អ្នកជំនាញ: ទីផ្សារអចលនទ្រព្យវៀតណាម កំពុងជួបវិបត្តិឥណទានដែលត្រូវដោះស្រាយបន្ទាន់

សុខុម

ហាណូយ: អ្នកជំនាញបានលើកឡើងថា ដើម្បីដោះស្រាយបញ្ហាប្រឈមជាច្រើនដែលទីផ្សារអចលនទ្រព្យវៀតណាម កំពុងបន្តជួបប្រទះ ចាំបាច់ត្រូវមានដំណោះស្រាយសមស្របផ្នែកច្បាប់ រដ្ឋបាល និងដំណោះស្រាយហិរញ្ញវត្ថុជាបន្ទាន់ ជាពិសេសផ្នែកឥណទាន។

ការព្រួយបារម្ភនេះត្រូវបានលើកឡើងដោយសាស្រ្តាចារ្យ Ngo Tri Long ប្រធានវិទ្យាស្ថានស្រាវជ្រាវតម្លៃ (Price Research Institute) នៃក្រសួងហិរញ្ញវត្ថុវៀតណាម ក្នុងសិក្ខាសាលាស្តីពីការពង្រឹង និងការអភិវឌ្ឍន៍មូលធនសម្រាប់វិស័យអចលនទ្រព្យក្នុងស្រុកដែលត្រូវបានរៀបចំឡើងកាលពីថ្ងៃទី១៩ ខែមេសា ដោយសមាគមប្រឹក្សាហិរញ្ញវត្ថុវៀតណាម (VFCA)។

បណ្ឌិត Le Minh Nghia អនុប្រធានសមាគមប្រឹក្សាហិរញ្ញវត្ថុវៀតណាម (VFCA) បានលើកឡើងអំឡុងកិច្ចពិភាក្សាថា មូលធនភាគច្រើនដែលតម្រង់ទិសទៅរកទីផ្សារអចលនទ្រព្យគឺច្រើនខ្លាំងណាស់ ហើយជាធម្មតាវាជាទម្រង់នៃការវិនិយោគរយៈពេលមធ្យមទៅរយៈពេលវែង។

ទោះជាយ៉ាងណា សម្រាប់រយៈពេលជាច្រើនឆ្នាំមកនេះ ទីផ្សារអចលនទ្រព្យវៀតណាម បានពឹងផ្អែកយ៉ាងខ្លាំងទៅលើឥណទានធនាគារដែលស្មើជិត២០%នៃមូលធនសរុបរបស់ប្រទេសនេះ។

ដោយសារតែមើលឃើញបែបនេះ រដ្ឋាភិបាលវៀតណាម កាលពីពេលថ្មីៗនេះបានខិតខំស្វះស្វែងធ្វើពិពិធកម្មប្រភពមូលធនតាមរយ:ការបោះផ្សាយមូលបត្របំណុល ការលក់ភាគហ៊ុន និងការពឹងផ្អែកលើការវិនិយោគបរទេសជាដើម ដើម្បីជំរុញការងើបឡើងវិញ និងកំណើននៅក្នុងទីផ្សារអចលនទ្រព្យ។

ទោះជាយ៉ាងណា យោងតាមបណ្ឌិត Le Minh Nghia ឱ្យដឹងថា ចាប់ពីរយ:ពេល៦ខែចុងក្រោយនៃឆ្នាំ២០២២ ទីផ្សារអចលនទ្រព្យ និងអាជីវកម្មនានាបានប្រឈមនឹងការលំបាកជាច្រើន ជាពិសេសជួបការលំបាកផ្នែកសាច់ប្រាក់ មូលធន និងនីតិវិធីច្បាប់។

ក្រៅពីនេះ កត្តាអត្រាការប្រាក់កម្ចីឥណទានហក់ឡើង ប្រេងឥន្ធន:ឡើងថ្លៃ សម្ភារៈសំណង់ឡើងថ្លៃ ថ្លៃឈ្នួលកម្លាំងពលកម្មកើនឡើង បានធ្វើឱ្យថ្លៃផលិតកម្មហក់ឡើងកាន់តែខ្ពស់សម្រាប់អាជីវកម្មអចលនទ្រព្យ។ កត្តាទាំងអស់នោះបានបណ្តាលឱ្យគម្រោងអភិវឌ្ឍន៍ជាច្រើនត្រូវជាប់គាំង។

លោក Nghia បានបន្ថែមទៀតថា ជាពិសេស ការរឹតបន្តឹងលើឥណទានពីដំណាក់រដ្ឋ បន្ទាប់ពីបណ្ដាអាជីវកម្មអចលនទ្រព្យបានសាងកំហុសនៅក្នុងការបោះផ្សាយមូលបត្របំណុលជាលក្ខណៈបុគ្គល និងក្រឡុកតម្លៃភាគហ៊ុន បានធ្វើឱ្យអាជីវកម្មអចលនទ្រព្យកាន់តែលំបាកទទួលបានឥណទាន។

ហើយដើម្បីដោះស្រាយបញ្ហាលំបាកទាំងនោះនៅក្នុងការផ្តល់ឥណទានសម្រាប់ទីផ្សារអចលនទ្រព្យ សាស្រ្តាចារ្យ Ngo Tri Long លើកឡើងថា វាជាការចាំបាច់ណាស់ដែលរដ្ឋត្រូវផ្តោតលើឥណទានសម្រាប់គម្រោងអចលនទ្រព្យស្របច្បាប់ និងដែលអាចអនុវត្តបាន និងផ្នែកលំនៅដ្ឋានដែលទីផ្សារនេះមានតម្រូវការពិតប្រាកដ៕ Vietnam News៕

វិនិយោគិនជាច្រើនសម្រុកលក់មូលបត្របំណុលថៃចេញ ដោយក្តីបារម្ភនយោបាយមុនការបោះឆ្នោត

ដោយ: គង់ លាងហួរ
បាងកក: មូលនិធិសកលកំពុងលក់ចេញមូលបត្របំណុលរបស់ថៃ ចំពេលមានការយល់ឃើញពីហានិភ័យនយោបាយមុនការបោះឆ្នោតនៅខែក្រោយ ប៉ុន្តែប្រវត្តិសាស្រ្តបានបង្ហាញថា ពួកគេអាចនឹងត្រលប់មកវិញក្នុងពេលឆាប់ៗនេះ។

វិនិយោគិនបរទេសបានដកបំណុលថៃចំនួន៧៥០លានដុល្លារនៅក្នុងខែនេះ ដែលជាការលក់ចេញដ៏ធំបំផុតនៅក្នុងតំបន់អាស៊ីដែលកំពុងរីកចម្រើន។

មូលនិធិបរទេសក៏បានលក់មូលបត្របំណុលរបស់ថៃមុនការបោះឆ្នោតលើកមុនក្នុងឆ្នាំ២០១៤ និង២០១៩ ប៉ុន្តែបន្ទាប់មក លំហូរចូលបានកើនឡើងបន្ទាប់ពីការបោះឆ្នោតបានកើតឡើង។

លោក Kobsidthi Silpachai ប្រធានផ្នែកស្រាវជ្រាវទីផ្សារមូលធននៅធនាគារ Kasikornbank បានអះអាងថា “នាពេលបច្ចុប្បន្ននេះ មុនពេលការបោះឆ្នោត មូលបត្របំណុល និងរូបិយប័ណ្ណប្រឈមនឹងកម្រិតនៃភាពមិនច្បាស់លាស់អំពីរបៀបដែលគណបក្សនយោបាយនានាមានផែនការបំពេញតាមការសន្យារបស់ប្រជាជន”។

យោងតាមការវិភាគរបស់កាសែត Bloomberg បានឱ្យដឹងថា វិនិយោគិនសកលបានកាត់បន្ថយការកាន់កាប់មូលបត្របំណុលរបស់ថៃជាមធ្យម៣០៨លានដុល្លារក្នុងរយៈពេល៣ខែ ដែលនាំទៅដល់ការស្ទង់មតិមុននៅក្នុងឆ្នាំ២០១៤ និង២០១៩។

កាលពីពេលនោះ លំហូរចូលពីបរទេសបានកើនឡើងដល់១,៤ពាន់លានដុល្លារជាមធ្យមក្នុងរយៈពេល៣ខែ បន្ទាប់ពីការបោះឆ្នោតបានបញ្ចប់។

ខណៈពេលដែលវិនិយោគិនអន្តរជាតិកាត់បន្ថយការកាន់កាប់មូលបត្របំណុលរបស់ថៃ ក្នុងដំណើរការមុនបោះឆ្នោតមុនៗ ពួកគេបានបង្កើនការទិញបំណុលឥណ្ឌូនេស៊ី និងម៉ាឡេស៊ីក្នុងរយៈពេលដូចគ្នា ដែលបង្ហាញថា លំហូរចេញពីប្រទេសថៃមិនត្រូវបានជំរុញដោយកាតាលីករពីខាងក្រៅណាមួយឡើយ៕

ខេត្តព្រះសីហនុទទួលបានគម្រោងវិនិយោគថ្មីៗទាំងដែនដីគោក និងតាមបណ្តាកោះ

ដោយៈ វឌ្ឍនៈ

ព្រះសីហនុៈ ចាប់តាំងពីផ្លូវល្បឿនលឿនភ្នំពេញ ក្រុងព្រះសីហនុបានដាក់ដំណើរការជាផ្លូវការមក ខេត្តព្រះសីហនុហាក់មានការចាប់អារម្មណ៍ខ្លាំងពីសំណាក់វិនិយោគិនទាំងក្នុង និងក្រៅប្រទេស និងមានគម្រោងវិនិយោគថ្មីៗ ជាបន្តបន្ទាប់ផ្ដើមលេចរូបរាងឡើងទាំងដែនដីគោកនិងតាមបណ្តាដែនកោះនានា។

ម្រោងអភិវឌ្ឍន៍អចលនទ្រព្យថ្មីៗ បានចាប់ផ្ដើមទោះបីជាស្ថានភាពសេដ្ឋកិច្ចសកល មិនទាន់បានប្រសើរយ៉ាងណាក្ដី។

នៅដើមឆ្នាំ២០២៣នេះ មានក្រុមហ៊ុនអន្តរជាតិ និងក្នុងស្រុកជាច្រើន បានចាប់ផ្ដើមដំណើរការ ក្នុងនោះមានគម្រោងអភិវឌ្ឍន៍អាជីវកម្មសហគមន៍រាម ដែលមានទឹកប្រាក់វិនិយោគរាប់លានដុល្លារអាមេរិក គម្រោងវិនិយោគដែនកោះ ដែលទើបត្រូវបានក្រុមប្រឹក្សាអភិវឌ្ឍន៍កម្ពុជាអនុម័តកាលពីពេលថ្មីៗនេះ មានតម្លៃជិត៨លានដុល្លារអាមេរិក ដោយរំពឹងថាកោះនេះ នឹងចាប់ផ្ដើមដំណើរការអភិវឌ្ឍនាពេលខាងមុខ ។

គម្រោងអភិវឌ្ឍន៍ព្រលានយន្តហោះអន្តរជាតិថ្មី នៅកោះរ៉ុងសន្លឹមរបស់ក្រុមហ៊ុនរ៉ូយ៉ាល់គ្រុប ក៏ត្រូវបានចុះហត្ថលេខាជាមួយរដ្ឋលេខាធិការអាកាសចរស៊ីវិលរួចរាល់ហើយ ដោយនឹងចាប់ផ្ដើមអភិវឌ្ឍន៍ក្នុងពេលឆាប់ៗនេះដែរ ដែលនឹងធ្វើឱ្យខេត្តព្រះសីហនុ កាន់តែមានការអភិវឌ្ឍសំបូរបែប ។

ក្រៅពីគម្រោងទាំងនេះ ក៏មានគម្រោងជាច្រើនទៀត ជាពិសេសគម្រោងរោងចក្រឧស្សាហកម្ម នៅក្នុងតំបន់សេដ្ឋកិច្ចពិសេសនានាក្នុងខេត្តព្រះសីហនុ ។

មន្ត្រីជាន់ខ្ពស់នៃរដ្ឋបាលខេត្តព្រះសីហនុ លោកឯម ភាពបានមានប្រសាសន៍ថា កត្តាអំណោយផលទីតាំងភូមិសាស្ត្រ ជំរុញឱ្យខេត្តព្រះសីហនុ ក្លាយតំបន់ទាក់ទាញ សម្រាប់ការវិនិយោគទាំងក្នុងនិងក្រៅប្រទេស ក្នុងនោះដែរ ខេត្តព្រះសីហនុមានកំពង់ផែទឹកជ្រៅ មានព្រលានយន្តហោះ មានផ្លូវល្បឿនលឿន មានផ្លូវខ្វាត់ខ្វែង និងជាតំបន់គោលដៅអភិវឌ្ឍន៍របស់រាជរដ្ឋាភិបាលផងដែរ ។

លោកបន្តថា នៅដើមឆ្នាំ២០២៣នេះ មានវិនិយោគិនជាច្រើនចូលមកកាន់ខេត្តព្រះសីហនុ ក្នុងការសិក្សាស្វែងយល់ពីសក្ដានុពល និងត្រៀមបណ្ដាក់ទុនវិនិយោគ បន្តបន្ទាប់ ទាំងខ្មែរនិងបរទេស ហើយរំពឹងគម្រោងវិនិយោគថ្មីៗជាច្រើនទៀត នឹងលេចវត្តមាននៅក្នុងខេត្តតំបន់សមុទ្រមួយនេះផងដែរ ។

លោកសន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍លើកឡើងថា ចាប់តាំងពីចិនបានបើកប្រទេសបើក ឱ្យទេសចររបស់ខ្លួនចេញធ្វើដំណើរឃើញថាព្រលានយន្តហោះនានារបស់កម្ពុជា ទទួលបានជើងហោះហើរពីប្រទេសចិនកាន់តែច្រើន ហើយនៅពេលចិនចូលមកកម្ពុជាកាន់តែច្រើនក៏រំពឹងថា វិនិយោគិនចិននឹងចូលមកសិក្សា ស្វែងយល់ពីឱកាសវិនិយោគនៅកម្ពុជាឡើងវិញផងដែរ៕

កម្ពុជាត្រូវការថវិកា៣០ពាន់លានដុល្លារអាមេរិកសម្រាប់អភិវឌ្ឍន៍ហេដ្ឋារចនាសម្ព័ន្ធ១៥០គម្រោង

ដោយៈ វឌ្ឍនៈ

ភ្នំពេញៈ គម្រោងអភិវឌ្ឍន៍ហេដ្ឋារចនាសម្ព័ន្ធទាំងរឹង និងទន់ចំនួន១៥០គម្រោង ត្រូវបានដាក់បញ្ចូលទៅក្នុងផែនការគ្រប់ជ្រុងជ្រោយស្ដីពី ការដឹកជញ្ជូនអន្តរមធ្យោបាយកម្ពុជា ឆ្នាំ២០២២-២០៣០ ត្រូវការទំហំទឹកប្រាក់វិនិយោគ ប្រមាណ៣០ពាន់លានដុល្លារអាមេរិក នឹងត្រូវអនុវត្តន៍ក្នុងរតៈពេល១០ឆ្នាំខាងមុខ ។

នេះបើតាមលោកស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន ថ្លែងក្នុងពិធីបើកវេទិកាវិស័យដឹកជញ្ជូន និងភស្តុភារកម្មឆ្នាំ២០២៣ នៅថ្ងៃទី២០ មេសា ២០២៣។

លោកស៊ុន ចាន់ថុលបានមានប្រសាសន៍ថា ការអភិវឌ្ឍវិស័យហេដ្ឋារចនាសម្ព័ន្ធ នៅតែជាយុទ្ធសាស្ត្រចម្បង របស់រាជរដ្ឋាភិបាលកម្ពុជា ក្នុងការលើកកម្ពស់សេដ្ឋកិច្ចជាតិ ខណៈនេះយើងកំពុងស្ថិតនៅក្នុងដំណើរការនៃការបញ្ចប់ ផែនការមេគ្រប់ជ្រុងជ្រោយស្ដីពីការដឹកជញ្ជូនអន្តរមធ្យោបាយកម្ពុជា ២០២២-២០២៣។

លោកបន្តថា គម្រោងសិក្សាសមិទ្ធិលទ្ធផល ត្រូវបានអនុវត្តជាបន្តបន្ទាប់ សំដៅលើកកម្ពស់ការតភ្ជាប់ ដើម្បីឱ្យមានភាពប្រទាក់ក្រឡាពាសពេញផ្ទៃប្រទេស ជាក់ស្ដែងគម្រោងផ្លូវល្បឿនលឿនភ្នំពេញ បាវិត គ្រោងបើកការដ្ឋាននៅពាក់កណ្ដាលឆ្នាំ ២០២៣។

គម្រោងផ្លូវល្បឿនលឿនភ្នំពេញ សៀមរាបកំពុងសិក្សា គម្រោងផ្លូវរថភ្លើង ភ្នំពេញ ប៉ោយប៉ែត ត្រូវបានសិក្សាលើកកម្រិតឱ្យទៅជាផ្លូវរថភ្លើងល្បឿនលឿន ដែលរាជរដ្ឋាភិបាលជំរុញ ឱ្យក្រសួងសាធារណការនិងដឹកជញ្ជូន សហការជាមួយក្រសួងសេដ្ឋកិច្ច និងហិរញ្ញវត្ថុ ពន្លឿនកិច្ចការនេះ និងស្វែងរកដៃគូវិនិយោគ ហើយបច្ចុប្បន្ននេះ មានគម្រោងផ្លូវថ្នល់ជាច្រើន បាននិងកំពុងធ្វើឱ្យប្រសើរឡើង ពីផ្លូវពីរគន្លង ទៅជាបួនគន្លង ពីផ្លូវក្រាលកៅស៊ូពីរស្រទាប់ស្ដើង ទៅជាផ្លូវបេតុងកៅស៊ូ AC ។

លោកក៏បានលើកឡើង ពីគម្រោងផ្លូវនាវាចរណ៍ និងប្រព័ន្ធភស្តុភារកម្ម ទន្លេបាសាក់ ដែលកំពុងទទួលបានការចាប់អារម្មណ៍ខ្ពស់ ក៏ដូចជាការពង្រីកវិសាលភាពកំពង់ផែទឹកជ្រៅ ក្នុងក្រុងព្រះសីហនុ ទាំងជំហានទី១ និងទី២ ក៏ដូចជាកិច្ចព្រមព្រៀងសេវា ទីប្រឹក្សាហិរញ្ញវត្ថុជាមួយសាជីវកម្មហិរញ្ញវត្ថុអន្តរជាតិ ក្នុងការសិក្សាសមិទ្ធិលទ្ធផល គម្រោងមជ្ឈមណ្ឌលភស្តុភារកម្ម ក្រុងព្រះសីហនុ ជាគម្រោងអភិវឌ្ឍន៍មជ្ឈមណ្ឌលភស្តុភារកម្មលើកទី ២ដែលបានអនុវត្ត បន្ទាប់ពីគម្រោងមជ្ឈមណ្ឌលភស្តុភារកម្មរាជធានីភ្នំពេញ៕

Thai stocks set to remain volatile in Q2

The Thai stock market is expected to remain volatile in the second quarter of this year, with analysts attributing the wild swings to concerns over rising interest rates, problems in the financial system and the risk of recession.

Recent interest rate hikes by various central banks have affected financial institutions in the US and Europe facing liquidity crunches, said Therdsak Taweeteeratham, executive vice-president of Asia Plus Securities (ASPS).

“These problems are likely to cause widespread risks to various financial institutions. If the problems are not resolved, risks could emerge in the US and European economies and they could potentially enter a recession. That would put pressure on stocks globally and the Thai market would find it hard to avoid that pressure,” he said.

However, there are some positive domestic factors. For example, the Thai economy is growing based on support from the tourism sector, private investment and household consumption.

The Bank of Thailand expects GDP growth of 3.6% this year, beating the consensus global GDP growth outlook of 2.3%.

ASPS predicts listed companies to report a combined net profit this year of 1.12 trillion baht, or earnings per share of 91.8 baht, up 12.6% year-on-year. That should attract inflows to the Thai stock exchange and drive the index to 1,670 points in the second quarter, said Mr Therdsak.

Source: Bangkok Post

គណៈកម្មាធិការសភាអាមេរិក បោះឆ្នោតបញ្ចប់ការលើកលែងពន្ធលើបន្ទះសូឡានាំចូលពីកម្ពុជា និង៣ប្រទេសទៀត

សុខុម

ញូវយ៉េក: គណៈកម្មាធិការមួយនៃសភាអាមេរិក បានបោះឆ្នោតគាំទ្រការយកពន្ធឡើងវិញលើផលិតផលបន្ទះសូឡាពីប្រទេសចំនួន៤នៅអាស៊ីអាគ្នេយ៍ កាលពីថ្ងៃពុធ ទី១៩ ខែមេសា និងបានច្រានចោលការព្យួរមុននេះរបស់ប្រធានាធិបតី ចូ បៃឌិន ដោយកំណត់សេចក្ដីសម្រេចសម្រាប់ឱ្យសភាពេញអង្គធ្វើការបោះឆ្នោតអនុម័ត។

លោក ចូ បៃឌិន បានផ្អាកយកពន្ធលើផលិតផលបន្ទះសូឡាកាលពីខែមិថុនា ឆ្នាំ២០២២ ដែលជាផ្នែកមួយនៃសសរស្តម្ភដ៏សំខាន់មួយនៃគោលនយោបាយថាមពលស្អាតរបស់លោក។

យោងតាមទីភ្នាក់ងារព័ត៌មាន Reuters ចុះផ្សាយនៅថ្ងៃព្រហស្បតិ៍ ទី២០ ខែមេសា នេះឱ្យដឹងថា កិច្ចខិតខំប្រឹងប្រែងលុបចោលការព្យួរការយកពន្ធនេះ ធ្វើឡើងក្នុងគោលបំណងជួយគាំទ្រដល់បណ្ដាក្រុមហ៊ុនផលិតបន្ទះសូឡាក្នុងស្រុក ដែលលំបាកប្រកួតប្រជែងជាមួយនឹងផលិតផលបន្ទះសូឡាដែលមានតម្លៃថោកបន្ទះសូឡាដែលផលិតនៅក្រៅប្រទេស ជាពិសេសផលិតដោយក្រុមហ៊ុនចិន ទោះបីជាអ្នកទិញនៅសហរដ្ឋអាមេរិក បាននិយាយប្រឆាំងនឹងការលុបចោលក៏ដោយ។

សេចក្ដីសម្រេចនេះបានឆ្លងផុតគណៈកម្មាធិការត្រួតពិនិត្យ និងផ្ដល់អនុសាសន៍ជាមួយនឹងសំឡេងគាំទ្រ២៦សំឡេងទល់នឹង១៣សំឡេង។

សេចក្ដីព្រាងច្បាប់នេះប្រឈមនឹងការជជែកដេញដោលយ៉ាងក្ដៅគគុក។ ប្រសិនសភាបោះឆ្នោតអនុម័ត សេចក្ដីព្រាងច្បាប់នេះនឹងបញ្ជូនទៅព្រឹទ្ធសភា ដែលគ្រប់គ្រងដោយគណបក្សប្រជាធិបតេយ្យ ដែលគេមិនរំពឹងថានឹងទទួលការគាំទ្រគ្រប់គ្រាន់ដើម្បីទាត់ចោលការវេតូពីសំណាក់លោក ចូ បៃឌិន។

គណបក្សសាធារណរដ្ឋ និងគណបក្សប្រជាធិបតេយ្យ បានដាក់ចេញវិធានការនេះក្នុងខែមករា ក្រោមច្បាប់ស្ដីពីការត្រួតពិនិត្យសភា (CRA) ជាច្បាប់មួយដែលអនុញ្ញាតឱ្យសភាធ្វើវិសោធនកម្មច្បាប់របស់ទីភ្នាក់ងារសហព័ន្ធតាមរយៈសំឡេងគាំទ្រភាគច្រើន។

លោក ចូ បៃឌិន កាលពីឆ្នាំមុនបានលើកលែងពន្ធលើផលិតផលបន្ទះសូឡានាំចូលពីប្រទេសកម្ពុជា ថៃ ម៉ាឡេស៊ី និងវៀតណាម ខណៈក្រសួងពាណិជ្ជកម្មអាមេរិក កំពុងពិចារណាថា តើការនាំចូលទាំងនោះកំពុងគេចពន្ធលើទំនិញដែលផលិតនៅក្នុងប្រទេសចិន និងបំពានច្បាប់ពាណិជ្ជកម្មរបស់សហរដ្ឋអាមេរិក ដែរឬយ៉ាងណា។

ប៉ុន្មានខែក្រោយមក ក្រសួងពាណិជ្ជកម្មអាមេរិក បានចេញសេចក្តីសម្រេចបឋមមួយដើម្បីដំឡើងពន្ធដែលមានស្រាប់លើផលិតផលបន្ទះសូឡា និងទំនិញរបស់ចិន ដែលនាំចូលពីប្រទេសកម្ពុជា ថៃ ម៉ាឡេស៊ី និងវៀតណាម៕ Reuters៕

Cambodian fresh longans gain popularity among Chinese consumers: official

Cambodian fresh longans have become popular among Chinese consumers after the kingdom launched its first direct shipment of the fruit to China in October last year, a senior official said on Thursday.

Im Rachna, undersecretary of state and spokeswoman for the Ministry of Agriculture, Forestry and Fisheries, said the kingdom had exported more than 6,000 tons of fresh longans to China during the period of October 2022 to March 2023.

She added some 3,400 tons of fresh longans were shipped to China during the January-March period this year.

“Our fresh longans have gained popularity and support among Chinese people, as the fruit has not only been sold in various markets, but also put up for sale on e-commerce platforms,” she told Xinhua. “We hope our fresh longan export to China will continue to grow.”

Rachna said Cambodian fresh longans for export to China are of high quality and have properly complied with China’s sanitary and phytosanitary requirements.

Longan is Cambodia’s third fresh fruit having officially gained direct access to the Chinese market after banana and mango.

Cambodian Ministry of Commerce’s undersecretary of state and spokesman Penn Sovicheat said China is a huge market for Cambodian agricultural products.

“We’re pleased to provide high-quality products such as milled rice, fresh fruits, and other agricultural items to China,” he told Xinhua. “We hope more Cambodian agricultural products such as durian will be able to export to the Chinese market in the near future.”

According to the Ministry of Agriculture, Forestry and Fisheries, Cambodia has more than 18,000 hectares of longan trees, producing more than 131,000 tons of fresh longan annually.

Source: Xinhua

យានជំនិះ២,៥៣លានគ្រឿងធ្វើដំណើរលើផ្លូវល្បឿនលឿនភ្នំពេញ-ព្រះសីហនុក្នុងរយៈពេល២០០ថ្ងៃ

ដោយ: គង់ លាងហួរ

ភ្នំពេញ: តំណាងប្រតិបត្តិករផ្លូវល្បឿនលឿនមួយរូបបានឱ្យដឹងថា យានយន្តប្រមាណ២,៥៣លានគ្រឿង បានធ្វើដំណើរលើផ្លូវល្បឿនលឿនភ្នំពេញ-ព្រះសីហនុ ក្នុងរយៈពេល២០០ថ្ងៃ ចាប់តាំងពីការបើកដាក់ឱ្យប្រើប្រាស់ ជាសាធារណៈកាលពីខែតុលាឆ្នាំមុន។

លោក Zhou Yong ជំនួយការអ្នកគ្រប់គ្រងទូទៅ នៃសាជីវកម្ម China Road and Bridge Corporation (CRBC) និងជាអ្នកគ្រប់គ្រងទូទៅនៃការិយាល័យ CRBC Cambodia ដែលជាប្រតិបត្តិករផ្លូវល្បឿនលឿនបានអះអាងថា ផ្លូវល្បឿនលឿនភ្នំពេញ-ព្រះសីហនុ បានសម្រេចគោលដៅប្រតិបត្តិការបៃតង សុវត្ថិភាព ប្រសិទ្ធភាព និងគ្មានគ្រោះថ្នាក់ ក្នុងរយៈពេល២០០ថ្ងៃកន្លងមកនេះ។

លោកបានប្រាប់សារពត៌មាន Xinhua ថា “ចាប់តាំងពីការបើកផ្លូវល្បឿនលឿននេះ លំហូរចរាចរណ៍កកកុញ មានប្រហែល២,៥៣លានគ្រឿង ហើយលំហូរចរាចរណ៍ប្រចាំថ្ងៃជាមធ្យម ចាប់តាំងពីដើមឆ្នាំ២០២៣នេះមក មានរថយន្តជាង១៣.០០០គ្រឿង”។

លោក Zhou បានបន្ថែមថា “អត្ថប្រយោជន៍សង្គមនៃផ្លូវល្បឿនលឿនមានភាពលេចធ្លោជាបណ្តើរៗ ហើយត្រូវបានប្រជាជនកម្ពុជាស្វាគមន៍យ៉ាងកក់ក្ដៅ”។

ជាមួយនឹងទុនវិនិយោគ ចំនួន២ពាន់លានដុល្លារអាមេរិក ដោយក្រុមហ៊ុនCRBC ផ្លូវល្បឿនលឿនប្រវែង១៨៧គីឡូម៉ែត្រនេះ តភ្ជាប់រាជធានីភ្នំពេញ ជាមួយកំពង់ផែសមុទ្រទឹកជ្រៅអន្តរជាតិ នៃខេត្តព្រះសីហនុ។

អ្នកនាំពាក្យរាជរដ្ឋាភិបាលកម្ពុជា លោក ផៃ ស៊ីផាន មានប្រសា សន៍ថា ផ្លូវល្បឿនលឿន គឺជាផ្លែផ្កានៃកិច្ចសហប្រតិបត្តិការ រវាងកម្ពុជា និងចិន ក្រោមក្របខណ្ឌនៃគំនិតផ្តួចផ្តើមខ្សែក្រវាត់ និងផ្លូវ (BRI) ហើយថា វាបានដើរតួនាទីយ៉ាងសំខាន់ ក្នុងការជួយជំរុញសេដ្ឋកិច្ច និងទេសចរណ៍របស់កម្ពុជា។

លោកផៃ ស៊ីផាន បានប្រាប់សារពត៌មាន Xinhua ថា “ផ្លូវល្បឿនលឿននេះ មិនត្រឹមតែជួយសន្សំសំចៃប្រេង និងពេលវេលាសម្រាប់អ្នកធ្វើដំណើរប៉ុណ្ណោះទេ ប៉ុន្តែថែមទាំងជួយពន្លឿនការអភិវឌ្ឍសេដ្ឋកិច្ចរបស់ប្រទេសកម្ពុជា តាមរយៈការសម្រួលដល់ការដឹកជញ្ជូន និងទេសចរណ៍ផងដែរ”៕

Korea to support investments of 600 billion won via deregulation

Korea plans to pave the way for private businesses’ investments of 600 billion won ($455 million) by reducing regulations, the finance ministry said Wednesday.

The plan, the fourth of its kind, will help local firms go ahead with 55 projects, including the construction of a pharmaceutical firm’s production line, according to the Ministry of Economy and Finance.

Korea has been making efforts to lift regulations to support more investment to address the economic slowdown.

Since announcing its first batch of deregulation in July last year, the government has supported private investments of 7.7 trillion won, according to the ministry.

“We have made efforts to find and improve regulations on-site by expanding communication with the private sector and the market by hosting meetings with major economic organizations, associations and businesses,” the finance ministry said in a statement.

For example, the government plans to suggest an alternative site to the Germany-based Merck Group as the company’s desired site to build a large production line was designated as a research zone that allows the construction of only small factories.

The country plans to recommend a new site to Merck by the end of June.

In addition, Korea will set up plans to lease state-owned sites at Daesan Port in South Chungcheong Province to private companies, as such guidelines are currently not available despite the demand from the private sector.

The government will also revamp regulations to help Yeongdeok build a marine cable car facility to attract more tourists.

“Recently, domestic demand has been recovering gradually, but the economy has been slowing due to sluggish exports and facility investment,” Finance Minister Choo Kyung-ho said during a meeting on deregulation.

“We plan to continue efforts to revamp regulations in order to support exports and investment.”

Source: Yonhap

ទោះស្ថិតក្នុងគ្រាដ៏លំបាកនៃវិត្តិកូវីដ១៩ រាជរដ្ឋាភិបាលបានចំណាយថវិកាជាង៦០០លានដុល្លាអភិវឌ្ឍន៍ទីក្រុងសំខាន់ចំនួន២

ដោយៈ វឌ្ឍនៈ

ភ្នំពេញៈ ក្នុងគ្រាដ៏លំបាកនៃវិបត្តិកូវីដ១៩ រាជរដ្ឋាភិបាលមិនបានបញ្ឈប់ការអភិវឌ្ឍរបស់ខ្លួននោះទេ ផ្ទុយទៅវិញមានតែចំណាយថវិកាបន្ថែមសម្រាប់ការអភិវឌ្ឍ ហេដ្ឋារចនាសម្ព័ន្ធនិងទីក្រុងដើម្បីជម្រុញការអភិវឌ្ឍន៍សេដ្ឋកិច្ច។

ជាក់ស្ដែងក្នុងគ្រានៃវិបត្តិកូវីដ១៩ ឆ្នាំ២០២០ និងឆ្នាំ ២០២១ រាជរដ្ឋាភិបាលកម្ពុជា បានចំណាយថវិកាប្រមាណ៦០០លានដុល្លារអាមេរិកសម្រាប់អភិវឌ្ឍន៍ ហេដ្ឋារចនាសម្ព័ន្ធនៅទីក្រុងចំនួនពីរនៅកម្ពុជា នោះគឺក្រុងសៀមរាប និងក្រុងព្រះសីហនុ ។

ថ្លែងនៅក្នុងពិធី សម្ពោធដាក់ឱ្យប្រើប្រាស់ជាផ្លូវការ អគារសម្ភព ស្ថិតនៅក្នុងបរិវេណ នៃមន្ទីរពេទ្យកុមារជាតិនៅព្រឹកថ្ងៃទី២០ មេសា ២០២៣ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា នៅក្នុងដំណាក់កាលដ៏លំបាកក្នុងវិបត្តិកូវីដ១៩ គឺនៅក្នុងឆ្នាំ២០២០ និងឆ្នាំ២០២១ យើងបានវិនិយោគទៅកាន់ខេត្តព្រះសីហនុ អស់ប្រមាណ៤០០លានដុល្លារអាមេរិក ដើម្បីកសាងផ្លូវនៅខេត្តព្រះសីហនុ ។ ក្រៅពីនេះ យើងក៏បានវិនិយោគទៅកាន់ខេត្តសៀមរាប អស់ប្រមាណ២០០លានដុល្លារអាមេរិក ដើម្បីសាងសង់ផ្លូវជាច្រើនខ្សែដូចគ្នា។ មិនតែប៉ុណ្ណោះ យើងក៏បានវិនិយោគទៅលើហេដ្ឋារចនាសម្ព័ន្ធផ្សេងទៀត ជាក់ស្ដែងអគារសម្ភពក្នុងមន្ទីរពេទ្យកុមារជាតិជាដើម ។

សម្ដេចតេជោបានមានប្រសាសន៍បន្តថា “យើងហ៊ានដាក់ទុនវិនិយោគធំបែបនេះ ដោយសារតែយើងបានខិតខំ ដើម្បីងើបឈរឡើងក្នុងការដោះស្រាយបញ្ហាប្រទេសជាតិរបស់យើង ជាមួយនឹងការដោះស្រាយកូវីដ វិស័យសុខាភិបាលក៏មានការរីកចម្រើន នៅក្នុងពេលនោះដែរ”។

គម្រោងដែលរាជរដ្ឋាភិបាល បានចំណាយលើក្រុងពីរនៅខេត្តសៀមរាប និងខេត្តព្រះសីហនុ បានសាងសង់រួចរាល់ ហើយមកដល់ពេលនេះ វាបានផ្ដល់អត្ថប្រយោជន៍ជាបន្តបន្ទាប់ហើយ ដោយក្រុងព្រះសីហនុកំពុងទាក់ទាញភ្ញៀវទេសចរជាតិ និងអន្តរជាតិជាច្រើនទៅសម្រាកកម្សាន្ត ស្របនឹងផ្លូវល្បឿនលឿនភ្នំពេញ ក្រុងព្រះសីហនុបានដាក់ដំណើរការផង ។

ក្រុងសៀមរាបឯណោះវិញក៏ឃើញថា មានផ្លូវខ្វាត់ខ្វែងច្រើនជាងមុន ងាយស្រួលក្នុងការធ្វើដំណើររបស់ពលរដ្ឋ និងភ្ញៀវទេសចរ ទៅកាន់ទឹកដីនៃខេត្តសៀមរាប។ ជាមួយគ្នានេះដែរ ព្រលានយន្តហោះអន្តរជាតិថ្មីក្នុងខេត្តសៀមរាប ក៏នឹងត្រូវដាក់ដំណើរនៅពេលឆាប់ៗនេះផងដែរ ។

យោងតាមប្រសាសន៍របស់ សម្ដេចតេជោនាពេលកន្លងមកថា ព្រលានយន្តហោះអន្តរជាតិថ្មី នៅក្នុងខេត្តសៀមរាបនឹងត្រូវដាក់ដំណើរការយ៉ាងយូរត្រឹមខែតុលា ឆ្នាំ ២០២៣ខាងមុខ ហើយព្រលានយន្តហោះអន្តរជាតិនេះដែរ នឹងអាចទទួលយន្តហោះខ្នាតធំចុះចតបានផងដែរ៕

1...965966967...3,258 Page 966 of 3,258