ដោយ ដែន ចែងចាំង

ភ្នំពេញ បុរីប្រណីត និងប្រកបដោយគុណភាព The Mekong Royal បានផ្តល់រង្វាន់ចំនួន២០,០០០ដុល្លារ ដល់អតិថិជរបស់ខ្លួន ដែលបានកក់លំនៅដ្ឋានក្នុងគំរោងរបស់ខ្លួន ដែលមានទីតាំងស្ថិតនៅតំបន់អភិវឌ្ឈន៍យ៉ាងលឿន នៅតំបន់ជ្រោយចង្វារ ស្ថិតនៅតាមបណ្តោយផ្លូវលេខ៦អា។

យោងតាមសេចក្តីប្រកាសព៌តមានរបស់ក្រុមហ៊ុននេះ បានបញ្ជាក់ឲ្យដឹង​នាព្រឹកថ្ងៃទី២៩ មករានេះថា អតិថិជនដែលមានសំណាងចាប់បានរង្វាន់ដ៏អស្ចារ្យ ជាទឹកប្រាក់បញ្ចុះតម្លៃ 20,000ដុល្លា ស្រ៊ុន រដ្ឋសាឌី លេខទូរស័ព្ទ 017 67 25 47 ដែលបានមកកក់ផ្ទះនៅថ្ងែទី28 ខែមករា ឆ្នាំ 2018 ក្នុងឱកាសប្រូម៉ូសិនកាន់តែកក្រើក។ រង្វាន់រឹតតែអស្ចារ្យពីបុរី ឌឹមេគង្គរ៉ូយ៉ាល់ ផ្តល់ជូនអតិថិជននៅរង្វាន់ពិតៗជាមួយនឹងគុណភាពសំណង់ សោភ័ណភាព ការចនាដ៏ទាក់ទាញ ព្រមទាំងមានហេដ្ឋារចនាសម្ព័ន្ឋធំទូលាយ មានផាសុខភាព និងទីតាំងគំរោងស្ថិតនៅស្របមាត់ទន្លេសាប និងទន្លេមេគង្គ គំរោងលំនៅដ្ឋាននៃបុរី The Mekong Royal សមស្របនឹងលំនៅដ្ឋានសម្រាប់មនុស្សសម័យថ្មី បុរី The Mekong Royalបានទទួល ជោគជ័យយ៉ាងឆាប់រហ័ស។

អតិថិជនអាចមកទស្សនាផ្ទះគំរូដោយផ្ទាល់ និងសាកសួរព័ត៌មានបន្ថែម ដែលមានទីតាំង ស្ថិតនៅតាមបណ្តោយផ្លូវជាតិលេខ6A ដែលមានចម្ងាយពីស្ពានជ្រោយចង្វារចម្ងាយ6គីឡូម៉ែត្រ ស្ថិតខណ្ឌជ្រោយចង្វារ រាជធានីភ្នំពេញ។

សម្រាប់ព័ត៌មានលម្អិតសូមទំនាក់ទំនង 010 86 87 88, 078 86 87 88, 097 9868788៕

ដោយ វុត្ថា

ភ្នំពេញ៖ ក្រុមអ្នកជំនាញនិងអ្នកអភិវឌ្ឍអចនទ្រព្យលើកឡើងថា ក្រុងព្រះសីហនុ មានការរីកចម្រើនគ៏អោយកត់សម្គាល់ ទាំងវិស័យហេដ្ឋារចនាសម្ពន្ធ អគារខុនដូរ និងអគារខ្ពស់ថ្មីៗជាច្រើន ដែលបាននិងកំពុងសាសង់យ៉ាងសកម្មព្រោងព្រាតនៅតាមបណ្តោយឆ្នេរសមុទ្រដ៏ស្រស់ស្អាតមួយនេះ។

អ្នកនៅក្នុងឧស្សាហកម្មនេះបានលើកឡើងស្រដៀងគ្នាថា ក្រុងព្រះសីហនុនាពេលបច្ចុប្បន្នមានសក្កដានុពលផ្នែកសេដ្ឋកិច្ច និងការរីកម្រើនយ៉ាងខ្លាំងក្នុងចំណោមខេត្តមួយចំនួនក្នុងប្រទេសកម្ពុជា ។ ការការរីកចម្រើនយ៉ាងដូច្នេះ ដោយ​សារតែមានអ្នកការវិយោគបរទេសជាច្រើន បានចាប់អារម្មណ៍មកវិនិយោគក្នុងទីក្រុងនេះ ហើយជាពិសេសភ្ញៀវទេសចរណ៍បានកើនឡើងពីមួយឆ្នាំទៅមួយឆ្នាំ។

លោកឧកញ៉ាចេង ខេង ប្រធានក្រុមប្រឹក្សាភិបាលនៃក្រុមហ៊ុន Hutton CPL បានថ្លែងឲ្យដឹងក្នុងដំណើរទស្សនកិច្ចទៅកាន់ខេត្តព្រះសីហនុ កាលពីចុងសប្តាហ៍មុនបានថ្លែងថា ការរីកចម្រើនលឿនរបស់ក្រុងព្រះសីហនុនេះ ដោយសារតែមានក្រុមហ៊ុនវិនិយោគមកពីប្រទេសចិនជាច្រើន បានចាប់អារម្មណ៍វិនិយោគលើលវិស័យដីធ្លី សាងសង់ខុនដូរ ព្រមទាំងសំណង់អគារផ្សេងៗជាច្រើន។ លោកឧកញ៉ាបានបន្តថា ខេត្តមួយនេះបានជាប់ជាសមាជិកក្លឹបឆ្នេរស្អាតជាងគេងក្នុងពិភលោក ដូច្នេះហើយបានជាអ្នកវិយោគិនចាប់រម្មណ៍។

លោកបានបន្តថា “ក្នុងរយៈពេល៥ទៅ១០ទៀតតំបន់នេះ នឹងក្លាយទៅជាតំបន់រីកចម្រើនដូចប្រទេជិតខាង”។

កញ្ញា Jessica អ្នកអភិវឌ្ឍន៍គំរោងខុនដូប្រណីត Sea Gate Suite បានថ្លែងថា ការសម្រេចិត្តមក​សាងសង់​ខុនដូនៅតំបន់នេះ ដោយតែតំបន់នេះនៅជាប់ឆ្នេរដ៏ស្រស់ស្អាត និងអាហារសមុទ្រស្រស់ៗ ហើយជាខេត្តមានសក្កដានុពលសេដ្ឋកិច្ចរបស់កម្ពុជា។

លោកស្រី តាំង ហួរ អនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ដែលបានដឹកនាំសមាជិកខ្លួនប្រមាណជិត១០០នាក់ មកទស្សនកិច្ចសិក្សាគំរោងសាងសង់ខុនដូ Sea Gate Suite ដែលវិនិយោគតម្លៃ២០០លានដុល្លារអាមេរិកនោះបានថ្លែងឲ្យដឹងផងដែរថា ទីក្រុងព្រះសីហនុនាពេលបច្ចុប្បន្នមានការខុសប្លែកច្រើន ដោយសារមមានគម្រោងសាងសង់ខុនដូ និងការវិនិយោគលើវិស័យដីធ្លីជាច្រើន។ ការណ៍នេះបានធ្វើឲ្យខេត្តនេះ មានការរីកចម្រើនពីមួយថ្ងៃទៅមួយថ្ងៃ ស្ទើតើមិនមិនស្មានដល់។

ក្រុងព្រះសីហនុត្រូវបានរដ្ឋាភិបាលកម្ពុជា ដាក់ជាតំបន់ឧស្សាហកម្មនៅក្នុងគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥ ២០២៥៕

ដោយ ដួង ចន្រ្ទា

ភ្នំពេញ៖ មានហេតុផលចំនួនបួន ស្ថិតនៅពីក្រោយការចាប់ផ្តើមសាងសង់អាគារកំពស់៤២ជាន់ Gold Tower42 ឡើងវិញ ជាអាគារដែលបានផ្អាកការសាងសង់អស់រយៈពេលជិត១០ឆ្នាំ។

ឥឡូវនេះ ក្រុមហ៊ុនវិនិយោគ YUNWOO Cambodia ​សហការជាមួយក្រុមហ៊ុន Hongtao Decoration Co.,Ltd និង H T W M Engineering Cambodia Co., Ltdកាលពី​ថ្ងៃ​ម្សិលម៉ិញ ប្រកា​សបើកឲ្យដំណើរការសាងសង់អគារ៤២ជាន់ឡើងវិញ ដែលបោះទុនវិនិយោគក្នុងរង្វង់ ទឹកប្រាក់​ប្រមា​ណ២៤០​លានដុល្លារសហរដ្ឋអាមេរិក ។

លោក Liu Nianxin អគ្គនាយក​ក្រុមហ៊ុន Hongtao Decoration Co., Ltd និង HTWM Engineering Cambodia Co,Ltd បានលើកឡើងក្នុងពិធីប្រកាសបើកការ​ដ្ឋានសាងសង់អាគារ Gold Tower42ឡើងវិញកាលពីថ្ងៃម្សិលម៉ិញនេះថា ការសម្រេចចិត្តដាក់ទុនវិនិយោគបន្ត លើគម្រោងអគារ៤២ជាន់ គឺមានចំនុចសំខាន់៤ ដូចជា ទី១ ក្រុមហ៊ុន Hongtao មានប​ទ​ពិសោធន៍ក្នុងរយៈពេលជាង៣០ឆ្នាំ ទៅលើគម្រោងសាងសង់អគារខ្ពស់ៗ ដែលល្បីៗបំផុតក្នុងប្រទេសចិន។ ទី២ គោលនយោបាយផ្លូវមួយ ខ្សែក្រវ៉ាត់មួយ ដែលជាគោលការណ៍របស់ប្រទេសចិន ដែលលោកជឿជាក់ថា គោលការណ៍ខាងលើនេះ នឹងធ្វើឲ្យអគារ​៤២ជាន់ស​ម្រេចបានជោគជ័យ។

ទី៣ទីតាំងអគារ៤២ជាន់នេះជាទីតាំងមានហាងឆេងល្អ ស្ថិតនៅចំកណ្តាលរាជធានីភ្នំ​ពេ​ញ និងស្ថិតនៅទីប្រជុំរវាងមហាវិថីធំៗចំនួនពីរ គឺមហាវិថីព្រះមុនីវង្ស និងមហាវិថីព្រះសីហនុ និងជាតំបន់ពាណិជ្ជកម្មកណ្តាលរាជធានីភ្នំពេញ។ និងទី៤.សំណង់អគារ៤២ជាន់នេះរឹងមាំ និងមានគុណភាពខ្ពស់ស្របតាម​ស្តង់ដាអន្តរជាតិ។

លោក Liu Nianxin បានបន្តថា “ខ្ញុំសោកស្តាយមែនទែន នៅពេលឃើញអគារមួយនេះត្រូវបានគេបោះបង់​ចោល ដូចនេះទើបក្រុ​មហ៊ុនរបស់លោកត្រឡប់មកសហការគ្នា ដើម្បីសាងសង់អគារនេះឡើងវិញ ជាពិសសរំពឹងខ្ពស់ថា ក្រុមហ៊ុនទាំងពីរនឹង​អាច​រក​បា្រក់កំរៃយ៉ាងច្រើនពីអគារមួយនេះ”។

លោក Kim Tae Yeon អគ្គនាយក​ក្រុមហ៊ុន YUNWOO CAMBODIA Co.,LTD បានថ្លែងឲ្យ​ដឹងថា ក្រុមហ៊ុន​បាន​បន្ថែម​ទុន១៤០​លាន​ដុល្លារ​លើ​គម្រោ​ងGolden Tower មួយ​នេះ បន្ទាប់ពីបាន​បោះទុន​ចំនួន​១០០​លាន​ដុល្លាររួចមកហើយ​។លោកបន្តថា បន្ទាប់ពីអគារ Gold Tower 42 នេះសម្រេចការសាងសង់ជាស្ថាពរ វានឹងក្លាយជា​សមិទ្ធ​ផល​អគារ​ពាណិជ្ជកម្មថ្មីមួយទៀត ស្ថិតនៅកណ្តាល រាជធានីភ្នំពេញ ដែលនេះជាការឆ្លុះបញ្ចាំងពីការអភិវឌ្ឍរីកចម្រើន ព្រមទាំង​បានរួម​ចំណែកក្នុងកំណើនសេដ្ឋកិច្ចកម្ពុជាតទៅអនាគត ។

លោកឧបនាយករដ្ឋមន្រី្ត យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្មកម្ពុជា ដែលអញ្ជើញជាអធិបតីក្នុងពិធីបានថ្លែងថា ក្នុងរាជរដ្ឋាភិបាលកម្ពុជា និងក្នុងនាមក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ សូមអបអរសាទរជាមួយ​ក្រុម​ហ៊ុន​ទាំងពីរ ដែលបានចាប់ដៃគ្នារវាងក្រុមហ៊ុនចិន និងកូរ៉េ ដើម្បីកសាងអគារ៤២ជាន់នេះឲ្យទទួលបានជោគជ័យ នេះជា​ចំនុចមួយដ៏ល្អប្រសើរ។

លោកបន្តថា “នេះជាឱកាសមួយដ៏ល្អ ​ដែលក្រុមហ៊ុនទាំងពីរបានសម្រេចចិត្តវិនិយោគ ហើយ​ពង្រីកការ​វិនិយោគ​ដ៏ធំមួយ ដើម្បីសាងសង់អគារ៤២ជាន់ នៅលើទឹកដីកម្ពុជា នាកណ្តាលរាជធានីភ្នំពេញ”។ លោកបន្តថា “នេះសបញ្ជា​ក់ឲ្យ​ឃើញថា ក្រុមហ៊ុនទាំងពីរមានជំនឿជឿជាក់យ៉ាងរឹងម៉ាំ មកលើរដ្ឋាភិបាលកម្ពុជា ក្នុងការដឹកនាំប្រទេសក៏ដូចជាក្នុងការ ការពារនូវសុខសន្តិភាព និងបរិស្ថានអំ​ណោ​យផលយ៉ាងសំបូរបែប”៕

ដោយ ដួង ចន្រ្ទា

ភ្នំពេញ៖ ដំណឹងល្អ! នៅទីបំផុតការរង់ចាំបានទទួលលទ្ឋផលវិជ្ជមានហើយ ដោយអាគារ Gold Tower កំពស់ ៤២ ជាន់ ដែលមានតម្លៃវិនិយោគ ២៤០លានដុល្លា​របានប្រកាសសាងសង់ហើយនៅព្រឹកថ្ងៃទី២៨ មករានេះ។

ការប្រកាសចាប់ផ្តើមសាងសង់នេះ បានធ្វើឡើងក្រោមអធិបតីភាពលោក ឧបនាយករដ្ឋមន្រ្តី យឹម ឆៃលី ប្រធានក្រុមប្រឹក្សាស្តារ និងអភិវឌ្ឍន៍វិស័យកសិកម្ម​កម្ពុជា។

តាមគំរោងអាគារពាណិជ្ជកម្មដ៏លេចធ្លោមួយនៅក្រុងភ្នំពេញនេះ គ្រោងបញ្ចប់និងដាក់ឲក្យដំណើរការនៅចុងឆ្នាំ២០១៩ខាងមុខនេះ។

លោក Kim Tae Yeon ប្រធានក្រុមហ៊ុន YUNWOO ប្រចាំកម្ពុជាបានឲ្យដឹងកាលពីពេលថ្មីៗនេះថា អាគារនេះបានចំណាយប្រាក់សាងសង់អស់ ១០០លានដុល្លារហើយ និងត្រូវចំណាយប្រាក់ ១៤០លានដុល្លារទៀត ដើម្បីបញ្ចប់គំរោងនេះនៅចុងឆ្នាំ២០១៩ខាង​មុខ។ មជ្ឈមណ្ឌលពាណិជ្ជកម្មនេះរួមបញ្ចូលផ្សារទំនើ​ប អាគារការិយាល័យ ខុនដូសរុបចំនួន៣៩៩យូនីត។

កាលពីពេលថ្មីៗនេះ ក្រុមហ៊ុន YUNWOO បានចុះកិច្ចព្រមព្រៀងដើម្បីសាងសង់បញ្ចប់អាគារនេះ នៅចុងឆ្នាំ២០១៩ខាងមុខជាមួយក្រុមហ៊ុនផ្នែករចនាគឺក្រុម​ហ៊ុន Hongtao Decoration និងក្រុមហ៊ុនសាងសង់ឈ្មោះ Waiman Construction & Engineering ដែលមានមូលដ្ឋាននៅប្រទេសចិន។

អាគារ Gold Tower 42 បានផ្អាកការសាងសង់នៅឆ្នាំ២០១០ ខណៈដែលក្រុមហ៊ុនសាងសង់បានបញ្ចប់ត្រឹមជាន់ទី៣១ នៃអាគារកំពស់៤២ជាន់នេះ៕

ដោយ គង់ សូរិយា

ភ្នំពេញ៖ ក្រុមហ៊ុន Prince Real Estate Group ជាក្រុមហ៊ុនយក្សមួយមកពីប្រទេសចិន ដែលបាននិងកំពុងវិនិយោគលើគំរោងយក្សជាច្រើន នៅទីក្រុងភ្នំពេញ និងខេត្តព្រះសីហនុ។

ក្រុមហ៊ុនយក្សមួយនេះ កំពុងត្រៀមបញ្ចប់គំរោងខុនដូរបស់ខ្លួនទី១ ស្ថិតនៅលើមហាវិថីនរោត្តម ស្ថិតនៅភាគខាងត្បូងក្រសួងមហាផ្ទៃ និងគំរោងចំនួនពីរទៀតបាននិងកំពុងសាងសង់ និងត្រៀមសាងសង់មជ្ឈមណ្ឌលពាណិជ្ជកម្មចម្រុះ លំដាប់ពិភពលោកកំពស់៦០ជាន់មួយបន្ថែមទៀត។

នៅទីក្រុងកោះពេជ្រ គំរោង Diamond one បានបញ្ចប់ការសាងសង់ និងដាក់ឲ្យដំណើរការ។ ថ្ងៃនេះគេហទំព័រ Propertyarea.asia ជាគេហទំព័រអចលនទ្រព្យ និងសេដ្ឋកិច្ចឈានមុខគេនៅកម្ពុជា សូមនាំលោកអ្នកទៅទស្សនាគំរោងមួយចំនួនទៀត​នៅទីក្រុងកោះពេជ្រ និងគំរោងនៅខេត្តព្រះសីហនុរបស់ក្រុមហ៊ុននេះ។

លោក លី មីន​ នាយកប្រតិបត្តិនៃក្រុមហ៊ុន ព្រីនស៍ រៀល អ៊ីស្ទេត គ្រុបបាន​មានប្រសាសន៍ថា គំរោងវិនិយោគនៅកម្ពុជា ធ្វើឡើងស្របតាមយុទ្ធសាស្រ្ត ” ខ្សែក្រវាត់មួយផ្លូវមួយ” ​របស់ប្រទេស​ចិន ​ដែលបានលើកឡើងក្នុងឆ្នាំ២០១៣ ទំនា​ក់ទំនងរវាងប្រទេសកម្ពុជា និងចិនកាន់តែជិតស្និទ្ធឡើង។

ឆ្នាំ២០១៨គឺជាខួបលើកទី​៦០ នៃទំនាក់ទំនងការទូតកម្ពុជា-ចិន។ លើសពីនេះទៅទៀតនៅឆ្នាំ២០១៨ ប្រទេសកម្ពុជាគឺជាប្រទេសកិត្តិយស នៃពិព័ណចិន អាស៊ានលើកទី១៥ ដូច្នេះមិត្តភាពរវាងកម្ពុជា និងចិន បានកំពុងឈានដល់កម្រិតល្អបំផុត។”

លោកបន្តថា “យើងឃើញថាប្រទេសកម្ពុជា ទទួលបានផលវិជ្ជមានជាមួយនឹងកំណើនសេដ្ឋកិច្ចរីកចម្រើន ​នៅក្នុងតំបន់យ៉ាងខ្លាំងក្រោមយុទ្ធសាស្រ្ត”ខ្សែ​ក្រវាត់មួយផ្លូវមួយ”។

ក្រុមហ៊ុន ព្រីនស៍ រៀល អ៊ីស្ទេត គ្រុប​ ដែលជាក្រុមហ៊ុនដ៏ធំរបស់ចិនបានសម្រេចចិត្តវិនិយោគនៅប្រទេសកម្ពុជា​ ដោយសារតែមានជំនឿចិត្តលើវិស័យអចលនទ្រព្យកម្ពុជា និងជឿជាក់លើយុទ្ធសាស្រ្ត “ខ្សែក្រវាត់មួយ ផ្លូវមួយ”។
លោក លី មីនបានបន្តថា “ក្រុមហ៊ុនយើងបានបង្កើតឡើងនៅក្នុងខែមីនាឆ្នាំ២០១៥ដោយបាននាំយកនូវបទពិសោធន៍   បច្ចេកវិទ្យាជំនាញ និងការវិនិយោគដ៏មានចីរភាពមកពីប្រទេសចិន”។

គម្រោងអភិវឌ្ឍន៍របស់ក្រុមហ៊ុនព្រីនស៍ រៀលអ៊ីស្ទេតគ្រុប បានក្លាយជាគម្រោងដែលលេចធ្លោ និងប្រជាប្រិយភាពបំផុត នៅក្នុងព្រឹត្តិការណ៍ពិព័ណអចលនទ្រព្យកម្ពុជាលើកទី២ ដែលបានប្រព្រឹត្តិឡើងនៅឆ្នាំ២០១៧។ គម្រោងអគារស្នាក់នៅរួមព្រីនស៍ ម៉ូឌើន ផ្លាហ្សាមានទីតាំងស្ថិតនៅខាងត្បូងនៃមហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន ដែលជាទីតាំងដ៏មានសក្តានុពលបំផុតនៃរាជធានីភ្នំពេញ៕