ពលរដ្ឋចិនសម្រុកទិញផ្ទះនៅសហរដ្ឋអាមេរិក សម្រាប់រស់នៅ ច្រើនជាងមុនទ្វេរដង

ដោយៈ តែម សុខុម

ហុងកុង: របាយការណ៍មួយដែលបានចេញផ្សាយ កាលពីថ្ងៃពុធ ទី២ សីហា បង្ហាញថា ចំនួនពលរដ្ឋចិន ដែលសម្រុកទិញអចលនទ្រព្យ ប្រភេទលំនៅឋាននៅសហរដ្ឋអាមេរិក បានកើនឡើងទ្វេរដង ក្នុងរយៈពេល១២ខែមកនេះ គិតត្រឹមខែមីនា ដើមឆ្នាំ២០២៣។

របាយការណ៍ស្តីពី ប្រតិបត្តិការទិញលំនៅឋានជាអន្តរជាតិនៅសហរដ្ឋអាមេរិក ដែលចេញផ្សាយដោយសមាគម ភ្នាក់ងារអចលនទ្រព្យជាតិ (NAR) របស់សហរដ្ឋអាមេរិកបានបង្ហាញថា ប្រាក់ដែលពលរដ្ឋចិន បានចំណាយទៅលើការទិញផ្ទះ នៅសហរដ្ឋអាមេរិក បានកើនឡើង រហូតដល់១៣,៦ពាន់លានដុល្លារ ដោយកើនឡើងពី៦,១ពាន់លានដុល្លារ កាលពីឆ្នាំមុន។របាយការណ៍ដដែលបង្ហាញទៀតថា ការចំណាយជាមធ្យមរបស់ពលរដ្ឋចិន គឺស្ថិតក្នុងរង្វង់៧២៣.២០០ដុល្លារ ដែលស្ទើរតែស្មើទ្វេរដងនៃតម្លៃផ្ទះជាមធ្យម នៅសហរដ្ឋអាមេរិក ក្នុងរង្វង់់៣៨៤.២០០ដុល្លារ ហើយពួកគេភាគច្រើន បានទិញផ្ទះលម្ហែកាយ ឬ ផ្ទះសម្រាប់រស់នៅ។

ស្ថានការណ៍នេះ បានបង្ហាញពីការប្រែប្រួលយ៉ាងខ្លាំង ពីមួយទសវត្សរ៍មុន ដែលកាលនោះពលរដ្ឋចិន ទិញអចលនទ្រព្យភាគច្រើនគឺសម្រាប់ការវិនិយោគ ពោលគឺទិញទុកជួល ឬ លក់យកចំណេញ។

ទិន្នន័យដដែលបង្ហាញថា រដ្ឋកាលីហ្វ័រញ៉ា ជាប់ចំណាត់ថ្នាក់ជាគោលដៅកំពូល សម្រាប់អ្នកទិញជាជនជាតិចិន ដែលគ្របដណ្ដប់៣៣% បន្ទាប់មកគឺរដ្ឋហ្វ្លរីដា១៦% រដ្ឋតិចសាស ៨% ហើយញូវយ៉ក ៦%។

បណ្ដាភ្នាក់ងារអចលនទ្រព្យបានព្យាករថា និន្នាការនេះនឹងបន្តកើនឡើង ដោយមូលធនចិន យ៉ាងច្រើនបន្ថែមទៀត នឹងហូរចូលក្នុងទីផ្សារអចលនទ្រព្យអាមេរិក៕ South China Morning Post៕

អគារកប់ពពកតម្លៃរាប់ពាន់លានដុល្លារនៅទីក្រុងឌូបៃ កំពុងទាក់ទាញចំណាប់អារម្មណ៍ដេញថ្លៃពីក្រុមហ៊ុនចិន និងម៉ាឡេស៊ី

ដោយៈ តែម សុខុម

គូឡាឡាំពួ: ក្រុមហ៊ុនចិន China Investment Corp (CIC) និងក្រុមហ៊ុនម៉ាឡេស៊ី KLCC Property Holdings Bhd ស្ថិតក្នុងចំណោមក្រុមហ៊ុនជាច្រើន ដែលស្វះស្វែងដេញថ្លៃទិញយកភាគហ៊ុននៅក្នុងអគារកប់ពពកមួយ មានតម្លៃរាប់ពាន់លានដុល្លារ នៅចំកណ្តាលសង្កាត់ហិរញ្ញវត្ថុនៃក្រុងឌូបៃ។

ប្រភពច្បាស់ការបានទម្លាយឱ្យដឹង ក្នុងលក្ខខណ្ឌអនាមិកថា ក្រុមហ៊ុនBrookfield Asset Management និងក្រុមហ៊ុន Investment Corp of Dubai ដែលជាម្ចាស់អគារ អាចនឹងលក់ភាគហ៊ុនរហូតដល់ទៅ៤៩%នៅក្នុងអគារការិយាល័យ ICD Brookfield Place ដែលមានក្រុមហ៊ុនល្បីៗជួលនៅទីនោះ រួមមាន ក្រុមហ៊ុនសេវាកម្មហិរញ្ញវត្ថុអាមេរិកJPMorgan Chase & Co និងធនាគារវិនិយោគអាមេរិក Bank of America Corp ផងដែរ។
អគារការិយាល័យ ដែលជាការបណ្តាក់ទុនរួមគ្នានេះ ទទួលបានការចាប់អារម្មណ៍ ពីក្រុមហ៊ុនធំៗជាង១០ នៅទូទាំងពិភពលោក ដោយក្នុងនោះ រួមមាន ទាំងមូលនិធិ SWF និងមូលនិធិសោធន៍និវត្តន៍ផងដែរ។យ៉ាងហោចណាស់ មានអ្នកដេញថ្លៃម្នាក់ បានបង្ហាញចំណាប់អារម្មណ៍ ចង់ទិញយកអគារនេះទាំងមូល។

ប្រភពដដែលបានបញ្ជាក់ថា ក្រុមហ៊ុនអារ៉ាប៊ីសាអូឌីត ឈ្មោះ Hassana Investment Co ក៏ស្ថិតក្នុងចំណោមអ្នក ដែលចូលរួមក្នុងកិច្ចចរចាទិញនេះដែរ។

សារព័ត៌មានដ៏ល្បីល្បាញ Bloomberg ធ្លាប់បានរាយការណ៍មុននេះថា ក្រុមហ៊ុនទាំងនេះកំពុងធ្វើការជាមួយ Emirates NBD Capital ដែលជាធនាគាររដ្ឋក្នុងក្រុងឌូបៃ និងក្រុមហ៊ុនសេវាកម្មហិរញ្ញវត្ថុអាមេរិក JPMorgan Chase & Co ជុំវិញការលក់នេះ។

ប្រភពដដែលឱ្យដឹងថា ការលក់នេះមិនទាន់ឈានដល់ការសម្រេចចុងក្រោយនៅឡើយទេ។ តំណាងក្រុមហ៊ុនម្ចាស់អគារបានបដិសេធ មិនធ្វើអត្ថាធិប្បាយទេជុំវិញរឿងនេះ។ ចំណែកឯតំណាងក្រុមហ៊ុនចិន និងក្រុមហ៊ុនម៉ាឡេស៊ី ក៏មិនបានឆ្លើយតបសំណើសុំធ្វើអត្ថាធិប្បាយនោះដែរ។

អគារ ICD Brookfield Place មាន៥៤ជាន់ជាមួយនឹងកម្ពស់២៨២ម៉ែត្រ។ អគារដែលមានតម្លៃ១ពាន់លានដុល្លារនេះ ត្រូវបានចាប់ផ្ដើមសាងសង់ក្នុងឆ្នាំ២០១៥ និងបញ្ចប់ជាស្ថាពរនៅខែកញ្ញា ឆ្នាំ២០២០៕ The Edge Markets៕

ការសិក្សាថ្មីៈ ទីផ្សារលក់រាយនៅតែសកម្មខណៈទំហំផ្គត់ផ្គង់កើនឡើងជិត១លានម៉ែត្រការ៉េ

ដោយៈ គង់ លាងហួរ

ភ្នំពេញៈ ការលក់រាយគឺជាវិស័យសកម្មបំផុត នៅក្នុងឧស្សាហកម្មអចលនទ្រព្យនៅទីក្រុងភ្នំពេញ។ នេះបើយោងតាមរបាយការសិក្សាថ្មី ដែលបានចេញផ្សាយដោយក្រុមហ៊ុនPropNex Cambodia។

របាយការណ៍ប្រចាំឆមាសរបស់ក្រុមហ៊ុនPropNex Cambodiaបានបង្ហាញថា ការផ្គត់ផ្គង់ផ្ទៃក្រឡា ទីតាំងលក់ទំនិញរាយ (Net Lettable Area) ក្នុងវិស័យនេះ បានហក់ឡើងរហូតដល់ជាង៨៥ម៉ឺនម៉ែត្រការ៉េ ដោយធ្វើឱ្យឧស្សាហកម្មនេះ មានការប្រកួតប្រជែងយ៉ាងធំសម្បើម។របាយការណ៍ដដែលបានបញ្ជាក់ថា “ការផ្គត់ផ្គង់ខ្ពស់ និងលំហូរចូលនៃក្រុមហ៊ុនអន្តរជាតិថ្មី នៅមានកម្រិត បានជំរុញឱ្យឧស្សាហកម្មនេះ ជួបប្រទះនឹងការធ្លាក់ចុះ១០% នៃអត្រាកាន់កាប់ជាមធ្យម”។

របាយការណ៍ដដែលបានឲ្យដឹងទៀតថា លើសពីនេះ ការកើនឡើងនៃចំនួនផ្សារទំនើប(flagship malls)បានបណ្តាលឱ្យវិស័យលក់រាយ ថ្នាក់ទាប(low-grade retail) មានអត្រាទំនេរខ្ពស់ជាងមុន៕

ក្រុមអ្នកជំនាញទទូចឲ្យរដ្ឋាភិបាលថ្មីបញ្ចេញកញ្ចប់ឥណទានពិសសដល់អ្នកអភិវឌ្ឍន៍វិស័យអចលនទ្រព្យ

ដោយៈ ជេស៊ីកា

ភ្នំពេញៈ ក្រុមអ្នកជំនាញបានទទូចឲ្យរដ្ឋាភិបាលថ្មី បញ្ចេញកគ្ចប់ឥណទានពិសេស ដើម្បីជួយស្រោចស្រង់វិស័យអចលនទ្រព្យ ដែលកំពុងមានវិបត្តិ។

ប្រធានក្រុមប្រឹក្សាអភិបាល នៃក្រុមហ៊ុនអចលនទ្រព្យKFA លោកឧកញ៉ានួន រិទ្ឋី បានមានប្រសាសន៍ឲ្យដឹងកាលពីថ្ងៃទី៣ សីហាថា វិស័យអចលនទ្រព្យ ពឹងផ្អែកយ៉ាងខ្លាំងទៅលើលំហូរសាច់ប្រាក់ និងចំណូលរបស់ប្រជាពលរដ្ឋ។ ដូច្នេះ ធនាគារជាតិនៃកម្ពុជា គួរទម្លាក់កញ្ចប់ថវិកា ឬកញ្ចប់ឥណទានពិសេស ដើម្បីជួយដល់វិស័យនេះ។
លោកបន្តថា “យ៉ាងណារដ្ឋាភិបាល ក៏គួរជួយដល់អ្នកអភិវឌ្ឍន៍ ដែលមានគុណវុឌ្ឍិគ្រប់គ្រាន់ មានគម្រោងច្បាស់លាស់ និងគោលដៅត្រឹមត្រូវ”។លោកបន្តថា “ជាមួយគ្នានេះ ក្រសួងដែនដី នគរូបនីយកម្ម និងសំណង់ ក៏គួរតែជំរុញឱ្យដំណើរការនៃការកាត់ប្លង់ ឱ្យបានលឿនជាងមុនផងដែរ”។

ចំណែកលោកច្រឹក សុខនីម អគ្គនាយកក្រុមហ៊ុនCentury21 Mekongបានថ្លែងថា ស្ថានភាពបច្ចុប្បន្ន ពិតជាមានការលំបាកខ្លាំងណាស់ ហេតុនេះរដ្ឋាភិបាលគួរបង្កើតគោលនយោបាយ និងបញ្ចេញកញ្ចប់ឥណទានពិសេស ដើម្បីជួយដល់អ្នកអភិវឌ្ឍន៍ក្នុងវិស័យនេះ។ លោកបន្តថា “ក្នុងស្ថានភាពនេះ ខ្ញុំគិតថារដ្ឋាភិបាលគួរបញ្ចេញឥណទានកាន់តែលឿន កាន់តែល្អ”។ជាមួយគ្នានេះ សេដ្ឋវិទូបានលើកឡើងផ្ទុយពីនេះ ដោយហៅស្ថានភាពនេះជាជាវិបត្តិ។លោកបណ្ឌិតគី សេរីវឌ្ឍន៍ ប្រធានវិទ្យាស្ថានសិក្សាភាសាចិន និងជាអ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជា បានមានប្រសាសន៍ឲ្យដឹងនៅថ្ងៃតែមួយថា ក្នុងរយៈពេលដ៏ខ្លី រដ្ឋាភិបាលមិនអាចធ្វើអីបាននោះទេ គឺមានតែបណ្តោយឱ្យវិស័យអចលនទ្រព្យ បន្តស្ថិតនៅទ្រឹង ជាមួយនឹងការជួយគាំទ្របន្ថែម ជាពិសេសតាមរយៈការចូលរួមចំណែកក្នុងការពន្យា ររយៈពេលនៃការបង់ការប្រាក់ ឬការសងបំណុល ដើម្បីអនុញ្ញាតឱ្យគ្រួសារ អាចចាយវាយបានច្រើនជាងមុនដើម្បីជំរុញកំណើនសេដ្ឋកិច្ចក្នុងស្រុកជាមុនសិន។លោកអះអាងថា ចំណែកឯកញ្ចប់ថវិកាវិញ គឺពាក់ព័ន្ធជាមួយនឹងវិស័យសំណង់ មានផ្ទះល្វែងហើយ ទើបរដ្ឋាភិបាលអាចជួយកើត។ ប្រសិនបើវិស័យដីឡូតិ៍វិញ គឺរដ្ឋាភិបាលមិនអាចទៅជួយអ្វីកើតនោះទេ ព្រោះមិនដឹងថា គេយកដីឡូតិ៍នោះទៅធ្វើជាអ្វីកើតនោះទេ ហើយដីនោះមិនមែនជាដីរបស់ខ្លួនឯងទៀត គឺយកដីរបស់គេមកពុះលក់ រួចទើបយកលុយទៅសងម្ចាស់គេ៕

រដ្ឋបាលរាជធានីភ្នំពេញ គ្រោងសាងសង់ស្ពានបេឡេឆ្លងកាត់ទន្លេរបាសាក់

ដោយៈ ច្រាយ ចំណាន

ភ្នំពេញៈ រដ្ឋបាលរាជធានីភ្នំពេញ កាលពីថ្ងៃទី៣ ខែសីហា ឆ្នាំ២០២៣ បានរៀបចំកិច្ចប្រជុំក្រុមការងារបច្ចេកទេស លើគម្រោងសាងសង់ស្ពានបេឡេ ឆ្លងកាត់ទន្លេបាសាក់ តភ្ជាប់ពីផ្លូវជាតិលេខ២ ទៅផ្លូវលេខ៣៦៩ នៃតំបន់ព្រែកប្រា។

គម្រោងសាងសង់ស្ពានដែកថ្មី នៅដងទន្លេបាសាក់នេះ នឹងត្រូវរុះរើពីស្ពានដែកឬស្សីកែវ ឆ្លងកាត់ដងទន្លេសាប ទៅសង់នៅទីតាំងថ្មីតាមដងទន្លេបាសាក់ ក្នុងសង្កាត់ព្រែកប្រា ដើម្បីជួយដោះស្រាយចរាចរណ៍នៅតំបន់ច្បារអំពៅ បន្ទាប់ពីស្ពានបេតុងឬស្សីកែវ បានសាងសង់រួច និងបានដាក់ឱ្យប្រើប្រាស់រួចមក។ទោះជាយ៉ាណា មិនទាន់មានការសម្រេចថា ការសាងសង់ស្ពាននេះ នឹងចាប់ផ្តើម និងបញ្ចប់នៅពេលណានៅឡើយទេ៕

Major global firms warn of slow China sales as post-pandemic surge fades

From consumer goods giant Unilever to automaker Nissan and machinery maker Caterpillar, global firms have warned of slowing earnings in China as the world’s second-largest economy loses its post-pandemic bounce.

A continued rebound has been limited to a handful of sectors such as dining and luxury goods, driving double-digit China sales growth for the likes of Starbucks and LVMH.

But even those bellwethers have stopped short of raising their China outlook, wary of lacklustre economic data, while consumer goods firms such as Procter & Gamble, L’Oreal and Coca-Cola have taken a cautious stance.

“What we’re seeing is a very cautious consumer in China, a declining property market and reduced export demand,” Unilever finance chief Graeme Pitkethly told an April-June earnings call last week

“And there is high unemployment in China, particularly youth unemployment… As much as we can tell we’re at the historical low point in terms of Chinese consumer confidence.”

Global automakers are also having to contend with increased competition from domestic rivals, which for the first time took a more than 50 per cent share of the market in the first half of 2023. Volkswagen cut its full-year sales target last week due to a sales dip in China, its top market.

“Unfortunately, our (China) sales outlook is now falling far below our production capacity,” Nissan CEO Makoto Uchida said last week. Earnings recovery in the world’s biggest auto market will likely take time, he said.Source: Reuter

ទំនុកចិត្តរបស់ក្រុមហ៊ុនបរទេសខ្នាតយក្សជាច្រើនកំពុងស្រុតចុះខ្លាំង ខណៈសេដ្ឋកិច្ចចិនបាត់បង់សន្ទុះ

ដោយ: គង់ លាងហួរ

អន្តរជាតិ: ក្រុមហ៊ុនសកលនានា រាប់ចាប់ពីក្រុមហ៊ុនទំនិញប្រើប្រាស់ខ្នាតយក្សUnilever រហូតដល់ក្រុមហ៊ុនផលិតរថយន្តជប៉ុនNissan និងក្រុមហ៊ុនផលិតគ្រឿងម៉ាស៊ីនអាមេរិក Caterpillar សុទ្ធ តែបានព្រមានពីការធ្លាក់ចុះ នៃប្រាក់ចំណូលនៅក្នុងប្រទេសចិន ខណៈសេដ្ឋកិច្ចរបស់ប្រទេសនេះកំពុងបាត់បង់សន្ទុះ។

ការស្ទុះងើបឡើងវិញជាបន្តនៃសេដ្ឋកិច្ចចិន ហាក់នៅមានកម្រិតនៅឡើយ ចំពោះវិស័យមួយចំនួនតូច ដូចជា ការបរិភោគអាហារ និងទំនិញប្រណីត ដែលបានជួយជំរុញដល់កំណើន នៃការលក់របស់ក្រុមហ៊ុន Starbucks និងក្រុមហ៊ុន LVMH នៅក្នុងប្រទេសចិន។

ក្រុមហ៊ុនទាំងនោះបានសម្រេចចិត្ត មិនបង្កើនទស្សនវិស័យរបស់ពួកគេទៅលើប្រទេសចិននោះទេ ដោយពួកគេកំពុងប្រុងប្រយ័ត្នចំពោះទិន្នន័យសេដ្ឋកិច្ច ខណៈដែលក្រុមហ៊ុនលក់ទំនិញប្រើប្រាស់ធំៗដូចជា ក្រុមហ៊ុន Procter & Gamble ក្រុមហ៊ុន L’Oreal និងក្រុមហ៊ុន Coca-Cola បានប្រកាន់ជំហរប្រុងប្រយ័ត្ន។

លោក Graeme Pitkethly ប្រធានផ្នែកហិរញ្ញវត្ថុប្រចាំក្រុមហ៊ុន Unilever បានមានប្រសាសន៍ថា “អ្វីដែលយើងកំពុងមើលឃើញនោះគឺថា អ្នកប្រើប្រាស់នៅក្នុងប្រទេសចិន មានការប្រុងប្រយ័ត្នខ្លាំងណាស់ ហើយទីផ្សារអចលនទ្រព្យដាំក្បាលចុះ និងការកាត់បន្ថយតម្រូវការនាំចេញ”។

លោកបានបន្តថា “នៅក្នុងប្រទេសចិន មានអត្រាភាពអត់ការងារធ្វើខ្ពស់ណាស់ ជាពិសេសភាពអត់ការងារធ្វើ របស់យុវជនចិនតែម្តងហើយយើងកំពុងស្ថិតនៅចំណុចទាបបំផុត ជាប្រវត្តិសាស្ត្រទាក់ទងនឹងទំនុកចិត្ត របស់អ្នកប្រើប្រាស់នៅប្រទេសចិន”។

លើសពីនេះ ក្រុមហ៊ុនផលិតរថយន្តសកលនានា ក៏ត្រូវប្រឈមមុខនឹងការកើនឡើង នៃការប្រកួតប្រជែងក្នុងស្រុកផងដែរ។ជាក់ស្តែង កាលពីសប្តាហ៍មុន ក្រុមហ៊ុនផលិតរថយន្តអាល្លឺម៉ង់ Volkswagen បានកាត់បន្ថយគោលដៅលក់រថយន្ត ពេញមួយឆ្នាំរបស់ខ្លួន ដោយសារការលក់រថយន្តនៅក្នុងប្រទេសចិន ដែលជាទីផ្សារកំពូលរបស់ខ្លួនបានធ្លាក់ចុះខ្លាំង ។លោក Makoto Uchida នាយកប្រតិបត្តិក្រុមហ៊ុនផលិតរថយន្តជប៉ុនNissan បានអះអាងកាលពីសប្តាហ៍មុនថា “ជាអកុសលទស្សនវិស័យ នៃការលក់រថយន្តរបស់យើង នៅក្នុងប្រទេសចិន កំពុងធ្លាក់ចុះទាបជាងសមត្ថភាពផលិតរបស់យើង”។

លោកបានបញ្ជាក់ទៀតថា ការងើបឡើងវិញនៃប្រាក់ចំណូលនៅក្នុងទីផ្សារ រថយន្តដ៏ធំបំផុតរបស់ពិភពលោកមួយនេះ ក៏ទំនងជាត្រូវការពេលវេលាតទៅមុខបន្ថែមទៀតផងដែរ។បើគិតទៅលើវិស័យបច្ចេកវិទ្យាវិញ ក្រុមហ៊ុនផលិតបន្ទះឈីបធំៗដូចជា Samsung និង SK Hynix បានអះអាងថា ការបើកដំណើរការឡើងវិញរបស់ប្រទេសចិន បានបរាជ័យ ក្នុងការជំរុញឱ្យមានការងើបឡើងវិញ នៅក្នុងទីផ្សារស្មាតហ្វូន ហើយក្រុមហ៊ុនទាំង២កំពុងបន្តកាត់បន្ថយការផលិតបន្ទះឈីបអង្គចងចាំ (NAND) ដែលប្រើប្រាស់ក្នុងទូរស័ព្ទដើម្បីរក្សាទុកទិន្នន័យ។

ទន្ទឹមគ្នានេះដែរ សូម្បីតែក្រុមហ៊ុនបច្ចេកវិទ្យាខ្នាតយក្សអាមេរិក Apple ដែលគ្រោងនឹងរាយការណ៍ អំពីទំហំប្រាក់ចំណូល នៅថ្ងៃព្រហស្បតិ៍នេះ ក៏ទំនងជានឹងប្រកាសថា ការលក់ទូរស័ព្ទដៃ iPhone របស់ខ្លួន នៅក្នុងប្រទេសចិនបានស្ថិតនៅទ្រឹងផងដែរ៕

ប្រទេសចិន បញ្ចេញកញ្ចប់វិធានការអនុគ្រោះពន្ធពី៣%មកនៅត្រឹម១% ដើម្បីជួយសម្រួលការលំបាករបស់អាជីវកម្មខ្នាតតូច

ដោយៈ តែម សុខុម

ប៉េកាំងៈ ក្រសួងហិរញ្ញវត្ថុចិន កាលពីថ្ងៃពុធ ទី២ សីហា នេះបានបញ្ចេញកញ្ចប់វិធានការបន្ធូរបន្ថយពន្ធ ដើម្បីជួយសម្រួលការលំបាករបស់អាជីវកម្មខ្នាតតូច និងគ្រួសារពលរដ្ឋនៅតាមជនបទ ខណៈសេដ្ឋកិច្ចធំបំផុតទី២ របស់ពិភពលោកមួយនេះ កំពុងស្ទុះងើបឡើងវិញយ៉ាងលំបាកក្រោយវិបត្តិកូវីដ-១៩។

ស្របពេលតម្រូវការធ្លាក់ចុះទាំងនៅក្នុងស្រុក និងនៅបរទេស ការស្ទុះងើបឡើង នៃសេដ្ឋកិច្ចរបស់ប្រទេសចិន បានបាត់បង់សន្ទុះចាប់តាំងពីខែមេសា ដោយបន្ថែមសម្ពាធ លើក្រុមអ្នកបង្កើតគោលនយោបាយ នៅក្នុងការស្តារសេដ្ឋកិច្ចឡើងវិញ ខណៈក្រុមហ៊ុនតូចៗកំពុងជួបការលំបាក ដោយសារការបញ្ជាទិញដាំក្បាលចុះ ជួបការលំបាកផ្នែកហិរញ្ញវត្ថុ និងការធ្លាក់ចុះប្រាក់ចំណេញ។ក្រសួងហិរញ្ញវត្ថុចិន និយាយថា ខ្លួននឹងបន្តកាត់បន្ថយអាករលើតម្លៃបន្ថែម (VAT) សម្រាប់អ្នកជាប់ពន្ធតូច សម្រាប់រយៈពេល៤ឆ្នាំបន្ថែមទៀតរហូតដល់ដំណាច់ឆ្នាំ២០២៧។ នេះបើយោងតាមសេចក្តីថ្លែងការណ៍មួយ។

សេចក្តីថ្លែងការណ៍ដដែលបញ្ជាក់ថា ក្រសួងនឹងលើកលែងអាករលើតម្លៃបន្ថែម (VAT) សម្រាប់អ្នកជាប់ពន្ធតូច ដែលទទួលបានចំណូលពីការលក់ប្រចាំខែ តិចជាង១៤.០០០ដុល្លារ និងកាត់បន្ថយអត្រាលើប្រាក់ចំណូល ពីការលក់ជាប់ពន្ធពី៣%មកនៅត្រឹម១%។ក្រសួងបានចេញសេចក្តីថ្លែងការណ៍ ដាច់ដោយឡែកមួយថា ចំណូលការប្រាក់ ដែលបានមកពីការផ្តល់ប្រាក់កម្ចីខ្នាតតូច របស់ស្ថាប័នហិរញ្ញវត្ថុ ដល់ក្រុមហ៊ុនខ្នាតតូច និងនិងអាជីវកម្មបុគ្គលក៏នឹងត្រូវបានលើកលែងអាករលើតម្លៃបន្ថែម (VAT) រហូតដល់ដំណាច់ឆ្នាំ២០២៧ផងដែរ។

ក្រសួងក៏បានប្រកាសពន្យារពេលរហូត ដល់ដំណាច់ឆ្នាំ២០២៧ ផងដែរនូវលក្ខខណ្ឌអនុគ្រោះពន្ធ ដែលអនុវត្តន៍ចំពោះអាជីវកម្មបច្ចេកវិទ្យាទើបបង្កើតថ្មី (Start-up) ដែលមានបុគ្គលិកមិនលើសពី៣០០នាក់ ជាមួយនឹងទ្រព្យសកម្មសរុប និងចំណូលពីការលក់ប្រចាំឆ្នាំដែលមិនលើសពី៧.០០០ដុល្លារអាមេរិក៕ Reuters៕

Hongkongers flock to Thailand to snap up cheap flats, as Southeast Asia’s second-largest economy courts foreign workers

Thailand’s cheaper cost of living and more relaxed lifestyle are attracting more Hongkongers to make the move to the so-called land of smiles, boosting its property market as foreigners snap up flats.

David Chan, 31, relocated to Thailand in 2019 and is now making a living as a real estate agent, helping other Hong Kong residents find property and settle into Southeast Asia’s second-largest economy.

“My wife, a Thai, was not too happy with Hong Kong, so back in 2019, when the political unrest broke out, we decided to move to Bangkok,” he said. “Since then, I have observed a 30 per cent increase in demand and enquiries from Hongkongers looking to move to Thailand.”

The trend is good news for many developers, especially after the difficult years of the coronavirus pandemic when sales slumped and inventories swelled. Insiders believe the worst may now be over for the sector, with sales picking up and one developer expecting a 50 per cent increase in demand from foreign investors.

Home prices in Thailand are around a quarter of what they are in Hong Kong, and families with children can easily find spots in international schools, Chan said.

In addition, many Hongkongers have been availing themselves of Thailand’s various residency programmes that allow them to stay long-term in the country, along with their family members.

These include a long-term resident visa scheme, launched last year, which sought to attract 1 million wealthy investors or talented foreign residents into the country over five years.

Successful applicants have the right to work in the country with a 10-year, renewable multiple-entry visa.Source: SCMP

តម្លៃដីធ្លីនៅក្រុងបាងកក និងជាយក្រុងបាងកកនៅតែបន្តហក់ឡើង

ដោយៈ តែម សុខុម

បាងកក: ធនាគារលំនៅឋានរដ្ឋ (GHB) នៃប្រទេសថៃ និយាយថា តម្លៃដីធ្លីនៅទីក្រុងបាងកក និងជាយក្រុងបាងកក បានបន្តហក់ឡើងក្នុងត្រីមាសទី២ ដើមឆ្នាំនេះ ប៉ុន្តែហក់ឡើងក្នុងល្បឿនយឺតជាងក្នុងត្រីមាសទី១ និងឆ្នាំមុន។

លោក វិឆៃ វីរ៉ាត់កាប៉ាន (Vichai Viratkapan) នាយកស្តីទីនៃមជ្ឈមណ្ឌលព័ត៌មានអចលនទ្រព្យ នៃធនាគារលំនៅឋានរដ្ឋ (GHB) លើកឡើងថា សន្ទស្សន៍តម្លៃដីធ្លី ដែលគ្មានអគារនៅទីក្រុងបាងកក និងជាយក្រុងបាងកក ក្នុងត្រីមាសទី២ គឺ១៧៦,៥ពិន្ទុ ដោយកើនឡើង៦,២%ធៀបនឹងឆ្នាំ ប៉ុន្តែធ្លាក់ចុះ២,៤%ធៀបនឹងត្រីមាស។ នេះបើយោងតាមកាសែត The Nation ចុះផ្សាយកាលពីថ្ងៃពុធ ទី២ ខែសីហា។

លោកបានបន្ថែមទៀតថា អត្រានៃការហក់ឡើងតម្លៃដីធ្លី នៅទីក្រុងបាងកក និងជាយក្រុងបាងកក មានសន្ទុះយឺតជាង បើធៀបនឹងតម្លៃជាមធ្យមរយៈពេលប្រាំឆ្នាំ មុនពេលផ្ទុះវិបត្តិកូវីដ-១៩ និងត្រីមាសមុន”។

តម្លៃដីធ្លីបានហក់ឡើង១៤,៨% បើធៀបនឹងតម្លៃជាមធ្យមពីឆ្នាំ២០១៥-២០១៩ ប៉ុន្តែកើនឡើងត្រឹមតែ៤,១%ប៉ុណ្ណោះ បើធៀបនឹងត្រីមាសទី១។លោក វិឆៃ លើកឡើងថា ការបង្អង់ល្បឿន នៃការហក់ឡើងថ្លៃនេះ គឺបណ្ដាលមកពីការធ្លាក់ចុះសេដ្ឋកិច្ចថៃ ក្នុងឆមាសទី១ ដើមឆ្នាំនេះ និងការសម្រេចចិត្តរបស់ធនាគារកណ្តាលថៃ ក្នុងការលើកលែងអនុបាតទំហំកម្ចីធៀបជាមួយទ្រព្យបញ្ចាំ (LTV) និងការហក់ឡើងនូវអត្រាការប្រាក់។

អនុបាត LTV គឺជាការវាយតម្លៃលើហានិភ័យ នៃការផ្តល់ប្រាក់កម្ចីដែលស្ថាប័នហិរញ្ញវត្ថុ និងស្ថាប័នផ្តល់ប្រាក់កម្ចីផ្សេងៗទៀតត្រូវពិនិត្យមើល មុននឹងអនុម័តកម្ចីទិញផ្ទះ។

លោក វិឆៃ លើកឡើងថា បំណុលគ្រួសារនៅតែមានកម្រិតខ្ពស់រហូតដល់ទៅ៩០% នៃផលទុនជាតិសរុប (GDP) ខណៈអត្រាការប្រាក់កើនឡើង បានធ្វើឱ្យពលរដ្ឋស្ទាក់ស្ទើរក្នុងការទិញផ្ទះ។

លោកបន្តថា ជាងនេះទៅទៀត ក្រុមហ៊ុនអភិវឌ្ឍន៍អចលនទ្រព្យនានា ក៏បានផ្អាកគម្រោងលំនៅឋានថ្មីៗផងដែរ ចាប់ពីពេលនេះរហូតដល់ដំណាច់ឆ្នាំ២០២៣។លោកបានគូសបញ្ជាក់ថា ការប្រកាសរបស់រដ្ឋាភិបាលថៃ ក្នុងការចាប់ផ្តើមប្រមូលពន្ធដីធ្លី ក្នុងអត្រាពេញចាប់ពីឆ្នាំនេះ ក៏បានធ្វើឱ្យក្រុមហ៊ុនអភិវឌ្ឍន៍នានា មានការស្ទាក់ស្ទើរ ក្នុងការទិញដីទុកអភិវឌ្ឍផងដែរ៕ The Nation៕

1...965966967...3,380 Page 966 of 3,380