ចង់ដឹង Shanghai Tower ចំណាយទឹកប្រាក់ប៉ុន្មានពាន់លានដុល្លារ ដើម្បីសាងសង់ឬទេ

February 5, 2019

ដោយ វុត្ថា

ភ្នំពេញ៖ មហាយក្សចិនជាប្រទេសដែលមានសេដ្ចកិច្ច លូតលាស់ខ្លាំងក្នុងតំបន់អាស៊ី និងបានគ្រោងដំណែងជាមហាអំណាចសេដ្ឋកិច្ចទី២ បន្ទាប់សហរដ្ឋអាមេរិក។ ប្រទេសនេះក៏បានចំណាយលុយរាប់ពាន់លានដុល្លារ សម្រាប់សាងសង់អគារខ្ពស់ៗកប់ពកជាច្រើនផងដែរ នៅតាមបណ្តាក្រុងសំខាន់ៗនានារបស់ខ្លួន។

ថ្ងៃនេះគេហទំព័រ www.propertyarea.asia បន្តចុះផ្សាយអគារមួយទៀត គឺអគារ Shanghai World Financial Center មួយទៀតរបស់មហាយក្សចិន។

អគារមជ្ឈមណ្ឌលហិរញ្ញវត្ថុពិភពលោកសៀងហៃ ឬShanghai World Financial Cencer (SWFC) ជាអគារខ្ពស់កបពកអស្ចារ្យមួយ ដែលស្ថិតនៅក្នុងតំបន់Pudong នៃទីក្រុងសៀងហៃរបស់ប្រទេសចិន។ អគារនេះ ត្រូវបានរចនាប្លង់ដោយលោក Kohn Pedersen Fox និងអភិវឌ្ឍន៍ដោយក្រុមហ៊ុន Mori Building Company ដោយហការជាមួយវិស្វករក្រុមហ៊ុន Leslie E. Robertson Associates, China State Construction Engineering Corp និង ក្រុហ៊ុន Shanghai Construction Group ជាអ្នកចុះកិច្ចសន្យាសាងសង់ដ៏សំខាន់។

អគារខ្ពស់កបពពកនេះ ត្រូវបានគេប្រើប្រាស់ជាមជ្ឈមណ្ឌលពាណិជ្ជកម្ម ដែលមានការប្រើប្រាស់ចម្រុះ ដូចជា បន្ទប់ការិយាល័យ សណ្ឋាគារ សាលសន្និសីទ កន្លែងកំសាន្ត និងនៅជាន់ផ្ទាល់ដីគឹជាផ្សារទំនើប។

នៅក្នុងអគារនេះ មានសណ្ឋាគារមួយឈ្មោះ Park Hyatt Shanghai ដែលមានបន្ទប់ចំនួន១៧៤ ស្ថិតនៅជាន់ទី៧៩ ដល់ជាន់ទី៩៣។ វាត្រូវបានគេចាត់ទុកថា ជាសណ្ឋាគារដែលខ្ពស់ជាងគេក្នុងពិភពលោក ប៉ុន្តែនៅពេលនេះវាជាសណ្ឋាគារខ្ពស់លំដាប់ទី៣ ក្នុងពិភពលោក បន្ទាប់ពីសណ្ឋាគារRitz-Carlton ក្នុងទីក្រុងហុងកុង ដែលស្ថិតក្នុងកម្រិតកជាន់ទី១០២ ទៅ១០៨ ស្ថិតក្នុងមជ្ឈមណ្ឌលពាណិជ្ជកម្មអន្តរជាតិ (International Commerce Center)។

Shanghai World Financial Center បានចំណាយទុនសាងសង់ចំនួន១,២០ពាន់លានដុល្លារ ហើយបានសាងសង់បញ្ចប់នៅខែកញ្ញា ឆ្នាំ២០០៧ ដែលមានកម្ពស់ប្រមាណ៤៩២ម៉ែត្រ ដែលបានធ្វើឲ្យស្ថាបត្យកម្មកំពូលនេះជាប់លំដាប់អាគារខ្ពស់លំដាប់ទី៩ក្នុងពិភពលោក និងខ្ពស់លំដាប់ទី៤ ក្នុងប្រទេសចិន។

អគារអស្ចារ្យនេះ ត្រូវបានអោយដំណើរការជាសាធារណៈ នៅខែសីហា ឆ្នាំ ២០០៨។

មជ្ឈមណ្ឌលពាណិជ្ជកម្មកំពស់សរុប១០១ជាន់នេះ ត្រូវបានគេកោតសសើរយ៉ាងខ្លាំងចំពោះស្ថាបត្យករ ដែលបានគូប្លង់ និងចាត់ទុកថា ជាអគារខ្ពស់កប់ពកល្អបំផុតប្រចាំឆ្នាំ២០០៨ បន្ទាប់សាងសង់រួច។

ក្នុងឆ្នាំ២០១៣ អគារនេះត្រូវបានគេប្តូរឈ្មោះ ទៅជាShanghai Tower វាជាស្ថាបត្យសំណង់ខ្ពស់បំផុត ក្នុងប្រទេសចិនប្រចាំឆ្នាំ២០១៧កន្លងទៅនេះ៕

ធនាគាកម្ពុជា-ថៃ ធ្វើកិច្ចសហប្រតិបត្តិការលើនវានុវត្តនៃការទូទាត់និងហិរញ្ញវត្ថុ

February 4, 2019

0

ដោយវុត្ថា

ភ្នំពេញ៖ ធនាគារជាតិនៃកម្ពុជា និងធនគារកណ្តាលនៃប្រទេសថៃ បានចុះអនុស្សរណៈយោគយល់ស្តីពីកិច្ចសហប្រតិបត្តិការលើនវានុវត្តនៃការទូទាត់និងហិរញ្ញវត្ថុ។

លោក ជា ចាន់តូ ទេសាភិបាល ធនាគារជាតិនៃកម្ពុជា បានថ្លែងនៅក្នុងកិច្ចប្រជុំទ្វេភាគីរវាង ជាមួយលោក Veerathai Santiprabhob ទេសាភិបាល ធនាគារកណ្តាលថៃ នាថ្ងៃទី៣ ខែកុម្ភៈ ឆ្នាំ២០១៩ម្សិលមិញនេះថា អនុស្សរណៈយោគយល់នេះសំដៅគាំទ្រដល់កិច្ចសហការក្នុងការអភិវឌ្ឍអន្តរប្រតិបត្តិការនៃស្តង់ដារប្រព័ន្ធ QR code សម្រាប់ការទូទាត់ក្នុងប្រទេសនិងក្រៅប្រទេស ប្រកបដោយប្រសិទ្ធភាពនិងមានសុវត្ថិភាព ព្រមទាំងជំរុញដល់ការប្រើប្រាស់រូបិយវត្ថុជាតិ និងនវានុវត្តវិស័យហិរញ្ញវត្ថុក្នុងប្រទេសទាំងពីរ។

លោកបន្តថា លើសពីនេះ ធនាគារជាតិនៃកម្ពុជានិងធនាគារកណ្តាលថៃបានព្រមព្រៀងដាក់ឱ្យដំណើរការសាកល្បងគម្រោងអភិវឌ្ឍប្រព័ន្ធ QR code ដើម្បីជួយសម្រួលដល់សេវាទូទាត់រាយនៅកម្ពុជានិងរវាងប្រទេសទាំងពីរ។

គួរបញ្ជាក់ថា កិច្ចប្រជុំទ្វេភាគីប្រចាំឆ្នាំនេះមានគោលបំណងពង្រឹងកិច្ចសហប្រតិបត្តិការនិងបង្កើនទំនាក់ទំនងជាមិត្តភាពរវាងធនាគារកណ្តាលប្រទេសទាំងពីរឱ្យកាន់តែជិតស្និទ្ធ។ កន្លងមក កិច្ចប្រជុំនេះបានរួមចំណែកពង្រឹងកិច្ចសហប្រតិបត្តិការក្នុងវិស័យធនាគារនិងហិរញ្ញវត្ថុ និងជំរុញកំណើនសេដ្ឋកិច្ចនៃប្រទេសទាំងពីរប្រកបដោយចីរភាព៕

ខេត្តព្រះសីហនុនឹងមានស្ពានដែកឆ្លងផ្លូវជាតិលេខ ៤ជាលើកដំបូង

February 4, 2019

0

ដោយវុត្ថា

ព្រះសីហនុ៖ រដ្ឋបាលខេត្តព្រះសីហនុ គ្រោងនឹងធ្វើស្ពានដែកមួយខ្សែឆ្លងផ្លូវជាតិលេខ៤ ជាលើកដំបូងនៅចំណុចមុខរោងចក្រញូស្តារ ដើម្បីជួយសម្រួលដល់ការធ្វើដំណើររឆ្លងផ្លូវជាតិ របស់កម្មករកម្មការិនីធ្វើដំណើរឆ្លងកាត់ទៅមក ។

លោក យន្ត មីន អភិបាលខេត្តព្រះសីហនុ បានថ្លែងថា ស្ពាននេះជំនាញបានសិក្សារួចហើយ ដោយគ្រោងចំណាយថវិកាប្រមាណ ១០ម៉ឺនដុល្លាអាមេរិក និងចាប់ផ្តើមសាងសង់នាពេលខែមីនា ឆ្នាំ២០១៩ នេះ ។

លោក ណុប ហេង ប្រធានមន្ទីរសាធារណៈការនិងដឹកជញ្ជូនខេត្តព្រះសីហនុ បានអោយដឹងថា ស្ពានដែកឆ្លងផ្លូវនេះ មានប្រវែង ២៤ម៉ែត្រ កំពស់៥,២ម៉ែត្រ ទទឹង៣ម៉ែត្រ ។ រថយន្តកុងតៃន័រ ក៏អាចរត់ក្រោមស្ពាននេះបានដែរ ។ ស្ពាននេះនឹងអាចជួយសម្រួលការកកស្ទះ និងហានិភ័យដល់កម្មករកម្មការិនីបានមួយកម្រិតដែរ។
តាមគម្រោងនេះ កម្មកររោងចក្រញូស្តារការប្រមាណ ៤ពាន់នាក់ មានការគាំយ៉ាងខ្លាំងចំពោះគំនិតផ្តួចផ្តើមរបស់លោក អភិបាលខេត្តព្រះសីហនុ សម្រាប់សុវត្ថិភាពកម្មករទាំងអស់ ៕

ការសិក្សាថ្មីរកឃើញថា ប្រជាជនរស់នៅទីក្រុង និងទីប្រជុំជននឹងកើនដល់៧លាននាក់

February 4, 2019

0

ដោយ ស៊ីវ ម៉េង

ភ្នំពេញ៖ ការសិក្សាថ្មីមួយដែលធ្វើឡើងដោយក្រសួងរៀបចំដែនដី នគរូបនីយកម្មនិងសំណង់បានរកឃើញថា ប្រជាជនរស់នៅទីក្រុង និងតាមទីប្រជុំជននានានឹងកើនដល់៧លាននាក់នៅឆ្នាំ២០៣០ខាងមុខ។

តាមរបាយការណ៍របស់ ក្រសួងរៀបចំដែនដីនរគរូបនីយកម្ម និងសំណង់ ដែលបានចេញផ្សាយកាលពីកំឡុងឆ្នាំ២០១៧កន្លងមកបានឲ្យដឹងថា បើគិតចាប់ពីឆ្នាំ២០១៥ដល់ឆ្នាំ២០៣០ចំនួនប្រជាជននៅតាមទីប្រជុំជន និងទីក្រុងធំៗ និងកើនពី៤ទៅ៧លាននាក់។ កំណើនប្រជាសាស្ត្រនេះ នឹងទាមទារឲ្យមានការផ្តត់ផ្គង់លំនៅដ្ឋានដ៏ច្រើនរហូតដល់៨៥ម៉ឺនខ្នងដល់ឆ្នាំ២០៣០ ពោលគឺការផ្គត់ផ្គង់ប្រចាំឆ្នាំត្រូវមានប្រមាណជាង៥ម៉ឺនខ្នង។

ជាមួយគ្នានេះ យោងតាមការសិក្សារបស់ក្រុមហ៊ុន Urban Living Solution កាលពីឆ្នាំ២០១៨ ក៏បានរកឃើញផងដែរថា នៅឆ្នាំ២០២៥ ប្រជាពលរដ្ឋរស់នៅក្រុងភ្នំពេញនឹងកើនដល់៤,៥លាននាក់ ជាពេលវេលាដែលធ្វើឲ្យប្រជាជនកាន់តែច្រើន នឹងរស់នៅតាមខុនដូ ដោយសារទី១ កំនើនប្រជាសាស្ត្រធ្វើឲ្យមានការកកស្ទះចរាចរណ៍ខ្លាំង ទី២ តម្លៃអចលនទ្រព្យ ពិសេសលំនៅដ្ឋាននឹងមានតម្លៃខ្ពស់ ដែលប្រជាពលរដ្ឋថ្នាក់កណ្តាលមិនមានលទ្ឋភាពទិញលំនៅដ្ឋាននៅក្នុងទីក្រុងបាន តែពួកគេអាចទិញនៅជាយក្រុង ដែលលំបាកក្នុងការធ្វើដំណើរ។

ទី៣ ការរីកចម្រើនបច្ចេកវិទ្យានឹងធ្វើឲ្យគុណភាពជីវិតប្រសើរឡើង ដោយអ្នករស់នៅតាមខុនដូ ឬលំនៅដ្ឋាននានាអាចកុំម៉ង់អាហារទទួលទានកាន់តែងាយស្រួល។ និងទី៤ លក្ខខ័ណ្ឌកន្លែងការងារ ដែលប្រជាពលរដ្ឋមិនចង់រស់នៅឆ្ងាយពីការងារ ហើយពួកគេងាកមករស់នៅខុនដូ ដែលស្ថិតនៅជិតកន្លែងការងាររបស់ពួកគេ។

អ្នកនាង អាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានមានប្រសាសន៍ថា ប្រជាពលរដ្ឋរស់នៅក្រុងភ្នំពេញ មិនមានចំនួនច្រើននោះទេ គឺមួយគីឡូម៉ែត្រមានតង់ស៊ីតេត្រឹមជាង២០០០នាក់ ប៉ុន្តែបញ្ហាកកស្ទះចរាចរណ៍មានការកើនឡើងខ្ពស់ ខុសពីបណ្តាប្រទេសក្នុងតំបន់ដូចជាទីក្រុងបាងកក ប្រទេសថៃ ទីក្រុងហូជីម៉ិញប្រទេសវៀតណាម ដែលមានប្រជាជនរស់នៅចន្លោះ៤០០០ ទៅ៥០០០នាក់ក្នុងមួយគីឡូម៉ែត្រ តែបញ្ហាចរាចរណ៍ហាក់មិនអាក្រក់ណាស់ណានោះទេ។

អ្នកនាងបន្តថា “រដ្ឋាភិបាលគួរចាត់វិធានការណ៍ ទៅលើបញ្ហាសណ្តាប់ធ្នាប់ចរាចរ ណ៍ តាមរយៈការដាក់ចេញវិធានការណ៍អប់រំ និងជំរុញឲ្យអ្នកបើកបរគោរពច្បាប់ តាមរយៈការធ្វើយ៉ាងណាឲ្យពួកគេយល់ដឹងពីច្បាប់”៕

[:km]កម្ពុជាបង្កើនការផ្សព្វផ្សាយទាក់ទាញទេសចរពីទីផ្សារទួរគី និងអឺរ៉ុប[:]

February 4, 2019

0

[:km]ដោយ នៅ វឌ្ឍនា

ទួរគី៖ ប្រតិភូក្រសួងទេសចរណ៍ដឹកនាំដោយលោក គុជ បញ្ញាសា អនុរដ្ឋលេខាធិការក្រសួងនេះ បានចូលរួមនៅក្នុងពិព័ណ៍ទេសចរណ៍អន្តរជាតិ EMITT 2019 លើកទី២៣ ចាប់ពីថ្ងៃទី៣១ ខែមករា ដល់ថ្ងៃទី៣ ខែកុម្ភៈ ឆ្នាំ២០១៩ នៅទីក្រុងអ៊ីស្តាន់បុល ប្រទេសទួរគីដើម្បីទាក់ទាញភ្ញៀវទេសចរណ៍ពីទួរគី និងបណ្តាអ្នកទេសចរណ៍មកពីប្រទេសនានានៅអឺរ៉ុប មកទស្សនាកម្ពុជាបន្ថែមទៀត។

កម្មវិធីនេះក៏មានការចូលរួមពីក្រុមហ៊ុនឯកជនកម្ពុជាចំនួន៣ក្រុមហ៊ុន ដើម្បីផ្សព្វផ្សាយពីវិស័យទេសចរណ៍កម្ពុជា ដើម្បីទាក់ទាញទេសចរទួរគី និងអឺរ៉ុបមកកម្ពុជាឲ្យកាន់តែច្រើនថែមទៀត ខណៈដែលរដ្ឋាភិបាលកម្ពុជានិងទួរគីបាន និងកំពុងអនុវត្តស្មារតីអនុស្សារណៈយោគយល់គ្នា (MoU) លើវិស័យអាទិភាពនានា រួមទាំងវិស័យទេសចរណ៍ ដែលបានចុះហត្ថលេខាកាលពីអំឡុងខែតុលា ឆ្នាំ២០១៨ កន្លងមក នៅទីក្រុងអ៊ីស្តង់បុល។

EMITT ជាពិព័រណ៍ជាពិព័រណ៍ដ៏ធំមួយនៅអឺរ៉ុប មានអ្នកចូលរួមប្រមាណជា៦ម៉ឺននាក់ មកពីប្រមាណ៩០ប្រទេស។ ស្តង់ពិព័រណ៍ក្រសួងទេសចរណ៍ទទួលបានភ្ញៀវចូលទស្សនា និងសាកសួព័ត៌មានយ៉ាងផុលផុស។ជាកិត្តិយសនៅថ្ងៃទី៣១ ពន្លាក្រសួងទេសចរណ៍បានទទួលឯកឧត្តម Mehmet Nuri Ersoy រដ្ឋមន្ត្រីក្រសួងវប្បធម៌ និងទេសចរណ៍ទួរគី និងលោក Ali Yerlikaya អភិបាលក្រុងអ៉ីស្តាន់ប៊ុល។ នៅថ្ងៃបន្ទាប់ លោក Alinur Aktas អភិបាលក្រុងពូរសា ក៏បានមកទស្សនានៅពន្លាក្រសួងទេសចរណ៍ផងដែរ។

ក្រៅពីសកម្មភាពពិព័រណ ប្រតិភូក្រសួងទេសចរណ៍ក៏ទទួលជួបពិភាក្សាការងារជាមួយក្រុមហ៊ុនអាកាសចរណ៍ Emirates Airlines, Asiana Airlines, Social Media, Bloggers ដើម្បីសហការជំរុញការផ្សព្វផ្សាយគោលដៅទេសចរណ៍កម្ពុជា ទៅកាន់ទីផ្សារទួរគី និងពិភពលោកឲ្យមកកម្ពុជាកាន់តែច្រើនថែមទៀត។

នាព្រឹកថ្ងៃទី៣ ខែកុម្ភៈឆ្នាំ២០១៩ ជាថ្ងៃចុងបញ្ចប់ នៃពិព័រណ៍ EMITT 2019 ដែលបើកជាសាធារណៈសម្រាប់មហាជនចូលទស្សនា ហើយស្តង់ពិព័រណ៍កម្ពុជាបានទទួលបដិសណ្ឋារកិច្ចស្វាគមន៍ចំពោះឯកឧត្តម Isha Su ប្រតិភូដ្ឋាភិបាលTurkey ទទួលបន្ទុកគ្រប់គ្រងតំបន់ Mersin ដែលមានសក្តានុពលសេដ្ឋកិច្ចធំមួយផ្នែកកំពង់ផែ។

ប្រតិភូក្រសួងទេសចរណ៍កម្ពុជា ក៏បានជួបពិភាក្សាការងារជាមួយក្រុមការងារមកពីទីក្រុង Bursa រួមមាន Mr. Eruiment Yilmal ប្រធានគ្រប់គ្រងទេសចរណ៍ Bursa, Mr. Anil Baxik អ្នកសម្របសម្រួលការងារទេសចរណ៍ ដែលជាតំបន់សេដ្ឋកិច្ចឧស្សាហកម្មផលិតគ្រឿងចក្រ និងវាយនភណ្ឌប្រកបដោយសក្តានុពលមួយក្នុងតំបន់ (Machinaries and Textile) ពួកគាត់មានបំណងសិក្សា ស្វែងយល់ពីសក្តានុពលទេសចរណ៍កម្ពុជា ការវិនិយោគ និងការតភ្ជាប់ទំនាក់ទំនងផ្នែកឯកជន វិស័យទេសចរណ៍រវាងកម្ពុជា និងទីក្រុង Bursa។

កម្ពុជាបាននិងកំពុងរៀបចំបង្កើតស្ថានទូតកម្ពុជា នៅទីក្រុងអង់ការ៉ា ដែលអាចនឹងលេចចេញជារូបរាងនៅក្នុងអំឡុងឆ្នាំ២០១៩នេះ។

ទួរគីជាទីផ្សារដ៏ធំមួយនៅអឺរ៉ុបដែលមានប្រជាជន៨០លាននាក់។ ឆ្នាំ២០១៨ ទួរគីទទួលបានទេសចរ៣៩,៥ លាននាក់ និងរកចំណូលបាន២៩,៥ពាន់លានដុល្លាអាមេរិក។ ទេសចរទួរគីចេញក្រៅប្រទេសភាគច្រើនទៅទស្សនា ម៉ាឡេស៊ី សិង្ហបុរី ថៃ វៀតណាម តាមរយៈក្រុមហ៊ុនអាកាសចរណ៍Turkish Airlines។

កម្ពុជាសង្ឃឹមថា នឹងមានការហោះហើរត្រង់ពីទួរគី មកកម្ពុជាតាមរយៈក្រុមហ៊ុនអាកាសចរណ៍ Turkish Airlines ក្នុងពេលឆាប់ៗខាងមុខ ដែលអាចនាំយកភ្ញៀទេសចរទួរគី និងអឺរ៉ុប មកកម្ពុជាកាន់តែច្រើនថែមទៀត៕[:]

[:km]ដំណឹងល្អ! រកឃើញសង្កាត់ដែលត្រូវកាត់ចូលខ័ណ្ឌថ្មីចំនួនពីរនៅក្រុងភ្នំពេញហើយ[:]

February 4, 2019

0

[:km]ដោយគង់ សូរិយា

ភ្នំពេញ៖ រដ្ឋាភិបាលកម្ពុជាបានសម្រេចបង្កើតខ័ណ្ឌចំនួនពីរទៀត ដែលជាការសំរួលក្នុងការផ្តល់សេវាសាធារណៈរបស់រដ្ឋ ដល់ប្រជាពលរដ្ឋដែលកំពុងតែកើនឡើងក្នុងរាជធានីភ្នំពេញ។

ក្នុងចំណោមខ័ណ្ឌទាំង១២ដែលមានស្រាប់ រដ្ឋាភិបាលបានបំបែកខ័ណ្ឌចំនួនពីរទៀត ដោយខ័ណ្ឌថ្មីមួយគឺខ័ណ្ឌបឹងកេងកង បំបែកចេញពីខ័ណ្ឌចំការមន និងខ័ណ្ឌកំបូលត្រូវបានបំបែកចេញពីខ័ណ្ឌពោធ៍សែនជ័យ។

តើខ័ណ្ឌបឹងកេងកង ត្រូវកាត់យកសង្កាត់ណាខ្លះចេញពីខ័ណ្ឌចំការមន? យោងតាមឯកសារក្រសួងមហាផ្ទៃបានឲ្យដឹងថា ខណ្ឌបឹងកេងកង មានសង្កាត់ចំនួន៧រួមមាន៖ សង្កាត់បឹងកេង១ សង្កាត់បឹងកេង២ សង្កាត់បឹងកេង៣ សង្កាត់ទួលស្វាយព្រៃ១ សង្កាត់ទួលស្វាយព្រៃ២ សង្កាត់អូឡាំពិក និងសង្កាត់ទំនប់ទឹក។ ចំណែកខណ្ឌកំបូល ត្រូវកាត់យក៦ សង្កាត់ពីខណ្ឌពោធិ៍សែនជ័យ រួមមាន៖ សង្កាត់កន្ទោក សង្កាត់ឱឡោក សង្កាត់ស្នោរ សង្កាត់ភ្លើងឆេះរទេះ សង្កាត់បឹងធំ និងកាត់យក ១សង្កាត់ពីដង្កោ គឺសង្កាត់ប្រទះឡាង។

រដ្ឋាភិបាលក៏បានចេញអនុក្រិតបង្កើត ក្រុង ស្រុក ចំនួន៤ទៀតផងដែរ ដើម្បីផ្តល់សេវាសាធារណៈកាន់តែប្រសើរដល់ប្រជាពលរដ្ឋ។ នេះបើតាមលោក សក់ សេដ្ឋារដ្ឋលេខាធិការក្រសួងមហាផ្ទៃមានប្រសាសន៍ប្រាប់វិទ្យុ RFI កាលពីពេលថ្មីៗនេះ៕[:]

[:km]ដំណឹងល្អៈ បុរី ប៉េង ហួតបន្តការបញ្ចុះតម្លៃពិសេសរហូតដល់១០% ក្នុងឱកាសឆ្នាំថ្មី ប្រពៃណីចិន[:]

February 2, 2019

0

[:km]ដោយរតនៈ
ភ្នំពេញ៖ តបតាមសំណើរ និងសំណូមពររបស់អតិថិជន បុរី ប៉េង ហួតសូមបន្តការបញ្ចុះតម្លៃពិសេសរហូតដល់១០%លើ៤គម្រោងព្រមគ្នា ក្នុងឱកាសអបអរសាទរឆ្នាំថ្មី ប្រពៃណីចិន ដែលមានសុពលភាព ត្រឹមដំណាច់ខែកុម្ភៈនេះប៉ុណ្ណោះ។

គម្រោងថ្មីទាំង៤ ស្ថិតនៅលើតំបន់សក្តានុពលខ្លាំងដោយឡែកពីគ្នា ដែលរួមមាន គម្រោងដឹស្តាដាយមិន២ ទីតាំងស្ថិតនៅតាមបណ្តោយមហាវិថីសម្តេចតេជោ (៦០ម៉ែត្រ) គម្រោងដឹស្តា មេរាហ្គាដិន តាមបណ្តោយផ្លូវ៥០ម៉ែត្រ (ផ្លូវក្រវាត់ក្រុងទី ២) នៅក្បែរផ្សារទំនើបអ៊ីអន៣ចំងាយត្រឹមតែ៣នាទី ប៉ុណ្ណោះពីមហាវិថីសម្តេចតេជោ(៦០ម៉ែត្រ) គម្រោងដឹស្តាផ្លាទីនីម ម៉ាស្ទើរី និងគម្រោងដឹស្តាផ្លាទីនីម រ៉ូសវីល មានទីតាំងតាមបណ្តោយផ្លូវជាតិលេខ១ ក្នុងគម្រោងធំ ហ្រ្គេនស្តាផ្លាទីនីម (តំបន់បឹងស្នោរ) ។

សម្រាប់គម្រោងថ្មីដឹស្តារ ដាយមិន២ ស្ថិតក្នុងទីក្រុងរណបផ្លូវ៦០ម៉ែត្រគ្របដណ្តប់លើវិសាលភាពផ្ទៃដីដ៏ធំ និងជាគម្រោងមួយដែលលេចធ្លោជាងគេ ក្នុងតំបន់ពាណិជ្ជកម្ម រួមមានទាំងក្លឹបហាត់ប្រាណ អាងហែលទឹក ខុនដូ ផ្សារទំនើបភីអេចដាយមិនផ្លេស សាលសនិ្នសីទសម្រាប់រៀបចំអាពាហ៍ពិពាហ៍ និងប្រារព្ធពិធីផ្សេងៗ រួមទាំងអគារពាណិជ្ជកម្មផងដែរ។ ក្នុងតំបន់នេះ មានការរៀបចំហេដ្ឋារចនាសម្ព័ន្ធរួចជាស្រេច មានផ្លូវថ្នល់ធំៗខ្វាត់ខ្វែង ជាច្រកសេដ្ឋកិច្ចតភា្ជប់ទៅកាន់ផ្លូវជាតិលេខ២ និងលេខ៣បានយ៉ាងលឿន។

ចំណែកឯគម្រោងដឹស្តា មេរាហ្គាដិនជាគម្រោង ស្ថិតក្នុងទីប្រជុំជនថ្មីមួយភាគខាងត្បូងរាជធានីភ្នំពេញ ដែលមានចំងាយត្រឹមតែ៣នាទីប៉ុណ្ណោះ (ផ្លូវក្រវាត់ក្រុងទី២) ពីមហាវិថីសម្តេចតេជោ (៦០ម៉ែត្រ) នៅក្បែរផ្សារទំនើបអ៊ីអន៣ គ្របដណ្តប់លើផ្ទៃដីរហូតដល់៤០ហិចតា។ គម្រោងនេះផ្ទាល់ ត្រូវបានអភិវឌ្ឍជាសហគមន៍ធម្មជាតិ ពណ៌បៃតងមួយ ដែលមានសួនច្បារធំទូលាយ ថែមទាំងមានតំបន់ពាណិជ្ជកម្ម ពោពេញទៅដោយហាងទំនិញ សេវាកម្ម និងអគារពាណិជ្ជកម្ម សម្រាប់បំពេញតម្រូវការក្នុងតំបន់។

ចំពោះគម្រោងដឹស្តាផ្លាទីនីម ម៉ាស្ទើរី និងគម្រោងដឹស្តាផ្លាទីនីម រ៉ូសវីល ជាគម្រោងស្ថិតក្នុងគម្រោងធំ ហ្គ្រេនស្តាផ្លាទីនីម (បឹងស្នោរ)តាមបណ្តោយផ្លូវជាតិលេខ១ ដែលកំពុងតែរីកដុះដាល ទៅដោយផ្សារទំនើប ធនាគារ សាលារៀន មន្ទីរពេទ្យ ភោជនីយដ្ឋាន ហាងទំនិញ ជាពិសេសតំបន់បឹងស្នោរផ្ទាល់តែម្តង។ គម្រោងធំ ហ្គ្រេនស្តាផ្លាទីនីមនេះ បានប្រែក្លាយតំបន់បឹងស្នោរ ក្លាយទៅជាតំបន់អភិវឌ្ឍដ៏សម្បូរបែបមួយ ដែលរួមមាន សួនកម្សាន្តបែបអឺរ៉ុប សាលារៀនអន្តរជាតិ កីឡដ្ឋាន ស្ថានីយពន្លត់អគ្គីភ័យ ខុនដូ និងផ្សាទំនើប ថែមទៀតផង។

គ្រប់ប្រភេទវីឡាក្នុងគម្រោងទាំង៤ខាងលើ សុទ្ធសឹងតែរចនាម៉ូដឡើង ដ៏ល្អឯកដែលផ្អែកទៅលើគុណតម្លៃ នៃសោភណ្ឌភាព ជាមួយភាពសមស្របឥតខ្ចោះនៃការរួមបញ្ចូលរចនាបថខ្មែរ និង អឺរ៉ុប ដោយផ្តល់ជូននូវភាពប្រណិតទាន់សម័យ និងផាសុកភាពក្នុងការស់នៅធ្វើអោយជីវិតលោកអ្នកកាន់តែមានន័យ។
គម្រោងទាំង៤ខាងលើ សុទ្ធសឹងតែស្ថិតនៅក្នុងតំបន់សក្តានុពល មានភាពទាក់ទាញ និងអំណោយផល សម្រាប់ការរស់នៅ និងវិនិយោគផងដែរ។

សម្រាប់ព័ត៌មានបន្ថែម សូមទាក់ទងទូរសព្ទលេខ 015 90 6789 Email: [email protected]ឬចូលទៅកាន់គេហទំព័រ Facebook: www.facebook.com/boreypenghuoth ឬអាចអញ្ជើញមកសាកសួរព័ត៌មាន ពីគ្រប់ការិយាល័យលក់ ដែលមានទីតាំងក្បែរលោកអ្នក រៀងរាល់ម៉ោងធ្វើការ។

ក្នុងឱកាសអបអរសាទរ ឆ្នាំថ្មី ប្រពៃណីចិនព្រមទាំងឆ្លើយតបតាមសំណើរ និងសំណូមពររបស់អតិថិជន បុរី ប៉េង ហួត សូមបន្តការបញ្ចុះតម្លៃពិសេសរហូតដល់ ១០% លើ៤ គម្រោងព្រមគ្នា ដែលមានសុពលភាព រហូតដល់ដំណាច់ខែកុម្ភៈ នេះប៉ុណ្ណោះ។
អត្ថប្រយោជន៍បន្ថែមពីគម្រោងទាំង៤ មានដូចជា លំនៅដ្ឋានម៉ូតថ្មី វិនិយោគ ទទួលបានផលចំនេញខ្ពស់ ផ្តល់ជូនអត្រាការប្រាក់ទាប ពីធនាគារជាដៃគូសហការគម្រោងស្ថិតក្នុងតំបន់សក្តានុពលខ្លាំង សួនច្បារធំ ជាមួយនឹងបរិយាកាសស្រស់ស្រាយ ប្រកបដោយផាសុកភាព។

សូមមកទទួលយកការផ្តល់ជូនពិសេសនេះ ព្រោះពេលវេលាមានកំណត់។ សម្រាប់ព័ត៌មានបន្ថែម សូមទាក់ទងទូរសព្ទលេខ ០៩៨ /០១៦/០១៧ ៥៩៦ ៧៨៩ ឬអាចអញ្ជើញមកសាកសួរព័ត៌មាន ពីគ្រប់ការិយាល័យលក់ដែលមានទីតាំងក្បែរលោកអ្នករៀងរាល់ម៉ោងធ្វើការ។ធ្វើអោយជីវិតលោកអ្នកកាន់តែមានន័យ!៕[:]

[:km]ស្វែងយលពីអាស៊ាន! ចិនបន្តពង្រីកឥទ្ឋិពលនៅក្នុងប្រទេសថៃតាមករយៈការ វិនិយោគអចលនទ្រព្យ[:]

February 2, 2019

0

[:km]ដោយវុត្ថា
ប្រទេសថៃ៖ គេហទំព័ត៌ដ៏ល្បីរបស់ចិនJuwai.com ចេញផ្សាយកាលពីពេលថ្មីៗនេះ ថា ក្នុងឆ្នាំ ២០១៨កន្លងមនេះ ប្រទេសថៃត្រូវបានជាប់ចំណាត់ថ្នាក់ជាប្រទេសដែលជាទិសដៅនៃការទិញអចលនព្រទ្យ នៅទូទាំងពិភពលោករបស់ជាជនជាតិចិន។

គេហទំព័រនេះបានរាយការណ៍ថា ការសាកសួរពីការទិញអចលនទ្រព្យរបស់ជនជាតិចិន នៅក្នុងប្រទេសថៃស្ថិតនៅក្នុងលំដាប់កំពូល ក្នុងតារាងទិន្ន័យរបស់គេហទំព័របន្ទាប់ពីប្រទេសអូស្ត្រាលី សហរដ្ឋអាមេរិក កាណាដា និងចក្រភពអង់គ្លេស។

អគ្គនាយកគេហទំព័រ Juwai.com លោកCarrie Law បានឲ្យដឹងថា ក្រុមហ៊ុនរបស់លោក មិនដែលឃើញជនជាតិចិនសាកសួរ ពីការទិញលំនៅដ្ឋាននៅក្នុងប្រទេសថៃច្រើនសន្ទឹកសន្ទាប់បែបនេះពីមុនមកនោះទេ។ នេះឆ្លុះបញ្ចាំងថា ប្រទេសថៃបានផ្តល់នូវការអភិវឌ្ឍយ៉ាងល្អ ជាមួយនឹងគុណភាពជីវិត និងការវិនិយោគ។

ជាមួយគ្នានេះដែរលោកថា អាជ្ញាធរថៃក៏បានអំពាវនាវដល់ជនជាតិចិន ដែលជាអ្នកស្វែងរកទិញអចលនទ្រព្យផងដែរ ពាក់ព័ន្ធនឹងការព្រួយបារម្ភពីបរិយាកាសមិនល្អនៅលើអាកាសកាលពីកន្លងទៅនេះ ខណៈដែលតំលៃការវិនិយោគមានតម្លៃទាប និងការអភិវឌ្ឍន៍ហេដ្ឋារចនាសម្ព័ន្ធមានការកើនឡើងខ្ពស់។

លោកបន្តថា កាលពីឆ្នាំ២០១៨កន្លងមកនេះ ជនជាតិចិនស្វែងរកទិញលំនៅដ្ឋានច្រើននៅក្នុងទីក្រុងធំៗជាច្រើន ដោយក្នុងទីក្រុងបាងកកមានចំនួនច្រើនជាងគេ បន្ទាប់មកទីក្រុង ឈាងម៉ៃ ប៉ាតាយ៉ា ភូកេត និងកោះ សាមុយ ។ ជនជាតិចិនដីគោក និងហុងកុងបានទិញលំនៅដ្ឋានច្រើនជាងគេ ក្នុងចំណោជនជាតិជាបរទេសកាលពីឆ្នាំ២០១៨ គ្រាន់តែជនជាតិចិន ទិញអាផាតមិនថ្មីនៅក្នុងទីក្រុងបាងកកមានចំនួន១៥០០យូនីត។

ជនជាតិចិនបោះទុនវិយោគ ទិញលំនៅដ្ឋាននៅក្នុងប្រទេសថៃមានចំនួន២.៣ ពាន់លានដុល្លារសម្រាប់ចិនដីគោក និង១៦.២ពាន់លានដុល្លារពីចិនហុងកុង៕[:]

[:km]មន្ត្រីជំនាញបញ្ជាក់ពីមូលហេតុចំនួនបីនាំឲ្យមានវិវាទដីធ្លីនៅកម្ពុជា[:]

February 2, 2019

0

[:km]ដោយ គង់ សូរិយា

ភ្នំពេញ៖ ប្រធានមន្ទីររៀបចំដែនដី នគរូបនីកម្ម និងសំណង់ និងសុរិយោដីខេត្តកណ្តាលថា បច្ចុប្បន្នវិវាទដីធ្លីមានបញ្ហាប្រឈមយ៉ាងច្រើន គឺបានកើតចេញពីការកើនឡើងនៃកំណើនប្រជាជន និងសេដ្ឋកិច្ច ជាពិសេសច្រើនកើតឡើងពីការបញ្ជាក់ប្លង់ដីជាន់គ្នា។

លោកលឹម ចាន់សូភី ប្រធានមន្ទីររៀបចំដែនដី នគរូបនីកម្ម និងសំណង់ និងសុរិយោដីខេត្តកណ្តាល បានលើកឡើងនៅក្នុងពិធីផ្ទេភារកិច្ច និងចូលកាន់តំណែងប្រធានការិយាល័យរៀបចំដែនដី នគរូបនីកម្ម និងសំណង់ស្រុកល្វាឯម ខេត្តកណ្តាលកាលពីថ្ងៃទី៣១ ខែមករា ឆ្នាំ២០១៩កន្លងមកថា ការងាររដ្ឋបាលដីធ្លី ការរិយាល័យរៀបចំដែនដីស្រុក ត្រូវជម្រុញការចុះបញ្ជីដីធ្លីជូនប្រជាពលរដ្ឋឲ្យមានប្រសិទ្ធភាព និងតាមការកំណត់ រួមជាមួយការចុះបញ្ជីដីរដ្ឋជារូបវ័ន្ត ដែលជាទិសដៅក្រសួងបានជម្រុញឲ្យមានការចុះបញ្ជីដីវត្ត ជូនគណៈកម្មការវត្តជាអ្នកគ្រប់គ្រង ដូច្នេះសូមឲ្យមេឃុំ ឬប្រធានក្រុមប្រឹក្សាឃុំ ត្រូវយកចិត្តទុកដាក់ការចុះឲ្យបានទាន់ពេលវេលា ដែលកន្លងមកការចុះបញ្ជីដីវត្តនេះ មានការយឺតយ៉ាវ ហើយក៏ត្រូវការចុះបញ្ជីដីតាមទីទួលបុរាណ។ ចំណែកអ្វីដែលត្រូវយកចិត្តទុកដាក់បន្ត អាជ្ញាធរឃុំត្រូវជួយមើលបញ្ហាដីរដ្ឋដែលនៅសេសសល់ ដើម្បីបន្តចុះបញ្ជីបន្ថែមទៅជាកម្មសិទ្ធរបស់រដ្ឋផងដែរ។

លោកបន្តថា ដើម្បីជម្រុញការចុះបញ្ជីឲ្យមានតម្លាភាព ភាពត្រឹមត្រូវ និងយិត្តធម៌ គឺសូមឲ្យមានការចូលរួមជាសកម្ម ពីអាជ្ញាធរមូលដ្ឋាន ឬម្ចាស់ក្បាលដីពីភាគីពាក់ព័ន្ធនានា ព្រោះតាមផែនការមន្ទីរ គឺជម្រុញការចុះបញ្ជីក្នុង១ខែឲ្យបានចំនួន១ពាន់ក្បាលដី ឡើង និងការពន្លឿនកសាងឯកសារ សេវាសាធារណៈជូនប្រជាពលរដ្ឋឲ្យបានលឿន ទៅតាមបរិបថ និងពេលវេលាដែលបានកំណត់។

លោកលឹម ចាន់សូភីបានបន្តថា ខណៈដែលវិស័យអចលទ្រព្យដីធ្លី កំពុងមានតម្លៃកើនឡើង ហេតុនេះដើម្បីរក្សាឲ្យមានចីរភាព និងស្ថិរភាព ក្រសួងបានជម្រុញអនុវត្តន៍តាមផែនការមេធំៗជាច្រើន ក្រៅពីការអនុវត្តន៍ផែនការខាងលើ មន្ទីរនឹងជម្រុញការកសាងប្លង់គោល នៅតាមបណ្តាស្រុកនានា នៅទូទាំងខេត្តឲ្យបានចប់នៅត្រឹមឆ្នាំ២០២០ ដើម្បីចៀសវាងនូវវិបត្តិនៅពេលខាងមុខ នៅលើបញ្ហាដីធ្លី និងវិស័យអចលនទ្រព្យ៕[:]

[:km]ស្វែងយល់ពីអាស៊ាន! ទីផ្សារលំនៅដ្ឋាននៅទីក្រុងម៉ានីលនៅតែមានសញ្ញាវិជ្ជមាន[:]

February 2, 2019

0

[:km]ដោយវុត្ថា
ហ្វីលីពីន៖ តម្រូវការទីផ្សារលំនៅដ្ឋាន និងអាគារសហកម្មសិទ្ឋ(ខុនដូ) ក្នុងទីក្រុងម៉ានីលនៃប្រទេសហ្វីលីពីន នៅតែរក្សាបាននូវភាពខ្លាំងបន្ថែមទៀតសម្រាប់ឆ្នាំ២០១៩ នេះដោយសារតម្រូវការជួលស្នាក់នៅមានកំណើនខ្លាំង។

ក្រុមហ៊ុន Colliers Philippines បានបញ្ចេញរបាយការណ៍របស់ខ្លួនកាលពីពេលថ្មីៗនេះថា កំណើនតម្រូវការលំនៅដ្ឋាននៅទូទាំងប្រទេសហ្វីលីពីន បានកើនឡើង៥.១ ភាគរយ ខណៈទីក្រុងហ្សាកាតាកើនឡើង៨ភាគរយ និងទីក្រុងហូជីមីញកើនឡើង៦ភាគរយ។

របាយការណ៍នេះបន្តទៀតថា ការកើនឡើងនេះដោយសារមានអ្នកវិនិយោគ ក្នុងស្រុក និងក្រៅស្រុកកើនឡើង រួមជាមួយក្រុមហ៊ុនសាងសង់កើនឡើងនៅតាមតំបន់ឆ្នេរនៃប្រទេសហ្វីលីពីន បានធ្វើឪ្យកំណើនលំនៅដ្ឋាន ប្រណីតនៅតែរក្សាបាននូវស្ថេរភាពល្អប្រសើរ ។

លោកJoey Roi Bondoc ប្រធានគ្រប់គ្រងផ្នែកស្រាវជ្រាវនៃក្រុមហ៊ុន Colliers Philipinesបានឲ្យដឹងថា ទីផ្សារលំនៅដ្ឋានប្រណីតនៅក្នុងទីក្រុងហ្វីលីពីន មានទំហំតូច តែតម្រូវការវិញមានបរិមាណហួសកំណត់ ក្នុងរយៈពេល២ ទៅ៣ឆ្នាំកន្លងមកនេះ។

លោកបានព្យាករណ៍ថា នៅពេលតម្រូវការកើនឡើង ហើយខ្វះការផ្គត់ផ្គងបែបនេះនឹងធ្វើឲ្យតម្លៃកើនឡើងខ្ពស់ រហូតដល់៧៦០៨ប៉េសូ ក្នុងមួយម៉ែត្រការ៉េ ។ បន្ថែមពីនេះ នឹងធ្វើឲ្យអ្នកអភិវឌ្ឍន៍គម្រោងសាងសង់ ចាប់ផ្តើមសាងសង់លំនៅដ្ឋានសម្រាប់អ្នកមានចំណូលមធ្យមកំរិតខ្ពស់ នៅក្នុងតំបន់សេដ្ឋកិច្ចនៃទីក្រុងម៉ានីល៕[:]