាជិកអាស៊ានផ្សេងទៀត បន្តចរចាលើកិច្ចព្រមព្រៀងពាណិជ្ជកម្មសេរី រវាងអាស៊ាន និងអឺរ៉ុប ព្រមទាំងពិនិត្យពេលវេលាសមស្រប សម្រាប់ភាពជាដៃគូយុទ្ធសាស្ត្ររវាងអាស៊ាន និងអឺរ៉ុប តាមសំណើរបស់សហភាពអឺរ៉ុប”។

សម្តេចបន្តថា “កម្ពុជានិងបន្តពិភាក្សាជាមួយដៃគូអឺរ៉ុប សម្រាប់ប្រធានបទ និងកិច្ចដំណើរការនៃការប្រជុំអាស៊ី អឺរ៉ុបលើកទី១៣នៅកម្ពុជា នាឆ្នាំ២០២០ខាងមុខ ដែលកម្ពុជាសង្ឃឹមថា ដៃគូអឺរ៉ុបរបស់យើងដើម្បីសម្រេចជោគជ័យ ក្នុងវេទិកាពហុភាគីដ៏សំខាន់មួយនេះ”។

ជាមួយគ្នានេះលោកបណ្ឌិត ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានថ្លែងថា ប្រសិនជាអឺរ៉ុបដកប្រព័ន្ឋ EBA ពីកម្ពុជា សេដ្ឋកិច្ចកម្ពុជានឹងរងផលប៉ះពាល់ ប៉ុន្តែមិនធ្ងន់ធ្ងរទេ ប៉ុន្តែវាជាពេលវេលាដែលកម្ពុជាត្រូវពង្រឹងខ្លួនឯង ជាជាងការពឹងផ្អែកលើគេខ្លាំងពេក ព្រោះយើងមិនអាចពឹងគេបានរហូតនោះទេ បើយើងពឹងគេថ្ងៃណាមួយគេឈប់ជួយយើង យើងនឹងស្លាប់។

លោកបន្តថា “ហេតុនេះយើងត្រូវខិតខំពង្រឹងខ្លួនឯង ធ្វើពិពិធម្មទីផ្សារ និងធ្វើពិពិធកម្មផលិតផលរបស់យើង ដើម្បីយើងអាចមានមូលដ្ឋានរ៉ឹងមាំក្នុងការទ្រទ្រង់សេដ្ឋកិច្ចរបស់ខ្លួន”៕

ដំណឹងល្អ! ស្ពានយោងដោយខ្សែកាបទៅតំបន់ជ្រោយចង្វារចាប់ផ្តើមសាងសង់ហើយ

February 15, 2019

0

ដោយ គង់ សូរិយា

ភ្នំពេញ៖ ក្រុមហ៊ុន OCIC បានចាប់ផ្តើមសាងសង់ស្ពានយោងដោយខ្សែកាប ដែលតភ្ជាប់រវាងផ្លូវជាតិលេខ៥ ឆ្ពោះទៅកាន់ទីក្រុងរណបជ្រោយចង្វារហើយ។

អគ្គនាយករងក្រុមហ៊ុន OCIC លោក ទូច សំណាង បានមានប្រសាសន៍ឲ្យដឹងតាមទូរស័ព្ទកាលពីថ្ងៃទី១៤ កុម្ភៈកន្លងមកថា ស្ពានយោងដោយខ្សែកាបនេះបាននិងកំពុងចាប់ផ្តើមសាងសង់ហើយ ដោយបច្ចុប្បន្នក្រុមការងារបាន និងកំពុងធ្វើការងារនេះហើយ បន្ទាប់ពីដោះស្រាយផលប៉ះពាល់ជាមួយប្រជាពលរដ្ឋរួច។ ស្ពាននេះមានប្រវែងប្រមាណ៥០០ម៉ែត្រ ដែលមានខ្សែកាបនៅចំកណ្តាល និងអាចបើករថយន្តបានពីរគន្លងសំរាប់ម្ខាងៗនៃស្ពាន និងមានផ្លូវសំរាប់ម៉ូតូផងដែរ។

លោកបន្តថា “ស្ពាននេះគ្រោងចំណាយថវិកា សាងសង់៣៥លានដុល្លារអាមេរិក ដែលថវិកានេះជាថវិការបស់រដ្ឋាភិបាល បានមកពីការជួលដីទីក្រុងរណបជ្រោយចង្វារដល់ក្រុមហ៊ុន OCIC”។ លោកបន្តថា “ស្ពាននេះតាមគំរោងនឹងចំណាយពេល៣ឆ្នាំ ដើម្បីសាងសង់បញ្ចប់”។

លោក ទូច សំណាង បានបន្តថា ការសាងសង់ស្ពាននេះ ដើម្បីជួយសម្រាលការកកស្ទះចរាចរណ៍នៅតាមបណ្តោយផ្លូវជាតិលេខ៥ និងតំបន់ជ្រោយចង្វារ ព្រោះតាំងពីស្ពានបេតុងបានសាងសង់រួច បានជួយសម្រូលការធ្វើចរាចរណ៍មិនឲ្យកកស្ទះនៅតំបន់ជ្រោយចង្វារបានមួយចំណែកផងដែរ។

ជាមួយគ្នានេះ ក្រុមហ៊ុន OCIC កំពុងសិក្សា និងដោះស្រាយផលប៉ះពាល់ជាមួយប្រជាពលរដ្ឋ ពីការសាងសង់ផ្លូវក្រោមដីប្រវែងប្រមាណ៤០០ម៉ែត្រ ដែលផ្លូវនេះស្ថិតនៅពីក្រោមផ្លូវជាតិលេខ៥សព្វថ្ងៃនេះ។

ការសាងសង់ស្ពាននេះបានចាប់ផ្តើមក្នុងកំឡុងដើមខែកុម្ភៈនេះ និងគ្រោងបញ្ចប់ការសាងសង់នៅចុងឆ្នាំ២០២១។ ស្ពាននេះនឹងសាងសង់ចេញពីតំបន់អតីតឃ្លាំងស្តុកប្រេងឥន្ឋនៈសូគីម៉ិច ស្ថិតនៅតាមបណ្តោយផ្លូវជាតិលេខ៥ ឆ្ពោះទៅកាន់តំបន់ជ្រោយចង្វារ ស្ថិតសង្កាត់ជ្រោយចង្វារ ខ័ណ្ឌជ្រោយចង្វារ រាជធានីភ្នំពេញ។

លោកទូច សំណាងបានបន្តថា បើការដោះស្រាយទាន់ពេលវេលា ការសាងសង់ស្ពាន និងផ្លូវក្រោមដីនេះអាចបញ្ចប់ក្នុងពេលដំណាលគ្នា ប៉ុន្តែបើដោះស្រាយមិនចប់ផ្លូវក្រោមដីនេះអាចធ្វើក្នុងជំហ៊ានបន្ទាប់៕